https://youtube.com/@laithadnanhammad45?si=tnrTuMAjAmhF7hcI
الفصل الرابع موجود كامل بالقناة + المبرهنات والنتائج

من وصلنا لنهاية الرياضيات ودگت ساعة الصفر، حسّيت إنو لازم أكتبلك، وأگلك من كل قلبي: شكراً بحجم السما ع كلشي سويتَه وياي.

ما راح أنسى أبد، شلون چنت مهمِلة بالفصل الثاني، لا أحل واجبات ولا أقرأ، لكن إنت ما يئست مني، نصحتني بكل هدوء ولطف، وگلتلي "بعدج تلحگين، إبدِي من جديد"، ومن يومها چنت أحاول أرجع، خطوة خطوة، وإنت چنت دايمًا وياي، تفهمني، تشرحلي، وتتحمل كثرة أسئلتي بدون ملل.

أبد ما أنسى فصل الثالث، الفصل اللي چان عندي مستحيل أضبطه، بس بفضل تعبك وشرحك، فهمته من أول مرة الحمد لله.
وحتى فصل الرابع، لما جتي درجتي ناصية بيه بأول مرة، إنت رجعتلي الأمل، امتحنتني مرّة ومرتين وثلاثة، وكل مرة تشرحلي من جديد، لحد ما فهمته وضبط تمام.

وما أنسى يوم المراجعة، يوم چنت وحدي بالقاعة، وانت تجي لتمتحني.

إنت أكثر أستاذ سألتك، بس أبد ما حسّيتك تضوج أو تمل، بالعكس، چنت تسمع وتجاوب بنفس الروح الطيبة بكل مرة. هذا الشي علمني شلون المدرّس الحقيقي مو بس يشرح، إنما يآمن بطلابه، ويوكف وياهم بكل ظروفهم.

ردت أشكرك هسه، قبل لا تطلع النتيجة، لأن بصراحة خايفة ما آخذ الدرجة الكاملة، وأخجل مثل ما صار وياي بالأحياء، من ضاعت عليه ثلاث درجات ولسّه حاسة بالذنب... رغم إني تعبت ودرست، بس أنا بطيئة بالكتابة، وهاي نقطة ضعفي.

أستاذ ليث، والله العظيم ما راح أنسى تعبك طول حياتي. چنت إلنه الأب والأخ والأستاذ بنفس الوقت.
شكراً على صبرك، شكراً على دعمك.

مهما كانت درجتي، النعمة الحقيقية إنو مريت بأستاذ مثلك.
الله يجزيك كل خير أستاذ، ويديم عليك الصحة والتوفيق.
طالبتك اللي أبد ما تنسى فضلك 🙏🏼

ربي يوفقكم وان شاء الله الاسئلة تكون سهلة و واضحة🤲

مثل ماكتلكم حلوة و واضحة

المراجعة المركزة فول 💪💪💪💯💯

الحمدلله ما اجتي فكرة انتَ مو شارحها النه والحمدلله ان شاءالله نرفع راسك بالدرجات الي تفرحك وتخليك من صدك تفرح لان ماضاع تعبك 💚

يلا حجي هسه الى هنا واكلك شكرا على تعبك ويانه سنه وشهرين والف رحمه عل والديك ماننساك ان شاءالله 🙏🏻💚

والله استاذ تدري
باوعت ع الاسئلة وگلتها
هه هاي اقوى شي عدكم؟

رياضة هاي مو رياضيات

السلام عليكم استاذ
استاذ ولو بشرتك
بس حبيت اشارككم بالرسائل 100 بإذن الله
ان شاءالله ما انضيع تعبك بإذن الله

بإذن الله الواحد الأحد 100 بإذن الله

السلام عليكم ورحمة الله
استاذنا العزيز بارك الله بيك وجزاك خير الجزاء على تعبك ويانا
وان شاءالله نفرحك بالدرجات الزينة
الحمد لله طلابك ضلوا
صامدين لآخر نفس

إن شاءالله 100 بفضل الله

السلام عليكم شونك استاذ الحمد لله جاوبنا وان شاء 100 وعاشت إيدك ما قصرت ويانا

السلام عليكم استاذ
الحمدلله استاذ
بارك الله بيك استاذ مشكور ما قصرت ويانا
ان شاء الله نفرحك بدرجاتنا

استاذ والله ماقصرت
الحمدلله جاوبت كلش زين

الحمدلله استاذ جاوبت والباقي على الله
وشگرًا هوااي ماقصرت والله وتجشيعك ودعمك ماننساه مُمتنة على گل معلومة وگل نصيحة وياارب نفرح ونفرحگ بالدرجاات الگاملةة الي تعوض تعبنا وتعبگ وحرصگ عليناا

شكرا كلش على تعبك و حرصك ويانا و على الامتحانات الالكترونية جان الها اثر حتى على باقي المواد
ان شاء الله ١٠٠
استاذ جانا التمرين الاول بفصل السادس الي كتلك عنه

السلام عليكم استاذ ...
الحمد لله جاوبت ...
مشكور ما قصرت ويانه والله يجزاك الخير استاذنا 🤍

الحمد لله الاسئلة حلوة وسلسة وابد ما توقعتها هيج والله ، شكرًا كلش هواي على كلشي والله ابد ما قصرت ويانا ولا بخلت علينا بمعلومة بارك الله بيك استاذ ، كل التوفيق يا رب من نجاح لنجاح اكبر بإذنه تعالى .