- الرساله ؛ بصراحه هما الصور الله يبارك بس لو تجي من زاويه اخرا تلاحظ أن في خلل في لون السماء وتحس الصوره طافيه

الكلام كان على الصور هذه

وقعلا هذا اللي نقصده بالزبط

بحكم اللايتروم عندي النسخة العادية مافيش كيف نقسم التعديل

ياما الصورة كلها تتأثر او لا فنمشي باللي موجود وخلاص

- الرساله ؛ انا ما خدمتش في مجال التصوير نهائي بس لما طلع يلي تحكي عليه نفسه يلي لاحظته فرحتني لان ندرب ف الحوش وبرضو لايت روم مش مشتركه فيه تعديل كُلي ونحاول نطور ع قد منقدر وتيلفوني 11 العادي ونحاول هالفتره نغيره الحصيل هواية جداً شغوفه فيها🥲

شوفوا رد بالكم تخلوا عائق يوقفكم

زي ماقلتلكم نحب التصوير من زماان

بداية التصوير كانت ب سامسونج اس 4

وكنت نطلع في صور حلوة وقتها بحكم ماكانش فيه نفس المستوى اللي توا

كنت نصور لروحي بس

الاستمرارية هيا اللي تصقل وتعلم وتوريك اصلا وين الخطأ متاعك

ف وانت مستمر تعلم كيف تطور من نفسك وبالشوية بالشوية تنتقل من جهاز لجهاز احسن

لما بديت نتفكر فيها في 2013,14 ممكن

ووقفت فترة بحكم جهازي تكسر

بعدين رجعت في جو 2016,17

بعدين وقفت مرة تانية

ورجعت على الخفيف فترة 19,20

ومن بداية 2021 رجعت بقوة الحق

في نهايتها تطوعت في الهلال الاحمر واتحاد الطلبة

وحاجة تعلم حاجة