මගුල් මුද්ද , අපේ අතේ හතරවන ඇඟිල්ලට දාන්නෙ ඇයි කියල දන්නවද?

ඒකට හේතුව තමයි ඉස්සර රෝමය තුළ මතයක් තිබිල තියෙනව , අපේ හදවතේ සිට එන රුධිර නහරයක් සෘජුවම , අපේ අතේ හතරවෙනි ඇඟිල්ල සමග සම්බන්ධයි කියල. රෝමය කියන්නෙ කොහොමත් ප්‍රේමණීය මතවාද පතුරවන තැනක් නෙ.

එයාල හිතල තියෙන්නෙ , එකිනෙකාගෙ හදවත් දෙක සම්බන්ධ වෙන තැනක් විදිහට , අතේ හතරවන ඇඟිල්ලට මුදුවක් පැළඳීම තුළින් දෙදෙනෙක් නිල වශයෙන් එක් වෙනව කියල.

ඒත් විද්‍යාත්මකව හදවත සහ මේ හතරවන ඇඟිල්ල අතර එහෙම සෘජු සම්බන්ධයක් නෑ.

කොහොම උනත් අතීත සම්ප්‍රදායන්ට අනුව අපි තාමත් ඒ පුරුද්ද ඒ විදිහටම අරගෙන යනව. ඒකයි අපි තාමත් මගුල් මුද්ද හතරවන ඇඟිල්ලට දාන්නෙ.

#Knowledge

Time To Go Outside

මුලින්ම සමාවෙන්න කිසිම පෙරදැනුම් දීමක් නැතුව චැනල් එක වහපු එකට. පෞද්ගලික කාරණා කීපයක් සහ අධ්‍යාපනික වැඩකටයුතු නිසයි අපි ඒ තීරණය ගත්තෙ.

කොහොම උනත් සාකච්ඡා වට කීපයකට පස්සෙ අපි තීරණය කලා @LearnBits චැනල් එක නැවත පටන් ගන්න. හැබැයි දැන්ම නෙවෙයි. මාස තුනකින්. ඒ කියන්නෙ ලබන පෙබරවාරි මාසෙ වගේ වෙනකොට අපි ආපහු post පළ කරන්න ගන්නව.

මේ මාස තුන ඇතුළත අපි post හෝ Ads පළ කරන්නෙ නෑ. ඒ නිසා ඔයාලට ඒකෙන් හානියක් නොවේවි.

එහෙනං මාස තුනකින් නැවත හමුවෙමු...

වැඩිදුර විස්තර අවශ්‍ය නම් අපේ සයිට් එකේ ඒ ගැන සටහනක් දාල ඇති.

#Notice #LearnBits

LearnBits Forum Is Live Now

@LearnBits ප්‍රධාන චැනලයට සමගාමීව අරන් ගිය , තැන් තැන් වල විසිරිලා තිබ්බ චැනල්/ගෲප් කීපයක් එකතු කරල LearnBits Forum එකක් හැදුවා.

(Media , Log , Words , Answers)

පරණ ටික ඇඩ් කරන් යන ගමන් තාම. අවශ්‍ය කෙනෙක් ඉන්නව නං join වෙන්න.

:- @LearnBitsf

චැනල් ගෲප් ගොඩකට join වෙනවට වඩා , එකම තැනකින් ඔක්කොම දෙන්න පුලුවන් එක අපිටත් පහසුවක් නිසයි මේ විදිහට හැදුවෙ. අදහසක් කියන් යන්න.✌️

May this season find you among those you love, sharing in the twin glories of generosity and gratitude. Merry Christmas, Bits...

#Notice #LearnBits #Christmas

@LearnBits

It is the year to trust in yourself and pursue your wildest ambitions; a new year brings abundant opportunities. Cheers bits...!

- LearnBits Admin Panel -

#Notice #LearnBits

ජනවාරි මාසය නම් කරල තියෙන්නෙ රෝම දෙවිවරයෙක් උන ජානුස්(Janus) වෙනුවෙන්. ආරම්භය සහ අවසානය සංකේතවත් කරන ගේට්ටු සහ දොරවල් වල ආරක්ශකයා ලෙස හැඳින්වෙන මෙම දෙවිවරයා නිරූපණය කරන්නෙ මුහුණු දෙකක් සහිතවයි. (උඩ පින්තූරය).

එක මුහුණකින් අතීතය බැලීමෙ හැකියාවද , අනෙකෙන් අනාගතය බැලීමෙ හැකියාවද ජානුස් ට තියෙනව කියලයි රෝම ජනතාව විශ්වාස කරන්නෙ.

ජනවාරි මස පළමු වැනි දින යනු අතීතයේත් අනාගතයේත් දොරකඩයි. ඉතින් ඒ වෙනුවෙන් වඩාත්ම සුදුසු සංකේතයත් ජානුස් ම තමයි.

වැඩිදුර තොරතුරු (Wikipedia)

#Knowledge #History

අපි සමහරු අතරෙ ඉන්නවනෙ සතියකට කන්න තියෙන කෑම ටික එක වේලකට කාල ඉවර කරන අය. ඉතින් එහෙම අය තමන්ගෙ බර අඩු කරගන්න කියල , හරිම අමාරුවෙන් කෑම පාලනය කරන්න උත්සාහ කරනව.

ඔයත් එහෙම කෑම පාලනය කරගන්න බැරුව ඉන්නව නං , කෑම පාලනය කරන එක පොඩ්ඩකට නවත්තල , කෑම කන වේගය ගොඩක් අඩු කරන්න. මොකද අපි සමහරු කෑම කන්නෙ බඩ පුරවගන්න එකට අමතරව හිත පුරවගන්න.

ඉතින් හෙමින් හෙමින් කෑම කන එකෙන් වෙන්නෙ , ආහාර ගැනීමෙන් ලැබෙන තෘප්තිය කලින්ම අපිට දැනිල තවදුරටත් ආහාර ගැනීමට අපේ හිත බල කරන එකෙන් ගැලවෙන්න පුලුවන් වීමයි. ඒ නිසා අඩු කෑම ප්‍රමාණයකින් උනත් , හිත පුරවගන්න පුලුවන් වෙන විදිහට ඉතාමත් හෙමින් ආහාර ගැනීම කරන්න.

#Life_Tips

අපි ඇත්තටම ආදරය කරන කෙනෙක් එක්ක දිගටම තරහා වෙලා ඉන්න එක , හරිම අමාරු වැඩක්.

ඒ වගේම , යම් කෙනෙක් ගැන දවස් තුනකට වඩා අධික තරහක් හිතේ තියන් ඉන්නව නං , ඒ කෙනා ගැන අපේ හිතේ ආදරයක් තිබිල නැහැ.

ඇත්තටම ආදරය කරපු දෙන්නෙක් කවදාවත් දීර්ඝ කාලීන වෛරයන් හිතේ තියන් ඉන්නෙත් නෑ.

#Psycho_Facts

තනියම සිටගන්න පුලුවන් වෙන තරමට ශක්තිමත් වෙන්න...

තමන්ට උදව් අවශ්‍ය මොහොත දැනගන්න පුලුවන් වෙන තරමට බුද්ධිමත් වෙන්න...

ඒත් අන් අයගෙන් උදව් ඉල්ලන්න පුලුවන් වෙන තරමට නිර්භීත වෙන්න...

#MidDay_Thoughts

Toxic Relationship සහ Red flags

#Youth #Relationship_Tips #Psychology

චීනයේ දුම්පානය කරන්නන්ගේ සංඛ්‍යාව මිලියන 350කට ආසන්නයි. එය ඇමරිකාවේ සමස්ථ ජනග්‍රහණයට වඩා විශාල සංඛ්‍යාවකි. (331M)

චීන ජනග්‍රහණයෙන් (1.41B) අවුරුදු 15 හා ඊට වැඩි පුද්ගලයන් 26% ක් පමණම දුම්පානය කරන්නන් වේ.

#Facts

ප්‍රසිද්ධ පුද්ගලයන්ගේ කියමන් කීපයක්...

1. "කිසිදු වැරදීමකින් තොරව ජීවත් වන පුද්ගලයෙක් , අලුතින් කිසිම දෙයක් කිරීමට උත්සාහ කර නොමැති අයෙකි."
- Albert Einstein -

2. "ඔබේ කාලය සීමිතයි. ඒ නිසා වෙනත් කෙනෙකුගේ ජීවිතයක් ගත කරන්න කාලය වැය කරන්න එපා"
- Steve Jobs -

3. "සාර්ථකත්වය සැමරීම හොඳ දෙයක්. නමුත් වඩා වැදගත් වෙන්නෙ අසාර්ථකත්වය තුළින් ලැබුණු පාඩම් සිහි තබා ගැනීමයි"
- Bill Gates -

4. "අවංකභාවය ඉතාමත් මිළ අධික තෑග්ගක්. ලාභ බාල මිනිසුන්ගෙන් එය බලාපොරොත්තු නොවන්න"
- Warren Buffett -

5. "යමෙකුට තමන්ගේ වැරදි පිළිගැනීමට ධෛර්ය්‍යයක් තිබේ නම් , එම වැරදි වලට සමාව ලැබෙනු ඇත"
- Bruce Lee -

6. "සාමාන්‍ය මිනිසුන් පනස් දෙනෙකුගේ කාර්‍යය එක් යන්ත්‍රයකට කල හැක. නමුත් එක් අසාමාන්‍ය මිනිසෙකුගේ කාර්‍යය කිසිම යන්ත්‍රයකට කළ නොහැක"
- Albert Hubbard -

#Saying

සම්බන්ධයකදි දෙදෙනෙක් අතර හුවමාරු වෙන ප්‍රශ්න තුළින් දෙදෙනාටම ඔවුන් ගැන අවබෝධයක් ලබාගන්න පුලුවන්.

හැබැයි "මම ආදි කල්පිත පණුආකාර සත්වයෙක් උනොත් ඔයා මට ආදරය කරනවද?" වගේ ප්‍රශ්න ඇහුවොත් නං තියෙන සම්බන්ධයත් නැති වෙන්න පුලුවන්.

ඒ නිසා ඇයගෙන්/ඔහුගෙන් වෙන අහන්නම දෙයක් නැත්තං මේ දේවල් 10 අහන්න.

1. අද ඔයාට නරක දවසක් නං , ඔයාව ප්‍රබෝධමත් කරන්න හෝ උදව් කරන්න මට කරන්න පුලුවන් දෙයක් කියනවද?

2. මාව මතක් වෙනකොට ඔයාට එන පළමු හැඟීම මොකක්ද?

3. අපි ළඟින් ඉන්නැති වෙලාවට , ඔයාට මං ගැන කී වරක් මතක් වෙනවද?

4. අපි දෙන්න ගතකරපු ආදරණීයම මොහොත මොකක්ද?

5. මම ඔයාට කොහොම ආදරය පෙන්නනවටද ඔයා වඩාත්ම කැමති?

6. අපේ සම්බන්ධය ගැන ඔයා සතුටු වෙන්නෙ මොනවටද?

7. අපේ සම්බන්ධය ගැන එක වචනයකින් කියන්න කිව්වොත් ඔයාගෙ උත්තරේ මොකක්ද?

8. මේ සම්බන්ධය තුළ ඔයාට දැනෙන ලොකුම බය මොකක්ද?

9. ඔයා ආදරය කරන , අපි දෙන්න අතර තියෙන වෙනසක් කියන්න.

10. ඔයාට තරහ යන හෝ ඔයා අකමැති , අපි දෙන්න අතර තියෙන වෙනසක් කියන්න.

#Relationship_Tips

අපි මේ අවුරුද්දෙ,

🏖 අපේ අනාරක්ෂිත බව මත වෙනත් අයට පහර දෙන එක නවත්තමු.

🏖 සෑම දේකටම අපේ තනි මතයන් දක්වන එක නවත්තමු. ඒ වෙනුවෙන් රණ්ඩු සරුවල් කරගැනීම නවත්තමු.

🏖 සෑම විටම අපිවම නිවැරදි කරගන්න වාද විවාද වල පැටලෙන එක නවත්තමු.

🏖 සෑමදේකම වලංගුභාවය විමසීම නවත්තමු.

🏖 වෙනත් අයව සතුටට පත් කිරීම වෙනුවෙන් තමන්ගෙ ජීවිතය විනාස කරගැනීම නවත්තමු.

🏖 පදනම් විරහිතව අන් අයට ඡෝදනා කිරීම නවත්තමු.

🏖 සෑම දේකම ගතයුතු දේට අමතරව අනවශ්‍ය දේවල් වලම එල්ලී ඉන්න එක නවත්තමු.

🏖 අන් අයව විවේඡනය කිරීම නවත්තමු. අන් අයගේ මතයන් වලට පහර දීම නවත්තමු.

#Life_Tips

එයත් එක්ක කරන චැට් එක කාන්තාරකරණය වීම වළක්වගෙන , චැට් එක දිගටම ශක්තිමත්ව පවත්වගන්න මේ දේවල් උදව් වෙයි.

🪴 හැකි තරම් ඉක්මනින් reply කරන්න. සහ seen කරන්න.

🪴 තනි වචනයේ පිළිතුරු දීමෙන් වළකින්න උත්සාහ කරන්න. (හා , ඔව් , නෑ වැනි)

🪴 අරමුණක් ඇතිව පිළිතුරු දෙන්න.

🪴 Imojis සහ Gif භාවිත කරන්න. (අනවශ්‍ය විදිහට imoji වලින් විතරක්ම චැට් කරන්න එපා)

🪴 ඉඳහිට හෝ Memes වැනි හාස්‍යජනක දෙයක් චැට් එක අතරතුර එයාට යවන්න.

🪴 එයාගෙන් ප්‍රශ්න අහන්න බය වෙන්න එපා.

🪴 එයා කරන විහිළු වලට ධනාත්මකව ප්‍රතිචාර දක්වන්න.

#Relationship_Tips #Text_Tips

ප්‍රසිද්ධ පුද්ගලයන්ගේ කියමන් කීපයක්...

1. "අසාර්ථකත්වය පරාජිතයන්ව පරාජය කරනවා. නමුත් ජයග්‍රාහකයන්ව දිරිමත් කරනවා."
- Robert Kiyosoki -

2. "ඔබේ අනාගතය ගැන අනාවැකි කීමට ඇති හොඳම ක්‍රමය , ඔබම එය නිර්මාණය කිරීමයි."
- Abraham Lincoln -

3. "impossible යන වචනය තුළම I'm possible යන පණිවුඩය දෙනවා."
- Audrey Hepburn -

4. "මිනිසුන් අමතක කරනව ඔබ පවසපු දේවල්. මිනිසුන් අමතක කරනව ඔබ කරපු දේවල්. නමුත් ඔවුන් කවදාවත් අමතක කරන්නෑ ඔබ ඔවුන්ව සතුටට පත් කලේ කොහොමද කියල."
- Maya Angelou -

5. "උත්සාහ කිරීම නවතාදමන තාක්කල් ඔබ පරාජිතයෙක් නොවේ."
- Mike Ditka -

#Saying

වැරදි කරපු අය එක්ක කේන්ති ගැනීම නොකළ යුතු දෙයක්. විශේෂයෙන්ම ගොඩක් දෙමාපියන් මේ දේ කරනව. දරුවන් කරන සුලු වැරදි වලට පවා අධිකව කේන්ති ගන්නව.

එහෙම කේන්ති ගැනීම තුළින් , ඔවුන්ට වැරදි නොකර ඉන්න කියල උගන්නන්නෑ. එහෙම කේන්ති ගැනීම තුළින් වෙන්නෙ ඔවුන් තමන්ගෙ වැරදි සැඟවීමට පෙළඹෙන එකයි.

ඒ නිසා විවෘත කතා බහ තුළින් සහ , ඔවුන්ව තේරුම් ගැනීම තුළින් එවැනි වැරදි නොකර ඉන්න යැයි ඒත්තු ගන්වන්න පුලුවන්.

#Life_Tips