අපි පොඩි කාලෙ ඉඳන්ම අහල තියෙනව , හරක් ගාවින් යනකොට , විශේෂයෙන්ම මී හරක් සහ කුලු හරකෙක් ගාවින් යනකොට රතු පාට වහන් යන්න කියල. මොකද හරක් රතු පාට දැක්කම කෝප වෙලා පහර දෙන්න හදනව කියල අපි අතර මතයක් තිබුන නිසා.

ඇත්තටම එහෙම එකක් නෑ. මිනිසුන්ට සාපේක්ශව හරක්ට බොහොම අඩු වර්ණ සංවේදීතාවයක් තියෙන්නෙ. හරක්ට පේන්නෙ කහ , කොළ , නිල් සහ දම් වර්ණයන් විතරයි.

ඒ වගේම අපි දැකල තියෙනව ගොන්පොර වලදි , හරක්ට පේන්න රතු පාට කබායක් වනනව කියල. ඇත්තටම ඒ රතු පාට හරකාට පේන්නෙ , අලු කහ මිශ්‍ර පාටක් විදිහට. හරකා කුලප්පු වෙන්නෙ පාට දැකල නෙවෙයි.

ඒ කබාය වනන විදිහට , ඒක හරකා දකින්නෙ තමන්ට තර්ජනයක් එල්ලවිය හැකි දෙයක් හැටියට. ඉතින් හරකා ඒකට පහර දෙන්න එලවනවා.

ඇත්තටම ඒ ක්‍රීඩාවලට ගන්න හරක් ස්වභාවයෙන්ම කිපෙන සුලුයි. සාමාන්‍ය හරක් එහෙම එලවන්න පහර දෙන්නෙ කලාතුරකින්.

ඒ වගේම අපේ අය අතර මතයක් තියෙනව මී හරකා ගොඩක් භයානකයි කියල. මොකද උගෙ අං දෙක , සහ ශරිරයේ විශාලත්වය එක්ක , භයංකර පෙනුමක් ලැබිල තියෙන නිසා.

වගකීමෙන් කියන්නෙ , මී හරකා කියන්නෙ බොහොම අහිංසක සතෙක්. ඇත්තටම ඊට වඩා දරුණුයි සාමාන්‍ය හරකෙක්.

#Knowledge ♡ @LearnBits

? සඳහා එන අගය සොයන්න...

18 + 3 × (5 - 4 + 1) = ?

Answer - Try your own first

#Fun ♡ @LearnBits

ජීවිතය පිළිබඳ සත්‍යයන් කීපයක්...

🧊 ගොඩක් මිනිස්සු කැමති හොඳ පෙනුමකට මිසක් හොඳ සිතුවිලි වලට නෙවෙයි.

🧊 මිනිස්සු ගරු කරන්නෙ සල්ලි වලට. නැතුව පුද්ගලයට නෙවෙයි.

🧊 ඔයා වැඩියෙන්ම ආදරය කරපු පුද්ගලයා , දවසක ඔයාට ලොකුම වේදනාව දෙනවා.

🧊 "ඇත්ත" හරි සරලයි. ඒත් ඒක පහදල දෙන්න අමාරුයි.

🧊 ඔයා සතුටින් ඉන්නකොට ඔයා සංගීතය රසවිඳිනව. හැබැයි ඔයා දුකින් ඉන්නකොට ඔයා ඒ සිංදුවෙන් කියන දේ තේරුම් ගන්නවා.

🧊 මිනිස්සු ගොඩක් යහපත් වෙනවා කිසිවක් නැති වෙලාවට. හැබැයි හැමදේම තියෙන වෙලාවට මිනිස්සු උඩඟුයි.

#MidDay_Thoughts ♡ @LearnBits

තවකෙකුට වඩා උසස් වීම ශ්‍රේෂ්ඨ දෙයක් නොවේ.
තමන් කලින්ට වඩා උසස් වීමයි ශ්‍රේෂ්ඨ වෙන්නේ....

– Ernest Hemingway

#Saying ♡ @LearnBits

පේන විදිහට නිහඬතාව හොඳම පිළිතුර වී හමාරය....

#Quotes ♡ @LearnBits

කලින් ආදරය කරල වෙන්වුනු දෙන්නෙක් , තාමත් යාලුවො වගේ ඉන්නව නං ඒකට හේතු දෙකක් තියෙනව.

1. දෙන්නම තාම එකිනෙකාට ආදරය කරනව.

2. ඒ දෙන්නම කලින් එකිනෙකාට ආදරය කරල නෑ.

#Relationship_Tips ♡ @LearnBits

The sweet hour that shapes life

#lifie

ඇයි කාලයත් එක්ක පොත් වල පිටු තද කහ / තැඹිලි-දුඹුරු පාටකට හැරෙන්නෙ?

අපි දන්නවා මේ කඩදාසි හදන්නෙ ශාකවලින් කියල. ඉතින් ශාක සෛල බිත්තියේ තියෙනවා ලිග්නීන් කියල සංයෝගයක්.

කඩදාසිවල වර්ණය වෙනස් වෙන්න හේතුව මේ ලිග්නීන් කියන සංයෝගය.

කාලයත් එක්ක , කඩදාසි පිටු වාතයට නිරාවරණය වෙනකොට , කඩදාසි අණු අතර තියෙන ලිග්නීන් , ඔක්සිජන් එක්ක ප්‍රතික්‍රියා කරනව. මේක ක්ෂුද්‍ර ප්‍රතිකියාවක්. ඉතින් ඒකෙ ප්‍රතිඵලයක් විදිහට තමයි කඩදාසි වල පැහැය වෙනස් වෙන්නෙ.

විශේෂයෙන්ම නිතරම කියවන පොත් ඉක්මනටම මේ වගේ කහ-දුඹුරු පාටකට හැරෙනව. පරණ ශර්ලොක් හෝම්ස් පොත් තියෙන අයනං මේ වෙනස හොඳට දන්නව ඇති.😉

#Knowledge ♡ @LearnBits

ගැහැණු black widow ( Latrodectus hesperus, )වර්ගයේ මකුළුවන් , ලිංගික එක්වීමකට පසුව තම ලිංගික සගයාව මරාදමා ආහාරයට ගන්නවා. සමහර වෙලාවට මේ ගැහැණු මකුළුවන් දවසකට , ලිංගික සහකරුවන් 20ක් වැනි ප්‍රමාණයක් පවා ආහාරයට ගන්නවා.

#Facts ♡ @LearnBits

වෙරළ තීරුවක , පඳුරු ගාලක් අසල ඇති බංකුවක හුන් දෙදෙනෙක් කතා කරනවා ඇසුනා....

තරුණයා : "මට ඔයාට කියන්න දෙයක් තියෙනවා.... මම කියන්නද ඒක?"

තරුණිය : "ම්ම්ම්... කියන්න..."


තරුණයා : "ඔයාගෙ ඔය හිනාව තමයි , මම මෙච්චර කාලෙකට දැකපු සුන්දරම හිනාව.."

තරුණිය : "මටත් ඔයාට කියන්න දෙයක් තියෙනවා.."


තරුණයා : "කියන්න..."

තරුණිය : "ඒ සුන්දර හිනාව පවතින්නෙ ඔයා ළඟදි විතරයි...!"

දෙදෙනා මුවට මුව තබා සිප ගනිද්දී මම එදෙස බැලුවා...

ආදරය පවතින්නේ මෙවැනි සරල කතා බස් වල නොවේදැයි මොහොතකට මට සිතුනා...

අතෙහි ගුලි කරගෙන හුන් කොළ කැබැල්ල ගෙන , එම දෙපල අසලට විසිකරමින් මම මෙසේ පැවසුවා...

"මේ ඕයි සමීර... ඔන්න කවුද එනවා.. කිස් කරන එක නවත්තහං..."

ඔත්තුකාරයෙක්මි මම... උන් ලව් කරනකං වටපිට බලනා...

#MidDay_Thoughts ♡ @LearnBits

Share & Support ♨️

යහපත්ම මිනිසුන්ටත් එක්තරා සීමාවක් පවතිනවා. කීයටවත් ඔවුන්ගේ සීමාවන් දැනගැනීමට ඔවුන්ට බලපෑම් කරන්න හදන්න එපා.

මොකද යහපත්ම මිනිසුන්ගේ අඳුරු පැත්ත , අප නොසිතූ ලෙස දරුණු වෙන්න පුලුවන්.

#Life_Tips ♡ @LearnBits

ඔබ කාටහරි ආදරය කරනවා නම් ඔබේ ඉලක්කය විය යුත්තේ ඒ කෙනා සමග විවාහ වීමයි. ඒ කෙනා සමඟ අලුත් ජීවිතයක් ආරම්භ කිරීමයි.

වෙන කරන්න වැඩක් නැති නිසා , බොරුවට කාත් එක්කවත් සම්බන්ධතා ගොඩනගාගන්න එපා.

#Relationship_Tips ♡ @LearnBits

යම්කිසි දුකකින් හෝ , සිත් කනස්සල්ලෙන් නින්දට යෑම ඔබගේ ස්නායු පද්ධතිය වෙහෙසට පත් කරන අතර ඊළඟ දිනයේ උදෑසන දැඩි මානසික අවපාතන තත්වයකට මග පාදනවා. (depression).

ඒ වගේම අන් අය සමග සිදු කරන අන්තර්ක්‍රියාවලටත් ඒක සෘජුවම බලපානවා. ඒ නිසා හැකිතාක් සිත සන්සුන්ව නින්දට යන්න උත්සාහ කරන්න.

#Psycho_Facts ♡ @LearnBits

කැණීම් කටයුතු වල නිරත පිරිසක් විසින් , විලියම් ෂේක්ස්පියර්ගේ ගෙවත්තේ , පිටුපස කොටසින් , දුම් පයිප්ප හතරක් සොයාගෙන තිබෙනවා.

මේ පයිප්ප වල අඩංගු රසායන ද්‍රව්‍ය , ගංජා වලට සමාන බව තමයි විද්‍යාඥයන් පවසන්නේ. කොහොම උනත් , විලියම් ෂේක්ස්පියර් , මේ දුම් පයිප්ප භාවිත කරපු බවට තවමත් සාක්ශි හම්බෙලා නෑ.

#History ♡ @LearnBits

දුරස්ථ ආදර සබඳතා , එහෙමත් නැත්තං සාමාන්‍ය ව්‍යවහාරයේ කියවෙන විදිහට , long distance relationship , ගොඩක් දුශ්කර වැඩක්. එහෙම ආදරයක් පවත්වා ගෙන යාම ගොඩක් අමාරු දෙයක්.

අමාරු උනත් , දුරින් ඉඳන් හරි එකිනෙකාට ආදරය කරන්න , එකිනෙකාට ගරු කරන්න සහ එකිනෙකාට සහයෝගය දෙන්න පුලුවන් නං ඒක විශිෂ්ඨ දෙයක්. එහෙම දෙන්නෙක් කවදහරි එකතු උනාම , ආපහු ඒ දෙන්නා කවදාවත් වෙන් වෙන එකක් නෑ....

#Night_Thoughts ♡ @LearnBits

විවිධ ආදර සම්බන්ධතා කීපයක්

💕 පරිපූර්ණ ආදරය : මෙවැනි ආදරයක් තුළ දෙදෙනාම සමීපව එකිනෙකාව හොඳින් හඳුනාගෙන සිටින අතර එකිනෙකාගේ ආශාවන් වලට ගරු කිරීම සිදු කරනවා. ඒ වගේම එකිනෙකා ගැන ඉතා ගඹුරින් සොයාබලන අතර එකිනෙකා වෙනුවෙන් කැපවෙලා ඉන්නව. ගොඩක් හිඟයි. හැබැයි සුන්දරයි.

💕 රොමෑන්ටික් ආදරය : ලෙන්ගතුකම සහ ආශාව මූලික ආදරයකි. වර්තමානයේ බහුලයි. නමුත් එකිනෙකා ගැන පවතින කැපවීම අඩුය. මම ඔයා වෙනුවෙන් ජීවිතේ උනත් කැපකරන්නං කිව්වට , කරන ලබ්බක් නැත. ලොකු ටෝක්ස් ඇති නමුත් මෙවැනි ආදර සබඳතා ආදරයේ පිට පොත්ත වැනිය.

💕 සැඟවුනු ආදරය : පිටට නොපෙන්වන ආදර කතා මෙම වර්ගයට අයත්ය. දෙදෙනා අතර සමීපත්වය ගොඩක්ම අඩුය. නමුත් එකිනෙකා වෙනුවෙන් කැපවීම ඉහළය. ඔවුන් අනෙකාගේ ආශාවන් හඳුනාගෙන ඒවාට ගරු කරයි. නමුත් දෙදෙනා අතර අවබෝධය මදක් අඩුයි.

💕 පුස් ආදරය : ආශාවන් පමණක් ඇත. බොහෝ විට මෙවැනි ආදරවන්තයන් , සෝශල් මීඩියා වල රඟති. එහෙත් දෙදෙනා අතර සමීපත්වක් හෝ දෙදෙනාව හඳුනාගෙන නැත. මාස දෙකේ තුනේ ආදර කතා මේ වර්ගයට අයත්ය.

💕 මිත්‍ර ආදරය : මෙය ආදරයකට වඩා ලෙන්ගතුකමකි. සමීප නමුත් ආශාවන් නොමැත. බොහෝ විට යාලුවො වගේ ඉමු කී දෙදෙනෙක් අතර මෙය පවතී. හොඳම යාලුකම්ද මේ වර්ගයට අයත් වේ.

💕 අධිෂ්ඨානශීලි ආදරය : එයාව මම කොහොමහරි ලබාගන්නවා / අපි කොහොමහරි අපේම වෙමු ආදී දෑ නිතරම කියන්නං මෙම වර්ගයට අයත්ය. එකිනෙකා අතර අවබෝධය මදක් අඩු වුවත් , එකිනෙකාට සමීපව සහ ආශාවන් වලට ගරු කරමින් සම්බන්ධතාව පවත්වා ගනී.

💕 හිස් ආදරය : කැපවීම පමණක් ඇත. නමුත් අවබෝධය සහ ආශාවන් අඩුය. ලව් කරන්නන් වාලේ ලව් කරන්නෝ මෙම වර්ගයට අයත් වේ.

💕 ක්ශණික ආදරය : ගැඹුරු අවබෝධයක් හෝ සමීපත්වයකින් තොරව හටගන්නා ආදරයකි. කෙටි කාලීන අනියම් ගනුදෙනු වල ප්‍රතිඵලයක් විය හැක. ගොඩක් පිරිමින් තුළ මෙම ආදරය සැඟවී ඇත. පාරෙ දකින හැම කෙල්ලටම හිත යයි. ටිකකින් අමතක වෙයි.

ඉතින් මේ කිව්වෙ ආදරයේ වර්ග කීපයක්. මෙතන කියවිලා නැති ආදර වර්ගයක් තියෙනව නං comment කරන් යන්න හැඳින්වීමකුත් එක්ක.

#Relationship_Tips ♡ @LearnBits

ත්‍රිතුණ්ඩ කපාටය

මේ තියෙන්නෙ ත්‍රිතුණ්ඩ කපාටයක්. මේ රූපරාමුව අරන් තියෙන්නෙ ත්‍රිතුණ්ඩ කපාටයට මදක් ඉහළින් සවිකරල තිබ්බ ක්ශුද්‍ර කැමරාවකින්.

ඔයාලට පේනව ඇති තැලි තුනකින් හැදිල තියෙනව.

මේක පිහිටන්නෙ දකුණු කර්ණිකාව සහ දකුණු කෝශිකාව අතර කපාටයක් විදිහටයි. ඔක්සිජන් ඌන ශිරා රුධිරය , දකුණු කර්ණිකාවට ආවට පස්සෙ , මේ ත්‍රිතුණ්ඩ කපාටය හරහා තමා දකුණු කෝශිකාවට ගලායන්නෙ.

කෝශිකාවෙ ඉඳන් කර්ණිකාවට ආපසු රුධිරය ගැලීම වැළැක්වීම තමයි මේ කපාටයේ කෘත්‍ය.

#Knowledge ♡ @LearnBits

ඔයා තුළත් ඊර්ෂ්‍යාවක් ඇති බවට ඇඟවෙන කරුණු කීපයක්.

ඊර්ෂ්‍යාව හඳුනාගන්න ටිකක් අමාරු දෙයක්. මිනිස්සු කියන්න පුරුදු වෙලා ඉන්නව "මම නං කාටවත් ඊර්ෂ්‍යා කරන්නෑ" කියල. නමුත් ඔවුන් තුළත් යම්තරමකට ඊර්ෂ්‍යාව පවතින්න පුලුවන්.

👁‍🗨 ඔයා යම්කිසි කෙනෙක්ගේ ජයග්‍රහණයන් පිළිබඳ එතරම් තැකීමක් කරන්නෙ හෝ , ඒ පිළිබඳ සතුටු වන්නේ නැත.

හිතන්නකො ඔයාගෙ ගෙදරම ඉන්න සහෝදරයෙක් ගැන. එයා වැඩටික හොඳට කරල , ගෙදර වැඩ වලටත් උදව් වෙලා , හැමෝම එයා ගැන හොඳ කියනකොට , ඔයාට ඒ ගැන ප්‍රීතියක් හෝ තැකීමක් නැත්තං එතන පොඩි ඊර්ෂ්‍යාවක් තියෙනව වෙන්න පුලුවන්. සමහරු නං , තමන්ට නැතුව සහෝදරයෙක්ගෙ ගුණ කියනකොට ඇත්තටම ආවේගයට පවා පත් වෙනවා.


👁‍🗨 ඔයා යම් කිසි කෙනෙක් ළඟදි උදාසීන-ආක්‍රමණශීලි ලෙස හැසිරෙනවා.

මේක උදාසීනත්වය සහ ආක්‍රමණශීලිත්ව මිශ්‍ර හැඟීමක්. මේකට අපි සාමාන්‍යෙන් ව්‍යවහාරයේ කියනවා "රුස්සන්නෑ" කියල. ඒ කියන්නෙ ඔයා යම් විශේෂ පුද්ගලයෙක් ළඟදි , මදක් කණස්සල්ලෙන් හෝ කෝපයෙන් පසු වීම. හිතන්නකො ඔයා යම් විශේෂ පුද්ගලයෙක් ළඟ ඉන්නකොට මෙහෙම හැසිරිලා , එයා එතනින් ගියාම මදක් සුවපහසුවක් දැනෙනව කියල. අන්න ඒ හැසිරීම , පොඩි ඊර්ෂ්‍යාවක ගතිලක්ශණක්.


👁‍🗨 ඔයා කාවහරි මගහරිනව.

ඔයා කාවහරි මගහරිනව නං , ඒ ඔයාගෙ හිතේ ඒ පුද්ගලයා ගැන තියෙන පොඩි ඊර්ෂ්‍යාවක් නිසා වෙන්න පුලුවන්. සමහර විට ඔයා , ඔයාගෙ යාලුවො එක්ක එහෙ මෙහෙ යන එක මගහරිනව වෙන්න පුලුවන්. ඉතින් එහෙම කරන්නෙ , ඔයාට ඒ යාලුවො අතර ඉන්න නිශ්චිත පුද්ගලයෙක් හෝ පුද්ගලයින් කිපදෙනෙක් කෙරේ තියෙන පුංචි ඊර්ෂ්‍යාවක් නිසා වෙන්න පුලුවන්.


👁‍🗨 ඔයා කාවහරි ඕනෙවට වඩා විවේඡනය කරනවා.

මේක නං සාමාන්‍යෙන් වෙන දෙයක්නෙ. ඔයා කාවහරි පට්ට පතුරු ගහනව කියන්නෙ , ඔයාගෙ හිතේ ඒ පුද්ගලයා ගැන තියෙන ඊර්ෂ්‍යාවක් නිසා වෙන්න පුලුවන්. පහුගිය කාලෙ මිනිස්සු මැති ඇමතුවරුන්ව පලු යැව්වේ , එයාල රටට අහිතකර තීරණ ගත්ත එකටත් වඩා , මැති ඇමතිවරුන්ගෙ දේපළ වලට ඊර්ෂ්‍යාවෙන් කියල ඔයාලට තේරෙනව ඇතිනෙ.

ඉතින් මේ වගේ දේවල් ඇත්තටම සාමාන්‍යයි. මිනිසුන් තුළ ඊර්ෂ්‍යාව ඇති වීම සාමාන්‍ය මිනිස් ස්වභාවය. ඒක වසන් කරන්න හෝ බොරුවට ලේබල් ගැසීමෙන් ඵලක් නෑ.

#Psycho_Facts ♡ @LearnBits

ㅤ
ㅤㅤ🖤𝗙𝗼𝗹𝗹𝗼𝘄 𝗨𝘀 𝗢𝗻 𝗧𝗲𝗹𝗲𝗴𝗿𝗮𝗺🖤ㅤㅤ
ㅤ

වයසට යනකොට අපේ පෙනීමේ හැකියාව අඩු උනත්,
මිනිසුන්ව හඳුනාගැනීමේ හැකියාව දියුණු වෙනවා.

#Quotes ♡ @LearnBits