🚨 #عــــــــــاجـــــــــــــل

• #محافظ_صلاح_الدين يوجه بان يبداً دوام #المدارس ليومي الثلاثاء والأربعاء المصادف 30 و 31 كانون الاول 2025 من الساعة التاسعة صباحاً .

السلام عليكم
شلونك استاذ
شكرًا لكل شيء قدمته لنا من بداية المعهد والمدرسة الى الان
شكرًا لان جنت دائمًا تشجعنا وتكسر علينا في سبيل نمشي بخطى ثابتة وصحيحة
اسئلة اليوم مرتبةة كلش ولامة للمادة بشكل كلش حلو الاسئلة متوسطة وشايفين كل الافكار احنا

يجوز قسم منا غلطوا بشي صغير اليوم بس والله هو غلط سرعة مو غلط فهم

ان شاء نرجعلك كل شي قدمته لنا ولو ما راح نوفيك لا هسة ولا بعدين بس عسى ولعل من نجيب درجات كاملة بالوزاري نكون ردينا لك ولو جزء صغير من تعبك ويانا

أستاذ ليث🥹🥹
أشكرك من قلبي على كل التعب والجهد اللي بذلته ويانه من شهر الخامس لهاليوم حرفيًا ما چنت مقصر وياي ولا ويه اي طالب بأي شي،ودائمًا چنت متحمل أسئلتي الكثيرة وضعفي بأساس المادة، وتشرح وتعيد بدون ملل أو ضوجة.
مواقفك وياي هواي وما تنعد، وتشجيعك إلي وثقتك بيه سوّت فرق بمستواي بالرياضيات وخليتني أحب الرياضيات بعد ما چنت شايفها مادة صعبة وثقيلة.
نقلك إلي لأفضل شعبة بالمدرسة كان من أكبر الدوافع إلي، وحسّسني إنو تعبي ما راح هدر
ممتنة إلك هواي أستاذ، وراح أبقى أذكر فضلك طول عمري، وإن شاء الله أكون عند حسن ظنك وتعبك ويانه.
الله يوفقك ويارب نفرحك بمعدلاتنا بالوزاري🤍🤍

السلام عليكم استاذ استاذ اليوم الاسئلة جانت زينة نوعاً ما صح اكو بعض الاشياء غلطت بيها بس مع كل هذا شكراً أستاذ على كل شي قدمتة النا استاذ اليوم كل فرع اقرأ الاسئلة مالتة أتذكر انت شلون حليتة بحيث مااجت فكرة مشارحها طبعاً هذا كلة بفضل شرحك وتعبك ويانا ماقصرت وجزاك الله خير وان شاء الله نفرحك بمعدلاتنا بالوزاري 🌸🌸

الحل صار أسهل مع دورة الرياضيات المميّزة ✨

📘 الفصل الرابع: التكامل
📗 الفصل الخامس: المعادلات التفاضلية

👨‍🏫 مع الأستاذ ليث عدنان
🎓 ماجستير رياضيات
شرح واضح + تبسيط الأفكار + تدريب مستمر 💡✍️

💰 سعر الدورة: 100 ألف دينار فقط

📍 أماكن الدروس:
👦 البنين: حي الخضراء - معهد الخطيب
👧 البنات: حي الجبيرية الأولى- معهد الخطيب

📞 للتسجيل والاستفسار:
07704080440
📲 اتصال أو واتساب

إلى من علمني أن المستحيل مجرد مسألة تحتاج إلى حل، أستاذي الغالي ليث. في عيد المعلم، ارسل لك تقديري الذي لا ينتهي بما لا نهاية. شكراً لأنك كنت الرقم الصعب في مسيرتنا، ولأنك جعلت من الأرقام لغةً للنجاح والطموح. دمت لنا معلماً ملهماً وأخاً كبيراً، ونسأل الله أن يبارك في عمرك وعلمك ويوفقك لكل خير كما وفقتنا لفهم دروب العلم.. كل عام وأنت المبدع الذي يضيف لحياتنا قيمةً ومعنى، عيدك مبارك

عيد معلم سعيد 🌹
إلى أستاذي الذي لم يكن يشرح لنا الرياضيات فقط، بل كان يعلمنا كيف نصبر حتى نصل للحل…
كل معادلة فهمناها كانت بفضلك وكل خطوة تقدمناها كانت بدعمك
أسأل الله أن يجزيك عنا خير الجزاء ويجعل تعبك وعلمك صدقة جارية لا تنقطع 🤍✨

استاذي العزيز بمناسبة عيد المعلم احب اشكرك على كلشي قدمتة الي ومستمر بي كل عام وانت بألف خير وان شاء الله من نجاح إلى نجاح ✨🤍.

بمناسبة عيد المعلم ،
كل عام وانت بخير استاذ شكراً من القلب على تعبك وصبرك ويانا حضرتك ماجنت بس مدرس جنت قدوة وأب نتعلم منك وان شاء الله نرفع راسك ب وزاري الله ينطيك الصحة والعافية ويجزيك عنا كل خير 🌷.

بمناسبة عيد المعلم
كل عام وانت بألف خير استاذنا ان شاءالله دوم التميز ومن ابداع لابداع ومن تفوق لتفوق وان شاءالله مايضيع تعبك ويانه ويرزقك الله ع كد تعبك وحرصك ويانه وعلينه🌷
واكيد ان شاءالله نرفع راسك بالـ100 بالوزاري ومانضيع تعبك وتعبنه🌷.

حيو حجي شلون الصحة ..
مادام اليوم عيد المعلم ..

حبيت اكلك كُل عام وانت بالف خير الغالي ربي يوفقك ويحفظك ونشوفك باعلى المراتب


ماراح انسى تعبك ويانة على مدار سنه وشوية تعبت ويانة تعب الله يعينك علية

وبفضل الله ثم فضل تعبك في الوزاري رياضيات 95🤍

في كل مرة ظننا أن الطريق صعب،
كنت تبتسم وتقول: “جربوا مرة أخرى.”
وكأنك تزرع فينا يقينًا خفيًا بأننا نستطيع.

أنت لا تصنع طلابًا فقط،
بل تصنع شخصيات،
وتبني داخل كل واحدٍ منا مساحة من الثقة لا تُرى… لكنها تغيّر كل شيء.

قد ننسى تفاصيل الدروس،
لكننا لن ننسى شعور الأمان في صفك،
ولا صوتك حين تقول إن المستقبل ينتظرنا.

في عيدك،
نتمنى لك بقدر ما منحتنا… طمأنينة،
وبقدر ما علمتنا… فرحًا،
وبقدر ما آمنت بنا… نجاحًا يليق بك.

كل عام وأنت السبب في أن هذا العالم يصبح أذكى… وألطف. ✨🕊️

في عيد المعلم أود أن أعبّر لك عن خالص امتناني، فأنت لم تكن مجرد من علّمنا الأرقام والمعادلات، بل من علّمنا كيف نفكّر، وكيف نحلّ مشاكلنا بخطوات هادئة ومنظمة.
جعلت من الرياضيات مادةً نفهمها بعد أن كانت تبدو معقّدة، وغرست فينا الثقة بأن لكل مسألة حلًّا مهما بدت صعبة. تعلمنا منك أن الخطأ خطوة نحو الصواب، وأن الصبر هو مفتاح الوصول إلى النتيجة الصحيحة.
كل قانون شرحته لنا، وكل مثال تعبّت فيه حتى نتقنه، سيبقى أثره معنا في دراستنا ومستقبلنا.
أسأل الله أن يبارك في علمك، ويزيدك رفعةً ونجاحًا، ويجزيك عنا خير الجزاء على كل جهد بذلته في تعليمنا.
📐📚 كل عام وأنت أستاذ مبدع نفتخر به دائمًا

مرحبا استاذ 🥹
اخونا الجبير كل سنة وانت سالم يا رب
وعمرك طويل ومحفوظ من كل مكروه من چنا صغار نحب كل شي بي افكار خارج الصندوق وضلت الرياضيات مادة حلوة بالنسبة لنا ومن اجينا يمك صارت اسهل مادة بالسادس واكثرهن وناسة لان كل ما ردنا نفكر زيادة نجي ركض عليك تكتب لنا اسئلة تفتح بيها افاق جديدة لعقولنا
كلش ممنونين منك لان لمساتك دا تظهر بينا وباحلامنا

السلام عليكم أستاذ

كل عام وأنت بخير ..
جدًا اشكرك على كل شيء تقدمه النا
من شرح بصدق وأمانة وعلى تعبك ويانا
انت تستاهل الافضل دائمًا
والله ينطيك الصحة والعافية ويحفظك 🤍

استاذي العزيز بمناسبة عيد المعلم احب اشكرك على كلشي قدمتة الي ومستمر بي كل عام وانت بألف خير وان شاء الله من نجاح إلى نجاح والعمر كلة #طلاب الحجي✨🤍.

السلام عليكم أستاذ
كل عام وأنت بخير
جدًا اشكرك على كل شيء تقدمه النا
من شرح بصدق وأمانة وعلى تعبك ويانا
انت تستاهل الافضل دائمًا
والله ينطيك الصحة والعافية ويحفظك وربي يبعد عنك كل مكروه ❤️🤍

كل عام وأنت بخير أستاذ. صح أني مو طالبتك بالصف، بس والله ما أنسى تعبك وياي بالأسئلة المعقدة.. شكراً لأنك ما قصرت 🤍.
ماعرف شكتب،الظاهر طلابك عدهم حس إبداعي 😓..

مرحبا استاذ
بمناسبة عيد المعلم أحب أگلك شكراً من كل قلبي، لأن حضرتك ما كنت بس مدرس رياضيات، كنت أب واخ قبل ما تكون أستاذ. ماقصرت فد يوم ويانه ابد ودوم انت ساندنه و واگف يانه بالحلوة والمرة ومهما نحجي قليل بحقك اكيد وتعبك ويانه ماراح ننساه ودوم راح ندعيلك بالتوفيق لان تستاهل كل خير
اول مابلشت جنت خايفه من الامتحانات وجنت دوم ساندني و وياي وخليتني احب الرياضيات ممكن ننسى محاضراتنه وياك بس مستحيل ننسى دعمك النه بكل وقت شكرا لان صنعت فرق بحياتنا شكرا هواي على كلشي سويته النه وراح تسوي وان شاء الله نجازيك بتعبنه🥹🤍

أستاذي الفاضل،
اليوم وأنا أدرس في الجامعة وأسعى لأحقق إنجازاً علمياً يُفتخر به، أتذكر بداياتي في المدرسة وأتذكر دعمكم وتشجيعكم الذي زرع في داخلي حب التفوق والطموح.
ربما لا تدركون حجم الأثر الذي تركتموه في نفسي، لكن كلماتكم وثقتكم بي كانت الأساس الذي بنيت عليه رحلتي.
في عيد المعلم، أقول لك شكراً بحجم السماء، وأسأل الله أن يجزيك عني وعن كل طلابك خير الجزاء 🌷🤍.

السلام عليكم
دكتورنا العزيز كل عام وانت مصدر للعلم والنور الله يوفقك ويحفظك ٫ شكرا لكل معلومة ولكل ملاحظة اعطيتها لنا وان شاء الله من نجاح الى آخر وان شاء الله تشوف ثمرة تعبك بافضل الامكان وابدا ما راح ننسى تعبك وراح تبقى ذكرى خالدة بنجاحاتنا ان شاء الله 🧡🌹