ලොව විශාලතම මොළයක් සහිත සත්වයා කවුද?

මිනිස් මොළය සාමාන්‍යයෙන් රාත්තල් 3ක් පමණ වෙනවා. ඩොල්ෆින් මත්ස්‍යන්ටත් ඒ හා සමාන මොළයක් තියෙනවා. ඒ වගේම ඩොල්ෆිනුන් ගොඩක් බුද්ධිමත් සත්ව කොට්ඨාසයක්.

කොහොම උනත් ඩොල්ෆිනුන් තරම් බුද්ධිමත් නොවුනත් , ඩොල්ෆින් මොළයට වඩා විශාල මොළයක් "Sperm Whale" (තල්මසුන් වර්ගයක්) සතුවෙනවා.

ඔවුන්ගේ මොළය සාමාන්‍යෙන් රාත්තල් 17 ක් පමණ වෙනවා.

#Knowledge ♡ @LearnBits

රෑට පිපෙන මල් බහුතරය සුදුපාට ඇයි?

රාත්‍රියේ පිපෙන ගොඩක් මල් සුදුපාටයි. ඒකට හේතු කීපයක් තියෙනවා. සුදු පාට කියන්නෙ , රෑට ගොඩක්ම කැපිලා පෙනෙන පාටක්. ඉතින් කෘමීන්ට මල හොයාගන්න ලේසි වෙනව.

ඒ වගේම රාත්‍රියේදී අනිත් වර්ණයන් එච්චර කැපිල පේන්නෙ නැති නිසා , ශාකය වර්ණවත් වර්ණක නිපදවන්න සම්පත් හානි කරගන්නෙ නෑ.

ගොඩක් වෙලාවට මේ රාත්‍රියේ පිපෙන මල් ගොඩක් සුවඳයි , අනිත් මල් වලට සාපේක්ෂව. ඒක රාත්‍රී කාලයේදී කෘමීන්ව ආකර්ශණය කරගන්න , ඒ මල් වල තියෙන අනුවර්තනයක්.

#Knowledge ♡ @LearnBits

රාත්‍රී අහසේ සිකුරු එතරම් දීප්තිමත්ව පෙනෙන්නෙ ඇයි?

හිරු බැස යෑමෙන් පසු හෝ හිරු උදාවට පැය කීපෙකට පෙර අපිට සිකුරු ග්‍රහයාව අහසේ දකින්න පුලුවන්. ඒ වගේම ගොඩක් දීප්තිමත්ව.

මේකට හේතුව තමයි , සිකුරු ග්‍රහයා මතුපිට තියෙන ඝන වලාකුලු , එය වෙතට ළඟා වෙන සූර්යාලෝකයෙන් 70%ක් පමණම පරාවර්තනය කරල නැවත මුදාහැරීම.

ඒ වගේම සිකුරු , පෘථිවියට ආසන්න නිසාත් , පෘථිවියට ගොඩක් දීප්තිමත්ව දිස්වෙනවා.

#Knowledge ♡ @LearnBits

ඇයි අපි ඇහිපිය හෙලන්නේ?

මේක ආරක්ශක උපක්‍රමයක් විදිහටත් හඳුන්වන්න පුලුවන්. අපි ඇහිපිය හෙලන සෑම අවස්ථාවකම , ඇහිබැම විසින් ඇස මතුපිට ශ්ලේෂ්මල ස්‍රාවයක් තැන්පත් කරනවා. ඇස නිරන්තරයෙන්ම සේදීමකට ලක් කරන්නත් මේ ස්‍රාවය වැදගත් වෙනවා.

ඇසිපිය හෙලීම මගින් දීප්තිමත් ආලෝකයන්ගෙන් සහ දූවිලි වැනි ආගන්තුක අංශු වලින් ඇස ආරක්ශා කරගන්නත් පුලුවන් වෙනවා.

#Knowledge ♡ @LearnBits

ඇස්තමේන්තු කර ඇති ආකාරයට ලෝකයේ ආගම් 4200ක් විතර තියෙනවා. ඇදහිල්ල හෝ විශ්වාසය යන සංකල්ප වෙනස් උනත් පොදුවේ ආගම් එතරම් සංඛ්‍යාවක් තියෙනවා.

#Knowledge ♡ @LearnBits

ඩොල්ෆින් මත්ස්‍යන් නිදාගන්නේ එක ඇසක් පමණක් වසාගෙනයි. ඒකට හේතුව තමයි ඔවුන් ආරක්ශක උපක්‍රමයක් විදිහට එක ඇසක් , නිතරම ඇරගෙන සිටීම.

ඩොල්ෆිනුන් නිදාගන්නකොට ඔවුන්ගේ මොළයේ එක අර්ධයක් ක්‍රියාකාරීව පවතිනවා. ඒ නිසා ඔවුන්ට නිදාගන්න කොටත් තමන්ගේ ආරක්ශාව ගැන නිරන්තර සිහියකින් පසුවෙන්න පුලුවන්.

#Knowledge ♡ @LearnBits

ගෝනුසු විෂහි අඩංගු වන්නේ , ඇමයිනෝ අම්ල 36කින් සෑදුණු ක්ලෝරොටොක්සින් නම් කුඩා ප්‍රෝටීන දාම සහිත අම්ලයක්.

මේ ප්‍රෝටීනය කුඩා උනාට බලපෑම ලොකුයි.

මේ ප්‍රෝටිනයෙන් කරන්නේ , ශරීරයේ ක්ලෝරීන් නාලිකා අවහිර කිරීම සහ , මාංශ පේශි සෛල වලට , ක්ලෝරයිඩ් අයන ඇතුල් වීම වළක්වන එකයි.

#Knowledge ♡ @LearnBits

හොඳින්ම සුවඳ දැනීමේ හැකියාව ඇති සත්වයා කවුද?

පිළිතුර වන්නේ අලියායි. අලියාගෙ හොඬවැල දිග විතරක්ම නෙවෙයි , මිනිසාට වඩා පස් ගුණයක ආඝ්‍රාණ ප්‍රතිග්‍රාහක වලින් සමන්විතයි.

ඒ නිසා ක්ෂීරපායින් අතර ප්‍රබලම ආඝ්‍රාණ හැකියාවක් තියෙන්නෙ අප්‍රිකානු අලියන්ට.

#Knowledge ♡ @LearnBits

බැක්ටීරියාවන් ගුණනය වීම , අන්වීක්ෂීය කාචයකින්..

#Knowledge ♡ @LearnBits

DAY 05 - Relationship Tips

අද දිනය තුළ #Relationship_Tips කාණ්ඩයට අයත් Post පමණක් පල වනු ඇත.

Time ;
4.00am - 11.00pm

Featuring : Obito Uchiha

#Sharingan2022 #Relationship_Tips

ආදරය කරපු කෙනෙක් එක්ක සම්බන්ධය නැවත්තුවම ඒ අවස්ථාව පාලනය කරගන්නෙ කොහොමද?

❤️‍🩹 ඒ වේදනාව විඳින්න

වෙන්වීමකට පස්සෙ , කෘතීම හෝ ව්‍යාජ හැඟීම් ප්‍රකාශ කරල වැඩක් නෑ. ඔයාට අඬන්න ඕනෙ නං අඬන්න. කෑගහන්න ඕනෙ නං කෑගහන්න. ඕනි නං සිංදුවක් කියන්න.

කලින් හිටපු ඔයාවම නැවත ගොඩනැගෙනවා. හැබැයි ඒකට කාලය ගත වෙනවා. ඒ ගතවෙන කාලය එකිනකාට වෙනස් වෙනවා. ඔයා ආදරය කරපු තරම අනුවත් වෙනස් වෙනවා


❤️‍🩹 ඔයාටම බැණගන්න එපා.

ඇත්තටම ආදරය කරපු දෙන්නෙක් වෙන් වෙන්න තීරණය කරන එක දවසෙන් දෙකෙන් වෙන දෙයක් නෙවෙයි. ඒක සති ගණනක් හෝ මාස ගණනක් හෝ අවුරුදු ගණනක් තිස්සේ , හැංගිලා තිබ්බ දෙයක් වෙන්න පුලුවන්.

ඒ නිසා , සම්බන්ධය නැවැත්තුවෙ ඔයාගෙ හෝ අනෙකාගෙ හෝ වැරැද්දක් නිසා කියල හිතන්න එපා.


❤️‍🩹 නැවතත් ඔහුව/ඇයව ලබාගන්න හදන්න එපා.

සම්බන්ධයක් නැවැත්තුවම ඔයාට දැනෙයි ඔයාගෙ මුලු ජීවිතයම තිබුනෙ ඔහු/ඇය ගාව කියල. ඒ නිසා ජීවත් වෙන්න නං ඔහුව/ඇයව නැවතත් ලබාගන්න ඕනෙ කියල ඔයාට හිතෙයි.

එහෙම දෙයක් නෑ. ඒ සිතුවිල්ල ඔයාට ඇති වෙන්නෙ බය නිසා. ඔයාට කවුරුත් නෑ කියල හිතට එන බය නිසා. ඒ නිසා ඔයාව දාල ගිය අයව ගෙන්නගන්න ඔවුන් ළඟ බැගෑපත් වෙන්න එපා. ඒ අය ආපහු ආවත් , ඒ සම්බන්ධයෙන් කාටවත් හොඳක් වෙන්නෑ.


❤️‍🩹 කාර්‍යබහුල වෙන්න.

ඔයාගෙ සම්බන්ධය තිබ්බ කාලෙ , ඔයා නොකරපු යමක් ආපහු කරන්න පටන් ගන්න. පරණ ජීවිතේට අවතීර්ණ වෙන්න තියෙන හොඳම විදිහක් ඒක.


❤️‍🩹 වටපිටාව වෙනස් කරගන්න.

ඔයාගෙ අවට වටපිටාව ඔහුව/ඇයව සිහිකරනව නං , පොඩ්ඩක් වටපිටාව වෙනස් කරගන්න බලන්න. ඒකෙන් ඔයාට නැවත නැවත ඔහුව/ඇයව සිහියට එන එකෙන් වළකාවි.

#Relationship_Tips ♡ @LearnBits

ඔබේ හැරගිය පෙම්වතා තාමත් ඔයා එක්ක යාලුවෙක් වගේ ඉන්න හදනවනං , ඒකට හේතුව?

(2 parts explanation)

1. ඔහු තාමත් ඔයා ගැන වදවෙනවා.

ඇත්තටම ඒක හෙන ආත්මාර්ථකාමී අදහසක් වගේ දැනේවි. දාල ගියාට පස්සෙ මොනා ගැන වදවෙනවද කියල හිතෙයි. ඒත් ඇත්තටම ඔයාල දෙන්නගෙ සම්බන්ධය දෙදෙනාටම විනාශයක් ලං කරනව නං හෝ , දෙදෙනාටම අවාසියක් නම් හෝ , ඒ සම්බන්ධය නිසා නිස්කාරනේ දුක් විඳීමෙන් ඵලක් නැත්තං නං ඔහු වෙන්වුනේ , ඔහුට අයිතියක් තියෙනවා ඔයා ගැන හොයල බලන්න. මොකද ඔහු විශ්වාස කරනවා , ආදර සම්බන්ධයකට තරම් උසස් නොවුනත් හොඳ මිත්‍රත්වයක් ගොඩනගා ගැනීම තුළින් දිගටම ඔයා එක්ක සම්බන්ධතාවක් තියාගන්න පුලුවන් කියල.

2. ඔහුට අවශ්‍යයි ඔයාල දෙන්නගෙ වෙන්වීමේ දුක තුනී කරගන්න.

වෙන්වීම කියන්නෙම දුකක්. හැබැයි වෙන් වෙන්නේ සදාකාලිකවම නං ඒ දුක තවත් වැඩී. සම්බන්ධයක් නවත්තනව කියන්නෙ දෙදෙනාටම ආදරය කරන එක නවත්තන එකට නෙවේනෙ. ඉතින් ඔහුට උවමනායි , වෙන්වීමේ දුක තුනී කරගන්න , තවදුරටත් ඔයා එක්ක ඉන්න. තාවකාලිකව වෙන් වීම , සදාකාලික වෙන් වීම තරම් දුකක් ගෙනදෙන්නෙ නෑ.

1 • 2

3. ඔහුට අවශ්‍යයි ඔහුගේ "දෙවනි සැලසුම" විදිහට ඔයාව ළඟින් තියාගන්න.

හිතන්න. සම්බන්ධය නැවැත්තුවේ ඔයාගෙ උවමනාවට නෙවෙයි. ඔහුගේ උවමනාවට. ඒත් ඔහු දිගටම ඔයා එක්ක කතාබහ කරල ළඟින් ඉන්න හදනවා. ඒ ගොඩනගාගන්න හදන සම්බන්ධය නං ඔයාට අහිතකරයි. මොකද ඔහු හදන්නේ , Back up plan එකක් විදිහට ඔයාව තියාගන්න වෙන්න පුලුවන්.

4. ඔහුට අවශ්‍යයි තවදුරටත් ඔයා , ඔහුගේ ජීවිතේ කොටසක් කරගන්න.

සම්බන්ධය නැවැත්තුවෙ ඔය දෙන්නගෙ නොගැලපීම් නිසා උනත් , ඔහු ඔයාට හදවතින්ම ආදරය කලා නං , ඔහුට අවශ්‍ය ඇති තවරදුරටත් ඔයාව එයගේ ජීවිතේ කොටසක් කරගන්න. ඔහුට අවශ්‍ය ඇති ඔයාව තවදුරටත් , ඔහුගේ "කවුරුහරි" කියල හිතන්න.

ඉතින් මේ වගේ දේවල් නිසා ඔයාගෙ හැරගිය පෙම්වතා ඔයා එක්ක දිගටම යාලුවො වගේ ඉන්න හදනව ඇති.

මේකත් මතක තියාගන්න. විනාශ උන දේ විනාශ වෙලා ඉවරයි. කැඩුනු පාලමකින් කාටවත් එතෙර වෙන්න බෑ. පොඩි පාලම් කෑල්ලක් තිබ්බ කියල මෝඩ වෙලා එතෙර වෙන්න යන්නත් එපා. අවදානමින් තොර තීරණ ගන්න මේ වගේ වෙලාවලට. හැඟීම් වලට වහල් නොවී බුද්ධියෙන් හිතන්න.

#Relationship_Tips ♡ @LearnBits

1 • 2

ඔබේ පෙම්වතාට ඔබ පිළිබඳව ප්‍රබෝධමත් හැඟීම් ඇති කරවන්න මේ දේවල් කරන්න.

- ඔහුට නිතරම උපදෙස් දෙන්න එපා. ඒ වෙනුවට ඔබ ඔහුගෙන් උපදෙස් ලබාගන්න උත්සාහ කරන්න. සෑම විටම නෙවේ. අවශ්‍ය වෙලාවලට පමණක්.

- "සියල්ලම මම තනිවම කරමි" යන ආකල්පයෙන් මිදෙන්න. ඔහුගෙන් උදව් ඉල්ලන්න. එමගින් ඔහුව ඔබට අවශ්‍යයි යන හැඟීම ඔහුගේ හිතේ ඇති කරවනවා.

- "ස්තූතියි" කියන්න. කෘතවේදීත්වය කියන්නෙ පිරිමින් ගොඩක් අගය කරන දෙයක්. ඒක ඔයා තුළිනුත් දකින්න සලස්වන්න.

#Relationship_Tips ♡ @LearnBits

ඔහු ඔයාට කැමතිදැයි හෝ ඔයා ගැන හොයනවද කියල හඳුනාගන්නා ක්‍රම කීපයක්

- ඔහු නිරන්තරයෙන්ම ඔබ දිහා බලනවා. මුහුණට මුහුණ බැලීමට ලැජ්ජාවක් පෙන්නනවා.

- ඔහුගේ යහළුවන් ඔබ ගැන විමසිලිමත් වෙනවා. ඔබට විහිළු කරනවා. ඔහුත් සමග ජෝඩු කරනවා. ඔහු ඔයාට කැමතී කියල ඉඟි පළ කරනවා.

- ඔහු ඔයා නිසා ඔහුගේ ජීවන රටාව වෙනස් කරනවා. උදාහරණයක් විදිහට , ඔහුත් ඔබ යන පංති වලටම එන්න පටන් ගන්නවා.

පිරිමින් සාමාන්‍යෙන් හැඟීම් හංගනවා අඩුයි. ඒ නිසා හොයාගන්න හරි ලේසි.

#Relationship_Tips ♡ @LearnBits

සම්බන්ධකදී දැනුවත්ව ඉන්න ඕනෙ දෙයක් තමයි පීඩාකාරී අවස්ථාවන් වල ගැහැණියත් පුරුශයාත් හැසිරෙන ආකාරය.

පොදු හැසිරීම් වලින් ඔබ්බට එනකොට , අපිට හමුවෙනවා ලිංගික හැසිරීම්. ගැහැණියකගේ සහ පුරුශයෙකුගේ , ආතතියක් සහිත අවස්ථාවක ලිංගික හැසිරීම් මොන වගේද?

ආතතියක් යටතේදී පිරිමින් වැඩිපුරම හිතන්නේ ලිංගිකත්වය ගැනයි. සාමාන්‍යෙන් කොහොමත් පිරිමින් , ගැහැණුන්ට වඩා 45% ගුණයක් විතර ලිංගිකත්වය ගැන හිතනවා. කොච්චර පීඩාකාරි අවස්ථාවක උනත් පිරිමින් සිතන්නේ ලිංගිකත්වය ගැනයි.

හැබැයි ගැහැණුන්ගේ හැසිරීම ඊට හාත්පසින්ම වෙනස්. ආතති සහගත අවස්ථාවලදී ගැහැණුන් තමන්ගේ මුලු අවධානය යොමු කරන්නෙ ප්‍රශ්නය නිරාකරණය කරන්න විතරයි. වෙන කිසිම දෙයක් නිසා අවධානය බිඳහෙලන්නෙ නෑ.

ඉතින් තමන්ගේ සහකරුවා හෝ සහකාරිය සමඟ අවශ්‍ය දේවල් , අවශ්‍ය වෙලාවට කරන්න මේ දැනුම මතකයේ තියාගන්න. ආතතියකින් ඉන්න ගැහැණියකට අවශ්‍ය දේ මොනාද? පිරිමියෙකුට අවශ්‍ය දේ මොකක්ද කියන එක ගැන සැලකිල්ලක් දක්වන්න.

#Relationship_Tips ♡ @LearnBits

පිරිමියෙකුගේ සාර්ථකත්වයේ රහස කාන්තාවයි. ඒ රහස් මොනවද?

1. දිරිගන්වන කතාබහ

ඕනෙම පිරිමියෙක් කැමතී තමන් ආදරය කරන ස්ත්‍රියකගෙන් දිරි ගන්වන සහ තමන්ව උසස් කොට සලකන කතාබහකට. පිරිමියෙක්ට තමන්ගෙ මානසික මට්ටම වැඩිදියුණු කරගන්න ඒ ආකාරයේ කතා බහක් ගොඩක් උපකාර වෙනව.


2. පුරුශයාගේ කාර්යක්ෂමතාව වැඩි කිරීම.

පුරුශයෙක්ට විවේක ගැනීමට සහ සන්සුන් වාතාවරණයක් තියෙනව නං ඔහුගේ තර්කන හැකියාව , මතකය සහ මානසික ක්‍රියාකාරීත්වය වැඩි වෙලා කාර්යක්ෂමතාව වැඩි වෙනවා. කාන්තාව විසින් ඒකට ඉඩ සැලසිය යුතුයි.


3. සාධාරණත්වය

ගැහැණිය විසින් සෑම විටම පුරුශයාගෙ මතයට එරෙහි වෙන්න ගියොත් ඒක දෙපාර්ශ්වයටම ප්‍රශ්නයක් වෙන්න පුලුවන්. එහෙම නැතුව ගැහැණිය , පුරුශයාගේ අදහස් වලට එකඟ උනොත් , පුරුශයාත් දෙදෙනාටම සාධාරණ අදහස් දරන්න පුරුදු වෙනවා. ඒ පුරුද්ද සමාජය ඉස්සරහට අරන් යන්නත් ඔහු වැඩි කල් ගන්නෙ නෑ.


4.  අවශ්‍යතාවන් පිළිගැනීම.

ගැහැණිය විසින් පුරුශයාගේ අවශ්‍යතාවන් විකාරයක් ලෙස සලකල ජීවත් වෙනව නං එතන දරුණු පවුල් ආරවුලක් ඇති වෙන්න පුලුවන්. ඒක පුරුශයාගේ සමාජීය ප්‍රතිරූපයටත් හානියක්. නමුත් ගැහැනිය විසින් , පුරුශයාගේ අවශ්‍යතා වලටත් ගරු කරල ඒවට ඉඩ පහසුකම් සැලසීම තුළින් පුරුශයාට අධ්‍යාත්මිකව සුවයක් ගෙන දෙනවා.


5. ඉවසීම

ස්ත්‍රීයක් විසින් පුරුශයාගේ අඩුපාඩු ආදිය ඉවසීමෙන් හසුරවනව නං ඒක ඒ පුරුශයාට ලොකු රුකුලක් වෙනවා ඇයගේ අඩුපාඩුත් ඉවසන්න.

#Relationship_Tips ♡ @LearnBits

ශක්තිමත් සහ සැබෑ ආදර සබඳතාවක නම් එකිනෙකා,

- හොඳම යහලුවන් මෙන් කතාබහ කරති.
- ළමයින් මෙන් සෙල්ලම් කරති.
- ස්වාමියා සහ බිරිඳ මෙන් තර්ක කරති.
- සහෝදර සහෝදරියන් මෙන් එකිනෙකා ආරක්ශා කරගනිති.

#Relationship_Tips ♡ @LearnBits

ඇය ඔයාගෙන් බලාපොරොත්තු වෙන සුලු නමුත් , ඇයට අසීමිත සතුටක් ලබා දෙන දේවල්.

- good Morning , good Night ආදී මැසේජ්.
- ඇයව වැළඳගැනීම (පිටුපසින්).
- දිගු සහ ගැඹුරු කතාබස්.
- ඔබත් සමග එක්වී පින්තූර ගැනීම.
- ඔබ විසින් කරන කුඩා පුදුමකිරීම්
- ඇයට ආදරේ කරන්න හේතු පැවසීම.
- ඇයව ඔයාගෙ ජීවිතේ මූලික කොට සැලකීම.

#Relationship_Tips ♡ @LearnBits

එයාට බොරු කිය කිය සම්බන්ධය තවත් දුරදිග අරන් යන්නැතුව , ඔයාට තවදුරටත් සම්බන්ධය පවත්වාගන්න බැරි නං , ඒ බව එයාට කෙලින්ම කියන්න. දුර දිග අරන් යන තරමට , ඔයාටමයි ඒකෙන් හානියක් වෙන්නේ.

සම්බන්ධය නවත්තන්න , ඔයාට මොකක් හරි හේතුවක් තියෙනව නං ඒ බවත් එයාට කියන්න. දෙන්නම කතා වෙලා සම්බන්ධය ගැන තීරණයක් ගන්න. නැත්තං ඔයා , එයාටත් කරන්නෙ ලොකු වැරැද්දක්.

#Relationship_Tips ♡ @LearnBits

ශක්තිමත් සම්බන්ධයකදී , ඔබ කිසිවක් අනෙකාගෙන් ඉල්ලාසිටින්න අවශ්‍ය නැ.

ශක්තිමත් සම්බන්ධයකදී,
~ ඔබ අනෙකාගෙන් ආදරය ඉල්ලා සිටින්න ඕන්නෑ. ඔබට සැලකිල්ල දක්වන්න යැයි කන්නලව් කල යුතු නෑ. ශක්තිමත් සම්බන්ධයකදී , දෙදෙනාම එකිනෙකාට අවශ්‍ය කරන දේවල් අදාල වෙලාවට ලබා දෙනවා.

~ ඔබට මැසේජ් එකක් දාන්න , බෙහෙත් ගන්න කියන්න හෝ ඔබේ දවස ගැන විමසන්න කියා හෝ කීමට අවශ්‍ය නෑ. ඔහු/ඇය නිරන්තරයෙන් ඒ ගැන විමසනවා. ඔබ ඉල්ලා සිටියත් නැතත්.

~ ඔහු/ඇය ඔබට ඇත්තටම ආදරය කරනව නං , ඔබේ හැඟීම් ඔහුට/ඇයට තේරුම් ගන්න පුලුවන්. ඔබ විසින් ඒවා පහදා දිය යුතු නෑ.

#Relationship_Tips ♡ @LearnBits