داخلي يتأكل من كثرة التفكير بينما ظاهري زهيد وكأنه بايعها براس مالها

حسيت الصورة تبي وصف ماتجيش بروحها

اليوم مشيت لمعرض الكتاب
رجعلي شغف القرايا

المشكلة ان الشغف اللي عندي مؤقت ومع تفركيس الوقت مانستمرش بوتيرة متواصلة

‏القراء اللي عندي اي شي يساعد في الموضوع وعطوني توصيات لكتب نقراها

طبعا خديت شوية حاجات غير خريطة طرابلس ماعنديش حاجة فيهم لان الكتب اللي نبيها ماحصلتهاش للاسف

كيف كان معرض الكتاب و شن رايك فيه

اجواء المكان جميلة الحق نستريح في اماكن زي هكي تخطرلي بايام زمان في حوش جدي وحوشنا كانوا فيه مكاتب كبيرة وكتب متنوعة

المكان مريح الحق وماينلمش منه تتمنى تاخد هلبا كتب وتنعزل في مكان هادئ وتعيش مع الكتب

اقوى حاجة في المعرض 😂😂

تخوف المراة ☠️

فيه هلبا ناس انخلعوا منها ومن ضمنهم صاحبي

نحسابهم مجموعة من الناس ملبسينهم قناعات ويخدموا في بالي شن يديروا هادم؟ 😂😂

نحب التصوير لكن للاسف لا

هوا سؤال انت تبي كتب ولا خديت كتب مفهمتش

نبي كتب

فيه عندي ثلاث كتب للاندلس ماحصلتهمش واللي هما:
رحلة الشهاب لبلاد الاحباب
ناصر الدين على القوم الكافرين
نفح الطيب في غصن الاندلس

وفيه كتاب تكلم عليه شخص نعرفه دورته وماحصلتاش حتى هوا اسمه: the daily laws للكاتب Robert Greene

‏القراء اللي عندي اي شي يساعد في الموضوع وعطوني توصيات لكتب نقراها

في أي نوع؟ كتب في الأدب واللغة، الشِعر، علم نفس، ديني مُسبط، ديني، روايات -وأي نوع من الروايات؟ بوليسية، جريمة، كلاسيكية، أدب عربي، روايات قديمة أو جديدة وما إلى ذلك..-؟

انا نعرف انهم عالم ولتوا مش عارف شن اللي نبيه بالزبط فيهم

علاش؟
لان جربت نوعت زمان اكتشفت ان فيه انواع كنت متوقعهم ملاح للاسف ماكملتش قراءتهم اساسا وكتب خشيت فيهم لقيتهم ملاح