Psychology ගැන කතා කලාට psychology facts කියෙව්වට , ඇත්තටම psychology කියන එකේ තේරුම දන්නවද?

Psychology , එහෙමත් නැත්තං මනෝවිද්‍යාව කියන්නෙ , මනස සහ මිනිස් හැසිරීම් පිළිබඳව කරන විද්‍යාත්මක අධ්‍යනයන්ටයි. මනෝ විද්‍යාව කියන්නෙ සුලුපටු දෙයක් නෙවෙයි. ගොඩක් පුලුල් පරාසයකට විහිදෙන දෙයක්. මානව සංවර්ධනය , සමාජ හැසිරීම් , ක්‍රීඩා , සෞඛ්‍යය වගේ ගොඩක් ක්ශේත්‍ර , මේ මනෝවිද්‍යාවට අයත් වෙනවා.

ඉතින් මනෝවිද්‍යාත්මක කරුණු විදිහට අපි මේ කියන්නෙ ගොඩක් වෙලාවට සමාජ හැසිරීම් ගැන විතරයි. මනෝවිද්‍යාව කියන්නෙ ඒවට විතරක් සීමා උන දෙයක් නොවෙන බව මතකතියාගන්න.

ඔයා දන්න psychology facts තියෙනව නං ඒවත් comment කරන් යන්න 😶‍🌫

#Knowledge

අපිට කරදරයක් , වදයක් උන හැමදෙයක්ම , අවසානයේ අපිට ඉවසීම ගැන ඉගැන්නුවා...

අපිව අතහැරලා ගිය අය අපිට තනියම ඉන්න හැටි ඉගැන්නුවා...
අපිව කෝපයට පත් කරන අය අපිට , සමාව දීම සහ අනුකම්පා කිරීම ගැන ඉගැන්නුවා...
අපිට බලය පෙන්නන්න ආපු අය , අපිටත් ඒ බලය ලබාගත් හැටි ඉගැන්නුවා...
අපි වෛර කරපු දේවල් අපිට ආදරය කරන්න ඉගැන්නුවා...
අපි බය උන දේවල් , අපිට ජය ගන්න ධෛර්ය්‍යය ලබා දුන්නා...

කොටින්ම අපිට පාලනය කරගන්න බැරි හැම දෙයක්ම , මොකක්ම හරි දෙයක් අපිට උගන්නනවා.

එකම වෙනස...!

ඔයා ඒ දේ ඉගෙනගන්නවද? නැද්ද? කියන එක.

♨️ Good Night Bits

#Night_Thoughts (කාලෙකින්🫣)

පොඩි මතක් කිරීමක්...!

🏝 මහන්සි නම් පොඩ්ඩක් නිදාගන්න

🏝 දුකින් නම් සිංදුවක් අහන්න

🏝 ආතතියකින් නම් පොඩ්ඩක් ඇවිදින්න

🏝 කෝපයෙන් නම් ව්‍යායාම කරන්න

🏝 හිත එහෙ මෙහෙ දුවනව නම් පොතක් කියවන්න

🏝 අතරමං වුන් බවක් දැනෙනව නම් ආගමික වතාවත් කරන්න

🏝 අධිකව හිතනව නම් ඒව කොළේක ලියන්න

🏝 කනස්සල්ලෙන් නම් භාවනා කරන්න

🏝 ආශ්වාදයක් නැති නම් ඔයා ආස දෙයක් කරන්න

සෑම ගැටලුකාරී අවස්ථාවටම විසඳුමක් ඇත. ඔබ එය සොයා ගත යුතුය...!

#Quotes

සටන අතහරින්න එපා කියන්න හොඳම උදාහරණයක්...🏜

#Sup4Sub #Social_Mid

ඔයා යම්කිසි පීඩාකාරි තත්වයක ඉන්නව නං , සින්දුවක් කියන්න. විශාරද හැකියාවන් ඕන්නෑ. ඔයාට පුලුවන් විදිහට සින්දුවක් කියන්න. නැත්තං මුමුණන්න.

ඒක මානසික පීඩන තත්වයන් සහ කනස්සලට පත් වීමෙන් වැළකී සිටීමට, ඔයාට ආධාර වෙනවා.

#Psycho_Facts

නෙබියුලාවක් (Nebula) කියන්නෙ අධික ස්කන්ධයකින් යුතු , අභ්‍යවකාශය තුළ පවතින , දූවිලි හෝ වායු වලාවකට. සමහර නෙබියුලා ඇතිවෙන්නෙ , මියගිය තාරකා වලින් හටගන්න සුපර්නෝවා පිපිරුම් වැනි සංසිද්ධකදී විහිදෙන දූවිලි සහ වායු වලාවන් වලින්.

ඒ වගේම තවත් සමහර නෙබියුලාවන් පවතිනවා , නව තාරකා ඇති වෙන දූවිලි සහ වායුමය කලාප ආශ්‍රිතව.

#Astronomy

හදිස්සියෙවත් , චන්ද්‍රයා වෙනුවට ඒ ස්ථානයේ බ්‍රහස්පති ග්‍රහයා සිටියොත් , අපිට අහස පේන්නෙ මේ විදිහට.😺

#Facts

භාණ්ඩ ප්‍රවාහනය කරන අශ්වයෙක් වෙන්න එපා. හැමෝටම නියෝග දෙන රජ කෙනෙක් වෙන්නත් එපා. කුමාරියව බේරගන්න එන නයිට්වරයෙක් වෙන්න.

සම්බන්ධයක් කියන්නෙ දෙදෙනක් අතර ඇතිවෙන දෙයක්. ඉතින් එතකොට , "ස්වාධීනත්වය" කියන කාරණාව සම්බන්ධයකදි ගොඩක් බලපානව.

ඕනෙම කෙනෙක්ට ස්වාධීනත්වයක් තියෙන්න ඕනෙ තමයි. හැබැයි සම්බන්ධයකදි නං ස්වාධීනත්වයම මත පදනම් වෙන එක නං එච්චර හොඳ දෙයක් නෙවෙයි.

සමහරු ඉන්නවා , අනෙකාගේ ස්වාධීනත්වය වෙනුවෙන් , තමන්ගෙ ස්වාධීනත්වය බිංදුවටම අඩුකරන් ඉන්න අය. අපි එහෙම අයට සමාජය තුළ නං විහිලුවට කියනවා , "වඳින අය" කියල. මේ වගේ පුද්ගලයො හරියට බඩු ප්‍රවාහනය කරන අශ්වයෙක් වගේ. කියන කියන දේ කරනවා.

ඒ වගේම තවත් සමහරු ඉන්නව , තමන්ගෙ සහකරුවගෙ ස්වාධීනත්වය ගැන අංශු මාත්‍රයක තැකීමක් කරන්නැති අය. ඔක්කොම වෙන්න ඕනෙ ඒ පුද්ගලයට ඕනෙ විදිහට. වර්තමානයේ ගොඩක් සම්බන්ධ නිකරුණේ බිඳෙන්නත් මේක එක හේතුවක්. ඒ වගේ පුද්ගලයො හරියට රජවරු වගේ. තමන්ගෙ මතය විතරයි.

ඉතාමත් කලාතුරකින් සමහර අය ඉන්නවා , තමන්ගේත් , තමන්ගෙ සහකරුවගේත් ස්වාධීනත්වය ගැන හිතල කටයුතු කරන අය. ඒ අය ඒ ඒ අවස්ථා වලට අනුව හැසිරෙනව මිසක් , තනි අදහසක් හිතේ තියන් කටයුතු කරන්නෑ. සමහර වෙලාවට සහරුවගෙ ස්වාධීනත්වය ගැන නොසිතා වැඩ කරනවා. සමහර වෙලාවට ස්වාධීනත්වය ගැන හිතල වැඩ කරනවා. මේ අය හරියට , කුමාරිකාව බේරගන්න එන නයිට්වරයෙක් වගේ.

මේ හැසිරීම් තුන අතරින් වඩාත්ම සාර්ථක වෙන්නෙ තුන් වෙනි එක.

ඒකට හේතුව මම ඒ උපමාවට අනුවම කියන්නං. කුමාරිකාවක් බේරගන්න එන නයිට් කෙනෙක් , කුමාරිකාවගේ බෙල්ලෙන් අල්ලල අශ්වය පිටට දාන්නෑ. බොහොම ගරුත්වයෙන් ඇයගේ ස්වාධීනත්වය ආරක්ශා වෙන විදිහට තමයි මොන අමාරු අවස්ථාවක උනත් කටයුතු කරන්නෙ.

හැබැයි අවශ්‍ය වෙලාවල් වලට , කුමාරිකාවගේ අණ පවා නොතකා ඇයගේ ආරක්ශාව වෙනුවෙන් , මේ නයිට්වරු කටයුතු කරනවා.

ඉතින් ආදරය කරනකොටත් වලංගු වෙන්නෙ මේ සරල අදහසම තමයි. මිනිස්සු හැමෝම හැමවෙලේම නිවැරදි තීරණ ගන්නෑ. සමහර වෙලාවට අපි ආදරය කරන අයව පාලනය කරන්න වෙනව අපිට. ඒ එයාලගෙම හොඳට. හැබැයි හැමතිස්සෙම පාලනය කිරීමවත් , පාලනයකින් තොරවම සිටීමත් , ආදරය කියන මාතෘකාවට එච්චර උචිත නෑ.

ඒ නිසා ඔයත්...,
කුමාරියව බේරගන්න එන නයිට් කෙනෙක් වගේ වෙන්න.

#Relationship_Tips

Pubic louse

Pubic Louse කියන්නෙ මිනිස් සිරුරේ ජීවත් වෙන , උකුණන්ගේ උප කාණ්ඩයකට අයත් වෙන කෘමියෙක්. මේ තියෙන්නෙ ඒ කෘමියගෙ , විශාලනය කරන ලද සහ වර්ණ ගන්වන ලද ඡායාරූපයක්.

#Social_Mid

ලෝකෙ මදුරුවන් නැති එකම රට අයිස්ලන්තයයි.

#Facts

"හානිකර ද්‍රව්‍ය වායුගෝලයෙන් ඉවත් කිරීම නිසා , එය පසුගිය වසරට වඩා දැන් තරමක් කුඩායි"

ධ්‍රැව ආසන්නයේ ඇති සුප්‍රසිද්ධ ඕසෝන් ස්ථරයේ සිදුර , හැකිලෙමින් පවතින බවට නාසා ආයතනය පවසනවා.

ඒ අනුව දක්ශිණ ධ්‍රැව ආශ්‍රිතව , 2022 සැප්තැම්බර් 7 සහ ඔක්තෝබර් 13 අතර කාලයේ , එම ඕසෝන් සිදුර , වර්ග සැතපුම් මිලියන 8.9 ක සාමාන්‍ය ප්‍රදේශයකට ළඟා වෙලා තියෙනවා.

මේ අගය පසුගිය වසරට වඩා තරමක් කුඩා වන අතර සමස්ත හැකිලීමේ ප්‍රවණතාවක් දිගටම පවතිනවා.

ඒ ගැන NASA ආයතනයේ වෙබ් අඩවියේ පළවූ වාර්තාව මෙතනින් කියවන්න.

🔗Link :- https://www.nasa.gov/esnt/2022/ozone-hole-continues-shrinking-in-2022-nasa-and-noaa-scientists-say

#Sup4Sub #WorldWide

පෘථිවිය මත ඔයාගෙ බර 100kg ක් නම් ,
අඟහරු මතදී ඔයාගෙ බර 37kg ක් විතරයි.

පෘථිවිය තුළදී සමහරු , ඔයාගෙ බර වැඩී කියයි. සමහරු ඔයා රෝගී කියයි. සමහරු ඔයා පොළවට අධික බරක් කියයි.

ඒත් ප්‍රශ්නෙ තියෙන්නෙ ඔයාගෙ නෙවෙයි. ඔයා ඉන්නෙ වැරදි ග්‍රහලෝකයේ. එච්චරයි. වෙනස් විය යුත්තේ ග්‍රහලෝකයයි. නැතුව ඔබ නෙවේ....

👆👆👆

"වෙනස් විය යුත්තේ ඔබ නොවේ ඔවුනුයි" කියන සංකල්පය සෑම විටම සත්‍ය නොවන බවට හොඳම උදාහරණයක්.

සමහර වෙලාවට , ඇත්තටම වෙනස් වෙන්න ඕනෙ ඔයා වෙන්නැති...? ඒකට වෙන අය වෙනස් වෙනකං බලන් ඉන්න එපා....

#Night_Thoughts

♨️ Good Night Bits | Share & Sup~

A hard day. But better luck in future.

Pay-To-View posts

#Tele_Tips #Article

"ඉක්මන් වෙන්න. වේගවත් වෙන්න. හැබැයි හදිස්සි වෙන්න එපා"

- John Wooden

#Saying

චීන භාෂාවේ අක්ෂර 50,000ක් පමණ තිබෙනවා. ඔයාට චීන පුවත්පතක් කියවන්න නං , ඉන් වචන 2 - 3000 ත් අතර ප්‍රමාණයක් අවශ්‍ය වෙනවා.

#Sup4Sub #Facts

නිතරම අන් අයගෙන් තර්ජනයට ලක් වන සහ , සාංකාවෙන් කල් ගෙවන පුද්ගලයන් , අවස්ථාවක් ලද සැනින් වංචා කිරීමට පෙළඹීමට වැඩි සම්භාවිතාවක් තියෙනවා.

#Psycho_Facts

ලයිකා (Laika)

ලයිකා කියන්නෙ සෝවියට් අභ්‍යවකාශ මධ්‍යස්ථානය මගින් අභ්‍යවකාශයට පිටත් කරපු සුනඛයෙක්. ඒ වගේම අභ්‍යවකාශයට ගිය සතුන් කිහිප දෙනා අතරින් මුල් කාලීනම කෙනෙක්.

ඒ වගේම මෙයා තමයි ප්‍රථිවිය වටා කක්ශ ගතවූ පළමු සත්වයා. මොස්කොව් නගරයේ අයාලේ යමින් සිටි මේ වීදි සුනඛයා , ස්පුට්නික් ii යානයෙන් තමයි මේ විදිහට අභ්‍යවකාශ ගත වෙන්නෙ. ඒ 1957 වසරේ , නොවෙම්බර් 3 වෙනිදා.

උපත :- මොස්කොව් , රුසියාව

මිය ගියේ :- නොවෙම්බර් 3 වෙනිදින , 1957 ( නැවත පෘථිවියට පැමිණීමේදී , පහළ පෘථිවි කක්ශය තුළදී)

බර :- කිලෝග්‍රෑම් 5යි.

#History

Fact Check

ෆෝන් එකට වතුර ගියාම , ඒකට කරන්න ඕනෙ ෆෝන් එක හාල් එකක ඔබල තියෙන එක. හෝ සිලිකා ජෙල් අඩංගු බඳුනකට දාන එක.

හාල් වලට , අවට වායුගෝලිය වාතය අවශෝෂණය කරන්න පුලුවන්. ඒක ඇත්ත. ඒත් බොහොම සුලු ප්‍රමාණයක් විතරයි. ෆෝන් එකේ ඇතුලෙ රැඳිල තියෙන ජල බිඳිති වලට ඒකෙන් කිසිම බලපෑමක් නෑ.

හාල් පුරවපු උරේකට ෆෝන් එක ඔබන එකයි , හිස් උරේකට ෆෝන් එක ඔබන එකයි දෙකම සමානයි. ෆෝන් එකේ ඇතුලෙ තියෙන ජල බිඳිති කොහොමත් නිකංම වාශ්ප වෙනව. ඒකට හාල් පුරවපු වටපිටාවක් ඕන්නෑ.

අපි හාල් එකේ ගහල පැය දහයක් විතර තිබ්බම වතුර අයින් වෙන්නෙ , ඒ වතුර ඔක්කොම හාල් වලට ඇබ්සෝබ් කරගන්න නිසා නෙවේ. නිකං භාජනේකට දාල තිබ්බත් පැය දහයකින් ඒ වතුර ප්‍රමාණයම අයින් වෙනවා.

ඒත් එහෙම හාල් වලට දාන එක ඔයාගෙ ෆෝන් එක හොඳ නෑ.

ඒකට හේතුව තමයි , හාල් වලින් සියුම් කුඩක් විහිදෙනව. ඔය හාල් ටිකක් අතගාල බැලුවම අතේ කුඩු ජාතියක් ඇලෙන්නෙ. අන්න ඒක.

මේ කුඩ , ෆෝන් එක ඇතුලට ගිහින් , ෆෝන් එකේ ඇතුලෙ තියෙන ජල අංශු එක්ක එකතු වෙලා , නිකං පාප්ප වගේ ද්‍රව්‍යක් හදනව. (උණු වතුරට පිටි දැම්මම හැදෙන්නෙ).

මේ හැදෙන පල්පය අයින් කරන්න ගොඩක් අමාරුයි. ෆෝන් එකේ විද්‍යුත් සංසරණයක් වෙන තැන් දෙකක මේ පල්පය ඇති උනොත් ශෝට් වෙන්නත් පුලුවන් , එහෙම නැත්තං විද්යුත් ගමනාගමනය බාධා වෙන්නත් පුලුවන්.

මේ කියන සිලිකා වලිනුත් ෆෝන් එකේ ගොඩක්ම ඇතුලෙ තියෙන ජල අංශු ඉවත් කරන්න මහ බලපෑමක් කරන්නෑ. මොකද ෆෝන් එක ඇතුලෙ තියෙන වායු ස්ථර ගොඩක් නිශ්චලයි. ඒ නිසා ජල අංශු වාශ්ප වීමත් , ඒ ජල අංශු වාතය ඔස්සේ විසරණය වෙලා සිලිකා වලට ඇබ්සෝබ් කරගන්නෙත් හෙන හිමින්.

ෆෝන් එකකට වතුර ගියාම , අපි සැලකිලිමත් වෙන්න ඕනෙ වටපිටාව ගැනයි කාලය ගැනයි. වියළි වටපිටාවක , ගොඩ කාලයක් තියෙන එකෙන් , ෆෝන් එකේ ජල අංශු 99%ක්ම ඉවත් වෙන්න පුලුවන්. ඒකට හාල් වල ඔබන්න ඕන්නෑ. සහ ඒක ෆෝන් එකට හොඳ නෑ.

(Based on an answer I gave elsewhere)

Fact Status : FALSE ❌

#Facts_Check

ටෙලිග්‍රෑම් වල ඊළඟට එන්න තියෙන අලුත්ම Option එක - "Groups සඳහා Topics"

Topics ගැන සරල අදහසක් ගන්න මම මෙහෙම කියන්නං. හිතන්න මහා විශාල ගෲප් එකක් තියෙනවා. විනාඩියට මැසේජ් 1000ක් විතර එන. එහෙම ගෲප් එකක අපිට එක මාතෘකාවක් යටතේ සාකච්ඡාවක් ගෙනියන්න පට්ට අමාරුයිනෙ.

අන්න ඒකට තමයි මේ Topics කියන feature එක ඇතුලත් කරන්නෙ. ගෲප් ඇඩ්මින්වරුන්ට සහ , owner ට පුලුවන් විවිධ මාතෘකා වලට Topics නිර්මාණය කරන්න. ඒ ඔක්කොම ගෲප් එකේ උඩින්ම , එන Info මෙනු එකේ පෙන්නනවා.

එතකොට ගෲප් එකේ ඕනෙම කෙනෙක්ට අදාළ Topic එකට ගිහිල්ල අදාළ මාතෘකාව යටතේ සාකච්ඡාව අරන් යන්න පුලුවන්.

මේකත් හරියට චැනල් පෝස්ට් එකක thread එකක් වගේ. හැබැයි එතනදි එක මැසේජ් එකකට reply කර කර යන්න එපැයි. මේකෙදි එහෙම නෑ.

දැනට මේ පහසුකම දීල තියෙන්නෙ , Beta Version පාවිච්චි කරන අයගෙනුත් , telegram test server ඔස්සේ ටෙලිග්‍රෑම් එන අයට විතරයි. බොහෝ විට ඊළඟ telegram අප්ඩේට් එකට මේ පහසුකම ඒවි.

ඒ වගේම Topics පහසුකම යොදාගන්න පුලුවන් members ල 200ට වැඩි සහ channel එකකට connect නොකරපු groups (Discussions) වලට විතරයි.

Test : @LearnBitsF

#Tele_Tips

Textationship ගැන අහල තියෙනවද?

Textationship කියන්නෙ සම්බන්ධයක් ඇති / නැති අතර දෝලනය වෙන දෙයක්.

හිතන්න ගැහැණු ළමයෙකුයි පිරිමි ළමයෙකුයි , බොහොම හොඳින් කතා බහ කරල , බොහොම සමීපව ආශ්‍රය කරනව. දෙදෙනටම දෙදෙනාවම ඕනෙ.

ඒ උනත් දෙන්නම කිසිම පියවරක් ගන්නෑ ඒ සම්බන්ධය ආදරයක් දක්වා වර්ධනය කරගන්න. එකම සීමාවක හැමදාම ඉන්නවා. හැබැයි දෙන්නම දන්නවා තමන් අනෙකට කැමතී , එයා නැතුව බෑ කියල.

අන්න ඒ වගේ දෙලොවක් අතර දෝලනය වන හැඟීමකට තමයි Textationship කියන්නෙ.

වර්තමානයේ ඕනෙ තරම් අය ඉන්නව මේ විදිහෙ සම්බන්ධකම් පවත්වන අය.

#Relationship_Tips