ඔසප් වේදනාව සමනය කරන්නෙ කොහොමද?

#Knoledge ♡ @LearnBits

සුදු කුහරය

සුදු කුහර කියන්නෙ , කළු කුහර වලම ප්‍රතිවිරුද්ධ දෙයක්. සාමාන්‍ය සාපේක්ෂතාවාදයට අනුව සුදු කුහරයක් කියන්නෙ පිටතින් ඇතුළ් විය නොහැකි , අවකාශමය සහ කාලයෙන් පිටත උපකල්පිත කලාපයක්.

ඒ වගේම මේ සුදු කුහර වලින් ආලෝකයට සහ ශක්තියට සහ පදාර්ථයට ගැලවී යන්න පුලුවන්. කලු කුහර වගේ අවශෝෂණයකට ලක් වෙන්නෑ.

ඒ වගේම සුදු කුහර ගැන කතා කරන්න සාමාන්‍ය දැනුම යොදාගන්නෙත් නෑ. මොකද විද්‍යාඥයන් කියන විදිහට මේ සුදු කුහර , සාමාන්‍යෙන් භාවිත කරන නියම කීපයක්ම උල්ලංඝනය කරනවලු.

අපි දන්නවා කළු කුහර වලින් කරන්නෙ , කළු කුහරය හරහා යන හැමදේම එතුලට ඇද ගන්න එක කියල. විද්‍යාඥයන් මත පළ කරනවා සුදු කුහර වලින් කරන්නෙ ඒ තුළ ඉඳන් පිටතට දේවල් විහිදුවන එක කියල.

ඒක සත්‍යක් නම් , මේ කළු කුහර සහ සුදු කුහර කියන්නෙ බටේක දෙපැත්තක් වගේ. එක මන්දාකිණියක තියෙන කළු කුහරයක් එතුළට ඇදගන්න දේවල් තවත් මන්දාකිණියක තියෙන සුදු කුහරයක් හරහා පිට වෙනවා.

සුදු කුහරය කාලය කියන මානයෙන් පිටත තියෙන දෙයක් කිව්වෙ අන්න ඒකයි...!

#Astronomy ♡ @LearnBits

"ප්‍රමෝදය" කියන්නෙ අපි වෙනත් කෙනෙක්ව සිනහගන්වනකොට , අපිට ඇති වෙන හැඟීමටයි. මේක කණ්ඩායම් අතර බැඳීම වැඩි කිරීම සඳහා වෙන පරිණාමීය ක්‍රියාවලියක්.

ප්‍රමෝදය (Mirth)

#Psycho_Facts ♡ @LearnBits

සුදු කුහරය ගැන දීර්ඝ විස්තර කිරීමක් ඕනෙද?

👍/👎

සිංහයන්ව සහ කොටියන්ව අභිජනනය කරලා Liger නම් නව විශේෂයකට උපත ලබා දෙන්න පුලුවන්. හැබැයි පැවැත්ම බොහොම කෙටියි.

#Education ♡ @LearnBits

ඉඳිකටුවක් ආලෝකයේ වේගයෙන් පැමිණ පෘථිවි පෘෂ්ඨයේ වැදුනොත් වෙන දේ...

#Social_Mid ♡ @LearnBits

අපි දන්නවා , තාප සංවේදක කැමරා (Thermal cameras) සාමාන්‍යෙන් යම් වස්තුවකින් නිකුත් කරන තාපය අධෝරක්ත කිරණ ලෙස හඳුනගන්නවා. හැබැයි හිමවලසුන්ව මේ කැමරාවකින් බලන්න ගොඩක් අපහසුයි.

ඒකට හේතුව තමයි හිමවලසුන් ඔවුන්ගෙ සමට යටින් තියෙන ඝන මේද තට්ටුව භාවිත කරල තාපය උපරිම විදිහට සංරක්ෂණය කිරීම. ඉතින් හිමවලසෙක්ගෙන් තාපය ලෙස පිටවෙන අධෝරක්ත කිරණ මට්ටම ගොඩක් අඩුයි. කැමරාවලට පවා අසුනොවෙන මට්ටමට අඩුයි.

#Knowledge ♡ @LearnBits

ඔයාට රෑට නිදාගන්නකොට , ඔලුවට එන දේවල් ගැන හිතන එක නවත්තගන්න බැරි නං , ඉක්මනට ඇඳෙන් නැගිටල ගිහින් ඒ දේවල් කොළයක් අරන් ලියන්න. ඔයාටම පොරොන්දු වෙන්න , ඊළඟ දවසෙ උදෙන්ම ඒ දේවල් ගැන හිතල බලනව කියල.

මේ වැඩෙන් ඔයාට පුලුවන් වෙයි හිතමින් ගත කරන කාලයෙන් මිදිලා ඉක්මනට නිදාගන්න.

#Psycho_Facts ♡ @LearnBits

කවදාවත් අලුත් දෙයක් කරන්න හෝ අලුත් දෙයක් ඉගෙන ගන්න බය වෙන්නවත් , පසුබට වෙන්නවත් එපා. මොකද ඔයා හැමදාමත් එකම සීමාවෙ , එකම දැනුම් මට්ටමේ ජීවත් වෙනකොට එන්න එන්නම ජිවිතය කම්මැලි වෙනවා.

ඒ නිසා හැමතිස්සෙම දෙයක් ඉගෙන ගන්න උත්සාහ කරන්න. අලුත් දෙයක් කරන්න උත්සාහ කරන්න.

#Life_Tips ♡ @LearnBits

ගුවන් යානයක වැඩිම මගීන් පිරිසක් එකවර ගමන් කිරීම යන වාර්තාව උසුලන්නේ El Al Boeing 757 නම් ගුවන් යානයයි.

මේ ගුවන් ගමන සිදුවෙන්නෙ 1991 මැයි 24 වෙනිදා. ඒ ඉතියෝපියානු පුරවැසියන්ව ඊස්‍රායලයේ ආරක්ශිත ස්ථාන වෙත හුවමාරු කරන අවස්ථාවක.

මේ ගුවන් ගමනේ ගුවන් යානය තුළ මගීන් 1086ක් ගමන් කරල තියෙනවා. ඒ වගේම ගුවන් යානය බිමට පහත් කරනකොට මගීන් 1088ක් වෙලා තියෙනවා. ඒ ගැබිණි මවුවරුන් දෙදෙනෙක් ළමුන් දෙදෙනෙක්ට , ගුවන් ගමන අතරතුරේ උපත ලබා දීම නිසා.

#History ♡ @LearnBits

ශරීරයේ අඩංගු කැල්සියම් ප්‍රමාණයෙන් 99%කට වඩා අඩංගු වෙන්නෙ අස්ථි වල සහ දත් වලයි.

#Knowledge ♡ @LearnBits

අපි හැමෝටම ජීවිත දෙකක් තියෙනවා. ඔයා පුදුම වෙයි ඒක අහල.

මේ කියන දෙවනි ජීවිතය පටන් ගන්නෙ , ඔයාට තියෙන්නෙ එක ජීවිතයයි කියල තේරුම් ගත්තට පස්සෙ.

#Quotes ♡ @LearnBits

The Hemlock Water Dropwort

මේ ශාකය , ශාක ලෝකයේ තියෙන වඩාත්ම විශ සහිත ශාකයන්ගෙන් එකක්.

මේ ශාකයේ විශ ශරීරගත උනාම ක්ශණික පේශි සංකෝචනයන් නිසා හදිසි මරණයකට පත් වෙනවා. ගොඩක්ම අත්භූත කාරණය තමයි මේ ශාකයේ විශට ගොදුරු උන පුද්ගලයා මිය යන්නේ , මුහුණෙ අත්භූත හිනාවක් ඇති කරගෙනයි.

විද්‍යාත්මකව ඒකට හේතුව වෙන්නේ ශාකයේ විශ නිසා සිදුවන මුහුණේ පේශි සංකෝචනයන්. ඒත් සමහර මිනිසුන් බැට්මෑන් කතාවෙ ඉන්න joker වගේ වෙන්න හිතාගෙන මේ විශ භාවිත කරල නිකරුණේ මිය යනවා.

#Knowledge ♡ @LearnBits

මුලින් තමන් , තමන්ගෙ වැඩේ හරියට කරන්න ඉගෙනගන්න. පස්සෙ අනිත් අයට උපදෙස් දෙන්න.

« Read Now »

#Life_Tips ♡ @LearnBits

අපි සමහරක් අයගෙ පොඩි දුර්වලතාවක් තියෙනව.

අපි වෙනුවෙන් වතුර වලක් උඩින්වත් පනින්නැති අය වෙනුවෙන් , අපි මහා මුහුදු තරණය කරන්න යනවා.

#MidDay_Thoughts ♡ @LearnBits

ඉතිහාසයේ ප්‍රථම වරට විද්‍යාඥයන් විසින් වෙනත් මණ්දාකිනියක තියෙන ග්‍රහලෝකයක් සොයාගෙන තියෙනවා.

මේ ග්‍රහලෝකය හඳුන්වන්නේ M51-USL-1b කියල. මේ ග්‍රහලෝකය පිහිටන්නේ ආලෝක වර්ශ මිලියන 28ක් දුරින් පිහිටන සර්පිලාකාර මණ්දාකිනියක් වන Messier 51 (M51) කියන මණ්දාකිනිය තුළයි. මේ මණ්දාකිනියට Whirlpool galaxy කියලත් කියනවා.

මේ සොයාගැනීම , ක්ශීරපථයෙන් එපිට තවත් බොහෝ ග්‍රහලෝක සොයාගැනීමට මගපෑදීමක් වෙන්න පුලුවන්.

#Astronomy ♡ @LearnBits

කිරි වීදුරුවේ කතාව

එක්තරා දුප්පත් පිරිමි ළමයෙක් , සල්ලි කීයක් හරි හොයාගන්න ඕනෙ නිසා ගෙවල් වලට පත්තර අරන් ගිහින් විකුණුවා. එක දවසක් මේ ළමයා බඩගින්නෙ ඉන්න වෙලාවක , පත්තර බෙදාහරිමින් ඉන්නකොට කලන්තෙට වගේ ආව. ඉතින් මේ ළමයා ඉක්මනට ළඟ තිබ්බ ගෙදරකට ගිහිල්ල කන්න මොනාහරි ඉල්ලුවා. ඒ ගෙයි හිටියෙ තරුණ ගැහැණු ළමයෙක්.

ඉතින් මේ ගැහැණු ළමයා අර පිරිමි ළමයට කිරි වීදුරුවක් දුන්නා බොන්න. පිරිමි ළමයා ඒ කිරි වීදුරුව බීල ඇහුවා , "මේ කිරි වීදුරුවට කීයක් අය කරනවද?" කියල.

ගැහැණු ළමයා කිව්වා "මට මුදල් එපා." කියලා.

පිරිමි ළමයා , ඒ ගැහැණු ළමයට ස්තූති කරල ආපහු පත්තර බෙදන්න ගියා.

කාලයත් එක්කම මේ තරුණ ගැහැණු ළමයා ලොකු උනා. නමුත් අවාසනාවකට ඇයට දරුණු ස්නායු ආබාධයක් ඇති උනා. ඇයගේ දෙමාපියන් සල්ලි කොච්චර වියදම් කලත් මේක සුව කරන්න ලැබුනෙ නෑ.

ඔන්න එතකොට ඒ කාලෙ හිටපු දක්ශතම ස්නායු රෝග සම්බන්ධ විශේෂඥ වෛද්‍යවරයෙක් මේ ගැහැණු ළමයව සුව කරන්න භාර ගත්තා. ඉතින් දැඩි පරිශ්‍රමයකට පස්සෙ මේ ගැහැණු ළමයගෙ ස්නායු ආබාධය 100%ක්ම සුව කරන්න ඒ වෛද්‍යවරයට හැකියාවක් ලැබුණා.

රෝගය සුව උනාට ඒ වෙනකොටත් මේ ගැහැණු ළමයගෙ දෙමාපියන්ගෙ මුදල් ඔක්කොම වගේ වියදම් වෙලා තිබුණෙ. ඉතින් ගැහැණු ළමයට හිතාගන්න බැරි උනා මේ වෛද්‍යවරයට ගෙවීමක් කරන්නෙ කොහොමද කියලා.

ගැහැණු ළමයා රෝහලෙන් පිට වෙන දවසෙ රෝහල් කාර්යමණ්ඩලයෙන් කෙනෙක් ආව ගැහැණු ළමයව හම්බෙන්න. ඒ ආවෙ පොඩි ලියවිල්ලක් අරගෙනයි. ඒ තමයි රෝහල් ගාස්තුව.

ගැහැණු ළමයා බය උනා මිලියන ගණනක් ගෙවාගන්න වෙයිද? කොහොමද මම මේක ගෙවන්නෙ කියල.

ඒ උනාට අර ලියවිල්ලෙ සඳහන් උනේ ගාස්තුව ගෙවා ඇති බවටයි. ඒ බිලේ කෙලවරක තවත් මොනාද ලියල තිබ්බා. ඒ එයාගෙ රෝගය සුව කරපු වෛද්‍යවරයගෙන් පොඩි සටහනක්.

ඒකෙ තිබ්බේ,
"වෛද්‍ය ගාස්තුව ඔයා මීට අවුරුදු කීපෙකට කලින් , කිරි වීදුරුවකින් ගෙව්වා. රෝහල් ගාස්තුවත් එදා ඔයා මට දක්වපු කරුණාවන්තකමින් ගෙවල තිබ්බේ." කියල.

කතාවෙන් ගත හැකි දේ:-
ඔබ සිදුකරන සෑම යහපතක් සඳහාම ඔබටද යහපතක් වෙන බවට සිහියේ තබාගන්න.

#Story ♡ @LearnBits

කුඩයකට බෑ වැස්ස නවත්තන්න.
හැබැයි ඒකට පුලුවන් ඔයාට වැස්සෙදි නොතෙමී ඉන්න උපකාර කරන්න.

ඒ වගේම....,

තමන් ගැනම විශ්වාස කිරීමෙන් ඔයාව සාර්ථක කෙනෙක් නොකරනව වෙන්න පුලුවන්.
හැබැයි ඒ විශ්වාසය , ඔයාට අමාරු කාලවලට මුහුණදෙන්න අවශ්‍ය ශක්තිය ලබා දෙනවා.

#Life_Tips ♡ @LearnBits

Jaw-transformer

මේ මාලුවට තියෙන්නෙ පුදුමාකාර මුඛයක්. මේ මාලුවා , යම් ගොදුරක් දැක්ක ගමන් එයාගෙ කට , නලයක් ආකාරයට දික් කරගෙන , ඒ ගොදුර ඇදගැනීමකට ලක් කරනවා. සත්ව ලෝකයේ දැකිය හැකි පුදුමාකාරම අනුවර්තනයක් තමයි මේක.

වැඩි විස්තර බලාගන්න මේ ලින්ක් එකෙන් යන්න
https://www.zoobasel.ch/en/aktuelles/news/1265/stuelpmaullippfisch-der-mit-der-grossen-klappe/

#Knowledge ♡ @LearnBits

Fact Check

මේ පොටෝ එක මම දැක්කෙ මගෙ contact list එකේ ඉන්න කීප දෙනෙක්ගෙ ස්ටේටස් වලින්. මොකක්ද මංද හෑල්ලකුත් එක්ක දාල තිබ්බෙ. කාගෙද මිනිසෙක්ගෙ පෙනහල්ලක කැරපොත්තෙක් ඉන්නව කියල , ඊට පස්සෙ ඒ මිනිහා වෙන ඉස්පිරිතාලෙකට ගියාම කියලලු කැරපොත්තා ඉඳල තියෙන්නෙ X ray මැශීන් එක ඇතුලෙ කියල.

මේකෙ වැරදි කීපයක්ම තියෙනවා. මේ X ray එක අයිති වෙන්නෙ Marilyn Monroe’s කියල පුද්ගලයෙක්ට. ඒක අරන් තියෙන්නෙ ලෙබනනයේ Cedars රෝහලේ. ඒ 1954දි.

ඒ කරුණ නොදන්නව උනත් කැරපොත්තෙක් ගෙ සහ පෙනහලුවක ප්‍රමාණයන් ගැන අවබෝධයක් තියෙන කෙනෙක්ට මේක කොච්චර විහිලුවක් ද කියල තේරෙන්න ඕනෙ.

අනිත් කාරණය තමයි X ray එකකින් කැරපොත්තෙක්ව පේන්නෙ මෙහෙම නෙවෙයි. මේ තියෙන්නෙ opacity අඩු කරපු color remove කරපු කැරපොත්තෙක්ගෙ පොටෝ එකක්නෙ.

සහ අවසන් කාරණය තමයි x ray මැශින් එකක් ඇතුලෙ කැරපොත්තෙක් හිටියට ඒක මෙහෙම පේන්න විදිහක් නෑ. X ray මැශින් එකක ආකෘතියක් දැකල තියෙන කෙනෙක්ට ඒක තේරෙන්න ඕනෙ.

Fact Status : FALSE ❌

#Facts_Check ♡ @LearnBits