روچگِ مُزّچه حضرت ابوهریره –رضی الله عنه-روایت بوتگ، گوشیت: پیغمبر –صلی الله علیه وسلم- ئا گوشت: الله –عَزّوَجَلّ- ئا فرمائینت: بنی آدمِ هر عمل په آئیا اِنت، بغیر چه روچگ، بےشک روچگ په من اِنت ؤ آئیِ مُزّا من وت دیاں. روچگ اسپرے، وهدے که یکے چه شمئی روچگِ روچ رست، گڑا ]گوں وتی بانکا[ نزیکی مکنت، بدؤبیراه مگوشیت، اگه یکیا آئی زا/دشمان دات یا جیڑه ای کت، گڑا روچگدار بگوشیت: من روچگاں.سوگند اِنت آ ذاتے سرا که محمدِ جان آئی دستا اِنت، اللهِ گورا روچگدارِ دپِ بو، چه مشکِ بوا هں وش تر اِنت. روچگدارا دو گَلی/شادی هست که آ دو وهدا گل کنت: وهدے که دبوج کنت په دبوجا گل بیت ؤ وهدے وتی ربا گندیت، چه وتی روچگا گل بیت.وعن أَبي هريرة - رضي الله عنه - قال: قَالَ رسول الله- صَلَّى اللهُ عَلَيْهِ وَسَلَّمَ -: »قَالَ اللهُ - عز وجل -: كُلُّ عَمَلِ ابْنِ آدَمَ لَهُ إِلا الصِّيَام، فَإنَّهُ لِي وَأنَا أجْزِي بِهِ، وَالصِّيَامُ جُنَّةٌ، فَإذَا كَانَ يَومُ صَوْمِ أحَدِكُمْ فَلا يَرْفُثْ وَلا يَصْخَبْ فإنْ سَابَّهُ أحَدٌ أَوْ قَاتَلَهُ فَلْيَقُلْ: إنِّي صَائِمٌ. وَالذِي نَفْسُ مُحَمَّدٍ بِيَدِهِ لَخُلُوفُ فَمِ الصَّائِمِ أطْيَبُ عِنْدَ اللهِ مِنْ رِيحِ المِسْكِ. لِلصَّائِمِ فَرْحَتَانِ يَفْرَحُهُمَا: إِذَا أفْطَرَ فَرِحَ بفطره، وَإذَا لَقِيَ رَبَّهُ فَرِحَ بِصَوْمِهِ« . متفقٌ عَلَيْهِ، وهذا لفظ روايةِ البُخَارِي.شے:
Besam:
@Labzank
telegram.me/Labzank

قرآن مردما یا برز بارت ؤ یا زمین جنتچه حضرت عمربن –رضی الله عنه- ئا روایت بوتگ که پیغمبر –صلی الله علیه وسلم-ئا گوشت: بے شک الله تعالی گوں اے کتاب )قرآنا( یک قومیا برز بارت ؤ دگریا جهل جنت.گیشینگ: آ قومے که قرآنِ سرا ایمان یاریت ؤ قرآنِ حکمانی مطابقا زندگی گوازینیت، الله آیانا عزت دات ؤ برزش بارت، بلے آ که قرآنا نمنّننت ؤ قرآنا وتی پشتا دور دینت، الله آیانا زمینا ؤ وار کنت.وعن عمر بن الخطاب - رضي الله عنه - أنَّ النبي - صَلَّى اللهُ عَلَيْهِ وَسَلَّمَ - قَالَ: »إنَّ اللهَ يَرْفَعُ بِهَذَا الكِتَابِ أقْوَاماً وَيَضَعُ بِهِ آخرِينَ« . رواه مسلم

Besam:
@Labzank
telegram.me/Labzank

رجانک نور پلیزھی دو سنگت ھمراہ اَت دیم پہ جنگل ءُ ریگستان ءَ دو پہ دو ءَ روگ ءَ ات انت اشانی درمیان ءَ گَپ ءُ تران بوگ ءَ ات یَکے ءَ گْوشت گپ چوش انت ءُ دومی ءَ گْوشت اِِنا چوش نہ انت گَپ چوش انت ھمے گَپ گَپ ءَ یَک سنگتے ءَ دومی سنگت ءَ را یَک تُرندیں شَھماتے جَت اے سنگت دل سَک دلپدرد ءُ رنجور بوت بلے سنگت ءَ را ھچ نہ گْوشت ئِےلَنکُک ئِے زُرت ءُ ریک ءِ سَر ءَ نبشت ئِے کہ مرچی منی سکیں دوستیں سنگتے ءَ من ءَ یک شَھماتے جَتگ دگہ ھچ نہ گوشت ئِے ءُ پَد ءَ سپر اش دیم ءَ بُرت ءُ دیم ءَ اتک انت آپے ءِ سَر لوٹ اِت اش کہ ھَمدءَ جان بہ شود انت جان ءِ شودگ بندات اش کُت کہ سنگت لَگُشت ءُ آپ ءَ کَپت ءُ بُڈ اِت ھما سنگت کہ.پیسر ءَ شھمات ئِے جَتگ ات ھمائی ءَدست شھارت ءُ چہ آپ ءَ سنگت ئِے در کُت اے سنگت کہ چہ آپ ءَ درتک یَک سِنگے ءِ سَر نبشتہ ئِے کت کہ مرچی مَن آپ ءَ بُڈ اِتگ آں بلے منی سنگت ءَ من ءَ چہ آپ ءَ در کت منی ساھے رَکینت گُڑا آ سنگت ءَ جُست کت کہ پیسر ءَ کہ من ترا شھماتے جَت تو ریک ءِ سَر ءَ نبشتہ کُت نوں کہ من ترا چہ مَرّگ ءَ رکینت تو اے سِنگ ءِ سَر ءَ نبشتہ کت گُڑا شُما زان اِت کہ آئی ءِ سنگت ءَ چے گْوشت .. ؟گْوشت ئِے ھَرچ آ کار کہ دیم ئِے پہ ھَرابی ءَ انت گُڑا آئی ءَ ریک ءِ سَر ءَ نبشتہ بہ کن تاکہ چیزے روچ ءَ پَد اے نبشتانکاں گوات گار بہ کنت بلے شَریں کار ءُ کِرد گاری ءِ لائک نہ انت ھمے واستا گُڑا اشیءَ سِنگ ءِ سَر ءَ نبشتہ بہ کن تاکہ ھچبر گار مہ بیت

Besam:
@Labzank
telegram.me/Labzank

سیدگنج دومی چاپ ماں نہادی ءَ آتکگ ھر کس ءَ پکار انـت جہل داتگیں نمبرا گوں رھوت بہ کنت
نہاد. ۶۵۰۰۰ تمن

۰۹۱۵۱۹۵۲۳۵۰ توھیدی

لبزانکی مجلس کلمتی کاروان:
دبّوج ءِ وھد ءَ پہ درستاں دوآ کن اِت.

اَلّٰھُمَّ لَکَ صُمْتُ وَ بِکَ اٰمَنْتُ وَ عَلَیْکَ تَوَکَّلْتُ وَ عَلیٰ رِزْقِکَ اَفْطَرْتُ

اے اللہ مارا چہ مانش ءِ آزاب ءَ بہ رکّین ءُ مئے مانش ءَ جنّت ءِ باگے بہ کن،... آمین

اے اللہ مئے مات ءُ پت ءُ سیاد ءُ وارسانی گُناھاں پہل بہ کن، ھرچے بیران بوتگ انت آیاں ھم پہل بہ کن ءُ آیانی مکام ءُ ارزشاں بُرز ءُ بالا بہ کن ءُ ھرچے زندگ انت آیاں ھدایت ءِ تچکـیں راہ ءَ پیش دار ءُ آیانی گناھاں گوں نیکیاں بدل بہ کن.... آمین

اے اللہ کسے پریشان انت آیانی پریشانیاں دور بہ کن... آمین

اے اللہ کسے کہ نادراہ انت تو چہ وتی گنجـیں دَر ءَ آیاں سرجمـیں شفاء ءُ تندرستی بدئے... آمین

اے اللہ کَسے وَام دار اِنت چَہ وتی گَنجـیں دَر ءَ آیانی وَامانی ادا کنگ ءِ سَبَب ءُ وسیلہ یـے پیداک بہ کن... آمین

اے اللہ مارا مہشر ءِ میدان ءَ چہ رُزواہ بیگ ءَ بہ رکّین.... آمین

اے اللہ مارا ھرچ ھما کار ءِ کنگ ءِ توفیق بدئے کہ تو رازی بہ بئے ءُ مارا چہ ھرچ ھماکارءَ بہ رکّین کہ تئی نارازی ءِ سبب بہ بنت... آمین

اے اللہ مارا کسی مُہتاج مہ کن، اے اللہ ما وتی دستاں ھر وھدے پہ چیزے لوٹگ ءَ چست بہ کنیں اے اللہ یکّیں وتی دیم ءَ چست اش بہ کنائین، اے اللہ مئے دستاں وتی بَندھانی دیم ءَ چست بیگ ءَ بہ رکّین، اے اللہ مارا وتی دَر ءِ پکیر بہ کن بلے چہ بندھاں بـے نیاز بہ کن... آمین

اے اللہ ما چہ تئی گورا لوٹگ ھم نہ زانیں، اے اللہ تو مئے لوٹ ءُ ھاجتاں چہ مارا شَرتِر زانئے، اے اللہ تو بـے لوٹگ ءَ مئے دُراھـیں لوٹ ءُ ھاجتاں سرجم بہ کن.... آمین

Besam:
Besam:
@Labzank
telegram.me/Labzank

Hashomi:
مِسکءِسیاہی بیکّءِسیاہی یابہ بیت سیاہی شپءِ
تئی شپارءُشنگیں ملگور دنت پدءَگواہی شپءِ

نیلّیں آزمان،ماہءُاستار،کیچی گُلکار،مھگلءِشار!
کرنءَکلمانٹ نشتگ رھچار کَےبہ دنت درواہی شپءِ

شپ کہ چارپاس، پگرءُوسواس، ماں جبیّنءَ جہندم
کدمِرایت اےجھندمءِآس کد،روت نادراہی شپ ءِ

شپ تھارانت، بےمھارانت، چوکہ بیمناکیں تھار انت
اےگنوک انت لانک اِش بستگ بیتگ اَنت راہی شپءِ

زندءَ ارمان، دردءِدرمان سوچک کارانت سوزءُ سوزمان
ھچ نگنداں،گاراِنت ایمان،سوتکگ دوزاہی شپ ءِ

گژنءِابدال،زندءِجنجال،بےھسابی جنت چیھال
بشکنت بلکیں آگھین ئے، دیر روت وائی شپ ءِ

دل زرانت پہ ماھکان ءَ یا پہ شنگیں آپ روانءَ
بام دنت جورکان ءَ گران انت ھمرائی شپ ءِ

جی آر مُلّا



Besam:
Besam:
@Labzank
telegram.me/Labzank

وشیءِ رنگءُ داباں چہ سرگوستگاں
من کہ زندءِ عذاباں چہ سر گوستگاں

چے ثوابءُ گناہ شٙرءُ شِر نیک ءُ بد
من حسابءُ کتاباں چہ سر گوستگاں

دوستیءُ مہرءِ گپاں مہ پرس اِت منا
کسہءٙ من کتاباں چہ سر گوستگاں

ہر کٙہ بیزار مئے نا شریءٙ امر
گندگیءٙ حراباں چہ سر گوستگاں

انیل امر

@Labzank
telegram.me/Labzank

آ کہ سهتءِ پہ دل گوں مں دلگوش بیت.
چم گوں چمّءَ نہ ڑُکّیت مڑا پروش بیت.
تئی کہ ماهْکانیں سورت درا بیت دمے.
باز کپیت سُجدهءَ باز نیم سروش بیت.
دُراهیں آشِک کپوتاں چو پاسیگ بنت.
وهدے ورنائی تئی چو کڑب هوش بیت.
تو چو دورا روئے زوت بیهال بئے.
من نزانتگ منی تالہءَ چوش بیت.
بل میا مانشءَ نورءِ پُل ریچیءَ.
تئی ودارءَ مْں زاناں کپن پوش بیت.
"شاه نور کلمتی"

Besam:
@Labzank
telegram.me/Labzank

استاد عابد آسکانی مئیگ ءُ شمئے میار ءُباهوٹ انت که بلوچاں مال وتی جاه ءَ سر اش هم په باهوٹ ءَ ندر کتگ انت.استاد وامدار ءُ تنگدست انت.شما اگه سلاه زانے وتی هم هیالیں سنگتان ءَ بگوش که بهرے چه زکاتاں په راجی ءُ لبزانکی کاراں بگیشین ات َ. استاد ءَ هم بیهیال مکن ات که دگه روزگارے نیستی. منتوار باں.چه شمئے پیسری مدتاں لک منتواریں استاد عبدالحمید ایران نژادغلام حیدر قباوکزوری ، پهره.

@Labzank
telegram.me/Labzank

ماھکانءِ در بستگ واب دیدگاں پرنیست/ بس شپانی بالاد ے تاپگ ء- اوں اشکر نیست/
آجو انت گوں ارماناں آزمان ءِ بادگیر ء-/دوزھیں گیابان ء- ایمنی ء_ گوات گر نیست/
درد بستگاں چماں ایوکی ء_ ھمراھاں/
تاس پرشتگ انت مھر ء_ بے وسی ء- ھاتر نیست/
پل ء، بالو انت چاڑ انت شپچراگ ء- گواتانی/
شانتلاں بھارانی زندمان ء_ بستر نیست/
روچ ۓ مینتگیں ھنی نکش انت رولہ ء_ دستاں/
پہ تماہ ء- ارسانی واھگاں منی زر نیست/

@Labzank
telegram.me/Labzank

بس بہ کن کِسّہ ھلاس اِنت وھد آچارے نہ بیت/
زندگی دوست ءِ نہ بیت ءُ مرگ ھم یارے نہ بیت/
شیشگیں چماں سپا کن، ترانگے نوکیں بہ گوپ/
گورتگیں ارسانی دریا پہ من ، یادگارے نہ بیت/
وس کناں بیاھاں ترا پہ مان گیشاں روچ ءُ شپ/
من جناں ھشتے بلہ مئے تالہ ءَ چـارے نہ بیت/
کپتگیں دیوال ءُ دمکاں کس نہ گواھیت میتگ ءَ/
مُرتگاں اے شھرے مردم ،شھر بازارے نہ بیت/
پرُشتگیں واباں بہ سیـنگار جندے ساڑیں باتن ءَ/
شائری عـارف بگنـدئے دلجمیں کـارے نہ بیت/عــــــــــارف شـــــــھـــــــم

@Labzank
telegram.me/Labzank

ﺑﺮﻭ ﺑﺮﻭ ﮐﮧ ﻣﺎ ﺗﺌﯽ ﮔﻤﺎﮞ ﮔﻮﮞ ﭘﯿﺴﻠﮧ ﮐُﺘﮓ/
ﻣﯿﺎ ﻣﯿﺎ ﮐﮧ ﺩﯾﺪﮔﺎﮞ ﺍﮮ ﺯﻧﺪﮔﯽ ﯾﻠﮧ ﮐُﺘﮓ/
ﺗﺮﺍ ﮔﻮﮞ ﺑﮯ ﻭﭘﺎﺋﯽ ﺀَ ﺳﭙﺮ ﻣﻼﻡ ﮐﻨﺖ ﺷﭙﮯ/
ﺗﺮﺍ ﮐﮧ ﺩﻭﺭ ﺭﭘﺘﮓ ﺋﮯ ﺀُ ﺯِﺭﺩﮮ ﺁﺑﻠﮧ ﮐُﺘﮓ/
ﮔﻤﺎﻧﯽ ﺁﺱ ﺀِ ﺗﻮﺳﮓ ﺀَ ﭘﮧ ﺷﻮﺍﻧﮕﯽ ﺩﺭﺍﺗﮑﮕﺎﮞ/
ﮔﻼﺱ ﺷﺎﻝ ﺀِ ﺩﺍﻣﻦ ﺀَ ﺷﺮﺍﺏ ﭼﺎﮔﻞ ﺀَ ﮐُﺘﮓ/
ﮐﺠﺎﻡ ﺍﻭﺳﺖﺀِ ﻻﻟﭻﺀَ ﺗﻮ ﺍَﭺ ﻣﻦ ﺀَ ﺷﻤﻮﺷﺘﮓ ﺋﮯ/
ﮔﻮﮞ ﺩﮊﻣﻨﺎﮞ ﻫَﻮَﺭﺗﮓ ﺋﮯ ﮔﻮﮞ ﺭﺳﺘﺮﺍﮞ ﺳﻠﮧ ﮐُﺘﮓ/
ﺍﮮ ﺟﻨﮓ ﻣﻬﺮ ﺀِ ﺍﻧﮑﻼﺏ ﺀُ ﻭﺍﻫﮕﺎﻧﯽ ﻣﻮﮐﮓ ﺍِﻧﺖ/
ﮐﺌﮯ ﺀَ ﻟﮕﻮﺭﯼ ﻣﻨّﺘﮓ ﮐﺌﮯ ﺀَ ﻣُﮑﺎﺑﻠﮧ ﮐُﺘﮓ/
ﺍﮮ ﮔُﻨﮕﺪﺍﻣﯿﮟ ﺩﻟﻮﺗﺎﻧﯽ ﺗﻮ ﺑُﮕﺶ ﮔﻨﮧ ﭼﮯ ﺍِﻧﺖ/
ﮐﮧ ﺁﺯﻣﺎﻥ ﺀِ ﺟﻤﺒﺮﺍﮞ ﺳِﺘﻢ ﮔﻮﮞ ﺟﻨﮕﻞ ﺀَ ﮐُﺘﮓ/
ﺍﮮ ﺳﺮﮈﮔﺎﺭ ﺀِ ﻧﺎﻡ ﺩﺍﮞ ﮐﮧ ﺯﻧﺪﮔﺎﮞ ﺑﺪﻝ ﻧﮧ ﺑﯿﺖ/
ﺳَﺘﺮ ﭼﮧ ﻭﺕ ﺟِﺘﺎ ﻣﻨﺎﮞ ﺑَﺪﺍﻧﯽ ﭘﻨﺪﻝ ﺀَ ﮐُﺘﮓ/
ﺗﻮ ﻫﻮﺕ ﻣﻬﺮ ﺀِ ﮐﺴّﮧ ﺀَ ﮐﺌﮯ ﺀَﮔﻮﮞ ﻫﻠﻮﺕ ﺀَ ﮐﻦ ﺋﮯ/
ﺗﻮ ﮐﺌﯽ ﻧﮕﺎﻫﺎﮞ ﮐﭙﺘﮓ ﺋﮯ ﮐﮯ ﺀَ ﺗﺮﺍ ﺩﻝ ﺀَ ﮐُﺘﮓ/
ﺑﺎﺳﺪ ﻫﻮﺕ‏

@Labzank
telegram.me/Labzank

کسانکیں آزمانک
اولی ءُ آکری
من انچو اشکتگ کہ کوھنیں کبراں
سھر ءُ تلاھ مان بی پمشکاں من شپ ءَ پنھامی شتاں یک کوھنیں کبرستانے کبرے ءِ کونڈگ بندات کت
کونڈاں کونڈاں دانکہ ھند ءَ سر بوتاں
نہ زاناں ھیالے وھمے یا ھکیکتے؟؟؟
بلے منی چماں یک زندگیں مرمے کبر ءِ تھا وپتگ
ھاں واجہ تو کجام وھد ءِ انسان بوتگئے؟

من گوں درھوکیں جان ءَ جست کت
جی واجہ من دنیائے اولی پئیگمبر ءِ دور ءُ نوبت ءِ انسانے بوتگاں
بلے تو ھال بکن نوں کجام دور ءُ باری انت؟
آھی ءَ منی جواب ءِ ھمراھی ءَ منا پدا جست کت
بلے واجہ نوں دنیائے آکری پئیگمبر ءِ دور ءُ نوبت انت
نوں دنیا وتی آکری وھد ءُ پاساں سر بوان انت
نوں انسان ءَ باز دیم روئی کتگ انسان ءِ توک ءَ زانت انسان گری
سرپدی اتکگ
او ترا چہ رند چار آسمانی کتاب پہ انساناں
اللہ ءَ سوگوات کتگ
انساناں نوں زندگی ءُ مرگ ءِ راز گون انت
شمئے دور ءُ نوبت ءَ انسان ءُ ھیواناں زیادھیں پرک ءُ پیر نہ بوتگ
من وتی دور ءُ نوبت ءِ توسیپ کت ءُ پہ مڈاھ مردگ ءِ دیما وتی شان بالا کت۔۔
راست گوشئے واجہ مئے نوبت ءَ انسان ءُ ھیوان ءَ زیادھیں پرک نہ بوتگ
بلے من نہ زاناں نوں چونیں دیم روئی چونیں انساپ چونیں سرپدی انساناں دربرتگ ؟
من انسان ءِ اولی اوبادگاں شمار باں کہ دُزی ءِ نام ءَ کُشگ ءُ کبر کنگ بوتگاں
تو آکری اوبادگ ءِ کہ دُزی ءِ واستہ ءَ منی کبر کونڈتگ
مردگ ءَ ھنچو گوشت ءُ چم بند کت انت

(ڈولی بیگ )

@Labzank
telegram.me/Labzank

من گلزمینءِ وارساں تو ماھکانءِ جلوھے
من پہ تو پاشکیں رازیاں تو پہ من چیریں گپی ئے

من ماتو گھار یلء کتاں پہ ھاکے ہاترا وتی
مہ شود چمے سرمگاں مہ گرے کہ مارا دل نبے

من چہ تو پد ھمے وڈاں کہ چم کنڈا کپتگاں
من بے ترا کروتکگاں تو بے مـنا کروتکگے

من آپ وارتگ تنگاں ہزار توکءَ ایوکاں
من گیر کاراں نندگاں ھما پسیلءِ سیاھگے

تئی کسمتے لکیراں من تئی شاعریں وزیراں من
توئے منی دلءَ گشے چو سُچنءَ سُپتگے
(نبیل نود)

@Labzank
telegram.me/Labzank

( لَچَہ )

دْریگتیں مَہ دیستیں تئی کلات مہرانی

دْریگتیں مَہ وارتین تئی شَراب دستانی

دْریگتیں مَہ نازینتیں باتن ے وتی اَرواه

دْریگتین مَہ چنڈینتیں تئی شاگ زهیرانی

تو چو آزگیں اکسءَ باتنءَ منی چیرئے

تو چو کسہ ے کتابےءَ داهمءَ پَچِئے دیمءَ

من هَمُّک شپءَ نند آں آپ جَن اَنت دلے آسءَ

سرچِن اَنت دْرهیں مہرئے کسہان کنت یک جَہ

شنگ کن اَنت وتی زِرد ئے من اُمیتان اَهدانی

چاپ جَن اَنت مُرادانی کاڑ پہ بانورءَ

یک نَہ بنت کپوتانی کو کوءُ گُلین زیمَل

کنت منا باز دَردّیگ زیدئے ساهگرین اُپّار

من زیارت ئے کن اَنت درگاهے ترا پہ وت

تو هُدا بہ باتئے مئے تو بہ باتئے پیگُمبر

بس ترا بہ نازین اَنت بس کن اَنت ترا سُجده


داد بلــــــــــوچ

@Labzank
telegram.me/Labzank

اَگـاں کـَـسـے مـنـی گـپ ءَ سـرپَـد بـہ بـیـت.
بَـلـوچ ءِ تَـنـز ءُ شِـگـان گـوں یَـکـدگِـرءَ هِـچـبَـر نـہ کـُـٹ اَنـت اِشـی ءِ سَـوَب اِش اِنـت کـہ هَـرچ بَـلـوچـے وَت ءَ چـہ آدگِـر شـرتِـر لِـیـک ایـت ، یَـک روچـے مـن مـاں دیـوانـے نـشـتـگ اِت آں مَـزَنـیـں جَـنـگـے بُـنـاه بـوُت دیـوانـجـاه مَـزَن اَت ءُ مَـردُم هَـم بـاز اِت اَنـت بـلـے چـو زانَـگ بـوُت کـہ چـہ مـئـے آیَـگ ءَ پـیـش اِے دو کـَـس وَت مـاں وَت گـَـپ ءُ گـال ءُ گِـر ءُ گـیـشّ بـوُتـگ اَنـت بـلـے رَنـدا کـہ مـا آتـکـگ ایـں گـڑا چـیـزے وَهـد اِشـاں وَتـی دَپ ءُ دَسـت داشـتـگ اَنـت مَـن وَ هِـچّ ءَ سَـرپَـد نـه اِت آن کـه اِ پَـرچـا جَـنـگءَاَنـت یَـکـّـے گـُـوَشـگ ءَاَت مـنـی پـیـرُک نَـریـان سُـوارے بـوُتـگ مـنـی پـیـرُک چـہ تـئـی پـیـرُک شـرتـریـں مَـردُمـے بـوُتـگ دومـی ءَ گـُـوَشـت مـنـی پـیـرُک بُـور سُـوارے بـوُتـگ آ تـئـی پـیـرُک ءِ واجَـہ بـوُتـگ تـو پـہ هَـمـا جـاه ءَ رَس اِتـگ ئـے کـہ مـنـی پـیـرُک ءَ شِـگـان بـہ جَـن ئـے ؟!!!.. مـن چـاراِت کـیـنَـگ ءِ آس بُـرزا زبـان کـَـشـگءَاِنـت هَـرچ پَـیـم مَـنـتَـگ اِے آس کـُـشـگ لـوٹ ایـت اَگـاں نـہ اِے آس دیـوان ءَ مـان دارایـت اِے دیـوان ءِ مَـردُم وَت مـاں وَت سـیـاد اَنـت آسَـر ءَ اِشـانـی لـُـٹ ءُ ڈوک مـئـے سَـر ءَ لَـگ اَنـت بـلـے مـن هَـبَـکـّـہ اِت آں کـہ چـہ دیـوان ءِ کـَـمــاشـاں کـَـس هِـچّ گـُـوَشـگ ءَ نـہ اَت مـن ءَ هَـمـے گـُـمـان بـوُت کـہ دیـوان ءِ کـَـمـاش رَزا اَنـت کـہ اِے دو کـَـس وَت مـاں وَت جَـنـگ بـہ بَـنـت ءُ آ سَـیـل بـہ چـاراَنـت مَـن آ دو کـَـس گـُـوَشـت اَنـت شُـمـا زان اِت کـہ مـاں مـئـے مُـلـک بُـور ءُ نَـریـان چـی ءَ گـُـوَش اَنـت ؟ مـاں مـئـے مُـلـک بُـور ءُ نَـریـان هَـرءَ گـُـوَش اَنـت پَـرچـے کـہ اِدا هَـرچـکـسـے زانـت کـہ مـاں اِے کـُـوه ءُ ڈوکـاں اَپـس ءُ تـازی نـہ تَـتـکـگ اَنـت شـمـئـے پـیـرُک هَـر سُـوار بـوُتـگ اَنـت ءُ مـئـے مُـلـک ءِ مَـردُم دیـسـتَـگ اَنـت کـہ آ هَـر سُـوار بـوُتـگ اَنـت هـاوَنـد ءِ شُـگـراِنـت کـہ شـمـئـے پـیـرُک مـاں آزمـان ءَ بـالـی گـُـراب بـال نـہ داتـگ اَگـاں نـہ شـمـا مـئـے گـُـوَر ءِ پُـچّ هَـم دِرتَـگ اِت اَنـت شُـمـارا لَـجّ نـہ کـَـنـت کـہ شُـمـا مـاں یَـک مَـزنـیـں دیـوانـے نِـشـتَـگ اِت ءُ هَـر سُـوارانـی تـاریـپ ءَ کـنَـگءَاِت دیـوان ءِ مَـردُم یَـک دَمـانـے هَـبّـکـہ بـوُت اَنـت کـَـس ءَ هِـچّ نـہ گـُـوَشـت درُهـا مـنـی نـیـمَـگ ءَ روک روک چـارَگءَاِت اَنـت رَنـدا درُهـیـں دیـوان ءِ مَـردُم کـَـنـدَگ ءَ لَـگّ اِت اَنـت آ دو کـَـس هَـم شُـلّ بـوُت اَنـت ءُ کـنـدَگ ءَ لَـگّ اِت اَنـت رَنـدا کـہ دیـوان ءِ مَـردُمـاں سُـبـارِگ وارت ءُ شَـت اَنـت دیـوان ءِ کـَـمـاش ءَ مـنـی کـُـوپَـگ ءِ سـرءَ وَتـی دَسـت اِیـر کـُـرت ءُ گـُـوَشـت مَـنـی بـرات تـرا شـابـاش بـات کـہ تـو مَـروچـی نـاتـپـاکـی ءِ یَـک مَـزنـیـں آسـے کـُـشـت اِے دُو مَـردُم هَـمـے ڈول ءَ مُـدام وَت مـاں وَت جَـنـگ بـوُتـگ ءُ زَهـرءُ کـَهـر بـوُتـگ اَنـت بـلـے اِنـشـاءالله دگـے بَـرے اِے دو مَـردُم کـَـس ءَ شـگـان نـہ جَـن اَنـت ءُ وَت ءَ چـہ هِـچّ کـَـس ءَ بُـرزتِـر نـہ لِـیـک اَنـت چـہ تـئـی آیَـگ ءَ پـیـش مـا وَتـی وَس کـُـرت اَنـت بـلـے مـئـے گـپ مـاں اِشـانـی گـُـوشـاں نـہ پُـتِـرت اَنـت.
ادَبــی هَـکـیـم

@Labzank
telegram.me/Labzank

آزمانک :
کمک
آزمانکار:
زاھدہ رئیس راجی

مات ءَ مدامی رنگ ءَ کمپان ءِ ڈنی نیمگ ءِ دروازگ کبل جتگ ات کہ چوش مہ بیت ھمسائیگیں زیبل بے در ءِ ٹکگ ءَ گبُرتگ ءَ لوگ ءِ تہ ءَ بَہ پُترایت۔برات یلان ءَ سُہبی کارءَ درکپگ ءِ وھد ءَ چَہ مات ءَ جُست کُتگ ات کہ پری گُل ءِ جان باریں وش انت یادوشی ھم نگیگ بیتگ ءُ مات زینب ءَ وتی دل ءِ سرءَ دَہ من ءِ سنگے ایر کُتگ ات ءُ دروگ بستگ ات کہ دوشی گیگ بیتگ ءُ پاس ئِے نہ جتگ اَت ۔یلان ءِ دل ءَ ات کہ گہارءِ اوتاگ ءَ سربہ جنت بلے مات ءَ گپانی توک ءَ انچوش مان گیشینت کہ آئ ءَ دست ءِ گڑیال چارات کہ بے وھد بَیگ ءِ جار پرینتگ ءَ ات ءُ چَہ لوگ ءَ دیم پہ کارگس ءَ درکپتگ۔پری گُل ھم وتی یکیں برات ءِ توار ءَ چَہ وتی اوتاگ )کوٹی ( ءِ تک ءَ داتگیں درءِ پُشت ءَ اِشکُنگ ءَ ات ءُ دلءَ جیڑگ ءَ ات کہ نوں من وتی برات ءَ ھم دیست نہ کن آں ۔آئ ءِ اسپیتیں پوست نوں سیاہ تراتگ اَت ءُ سیاہ زردوئیگ ءِ نادراھی ءَ نوں انچوش زور جتگ ات کہ روچے دوسے رندءَ ھون شانگ ءَ ات۔ ھون شانگ ءَ رند جان ءَ انچوزیکت ئِے ھم مان نیست ات کہ وتی تھت ءِ کش ءَ ایریں آپ ءِ بوتل ءَ وت چست بہ کنت ءُ آپ وارت بہ کنت۔ پہ ناکامی مات ءِ ودار ءَ نشت ءُ سرئِے سرجاہ ءِ سرءَ تچک کُت۔آ ھیران ات کہ سرکاری نزیکیں نادراھ جاہ ءَ سرجمیں کورس ءِ سُچّن جنگ ءَ رند ھم آئ ءِ دردءَ درمان نہ رس اتگ ات ۔ پیسرءَ تپ ءَ یل نہ داتگ ات ءُ ھرچے کہ وارتگ ات اوکاراتگ بلے نوں چیزے وھد بیتگ ات کہ ھون شانگ بنا کُت ات ئِے۔مات زینب ءَ لوگ ءِ نزیکیں سرکاری نادراہ جاہ ءَ انونگاں ھم دوبر بُرتگ پیش داشتگ ات بلے نوں چَہھما نادراہ جاہ ءِ لہتے دوزواھیں کارمنداں گوشتگ ات کہ ادءَ تو بے پائیدگ ءَ پیداگ ئے ۔باید سول یا جناح ء برو کہ ادءَ سیاسی گلانی دیم داتگیں داکتر ءُ کارمنداں شریں ءُ اسل درمان بہا کُتگ ءُ دونمبر ءِ درمان ادءَ یاورتگ ایر کُتگ انت کہ آھاں زانتگ ادءَ گیشتر نادراہ بلوچ اَنت۔چونائیا ھم آھاں گوشتگ کہ بلوچ کہ زرنگ بیت دزی رندی کنت کُشت ءُ کُشاربنا کنت چوش کہ لیاری گینگوارئیگاں کُتگ پمشکا یا آھاں نشہ بہ دئےبہ کُش یا انچیں وراک ءُ درمان بہ دئے کہ سراش گرانیں نوبتاں بہ کپ ایت۔مات ھیران ات کہ گینگوار ءِ جنگ جدلاں پد بازیں بس ءُ منی بس ھم چَہ اے میتگ ءَ رویا نہ کنگ ءَ اتنت ءُ رکشہ ءِ سرءَ جناح ھسپتال ءَ روچے سے سد کلدار روگ ءُ سے سد کلدار آھگ ءِ زرّ ءِ آھاں جوازہ نہ کنت۔زیبل ءَ کہ بے ایشانی لوگ ءَ آھگ ءَ وش نہ بیتگ ات انچوش ڈنی دروازگ ئِے پچ بَیگ ءَ دیست دمانے ءَرند کہنیں زمانگ ءَ بستگیں سُہریں ھٹّانی کمپان ءِ توک ءَ پُترت۔مات زینب چُل ءَ کنور کنگ ءَ اَت زبیل کش ءَ شُت نشت گپ گپ ءَ گوشگ ءَ لگ ات:“ پری گُل ءِ مات ! دوشی وش نیوز ءِ سرءَ یک پرت ء پرتیں جنینے ءَ وتی گرانیں نادراھی ءِ ھلاج کنائینگ ءَ چَہ بلوچ کوم ءَ کمک لوٹگ ءِ جار پرینتگ۔ ۔ ۔ شما پرچَہ وتی بلوچی چینل ءَ پہ پری گل ءِ ھلاج ءَ انچیں کمکی جارے نہ پرین ئے ؟یلان ءِ پگار انچو وَ نہ انت کہ لوگ ءِ ھرچ ءَ در بہ کنت ۔۔ ۔ گرانیں بلّاں بہ دنت ءُ گہار ءِ ھلاج ءَ ھم بہ کنائین ایت “چَہ زیبل ءِ گپ ءَ مات زینب ءَ چُل ءِ آس جَہل کُت ءُ پگرے ءِ آماچ بیت ۔” وش نیوز ءَ مئے ھال ءَ کئے سہیگ کنت ؟ یلان گیرادارانت یک کلدارے ھم چَہ کسے ءَ پچ نہ گرایت ۔۔۔ “مات زینب ءَ گوں تکانسری ءَ دراہینت۔” من تئ چُک ءَ شری ءِ سرءَ زاناں ۔ ۔ ۔ بلے ورنائیں جنیں چُک ءَ بے ھلاج ءَ ملکموت ءِ دست ءَ دیگ ھم گناہ انت ۔ ۔ ۔ من وتی چُکانی پت ءَ گوش آں کہ یلانءَ سرپد بِہ کنت ۔ ۔ ۔ پدءَ وش نیوز ءِ اھوالکارے منی چُکانی پت ءِ سنگت انت ھم ۔ آ وت جار ءَ پرین ایت ۔ ۔ ۔ دنیا ءَ انسانیت )مردمگری( گار نہ انت “”ناں ناں زبیل چوش مہ کن ۔ ۔ ۔ مئے جنیں چُک ءَ سرجمیں دنیا ءَ وش نیوز ءِ سرءَ گندایت منی سانگبند مارا کلاگاں ھِرّو کن اَنت کہ مردین دنیا ءَ چَہ شُتگ نوں جن چُک ئِے آزات انت کہ ٹی وی ءِ سرءَ بیا انت ۔ ۔ ۔ “” پری گل ء مات ! کجام زمانگ ءَ تو زندگ ئے ؟ کدی تئ سانگبنداں ترا اتکگ دپ ئِے جُستے کُتگ کہ شما مُرتگ ئے یا زندگ ئے ؟پہ ھلاج ءَ کمک لوٹگ ایبے نہ انت اے ملک ءَ گریب وتی لاپ ءَ سیر بہ کنت یا وتی ھلاج ءَ بہ کنائین ایت ۔ ۔ ۔ تو پگر مہ کن منی ماھگل نیٹ ) دامگ ( ءِ سرءَ ھم اے جار ءَ پرینت ایت ءُ کمک دیوکیں مردماں گوں رابطہ )رھوت ( کنت ۔ ۔ ۔ “٭٭٭٭٭٭٭٭٭٭٭٭٭” امّاں ! پری گُل اے ھال ءَ رس اتگ ءُ تو چہ من ءَ چیر پرچَہ داتگ ۔۔ ۔ ۔ من مزنیں زھمے نہ جتگ ات بلے چَہ کارگس ءَ وام وَ زرتگ ات کہ گہار ءِ ھلاج ءَ کنائینت بہ کن آں ۔ ۔ ۔ ۔ “ھما انت کہ زیبل ءِ لوگ واجہ شاہ میر ءَ آئ ءَ گوں گپ جتگ ات آئ ءَ سرترگ ءَ گپتگ ات ۔” ماتی ! وش نیوز یا ھالتاک پری گُل ءِ اکس ءَ گرانتءُ شنگ کن انت ۔ ۔ ۔ منی نازاکیں گہار بید ءِ چَہ نادراہ جاہ ءَ نے ماہ ءَ دیستگ نئیکہ روچ ءَ پدءَ ھم کینگ داریں سیاداں آئ ءِ پاکیں دامن

ءِ سرءَ بُھتام جتگ ۔ ۔ ۔ من نہ لوٹ آں کہ دگہ کسے آئ ءِ سرءَ لنکگے چست بہ کنت ۔ ۔ ۔ تو پریشان مہ بو۔ ۔ ۔ من وتی کارگس ءِ مستر ءَ گوں گپ جن آں ۔ ۔ ۔ آ ھم بلوچے ءُ آئ ءَ پہ وتی ملکی بازیں سیادانی ھلاج ئیگی چَہ درملکی سیاداں کمک لوٹ اتگ ۔ من وڑے کن آں ۔ ۔ ۔ ۔ “٭٭٭٭٭٭٭٭٭٭٭٭٭٭٭٭٭٭٭٭پری گُل جناح ھسپتال ءِ ایمرجنسی ءَ یارگ بیتگ ات ۔ داکتر ءَ ٹیسٹ ءَ رند آئی سی یو ءَ دیم داتگ اَت ۔یلان ءِ دستی گوانکو ءِ سرءَ کارگس ءِ مسترءِ توار ات :” منی سیاد گوشگ ءَ انت کہ چَہ میڈیا ءِ توسط ءَ بانوکے ءِ پہ ھلاج ءَ کمکی جار پرینگ ءَ رند آھاں زرماھے بیت دیم داتگ انت ءُ رند ءَ مالومات)مالومداری ( کنگ ءَ پدر بیتگ کہ آ جنین ءَ زمانگے بیت کہ شومک ءِ نادراھی ءِ ھلاج بیتگ ءُ نوں زرنگ انت بلے نوں کمک ءِ نام ءَ چَہ راج ءَ زر کشگ لوٹ ایت ۔ ۔ ۔ ۔ بازیناں آ دروگ بند ءِ کمک کُتگ پمشکا تئ گہار ءِ ھلاج ئیگی آ تاں ھما وھد ءَ زر دیم دات نہ کن انت کہ تئ گہار ءِ شومک ءِ نادراہ ءِ سرجمیں ریپورٹ مَہ رس انت ءُ گہار ءِ نادراہجاہ ءِ اکس دست مَہ کپ ایت ۔ ۔ ۔ “یلان گوں بے تواری ءَ آئ ءِ گپاں گوش دارگ ءَ ات ءُ وتی ارساں ایر برگ ءِ گرانیں جُہد کنگ ءَ ات۔ دمانے ھاموشی ءَ رند آئ ءَ گن سارتے کش ات ءُ گوں مکینگیں توار ءَ دراہینت:” واجہ! داکترٹیسٹ کنگ ءَ انت ءُ ریپورٹ ھمایانی گورءَانت ۔ ۔ ۔ آھاں گگ ۔۔۔ گوشتگ ۔ ۔کک ۔۔ ۔ ۔ کہ اگں ۔ ۔ ۔ ۔ بیست ءُ چار ساھتانی تہ ءَ ھوش ءَ نَہ اتک گُڑا ۔ ۔۔ ۔ “یلان ءِ دست ءَ چِہ گوانکو کپتگ ات ءُ آئ ءَ دست سرءَ کُتگ گریوگ ءَ ات۔٭٭٭٭٭٭٭٭٭٭٭٭٭٭٭٭٭٭ھلاس



@Labzank
telegram.me/Labzank

*لوگ واجہ ءُ وسُّو ءِ بدگُمانی ءُ منی بزگی ءُ لاچاری*
*رجانک*
ما باز وھد ءَ تاں سئودی ءَ جاہ منند اِت ایں ھمے دور ءَ من ءَ دو مردیں چُک بوت وھد گوزان بوت ءُ ما واتر کُت آتک اِیں وتی گُلیں ڈیھ تُرکی ءَ منی کستریں چُک مزن بوت بلے من ھمد ءَ ھیران اِت آں منی کستریں چُک نہ منی رَنگ ءَ اَت ءُ نہ وتی پِت ءِ نہ زان آں چے ءَ ؟! من گُمان کت اے سئودی ءَ ودی بوتگ ءُ سئودی سکیں گرمیں ملکےبوت کنت اے پمشا سبز ءُ گندُمی رنگے ءُ چُش کہ ما اِنت مے وڑ ءَ سُھر ءُ اسپیت نہ اِنت وھد گوزان بوت منی لوگ واجہ گوش ئے چہ من وت ءَ را کنارا کَش کنان اَت ءُ چہ من روچ پہ روچ دور بہ وان اَت منی ھمساھگ ءُ سیاداں مدام من ءَ جست کت ترا چینکہ چُک ھست ؟من پسو دات دو گُشت اِش یکے و ایش اِنت دومی کج ءَ اِنت من گُشت کہ دوئیں ھمش اَنت ھمد ءَ گوازی ءَ اَنت مردم ھمے سرپد بوت اَنت اے دومی چُک زاناں منی نہ اِنت بَلے منہ دیم ءَ من ھِچ اِش نہ گُشت !!آ دومی چُک چَٹ چہ ما جتا اَنت پھک دگہ رنگے اَت من باااااز جیڑ اِت بلے من ءَ اے جست پسو نہ رس اِت ءُ من دلجم نہ بوت آں !!!!) منی لوگ واجہ ءَ باز رَند ءَ ارادہ کتگ کہ من ءَ بہ کوش ایت بلے زاناں منی روچاں ھست بوتگ ءُ من رَکّ اِتگ آں باز رَند ءَ کہ من شپ ءَ واب بوتگ آں لوگ واجہ ءَ لوٹ اِتگ منی زند ءَ ھلاس بہ کنت ءُ وت ءَ چہ من آجو بہ کنت بلے وار ئِے نہ رَستگ ءُ من بچّ اِتگ آں) من ھچ ءَ سرپد نہ بوتگ آں تاں گُڈ سر ءَ من ئِے ھال داتگ ءُ سرپد کتگ ( ھمے وڑ ءَ یک رندے منی لوگ واجہ سک دلگران ءُ پریشان اَت ءُ چہ لوگ ءَ درآتک ءُ شُت بزاں یک سنگتے گور ءَ شُت آ سنگت ءَ جست کت تو چے ءَ اِینکہ پریشان ئے ؟ھیرانے تئی پیشانی کِرچک اِنت ءُ تئی دیم تھار اِنت پرچا ؟؟!گُڑا منی لوگ واجہ ءَ پسو دنت ءُ گُوش اِیت من ءَ یکے جیڑھے ءَ بے وار کتگ ءُ من نہ زان آں چون بہ کن آں ؟!آ واجہ گوش اِیت من تئی ھرچ وڑیں کُمک ءَ تیار ءُ ساڑی آں تو بس اَمر ءُ ھکم بہ کن منی لوگ واجہ گوش اِیت من وتی لوگی سر ءَ گمان کن آں کہ آئی منی گومادگا کتگ) اے دور ءَ منی لوگ واجہ ءَ ھرچ گمانے ءِ کتگ ءُ منی کوشگ ءِ ناکامیں جھد چینکہ بَراں کتگ من ھچ ءَ سرپد نہ بوتگ اون ءُ رَند ءَ من ءَکہ ھال ئِے دات کہ منی دل تِرکگ ءَ آتک بلے پد ءَ من درگوز کت اوپار کُت پرچا کہ منی زندے ھمسپر ءُ ھمراہ اَت (من ءَ دگہ چُکے ھست کہ ھچ وڑ ءَ مے رنگ ءَ نہ اِنت من گمان کن آںاے دگرے ءِ چُک اِنت !!!آئی دوست ءُ سنگت ءَ گشت بوت کنت شمے دگہ کماش ءُ پیروکیے ءِ رنگ ءَ اِنت لوگ واجہ ءَ پسو دات نہ مے تہ ءَ اے رنگے ھچ وڑیں مردم نیست !آئی ھمبل ءُ دوزواہ ءَ پسو دات اے جیڑہ یک رنگے ءَ ھَل کنگ بیت تو چُش کن وتی اے چکے ءِ ڈی اِن اے ءِ ٹسٹ ءَ بہ کن زانگ بیت شمے چُک اِنت یا دگرے ئِےھیر منی لوگ واجہ رازی بوت ءُ منی ءُ وتی ءُ چُک ءِ ڈی اِن اے ءِ ٹسٹ کنگ بوت ما رپورٹے ودار کت تاں ٹسٹ ءِ رپورٹ آتک ڈاکٹر ءَ مارا گشت کہ اے شمے دوئینانی چُک نہ اِنت!!!!ما ھیران ءُ ھبکہ بوت اِیں ؟اے چوں اے رنگ ءَ چوں بوت کنت ما گشت کہ شمے نادراہ جاھے مشین ھراب اَنت ما دگہ نادراہ جاھے شوت اِیں پد ءَ دومی رَند ءَ ڈی اِن اے ءِ ٹسٹ کنگ بوت اَنت ءُ ڈاکٹر ءَ مارا ھما رنگ ءَ پسو دات کہ ساری ئیں ڈاکٹر ءَ داتگ اَت نوں ما سرپد بوت اِیں کہ مے چُک بدل بوتگ !!!ما اے وھد ءَ ترکی ءَ اِت ایں ھیر ما سئودی ءِ روگ ءِ چِن ءُ لانچ کُت ءُما شُت اِیں سئودی ءَ ءُ ھما نادراہ جاہ ءَ کہ مے اے چُک ودی بوتگ اَت ما پٹ ءُ پول کنگ بِنا کت ھمے روچ ءَ کہ مے چک ودی بوتگ اَت اے روچے درستیں چکاں ریکارڈ چاران کت اَنت نادراہ جاھے سروک ءَ مارا باز کُمک کت !! تاں ھما مردے لوگ ءَشوت ءُ سر بوت اِیں ما وتی چُک ھنچش دیست ما پجاہ آورت اے وھد ءَ دوئیں چک مے ءُ آھانی کساس یازدہ سال ءِ اُمر بوتگ اِت اَنت ما نہ زانت ایشاں کجام وڑ ءَ جتا بہ کن اِین ءُ وتی چُک ءَ گوں وت بہ بَر اِین ءُ آھانی چُک ءَ آھاں بِہ دے ایں ما تاں باز وھد ءَ گوں وتی چُک ءَ نزیکی کت ءُ ھماھانی دوار ءَ جاہ منند بوت اِیں آھرکار ما سوبیں بوتین اِیں
اللہ ءِ رسول)صلی اللہ علیہ وسلم( گوش ایت بدگمانی مہ کن اِت ءُ مدام وشیں گمان بہ کن اِت ءُ بہ دار اِت اللہ پاک مارا ءُ شُمارا چہ بَد گمانی ءَ بہ پھریزات !اے کسہ چہ اَربی اھبارے ءَ رجانک کنگ بوتگ



@Labzank
telegram.me/Labzank