Direct Question from subscriber

මම මෙතනදි කිව්වා , දෙදෙනෙක් සම්බන්ධයක් අතහැරලටත් , තාම හොඳට කතා බහ කරල ඉන්නව නං ඒකට හේතු දෙකක් තියෙනවා කියල.

එකක් , ඒ දෙන්නා තාම එකිනෙකාට ආදරය කරනවා. අනිත් කාරණය , ඒ දෙන්නා කලිනුත් එකිනෙකාට ආදරය කරල නෑ. ඉතින් මේ ගැන විස්තර කිරීමක් අහල තිබ්බා කෙනෙක්.

අපි යම් සම්බන්ධතාවක් නවත්තල දැම්මට , ඒක එතනින් ඉවර වෙන්නෙ නෑ. අපේ මනසේ තවදුරටත් , ඒ පුද්ගලයා එක්ක ගත කරපු කාලය , සුන්දර මතකයන් වගේ දේවල් පවතිනවා. ඉතින් සම්බන්ධය නැවැත්තුවත් , ආපහු ආපහු අර වගේ දේවල් මතකයට එනකොට , අපි ඒ පුද්ගලයා එක්ක නැවතත් සමීප ඇසුරක් පවත්වන්න උත්සාහ කරනවා. අපි හිතල කරන දෙයක් නෙවෙයි. අපේ මනස උත්සාහ කරනවා , අර වගේ මතකයන් ආපහු ඇති කරන්න.

ඉතින් ඇත්තටම එකිනෙකාට ආදරය කරපු දෙන්නෙක් වෙන් වුනාම වෙන්නෙත් මේ සිද්ධියමයි. දෙදෙනාම , අර පරණ මතක වලට ආශාවෙන් සහ ඒවා තුළම ජීවත් වෙමින් තවදුරටත් එකිනෙකා එක්ක සම්බන්ධකම පවත්වනවා. හැබැයි කලින් වගේ බරපතලවම නෙවෙයි. සාමාන්‍යය යාලුවො වගේ.

සම්බන්ධය නැවැත්තුවට දෙදෙනාගෙම හැඟීම් වල වෙනසක් වෙලා නෑ. ආදරය කියන හැඟීමේ පුංචි විකෘතියක් තමා ඊට පස්සෙ ඇති වෙන්නෙ. ඒ කියන්නෙ ඔවුන් තවදුරටත් හොර රහසේම එකිනෙකාට ආදරය කරනවා.

හැබැයි කලිනුත් ආදරය කරපු නැති දෙන්නෙක් සලකනකොට තත්වය ගොඩක් වෙනස්. කලිනුත් එකිනෙකා ගැන ආදරයක් හෝ සුන්දර මතක කිසිවක් නැති වීමෙන් , ඒ වෙන්වීම ඔයාගෙ මනසින් අඩු ගානෙ පිළිගන්නෙවත් නෑ.

ඒ නිසා ඒක එච්චර බරපතල ලෙස සලකන්නෑ ඔයා. අපේ මනස පුරුදු වෙලා තියෙන්නෙ වටින දේවල් තියාගන්නනෙ. අගයක් නැති දේවල් , තිබ්බත් එකයි නැතත් එකයි. අන්න ඒ සංසිද්ධියම තමා මෙතන වෙන්නෙත්. ආදරයක් නැති සම්බන්ධයක කිසිම වටිනාකමක් නෑ. ඉතින් ඒක නැවැත්තුව කියල අමුතුවෙන් දෙයක් නැති වෙන්නෙත් නෑ. ඒ හින්දා එකිනෙකා කෙරෙහි වෛරයක් ඇති කරගන්න හෝ , එකිනෙකාට මුහුණ දෙන්න ලැජ්ජාවක් හෝ ඇති වෙන්නෙ නෑ. ඒ නිසා ඒ වගේ අය සමහර වෙලාවට යාලු වෙලා හිටපු කාලෙටත් වඩා හොඳට , සම්බන්ධෙ නැවැත්තුවට පස්සෙ හැසිරෙනවා.

#LearnBits_Q_A ♡ @LearnBits

ගෞරවය උපයගන්න ඕනෙ දෙයක්.
අවංකකම අගය කරන්න ඕනෙ දෙයක්.
විශ්වාසය ගොඩනගාගන්න ඕනෙ දෙයක්.
පක්ෂපාතීත්වය ආපසු පෙරලා ලබා දිය යුතු දෙයක්.

- Auliq Ice

#Saying ♡ @LearnBits

https://telegra.ph/HBwL-09-03

#Article ♡ @LearnBits

හැමතිස්සෙම බලන්න ඕනෙ වැරැද්ද මොකක්ද කියල. නැතුව වැරදි කවුද කියල නෙවෙයි.

වැරැද්දට සමාව ඉල්ලන්න.

සමාව ඉල්ලනව කියන්නෙ ඔයා හරිද හෝ වැරදිද කියන එක නෙවෙයි. ඔයා හරි උනත් වැරදි උනත් ඒකෙන් මුකුත් වෙනස් වෙන්නෑ.

ඔයා සමාව ඉල්ලනව කියන්නෙ , ඔයා ඔයාගෙ මමත්වය , ගරුත්වය පැත්තකට දාල ඔයාගෙ ආදරය අගය කරනවා කියන එකයි.

ඒ නිසා සමාව ඉල්ලන්න.... සමාව දෙන්න.... හැමතිස්සෙම සතුටින් ඉන්න....

#Relationship_Tips ♡ @LearnBits

දවසක ඔයාට මුණගැසේවි ඔයාගේ සීමාවන් ඔක්කොම බිඳ දමාගෙන ඇවිත් ඔයාගෙ ඇතුලාන්තයම දකින කෙනෙක්ව. දවසක ඒ කෙනා ඔයාගෙ ජීවිතයේ කරපු හැම වැරදි වැඩක් ගැනම දැනගනී. ඔයා බලාපොරොත්තු වේවී ඒ කෙනා ඊට පස්සෙ , ඔයාව දාල යයි කියල.

නමුත් එයා යන්නෙ නෑ....

දවසක ඔයාට මුණගැසේවි ඔයාගෙ ජීවිතයේ පළුදු උන තැන් දකින කෙනෙක්. ඔයාගෙ ජීවිතයේ අඳුර දකින කෙනෙක්. මොනව දැක්කත් ඒ කෙනා ඔයාට ආදරය කරාවි. ඒ කෙනා හැමතිස්සෙම ඔයාට ආදරය කරාවි.

#Morning_Thoughts ♡ @LearnBits

වැරදීම් නැති ජීවිතයක් කියන්නෙ හරියට පොත් පත් නැති අධ්‍යාපනයක් වගේ.

ඔයාගෙ වැරදි පිළිගන්න. ඒව ඔයාගෙ දුර්වලතා නෙවෙයි. ඒ තමයි ඔයාගෙ අනාගතයට අවශ්‍ය කරන මග පෙන්වීම්.

වැරදි අඩු කෙනාට වඩා , වැරදි නිවැරදි කරගන්න අය ජීවිතය දිනන්නෙ ඒකයි.

#Life_Tips ♡ @LearnBits

💠 අපි ආවෙ , සිනහව අස්සේ අපේ හීන හංගගෙන උනාට , අපි යන්නේ ඒ සිනහව ඇතුලෙම අපේ කඳුලු සඟවගෙනයි.

💠 අපි ආවේ ප්‍රශ්න තොගයක් එක්ක උනාට , අපි යන්නේ මතකයන් තොගයක් එක්කයි.

💠 අපි ආවේ ආගන්තුකයන්ව දැනහැඳිනගෙන , ඔවුන්ව මිතුරන් කරගන්න උනාට , අපි යන්නේ ඒ මිතුරන්ව නැවතත් ආගන්තුකයන් කරලයි.

💠 අපි ආවෙ , දවසක අමතක වෙලා යන, විභාග වලට අවශ්‍ය ලකුණු ලබා ගන්න උනාට අපි යන්නේ කවදාවත් අමතක නොවෙන සදාකාලික මතකයන් ලබා ගෙනයි.

💠 අපි ආවෙ , අපි සැලකිලිමත් වෙන මිනිස්සු ගැන දැනෙන හැමදේම එයාලට කියන්න උනාට , අපි යන්නේ ඒ හැමදේම ඔවුන්ගෙන් හංගගෙනයි. ඒ අපිට ඒකට අවශ්‍ය ධෛර්ය්‍යය නැති නිසා.

💠 අපි ආවෙ , අලුත් බැඳීම් ඇතිකරගන්නැතුව ජීවත් වෙන්න කියල හිතාගෙන උනාට , අපි යන්නේ ඒ බැඳීම් නොමැති ජීවිතයක් ගැන හිතාගන්නවත් බැරි විදිහටයි.

#Quotes ♡ @LearnBits

එක බීම වීදුරුවක් බිව්වට පස්සේ , ශරීරයේ අම්ල භශ්ම තුලිතතාව පාලනය කිරීමට , වතුරු වීදුරු 30ක් පානය කල යුතුයි.

#Knowledge ♡ @LearnBits

කවදහරි පෘථිවියේ ලොකු ග්‍රහයකයක් ඇවිල්ල වැදුනොත් එතනින් පෘථිවියේ කතාව නිම වෙනවා.

ඒක හරියට ලෝකෙ ජනග්‍රහණය පාදක කරගෙන කම්පියුටරේක,
Ctrl+alt+delete එබුව වගේ දෙයක්.

- Bill Nye

#Saying ♡ @LearnBits

ඔයාගෙන් උදව් ලබාගෙන යම් ජයග්‍රහණයන් ලබාගත්තත් , ඔවුන් එය තනිවම කලා යැයි හැසිරෙන පුද්ගලයන්ගෙන් ඈත් වෙන්න. ඔවුන් සරලවම වාසියක් බලාගෙන විතරයි ඔබව ආස්‍රය කරන්නෙ.

#Life_Tips ♡ @LearnBits

Zombie කුහුඹුවන්

Zombie කුහුඹුවන් කියන්නෙ , Ophiocordyceps unilateralis නම් දිලීරයක් ආසාදනය උන කුහුඹුවන්ට. මේ දිලීරය කරන්නේ , කුහුඹුවාගේ ස්නායු පද්ධතිය එයාගෙ අතට ගන්න එකයි. ඊට පස්සේ කුහුඹුවාව පාලනය කරන්නෙ මේ දිලීරය මගින්. සාමාන්‍යෙන් කුහුඹන් පෙන්නන්නෙ නැති ගතිලක්ශණ පවා , මේ දිලීරය ආසාදනය උන කුහුඹුවන් පෙන්නල තියෙනවා. මේ කුහුඹුවන් ඊට පස්සෙ හැසිරෙන්නෙ Ophiocordyceps unilateralis වර්ධනයට හිතකර වෙන විදිහටයි.

තබන පියවර කුඩා වුවත් , එයින් ඔබව ඉදිරියට ගමන් කරවනවා.

#Quotes ♡ @LearnBits

පසුතැවිලි වීම ඔයාගෙ අතීතය වෙනස් කරන්නෑ.
අධික පීඩනයකට පත් වීම ඔයාගෙ අනාගතය වෙනස් කරන්නෙත් නෑ.

ක්‍රියාව තුළින් විතරයි හැමදේම වෙනස් කරන්න පුලුවන් වෙන්නෙ.

ඒ නිසා පසුතැවිලි වෙවී ඉන්න වෙලාවෙ අදාළ ක්‍රියාමාර්ග ගන්න උනන්දු වෙන්න. ගැඹුරට හිත හිත පීඩනයකට පත් වෙන වෙලාවෙ අදාළ ක්‍රියාමාර්ග ගන්න දැනගන්න.

#Life_Tips ♡ @LearnBits

පේරු රාජ්‍යයේ අමුතු සිරිතක් තියෙනවා. මේ අය හැම අවුරුද්දෙම දෙසැම්බර් 25 වෙනිදා , පසුගිය අවුරුද්ද පුරාවටම , හිතේ තරහක් තියන් හිටපු කෙනෙක් එක්ක ගහගන්නවා. අතින් විතරයි හැබැයි. ඊට පස්සෙ ගහගත්ත හැමෝම හොඳට බියර් බීලා වේදනාව නැති කරගෙන , අලුත් අවුරුද්දට සැරසෙනවා. මේ අමුතු සිරිතට ඒ අය කියන්නෙ Takanakuy කියලා.

#Knowledge ♡ @LearnBits

Direct Question from subscriber

Q :- මනෝවිද්‍යාවට අනුව බුද්ධිමතුන් සහ බුද්ධිහීන මිනිසුන්ව හඳුනගන්නෙ කොහොමද?

(Part 01)

මනෝවිද්‍යාවට අනුව බුද්ධිමත් මිනිසුන්ව හඳුනගන්න පුලුවන් ආකාර කීපයක් තියෙනවා.

😼 ඔවුන් නිතරම ප්‍රශ්න අහනවා.

බුද්ධිමත් මිනිසුන් කවදාවත් , "මම ඔක්කොම දන්නවා" කියල හිතන්නෙ නෑ. ඔවුන් දන්නවා ඔවුන් හැමදේම නොදන්න බව. ඉතින් ඒ නිසා ඔවුන් කිසිම පැකිළීමක් නැතුව ප්‍රශ්න අහන්න යොමු වෙනවා. ප්‍රශ්නය යොමු කරන්නේ උනත් , සුදුසුකම් ඇති අයට. සමහර රටවල් වල වගේ , ඩොක්ටර්ස්ලගෙන් අහගෙන කෘෂිකර්මය පාලනය කරනව වගේ වැඩ කරන්නෑ.

😼 ඔවුන් ආශ්‍රය කරන්නෙ බොහොම සීමිත පිරිසක් විතරයි.

බුද්ධිමත් මිනිසුන් , තමන් ආශ්‍රයට තෝරාගන්න අය ගැන ගොඩක් සැලකිලිමත් වෙනවා. ගොඩක් හිතල බලල තමයි කෙනෙක්ව තමන්ගෙ සමීපයට ගන්නෙ. "හම්බ කලේ මිනිස්සු" කියන සංකල්පයට වඩා , ඒ අය කැමතී අඩු සමාජ ආශ්‍රයක් තියාගෙන ජීවත් වෙන්න.

😼 ඔවුන් ගැටුම් මගහරිනවා.

බුද්ධිමත් මිනිසුන් , හැකි සෑම වෙලාවකම ගැටුම් මගහරින්න උත්සාහ කරනවා. ඒ අනවශ්‍ය විවාදයන් සහ ගැටුම් වෙනුවෙන් වෙහෙස වීම නුසුදුසු ක්‍රියාවක් ලෙස ඔවුන් සලකන නිසා.

😼 ඔවුන් තමන් එක්කම කතා කරනවා

බුද්ධිමත් මිනිසුන් ගොඩක් වෙලාවට තමන් එක්කම කතා බහ කරනවා. සැලසුම් කිරීම් වලදී , ගැටලුවකදී වගේ අවස්ථාවන් වල තමයි ගොඩක් වෙලාවට මේ වැඩේ කරන්නෙ. තමන්ටම කතා කරගන්න එකෙන් වෙන්නේ , තමන්ගේ සිතුවිලි පෙරීමකට ලක් කරන එක. වියහැකියාවන් සහ සුදුසුම මාර්ගයන් සොයාගන්න එකත් , මේ වැඩෙන් හම්බෙන අමතර ප්‍රතිලාභයක්.

😼 අනිත් අය වැරැද්දක් දකින තැන , ඔවුන් අවස්ථාවන් දකිනවා.

අනිත් අය මොකක් හරි දේක වැරදි කිය කිය ඉන්න කොට බුද්ධිමත් මිනිසුන් ඒ වැරදි , ඔවුන්ට ලැබුනු අවස්ථාවක් කරගන්නවා. වැරදි හදාගන්න හම්බුනු චාන්ස් එකක් කියල හිතනවා.

😼 ඔවුන් ඔවුන්ගේ හැකියාවන් යටපත් කරගන්න උත්සාහ කරනවා.

ගොඩක් මිනිස්සු තමන්ට තියෙන පුංචි දෙයක් ගැන උනත් මහා ඉහළින් කතා කරනකොට , බුද්ධිමත් මිනිසුන් තමන්ට තියෙන දේවල් පවා යටපත් කරන්න හදනවා.

😼 ඔවුන් තමන්ටම ආදරය කරනවා.

බුද්ධිමත් මිනිසුන්ට තනිකම කියන්නෙ , නොසැලකිය හැකි දෙයක්. බාහිර ලෝකෙන් කොච්චර හුදකලා උනත් , ඔවුන්ට තමන්ගේ ආත්මය සමග ජීවත් වෙන්න පුලුවන් කියලා ඔවුන් දන්නවා.

😼 ඔවුන් හදවතින් අදහස් විමසීම සීමිත කරගෙන ඉන්නවා.

අපි ගොඩක් වෙලාවට හදවතින් විමසල තීරණ ගත්තත් , බහුතරයක් බුද්ධිමත් මිනිසුන් එහෙම කරන්නෙ නෑ. ඒ එයාල හිතක් පපුවක් නැති නිසා නෙවෙයි. හදවතින් ගන්න තීරණ වලට වඩා තමන්ගෙ බුද්ධියෙන් ගන්න තීරණ වලට පැවැත්මක් තියෙනව කියල ඔවුන් දන්න නිසා.

😼 අකුරු ලිවීමේදී බොහොම කැතට අකුරු ලියන්නෙ.

ඒකට හේතුව ඔවුන්ගේ සිතුවිලි වල වේගයයි. ඔවුන් වේගෙන් හිතන නිසා අකුරු ලියන කොට ඒ ගැන සැලකිල්ලක් දක්වන්නෙ නෑ.

😼 කටකතා වලට වඩා විද්‍යාත්මක පදනමකින් යුත් පුවත් ගැන විමසා බලනවා.

ගොඩක් මිනිස්සු පුරුදු වෙලා ඉන්නව කණට ඇහෙන හැමදේම ඉස් මුදුනින් පිළිගන්න. නමුත් බුද්ධිමත් මිනිසුන් එහෙම කටකතා වල තියෙන හැමදේම පිළිගන්නෙ නෑ.

මේ වගේ කරුණු වලින් පුලුවන් , බුද්ධිමත් මිනිසුන්ව හඳුනගන්න.

Part 02 >>>>

#LearnBits_Q_A ♡ @LearnBits

Direct Question from subscriber

Q :- මනෝවිද්‍යාවට අනුව බුද්ධිමතුන් සහ බුද්ධිහීන මිනිසුන්ව හඳුනගන්නෙ කොහොමද?

(Part 02)

ඒ විදිහට , බුද්ධිමතුන් වගේම බුද්ධිහීන මිනිසුන්වත් හොයාගන්න පුලුවන්. සරල ව්‍යවහාරයේ අපි කියන්නෙ මෝඩයො කියල. සාමාන්‍ය බුද්ධිමට්ටමටත් වඩා අඩු බුද්ධි මට්ටමක් මේ අයට තියෙන්නෙ.

😾 ඔවුන් අනිත් අයගේ හැඟීම් ගැන වැඩි සැලකිල්ලක් දක්වන්නෑ.

මෝඩ මිනිස්සු හිතන්නෙ හරිම පටු විදිහට. වෙන කෙනෙක්ගෙ හැඟීම් ගැන හිතන්න හෝ , ඒ අයව තේරුම් ගන්න මොවුන්ට බැහැ.

😾 ඔවුන් හිතන්න හෝ ඉගෙනගැනීමට වැඩි සැලකිල්ලක් දක්වන්නෑ.

බුද්ධිහීන මින්සුන් , අලුත් දෙයක් ඉගෙන ගන්න කිසිම උවමනාවක් දක්වන්නෑ. ඒ වගේම කිසිම දෙයක් ඕනෙවට වඩා හිතන්න යන්නෙත් නෑ. හැබැයි මේ අය , ඉගෙනගන්න කැමති , ගොඩක් හිතන්න කැමති කෙනෙක් දැක්කම ඔවුන්ට හිනා වෙන එක නං කරනවා.

😾 මොවුන් නිතරම ප්‍රශ්න ගැන කියවනවා.

මේ වර්ගයේ අය ගොඩක් වෙලාවට , ප්‍රශ්න ගැන කියවන්න උත්සුක වෙනව මිසක් , ඒවට විසඳුම් හොයන්න අංශුමාත්‍රයක අවධානයක් දෙන්නෙ නෑ.

😾 බොහොම සරල දේවල් කරල , තමන් දක්ශයි කියල පෙන්නන්න හදනවා.

මේ අය දිගු කාලිනව වැදගත් නොවන සරල කාර්‍යන් කරන්න හරි කැමැතී. ඒ වගේ දේවල් කරලා , තමන් අනිත් අයට වඩා බුද්ධිමත් කියල පෙන්නන්න හදනවා. ඔය පංති වලත් සමහරු ඉන්නේ , ලේසි ගනන් හදල පොත පෙන්නල , සද්දෙට පෑන මේසෙ උඩින් තියල ශෝ එක දැම්මට අමාරු ගානක් දීපු ගමන් සද්ද නැතුව කැපෙන්නෙ.

😾 මේ අය අලුත් දෙයක් කරන විදිහ දැනගත්තම ඒ ගැන පුරසාරම් දොඩනවා.

බුද්ධිහීන මිනිසුන් යමක් කරන හැටි දැනගෙන ඒක තේරුම් ගත්තම හිතන්නේ තමන් ගොඩක් දක්ශයි කියලා. ඒ නිසා ඔවුන් ඒ ගැන පුරසාරම් කියවනවා. බුද්ධිමත් මිනිසුන් එහෙම නොකරන්නෙ අලුත් දෙයක් ඉගෙන ගන්න එක ඔවුන්ට තවත් සාමාන්‍ය දෙයක් වෙන නිසා.

😾 ඔවුන් තමන්ගේ සිතුවිලි සහ හැඟීම් ගැන ප්‍රශ්න කරන්නෙ නෑ.

සමහර මිනිස්සු ඉන්නෙ , දෙයක් හිතුවොත් ඒක කරලම නවතින. තමන්ගේ සිතුවිලි හෝ හැඟීම් , හරිද වැරදිද කියලවත් මේ අය විමසන්නෙ නෑ. ඒ කියන්නෙ සිතුවිලි සංජානන හැකියාව බොහොම අඩුයි.

😾 ඔවුන් කිසිම සොයාබැලීමක් නැතුව අනිත් අයට ඡෝදනා කරනවා.

මේ වගේ මිනිස්සුට වෙන කෙනෙක්ට බනින්න , පිළිගත හැකි හේතු ඕන්නෑ. සමහරවිට කටකතා වෙන්න පුලුවන් , නැත්තං වෙන කවුරු හරි කියපු දෙයක් නිසා වෙන්න පුලුවන් , මේ ඕනෙම දෙයක් නිසා බුද්ධිහීන මිනිසුන් වෙන අයට බැන වදිනවා. කිසිම සාක්ශියක් හෝ පිළිගතහැකි දෙයක් නැතුවත් මේ අය බනිනවා.

😾 ඔවුන් ගොඩක් වෙලාවක මනෝලෝකයක ජීවත් වෙනවා.

මේක නිකං හරියට , කැලේ වැටුනු ලී අත්තක් , කුමාරයෙක් ඇවිල්ලා තමන්ව අරන් යනකං බලන් ඉන්නව වගේ වැඩක්. බුද්ධිහීන මිනිසුන් ජීවත් වෙන්න මනෝලෝකයක. සත්‍ය ලෝකයට පරස්පර විරෝධී දේවල් ඔවුන්ගේ හිත්වල තියෙනවා.

😾 ඔවුන් වැඩිය පොත් කියවන්න කැමති නෑ.

මේ වගේ අය වැඩිය පොත් පත් කියවන්න කැමති නෑ. දැනුමට යමක් එකතු කරගන්නවට වඩා , ක්ශණික ඇතිවෙලා නැතිවෙලා යන මානසික තෘප්තිය වෙනුවෙන් කටයුතු කරන එක කරන්නෙ. ටික් ටොක් එකේ නොදන්න සිංදුවකට බොරුවට කට හොල්ල හොල්ල ඇඟ වනන එක එහෙම හොඳ උදාහරණයක්.

😾 ඔවුන් හිතන්නෙ අනිත් අය මොඩයො කියල.

කෙනෙක් මෝඩයෙක් කියල හොඳාකාරවම දැනගන්න එකයි , කෙනෙක් මෝඩයෙක් කියල අනුමාන කරන එකයි දෙකක්. බුද්ධිහීන අය කරන්නෙ මේ දෙවනි එක. අනිත් අය මෝඩයො කියල සලකගෙන ජීවත් වෙනවා.

මේ වගේ කරුණු වලින් තමයි මෝඩ මිනිහෙක්ව හඳුනගන්න පුලුවන් වෙන්නේ.

#LearnBits_Q_A ♡ @LearnBits

යම්කිසි ආරවුලක් හෝ බහින්බස්වීමක් අතරතුර නිශ්ශබ්දව සිටීම සහ සන්සුන්ව සිටීම , ඔබේ ස්වයං පාලනය විදහා දක්වනවා. ඒ වගේම ඒ වැඩෙන් ඔයාගෙ ප්‍රතිවාදීන්ගේ සිත් තුළ , ඔයා ජයග්‍රහණය කරන්න යන බවට හැඟීමක් ඇති කරනවා.

ඒ නිසා ගැටුමකදි , කෑ ගහන්නවත් , එකට එක කරන්නවත් යන්න එපා. සාවධානයෙන් සන්සුන්ව ඉන්න. ඒකම ඇති ප්‍රතිවාදියව මෙල්ල කරන්න.

#Psycho_Facts ♡ @LearnBits

සන්සුන් වෙන්න...

ඔයා ගමන් කරන්නෙ ඔයාගෙ මාර්ගයේ මිසක් වෙන කාගෙවත් මාර්ගයක නෙවෙයි...

ඔයාගේ මාර්ගයේ , ඔයා ජීවත් වෙන ආකාරය ඔයාම තීරණය කරන්න...

ඔයාගෙ මාර්ගයේ සාර්ථකත්වය ගැන හෝ ඒ මාර්ගයේ අඩුපාඩු ගැන වෙනත් අය කියන දේවල් වලට එකඟ වෙන්න යන්න එපා...

ඔයා ගමන් කරන මාර්ගය හැමෝටම වෙනස් එකක් විදිහට පෙනේවි...

ඒත් ඒක ඔයාගෙ මාර්ගයයි. ඒ නිසා සන්සුන් වෙන්න... සන්සුන්ව ගමන් කරන්න...

#Quotes ♡ @LearnBits

මේ ඉන්නෙ Penis fish කියල හඳුන්වන මුහුදු පණුවෙක්. සිංහලෙන් කිව්වොත් , "ශිෂ්ණ මාලුවා".

මේ පණුවගෙ ක්‍රියාකාරීත්වය සහ හැඩය නිසයි මේ නම ලැබිල තියෙන්නේ. මේ මාලුවගෙ විද්‍යාත්මක නාමය තමයි Urechis unicinctus. ඒ වගේම ඇහුවොත් පුදුම හිතෙයි , මිනිස්සු මේ පණුවව ආහාරයටත් ගන්නවා. ඒ රස නිසා මේ Penis fish ව , ගොඩක් ප්‍රසිද්ධ වෙලා තියෙනව කියල තමයි කියන්නෙ.

#Knowledge ♡ @LearnBits