وانا مانعرفش تركي

طبعا انا سمعته قالي لغتهم تركية ماتشدوهاش عليا

ولان عدم الاستسلام والصبر واستمرار المحاولة مستحيل تخيبك وتوصلك لنتيجة

سايسنا بعضنا لين حصلنا كيف نتواصلوا

الا وهوا مترجم قوقل 😂

الراجل سمعته يقرا في القرآن بالعربي لكن ماركزت

المهم بدينا نتعرفوا بالطريقة هذه

اكتشفت ان يحاول يتعلم العربي على خاطر القرآن وتجويده

ياجماعة طلبت منه يقرالي وفوجئت باتقانه والله

رغم ان مايفهمش الا في شووية حاجات ومايعرفش يرد ولا يجاوب

شفتوا الجهاد وين واصل بيه

تمينا هدرزة وعرفني على خوه الكبير فرحانين بيا بشكل رهيب مافهمت علاش

طلب يصور معايا وخدينا ارقام بعض لان خطير ماسح برامج السوشل ميديا قالي سبب في اهدار الوقت والوقت مهم

سبحان الله الراجل هذا اطلع من وراه عبر وحكم

كفاح واهتمام بالدين والقرآن ونظام

قلتله كان سخر الله وجيت لاذربيجان حنتواصل معاك توريني فرح

بدي يوري فيا من توا من اليوتيوب

بعدها خلاص كل واحد لهي في روحه

بدي يسمع فيا نقرا في القرآن ومركز

(قبل مش حنقولها الجملة هذه باش ماتقولوش رياء ومش عارف شني لكن ماتعرفونيش مني ف ملحوا 😂)

قعد فترة لين قاطعني قالي انا ضروري نمشي طالب رضاك وشكرااا

استغربت من كلامه قلتله مشكور جزاك الله خير الا وان الراجل حضني ومشي