පියවි ඇසින් බලන්න පුලුවන් බැක්ටීරියාව...!

Thiomagarita - මේ තමයි දැනට ලෝකෙ හොයාගෙන තියෙන විශාලතම බැක්ටීරියාව. හැම බැක්ටීරියාවක්ම සෙන්ටිමීටරයක් පමණ දිගටි. ඒ වගේම පරිවෘත්තීය ක්‍රියාවන් සිදුවෙන්නෙ පටලයන් තුළ. ඒ වගේම Thiomagarita ගෙ පටලය තුළ තියෙන ද්‍රව්‍ය සහ DNA සැකැස්ම , වෙනත් කිසිම බැක්ටීරියාවකට වඩා සංකීර්ණයි.

ගොඩක් බැක්ටීරියා සාමාන්‍යෙන් මයික්‍රොමීටර් 2ක් පමණ වෙනවා. බැක්ටීරියාවන්ට නියමිත වර්ගඵල - පරිමා අනුපාතයක් තියෙනවා. ඒ කියන්නෙ ඔවුන්ට සංකීර්ණ පද්ධති නැති නිසා , දේහ සංසරණය වගේ දේවල් බොහොම කෙටි දුරකට විතරයි වලංගු වෙන්නෙ.

බැක්ටීරියාවක් විශාල වෙනකොට සාමාන්‍යෙන් ඔවුන්ගේ සියලුම ජීව ක්‍රියා සීමා වෙනවා.

#Education ♡ @LearnBits

ගෝනුසු විශ , ලෝකයේ මිළ අධිකම දෙයක්!

ගෝනුස්සන්ගේ විශ ලීටරයක් , ඩොලර් 10,302,700$ පමණ වෙනවා. මේ විශහි අන්තර්ගත ප්‍රෝටීන , ස්වයං ප්‍රතිශක්තිකරණ රෝග වලට ප්‍රතිකාර කරන්න යොදාගන්නවා.

#Education ♡ @LearnBits

Trap Jaw Ants (උගුල් හකු කුහුඹුවන්)

මේ කුහුඹුවන් ගොඩක් සක්‍රීය දඩයක්කරුවන්. ඒ වගේම විශ සහිත දෂ්ඨ කිරීම් වලටත් ප්‍රසිද්ධයි. මෙයාලගෙ තියෙන තවත් විශේෂත්වයක් තමයි , මේ කුහුඹුවන්ගේ හකු , ගොඩක් ශක්තිමත් වීම. මේ හකු වලින් ලබාගන්නා බලය නිසා ඔවුන්ට ක්ෂණිකව පලා යන්න පුලුවන් වෙලා තියෙනවා.

උඩ වීඩියො එක බැලුවම , මේ හකු වල බලසම්පන්න බව තේරුම් යයි.

#Education ♡ @LearnBits

සර්ප පැටවුන් ඉපදුනු විගසම , මරණීය දෂ්ඨන කරන්න සමත් වෙනවා.

වැඩිහිටි නාගයන් වගේම ළදරු නාගයන්ගේ විෂත් ගොඩක් බලවත්. එකම වෙනස වෙන්නේ , වැඩිහිටි නාගයන් එක වරකට නිකුත් කරන විශ ප්‍රමාණය විශාල වීමයි.

මේ නාග විෂෙහි තියෙනවා මධ්‍යම ස්නායු පද්ධතියට බලපෑම් කරන නියුරොටොක්සින්. මේ විෂ අංශබාග තත්ව ඇති කිරීම , ශ්වසන පද්ධතිය අකර්මණ්‍ය කිරීම වගේ දේවල් වලටත් සමත්.

#Education ♡ @LearnBits

රේනාඩ්ගේ සින්ඩ්‍රෝමය (Raynaud's syndrome)

මේක යම් යම් තත්වයන් නිසා දේහයේ සමහර ප්‍රදේශ හිරිවැටෙන සහ සිසිල් වීම පිළිබඳ තත්වයක්.

මේ සංසිද්ධිය තුල වෙන්නේ , සමට රුධිරය සපයන කුඩා වාහිනී , සීතලට ප්‍රතිචාරයක් ලෙස අධිකව සංකෝචනය වීම නිසා ඒ අදාළ ප්‍රදේශයට රුධිර සැපයුම සීමා වීමයි.

#Education ♡ @LearnBits

Horseshoe කකුළුවන්

මේ කකුළුවන්ගේ රුධිරය නිල් පාටයි. ඒකට හේතුව , ඔවුන්ගේ රුධිරයේ හිමොග්ලොබීන් වෙනුවට හිමෝසයනීන් පැවතීමයි. මේ හිමෝසයනීන් වල තියෙන කොපර් නිසා තමා රුධිරය නිල් පාට වෙන්නෙ.

මේ නිල් රුධිරය වෛද්‍ය ක්ශේත්‍රයට ගොඩක් වැදගත් වෙනවා. සාමාන්‍යෙන් මේ කකුළු විශේෂයේ රුධිර ගැලුමක් ඩොලර් 60,000ක් විතර වෙනවා.

#Education ♡ @LearnBits

DAY 04 - Knowledge

අද දිනය තුළ #Knowledge කාණ්ඩයට අයත් Post පමණක් පල වනු ඇත.

Time ;
4.00am - 11.00pm

Featuring : Madara Uchiha

#Sharingan2022 #Knowledge

ඇයි කුරුල්ලන් නිදාගන්නකොට ඔවුන්ව ගස් වලින් වැටෙන්නෙ නැත්තෙ?

සාමාන්‍යෙන් ගොඩක් සත්තු නිදාගන්නකොට , ඔවුන්ගේ මාංශපේශීන් ලිහිල් කරනවා. මිනිසා පවා. ඒත් කුරුල්ලො එහෙම නෑ. කුරුල්ලන් ඔවුන්ගේ මාංශපේෂි දැඩි කරගන්න තරමට , ඔවුන්ගේ නින්ද සුවදායක සහ නිරෝගිමත් වෙනවා.

නිදාගන්න ගියාම , කුරුල්ලන්ගේ කකුල් , කෙලින් කරන්න බැරි වෙන්න අගුල් වැටෙනවා. ඔවුන්ගේ නිය වලින් ගහේ අත්ත තදින් ග්‍රහණය කරල , මෙහෙම අගුල් වැටුනට පස්සෙ ආපහු කිසිම හෙල්ලීමක් වෙන්නෑ. ඔවුන් නැගිටිනකම්ම අගුල ඇරෙන්නෑ.

#Knowledge ♡ @LearnBits

ඇයි මේ බිස්කට් වල පොඩි පොඩි හිල් තියෙන්නෙ?

ගොඩක් අය හිතන්නෙ බිස්කට් වල තියෙන මේ සිදුරු , බිස්කට් වල පෙනුමට තියෙන දෙයක් කියලා.

ඒත් එහෙම නෑ. මේ සිදුරු වලට විද්‍යාත්මක අර්ථයක් තියෙනවා. බිස්කට් වල තියෙන මේ පොඩි සිදුරු හඳුන්වන්නේ Dockers කියල. (ඩොකර්).

බිස්කට් නිශ්පාදනයේදී , මේ සිදුරු හරහා වාතය ගමන් කරලා , බිස්කට් එක තවත් පිම්බීමකට ලක් වෙනවා. බිස්කට් එක තවත් පුම්බන එක තමයි මේ සිදුරු වලින් කරන්නෙ.

#Knowledge ♡ @LearnBits

ඇයි කරන්ට් කම්බි වල ඉන්න කුරුල්ලන්ට විදුලි සැර වැදෙන්නැත්තෙ?

ඒකට හේතුව තමයි , කුරුල්ලන් ඒ වෙලාවෙ විදුලිය ගමන් කිරීමට අවශ්‍ය පරිපථය සම්පූර්ණ නොකිරීම. කුරුල්ලා එක පාදයක් කම්බියේ තියාගෙන , අනිත් පාදයෙන් බිම හෝ වෙනත් කම්බියක් ස්පර්ශ කලොත් නං , කුරුල්ලා හරහා ධාරාවක් යනවා.

වවුලන්ට මේ විදිහට විදුලි සැර වදින්නේ , වවුලන් යටි අතට එල්ලිලා ඉඳලා , ඉගිලෙන්න , උඩට පියාඹන්න හැදුවම , කම්බි දෙක එකිනෙක ගෑවෙනවා. එතකොට වවුලා හරහා විදුලි ධාරාවක් ගමන් කරනවා.

#Knowledge ♡ @LearnBits

ඇයි ගුවන්යානයක් තුළ ඉලෙක්ට්‍රොනික උපාංග ක්‍රියාවිරහිත කරන්න කියන්නෙ?

ඉලෙක්ට්‍රොනික උපාංග මගින් ගුවන්විදුලි තරංග නිපදවනවා. මේ ගුවන්විදුලි තරංග , ගුවන් යානය තුළ නියමුවන්ගේ සන්නිවේදනයට බාධාවක් වෙන්න පුලුවන්. අන්න ඒ නිසයි , ගුවන් යානයක් ඉහළ නංවනකොට සහ පොළවට පතිත කරනකොට , සියලුම මගීන්ට තමන්ගෙ ජංගම දුරකථන ආදී ඉලෙක්ට්‍රොනික උපාංග ක්‍රියාවිරහිත කරගන්න කරන්නෙ.

ඒ ගුවන් යානයට නිසි ආකාරව සන්නිවේදනය කල හැකි බවට සහතික කිරීමට සහ විභව උපද්‍රව වලින් ආරක්ශා වීමට.

#Knowledge ♡ @LearnBits

ඇයි අපි ගොඩක් වෙලා කැරකිලා නැවතුනම ක්ලාන්ත ගතියක් එන්නේ?

අපි ගොඩක් වෙලා කැරකෙන කොට , අපේ අභ්‍යන්තර කණේ තියෙන තරලයක් චලනය වෙන්න ගන්නවා. මේ තරලය තමයි අපිට සමබරතාව පවත්වන්න උපකාරි වෙන්නේ.

ඉතින් අපි ගොඩක් වෙලා කැරකිලා නැවතුනාට පස්සෙත් , මේ තරලය දිගටම චලනය වෙනව ටික වෙලාවක්. අන්න ඒ නිසා අපේ මොළයෙන් සංඥාවක් දෙනවා , අපි තාමත් කැරකෙනව කියල.

බැලේ නටන අය සහ , මේ විදිහට නිතරම චලනය වන අය නං , ඔවුන්ගේ ඇස් එක ලක්ශ්‍යකට එල්ල කරගෙන කැරකෙන්නේ. ඒ නිසා අර විදිහට මොළයෙන් සංඥාවක් එවන එක නවතිනවා. මොකද මොළයට දැනෙන්නෙ , කැරකුනේ නෑ කියල.

#Knowledge ♡ @LearnBits

සහරා කාන්තාරය වසර 6000කට පමණ පෙර , වැසි වනාන්තරයක්ව තිබෙන්නට ඇතැයි විද්‍යාඥයන් මත පළ කරති.

#Knowledge ♡ @LearnBits

උණුසුම් අයිස් වලින් වැසුනු එක්තරා ග්‍රහලෝකයක් තියෙනවා..

මේ ග්‍රහලෝකය වැහිල තියෙන්නෙ උණුසුම් අයිස් වලින්. වියළි අයිස් නම් නෙවෙයි. සැබෑ අයිස්. නමුත් අධික උෂ්ණත්වයක. මේ ග්‍රහලෝකය හඳුන්වන්නේ "ග්ලයිස් 430 b" කියලා.

මේ ග්‍රහලෝකයේ පෘෂ්ඨය ෆැරන්හයිට් අංශක 800ක පමණ උෂ්ණත්වයක තියෙන්නෙ. ඒත් මේ ග්‍රහලෝකයේ තියෙන අධික ගුරුත්වය නිසා , ජල අංශු පීඩනයකට ලක් වෙලා අයිස් බවට පත් වෙලා තියෙනවා.

#Knowledge ♡ @LearnBits

කුරුල්ලන්ට පෘථිවි චුම්භක ක්ශේත්‍රය දැනෙනවාද?

මිනිසුන් උතුර සොයාගන්න මාලිමා යන්ත්‍රය භාවිත කලත් කුරුල්ලන්ට එහෙම උපකරණ නෑ. ඒ උනත් කුරුල්ලන්ට හැකියාවක් තියෙනවා දිශාවන් සොයාගන්න.

විද්‍යාඥයන් විශ්වාස කරන විදිහට , කුරුල්ලන්ගේ ඇස් වල , පෘථිවි චුම්භක ක්ශේත්‍රය සොයාගැනීමට හැකි ආකාරයේ අණු පවතිනවා. මෑතකදී ජර්මානු පර්යේෂකයන් සොයාගෙන තියෙනවා , මේ අණු , කුරුල්ලන්ගේ මොලයේ දෘශ්‍ය තොරතුරු සැකසෙන ප්‍රදේශයට සම්බන්ධයි කියලත්.

#Knowledge ♡ @LearnBits

මිනිසුන්ගේ අස්ථි 300ක සිට 206ක් දක්වා අඩු වෙන්නෙ කොහොමද?

උපතේදී මිනිසුන්ට අස්ථි 300ක් පිහිටනවා. මේ අස්ථි අඩු වෙන්නෙ නෑ ඇත්තටම. වැඩිහිටි විය වෙනකොට , මේ අස්ථි සමහරක් එකිනෙකට ඒකාබද්ධ වෙනවා. එහෙම අස්ථි ඒකාබද්ධ උනාට පස්සෙ අවසානයේ සම්පූර්ණ අස්ථි ගණන හැටියට දිස්වෙන්නේ 206යි.

#Knowledge ♡ @LearnBits

ලොව විශාලතම මොළයක් සහිත සත්වයා කවුද?

මිනිස් මොළය සාමාන්‍යයෙන් රාත්තල් 3ක් පමණ වෙනවා. ඩොල්ෆින් මත්ස්‍යන්ටත් ඒ හා සමාන මොළයක් තියෙනවා. ඒ වගේම ඩොල්ෆිනුන් ගොඩක් බුද්ධිමත් සත්ව කොට්ඨාසයක්.

කොහොම උනත් ඩොල්ෆිනුන් තරම් බුද්ධිමත් නොවුනත් , ඩොල්ෆින් මොළයට වඩා විශාල මොළයක් "Sperm Whale" (තල්මසුන් වර්ගයක්) සතුවෙනවා.

ඔවුන්ගේ මොළය සාමාන්‍යෙන් රාත්තල් 17 ක් පමණ වෙනවා.

#Knowledge ♡ @LearnBits

රෑට පිපෙන මල් බහුතරය සුදුපාට ඇයි?

රාත්‍රියේ පිපෙන ගොඩක් මල් සුදුපාටයි. ඒකට හේතු කීපයක් තියෙනවා. සුදු පාට කියන්නෙ , රෑට ගොඩක්ම කැපිලා පෙනෙන පාටක්. ඉතින් කෘමීන්ට මල හොයාගන්න ලේසි වෙනව.

ඒ වගේම රාත්‍රියේදී අනිත් වර්ණයන් එච්චර කැපිල පේන්නෙ නැති නිසා , ශාකය වර්ණවත් වර්ණක නිපදවන්න සම්පත් හානි කරගන්නෙ නෑ.

ගොඩක් වෙලාවට මේ රාත්‍රියේ පිපෙන මල් ගොඩක් සුවඳයි , අනිත් මල් වලට සාපේක්ෂව. ඒක රාත්‍රී කාලයේදී කෘමීන්ව ආකර්ශණය කරගන්න , ඒ මල් වල තියෙන අනුවර්තනයක්.

#Knowledge ♡ @LearnBits

රාත්‍රී අහසේ සිකුරු එතරම් දීප්තිමත්ව පෙනෙන්නෙ ඇයි?

හිරු බැස යෑමෙන් පසු හෝ හිරු උදාවට පැය කීපෙකට පෙර අපිට සිකුරු ග්‍රහයාව අහසේ දකින්න පුලුවන්. ඒ වගේම ගොඩක් දීප්තිමත්ව.

මේකට හේතුව තමයි , සිකුරු ග්‍රහයා මතුපිට තියෙන ඝන වලාකුලු , එය වෙතට ළඟා වෙන සූර්යාලෝකයෙන් 70%ක් පමණම පරාවර්තනය කරල නැවත මුදාහැරීම.

ඒ වගේම සිකුරු , පෘථිවියට ආසන්න නිසාත් , පෘථිවියට ගොඩක් දීප්තිමත්ව දිස්වෙනවා.

#Knowledge ♡ @LearnBits

ඇයි අපි ඇහිපිය හෙලන්නේ?

මේක ආරක්ශක උපක්‍රමයක් විදිහටත් හඳුන්වන්න පුලුවන්. අපි ඇහිපිය හෙලන සෑම අවස්ථාවකම , ඇහිබැම විසින් ඇස මතුපිට ශ්ලේෂ්මල ස්‍රාවයක් තැන්පත් කරනවා. ඇස නිරන්තරයෙන්ම සේදීමකට ලක් කරන්නත් මේ ස්‍රාවය වැදගත් වෙනවා.

ඇසිපිය හෙලීම මගින් දීප්තිමත් ආලෝකයන්ගෙන් සහ දූවිලි වැනි ආගන්තුක අංශු වලින් ඇස ආරක්ශා කරගන්නත් පුලුවන් වෙනවා.

#Knowledge ♡ @LearnBits

ඇස්තමේන්තු කර ඇති ආකාරයට ලෝකයේ ආගම් 4200ක් විතර තියෙනවා. ඇදහිල්ල හෝ විශ්වාසය යන සංකල්ප වෙනස් උනත් පොදුවේ ආගම් එතරම් සංඛ්‍යාවක් තියෙනවා.

#Knowledge ♡ @LearnBits