Textationship ගැන අහල තියෙනවද?

Textationship කියන්නෙ සම්බන්ධයක් ඇති / නැති අතර දෝලනය වෙන දෙයක්.

හිතන්න ගැහැණු ළමයෙකුයි පිරිමි ළමයෙකුයි , බොහොම හොඳින් කතා බහ කරල , බොහොම සමීපව ආශ්‍රය කරනව. දෙදෙනටම දෙදෙනාවම ඕනෙ.

ඒ උනත් දෙන්නම කිසිම පියවරක් ගන්නෑ ඒ සම්බන්ධය ආදරයක් දක්වා වර්ධනය කරගන්න. එකම සීමාවක හැමදාම ඉන්නවා. හැබැයි දෙන්නම දන්නවා තමන් අනෙකට කැමතී , එයා නැතුව බෑ කියල.

අන්න ඒ වගේ දෙලොවක් අතර දෝලනය වන හැඟීමකට තමයි Textationship කියන්නෙ.

වර්තමානයේ ඕනෙ තරම් අය ඉන්නව මේ විදිහෙ සම්බන්ධකම් පවත්වන අය.

#Relationship_Tips

The Deathier 2022

It's Trick or Treat...! Or... Death..?

The halloween day special event in @LearnBits

#Event

හැලොවීන් උත්සවය

මේ උත්සවය දැනට පොඩි ළමයින්ගේත් වැඩිහිටියන්ගේත් විනෝදජනක උත්සවයක් විදියට සැමරුවත්...අතීතයේදී රෝමවරුන් මේ උත්සවය හඳුන්වලා තියෙන්නෙ ඔවුන්ගේ මිය ගිය ඥාතීන් නැවත නිවසට පැමිණෙන දවස කියලයි. මේ දවසේදී රෝම වරුන් තමන්ගේ මිය ගිය ඥාතින්ගේ අවතාර වෙනුවෙන් ඔවුන් ජීවත්වෙලා සිටියදී  ප්‍රියකරපු කෑම බීම හදලා විශේෂ භෝජන සංග්‍රහයක් පැවැත්තුවාලු...

කාලයක් යද්දී එංගලන්තයත් මේ උත්සවය අනුකරනය කරලා ඒක ක්‍රිස්තියානි ධර්මයේ සාන්තුවරයින්ගේ දවස විදියට සකස් කරලා සමරන්න පටන් අරන් තියෙනවා.

( hal-low-een )

මේකෙ අර්ථය විදියට ඔවුන් හඳුන්වන්නේ " ශුද්ධවූ සැඳෑව " ලෙසටයි. ඒ කියන්නෙ සාන්තුවරයන්ගේ දිනයට පෙරදින සැඳෑව කියන එකට. halloween කියල අපි සමරන්නෙ මෙන්න මේ දවස.

#Knowledge

ඩ්‍රැකියුලා ගැන අහල නැති කෙනෙක් මේ චැනල් එකේ ඉන්නවද?
(ජීවිතේට නෑ බං... ජීවිතේට නෑ...)

මේ ඩ්‍රැකියුලා කියන සංකල්පය ඇත්තටම පදනම් වෙලා තියෙන්නෙ සත්‍ය මිනිසෙක් ආශ්‍රයෙන්.

ඒ ඓතිහාසික චරිතයක් වන ව්ලැඩ් ටෙප්ස් / ව්ලැඩ් ඩ්‍රැකියුලා ඇසුරෙන්.

මේ පුද්ගලයා 15 වෙනි සියවසේ ජීවත් උන රුමේනියානු පාලකයෙක් වෙන අතර , ඔහු තමන්ගෙ සතුරන්ව උල් වල ගසා දැමීමට ඉතාමත් ප්‍රිය කරපු පුද්ගලයෙක්. මෙයාගෙ මුල් නමේ තියෙන ඩ්‍රැකියුලා කියන එකේ තේරුම තමයි "මකරාගේ පුත්‍රයා" යන්න.

(ඩ්‍රැකූල් ඔහුගේ පියාගේ අන්වර්ථ නාමයයි)

බියකරු කීර්ති නාමයක් තියෙන මේ පුද්ගලයා අප වර්තමානයේ දකින ඩ්‍රැකියුලාට නං සමාන නෑ. ඒ වගේම මෙයා ලේ පානය කල බවට සඳහන් වෙන්නෙත් නෑ.

#History

Turritopsis Dohrnii jellyfish - එහෙමත් නැත්තං මෙයාලව හඳුන්වන "අමරණීය ජෙලිෆිශ්" කියන සත්වයා , ලොව එකම අමරණීය සත්වයා විදිහට සැලකෙනවා. ඔවුන් සදාකාලිකවම ජීවත් වෙනවා.

(මේ ගැන දීර්ඝ ලිපියක් ඉදිරියට බලාපොරොත්තු වෙන්න)

#Facts

ඇස් වලින් ලේ විදින "Horned Lizards"

සිංහලෙන් "අං කටුස්සා" කියලත් හඳුන්වන්න පුලුවන්. මේ කටුසු වර්ගයේ , මේ අමුතු ක්‍රියාවලිය ඇත්තටම විලෝපියන් පලවා හරින්න ඔවුන් යොදාගන්න ක්‍රමයක්. මෙයාල උණුසුම් , කාන්තාරමය ප්‍රදේශවල ජීවත් වෙන්නෙ.

අං කටුස්සන් සැඟවීමට ඉතාමත් දක්ශයි. නමුත් විලෝපියකයෙක් හමුවේ , සැඟවෙන්න නොහැකි උනොත් ඔවුන්ගේ ඊළඟ ආරක්ශක උපක්‍රමය වෙන "විලෝපිකයා වෙතට ලේ විදීම" සිදු කරනවා.

මේ රුධිරය පැමිණෙන්නෙ ඔවුන්ගේ ඇසට යටින් තියෙන පොඩි කුහරයක් තුළින්. ඇත්තටම මේක රුධිරය පිරුණු මල්ලක විවරයක් වගේ. රුධිරය අධික පීඩනයකින් , මේ විවරය තුළින් පිටතට නිකුත් කලාම , ඒ රුධිරය සාමාන්‍යෙන් මීටර් 2ක් පමණ ඈතට විදින්න හැකියාවක් තියෙනව මෙයාලට.

ඒ ඔක්කොම ක්‍රම වැරදිලා ඒත් මොවුන්ව විලෝපිකයෙක්ගෙ ආහාරයක් වෙලා , ඔවුන්ගෙ කට තුළට ගියොත් , එතනදි මේ කටුස්සා බැලුමක් වගේ පිම්බෙන්න ගන්නවා. ඒ මාර්ගයෙන් , විලෝපිකයාගෙ හකු වලින් ගැලවිලා පලායන්න පුලුවන් වෙනවා මෙයාලට.

කොහොම උනත් මේ කටුස්සන් මිනිස්සු දෙසට රුධිරය විදීම සිදු කරන්නෙ නෑ. ඒ නිසා අපිට මුණගැසුනොත් ප්‍රශ්නයක් වෙන්නෙ නෑ.

#Social_Mid

"The Golden Poison Dart" ගෙම්බා

ගෝල්ඩන් පොයිසන් ඩාට් කියන්නෙ , පෘථිවියේ වඩාත්ම විශ සහිත සත්වයන්ගෙන් එකෙක්. ඇත්තටම මේ ගෙම්බගෙ , එක ස්පර්ශයකින් උනත් ඔයාව මරාදමන්න පුලුවන්.

ඉතාමත් හුරුබුහුටි පෙනුමක් තියෙන මේ ගෙම්බගෙ , මාරාන්තිකම අංගය වෙන්නෙ එයාගෙ සම. මේ ගෙම්බො ඉතාමත් කුඩා නිසා එයාලව පහසුවෙන් විලෝපිකයන්ට ගොදුරු වෙනවා. එයාලගෙ සම මේ තරම් විෂ සහිත වෙන්නෙ ඒ නිසයි.

දකුණු ඇමරිකාවේ ජීවත් වෙන මේ කුඩා ගෙම්බා තුළ , මිනිසුන් 20 දෙනෙක් එකවර මරාදැමීමට තරම් විෂක් තියෙනවා.

මේ ගෙම්බා , මේ විෂ නිපදවන ආකාරය ගැන තාමත් නිසි සොයාගැනීමක් නෑ. කොහොම උනත් විද්‍යාඥයන් මත පළ කරන්නෙ , මේ ගෙම්බා විසින් අනුභව කරන ශාකමය ද්‍රව්‍ය වලින් මේ විෂ සංස්ලේෂණය කරනව ඇති කියලයි.

#Knowledge

ලන්ඩන් කුළුන කියන්නෙ අවතාර මන්දිරක්...!

ලන්ඩන් කුළුණ (Tower of london) වසර දහසකට වඩා පැරණි ගොඩනැගිල්ලක්. ඉතින් සාමාන්‍යෙන් මෙච්චර පරණ ගොඩනැගිල්ලක හොල්මනක් දෙකක් ඉන්න එක පුදුමයක් නෑ.

නමුත් ලන්ඩන් කුළුණේ හොල්මන් විශාල ප්‍රමාණයක් ඉන්න බවට මිනිසුන් කියනවා. සමහරුන්ට නං අත්දැකීම් පවා තියෙනව කියල තමයි සමාජ මාධ්‍යය තුළ සංසරණය වෙන්නෙ.

මේ හොල්මන් ලැයිස්තුවට , හත්වන හෙන්රි රජුගේ බිරිඳ වන ඈන් බෝලීන් ගේ අවතාරය , දින නවයේ රැජින වන ජේන් ග්‍රේ ආර්යාව සහ අවතාර වලසෙක් පවා ඇතුලත්. එලිස....

ඒ වගේම මේ ගොඩනැගිල්ල තුළ , මිනීමැරුම් , වධහිංසන , හිස ගසා දැමීම් ඇතුලු තවත් බොහෝ බිහිසුණු සිදුවීම් සිදුවෙලා තියෙනවා.

ඉතින් ඒ නිසාත් , ඒ මියගිය අයගේ ආත්මයන් මේ ගොඩනැගිල්ලේ සැරිසරනව කියල කියනවා.

#WorldWide

1872 දී , මගීන් හෝ කාර්යමණ්ඩලයක් නොමැති , සාගරය තුළ ඔහේ පාවෙමින් තිබුණු නෞකාවක් හොයාගෙන තියෙනවා.

මේ නැව , මේරි සෙලෙස්ටේ (Mary Celeste) ලෙස හඳුන්වනවා. (නැවේ නම විය හැක).

මේ නැව සාගරයේ පාවෙමින් තිබියදී එය සොයාගත් කණ්ඩායම , නැවට පැමිණියාට පස්සෙ ඔවුන්ට කිසිම මනුශ්‍යයෙක්ව දැකගන්න ලැබිල නෑ.

ඒ වගේම නැව තුළ කිසිම අරගලයක ලකුණක්වත් තිබිල නෑ. නැව් පත්ලේ , උනන ලද වතුර ටිකක් ඇරුනම , කොටින්ම ඒ නැවට කිසිම හානියක් වෙලා නෑ. නැව ඉතාමත් හොඳ තත්වයේ තිබිල තියෙනවා. (පතුලේ තිබූ වතුර , නැව් පත්ල දිරායාමේන් නැවට ඇතුල් වූ බවට සැකයක් පවතී).

මේ ගැන විවිධ පුද්ගලයන් විවිධ මත ඉදිරිපත් කරල තියෙනව.

ඇතැම් අය කියන විදිහට , මුහුදු කොල්ලකරුවන් නැවේ සිටි පිරිස පැහැරගෙන තියෙනවා. ඒත් නැව එහෙම දාල ගියේ ඇයි කියන එක ප්‍රශ්නයක්. තවත් සමහරු කියල තියෙනවා , මුහුදු රාක්ශයෙක් හෝ පිටසක්වලයන් මේකට වගකියන්න ඕනෙ කියල.

මතයන් කොහොම උනත් , නැවේ මගීන් සහ කාර්යමණ්ඩලයට සිදු වෙච්ච දේ අදටත් අභිරහසක්.

#History

එවරස්ට් කන්ද තරණය කරනව කියන්නෙ ලේසි පහසු දෙයක් නෙවෙයි. ඉතින් ඇත්තටම සමහර මිනිස්සු මගදි මරණයට පත් වෙනවා.

මේ විදිහට මියගිය අයගෙ සිරුරු 150කට වැඩිය එවරස්ට් කන්දේ තැන් තැන් වල තියෙනවා. අධික ශීතල නිසා ඒව ස්වයංක්‍රීයම සංරක්ෂණය වෙලා තියෙනවා. ඒ හින්දා සිරුරු ඉක්මනින් දිරාපත් වෙන්නෑ.

වඩාත්ම විශ්මයජනක දේ තමයි , මේ සිරුරු ඔක්කොම වගේ , අනික් කඳුනඟින්නන් විසින් සංධිස්ථානයන් විදිහට භාවිත කරනවා. ඒ ඔවුන්ට ගමන් මාර්ගය නිර්ණය කරගන්න පහසු වෙන්න.

#Facts

ඇමරිකානු සිනමාවෙන් අපේ මනසට යන අදහස් 5ක් :-

1. චීන ජාතිකයන්ට කුන්ග් ෆු ඉගෙනගැනීම සහ ඉගැන්වීම හැර වෙනත් කිසිදු වැඩක් නෑ.

2. ඇමරිකානු ජනග්‍රහණයෙන් 50% පමණම FBI නියෝජිතයන් හෝ වෙස්වලාගත් පරීක්ෂකවරුන්.

3. ඇමරිකාවේ පාසල් වල ප්‍රධානතම අරමුණ , බාස්කට්බෝල් සහ බේස්බෝල් ප්‍රචලිත කිරීම.

4. පිටසක්වල ජීවින්ට ඇමරිකාව ගැන විශේෂ උනන්දුවක් තියෙනවා. ඔවුන් පළමුව එන්නේ ඇමරිකාවට.

5. ඇමරිකාව කියන්නෙ අත්භූත සත්වයන් ඔක්කොම ඉන්න තැනක්. වෘක මිනිසුන් , වැම්පයර්ස්ල , කොටින්ම අණුක ජීව විද්‍යාත්මක විකෘතියක් පවා බලාගන්න පුලුවන් එකම තැන.


ඉන්දියානු සිනමාවෙන් අපේ මනසට යන අදහස් 5ක් :-

1. නිවුන් සහෝදරයන්ගෙන් එක් අයෙක් අනිවාර්යයෙන්ම උපතින්ම දුශ්ඨයෙක්.

2. බෝම්බයක් නිශ්ක්‍රීය කරනකොට , මොන වයර් එක කැපුවත් , ඒ පුද්ගලයා හැමතිස්සෙම කපන්න තෝරගෙන තියෙන්නෙ හරි වයර් එක.

3. වීරයා වැටෙන්න ගුටිකෑවත් කිසිම වේදනාවක් පෙන්නන්නෙ නෑ. හැබැයි , ඔහුගේ පෙම්වතිය ඔහුගේ තුවාල වලට බෙහෙත් කරන වෙලාවට සෑහෙන වේදනාවක් පෙන්නනවා.

4. පොලිස් පරීක්ෂකයෙක්ට , යම් පරීක්ෂණයක් විසඳන්න පුලුවන් වෙන්නෙ , ඔහුව තාවකාලිකව වැඩ තහනමකට ලක් උනාට පස්සෙ විතරයි.

5. හදිස්සියෙවත් ඉන්දියාවෙ පාරක් මැද්දෙ ඔයා නටන්න ගත්තොත් , ඒ පාරෙ ඉන්න හැමෝටම ඔයා නටන විදිහටම නටන්න පුලුවන් වෙනවා.

#Fun

ඔයාට යමක් ගැන කුතුහලයක් දැනුන ගමන් ඒ දේ කොළේක හෝ , වෙනම පොතක ලියාගන්න ඉක්මනට.

එතකොට ඔයාට කම්මැලිකමක් දැනුනම , ඔයාට ඉගෙන ගන්න හෝ දැනගන්න දේවල් ලැයිස්තුවක්ම තියෙනවා.

කාලයෙන් උපරිම ප්‍රයෝජන ගන්න හිතන් ඉන්න අයට මේක හොඳ ක්‍රමයක් , ඔවුන්ගේ විවේකය ගත කරන්න සුදුසු වැඩක් ඉක්මනට හොයාගන්න.

#Life_Tips

"What's your wish ? Peace ? Money ? Or the world ? Whatever you wish for, it's something you have to get with your own strength!"

මොකක්ද ඔයා පතන්නේ? සාමයද? සල්ලිද? නැත්තං මුලු ලෝකයමද?

ඔයා මොන දේ පැතුවත් , ඒක ඔයා , ඔයාගෙම ශක්තියෙන් ලබා ගත යුතු දෙයක්...!

- Gamabunta

(Naruto Shippuden)

#AnimeQuotes

ජීවිතය කියන්නෙ දීර්ඝ ගමනක්....

ජීවිතය කියන ගමන පටන් ගන්නේ , සම්පූර්ණයෙන්ම 'වාසනාව' පිරුණු බෑග් එකක් සහ , හිස් 'අත්දැකීම්' පිරුණු බෑග් එකක් සහිතවයි.

ජීවිතයේ ඉලක්කය විය යුත්තේ , 'වාසනාව' සහිත බෑගය හිස් වෙන්න කලින් 'අත්දැකීම්' සහිත බෑගය පුරවා ගැනීමයි.

#Quotes

මේ තියෙන්නෙ ඉඳිකටුවක මුදුනේ ඇති විවරය තුළ නිර්මාණය කරපු කාන්තාවකගේ මූර්තියක්.

නැනෝ තාක්ෂණය් මගින් , මේ මූර්තිය නිර්මාණය කරල තියෙන්නෙ , ඉංග්‍රීසි මූර්ති ශිල්පියෙක් වෙන , ජොන්ටි ගුර්විට්ස් විසින්.

ඒ වගේම මේ මූර්ති පියවි ඇසින් දකින්න ගොඩක් අපහසුයි. (නොහැකියි බොහෝ විට). ඒ නිසා මේ මූර්ති බලන්න අපිට ඉලෙක්ට්‍රෝන අන්වීක්ෂයක් අවශ්‍ය වෙනවා.🥲

https://t.me/micromirr/2187

#Social_Mid

Mark I ලෙස හැඳින්වූ බ්‍රිතාන්‍ය යුධ ටැංකිය.

- 1916

#History

ඇත්තටම ඉදුණු දොඩම් තැඹිලි පාට නෑ...!

දොඩම් ගෙඩියක් පරිණත වෙනකොට , මේ දොඩම් ගෙඩිය තුළ හරිතප්‍රද හටගන්නවා. දොඩම් වල කොළ පැහැයට හේතු වෙන්නෙ මේ හරිතප්‍රද. ඉතින් සාමාන්‍යෙන් ඉතාමත් ශීත උෂ්ණත්වයකට මුහුණ දෙනකොට මේ හරිතප්‍රද මිය ගිහින් , දොඩම් ලෙල්ලේ ආවේණික කොළ පැහැය නැති වෙලා යනව. අන්න එතකොට තමයි දොඩම් ගෙඩියක් තැඹිලි පාටින් දිස් වෙන්නෙ.

ගොඩක් වෙලාවට සමකය ආසන්නයේ තියෙන උෂ්ණ රටවල් වල නං ,තැඹිලි පාට දොඩම් ගෙඩියක් හදාගන්න හරිම අමාරුයි. ඒකට හේතුව තමයි නියමිත උෂ්ණත්වයක් සහ ආලෝක තත්වයක් හමුවේ හරිතප්‍රද වල ක්‍රියාව නොකඩවා සිදු වීම.

සාමාන්‍යෙන් අපේ රටවල් වල නං , කොළ පාට දොඩම් තැඹිලි පාට කරන්න , එතිලීන් වායුවට නිරාවරණය කරනවා. ඒකෙන් හරිතප්‍රද බිඳ දානවා.

#Knowledge

පළමු වෙබ්සයිට් එක නිර්මාණ උනේ මොන කාලයේදීද?

ලෝකයේ පළමු වෙබ්සයිට් එක සහ වෙබ් සර්වර් එක නිර්මාණය වෙලා තියෙන කාලය ගැන නිශ්චිත සඳහනක් නැතත් , එය පළමු වරට අන්තර්ජාලයට ඇතුලත් කරල තියෙන්නෙ 1991 අගෝස්තු 6 වෙනිදා.

http://Info.cern.ch මේ තියෙන්නෙ ඒ වෙබ්සයිට් එක. මේ වෙබ්සයිට් එක නිර්මාණය කරල තියෙන්නෙ ප්‍රංශය තුළ , CERN නම් ආයතනය විසින්.

#History

කාමුක ලිංගිකත්වය (Porn Sex) සහ සංස්කෘතික ලිංගිකත්වය (Tantric Sex) අතර වෙනස

කාමුක ලිංගිකත්වයට අනුව :-

1. ලිංගිකත්වය පදනම් වෙන්නේ පෙනුම සහ රූපය මත පමණි.

2. ලිංගිකත්වය යනු සුරාන්තය සහ ශුක්‍රාණු පිට වීම පමණි.

3. ලිංගිකව හැසිරීමට සමීප සබඳතාවන් අවශ්‍ය නැත. ඕනෙම කෙනෙක් සමග ඕනෙම ආකාරයට ලිංගිකව හැසිරිය හැක.


සංස්කෘතික ලිංගිකත්වයට අනුව :-

1. ලිංගිකත්වය යනු ශරීරයට සීමා නොවුන ආත්මයන් පවා සම්බන්ධ කරන දෙයක්.

2. ලිංගිකත්වය යනු එකිනෙකාගේ ආශාවන් වලට ගරු කරමින් , එකිනෙකාව තෘප්තිමත් කරගැනීමකි.

3. ලිංගිකත්වය යනු බිඳ දැමිය නොහැකි සම්බන්ධයකි.

4. ලිංගිකත්වය යනු අත්දැකීම් සමූහයකි.

කාමුක ලිංගිකත්වය ජීවිතයේ තනි සතුටට සුදුසුය. සංස්කෘතික ලිංගිකත්වය තමාගේ සතුටට මෙන්ම අනෙකාගෙ සතුටටද සුදුසුය.

#Relationship_Tips