عيدكم مبارك وكل عام وأنتم بألف خير، أتمنى لكم عيداً سعيداً وأوقاتاً جميلة تملأ قلوبكم بالسرور والبهجة..وتقبل الله منا ومنكم صالح الاعمال🤍🤍❤️❤️

🤯 ما فاتكم شي !!

اللي ما سجلوا احياء لحد الان ويريد يبلشون بعد العيد ،، ما فاتكم شي 🤩🤩..

كل اللي درسناه لحد الان 6 محاضرات فقط ..

تكدرون تبلشون ويانا والمحاضرات اللي فاتتكم اعيدها لكم كل اربعاء وخميس ..
( ملاحظة الاربعاء بالمعهد مخصص للرسومات ما ناخذ محاضرة جديدة ،، لذلك اخذكم اربعاء وخميس مراجعة للي فاتكم ) ..

بالمختصر تكملون الفصل الاول ويه اللي طلاب المعهد 👏👏..

للتسجيل :

https://forms.gle/wJfymrSK2UzWhqL67

📢 إعلان هام – ما تزال الفرصة متاحة! 📢

يسرنا إعلامكم بأن التسجيل ما زال مستمرًا في محاضرات اللغة العربية 🌟
مع الدكتور هارون

ولأجل مستقبلكم، فإن أيّ طالب جديد سيلتحق الآن، سنقوم بإعادة المحاضرات السابقة له في أوقات خاصة خارج أوقات المحاضرة الرئيسية، لضمان الفهم الكامل وعدم ذهاب أي معلومة.

⏳ لا تفوتوا هذه الفرصة الذهبية!
📌 المقاعد محدودة، فسارعوا بالتسجيل الآن واستفيدوا.

📞 للتسجيل ادخل على الرابط: https://forms.gle/5zkUpwHExKdRP3zy7

معًا نرتقي بلغة الضاد ✨

🎯 سادس علمي؟ تريد توصل للـ 100؟
🚀 الطريق سهل ويا الأستاذ ليث عدنان!

🧠 شرح مبسّط لكل الأسئلة الوزارية
📘 إثرائيات ذكية تخليك تفهم وتثبت
📝 امتحانات يومية، أسبوعية، وشهرية
📈 متابعة مستواك لحد ما تصير من المتفوقين

🎓 ليث عدنان – ماجستير رياضيات
💬 نَشرح، نثبّت، ونضمن تفوقك 💯

📍 معهد الخطيب الأهلي
👦 بنين – حي الخضراء
👧 بنات – حي الجبيرية الأولى

📲 واتساب: 07704080440
📬 تليكرام: @LaithAdnan91
رابط التسجيل
https://docs.google.com/forms/d/1sZUQaH6FOuqtS-6Wo6gwozrvX4wnUCpkoEJkcI-EMi8/edit

شكراً 💯💯💪💪

طلاب وطالبات دفعة 2025 ربي يوفقكم ان شاء الله..شدوا حيلكم ولاتخافون 💯💯💪💪

ليس هنالك فشل في المحاولة..الفشل هو عدم المحاولة

طلاب وطالبات 2025 اتحضروا بعد امتحان الاحياء راح اسويلكم مراجعة مركزة ان شاء الله 💯💯💪💪

هانت مابقى شي ابطال 💯💯

https://youtube.com/@laithadnanhammad45?si=tnrTuMAjAmhF7hcI
الفصل الرابع موجود كامل بالقناة + المبرهنات والنتائج

من وصلنا لنهاية الرياضيات ودگت ساعة الصفر، حسّيت إنو لازم أكتبلك، وأگلك من كل قلبي: شكراً بحجم السما ع كلشي سويتَه وياي.

ما راح أنسى أبد، شلون چنت مهمِلة بالفصل الثاني، لا أحل واجبات ولا أقرأ، لكن إنت ما يئست مني، نصحتني بكل هدوء ولطف، وگلتلي "بعدج تلحگين، إبدِي من جديد"، ومن يومها چنت أحاول أرجع، خطوة خطوة، وإنت چنت دايمًا وياي، تفهمني، تشرحلي، وتتحمل كثرة أسئلتي بدون ملل.

أبد ما أنسى فصل الثالث، الفصل اللي چان عندي مستحيل أضبطه، بس بفضل تعبك وشرحك، فهمته من أول مرة الحمد لله.
وحتى فصل الرابع، لما جتي درجتي ناصية بيه بأول مرة، إنت رجعتلي الأمل، امتحنتني مرّة ومرتين وثلاثة، وكل مرة تشرحلي من جديد، لحد ما فهمته وضبط تمام.

وما أنسى يوم المراجعة، يوم چنت وحدي بالقاعة، وانت تجي لتمتحني.

إنت أكثر أستاذ سألتك، بس أبد ما حسّيتك تضوج أو تمل، بالعكس، چنت تسمع وتجاوب بنفس الروح الطيبة بكل مرة. هذا الشي علمني شلون المدرّس الحقيقي مو بس يشرح، إنما يآمن بطلابه، ويوكف وياهم بكل ظروفهم.

ردت أشكرك هسه، قبل لا تطلع النتيجة، لأن بصراحة خايفة ما آخذ الدرجة الكاملة، وأخجل مثل ما صار وياي بالأحياء، من ضاعت عليه ثلاث درجات ولسّه حاسة بالذنب... رغم إني تعبت ودرست، بس أنا بطيئة بالكتابة، وهاي نقطة ضعفي.

أستاذ ليث، والله العظيم ما راح أنسى تعبك طول حياتي. چنت إلنه الأب والأخ والأستاذ بنفس الوقت.
شكراً على صبرك، شكراً على دعمك.

مهما كانت درجتي، النعمة الحقيقية إنو مريت بأستاذ مثلك.
الله يجزيك كل خير أستاذ، ويديم عليك الصحة والتوفيق.
طالبتك اللي أبد ما تنسى فضلك 🙏🏼

ربي يوفقكم وان شاء الله الاسئلة تكون سهلة و واضحة🤲

مثل ماكتلكم حلوة و واضحة

المراجعة المركزة فول 💪💪💪💯💯

الحمدلله ما اجتي فكرة انتَ مو شارحها النه والحمدلله ان شاءالله نرفع راسك بالدرجات الي تفرحك وتخليك من صدك تفرح لان ماضاع تعبك 💚

يلا حجي هسه الى هنا واكلك شكرا على تعبك ويانه سنه وشهرين والف رحمه عل والديك ماننساك ان شاءالله 🙏🏻💚

والله استاذ تدري
باوعت ع الاسئلة وگلتها
هه هاي اقوى شي عدكم؟

رياضة هاي مو رياضيات