#Trick 15 Seed: HasMany

لنفرض انو عنا
Country -> Has many Store
Store -> Has many Employee
وبدنا نعمل fake data لالهن
ف الحل بكون بانو نعمل Factory لكل واحد منهن ضمن القيود يلي بدنا باستخدام fake

وبال Seeder منستخدم التابع has يلي بيجي مع factory متل هيك
Model::factory(number) -> has (Model::factory (number))
وفينا نستخدما بكذا level مو بس level واحد

Notes
1_
لا تنسو تعرفو ال relations بقلب ال Models مشان يتعرف عليهن التابع has

2_
بحال كان التابع يلي معرفينو لل relation اسمو غير الاسم الستاندر لسبب ما (مثلا كان ال Model هو User بدل Employee و بال Store معرفين employees مش users
ف لحتى نخلي ال has يتعرف عليه منبعت الاسم بهل طريقة
has(User::factory (number), 'employees')

#Trick 16

Laravel Telescope
هي ال Packege بتساعدك بعملية ال Debugging لكلشي نوعا عم يصير بالمشروع

متل ال Requests يلي عم تنطلب
وفينا نشوف معلومات كل Request

واهم شي انو فينا نشوف كل ال Queries يلي صارت بقلب هال Request لتساعدنا بأنو نحسنها

طبعا بعد ما نخلص عملية ال installation منفتح ال Browser ومنكتب
localhost:8000/telescope

#Trick 18 Has one of many

احيانا بكون عنا علاقة Has many ونحنا بهمنا record واحد منهن ف مشان ما نعجق ال Controller لحتى نحصل هاد ال record
ف عنا شي اسمو ofMany يلي بتوفرلنا هي المهمة
بأنو نجيب record واحد بالشروط يلي بدنا ياها

باستخدام
latestOfMany() لنجيب اخر عنصر

oldestOfMany() لنجيب اول عنصر

ofMany(column, aggregate)
لنحدد ال column يلي بدنا نقارن فيه وحسب اذا Max او Min

والطريقة الاعقد هيي انو نجيب هاد العنصر بناءً على اكتر من column بحال كان في تساوي عن طريق انو نبعت array ال key فيها هو ال column وال value هي Max او Min

وممكن نعمل filtering لل query كمان عن طريق function

ويعطيكم العافية❤️

#Trick 24 When

لنفرض انو عنا Orders وبدنا نرتبهن بأكتر من طريقة ونفلترهن حسب شي معين اذا مطلوب او لا
فعنا حل ظريف اسمو when وهو تابع منبعتلو اول باريمتر true او false
وتاني باريمتر callback للشروط يلي رح نضيفها للكويري بحال كان true متل بهل طريقة

وفينا نستخدم ال query string لحتى نبعت الشروط ونطبقها ب where

و حسب شو بدو يرتب بالقيم يلي بدو ياها asc او desc ونطبقها ب orderBy

ويعطيكم العافية❤

#Trick 30 Laravel Tinker
لجماعة ال PhpStorm هي ال Plugin ظريفة لحتى تخلينا نكتب كود معين وننفذه ونشوف نتائجه بطريقة مريحة اكتر من الشغل بقلب ال terminal

#Trick 32 Error Handling

لما يكون ال Controller عنا بيعتمد على classes تاني لمعالجة امور معينة فغالباً ما نلجأ لل Exceptions لحتى نرجع ايرور ونفهم ال controller انو لازم يرجع ايرور
لهيك حبيت وضح طريقة لحتى نقسم ال Exceptions يلي عنا ونخليهم يتعالجوا تلقائيا بدون ما نكتب try catch بكل مكان

الطريقة بأنه نعرف اول شي class بيورث من Exception ورح نخليه ال base Exception تبعنا (لحتى ما نخلي اللارافيل تعالج كلشي اخطاء وانما الاخطاء يلي نحنا رح نولدها) ويلي هي اول مرحلة

تاني مرحلة مشان نقسم ال Exceptions تبعاتنا لاكتر من class منعمل classes بتورث من CustomException ومنعرف بقلبها توابع static رح تكون مسؤولة عن انو تعطيني Exception حامل رسالة معينة بدي ياها و code معين

وبعدها منروح ل bootstrap/app.php وللتابع withExceptions رح نعرفه فيه طريقة معالجة ال Exceptions تبعاتنا (الوارثة من CustomException ورح نعتمد عليه ك parameter للتابع) وهي تالت مرحلة

واخر شي صار فينا نرمي ال Exception بدون ماعيد كتابة الرسائل بقلب ايا service المرحلة الرابعة

واخر مرحلة هو انو يتعالج الايرور لوحده تلقائيا كل مرة