සම්බන්ධයකදි දෙදෙනෙක් අතර හුවමාරු වෙන ප්‍රශ්න තුළින් දෙදෙනාටම ඔවුන් ගැන අවබෝධයක් ලබාගන්න පුලුවන්.

හැබැයි "මම ආදි කල්පිත පණුආකාර සත්වයෙක් උනොත් ඔයා මට ආදරය කරනවද?" වගේ ප්‍රශ්න ඇහුවොත් නං තියෙන සම්බන්ධයත් නැති වෙන්න පුලුවන්.

ඒ නිසා ඇයගෙන්/ඔහුගෙන් වෙන අහන්නම දෙයක් නැත්තං මේ දේවල් 10 අහන්න.

1. අද ඔයාට නරක දවසක් නං , ඔයාව ප්‍රබෝධමත් කරන්න හෝ උදව් කරන්න මට කරන්න පුලුවන් දෙයක් කියනවද?

2. මාව මතක් වෙනකොට ඔයාට එන පළමු හැඟීම මොකක්ද?

3. අපි ළඟින් ඉන්නැති වෙලාවට , ඔයාට මං ගැන කී වරක් මතක් වෙනවද?

4. අපි දෙන්න ගතකරපු ආදරණීයම මොහොත මොකක්ද?

5. මම ඔයාට කොහොම ආදරය පෙන්නනවටද ඔයා වඩාත්ම කැමති?

6. අපේ සම්බන්ධය ගැන ඔයා සතුටු වෙන්නෙ මොනවටද?

7. අපේ සම්බන්ධය ගැන එක වචනයකින් කියන්න කිව්වොත් ඔයාගෙ උත්තරේ මොකක්ද?

8. මේ සම්බන්ධය තුළ ඔයාට දැනෙන ලොකුම බය මොකක්ද?

9. ඔයා ආදරය කරන , අපි දෙන්න අතර තියෙන වෙනසක් කියන්න.

10. ඔයාට තරහ යන හෝ ඔයා අකමැති , අපි දෙන්න අතර තියෙන වෙනසක් කියන්න.

#Relationship_Tips

අපි මේ අවුරුද්දෙ,

🏖 අපේ අනාරක්ෂිත බව මත වෙනත් අයට පහර දෙන එක නවත්තමු.

🏖 සෑම දේකටම අපේ තනි මතයන් දක්වන එක නවත්තමු. ඒ වෙනුවෙන් රණ්ඩු සරුවල් කරගැනීම නවත්තමු.

🏖 සෑම විටම අපිවම නිවැරදි කරගන්න වාද විවාද වල පැටලෙන එක නවත්තමු.

🏖 සෑමදේකම වලංගුභාවය විමසීම නවත්තමු.

🏖 වෙනත් අයව සතුටට පත් කිරීම වෙනුවෙන් තමන්ගෙ ජීවිතය විනාස කරගැනීම නවත්තමු.

🏖 පදනම් විරහිතව අන් අයට ඡෝදනා කිරීම නවත්තමු.

🏖 සෑම දේකම ගතයුතු දේට අමතරව අනවශ්‍ය දේවල් වලම එල්ලී ඉන්න එක නවත්තමු.

🏖 අන් අයව විවේඡනය කිරීම නවත්තමු. අන් අයගේ මතයන් වලට පහර දීම නවත්තමු.

#Life_Tips

එයත් එක්ක කරන චැට් එක කාන්තාරකරණය වීම වළක්වගෙන , චැට් එක දිගටම ශක්තිමත්ව පවත්වගන්න මේ දේවල් උදව් වෙයි.

🪴 හැකි තරම් ඉක්මනින් reply කරන්න. සහ seen කරන්න.

🪴 තනි වචනයේ පිළිතුරු දීමෙන් වළකින්න උත්සාහ කරන්න. (හා , ඔව් , නෑ වැනි)

🪴 අරමුණක් ඇතිව පිළිතුරු දෙන්න.

🪴 Imojis සහ Gif භාවිත කරන්න. (අනවශ්‍ය විදිහට imoji වලින් විතරක්ම චැට් කරන්න එපා)

🪴 ඉඳහිට හෝ Memes වැනි හාස්‍යජනක දෙයක් චැට් එක අතරතුර එයාට යවන්න.

🪴 එයාගෙන් ප්‍රශ්න අහන්න බය වෙන්න එපා.

🪴 එයා කරන විහිළු වලට ධනාත්මකව ප්‍රතිචාර දක්වන්න.

#Relationship_Tips #Text_Tips

ප්‍රසිද්ධ පුද්ගලයන්ගේ කියමන් කීපයක්...

1. "අසාර්ථකත්වය පරාජිතයන්ව පරාජය කරනවා. නමුත් ජයග්‍රාහකයන්ව දිරිමත් කරනවා."
- Robert Kiyosoki -

2. "ඔබේ අනාගතය ගැන අනාවැකි කීමට ඇති හොඳම ක්‍රමය , ඔබම එය නිර්මාණය කිරීමයි."
- Abraham Lincoln -

3. "impossible යන වචනය තුළම I'm possible යන පණිවුඩය දෙනවා."
- Audrey Hepburn -

4. "මිනිසුන් අමතක කරනව ඔබ පවසපු දේවල්. මිනිසුන් අමතක කරනව ඔබ කරපු දේවල්. නමුත් ඔවුන් කවදාවත් අමතක කරන්නෑ ඔබ ඔවුන්ව සතුටට පත් කලේ කොහොමද කියල."
- Maya Angelou -

5. "උත්සාහ කිරීම නවතාදමන තාක්කල් ඔබ පරාජිතයෙක් නොවේ."
- Mike Ditka -

#Saying

වැරදි කරපු අය එක්ක කේන්ති ගැනීම නොකළ යුතු දෙයක්. විශේෂයෙන්ම ගොඩක් දෙමාපියන් මේ දේ කරනව. දරුවන් කරන සුලු වැරදි වලට පවා අධිකව කේන්ති ගන්නව.

එහෙම කේන්ති ගැනීම තුළින් , ඔවුන්ට වැරදි නොකර ඉන්න කියල උගන්නන්නෑ. එහෙම කේන්ති ගැනීම තුළින් වෙන්නෙ ඔවුන් තමන්ගෙ වැරදි සැඟවීමට පෙළඹෙන එකයි.

ඒ නිසා විවෘත කතා බහ තුළින් සහ , ඔවුන්ව තේරුම් ගැනීම තුළින් එවැනි වැරදි නොකර ඉන්න යැයි ඒත්තු ගන්වන්න පුලුවන්.

#Life_Tips

කේශනාලිකාවක් හානි වී රුධිරය වහනය වන ආකාරය.

#Knowledge #Social_Mid

ලිංගික හැසිරීමක් අතරතුරේ පුරුශයන් විසින් කරන ලොකුම වැරැද්දක් තමයි , කාන්තාව ව ඉතාමත් තදින් ස්පර්ශ කරන එක. පුරුශ ස්පර්ශය ගොඩක් දැඩි වෙනවට කැමති කාන්තාවනුත් ඉන්නව.

නමුත් දෙදෙනා අතරම වඩාත් හොඳ අවබෝධයක් ලබාගැනීමට , ඒ ගැන පළමුවෙන්ම කාන්තාවගේ කැමැත්ත ගැන විමසා සිටින එක වඩාත් උචිතයි.

ඇයට , ඔබේ අත ගෙන ඇයව සැනසිය හැකි ආකාරය පෙන්නල දෙන්න ඉඩ දීම තුළින් පුරුශයන්ට මේ ගැන වඩාත් හොඳ අවබෝධයක් ලබා ගන්න පුලුවන්.

#Relationship_Tips #Censored

(Most Suitable for 18+ contents will be notified with #Censored hashtag and , spoiler effect.)

අපේ ඇස් දිගටම වර්ධනය වෙනවද?

ඇස උපතේදීම වර්ධනය නතර වෙනව කිව්වොත් ඒක මිත්‍යාවක්. අපි ඉපදෙනකොටම ඇස සම්පූර්ණයෙන්ම වර්ධනය වෙලා නෑ.

බිළිඳෙකුගෙ ඇසක් හරිම ලස්සනට පේන්නෙ , බිළිඳාගෙ අක්ශි විවරය , ගොඩක් පොඩි නිසා ඇසේ සුලු කොටසක් විතරක් පිටතට පේන නිසයි. ඒ කියන්නෙ අපිට බිළිඳෙකුගෙ ඇසක පේන්නෙ විශාල කලු ඉංගිරියාවක් (තාරා මණ්ඩලය සහ කණිනිකාව) සහ වටේට පොඩි සුදු පැහැ ප්‍රදේශයක් (ස්වේත ඝන ස්ථරය) විතරනෙ.

නමුත් දේහය වර්ධනය වෙනවාත් සමගම , අක්ශි විවරයත් විශාල වෙනව. අන්න එතකොට පිටතට විවෘත වෙන ඇසේ ප්‍රමාණයත් වැඩි වෙනව. ˢᵉᵉ

බිළිඳෙකු ඉපදිලා අවු.2 පමණ යනකං ඇස වර්ධනය වීම සිදු වෙනව. නමුත් දේහයේ අනිත් අංගයන්ට සාපේක්ෂව , ඇසට තියෙන්නෙ බොහොම සුලු වර්ධන වේගයක්. ඒවගේම සමහර මිනිසුන්ගෙ ඇසේ වර්ධනය සම්පූර්ණයෙන්ම නතර වෙන්නෙ අවු.20 -21 වගේ කාලසීමාව තුළයි.

#Knowledge

දුරේක්ශයෙන් නිරීක්ශණය කළ පසු , ගැලීලියො ගැලිලි විසින් අඳින ලද සඳෙහි පළමු චිත්‍ර කීපය.

- 1609

#History #Astronomy

දේශප්‍රේමී පරිසර හිතකාමී ඔක්සිජන් වලට ගරු කරන එක්තරා ඇමතිවරයෙක් විසින් , නගරයකට නිවෙස් 100ක් ඉදි කරවා දෙන ලදී.

එම නිවෙස් 100ටම 1 සිට 100 දක්වා අංක සලකුණු කරන ලද අංක තහඩුවක් බැගින් සවි කරන ලද්දේ නම් , "9" හි ඉලක්කම එම අංක තහඩු වල කී වරක් සඳහන් වී ඇත්ද?

#Fun

Answer - Try Your Own First

සැබෑ ආදරයට කවදාවත් සතුටුදායක අවසානයක් ලැබෙන්නෑ. මොකද සැබෑ ආදරය කිසිදා අවසන් වෙන්නෑ.

#Night_Thoughts

වෙනත් මාසවලට වඩා ජනවාරි මාසය තුළදී , ආදරවන්තයින් හෝ විවාහකයන් වෙන් වීමට සහ දික්කසාද වීමට නැඹුරු වේ.

වැඩිදුර තොරතුරු - Read

#Facts

Final Result

1. කිකිළි
2. කෝච් ඩුමාල් 🤷
3. බිත්තරේ

මේ ගැන ලිපියක් දාන්නම්.

අපි අපේ ජීවිතය කාර් එකකට සමාන කරමුද?

කාර් එකක ඉදිරිපස වීදුරුව ගොඩක් ලොකුයි සහ පුළුල්. නමුත් අපිට පිටුපස පෙන්නන පැති කණ්නාඩි හරිම පුංචියි.

ඒකට හේතුව , පිටුපස බලනවට වඩා ඉස්සරහ බලන එක වැදගත් වීමයි.

පිටුපස කියන්නෙ අතීතයට. අපි අතීතය දිහා බලන්න ඕනෙ තමයි. නමුත් ඉතාමත් සුලු වශයෙන්.

ඉදිරිපස කියන්නෙ අනාගතයට. අනාගතය බලන්න විශාල වීදුරුවක් තියෙන්නෙ , අපේ අවධානය වැඩිහරියක්ම යොමු වෙන්න ඕනෙ අපේ අනාගතයට නිසයි.

අතීතයට වඩා වැදගත් වෙන්න ඔයාගෙ අනාගතයයි.

ඒ නිසා අනාගතය දිහා හොඳට බලන් ජීවන මාවතේ ගමන් කරන්න. ඒ අතරම වරින් වර අතීතය දිහා බලන්න.

#Life_Tips

2023 අවුරුද්ද වෙනස් කරගන්න මේ දේවල් කරන්න

1. සෑම දේකටම පැමිණිලි කිරීමේ අයහපත් පුරුද්ද අතහැර , තමන් කොතරම් වාසනාවන්තද යන්න දිනපතා සිතන්න.

2. තනිකම ශක්තියක් කරගෙන , ඔබ ඔබම වෙන්න. තනිකම තුළ ඔබගේ සැබෑ ප්‍රතිරූපය නිර්මාණය කරගන්න.

3. ඔයාගෙ ජීවිතයට ධනාත්මක ශක්තියක් ගෙන නොදෙන සෘණාත්මක දේවල්ම ගෙන එන පුද්ගලයන්ට සමුදෙන්න.

4. රූපවාහිනියෙන් ගැලවෙන්න. අන්තර්ජාලය සීමා කරන්න.

5. ඔබ කැමති හෝ , ඔබට අවශ්‍ය එක් නිපුණතාවක් තෝරාගෙන , එය වර්ධනය කිරීමට මුලු ශක්තිය සහ උත්සාහය යොදන්න.

6. ඉලක්ක සිහිකරගන්න. ඉලක්කය සපුරා ගන්නා තෙක් ආපසු හැරී නොබලන්න. ඒ වෙනුවෙන් කැප වෙන්න.

7. ව්‍යායාම වල නිරතවෙන්න. දිනපතා හෝ සතිපතා කාලසටහනකට අනුව ව්‍යායාම කරන්න.

8. ඔබ කරන වැරදි වෙනුවෙන් දුක් වෙන එක නවතා , ඒවා නැවත නොවෙන්න එයින් යමක් ඉගෙනගන්න.

9. මිනිසුන්ට අවංක වෙන්න. ප්‍රියමනාප වෙන්න. ගරු කරන්න.

10. මනා කලමණාකාරීත්වයෙන් දවස ගෙවන්න. නින්ද උචිත ලෙස පාලනය කරගන්න.

#Life_Tips

කුහුඹුවන්ට අමාශ දෙකක් තියෙනව. (Stomach). එකක් කුහුඹුවන්ගේ පෞද්ගලික දේහයට. එකක් , අනෙක් කුහුඹුවන් සමග බෙදාගන්නා ආහාර ගබඩා කර තබා ගැනීමට.

මේ ක්‍රියාවලියට කියන්නෙ trophallaxis කියල. ඒක කුහුඹුවන්ගෙ කණ්ඩායම් හැකියාව වැඩිදියුණු කිරීමේ තවත් එක් උපක්‍රමික ක්‍රියාවලියක්.

#Knowledge

විවාහක කාන්තාවන් 10 දෙනෙකුගෙන් එක් අයෙක් ලිංගිකව හැසිරීමට ආශාවක් නොමැතිව ලිංගිකව හැසිරී ඇත. නමුත් මේක සිදුවෙන්නෙ සැමියාගෙ ප්‍රචණ්ඩත්වය නිසා වෙන බලපෑම් මත නෙවෙයි.

සමහර කාන්තාවන් , තමන් විවාහක බව පදනම් කරගෙන අකමැත්තෙන් උනත් සැමියා වෙනුවෙන් ඒ ඒ රාජකාරි ඉටු කරනව. ඔවුන් පවසන්නෙ ලිංගිකව එකතු වීම ගෙදරපළ වැඩ කරනව සේම අසතුටුදායක ක්‍රියාවක් බවයි.

ඒ නිසා අඹු සැමි අන්‍යෝන්‍ය සන්නිවේදනය මත මෙවැනි ගැටළු සාකච්ඡා මාර්ගයෙන් විසඳා ගැනීම තමයි උචිතම දේ. නැත්තං විද්වත් උපදෙස් ගන්නත් පුලුවන්.

සතුටුදායක නමුත් දුක්බර (අද මැච් එකේ වගේ) සම්බන්ධයක් ඇතිකරගන්නවට වඩා බුද්ධිමත්ව කටයුතු කිරීමෙන් මෙවැනි ගැටලු නිරාකරණය කරගන්න. ඒක පවුල් ජීවිතයට ගොඩක් බලපාන දෙයක්.

#Relationship_Tips #Censored

යහපත් සබඳතාවක් පවත්වගන්න , මේ නීති පහ අනුගමනය කරන්න

1. සෑම අවස්ථාවකම අනෙකාට උපකාර කරන්න. ප්‍රසංශා කරන්න.

2. කිසිම වෙලාවක අනෙකාව සමච්චලයට හෝ නින්දාවට පත් කරන්න එපා.

3. අනෙකාගේ යහපත් දේවල් ගැන පමණක් කතා කරන්න. එසේ කිසිවක් නැතිනම් , ඒ සම්බන්ධ දේවල් කතා නොකර ඉන්න. (නමුත් ගැටලුවකදී සෑම දෙයක් ගැනම විවෘතව සාකච්ඡා කරන්න)

4. අනෙකාට නිසි අවධානය ලබා දෙන්න. ඔවුන් ගැන අවධානයෙන් සිටින්න.

5. අනෙකාගේ ධනාත්මක ගුණාංග දෙසට අවධානය යොමු කරන්න. කිසිම කෙනෙක් අංග සම්පූර්ණ නොවන නිසා සෘණාත්මක දේවලටම ඇලී ගැලී සිටින්න එපා.

#Relationship_Tips

🌿 Phyllium giganteum , එහෙමත් නැත්තං යෝධ මැලේසියානු කොළ කෘමීන් තමයි ලෝකෙ ඉන්න විශාලතම කොළ කෘමීන් වර්ගය.

මේ විශේෂය සමන්විත වෙන්නෙ ගැහැණු සතුන්ගෙන් විතරයි. ඔවුන් සංසේචනය නොවූ බිත්තර දමමින් නව ගැහැණු සතුන්ට උපත ලබා දෙනව.

(a.k.a - Giant Malaysian Leaf Insects)

#Knowledge