بفضل الله وكرمه تم ختم منهج الرياضيات في معهد الخطيب الاهلي
رحلتي وياكم انتهت..بس فخري بيكم مستمر
#طلاب الحجي

السلام وعليكم …..
شلونك استاذ إن شاء الله بخير
بكل مشاعر الحب والاحترام والتقدير أتقدم بخالص الشكر والامتنان إلى أستاذي الكريم صاحب المواقف الطيبة على الجهد الذي بذلته طيلة هذه السنة من اجل تحقيق مستوى علمي مميز لنا بارك الله فيك وجزاك الله خيرا الجزاء اسأل الله أن يرزقك الصحة والعافية والعمر المديد ونعتذر إن صدر منا يومًا شيء أزعجك والله ما كنت مجرد استاذ بل كنت قدوة لنا وبمثابة أخ كبير أو عم ومكانك كبير في قلوبنا

استاذنا الغالي 🌹 حبيت نشكرك من كل قلبنا على تعبك ويانه طول الفترة الماضية والحمدلله اليوم خلصنا المنهج بفضلك وصبرك ويانا ما قصرت ويانه أبداً وشرحك كان واضح وساعدنا هواي نفهم الرياضيات بشكل أحسن
وإن شاء الله ما ننساك ونبقى نذكر تعبك ويانا وكل اللي تعلمناه منك راح يفيدنا بمستقبلنا. وجودك ويانه كان فرق كبير وفعلاً كنا محظوظين بيك
نتمنالك كل التوفيق والصحة وإن شاء الله نشوفك دائماً بأفضل حال و تفرح بلي راح نوصله ان شاء الله

from: khalidghasan

السلام عليكم استاذ الف مبروك الك و النه ختام المنهج
شكرا الك استاذنا الغالي دائما كنت النا مو فقط مدرس بل كنت أخ عزيز و ما قصرت اب اي شي لا بشرح ولا بنصيحة و نشكرك لان تحملتنا كل الفترة يلي مضت و ان شاء الله يوم يلي نفرحك بل درجات الحلوة بل وزاري❤🤍

السلام عليكم استاذ أشكرك من كل قلبي على تعبك ويانه طول الفترة الماضية والحمدلله اليوم خلصنا المنهج بفضلك وصبرك ويانا ما قصرت ويانه أبداً وشرحك كان واضح وساعدنا هواي نفهم الرياضيات بشكل أحسن
وإن شاء الله ما ننساك ونبقى نذكر تعبك ويانا وكل اللي تعلمناه منك راح يفيدنا بمستقبلنا. وجودك ويانه كان فرق كبير وفعلاً كنا محظوظين بيك
نتمنالك كل التوفيق والصحة وإن شاء الله نشوفك دائماً بأفضل حال وربي يحفضك وينطيك صحه وعافيه ويزيدك علم وتنفعنه بي ويرزقك ربي وان شاء الله نفرحك بنجاحنا ودرجاتنه 🔥❤️

الحبيب استاذ ليث الغالي♥️ احنا ممتنين حيل ونحب نشكرك من كل قلبنا على الي قدمتة ويانة وتحملتنا الفترة المضت واسفين إذا مرة ضوجنك او صرت عصبي بسببنة طبعا هذا كالة دلالة على حرصك علينة وأن شاء الله ماننساك وتبقى تذكرنا وترفع راسك بينة ونبقى نذكرك لانك فدتنة وأن شاء الله تكون من احلى السنوات وما تنسي انت مو بس مدرس انت بمثابة اخ و صديق أن شاء الله ترفع راسك بدرجاتنة العالية وما نخيب ضنك❤️

السلام عليكم استاذ
ما توقعت هاليوم حيجي بهالسرعة هذي على الرغم من هالتعب كله والامتحانات والمحاضرات ، بس اكو كمية كلام جبيرة بقلبي تجاه درس الرياضيات ، جان من ضمن افضل الدروس اللي احضرها ، واكثر مرة افهم بيها وعرفت معلومات وترتبت بدماغي بحيث صار ضمن اسهل المواد ودراسته جانت سلسة وياك وماتندمت ولو للحظة ان اختاريت هالمدرس ، بالعكس جنت من افضل المدرسين اللي يريدون مصلحة الطالب ، واثبتت بجدارة شكد ملتزم بعملك وتقدمه بكل هالأمانة والإخلاص ، بفترة بسيطة كدرت تحسن مستوانا بشكد رهيب ، اعتذر اذا فد يوم ضوجتك بتصرف او بكلام بس اكدر اكول انت من افضل الاساتذة اللي درسوني بحياتي ، وما انسى اي كلمة طيبة صدرت منك تجاهي وبكل مرة اتذكرهم فعلًا افرح من كل قلبي ، يجوز ميبين بس فعلا كلماتك دائمًا جانت تسعدني ، واتمنى دائمًا من الله ان يوفقك ويسعدك لان شكد ما راح احجي مراح تتصور كمية الامتنان اللي بقلبي وان شاء الله نكدر نفرحك بدرجاتنا بالوزاري ومانقصر لان ما بفد يوم قصرت ويانا بشيء ، شكرًا استاذ 🙏🏻❤️✨

أبارك لك ولنا على اختتام المنهج بكل امانة ومصداقية وحرص ربي يحفظك ويبارك بعمرك وبصحتك وان شاء الله نرفع راسك واسمك بلأمتحان الوزاري واعتذر خاف ازعجتك بكلمة او قصرنا وياك

السلام عليكم استاذ الف مبروك ختام المنهج

شكرا الك استاذنا الغالي دائما كنت النا مو فقط مدرس بل كنت أخ عزيز و ما قصرت ان شاء الله مانضيع تعبك بل وزاري 🤍

طبعن ماعرف شلون أتشكرك الغالي استاذ ليث جانت احلى أيامنه وياك وماراح ننسى فضلك لان جنت دافع كلش جبير ان شاء الله السنة الجايه ارجعلك واني شايل شهادة السادس وبتفوق عالي شكررررررآ هواي راح نشتاقلك ونشتاق ال شرحك الجميل ✨♥️🫂♥️

رابط التسجيل للدورات الحضورية للعام الدراسي 2026-2027 ..
الدورات تبدا يوم 5/2 ..

القنابل والمفاجات تأتيكم تباعاً ..

https://forms.gle/pUWPAtHfDMA8Jnbt7

موعد انطلاق الدورات السنوية
لمادة اللغة العربية للصف
السادس الإعدادي دفعة 2027
ستكون للإعفاء في 2 / 5
والناجحين في 10 / 5

العنوان:
معهد الخطيب للبنين (حي الخضراء)
معهد الخطيب للبنات(حي الجبيرية الأولى)

للاستفسار:
التواصل على الرقم: 07702579960

انتظروا رابط التسجيل والبرنامج الشامل للمحاضرات..