فيديوهات إضافية ل SMC مفيده

اللي بيشرح Trading Hub ديه غير الكورس الأصلي بس كويسه

تحت كل فيديو عنوان الفيديو وشارح ايه

مسار ال SMC
🟢🟢🟢

رأيي في كورس الهاجري لإني شايفه واخد أكبر من حجمه بكتير 🆘🆘

عايزك تاخد نفس عميق كده علشان انت داخل تقرأ مقالة 😁

والمهم هتلاقيني كاتب في الآخر شوية نصايح هتفيدك 🌹

طيب كورس الهاجري بالنسبالي عبارة مراجعة فقط
مراجعة علي اللي انت اتعلمته .. مش زي ما هو متداول بين الناس بإنه "المختصر المفيد" 😄
يعني لو واحد داخل يتعلم مش هيعرف يتعلم صح وهيحس إنه غبي واستيعابه ضعيف .. اه والله زي ما بقولك كده

طب ليه ؟؟ لإن بكل بساطة إنت لما بتتعلم طريقة تحليل جديدة إنت محتاج تفهمها بشكل مفصل وواضح لإنك متعرفش عنها أي حاجة
فلما انا آجي أعملك فيديو عن نموذج هارمونيك مدته دقيقتين .. هل هتفهمه بشكل كويس ؟!
أنا حطيت نفسي مكان الشخص المبتدئ والإجابة كانت بكل تأكيد لا .. لإنك مش هتلحق تاخد تفاصيل عنه أصلا
انت هتاخد شوية نسب والسلام عليكم

وانا عارف والله إن الهارمونيك مش صعب
بس مش لدرجة إني أعمل فيديو مدته دقيقتين !!

طب تعال نشوف ال SMC
هتلاقيه مثلا في شرح الأوردر بلوك قال إنك بتحدده عن طريق آخر شمعة صاعدة في الإتجاه الصاعد
وآخر شمعة هابطة في الإتجاه الهابط
ولما جه طبق قعد يطلع مناطق من منتصف الإتجاه ويقولك بص السعر احترمها ازاي
لا ثواني بس يا كده يا حبيبي .. انت طلعتهم ازاي أصلا ؟؟
طب ليه اخترت الأوردر بلوك ده وسبت اللي فوقيه أو اللي تحتيه ؟؟
طب ازاي افرق بين الأوردر بلوك القوي وبين الضعيف ؟؟
هنا بقي تسمع صوت صرصور الحقل ومتلاقيش تفاصيل
ولما جه يعمل باك تيست علي السريع .. اتزنق عند منطقة فيها كذا أوردر ممكن يختاره
وحدد أوردر بلوك السعر محترمهوش وقام قال معلش مش هو ده الأوردر بلوك ده طلع اللي فوقيه 🙈

الله .. طب ليه السعر كسر ده وارتدت من اللي بعده ؟
قالك كل ده هشرحهولك بالتفصيل
قولت يا مسهل في أمل يعني

دخل بعد كده شرح ال FVG وال BOS & CHOCH وال Liquidity
وهوب الكورس خلص بدون ما يشرح تفاصيل ولا حتي من غير ما يجمع الأدوات دي مع بعض ويعرفك هتشتغل بيهم ازاي !!
ده غير إنه أصلا سايب كذا حاجة مشرحهاش في ال SMC


لسه باقي المقالة تحت 🟠🟠🟠

طب تعالي علي الزمني ⭐️⚡️⚡️

الراجل قال في الفيديو بتاع الزمني أنا مش متعمق في الزمني
جميل بس ليه حضرتك كاتب في محتوي الكورس "دورة التحليل الزمني" وانت اشتغلت فقط بمربع ال 144 ؟؟!
الله وبعدين دورة تحليل زمني وعاملها فيديو واحد مدته 20 دقيقة دانت جاحد .. نقول لابو رحاب يعتزل الزمني بقي 😂
المهم إن دي ملهاش إجابة عندي غير إنه تسويق رخيص علشان يبيع الدورة بسعر غالي

طب تعالي علي الموجي
كاتب برضو في محتوي الدورة "دورة التحليل الموجي"
اللي يبص من بعيد هيقول الراجل ده جاب التحليل الفني في شوال 😅
تيجي تشوف الموجي تلاقي فيديو واحد مدته 16 دقيقة
ده الموجيين لو شافوه هيعتزلوا الموجي بسببك يا جدع 😂
في الفيديو قالك النماذج فقط
طب أنا هعمل إيه بنماذج من غير ما اشتغل بيها ؟
مجرد تثقيف يعني ؟ لو كده فيبقي متكتبش دورة التحليل الموجي بقي 😊

واحد محنك هيقولي بس الكورس ناقصه دورة الإستراتيجيات وإدارة رأس المال
حبيبي إدارة رأس المال دي انت لازم تتعلمها بنفسك علشان كل واحد وحسب محفظته فيها كام
وحسب أهدافه وهل هو عايز يبقي مستثمر بس ولا مستثمر ومضارب
ودي شوية فيديوهات علي اليوتيوب هتفهمك الدنيا

نيجي بقي للإستراتيجيات
بناءا علي الجزء الأكبر اللي معانا من الكورس .. فانا مش متوقع كتير من الجزء ده 😊
والمتوقع إنه في الجزء ده هيبدأ يجمع بين فيديوهات ال SMC والهارمونيك
لإنه مجمعش بين أدوات ال SMC لو تفتكر كلامي فوق
وده لازم ومهم علشان تعرف هتشتغل ازاي ومتبقاش تايه وسط الأدوات الكتيرة

طب يا عم أومال انت منزل الكورس ليه طالما هو مش هيفهمنا بشكل صحيح ؟
حضرتك هو عمال يسوق لنفسه وينزل صفقات الفيوتشر اللي بتوصل ل 1000% واللي هو بالمناسبة الفيوتشر حراااام
المهم إنه عمال يغري الناس بأرقام غبية .. وهو أصلا بيقعد ينزل تحليلات صاعدة وتحليلات هابطة ومتعرفش السوق رايح فين
فانت بقي كمتداول غلبان كل شوية تدخل في صفقة وتخسر وطالع عينك .. لما تشوف الأرباح دي هتجري تفتح الآلة الحاسبة
وهوب دبل كيك هتلاقيك عيشت في وهم الثراء السريع من غير ما تحس أو يمكن انت أصلا بتدور عليه 😅
فتيجي يابو عمو تشوف سعر دورته تلاقيها ب 500$ !!
500$ ومن وجهة نظري كتير جدااا ومتستاهلش السعر ده

هتقولي من حقه يسعر الكورس بتاعه براحته .. هقولك وانا من حقي أقول رأيي براحتي 🤝

وعايز تعرف كلامي ده صح ولا لا
روح شوف كورس آبيلاردو في ال SMC ➡️➡️
وشوف كورس ابو رحاب في الزمني ➡️➡️
وشوف كورس عبدالله أبو محمد في الهارمونيك ➡️➡️
وشوف هلال الخالدي في الموجي➡️➡️
وانت تعرف كلامي ده صح ولا غلط

يتبع 🟠🟠🟠

نيجي لأخر جزء

وهو رأيي المتواضع اللي محدش منتظره 😁


الجمع بين طرق التحليل مش غلط .. بل بالعكس هيبقي مفيد ليك بس بعد فترة طويلة
ولكن ولكن ولكن لو معملتش الكلام اللي هقولهولك دلوقتي .. الموضوع هيجي معاك بالسالب وهتبقي مشتت ومش عارف تكسب

أولا لازم تتخصص في طريقة واحدة تبقي انت حاببها وحاسس إنك بتبدع فيها علشان دي اللي هتبقي الأساس اللي انت بتعتمد عليه
واللي هتساعدك طول فترة التعليم إنك تتداول وانت بتتعلم
علشان متبقاش عمال تتعلم ومش عارف تثبت علي طريقة تكسب منها

بعد كده حضرتك علشان تجمع بين طرق التحليل لازم تتقن كل طريقة لوحدها وتتخصص فيها فترة
تتخصص فيها يعني تحاول تتعلم من أي حد بيشرحها
وتطبق عليها كتيييير جدااا .. التطبيق والباك تيست مهمين جداااا علشان تفهم طريقة التحليل صح وتعرف مناطق الضعف والقوة في كل طريقة
وتعرف ازاي تدمج بين طرق التحليل وتخليهم يكملوا بعض مش يشتتوك وكل طريقة مطلعالك دعم ومقاومة مختلفة

وكمان علشان تعرف الفرق بين النماذج المثالية اللي هما بيشرحهو (واللي هيا مش موجودة بالمناسبة)
وبين النماذج الحقيقية اللي بتقابلها علي الشارتات (واللي هيا ممكن نقول عليها مشوهة 😅)

ومش معني إن المحاضر طبق في الفيديو علي شارت حقيقي يبقي انت كده عرفت تطبق ازاي وفهمت كل حاجة
لا بالعكس ادخل كده علي الشارت وطبق .. هتحس إنك مش فاهم أي حاجة والموضوع صعب
ولكن مع التطبيق مرة واتنين وتلاتة هتلاقي الدنيا بقت جميلة

واعتبر التعليم هنا تعليم مفتوح
يعني مفيش وقت محدد لانتهاء التعليم
السوق كل فترة تحليله بيبقي أصعب من الأول .. فانت لازم تتطور من نفسك كل شوية

وبعدين يعني اللي عايز يتعلم في شهر ولا اتنين أو حتي سنة ويبقي محترف في شغلانته
بكل بساطة اعتبر نفسك في المدرسة .. يعني إيه ؟
يعني شوف انت قدامك كام سنة علشان تخلص تعليم وتشتغل
قدامك الإبتدائية والإعدادية والثانوية والجامعة وبعد كده تشتغل
طب هل اشتغلت كده خلاص مهمة التعليم انتهت ؟
لا دانت علشان تترقي ومكانتك ومرتبك يزيدوا محتاج كورسات وشغل علي نفسك بقي من غير أستاذ أو دكتور وامتحانات

لا دانت المشرف علي نفسك .. لو تكاسلت يبقي بكل بساطة تريقتك هتتأخر
فانت بتضغط علي نفسك أكتر من الأول وبتحارب كسلك وتفضل تتعلم طول حياتك
والوقت اللي هتتوقف فيه عن التعليم فديه بداية فشلك

نفس الكلام عندنا برضو في أسواق المال

ونفسي أعرف الشخص اللي قال اتعب دلوقتي علشان تستريح بعدين 😂

المهم عندك المسارات احنا حاطين فيها أفضل الكورسات في كل طرق التحليل يعتبر
ولو في كورس تاني انت عايزه مش لاقيه .. كلمنا ولو عرفنا نوفره هنوفره ومش هنتأخر عليكم ❤️

ابديء من هنا ➡️➡️➡️
🟢🟢🟢🟢

طريقة إضافة ملف الترجمة للفيديو ✅✅

1- هتنزل تطبيق "MX Player" من جوجل بلاي

https://play.google.com/store/apps/details?id=com.mxtech.videoplayer.ad


باقي الخطوات في الكومنتات تحت البوست ده

طبق الشرح علي كورس فوتون من هنا

https://t.me/Learncryptobtc/2290

تحديث في

🟢 مسار ال smc ➡️⚡️⚡️

Trading Hub 3.0 بالترتيب

والترجمه تحتهم

أخر فيديوهين المضغوطين ملهمش ترجمه لو حد لقاها يبعتهالي ياريت احدثها للناس


🔤🔤🔤🔤🟢🟢@wolfcharts ✅