نتفكر زمان كانوا امالينا يحكولنا ان الافلام والمسلسلات وحتى بعض الرسومات حتأثر علينا

طبعا كنا ناكرين الي هذا الا ان حاليا عن نفسي نشوف فيه واحد من اهم الاسباب اللي موصلنا للمواصيل هذه الواحد بدال مايشوف قدوة حقيقة زي الانبياء والصحابة خلينا توا من الانبياء نقولوا صعب حنكونوا زيهم لان الله اصطفاهم واختارهم ولكن الصحابة ناس نقدروا نكونوا زي بعض منهم لا يفوتهم كلهم ويصدق بطل الفيلم الفلاني ويبدا يتقمس في شخصية ومشيته ويسعى ان يدير شي زيه

مع مرور السنين لقينا كل شي حوالينا تغير وانفسنا نفسها انجرت للاسف، وماستاقضش من الشي هذا الا القليل اللي ربي نورلهم عقولهم

ياراجل فيه حاجات لما تقرا عليها وتكتشف ان الصهايnة والماسوnيين كانوا مخططين للشي هذا من كم سنة وينفذوا فيه بالشوية لين تستغرب

وهذا يدل على ان الاستمرارية والتخطيط الدقيق يوصل لنتيجة مانقولش يتحقق لان ربي مش حيعليلهم راية ولكن يتقدموا بدرجة كبييرة واللي نشوفوا في اثارها توا

- الرساله ؛ صحيح ومنطقي.

كونك مسلمًا طبيعياً تحاول أن تعمل بما أُمِرنا به، وتجتهد في الابتعاد عمّا نُهينا عنه، فهذا في حدّ ذاته أمر طبيعي لا يستوجب أي تصنّع أو ادّعاء. لكن الواقع أن كثيرًا من الناس قد ينظرون إليك تلقائيًا على أنك “شيخ” أو قدوة، ويبدؤون في ترصّد زلّاتك ومحاسبتك على كل خطأ.
غير أن السؤال الحقيقي هو: هل هذا مهم فعلًا؟
من وجهة نظري: لا.

أنت لم تدّعِ الكمال، ولم تتقمّص دورًا ليس لك، بل كنت مسلمًا يحاول الالتزام بما كُلِّف به.
أما الصورة التي كوّنها الآخرون عنك، فهم مسؤولون عنها، لا أنت .. فنحن بشر، والخطأ وارد، وحسابنا في النهاية مع الله ربّ العالمين، لا مع الناس.

أما الخوف من الحديث في الأمور الدينية بسبب الشعور بقلة المعرفة، فهو ـ في نظري ـ خوف غير محمود. ذلك لأننا جميعًا سائرون في طريق التعلّم، نتعثر أحيانًا وننهض أحيانًا أخرى، ولا أحد منا مُحاط بكل علم الدين. بل قد لا يتجاوز علم بعضنا نسبة بسيطة جدًا، ومع ذلك فهذا لا يمنعنا من التفكير أو النقاش.

فإن كان لديك موضوع ديني يشغلك، يمكنك تناوله من باب الحوار والنقاش لا من باب الإفتاء أو الادّعاء.
ثقّف نفسك فيه قدر استطاعتك، اطرح فكرتك، استمع لآراء الآخرين، وإن وُجد من هو أعلم منك فسيبيّن لك الخطأ ويصحّح لك المسار، وهذا في حد ذاته مكسب لا خسارة.

أما الصمت الدائم بحجة قلة العلم ، فمعناه أننا لن نتحدث أبدًا .
بل إن النقاش والحوار هما من أهم أسباب زيادة العلم؛ لأنهما يدفعان الإنسان إلى البحث، والتأمل، والمراجعة.
والفكرة التي تبقى حبيسة الرأس دون كتابة أو نقاش، غالبًا ما نكتشف لاحقًا أننا لا نفهمها إلا فهمًا سطحيًا مشوّهًا.

لذلك، الحديث الواعي، والنقاش المسؤول، والسؤال الصادق، كلها وسائل مشروعة وضرورية للنمو في الفهم والمعرفة، ولا ينبغي أن يمنعنا منها خوف غير مبرر أو نظرة الناس.

الكلام الله يبارك حقيقي وهذا اللي المفروض نطبقوه، لكن انا انبهرت بعلامات الترقيم والدلع الله يبارك 😂

- الرساله ؛ https://t.me/LegacyDraft/1308

صراحة اتفق في فترة ما قناتي كانت دينية الى حد ما لعندما شفت حد يحكي انه رياء وهكي ومنها نقصت شوية

شوفوا الجانب هذا عن نفسي تعرضتله

ولكن في كم من موضع في القرآن كنت نقرا ان الانفاق يكون سرا وعلانية نحكي من ناحية الانفاق والصدقات حاليا

لان فعل الخير في العلن يخلي غيرك يتشجع وهذا طبع في الانسان وفي نفس الوقت لما يتم اعلان الشر مع الوقت اي انسان يتشجع لفعله والدليل زي ماصاير توا من قتل بدم بارد، ربا غاطسين فيه في كل تعاملاتهم، الخنبة والرشوة والفساد لما بدت تطلع ومافيش من يردع وماطلعش شي عكسه شوفوا اللي صاير فينا توا

وهذا نفسه يكون في الاعمال في النصيحة في نفسك انت لما تتعلم حاجة جديدة تجي تحكيها من باب تعلمت الحاجة هذه وبتفيد غيرك،
ضروري مايطلعلك شخص يقولك رياء ويحبطك

الرياء لو بيكون موجود حيكون موجود في القلب وصدقوني صاحب الرياء مش حيطول وينفضح

اللي يدير الخير بيش يقولوا دار مش زي اللي يديره لانه مقتنع ومخلص الله فيه

ف عن نفسي نشجع الشي هذا ولو انك تنصح نصيحة

اللي يكلم فيكم مداير فيديو على تحدي جاني من فترة وتصوير الفيديو درته بطريقة تشجيعية وان الناس تحب التحديات ولكن للان مانزلتاش خوفا من الجانب هذا مش لان خايف من الناس ماعنديش بال للنفخ متاعهم الواحد يالله يحز النفخ اللي عنده ولكن الفيديو حينزل بعون الله

درر ياسيدها درر

في زمن الفتن!
لا يُراقَب العاصي، بل يُراقَب الملتزم ينتظرون زلته ليقولوا: أين التزامه؟

حكينا واجد مش شوية 😂

شاركونا ارائكم ولو فيه نقطة تستحق التصحيح فيدونا

فعلا كلامك صحيح وهذه نعمة من الله ان بان عليك الشي هذا، انا ديما نغوض في حرب فكرية على موضوع لو ان قابلني شخص دماغة مغسول بطريقة سيئة جدا كيف حنقدر نخش فيه ونقنعه بان اللي هوا فيه للاسف غلط ف لو عندك بعض النقاط تفيدينا بيها ياريت