- الرساله ؛ تصويرك و تعديلك تبارك الرحمن ما شاء الله

- الرساله ؛ عندك حساب في بنترست ؟
ليش متنزلش و يكون فيهم توقيعك

الله يبارك فيك شكرا

عندي منزل فيه حاجات بسيطة جدا ممكن مايجوش 10 صور

وللاسف معاش نزلت فيه لان نظامه تنزل حاجة تبيلها وصف ومش عارف شني ف هربت منه 🫠

رغم ان عندي صورتين ليومنا هذا يجوني عليها اعجابات وحفظ

قلتهالكم والعياذ بالله

ماهو نقولك شن يصير لما تصور صورة مليحة تبي تعطيها حقها في التعديل ولما تتعدل كويس تبي تعطيها حقها في التزيل وهنا المشكلة متاعي التصوير والتعديل قبل نديره في نفس اليوم ولا بالكثير ثلاث ايام

ف ماتنزلش نقعد نفكرلها نفكرلها ومع الايام نخش نتفرج عليها

في البداية تكون مبهرة ليا مع المدة وتكرار النظر ليها شن يصير؟؟؟

تعتاد عليها وتشبحها عادية

ومرات بعد فترة تتطور تبدا تشبحلها وتعرف العيوب تقول نفوتها خير

لكن الحمدلله بديت نتغلب عليه الشي هذا

- الرساله ؛ بصراحه هما الصور الله يبارك بس لو تجي من زاويه اخرا تلاحظ أن في خلل في لون السماء وتحس الصوره طافيه

الكلام كان على الصور هذه

وقعلا هذا اللي نقصده بالزبط

بحكم اللايتروم عندي النسخة العادية مافيش كيف نقسم التعديل

ياما الصورة كلها تتأثر او لا فنمشي باللي موجود وخلاص

- الرساله ؛ انا ما خدمتش في مجال التصوير نهائي بس لما طلع يلي تحكي عليه نفسه يلي لاحظته فرحتني لان ندرب ف الحوش وبرضو لايت روم مش مشتركه فيه تعديل كُلي ونحاول نطور ع قد منقدر وتيلفوني 11 العادي ونحاول هالفتره نغيره الحصيل هواية جداً شغوفه فيها🥲

شوفوا رد بالكم تخلوا عائق يوقفكم

زي ماقلتلكم نحب التصوير من زماان