පළමු වෙබ්සයිට් එක නිර්මාණ උනේ මොන කාලයේදීද?

ලෝකයේ පළමු වෙබ්සයිට් එක සහ වෙබ් සර්වර් එක නිර්මාණය වෙලා තියෙන කාලය ගැන නිශ්චිත සඳහනක් නැතත් , එය පළමු වරට අන්තර්ජාලයට ඇතුලත් කරල තියෙන්නෙ 1991 අගෝස්තු 6 වෙනිදා.

http://Info.cern.ch මේ තියෙන්නෙ ඒ වෙබ්සයිට් එක. මේ වෙබ්සයිට් එක නිර්මාණය කරල තියෙන්නෙ ප්‍රංශය තුළ , CERN නම් ආයතනය විසින්.

#History

කාමුක ලිංගිකත්වය (Porn Sex) සහ සංස්කෘතික ලිංගිකත්වය (Tantric Sex) අතර වෙනස

කාමුක ලිංගිකත්වයට අනුව :-

1. ලිංගිකත්වය පදනම් වෙන්නේ පෙනුම සහ රූපය මත පමණි.

2. ලිංගිකත්වය යනු සුරාන්තය සහ ශුක්‍රාණු පිට වීම පමණි.

3. ලිංගිකව හැසිරීමට සමීප සබඳතාවන් අවශ්‍ය නැත. ඕනෙම කෙනෙක් සමග ඕනෙම ආකාරයට ලිංගිකව හැසිරිය හැක.


සංස්කෘතික ලිංගිකත්වයට අනුව :-

1. ලිංගිකත්වය යනු ශරීරයට සීමා නොවුන ආත්මයන් පවා සම්බන්ධ කරන දෙයක්.

2. ලිංගිකත්වය යනු එකිනෙකාගේ ආශාවන් වලට ගරු කරමින් , එකිනෙකාව තෘප්තිමත් කරගැනීමකි.

3. ලිංගිකත්වය යනු බිඳ දැමිය නොහැකි සම්බන්ධයකි.

4. ලිංගිකත්වය යනු අත්දැකීම් සමූහයකි.

කාමුක ලිංගිකත්වය ජීවිතයේ තනි සතුටට සුදුසුය. සංස්කෘතික ලිංගිකත්වය තමාගේ සතුටට මෙන්ම අනෙකාගෙ සතුටටද සුදුසුය.

#Relationship_Tips

ඔයා මේ රූපයේ මුලින්ම දැක්ක දේ අනුව ඔයා ගැන කියවෙන දේවල් හරිද බලන්න...🥰

#Fun

ඔයාගෙ ඉලක්කයන් සපුරා ගන්න තියෙන හොඳ ක්‍රමයක් තමයි , හීන , ඉලක්ක සහ අභිලාෂයන් ඇති පුද්ගලයන්ව සමීපව ඇසුරු කිරීම.

ඔයා ආස්‍රය කරන්නෙත් , හීනයක් , ඉලක්කයක් නැති පුද්ගලයන්ව නම් , ඔයාට කිසිම උත්තේජනයක් එන්නෑ ඔවුන්ගෙන්. ඒ වෙනුවට ඔයත් හීනයක් රහිත පුද්ගලයෙක් බවට පරිවර්තනය වෙනවා.

#Life_Tips

මිනිස්සු හිතන් ඉන්නෙ ශක්තිමත් පුද්ගලයන්ට කවදාවත් වේදනාවක් දැනෙන්නෑ කියල.

නමුත් යතාර්ථය තුළ , ශක්තිමත් මිනිසුන් අනිත් අයට වඩා වේදනා විඳල තියෙනව. එකම වෙනස ඔවුන් ඒ වේදනාවන් විඳගෙන ඒවා ජයගෙන තිබීම.

#Quotes

ජාත්‍යන්තර අභ්‍යවකාශ මධ්‍යස්ථානයේ සිට ලබා ගත් සූර්යග්‍රහණයක ඡායාරූපයක්..

#Astronomy

සත්ව ලෝකයේ මේ කරුණු කීපය ඔයා දැනගෙන හිටියද?

1. ලේනුන් වෙනත් ලේන් පැටවුන්ව දරුකමට හදාගන්නවා. ᴿᵉᵃᵈ

2. ඩොල්ෆින් මසුන්ට වෙන වෙනම නමක් ඇත. (ඔවුන් විසින්ම නිර්මාණය කරගනු ලැබූ)

3. හරක්ට "හොඳම යාලුවො / යාලුවෙක්" ඉන්නව.

4. බෝදිලිමට , ඔවුන්ගෙ ඇස් එකවර දෙදිශාවකට කරකවන්න පුලුවන්. ᴿᵉᵃᵈ

5. වැම්පයර් වවුලන්ගේ , ඛේටයට රුධිරය කැටි ගැසීම නවත්තන්න පුලුවන්.

6. බත්කූරෙක් සාමාන්‍යෙන් ලිංගිකව එකතු වෙනකොට , එම සත්වයන් දෙදෙනාගේ දේහයන් , හදවතක හැඩයකට පිහිටිනවා. ˢᵉᵉ

7. පූසො "ම්යෑව්" ශබ්දය නිකුත් කරන්නෙ මිනිස් අවධානය ගන්න විතරයි. නැතුව අනිත් පූසො එක්ක පණිවිඩ හුවමාරු කරගන්න නෙවෙයි.

8. අධ්‍යයන වලින් හෙලිවෙලා තියෙනව කැළෑ ආශ්‍රිතව ජීවත් වන චිම්පන්සියන් , පැසුණු පාම් යුෂ බොනව කියල. මේ යුෂයේ ඇල්කොහොල් සංයුතිය 3%ක් අඩංගු වෙනවා.

9. මානව උපත් පාලන පෙති , ගෝරිල්ලන්ටත් ක්‍රියා කරනව.

10. පැස්බරාගෙ ඇසක් , එයාගෙ මොළයට වඩා විශාලයි.

#Facts

කැනඩාව තුළ එක පුද්ගලයෙකුට , ශාක 9000ක අනුපාතයක් තියෙනවා. (1:9000)

නමුත් ඉන්දියාව තුළ මෙම අගය , එක පුද්ගලයෙකුට ශාක 28ක් පමණයි. (1:28)

(වත්මන් තත්වය මීට වඩා වෙනස් විය හැක. විශේෂයෙන්ම ඉන්දියාව තුළ ශාක අනුපාතය අඩු වී තිබිය හැක)

#Facts

"Global warming isn't a prediction. it is happening"

ගෝලීය උණුසුම යනු අනාවැකියක් නොවේ. එය දැනටමත් සිදුවෙමින් පවතී...

- There is no Planet B -

#Social_Mid

මනෝවිද්‍යාත්මක කරුණු කීපයක්

🍬 බොහොම සුළු දේවල් වලටත් කේන්ති ගන්න අය , අනිත් අයගෙන් ආදරය ලබන්න ගොඩක් ආස කරනව.

🍬 ඔයා කෙනෙක්ට ගොඩක් සමීපයි නම් , ඒ කෙනාගෙ මැසේජ් එකක් කියවනකොට , එයාගෙ කටහඬින්ම ඒ මැසේජ් එකේ තියෙන දේ ඔයාගෙ හිත ඇතුලෙන් ඇහෙනව.

🍬 සාමාන්‍යෙන් කෙනෙකුට හොඳම යාලුවන් 3 සිට 5 දක්වා ප්‍රමාණයක් ඉන්නවා. ඒ වගේම තමන්ගෙ කණ්ඩායමේ ඉන්න කාට හෝ කෙනෙක්ට වෛර කිරීමට වැඩි සම්භාවිතාවක් පවතිනවා. (හොඳම යහලුවන් හැර වෙනත් කෙනෙක්ට)

🍬 කාන්තාවන් හැමතිස්සෙම හැමදෙයක් ගැනම අවදානයෙන් පසුවෙනවා. නමුත් ඔවුන් එහෙම නැති ආකාරයට හැසිරෙනවා.

🍬 අඩු ආත්ම අභිමානයක් ඇති පුද්ගලයන් , අනිත් අයට අවමන් කිරීමට ඉතා ඉහළ නැඹුරුවක් දක්වනවා.

🍬 බොරු කියන්න ඉහළ මානසික ශක්තියක් තිබිය යුතුයි..!

#Psycho_Facts

ටිබෙටයේ කළු ඇපල්

කළු පාටට පෙනුනට ඇත්තටම මේ තියෙන්නෙ ඉතාමත් තද දම්පාට ඇපල් ගෙඩියක්. මේ වර්ගයේ ඇපල් වැවෙන්නෙ ලෝකයේ එකම තැනක විතරයි. ඒ ටිබෙටයේ කඳුකර නගරයක් වන Nyingchi නම් ප්‍රදේශයේ.

ඇපල් වල වර්ණය මෙහෙම වෙනස් වෙන්න හේතු කීපයක් තියෙනව. මේ ඇපල් වැවෙන්නෙ මීටර් 3500ක් පමණ උස කලාපයක. ඉතින් පාරජම්බුල කිරණ වලට නිරාවරණය වීම සාපේක්ෂව වැඩියෙන් සිදු වෙනවා. ඒ වගේම දිවා කාලයේ සහ රාත්‍රී කාලයේ සිදුවන විශාල උෂ්ණත්ව විචලනයත් , ඇපල් වල මේ තද දම් පැහැය ඇති වෙන්න හේතුවක්.

වෙළඳපලේ Black diamond apple කියල හැඳින්වෙන මේ ඇපල් ගෙඩියේ ඇතුළත අනිත් ඇපල් වගේම සුදු පාටයි. සහ රසයේ වෙනසකුත් නෑ.

#Knowledge

John Edward Smith

එහෙම කිව්වට නං ගොඩක් අය දන්නෑ. මේ තමයි Titanic නැවේ කපිතාන්වරයා..!

#History

Monkeypox රෝගය ගැන ඔබ දැනුවත්ද ? - විශේෂ දැනුම්දීමක් මෙන්න

Monkeypox ආසාදිතයෙන් ශ්‍රී ලංකාවෙන් වාර්තාවීමත් සමඟ මේ සම්බන්ධයෙන් සමාජයේ දැඩි අවධානයක් යොමුවී ඇති අතර මේ සම්බන්ධයෙන් සෞඛ්‍ය ප්‍රවර්ධන කාර්යංශය ජනතාවට දැනුම්දීමක් සිදුකර තිබෙනවා.

Monkeypox මෑතකදී සීග්‍ර ව්‍යාප්තියක් පෙන්වූ අතර එය අද වනවිට රටවල් 109කට ව්‍යාප්ත වෙමින් ආසාදිතයින් බවට පත්කර ඇති බවට තහවුරු කල පුද්ගලින් සංඛ්‍යාව 78,000කට ආසන්න අතර දැනට ලොවපුරා වාර්තාවී ඇති මරණ සංඛයාව 36ක්.

ආසාදිත පුද්ගලයෙකු සමඟ ඉතා සමීප ආශ්‍රයක් මඟින් නිරෝගී පුද්ගලයෙකුගේ සිරුරට මෙම වෛරසය ඇතුලු වීමට ඉඩ තිබෙන අතර රෝගය නිසා ඇතිවන බිබිලි හා තුවාලවල , අනෙකුත් ශාරීරික තරලවල, අසාදිත ශ්වසන බිඳිතිවල මෙන්ම ආසාදිතයා මෑතක දී භාවිතා කල ඇඳ ඇතිරිලි වැනි දෑ වලත් වෛරසය අඩංගු විය හැකි බවයි සෞඛ්‍ය ප්‍රවර්ධන කාර්යංශය සඳහන් කළේ.

සාමාන්‍යෙයෙන්, වෛරසය ශරීරගත වී දින 5 - 21 කාලයක් රෝග ලක්ෂණ පහළවීම සිදුවන අතර, සුලබ රෝග ලක්ෂණ ලෙස උණ, වසාගැටිති ඉදිමීම, මස් පිඩු වේදනාව, ශරීරයේ දැඩි විඩාපත්බව සමග ඇතිවන බිබිලි සඳහන් කල හැකියි. සාමාන්‍යෙයෙන් උණ ඇති වී දින 1-3 ගත වනවිට බිබිලි හටගැනීම සිදුවන අතර ප්‍රධාන වශයෙන් මුහුණත් දෑත් සහ පතුල්වලත් මේවා දකින්නට ලැබෙනවා. ඊට අමතරව මුඛය, ලිංගික ප්‍රදේශ සහ ඇස් ආශ්‍රිත ශ්ලේෂ්මල වලත් වේදනාකාරී බිබිලි / තුවාල හටගන්නා අවස්ථා තිබෙනවා.

රෝගය තහවුරු කරගැනීම සඳහා විවිධ රුධිර පරීක්ෂාවන් සහ PCR පරීක්ෂණ යොදා ගනු ලැබෙන අතර හටගත් කුෂ්ට සියල්ල සුව වී ඒවායින් ඇතිවන කබොලු සියල්ල ද හැලී ගොස් සුව වන තෙක්ම , මංකිපොක්ස් ආසාදිතයෙකුට රෝග-වාහකයෙකු වීමේ හැකියාව තිබෙන අතර මෙය සාමාන්‍යයෙන් සති 2-4 කාලයකින් ඉබේ සුවපත්වන (Self limiting) රෝගයක් වුවත් , ප්‍රතිශක්ති ඌණතා සහිත පුද්ගලයින්ට සහ කුඩා දරුවන්ට සංකූලතා ඇති වීමේ යම් අවදානමක් පවතිනවා.

රෝගය වලක්වාගැනීම සඳහා මෙවැනි රෝග ලක්ෂණ සහිත, තහවුරු කල හෝ සැක සහිත පුද්ගලයින් සමඟ ( විශේෂයෙන්ම සමට සම ස්පර්ශ වන පරිදි )  සමීප ශාරීරික සබඳතා පැවැත්වීමෙන් වැළකීම සහ එම පුද්ගලයා භාවිතා කල උපකරණ යනාදිය ස්පර්ශයෙන් වැලකී සිටීම නිර්දේශ කරන බවත් ඉහත කී සැක කටයුතු රෝග ලක්ෂණ පවතී නම් නොපමාව වෛද්‍ය උපදෙස් ලබාගැනීමත්, සම්පූර්ණ සුවය ලබන තෙක් අන් අය සමඟ සමීප ශාරීරික සම්බන්ධතාවලින් වැළකී සිටීමත් වැදගත් බවයි සෞඛ්‍ය ප්‍රවර්ධන කාර්යංශය ජනතාවට දැනුම් දෙන්නේ.

Via :- Citizen news

#Social_Mid

සමහරු මගෙන් අහල තිබ්බා, #LiveWar එකට මොකද උනේ කියල. මුලදි මමත් හිතන් හිටියෙ යුධමය තත්වයක් කිව්වම , ප්ලෑන් ගැන , නිව්ස් ගැන වගේ සුලු සුලු ඒව විතරක් දාන්න. ඒව සාමාන්‍ය දේවල් නිසා.

ඒත් මම තොරතුරු ලබාගන්න මූලාශ්‍රයක තිබ්බ එක වීඩියෝ එකක් නිසා මම තීරණය කලා යුධමය තත්වය හෝ ඒ ගැන ආපහු සඳහන් කරන්නෑ කියල. මොකද ඒක මම/අපි එදිනෙදා දකින ෆිල්ම් එකක් හෝ ජවනිකාවක් වගේ නෙවෙයි. ඒ ඉල්ලපු කීප දෙනාට මම අදාළ මූලාශ්‍රයන් වල links ටික යැව්වා. ඒ ඒ තැන් වලින් බලාගන්න පුලුවන්.

LearnBits තුළින් ආපසු #LiveWar යටතේ කිසිඳු post එකක් පළ නොවන බවට සලකන්න.

සුලු සුලු කරුණු පමණක් බලාපොරොත්තු වන්න.

#Notice

ඔයා ඕනෙවට වඩා කරුණාවන්තයිද කියල හොයාගන්න පුලුවන් ලක්ශණ කීපයක්...!

👒 ඔයා නිතරම "සමාවෙන්න/sorry" කියන වචනය භාවිත කරනව. ඕනේම සුලු දේකට උනත්.

👒 ඔයාට අවශ්‍යතාවක් ආවම , ගොඩක් වෙලාවට ඔයාට ඒ අවශ්‍යතාව සපුර ගන්න වෙන්නෑ. ඒ වෙනුවට ඔයා වෙන කෙනෙක්ගෙ අවශ්‍යතාවකට ප්‍රමුඛත්වය දෙනවා.

👒 "ඔව්" යැයි පැවසීමෙන් පසු හෝ යම් දේකට එකඟ වීමෙන් පසු ඔයාට ආතතියක් දැනෙනවා.

👒 ඔයා , ඔයාගෙම අදහස් ඉවත දමන්න උත්සාහ කරනවා.

👒 මිනිසුන් ඔයාට ඉතා නරක විදිහට කතා කරත් , ඒකෙන් ඔයාටම ඔයා වැරදිකාරයෙක් කියන හැඟීම ඇති වෙනවා.

👒 ඔයාගෙ ප්‍රතිරූපය ඔයාගෙ චරිතය සමග ගැලපෙන්නෙ නෑ.

👒 ඔයා ගාවට "අවශ්‍යතාවන් ඇති" පුද්ගලයන් ආකර්ශණය වෙනව. ඒ ඔවුන්ගේ අවශ්‍යතාවන් ඔයා මාර්ගයෙන් සපුර ගන්න පහසු නිසා.

👒 හුඟක් වෙලාවට , ඔයාට අදාළම නැති දේවල් වලට , ඔයා සම්බන්ධ වෙනවා.

#Psycho_Facts

බුධ ග්‍රහයාගේ දිනයක් , පෘථිවි දිනයක් වගේ නෙවෙයි. අපිට නං හැමදාම ඉර පායල , ඉර බැහැල යනවනෙ. ඒ උනත් බුධ ග්‍රහයාගෙ මන්දගාමී භ්‍රමණය සහ , කෙටි වසරක් තියෙන නිසා තත්වය ඊට වඩා වෙනස්.

ඇත්තටම පෘථිවි දින 176කට පාරක් තමයි , බුධ ග්‍රහයාගෙ යම් නිශ්චිත ස්ථානයකට හිරු උදාවක් සිදු වෙන්නෙ.

#Astronomy

ඔයාගෙ බල්ලා , ඔයාගෙන් ඈතට දුවනව නං , එයා පස්සෙ එලවන්න එපා. එහෙම කලොත් එයා තවත් දුර දුවනවා.

ඔයා එතකොට , ඉන්න තැනම පාත් වෙන්න. ඉඳගන්න පුලුවන් තැනක් නං ඉඳගන්න.

ඔයා වාඩිවෙනව හෝ පාත්වෙනව දැකපු ගමන් ඔයාගෙ බව්වා ආපහු ඔයා ගාවට එනවා...! ᴿᵉᵃᵈ

#Life_Hacks

ලෝකෙ පිහිනුම් වේගය ඉහළම කුරුල්ලා කවුද?

ලෝකෙ වේගවත්ම කුරුල්ලා ලෙස හැඳින්වෙන්නේ , Peregrine උකුස්සව. හැබැයි ඒ අහසේ පියාසර කිරීමේ වේගය සැලකුවොත්.

ජලය තුළ ඉහළම පිහිනුම් වේගයක් තියෙන කුරුල්ලා තමයි , ගෙන්ටූ පෙන්ගුවින් කියන්නෙ (Gentoo penguin). මෙයාල ජලය තුළ පැයට කිලෝමීටර් 36ක පමණ වේගයෙන් පිහිනා යනවා.

#Knowledge

Direct Question from subscriber

විවිධ දේවල් වලට තියෙන බය නැති කරගන්නෙ කොහොමද?

🧚Answer From @LearnBits -

මිනිස්සු සාමාන්‍යෙන් ගොඩක් දේවල් වලට බයයි. ඒක ඈත අතීතයේ ඉඳන්ම මිනිසාව ආරක්ශා කරන්න , මිනිසා තුළම සිදුවෙන සාමාන්‍ය සංසිද්ධියක්. ඒ උනත් අපි සමහරුන්ට මේක ප්‍රශ්නයක් වෙන්න පුලුවන්. එදිනෙදා ජීවිතය තුළ ගැටලුකාරී තත්වයන් මතු වෙන්න පුලුවන්.

අන්න ඒ නිසා , අපේ බය (පොදුවේ) නැතිකරගන්න පුලුවන් ක්‍රම 10ක් ගැන තමයි මේ කතා කරන්නෙ. මේ හැමදේම ඔයාට වලංගු නොවෙනව වෙන්න පුලුවන්. නමුත් පොදුවේ අපි කතා කරමු.

1. අවශ්‍ය තරමට කාලය අරගන්න.

අපි යම් දේකය බය උනාම මුලින්ම අපිට සිදුවෙන දේ තමයි කිසිම දෙයක් හිතාගන්න බැරි වෙන එක. අපි එතකොට තවත් පීඩනයකට පත් වෙලා තත්වය තවත් දරුණු වෙනවා.

ඉතින් ඒ දේ පාලනය කරන්න ඔයා යම් කාලයක් අරගෙන , ඔයාගෙ ශරීරය සහ , මනස සන්සුන් කරගන්න ඕනෙ. ඒකට තේකක් බොන එක , පොඩ්ඩක් ඇවිදින එක වගේ සරල දේවල් කරන්න පුලුවන්.


2. හොඳින් හුස්ම ගන්න

ඇත්තටම මේ කාරණය කායිකව බලපෑමක් ඇති දෙයක් උනත් ඒක මානසිකවත් සෘජුවම බලපානවා.

අපිට ලොකු බයක් ඇති උනාම අපේ ස්වසන වේගය , හෘද ස්පන්දය සහ රුධිර පීඩනය ඉහළ යනවා. ඔයාටත් ඒ තරම්ම ලොකු බියක් ඇති උනොත් , ඒ වෙලාවට ඔයා ඉන්න තැනම ඉඳල , ඔයාගෙ අතින් ඔයාගෙ පපුව අල්ලන් හොඳ ගැඹුරු හුස්ම කීපයක් ගන්න.

මේකෙ මානසික විද්‍යාත්මක අරමුණකට අනුව සැලකුවොත් අපි සාමාන්‍යෙන් බස් වහරෙ භාවිත කරනව "Let it go.." කියල. ඒ කියන්නෙ ඔයාට ඇති උන හැඟීමට එලියට යන්න ඉඩ දෙන්න කියන එක. ඒක ඔයාට මානසිකව සහනයක් ගෙන දේවි.


3. ඔයාගෙ බයට මුහුණ දෙන්න.

ඔයා , ඔයා බය දෙයක් නිතරම මගහරිනව නං , ඒකෙන් වෙන්නෙ ඒ බය තවත් වර්ධනය වෙන එක. ඒ වෙනුවට ඔයා , ඒ බය දෙයට මුහුණ දීල ඒකත් එක්ක ගැටෙනකොට , පොඩ්ඩ පොඩ්ඩ ඒ බය නැති වෙලා යනව.

හිතන්න ඔයා බව්වොන්ට බයයි. ගොඩක් බයයි. එහෙමයි කියල ඔයා හැමදාම බව්වොන්ව ඈත් කරන් හිටියොත් , ඔයා හැමදාටම එයාලට බය කෙනෙක් වෙනවා. හැබැයි ඒ වෙනුවට ඔයා , පොඩි බලු පැටියෙක් හදන්න ගන්නව කියල. මුල් කාලෙ ඔයාට ඒ හැඟීම් ඒ විදිහටම ඇතිවේවි. ඒත් කාලයත් එක්ක ඔයාට බල්ලොන්ට තියෙන බය නැති වෙලා එයාලට ආදරය කරන්න ගනීවි.


4. සිදුවෙන්න පුලුවන් නරකම දෙය සිතන්න. ᵂᵃʳⁿᶦⁿᵍ

සාමාන්‍ය මනෝවිද්‍යාව තුළ අනුමත නොකරන දෙයක්. ඒ උනාට බය උන වෙලාවකට යොදාගන්න පුලුවන්.

අපි සරල උදාහරණයක් ගමු. හිතන්න ඔයා මහසෝනට බයයි. නැත්තං හොල්මන් වලට බයයි. කලුවරේ යන්නත් බයයි.

ඔයා දැන් මවාගන්න ඔයාට , හොල්මන් වලින් වෙන්න පුලුවන් නරකම දේ. කලුවරේ එයාල ඔයාට කරන්න පුලුවන් නරකම දේ ගැන. ඔයාට හිතෙන්න පුලුවන් ඔයාට හෘදයාබාධයක් ඇති වෙවි කියල.

අන්න දැන් ඔයා වෙනද බය වෙන තරමට වඩා , ඒ වෙලාවෙ ටිකක් වැඩියෙන් බය උනා. දිගටම ඔයාගෙ බය වැඩි කරගන්න. වෙන්න පුලුවන් නරකම දේ හිතන්න. හොල්මනක් ඇවිල්ල ඔයාගෙ ෆෝන් එක අරන් යනව. ඒකෙ තියෙන ඒව බලනව. වෙන්න පුලුවන් නරකම දෙයක්නෙ.

ඔයාගෙ බය , ඔයා හිතින් මවාගන්න දේවල් නිසා වැඩිවෙනකොට , සාමාන්‍ය ජීවිතය තුළදි ඒ දේවල් වලට තියෙන බය අඩු වෙනවා. ඒ කියන්නෙ ඔයාට ඒ පොඩි බය ගානක් නැතුව යනව. ඊට වඩා බය වෙන්න පුලුවන් දෙයක් ඔයා හිතින් මවාගෙනනෙ තියෙන්නෙ.


5. දෙයක් වෙන්න කලින් ඒ ගැන හොයල බලන්න.

මේ කියන දේ වඩාත් හොඳින් තේරෙන්න මම මෙහෙම කියන්නම්. ඔන්න ඔයාගෙ ඉස්සරහට එකපාරටම මෝහිනි එනව ළමයත් වඩාගෙන. ඔයාට කියන්නැතුව එන්නෙ. ඔයා ඒ අනපේක්ෂිත දසුන නිසා බය වෙනවා ගොඩක්.

හැබැයි ඒ මෝහිනී , ඔයාට කලින් කෝල් එකක් දාල කියනව , "මම අද ඔයාට පේන්න එකපාරටම එනව" කියල. දැන් ඔයා දන්නව මේ දේ වෙන්න යනව කියල. ඔයා ඒ ගැන අපේක්ශාවෙන් ඉන්නෙ. ඉතින් එතකොට කලින් වගේම මෝහිනි මතු උනොත් , ඔයා ගැස්සෙයි. හැබැයි වැඩිය බය වෙන්නෑ.

අපි හැමෝම බයයිනෙ පොඩි පොඩි කෘමීන්ට. ඉතින් හොයල බලන්න ඒ කෘමීන් විසින් ඔයාට කරන්න පුලුවන් බලපෑම් මොනවද කියල. ඒකෙන් ඔයාට එයාල ගැන තියෙන බය පොඩ්ඩක් අඩු වේවි.

1 • 2

#LearnBits_Q_A

6. පරිපූර්ණ වෙන්න උත්සාහ කරන්න එපා

ජීවිතය කියන්නෙ ආතතියෙන් සහ බයෙන් පිරුණ තැනක්. ඉතින් යම් දේකට බය වෙන එක සාමාන්‍ය දෙයක්. ඔයා හිතන් ඉන්නව නං බය වෙන එක ඔයාව දුර්වල කරනව කියල , ඔයා ඒ සිතුවිල්ලට ඊටත් වඩා බය වෙනව.

ඒකෙන් තත්වය තවත් දරුණු වෙනව. විභාගයක් ලං වෙනකොට අපිට බයක් එනවනෙ. ඔයාට හිතනව නං ඒකට බය වෙනව කියන්නෙ , ඔයාට විභාගෙ ලියාගන්න බැරි වෙන නිසා කියල , ඔයා තව තවත් කඩා වැටෙනව. ඒ නිසා බය කියන දෙය තරයේ ප්‍රතික්ශේප කරන්න එපා.


7. ප්‍රීතිමත් දෙයක් ගැන හිතන්න.

ධනාත්මක හැඟීම් සහ සතුටුදායක මනස කියන්නෙ බිය දුරලන්න තියෙන හොඳම බෙහෙතක්. ඔයාට යම් දෙයකට බයක් දැනුනොත් , ඒ වෙලාවට ඇහැ පොඩ්ඩක් වහගෙන ලස්සන තැනක් , ලස්සන මතකයක් , ලස්සන දර්ශනයක් සිහි කරගන්න.

මනස සතුටින් තියාගන්න පුලුවන් වෙන දෙයක් මතක් කරගන්න එක තමයි මෙතනදි කරන්න ඕනෙ. අන්න එතකොට ඔයාට ඇතිවුන බය ටිකෙන් ටික අඩු වෙලා යන්න පටන් ගන්නව.


8. කාත් එක්ක හරි ඒ ගැන කතා කරන්න.

අපි දුකක් ඇති උනාම ඒ ගැන කාත් එක්ක හරි කතා කලාට පස්සෙ දුක පොඩ්ඩක් තුනී වෙනව නේද. ඒ වගේම අපිට බයක් ඇති උනාම , ඒ ගැන සැලකිය හැකි කෙනෙක් එක්ක කතාබහ කරන්න.

ඒකෙන් ඔයා හිතේ හිරකරන් ඉන්න ආතතිය සමනය වෙනව වගේම , බයත් අඩු වෙනව.


9. සුපුරුදු දින චර්‍යාවට යොමු වෙන්න.

අපි බයෙන් ඉන්නකොට , ඒ බය නැති කරන්න කියල අපේ සාමාන්‍ය හැසිරීම් වෙනස් කරන්න පටන් ගත්තොත් , ඒ දේ අපිට මානසිකව බලපානව.

ප්‍රශ්නෙක ඉන්න වෙලාවක , මානසික ස්ථාවර්තව බිඳගන්නව කියන්නෙ , ඒක ගොඩක් හානිකර දෙයක් වෙන්න පුලුවන්. ඒ නිසා , ඔයා බයකින් ඉන්නකොට හැකි තරම් සාමාන්‍ය දින චර්‍යාවම සිදු කරන්න උත්සාහ කරන්න. වෙනද වගේම කන්න. වෙනද වගේම පොඩ්ඩක් ඇවිදින්න. ආදිය.


10. ඔයා ඔයාටම කෘතවේදී වෙන්න.

මේ ගැටලුව නං හැමෝටම නෑ. ඇත්තටම මේ ප්‍රශ්නය එන්නෙ ආත්ම විශ්වාසය අඩු මිනිසුන්ට. තමන් යම් දෙයකට බය උන ගමන් , ඔවුන් , ඔවුන්වම පහතට දමාගන්නව.

හැම කෙනෙක්ම සුවිශේෂයි කියන සරල අදහස හිතේ තියාගන්න. කලින් කිව්ව වගේම , දෙයකට බය වෙනව කියන්නෙ සාමාන්‍ය දෙයක්. ඒ නිසා එහෙම අවස්ථාවකදි ආත්ම විශ්වාසය ගොඩනගාගෙන , තමන්ට කෘතවේදී වෙන්න.

ඔයාගෙ බය අඩු කරගන්න හෝ නැති කරන්න ඒකත් උදව් වෙනව.

1 • 2