.......🌹🌹وشکــــند🌹🌹.....

گِــراک گــوں سبــزی والاءَ اگـاں تــئ سبــزی ھَــرابیــں بــوت اَنت مَــن گراستگیــں نارشتــاں واپــس کـاراں ......
سَبـزی والا شــرّ گُــڑا سَئے نـان بیــار گــوں😂😂

@Labzank
telegram.me/Labzank

....🌹🌹سَیــدءِ گُشتــن🌹🌹...

ھَــر یَــک ردءُ بَنـــدیں توارئے گــوشاں وشّ اِنــت
بَلــے ابیــد چَــہ راستیــں گپّءَ
@Labzank
telegram.me/Labzank

نمیرانیں مرادساحر

بنا کن انچیں آھے ناتوامیں دل جھان ءَ سوچ
کبسّ ءَ زُلم ءَ سیّاد ءِ گوں باگ ءُ بوستان ءَ سوچ

کئ بیمّ ءَ ترا اے زندگانی ء َ کتُگ درگور
چہ وت سرگوز اے بے رھمیں زمین ءُ آسمان ءَ سوچ

سدی گوست انت نشانے منزل ءِ ہم گندگ ءَ نئیت ِانت
چُشیں گَلگَ ء َ چشیں راہ ء َ ءُ چوشیں ساربان ء َ سوچ

پہ نان ءِ چُنڈے ءَ چور و جنوزام لوگ سد گول اَنت
چُشیں کوم ءِ لجوزیں، اے امیر ءُ واجھان ءَ سوچ

نہ ِالم ءِ شوک نہ کوم ءِ دوستی نہ سُدّ دنیا ءِ
چُشیں بے جوھر ءُ جان دُز ءُ سُستیں نوجوان ءَ سوچ

اے بدواہ ِانت تئ، دَنت ِانت ترا زیر دستی ءِ سوج ءَ
مگِر پنت ءَ ایشی ءِ، وش نیاتکیں دُربیان ءَ سوچ

بکن پھریز چہ اے رِزک ءَ کہ بارت ِانت ننگ ءُ ناموس ءَ
بہ سِند پاند ءَ گُلامی ءِ اے چَرپیں چُنڈیں نان ءَ سوچ

بہ بند لانک ءَ بکن ھمت زمانگ تیز رپتار ِانت
نہ انت اے وھد سٌستی ءِ َاے ناداں شَور ءُ تران ءَ سوچ

َاے ساحر گپّ ءُ کسّہ شائری ءَ پہ، دگہ باز ِانت
شپ ءُ روچ وش تبیں مھگونگانی داستان ءَ سوچ
@Labzank
telegram.me/Labzank

.....🌹🌹جُوانیــں دانک🌹🌹....

⏪ آ مــردم آلمــے بَلـــے چــو کِــہ چــہ ،،اَمــلءَ،،زِبہــــراِنـت آئیءِ درور چــو ھَمــا زَھــمءَ اِنـت کــہ آیئءِ کار گــرگءَ نــہ زانت

⏪ دانـا گَـپّ کنــگءَ پیــسر ھَــر وھــدءَ جیــڑاِیـتءُ گَـپّءَ جـَنـت نـاداں گَـپّءَ جَنـتءُ رنـدءَ پِگــر کَنــت

⏪ آ کِــہ پَــہ سِتــکءُ دِل کــوشست کَنــت آ ھَــر وھـدءَ ســوب مَنــد بیــت

⏪ چَــہ دُژمــنءَ ھَــر وھـدءَ بِــہ تُـرس، دوستءَ ھَمـا وھــدءَ بِـہ تُـرس کِــہ گِیــشءَ چَـــہ گیـــش تـئ سَـتاہءَ کَنـت
@Labzank
telegram.me/Labzank

یا اللہ بِـکن گـار

بلـوچ کومءِ گُـژنءُ واریءَ

شاھیــں پَـروردگار


کَـــشّ میــــریـں بلـوچءَ

چَـہ کَـستءُ کیـنگءِ جپیــں آسءَ

بیــار تِپـاکیءِ روچءَ


ھَـردلاں دوستــیءَ

پُـرءُ چکارک مہــرءُ وپاء سرریـچ

بــدے ھَمـــے ھـستیءَ


بـَلیــن اِلــمءِ چــراگءَ

گُلیــں ڈیـــھءَ بلــوچانی

سَبــز کَــن اِلــمءِ بـاگءَ
@Labzank
telegram.me/Labzank

بهلول و صدای پول

مردي فقير چشمش به مغازه خوراک پزي افتاد تکه ناني را بالاي بخاري که از سر ديگ بلند مي شد، مي گرفت و مي خورد. هنگام رفتن صاحب مغازه گفت: تو از بخار ديگ من استفاده کرده اي، بايد پولش را بدهي. مردم جمع شدند و مرد از همه جا درمانده، بهلول را ديد و او را به قضاوت دعوت کرد.

بهلول به آشپز گفت: اين مرد از غذاي تو خورده است؟ آشپز گفت: نه ولي از بوي آن استفاده کرده است. بهلول چند سکه نقره از جيبش در آورد و به زمين انداخت و گفت: اي آشپز صداي پول را تحويل بگير.

آشپز با تعجب گفت: اين چه قسم پول دادن است؟

بهلول گفت: مطابق عدالت است. کسي که بوي غذا را بفروشد در عوض بايد صداي پول دريافت کند.
🌷پند و حکایت های شیرین 🌷


بھلول ءُ زرّ ءِ توار

بے وسیں مردے آئی چم کپت ماں ورگ اڈ کنوکیں دکانی ءَ .چُنڈے نگن ئِے زرت ءُ چہ لویگ ءَ کہ لھڑ چست بیگ ءَ اَت ھمود ءَ برز ءَ داشت ئِے ءُ وارت ئِِے

روگ ءِ وھد ءَ دکان ءِ واھُند ءَ گوشت. تو چہ منی لویگ ءِ لھْڑ ءَ کارمرد کتگ ءُ بائد زراں بہ دئے

مردم جم بوت اَنت ءُ درستیں مردم رھگوز بہ گر داں درستیں

بھلول ئِے دیست ءُ آئی را گوشت ئِے بیا مئے پیسلہ ءَ بہ کن

بھلول ءَ ورگ اڈ کنوک گوشت... اے مرد ءَ چہ تئی ورگاں واتگ؟

ورگ اڈ کنوک ءَ گوشت,,اناں بلے چہ آئی ءَ بوہ ءَ کارمرز ئِے کتگ

بھلول چنت دانگ نگرئی تُمن چہ وتی کیسگ ءَ کش ایت ءُ زمین ءَ پرین ایت ءُ گوش ایت

او ورگ اڈ کنوک اے زرانی توار ءَ بہ زیر

ورگ اڈ کنوک گوں آبکی ءَ گوش ایت... اے چونیں ڈولے زرّ دیگ ئے؟

بھلول گوش ایت...گوں تئی ادالت اِنت..

کسے کہ ورگ ءِ بوہ ءَ بھا بہ کنت ءُ بائد ایشی ءِ بدل ءَ زر ءِ توار بہ زیر ایت

پنت ءُ شیرکنیں کسہ
لبـزانکـی مجلـس کلمتـی کـاروان.

ترانــگاں دل گیمُّر ایت ھوشام بیت
من نہ زانت کہ مہر چو بـے تام بیت
چوں تی پرس ء بداراں من پہ ھال
مرتگیں بلکیں تی ھم نام بیت!!
نند ءُ نیاد ءِ ترانگاں دل گِمُّر ایت ھوشام بیت
من نہ زانت کہ مہر چو بے تام بیت
چوں تی پرس ءِ بداراں من پہ ھال
مُـرتگیں بلکیں تی ھـم نـام بـیت!!
نند ءُ نیاد مرچاں منی،ھچ دیر نہ انت
چہ تـئی کُلّءَ دگے چــار گــام بیت
گـوں دلءِ شور ءَ اگاں زھمے جناں
زندگاں دانکہ ھـمے چیــلام بیت
دریگتیں چہ یوسف ءَ جست اش کتیں
کئے پہ وشّ ءُ وشـــدلی لیلّام بیت؟؟
کَلــَّر ءِ نمب ءَ پہ نــنگار ءُ کِــشار
یا نصیب ! کہ اے کشار ھزّام بیت
چار دھی ماہ انت اگاں بے جمبریں
شپ بزاں گوں نندگاں گوربام بیت
الّم ءَ مُلّا ترا ھــــست آدتــے
کئے چو مپتءَ پہ گور ءُ بدنام بیت؟؟
جـــی آر مــُلّا
@Labzank
telegram.me/Labzank

از گابریل گارسیا می پرسند:
اگر بخواهی کتابی صد صفحه ای درباره امید بنویسی، چه می نویسی؟
گفت:
99 صفحه رو خالی میذارم.
صفحه آخر، سطر آخر
می نویسم:
"یادت باشه دنیا گرده
هر وقت احساس کردی به آخر رسیدی
شاید در نقطه شروع باشی"
زندگی ساختنی است؛
نه ماندنی..
بمان برای ساختن»
نساز برای«ماندن».
منتطرنباش کسی برایت گل بیاورد!
خاک را زیر و روکن…
بذر را بکار،
از آن مراقبت کن،
گل🌹 خواهد داد.
------------------
چہ گابریل گارسیا ءَ جُست گر اَنت :
اگاں تو سد تاکی وانگی یے اُمیت ءِ باره ءَ بہ نبیس ئَے ، آئی تها چے نبیس ئَے ؟
گوشت ئے :
99 تاک ءَ هالیک کناں .
آسری تاک ءَ ، آسری رد ءَ
نبیس اوں :
اے زانگ لوٹ ایت کہ دگنیا گِلّڑ اِنت
هر وهدے کہ تو اے مارشت کت کہ آسر ءَ رس اتگ ئے
بلکیں تو انگت بندات نہ کتگ "
زندگی اَڈ کنگ لوٹ ایت ;
مدامی نہ انت ..
بدار بہ اڈ کنگ ءَ "
اڈّ مکن پہ دارگ ءَ "
وداریگ مہ بئے کہ یکّے پہ ترا پُلّ بیار ایت !
هاک ءَ سر چیر کن ...
تُهم ءَ بہ کِش ،
آئی ءَ چار ءُ وار کن ،
پُلّ 🌹 دنت اِنت .
رجانک : سدیک رئیسی
لبـزانکـی مجلـس کلنتی کـاروان.

..🌹🌹سَیـدءِ گُشـتن🌹🌹...

📝 زیـک تـو مَنـاں ڈاہ داتـگ اَتءُ مَـرچی تـو وت چادرے ایــر کَـشّ کـرتگءُ وپت ئے؟

📝 نِمـدی،،نیـم دیـداراِنت
تو اگاں بِہمنتـگ ئے (ھَیــران بوتگ ئے) میـاریگ نَـہ بوتـگ ئے ھَــر نوکیــں چیــزے نــوکیــں جاورے کار اِیـت

📝 اے گَـپّ راست اِنـت کِـہ دگـرءِ چیـزءَ کچّــو کَـشّگ وتـا پولنــگ کنـگ اِنت
بَلـے ھَــر کَــس پَــہ مُــرادے نشتــگ
کـــہ کَــس بـے مـراد مبـات

مَـن سـوج دات اَنـت کــہ مادنیــں راہ ایــش اِنت
ھَــر کسـےءَ پـــہ کشے نِہــر دات
تو وت گـارئے!!!،،
انـوں مَـن گنـداں کَم کمءَ کِــشکءَ کپـان اَنت مَنــی دِل چـو کلاتءَ وش اِنت کــہ ھـلاکی بیـــران نَــہ اِنت

📝 مَـــردم چَــہ یـک جنجـالےءَ ھَمـا وھـدءَ دسـکزا بیت
کہ دگــرےءَ کپیــت

📝 کلّــیگے منــی کـوپگءِ سرءَ درتکگ بَلـے انچــوش مُہــر گـرنچ اِنت کِــہ بِـھ بــوجگ نَـہ بیــت
مَن تُـنّءَ ھَـلاھـوشاں
نکّــوں چـو کلنـڑءَ ھُشــک اِنت بَـرے بَـرے لُنٹــاں چَــہ کلّـیگءِ نمبــاں تَـرّ کَنـاںءُ گالے گُشــاںءُ گِنــداں کِــہ کَـسّءَ دوست نَــہ بیـت
دل پــروش بــاں"""

📝 چِــدءُ بے لَـجّ تـریں مـَـردم کئے بـوت کَنت کِــہ تَــرا پیژ دھے (پستـول،،وتاس) دَنتءُ گُش ایت بُـرو وتی بـراتءَ بِــہ جَـن،،
ءُ اگاں تو نَـہ مـنّ ئے ...آ تُشــے میاریـگ نَـہ بیــت
@Labzank
telegram.me/Labzank

ابیتکی ءِ مانشان اِیت میتگاں
استال کھکشان ءِ سد انت
ماہ ندارہ چاریت
جتائی ءَ تئی رنگ آزمان ءِ بدل بیت
بیر گوارانت جمبر زمین ءَ
سچ انت ھلک ءُ میتگ
ھچ نمانیت
بس گوستگیں مھری کسـہ ئے پشت کپیت
کـہ ساچ اتگ شائر ءَ
وژدل بلوچ
@Labzank
telegram.me/Labzank

من ھما میریں ھَمّل ءِ بَچّاں
ـــــــــــ ـــــــــــــــــ
من نیاں بے راج من نیاں بے برات

نوں پت ءُ ماس انت دِکّو ءُ شھمات

ندر ھما نـوروز انت بھـــادرّیں! !

گوں وت ءُ بچانی کُت سر ءَ سوگات

جی ھمـَّـل ءُ جی کمبر ءَ شـــیریں

سَر وتی شیــراں پہ مڑاھـے ءَ دات

پـَھر بنــــداں پہ انچوشیں بچّاں

ناں کہ دست اش بست نہ کت اش پریات

رُستگوں من ھم ساھگ ءَ زھم ءِ

جان منی انچــوش آھن ءُ پولات

پہ مڑا داتگ من سر مڑا داریں

من میار جَلّیں کمبر ءِ زِہ ءُ زات

مئے وتن پھک انت تئی قدم ناپاک

نوں ترا کَشّاں اچ وتی ھَدّ ات

من ھما میریں ھمّل ءِ بچـّاں

شر ترا زاناں بے بُنیں کمزات!
@Labzank
telegram.me/Labzank

مئے ھند ءُ دمگ ءِ گْواتانی نام:

1- تبد
2- لِوار
3- گوریچ
4- شمال
5- جھل گْوات
6-سرگْوات
7- زرگْوات
8- کَوْش
9- نَمبیگ
10- لُوڑ
11- پِیتکُک
12- روچ آسان
13- سْیَہ گْوات
14- آھِرّ
15- سَمین
16- سوسدِرّ
17- کوکُر تراکین
18- لَمپش سوچ
19- پَشّگ
20- پَنَہ ری

تبد ءُ لِوار کہ اے گْوات سکّیں گرم ءُ سوچوکیں گْوات اَنت کہ ماں گرماگ موسم ءَ کشّ انت ءُ دیم ءَ سوچ اَنت کہ اے گْواتاں
,, لُک ءُ لِوار ,, ءُ تبد ءُ دْرُچک ءُ گرمگوات,, ھم گْوش اَنت
لِوار گرم اِنت ءُ سوچوک بلے تبد ھنچُش کہ ,,گوریچ ماں زمستان ءَ تپ ءُ کُلّگ ءُ پشّانک دنت,,
تبد ھمے پیم مردم ء,,َ گرم جن,, کنت ءُ تپ ءُ گرماگی کُلّگ دنت کہ مردم سکّ دلسیاہ ءُ نگیگ بیت

گوریچ : سکّیں سارتیں گْواتے کہ چہ کُتب ءَ کیت
ماں زمستان ءِ موسم ءَ کشّ ایت
تَپ ء ُکُلّگ ءُ لمپوشک اے گْوات ءِ سوگات اَنت دست ءُ پاد ءُ دپ ءُ دیماں ھنچُش ھشک ءُ کَروشک کنت کہ رنگ اِش بدل بیت

شمال:
شمال یک گْواتے کہ چہ گوریچانی نیمگ ءَ کیت دنز ءُ لوڑ کنت ءُ نہ وشّیں گْواتے ھنچُش کہ دنز ءُ لوڑ ئِے مردم ءَ دلسیاہ کن اَنت اے گْوات ءِ بْرمش ءُ توار ھم گوشاں نہ وشّ اِنت

جھل گْوات:
یک نرم ءُ لھمیں گْواتے چہ روبرکت ءَ کشّ ایت

سرگْوات:
ھم یک نرم ءُ لھمیں گْواتے کہ جھل گْوات ءِ چپ اِنت ءُ چہ رودراتک ءَ کیت

زرگْوات:
چہ کُتب ءُ روبرکت ء َ ءُ زر ءِ پشت ءَ چہ کیت
پمیشکا وشّ ءُ دلتبیں گْواتے

کَوْش:
گواتے کہ چہ سُھیل ءُ رودراتک ءَ کَیت ءُ گرماگ ءَ سارت ءُ وشّ انت
,, کَوش کشّ ایت ءُ نود ملیباری,,

نمبیگ:
یک گْواتے ءِ نام اِنت کہ چہ نمبیگان ءُ زر ءِ نیمگ ءَ کیت ءُ اگاں آزمان ءَ ھَور ءُ جمبرے بہ بیت نمبیگ جمبراں بادین ایت ءُ پہ گْوارگ ءَ برابر ءُ تیار اِش کنت
,, نمبیگ کوکراں بادین ایت
روچ آساں دْرد گْوارین اِیت
گوریچ کوکراں شنگین اِیت,,

لُوڑ:
ھمے پیم کہ چہ نام ءَ پدّر انت ئِے یک گْواتے کہ دنز ءُ لُوڑ کنت ءُ برے برے آزمان ءَ کہ ھچ ھَور نیست بلے لُوڑ کہ بہ بیت ھمے لُوڑ توک ءَ جمبر بَد اَنت گْوارگ بنگیج بیت اے گْوات ءِ پرک گوں شمال ءَ ھمیش اِنت کہ شمال ءَ ھَور گون نیست بلے لُوڑ ءَ ھَور ءِ شَکّ ءُ گمان باز ھست

پیتکُک:
یک گِرد گْواتے کہ چہ زمین ءِ پشت ءَ پہ تیزی پر ترّ ایت ءُ ھما جاگہ ءَ دیم پہ برز ءَ چست بیت ءُ ھرچ پیمیں سبکیں چیزے چُشکہ کاگد ءُ گُد ءُ پُچ اشاں گوں وت چست کنت ءُ بارت
وھدیگاں گْوشتگ پیتکُک ءَ جن گون اِنت ءُ ھرکس پیتک ءِ توک ءَ بہ کپ ایت آ کس زَلَبیگ بیت,, چے راست چے دروگ,,
پیتکُک ءَ داشت نیست ءُ زیت گار بیت بلے لُوڑ ءُ شمال دیر ءَ دار اَنت
روچ آساں:
اے گْوات چہ رودراتک ءَ کیت بلے ھما وھد ءَ کَشّ ایت کہ آزمان ءَ جمبر سْیَہ ترّ اتگ اَنت ءُ پہ گْوارگ ءَ آھیزگ اَنت ءُ سلاھے دلمانگ اَنت چُشیں وھداں اگاں روچ آسان ءِ گْوات اش چیر بہ کپ ایت بزاں کہ دْرد ءُ شرتگ بنگیج بیت
برز ءَ گْوشتگ ات کہ :
,, روچ آساں دْرد گْوارین ایت,,

سْیَہ گْوات :
اے ھما توپانیں گْوات اِنت کہ سیاہ ءُ تھار اِنت ءُ دنز ءُ ھاک گون انت ئِے ءُ درچک ءُ داراں پْروش ایت ءُ نُکسان دَنت ءُ اے گْوات ءَ مَرز ءُ نادراھی گون اِنت ءُ بدیں بُوّے کنت ءُ چمّ ءُ پونزاں پُرّ ھاک ءُ دنز کنت

آھِرّ:
اے ھما گْوات اِنت کہ ھَور ءِ وھد ءَ کیت ءُ ھَور ءَ شرتگ کنت ءُ ماں زر ءَ بوجیگ ءُ یکداراں نگیگ ءُ ناچگی کنت
سمین:
گرماگ ءَ سُھب سر ءَ ھما وشّ ءُ سارتکیں گْوات اِنت کہ وھداں کہ مردم ڈَنّ ءَ وپتگ اَنت گُڑا سمین ءَ پہ پاد آیگ ءَ نہ اشتگ گیشتر بھارگاہ ءَ سھبانی سر ءَ کَش ایت

سوسدِرّ ءُ کوکُر تراکین:

اے گْوات ھم موسمی گْوات اَنت کہ اولی مچّانی کوکُر ءِ آرگ ءَ چہ پیش کیت ءُ مچّاں چہ زمستانی واب ءَ آگاہ کنت پہ کوکُر ءِ آرگ ءَ ءُ کوکُر تراکین ھم ھمے پیمیں گْواتے کہ چہ مچّانی کوکُر ءِ آرگ ءَ رند کش ایت ءُ کوکران ءِ تراکین اِیت ءُ اے دگہ درچک ءُ داراں پہ ھزّام ءُ ھتم ءَ آگاہ کنت

لمپش سوچ:
اے ھم یک سارت ءُ ترندیں گْواتے کہ مچّ بُرّ ءَ ءُ رند کہ جوھاناں ناہ اِش مَتَگ اَنت ءُ رند ءَ چشکہ لمپش ھُشک بیتگ اَنت اے گْوات ءِ کشّگ ءِ موسم اِنت کہ وھداں لمپش اش سوتکگ ءُ وت ءَ گرم اش داتگ
سردیانی موسم ءِ اول سر ءَ اے گْوات ءَ کشّ اِتگ

پَشّگ:
اے گْوات ھنچُش کہ تبد ءُ لِوار ءَ سوچوک اِنت ءُ سکّ گرم اِنت بلکیں ھم گیشتر
چہ پنجگور ءِ نیمگ ءَ کیت

پَنَہ ری:
اے گْوات ھمے سوسدِرّ ءُ کوکرتراکین ءِ موسم ءِ گْوات اِنت کہ وھدی زمانگاں کہ دست آپ ءُ لانکبوج ءِ جاگہ نہ بیتگ مردم بے وس بیتگ اَنت کہ پہ سھرا ءَ بہ رو اَنت گُڑا اے گْوات ھنچُش سارت ءُ نِگْوَم بیتگ کہ مردماں بایِد اِنت کہ پناھیں جاگھیں ھنچوشیں جاھے کہ گْوات بند بیتگ پہ وت در گپتگ
چہ پُلیں ھمبلاں پھلی لوٹ آں کہ گپّ دراجکش بیت ءُ ناسرجم ، پد ءَ اے ھم گْوشگ لوٹ آں کہ

باز جاگہ ءَ ماں شاھگانیں بلوچستان ءَ اے نام پُرک کن انت ءُ ھمے پیم دگہ باز ,, گْوات ,, ھست کہ بلکیں من شموشتگ اَنت یا کہ من نہ زانتگ اَنت
... پـولـکار اسـتاد ولـی...

من جَنِکے مـاں شـھرن ءَ دیسـتگ

گردنی یک دستے بچـیل بیتـگ

کـد ءَ بالاد ءَ من ءَ پسـند بیتـگ

سر جنـک ءَ پہ کھـربا ششـتگ

جاشکی وشبـویں مھلبـی مشـتگ

اچ منی سر گوات ء کش ءَ نشتگ

مھلــبانی بـوہ ءَ مـن ءَ کُـشتگ

دیتاں جنـکے کہ نامـی مـاھـی انت

دستی گْومے سروشاں گبّ ءُ ماھی انت

منی دل ءِ سے بھر گـوں ھمـائی انت

شریں چلمب انت کہ دُر اش ھمراھاں

لنکک ءُ مندریک منی گل ءِ گواھـاں

ھم رِدیں ھـارئے ماں گور ءِ برھـاں

جتــکگ ء بـــروانـی سـپاہ داراں

ھـردکیں گـوشـی کُنّـلاں باراں

شیپگیــں پـونـز ءَ سھـری کتاراں

یا ھــدا یـک تھنـا تـوئے تـوانـا

داد بکش ئے تو رحمـان پکیـران ءَ

بکـش من ءَ سھـرانـی کمان میان ءَ

انشپـی من گوں ماہ لکاہ تـران ءَ

شر بہ ننـداں ماں باگ ءُ بوسـتان ءَ

دیم پہ دیم باں گـوں توتی الھـان ءَ

جمـری پُٹے کہ رُسـتگ جـوھـان ءَ

گـوں مـن ءَ بیت کہ پہ وت ءِ بیاراں

مــن وتــی تُنگــیں دل ءِ داراں

لیلــی تئـی ملگـور ءُ سـر ءُ پاتین

بارگیـں میـان ءُ بـالاد ات سـوگاتیں

شـر مـن ءَ شـاھیـں کـادر ءَ داتیـں

پہ وت ءِ کـش ایت دل منـی شـاتیں.
پــــولکـار //
🌴کـــــــورُشــــیں گـــال 🌴
لبـزانکـی مجلـس کلمتی کاروان.

پـــَنــــتی کــِسّـــہ
چَمَّـــــگ بــہ بـــو
پــَنـجُوے ھــاک مــاں گلاســے آپ ءِ تــہ مــان بــکن ءُ دمــانی ءَ رنــد بــچار کــہ تــو گــلاس ءِ آپــاں وارت کن ئــے!!!!!!؟
بــلـے اگــاں تــو پــَنــجوے ھــاک مــاں چَمّــَگ ( کــَور) ءِ تــہ ءَ بــہ ریــچ ئـے ءُ دمــانی ءَ رنــد بــچار ئــے انــگت ھـــم تــو ســاپ ءُ پــَلگاریــں آپ وارت کــن ئــے
اے دنـــیا ءِ سَــکّــی ءُ ســوری ھــم چــو پــَنــجُـوے ھــاک ءِ وڑ ءَ اَنــت
نــی گـــچیــن تــئی وتــی دســت ءَ انــت کــہ تــو چَمــَّگ بــوھگ لــوٹ ئــے یــا گَــلاس......
چـَـمَّــگ ءِ آپ مـُدام نــوک بیــت ءُ ھــاکاں( سـَکّی ءُ سـوری) بــارت بــلے گلــاس آپــاں مــدام یکــّیں داب ءَ دار ایــت
دمـــانــے وتـــی چَمــّاں بــند کــن ءُ چَـمَّــگ بــوھــگ ءَ بــِمــار ءُ بــچار کــہ چـَمـَّـگ بــوھــگ چــوں شــَرّ اِنــت.....
چــــَـمَّــگ بـــہ بـــو
رجــــانــک: ریـــاض حــــسن
@Labzank
telegram.me/Labzank

گــلـھان نســـیر ءِ کــسانیـــں پَــجّارے
نام:میر گلھان نسیر
پت ءِ نام:میر الی ھان مینگل
ودی:۱۴مئی۱۹۱۴
بیران:۶دسمبر۱۹۸۳
چاپ ءُ شنگ بوتگیں کتاب
⭐️گلبانگ
⭐️گرند
⭐️شپ گروک
⭐️دوستین ءُ شیرین
⭐️ھپت ھیکل
⭐️کوچ ء بلوچ
⭐️گلگال
⭐️شنبلـاک
⭐️پُرنگ
⭐️تاریخ خواتین کلـات
⭐️شاہ لتیپ گوشیت
⭐️"بلوچستان قدیم و جدید تاریخ کی روشنی میں"
⭐️ھمل ءُجیھند
⭐️بلوچستان کی کھانی شاعروں کی زبانی
⭐️بلوچی عشقیہ شاعری
⭐️سینایی کیچک
⭐️بلوچی رزمیـہ شاعری
⭐️بلوچستان کے سرحدی چھاپـہ مار
⭐️بلوچستان کی تاریخ)۱+۲(
⭐️مشھدناجنگ نامـہ
@Labzank
telegram.me/Labzank

ﺁ ﺭﺍﺟـﮯ ﮐـﮧ ﻭَﺕ ﻭَﺕﺀَ ﻣـﺎﮞ ﮐـُـﻮﺭﭼـﺎﺗـﮯ ﺩَﻭﺭ ﺑـﮧ ﺩَﻧـﺖ ﺀُ ﻭَﺕ ﭼـﮧ ﮐـُـﻮﺭﭼـﺎﺕ ﺀَ ﺩَﺭﺁﯾَـﮓ ﻣـﮧ ﻟـﻮﭦ ﺍﯾـﺖ ﺁ ﺭﺍﺝ ﺀِ ﺭَﮐـّـﯿـﻨَـﮓ ﺁﺳـﺎﻧـﯿـﮟ ﮐـﺎﺭﮮ ﻧـﮧ ﺍِﻧـﺖ .

ﺍﺩﺑـﯽ ﻫَـﮑـﯿـﻢ
@Labzank
telegram.me/Labzank

زندگیں راجانی پجّارزُبان۔۔۔ ءُ سید ھاشمیؔ

نبشته کار,: مجیب ولیؔ Mujeeb Wali.

راج وتکار نہ بیت اِنت اگاں، شرکار نہ بیت
آ کہ شرکار نہ بیت آئی ءَ سرکار نہ بیت
چوشیں وتکاری ءِ گنجانی دوار جاہ اِنت زُبان
پہ تو اے گنج نہ مانیت اگاں ندکار نہ بیت
ھر وڑیں راجے بہ بیت آ چہ وتی زُبان ءَ پجّاہ آرگ ءُ زانگ بیت۔ زُبان ھر ھما راجانی پجّاراِنت کہ آ زندگ اَنت یا زندگ بیگ ءِ جھد ءَ اَنت۔ زُبان ءِ سرا کُجام ھم راجے ءَ کہ جُھد کُتگ آ راج راجدپتر ءِ تاکاں زندگ اَنت۔ ھما راجاں کہ مزنیں پند بُرّاِتگ ، زُبان ءِ پٹّ ءُ پول ءَ دنیا ءُ جھان ءِ واری ءُ ازابی برداشت کُتگ ،آ راج مرچی یک وشّیں ءُ ایمنیں زندے گْوازینگ ءَ دلگوش اَنت۔ اگاں یک راجے لوٹ اِیت کہ آ زندگ بہ مانیت گُڑا آ راج ھر وھد ھمے جُھد ءَ کنت کہ آئی ءِ زُبان گار مہ بیت پرچا کہ راجانی پجّار گوں زُبان ءَ بندوک اِنت۔ چوشیں جُھدکارانی لڑ بازاِنت کہ آھاں وتی زُبان دیمروی داتگ اَنت ءُ زُبان ءِ تہ ءَ نوکیں اصطلاح آؤرتگ ءُ منزل ءَ سر کُتگ اَنت۔ بلے چوشیں جُھدکارانی لڑ سک کمّ اِنت کہ آھاں گیمُرتگیں زُبان ساہ مان کُتگ اَنت ءُ یک کاملیں زُبانے ءِ بستار ءَ ھم ھما دیم گْوازینتگ اَنت۔ آھاں گْونڈیں وھدے ءَ وتی زُبان سد سالے دیمروی داتگ ءُ وانوک ءُ چاروک ھیران کُتگ اَنت۔
ھمے جُھدکارانی لڑ ءَ یک نامے سید ھاشمیؔ ئیگ اِنت کہ آئی ءَ بلوچی زُبان ءَ ساہ مان کُت ءُ اینچوک ءَ آؤرت ءُ سرکُت۔ سید ھاشمیؔ ءِ گرانکدریں جُھداں مرچی بلوچی زُبان کامیاتی ءِ اے ھدّاں داں سر بیتگ۔ من اے گپّ ءَ پہ ایمان گْوشاں کہ اگاں بلوچی زُبان ءَ سید ھاشمیؔ ءِ وڑیں زبان زانت ءُ جُھدکار ءُ پٹّ ءُ پولکار مہ بوتیں بلوچی زُبان وھدے تْرندیں گْورگنداں دیری وتی ارجان جتگ اَت۔ بلے آ سید ؔ اَت کہ ھر گْورگند آئی ءَ پہ بچکند سگّ اِت ءُ وتی جُھدءِے برجاہ داشت۔ آئی ءَ وھدءِ تْرندیں گْورگندانی پسّہ پہ مردی دات ءُ گْوشت ئے۔
نہ تُرساں تیھُر ءُ ماتکوہ ءُ بنداں
گُل ءِ واھگ منی شَلّیں وکاب اِنت
اے یک راستی یے کہ وھدءِ سید ھاشمیؔ بلوچی لبزانک ءِ پڑ ءَ وتی گاماں ایر کنت گُڑا بلوچی ، بلوچی نہ اَت بلکیں گوں پارسی ءُ اردو ءَ ھواریں دگہ زبانے اَت کہ نامی گاراَت۔ آ جُھد کار سید ھاشمیؔ بیتگ کہ آئی ءَ بلوچی ءِ جند شوھازاِتگ ءُ نبشتہ کُتگءُ آئی ءِ راستیں دْروشم زاھر کُتگ۔ سید ھاشمیؔ ءِ مستریں جنگ گوں آ وھد ءِ بے سریں ندکاراں ھمیش اَت کہ بلوچی وت سرجم ءَ یک پراہ ءُ شاھگانیں زُبانے ۔ بلوچی ءِ تہ ءَ دگے زُبانانی ھچ گُنجائش نیست۔ آئی ءَ ھر وھد ءَ گْوشت کہ بلوچی وت یک کاملیں زُبانے آ بایدیں گاجیل کنگ مہ بیت۔
سید ھاشمیؔ وھدءِ وتی گاماں بلوچی لبزانک ءِ جھان ءَ ایر کنت گُڑا آ گوں وتی زُبان ءَ ھمینچو ایماندار بیت کہ آئی ءِ پٹّ ءُ پول ءَ سرجمیں بلوچستان ءِ کُنڈ کُنڈ ءَ ترّاِیت ءُ آئی ءِ لبزاں شوھازیت۔ سید ھاشمیؔ ءَ ھما کمّی کہ بلوچی تہ ءَ دیستگ اَنت گُڑا آشوھاز کُتگ اَنت ۔دو تل ءُ دو پوستیں ندکارانی دیم ءَ چو کوہ ءَ مِک بیت ءُ بلوچی زُبان ءِ گاجیلی ءِ بگیری ءَ کنت۔
من اگاں بگْوشاں کہ سید ھاشمیؔ بلوچی زُبان ءِ ساہ مان کنوکیں تاں من رد نباں۔ پرچی کہ سید ھاشمیؔ بلوچی زُبان ءِ دیم ءَ بروکیں ھما جُھدکاریں کہ ھمائی جُھد ءُ کوشستاں پد بلوچی زُبان وتی دْروشم ءَ دیمروی کنان اِنت۔ سید ھاشمیؔ یک بلاھیں زُبان زانت ءُ ندکارے بیتگ۔ آئی ءَ وتی زُبان ءِ پٹّ ءُ پول ءِ وھد ءَ وڑ وڑیں ازیت برداشت کُتگ۔ شُد ءُ تُن آئی ءَ ھچ کِمار نہ کُتگ۔ پہ بلوچی ءِ واست ءَ آئی ءِ کوھیں بالاد ءَ وڑ وڑیں ارمان مان بیتگ۔ آ پہ بلوچی زُبان ءِ واست ءَ چو کَیسؔ ءَ مدام سپرءِ تہ ءَ اَت۔ آئی ءَ وتی سرجمیں زند پہ بلوچی زُبان ءِ واست ءَ نْدر کُت۔ بلوچی زبان ءِ گوما آئی ءَ ھمینچو مھر بیتگ کہ آئی ءِ پٹّ ءُ پول ءَ ھر جاگہ شُتگ۔ سید ؔ ءَ گوں بلوچی زُبان ءَ ھمینچو اِشک اَت کہ بلوچی زُبان ءِ پھریزگ ءَ ناشریں ندکارانی دیم ءَ مُدام چو البُرز ؔ ءِ کوہ ءَ مِکّ اَت۔ وھدءِ کہ تو سید ھاشمیؔ ءِ سرگْوست ءَ وان ئے گُڑا ترا ھمے سماء بیت کہ سید ھاشمیؔ پاکیں ھاوند ءَ یک پیگمبرے دْروشم ءَ پہ بلوچی زُبان ءِ بودناکی واست ءَ دیم داتگ بلے آ وھد ءَ ھم ابوجھلؔ ءِ وڑیں کُنٹگ آئی ءِ راہ ءِ دیم ءَ ڈنگر بیتگ اَنت۔ بلے آئی ءَ زُبان وتی سگار کتگ اَت ءُ راہ ءِ کُتنگ ءِے دیر کُت اَنت۔ سید ھاشمیؔ بلوچی زُبان ءِ ھما جُھدکاریں کہ آئی ءِ ستا ءَ شپ روچ بنت بلے لبز نہ کُٹّ اَنت۔ بلے ھیف کہ آ وھد ءَ ھم سید ھاشمیؔ کدر کسّ ءَ نزانت۔ چونائی ءَ اے بیمّاری تنیگ ءَ ھم مئے راج ءِ تہ ءَ است اِنت کہ شرّی ءَ ھما وھد ءَ بستار دنت کہ شرکار ءِ جند چہ جھان ءَ بروت گُڑا نی گْوش اَنت کہ پلانی سکّیں شرکارے اَت۔آ وھد ءَ ھم سید ھاشمیؔ وڑیں ایمانداریں جُھدکار ے ڈالچار کنگ بوت ۔ آئی ءِ راہ ءَ کست ءُ کینگ ءِ مزنیں دیوالے مِکّ کنگ بوت۔ آئی ءِ دلپروش کنگ ءِ وڑ وڑیں پندل سازگ بوت

تا کہ آ چہ بلوچی ءَ یکّ کِر بہ بیت ۔ ناشریں مردم بلوچی ءِ گار ءُ بیگْواہ کنگ ءَ سوبین بہ بنت۔ بلے چوش نہ بوت آ پہ وتی زُبان ءِ پھریزگ ءَ مدام چو مھمکیں کوھے ءَ مِکّ اَت۔سید ھاشمیؔ بلوچی ءِ اوّلی جُھدکاریں کہ آئی ءَ بلوچی لبزانی امبار ’’ سید گنج‘‘ کہ بلوچی لبزانی ھزانگیں ، آ چت ءُ نزّارت ءُ پہ راج ءَ ندْر کُت۔ سید ھاشمیؔ تاں ابد نمیران اِنت۔
سید ھاشمیؔ بلوچی زُبانے تھنا یک شرّیں جھد کارے نہ بوتگ بلکیں یک شرّیں لچّہ کارے ھم بوتگ۔ آئی ءَ دستونک یک گْونڈیں وھدے ءَ ھمینچو دیم روی دات کہ ھچ زبان ءِ راجدپتر ءَ چوشیں مسال نیست۔ سید ھاشمیؔ یک جاھے پہ وتی ھانُلیں زبان ءَ چوش گْوشیت۔
شر زاناں منی ارواہ منی ساہ ئے ھانُل
زندمانی ءِ گُلیں منزل ءُ براہ ئے ھانُل
من ءَ سوچ ئے، من ءَ بْریج ئے من ءَ سجّیگ کن ئے
منی آسیں دل ءِ در کپتگیں آہ ئے ھانُل
سید ھاشمیؔ ءِ لچّہ کاری تہ ءَ یک اجب شیرکنی ءِ است۔ آئی ءِ ھر لچّہ ءَ کہ تو وان ئے گُڑا ترا ھمے سماء بیت کہ سید ؔ پہ زُبان ءَ مدام چو شیھ مریدؔ ءَ بوتگ ءُ ھانُل ؔ ءِ شُھاز ءَ سرجنان بیتگ۔
منا بل کہ سرجناناں وتی ھانُلؔ ءِ شوھاز ءَ
چہ کس ءَ نلوٹاں سوجے کہ من زاناں راہ ءَ گاراں
سید ھاشمیؔ پہ وتی زبان ءَ انچیں شیدائی ءِ بیتگ کہ آئی ءِ بازیں لچّہ آنی تہ ءَ ایشی درور ترا یک شرّیں وڑی ءَ گندگ کَیت۔ آئی ءَ مدام وتی زُبان ءِ سرا ستک بیتگ ۔ وھدے کہ جنجال آئی ءِ دیم ءَ اتکگ اَنت گُڑا وتی دردی اے پَیم بیھار داتگ اَنت۔
پرچا تُرساں چہ پُھل ءِ چکّاس ءَ
ھانُل ؔ ءِ مسکیں مھپر ءِ ٹال اِنت
سید ھاشمیؔ ءَ ھما وھدی وتی جُھدانی سرا ایمان بیتگ کہ یک روچے اے راج آئی ءِ جُھداں ماریت ۔ پمیشکہ چوش گْوشیت
نزاناں گُڈّ مرگ ءَ شرّی یے چونیں پتو اتکگ
سیدؔ لچّہ سر ءُ چمّان اَنت دوست ء ُ دُژمناں مرچی
سید ھاشمیؔ مئے دیم ءَ یک بلاھیں مسالے ۔ بایدیں ما گوں بلوچی زبان ءَ ھمائی ءِ وڑ ءَ ایماندار بہ بیں۔ ما بایدیں وتی جُھدکاراں آھانی زند ءَ ارزشت بدی ایں۔ اگاں ناں مرگ ءَ رند مئے ارزشت دیگ آئی ءِ ھچ درد ءَ نہ وارت۔ یکّے کہ پہ زبان ءَ جُھد کنت آئی ءِ ھمراہ داری ءَ بکنیں۔ بلوچی ءِ دنیا باز وش بھتیں دنیائے کہ آئی ءَ سید ھاشمیؔ ، واجہ مولوی ابدُلّا روانبُدؔ ، ھیر مھمد ندویؔ ، اشرپ سربازیؔ ، آبد آسکانیؔ ءُ دگہ ھزارانی کدّ ءَ آئی ءَ جُھدکار است۔بلے اے ھم راست ئے کہ سید ؔ ، سیدؔ بیتگ۔ بایدیں ما وتی زبان ءِ زندگ دارگ ءَ وتی جھدکاراں گوں ھمگام بہ بئیں۔ وتی ندکاراں گوں ھمکوپگ بہ بئیں گڑا مئے مسال ماں راجدپتراں مانیت۔ اگاں ناں ما تاں وتی کماشانی ءُ رھدربرانی ھمراھداری ءَ نہ کنیں ما ھچبر منزل ءَ سر نہ بئیں۔
وژدلیں جارے کپتگ، مُرت سیدؔ
موتک دستونکّاں، راھدربر شُت
@Labzank
telegram.me/Labzank

ﺁ ﮐـﮧ ﭼـﮧ ﺩﻭُﺭ ﻣـﺌـﮯ ﺗـﺎﺭﯾـﭗ ﺀَ ﮐـﻦ ﺍَﻧـﺖ ﺍِﺷـﯽﺀِ ﺑـﺰﺍﻧـﺖ ﺍِﺵ ﺍِﻧـﺖ ﮐـﮧ ﺩَﻧـﯿـﮕـﺎ ﺁ ﻣـﺌـﮯ ﭘَـﺠّـﺎﺭﺀَ ﻧـﮧ ﺯﺍﻥ ﺍَﻧـﺖ .
ﺍﺩﺑـﯽ ﻫـﮑـﯿـﻢ

🌷پہ زانتکاراں یَک هِکمَتے 🌷
ادبی هکیم
******************************
هَـر : کاه ئِـے رَنگ سَبزاِنت.
گـُرک : اِنّاں ، آزمان ئِـے رَنگ سَبزاِنت کاه ئِـے رَنگ شوُنزّ اِنت.
پَیسلہ کنَگءَ دوئیں شِیر ءِ گوَرا شُت اَنت شِیرءَ جار جَت گُرکءَ بَند کن اِت !!!...
گُرک : پَرچا زانا کاه ئِـے رَنگ شوُنز نہ اِنت ؟ !!!...
شِیر : شوُنزاِنت بلئے تئی شِزا دَیَگءِ سَوَب اِش اِنت کہ تو گوں هَرے پَٹ ءُ پول کنَگءَئـے !!!... 🌹هِچبَر گوں نازانت پٹ ءُ پول مہ کن اِت.🌹
@Labzank
telegram.me/Labzank