Besam:
💐💐💐💐💐💐💐💐💐💐💐

‌انسان باش ...
ﭼﻪ ﻓﺮقی ﻣﯽ ﮐﻨﺪ
ﺭﻣﻀﺎﻥ ﺑﺎﺷﺪ و ﯾﺎ شعبان
تير باشد و يا آبان
دسامبر باشد و يا ژوئن؟!!
ﻫﺮ ﺭﻭﺯی ﮐﻪ دستی ﺭﺍ ﮔرفتی
دلی ﺭﺍ ﺑﺪﺳﺖ ﺁﻭﺭﺩﯼ
ﺍشکی ﺭﺍ ﭘﺎﮎ ﮐﺮﺩﯼ
ﺍﻧﺴﺎنی !🌹



انسان بـہ بئـــــے.....
پَرک نه کنت
رمزان به بیت یا شابان
تیر به بیت یا آبان
دسامبر به بیت یا ژوئن؟!!!
هما روچ ءَ که نیزگار دست گپت
گریبی دل وتی کُت
ارس ءِ پهک کُت
گـڑا انسـانے ئے.

رجانکار: کادربکش کلمتی


Besam:
@Labzank
telegram.me/Labzank

Besam:
بتل

☀️ پُـرشتگیں باسک نئیت دو بر بنـدءَ

☀️ په دپءِ وش آتکءَ جَـن کسـی یار نه بیـت

☀️ پادءِ پکیر لنگ نه انـت
مُلک هُـدا تنگ نه انـت

☀️ پیر مرداں مـن کپتگ آں جـوگـی
مـن دلبریں ورنایـے نه باں نوکـی

☀️ په مُورءَ شپءِ نمـب توپانے

☀️ په کوریں چمّءَ پِٹّے ارس باز انت

@Labzank
telegram.me/Labzank

<"قــادو مکرانی" > اصل نام قادربخش رند عرف قـادو مکرانی بوتگ. 1839 ء انگزیر وھدے بلوچستان ء سرا ارش کنت بلوچستان ء ھالات نگیگ بنت گڈا قادو مکرانی گوں وتئی ھاندان ء لڈیت ء روت انڈیا ء ریاست گجرات ء کارتیاوار میتگ ء جاہ منند بیت. کارتیاوار ء نواب ء آئی ء زلورت بیت چیاکہ اودا دز و ڈنگ سک باز بیت کہ چاگردء مردماں جنت ء پل انت ء آھاں تکلیف دینت. قادو مکرانی دز و ڈنگاں جنت ء پروشیت ء کمزور کنت اے بابت ء کاتیاوار ء نواب قادو مکرانی ء ھمایت ء کنت. قادو مکرانی برطانیہ سامراج ء نوآبادیانی ء ھلاپ ء جنگ کنت. یک روچے سوشل ورکر پہ مردم شماری ء واست ء قادو مکرانی ء میتگ ء کاینت تاکہ ووٹنگ ء واست ء مردمانی ناماں نبشتہ بکن انت. قادو مکرانی ایشاں جنت ء پروشیت ء ایشانی سازو ساماناں پچ گیپت. گڈا برطانیہ سامراج ء نیمگ ء یک اشتہاری مجرمے قرار دیگ بیت. برطانیہ سامراج کاتیاوار میتگ ء مردماں تنگ کنت کہ قادو مکرانی گرفتار بکن انت ء من ء بدی ات. حکومت برطانیہ اعلان کنت کہ ھرکس قادو مکرانی ء زندگ یامردگ ء منی دست ءبدانت آئی ء لک کلدار ء 81 ایکڑ زمین انعام دیگ بیت قادو مکرانی برطانیہ سامراج ء ھلاپ ء گوریلا جنگ کنت. انڈیا ء ھرچ مردمے کہ برطانیہ فوج ء مخبری ء کنت قادو مکرانی آھاں پونز و گوش کنت بزاں مخبراں نہ کشیت بلکن آھانی پونز و گوشاں بریت ء یلہ دنت. دو انگریز مصنف پالو سنتونی ء فلپ سائیکس وتئی کتاب A History of plastic surgery ء تہا نبشتہ کن انت کہ ڈاکٹر جانسن وتئی کریئر ء تہا 300 مردم ء پونزانی پلاسٹک سرجری ء کنت. بزاں قادو مکرانی بازیں مخبرے پونز و گوش کنت. ھما مردم کہ پونز و گوش کنگ بوتگ انت آھانی کس ء آزیز قادو مکرانی ڈاکو ء گنڈائے قرار دینت بلے جوناگڑھ ء مردم وتئی شعر و نبشتانک یا گیدی کسھانی تہا قادو مکرانی ء اوساپ و تاریپ ء کنت. 1960 ء انڈیا ء چترا تامر کمپنی قادو مکرانی ء نام ء یک گجراتی تامرے جوڑ کنت ء آ تامر ء نام ء قادو مکرانی ایر کنت بزاں اے تامر ء قادو مکرانی ء نام ء ندرکنت. 1966 ء پاکستان فلمز انڈسٹری قادو مکرانی ء نام ء یک تامرے جوڑ کنت ء ایشی ء نام ء "جاگ اٹھا انسان" ایر کنت ء اے تامر ء تہا قادو مکرانی ء مرکزی کردار ادا کار محمد علی ادا کنت. انڈیا ء چیز طبقے مردم گش انت کہ قادو مکرانی گنڈائے بوتگ کہ آئی ء تاجر و مالدار پلیتگ انت ء آھانی مال گریبانی سرا بہر کتگ انت. بلے گجرات ء جونا گڑھ ء مردم گش انت کہ آ یاگی بوتگ ء برطانیہ سامراج ء ھلاپ ء جنگ کتگے. انگریز کیپٹن مسٹر جانسن گشیت کہ یک روچے من ء وتئی کرنل اسکاٹ ء لوگ ء بانک گوں بوتگ ء آپس گاڑی ء سوار بوتگ انت جنگل ء راہ ء سفر ء بوتگ انت کہ اچانک قادو مکرانی منی راہ ء مانتریتگ من ء جست کتگے اے چیاں ترا گون انت ء تو کجا روگائے من جواب داتگ اے کرنل اسکاٹ ء لوگ ء بانک انت من ایشی ء لوگ ء سرکناں. قادو مکرانی جواب داتگ اگاں ترا اے زالبول ھمراہ مہ بوتیں گڈا تئی زندگی ء آخری روچ بوتگ انت بلے ما بلوچ زالبولانی اھترام ء ھمے زالبول ء برکت من ترا بکشیتگ بلے کرنل اسکاٹ ء منی کلہ و پیگاماں بدۓ بگش تو منی لوگ، منی ڈگار منی پورھیں ھاندان تباہ و برباد کتگ منی دپ ء بکپے ترا من نیست و نابود کناں برطانیہ حکومت کارتیاوار ء دمگ ء مردماں سک تنگ کنت گڈا اودے مردم قادو مکرانی ء سلاہ و مشورہ دینت کہ کمے وھد ء تو برو مکران ء وت ء روپوش بکن تاکہ ادے ھالات و جاور سازگار بہ بنت. گڈا قادو مکرانی روت احمد آباد ء ریل گاڑی ء سوار بیت 1887 ء آ کیت کراچی لیاری ء یک ساربانی ء گشیت کہ من ء کرایہ ء سرا مکران ء سرکن. ساربان کہ قادو مکرانی ء گندیت آئی ء دل ء تہا سرکار ء انعامانی لالچ پیداک بیت. ساربان قادو مکرانی ء گشیت شپ ء بے وھد ء یک ٹیمبے بغدادی پولیس اسٹیسن ء پشتی نیمگ ء بیا من ء تو دیم پہ مکران ء سفر کنیں ھمے وھد ء ساربان دو سپاھیگ ھم لوٹئینیت. قادو مکرانی گندیت کہ ساربان ء ھمراھی ء دو سپاھیگ ھم گوں گڈا وتئی زھم ء کشیت دوئیں سپاھیگاں گوں ساربان ء ھوار کشیت ء وت تچیت. کالاکوٹ ء تنگیں دمکاں روگ بیت کہ تہاری ء ماڑی ء برزی نیمگ یک مردمے بلاھیں سنگے دور دنت قادو مکرانی ء سرا لگیت آ بے ھوش بیت ء کپیت سپاھیگ کاینت دزگیر کننتیں. کراچی ء سنٹرل جیل ء بندکنگ بیت 1887 ء آئی ء پاھو دینت ء لاش کلاکوٹ ء کماش درا خان ء دست ء کپیت. ملا گلام نامیں مردے آئی ء کپن ءُدپن کنت ءُ لیاری میوا شاہ کبرستان ءَ کل کنگ بیت.
اے چہ واٹساپءَ کاپی کنگ بیتگ کہ نبشتکارءِ نام نیست کہ کَیا نبشتہ کُتگ


Besam:
@Labzank
telegram.me/Labzank

رجـانـک : ادَبــی هَـکـیـم
مـاں رَمَـزان ءِ مـبـارَکـیـں مـاه ءَ سَـے وَهـد هَـسـت اَنـت کـہ اِے وهـداں بـاز نَـپ ءُ سـوُت مـان اَنـت بـچـار اِت کـہ اِے سَـے وَهـد چـہ شـمـئـے دَسـت ءَ مـہ رَواَنـت :
یَـک وَهـدے بـیـگـاه ءَ دَپـبـوج ءِ وَهـد اِنـت جُـهـد بـہ کـَـن اِت دَپـبـوج ءِ وَراکـاں مـاهَـلّـہ تـیـار بـہ کـن اِت کـہ دُوا لـوٹـگ ءِ وَهـد چـہ شـمـئـے دَسـت ءَ مـہ رَوت پَـرچـے کـہ اِے وَهـد ءِ دُوا هـاوَنـد ءِ گـُـوَرا مَـنّـگ بَـنـت وَرَگ ءَ پـیـش پـہ وَت دُوا بـہ لـوٹ اِت ، پـہ وَتـی دوسـت ءُ آزیـزاں دُوا بـہ لـوٹ اِت ، پـہ وَتـی مُـردَگـاں دُوا بـہ لـوٹ اِت ءُ مُـردَگـاں مـہ شَـمُـوش اِت آیـان ءَ شـمـئـے دُوا اَزکـاراَنـت.
دومـی وَهـد شَـپ ءِ آسَـراِنـت اِے وَهـد ءَ اِیـوَک گـوں وَتـی هـاوَنـد ءَ بـہ نِـنـد اِت ءُ گـَـپ بـہ کـَـن هـاوَنـد گـُـوَش ایـت اِے وَهـد ءَ پـہ وَت ءُ پـہ دگِـے دُوا بـہ لـوٹ اِت مـن شُــمـارا ءُ دِگِـر ءَ دے آں ، پـہ وَت ءُ دگـے چـہ مـن پَـهِـلّـی بـہ لـوٹ مـن شُـمـارا ءُ دگِـرءَ پَـهِـلّ کـن آں.
سَـیـمـی وَهـد سُـهـب ءِ نُـمـاز ءَ رَنـد مُـسـلّـہ ءِ سـرءَ بـہ نِـنـد اِت تـاں کـہ روچ ٹـکّ بـہ کـَـنـت اِے وَهـد ءِ نِـنـدَگ ءَ یَـکّ هَـجّـے ءُ یَـک اُمــرَهـے ءِ سَـواب هَـسـت اَنـت.
رَمَـزان ءِ هَـمُـک وَهـد هـاوَنـد ءِ اِبـادَت کـنَـگ ءِ وَهـد اَنـت بـلـے اِے وَهـد پـہ نـیـکـتـریـنـاں گِـچـیـن کـنَـگ بـوُتـگ اَنـت.
مـاں اِے وَهـد ءِ دُوایـاں مـن ءَ هَـم مـہ شَـمـوش اِت ءُ اِے نـبـشـتـانـک ءَ گـوں آدگـے مُـسـلـمـانـاں بَـهـر بـہ کـَـن اِت.

Besam:
@Labzank
telegram.me/Labzank

سَباہ دشتیاری
وسعت اللہ خان .. بی بی سی اردو
رجانک.... مجید عاجز

مِرگ ءَ وا کُلّ مِر اَنت . بَلئے لہتیں مردم چہ گمان ءَ گیش زندگ بنت. سباہ دشتیاری ہوں دیر ءَ مُرت.. آ ہر کس ءَ جت پہ اشتاپی نہ جت ئِے ... کشندہ ءَ آئی ءَ را شر بووگ ءِ باز موہ دات . بَلئے چوکہ سباہ دشتیاری گرم سریں مردمے اَت . چہ اگل ءَ گیش دل ئِے کار بست . پمشکہ آئی ءَ دیم ءِ گپ نہ پہم اِت . کہ آ اے داتگیں موہ ءَ چہ نپ بزوریت .. کشکانی (دائرے) تہا گْوازی بکنت.. بلوچانی حقانی ھاترا چہ زبان ءَ آس شانگ ءِ تماشا ءَ بند بکنت.. دانشکدگ آزاد ھیالی ءِ الّم ءَ ردوم جاہ اَنت ... بَلئے اے یک روایرنشتی لیکہے...ادا چو نہ بیت .. ادا آزاد ھیالی ءُ شرک ءِ میان ءَ مودی ٹالے ءِ تپاوت ہست . اگاں ترا اے واہگ سرجم کنگی اِنت .. گڑا ہنچیں جاہے برو کہ اودا چاگرد ءُ ریاست ءِ تہا ہر وڑیں گپ اوپار کنگ ءِ سگّ ءُ ھاٹی بہ بیت .. یک بندوکیں لیکہی سر زمینے ءَ اے وڑیں سر گنوگی ہچ اوپار کنگ نہ بیت .. دانشکدگ ءَ وتی مکتبیاں بس ہما کتاباں بوانین .. کہ ریاست ءَ اجازت داتگنت .. دانشکدگ الّم ءَ آزاد ھیالی ءِ ردوم جاہ اَنت . بَلئے اے یک روایرنشتی لیکہے .ادا چو نہ بیت . ادا آزاد ھیالی ءُ شرک ءِ میان ءَ بس مودی ٹالے ءِ تپاوت ہست . پمشکہ اگاں ترا اے واہگ سرجم کنگی اِنت . گڑا دگہ جاہے برو ..ہمودا کہ چاگرد ءُ ریاست ءِ تہا ہر وڑیں گپ اوپارکنگ ءِ سگّ ءُ ھاٹی بہ بیت .. سباہ دشتیاری کشندہ ءَ اے موہ ھوں دات . کہ سرکاری نوکری ءِ دستور ءُ رہبندانی ھیالداری ءَ بکن .. وتی گس منندی بنیفٹس , دیمروی ءُ پنشن ءِ ھیال ءَ بدار . اگاں حق بازی ءِ گْوازی ءَ دَور کنگ ءِ اینچو واہگدارئے . گڑا دانشکدگ ءِ سرا بہ کپ . پدا ہرچی دپ ءَ در کئیت گُشگ ءِ آساپ ءَ دَور کن .. واجہ سباہ دشتیاری تو الّمی ءَ بلوچی لبزانک , راجدپتر ءُ زانش (فلسفہ) را پجّار کناہینگ ءُ آئی ءَ را گوں بیست ءُ یکمی کرن ءَ ہمگام کناہینگ ءِ ھاترا زانشتی کردے ادا کتہ .. ما اشی ءِ قدر ءَ کنیں . ءُ اے بنگپانی سرا تئی بیست ءُ چار کتاب ءَ چہ گیش ہمے ریاست ءَ چھاپ بوتگنت. ہمیشی ءَ کہ تو وتی راج ءِ ارمان ءُ حقانی کُشندہ گش ئے ..اے ہوں پما وشی ءِ گپّے کہ تو بلوچی لبزانک , راجدپتر ءُ دودمان ءِ ہر زبانے ءِ تہا بوتگیں کار یک ءُ نیم لَک کتاب سید ظہور ہاشمی ریفرنس کتابجاہ ءِ دْروشم ءَ نزّارتگ ءُ دیم ءَ آؤرتگنت. کہ دنیا ءِ تہا اے گونگیں اولی کتابجاہ اِنت . اگاں تو منتگیں زند ہمشی ءِ دلگوش ءَ بگْوازینتیں . اے کم ارزشیں ھذمتے نہ بوتگ اَت . واجہ سباہ تو اینچکیں مزنیں مردمے اَتئے .. ترا وتی مزنی ھیال گْور بوتیں . چشیں مزنیں مردم ءَ زیب دنت کہ آگوں وتی مکتبیاں کنٹین ءَ بنندیت ءُ وشگپّی بہ کنت .. راجکاری شد ہرجاپاں ہوار بہ بیت . جلسہاں گشانک بدنت . روانکاں گوں بہ بیت .. لس مردمانی وڑا واہو بہ جنت . واجہ دشتیاری الّم ءَ تو بلوچی لبزانک راجدپتر ءُ زانش را پجّار کناہینگ ءُ آئی ءَ گوں بیست ءُ یکمی کرن ءِ گاماں ہمگام کناہینگ ءِ ھاترا زانشتی کردے ادا کتہ .. ما اشی ءِ قدر ءَ کنیں . بَلئے تئی اے گونگیں بنگپانی سرا بیست ءُ چار کتاب ءَ گیش ہمے ریاست ءَ چھاپ بوتگنت . ہمیشی ءَ کہ تو وتی راج ءِ ارمان ءُ حقانی کُشندہ گش ئے . زاناں ہر گپ گُشگ ءِ ھاترا انت . زاناں ہر گپ جنگی انت .تو گشتگ اَت . راست گشگ ءُ راستی ءِ دیمپان بووگ واک لوٹیت .. زاناں ہر راست گشگ ءِ ھاترا انت . اے چشیں جوانیں ھیلے بوتیں گڑا تئی ہمکاریں استاد ءُ سنگت پرچا اے ھیل ءَ نہ زور اَنت .. زاناں اے آ اے چیزاں نہ گند اَنت . کہ تو دیستگ اِتنت .واجہ سباہ تو وا راجدپتر آپ کتگ ءُ نوشتگ اَت . زاناں تو نزانتگ اَت کہ یونیاں گوں سقراط ءَ چے کتگت .. نازیاں چہ وتی لیکہ ءَ تپاوت داروکیں دانشور چوں بیگْواہ کتگ اِتنت .چینی ءُ روسی کمیوٹسٹاں گوں وتگڑیں لبرل استاداں چے کتگت .. امریکہ ءَ میکارتھی ازم ءِ زمانگ ءَ دور چاریں پگر کنوک کجا کجا چیر ٹپّگ ءَ لاچار بوتگ اِتنت . اشاں بل اے وا باز دُوریں دروراں . بوت کنت پہ تو درامد بہ بنت .بَلئے تو اے ہوں شمشتگ اَت .کہ بیست ءُ پنچ مارچ نوزدہ سد ءُ ہپتاد ءُ یک ءَ وہدے آپریشن سرچ لائٹ بندات بوتگ اَت . گڑا کُلّاں پیسر ڈھاکہ دانشکدگ ءِ وتگڑیں ملک دشمن استاد تیرانی آماچ کنگ بوتگ اِتاں . ھیف کہ تو ڈھاکہ ءِ کْوہن کدگ ءَ تنیگہ گوں ھوناں مینتگیں جُلّ بہ شتیں بچارتیں . کہ آئی ءِ سرا سما ءُ زانش ءِ جون دور دیگ بوتگ اِتاں . تو پرے گپ ءَ مارا تاں دیر ءَ ریپینت کت نہ کتگ اَت . کہ ما وا بس وانش ءُ زاشی مردمیں . مارا گوں سِلاہ بندیں جہد کنوک ءُ تپنگ چست کنوکاں چے کار . تو چراہاں گیشتر بیمّناک ئے .. تئی وڑیں مردم لس مہلوک ءِ دماغاںَ سلابند کننت . مار ءِ کشگ ءِ ھاترا آئی ءِ سرا شیرچیننت .. ہمے وڑا راجانی کُشگ ءِ ھاترا آیانی دماغ جوڑ بووکیں مردمانی کوش ہژدری انت . دماغ ہلاس . پگر ہلاس . مردم ہلاس . جیڑہ ہلاس . واجہ دشتیاری

ارمان کہ تو اے گپ بزانتیں .. اے راستے کہ تو مزنیں دانشور ءُ استاد اَتئے .. بَلئے بگندئے تئی تہا کامن سنس ءِ کمی اَت .. بَلئے اے تہنا تئی جیڑہ نہ انت .. ہر مزنیں مردم ءِ تہا کامن سنس ءِ کمی بیت . ءُ آ اشی ءِ کمی ءِ سوب ءَ زمینی جاوراں چارگ ءُ گپ جنگ ءِ بودشت ءُ مصلحت ءِ بزانت ءَ چہ نا شناس بنت .. واجہ سباہ تئی کوش ءَ ما ہوں دردیگیں .. بَلئے اے درد چہ تئی زندگ بووگ ءِ درد ءَ کمتریں .. ہر وڑا وتی مرگ ءَ مئے لاچاری بزان ءُ مارا پَہِلّ بکن .....


Besam:
@Labzank
telegram.me/Labzank

🌙رَمــزان شـــریـپءِ مــاہ🌙
مسلمـانـاں شیـوّار بـہ بئـے اِت کـہ:
🌙رَمـزان شـریــپ ءِ مبـارکیـں مـاہ آتکـگ.
🌙بنــدگــی ءُ اِبـادت ءِ مـاہ انت. 🌙کُــران شـریـپ ءِ مـاہ انت. 🌙رَھمـت ءُ بـرکـت ءِ مــاہ انت.

🌙تـوبـہ ءُ بَکشـگ ءِ مـاہ انت.
🌙اِزّت ءُ کـامیـابـی ءِ مــاہ انت.
🌙پـاکـی ءُ پـارسـائـی ءِ مـاہ انت. 🌙دُوا ءِ مُستـجاب ءُ کبـولی ءِ مـاہ انت.
🌙نمـاز ءُ روچگ ءِِ مــاہ انت.
🌙ھمـدردی ءُ نیکـی ءِ مــاہ انت. 🌙سَبــر ءُ اوپــار ءِ مــاہ انت. 🌙زکـر ءُ نَپـلانــی مـاہ انت. 🌙چہ جھنـم ءِ آچـش ءَ رَکـّگ ءِ مـاہ انت. منـی ھمبـل ءُ دوزواھاں اللّہ ءِ بـارگـاہ ءَ دستـاں چِسـت بـہ کـن اِت دُوا بہ لـوٹ اِت کـہ اللّہ پـاک اِے مبـارکیـں مـاہ ءَ مئـیگ ءُ شمئـے نسیـب ءَ بکنـت،
شمئـے نیکیـں دواھانـی واز مند آں.
🌴 *کــورُشــیں گــال* 🌴
لبزانکی مجلس کلمتی کاروان.

شابو:
🌴🌴مھمدبلوچ🌴🌴
یکے اِش جست کت کہ تو پہ چے روچگ نہ دار ئے ؟
گوشت ئے مں دراھیں سال ءِ ماھاں روچگ آں ءُ شما جست نہ کن اِت کہ پہ چے روچگ ئے ؟
اے یکیں ماھ ءَ کہ شما روچگ اِت پہ چے من ءَ جست کن اِت کہ پہ چے روچگ نہ ئے ؟

Besam:
@Labzank
telegram.me/Labzank

است انت شھادت رند استادءَ کندیل نام داتگ اش کہ آیانی گوں استادءَ وتی نمیرانیں مھرءَ پدر کنت.
سیمی درد ھما درد ات کہ بازیں مھلوکءَ اے درد ءِ درد ءِ نام گرگءَ زمستانی تپ گِپت.
اے درد بلوچستان ءِ درد ات بلوچستان ءِ مھلوکءِ بدھالی ءِ درد ات بلوچستان ءِ لُٹ ءُ پُلءِ درد ات
بلوچستان ءِ مڈیانی بانگ ءُ بھر ءُ رُپت ءُ روپءِ درد ات
بلوچستان ءِ بچانی بیگواھی ءُ ٹپ ٹپ زدگ زدگ ءُ دلبند جگرانی گوں تیراں سُمبگءِ درد ات.
بلوچ رھشون بلوچ ورنا بلوچ نودر برانی کُشت ءُ کوشءِ درد ات بلوچستان ءِ بندیگیءِ درد ات.
اے ھما درد ات انت کہ پہ نمیرانیں سباءَ سگگ بیتگ ات انت ءُ ناں چم بند کُت کنگ بیتگ ات.
پمیشکہ اے ملنگ ءُ دیوانگءُ .شَیداءَ اے درد ھم وتی درد لیک ات
استاد سک پدردیگ کہ منی نونھالیں نودربر ءُ نوک بروتیں ورنا بیگواہ کنگ ءُ کُشگ بئیگءَ انت من چوں ایمنی نِشت کناں.
انچو کہ شھسسائیں سیدءَ گوشتگ ات کہ
وش نئیتکانی ردیں کار اَنت کہ سروں رھن اِنت انگت
داں نہ موکانی میاری چوٹواں رنداں چتور.
استادءَ ھم وتی سرین بست سرکارءِ اے امل ءُ کارے ھلاپءَ وتی کلم وتی سِلاہ کُت چہ وتی نبشتانک ءُ گُشتانکاں آس روک کُت ھمک جلسہ ھمک ریلی ھمک شھیدءِ جنازہ ءَ استاد ساڑی ات.
اے کار پہ سرکار ءَ نا وشیں کارے ات پمیشکہ سرکار نمیرانیں استاد شھید کُت.
ءُ استاد یکشیگیں واستہ نمیران بیت ءُ بلوچانی تھاریں دِلاں چو کندیلءَ روک اِنت ءُ رھشونی کنگ اِنت.
سنگتاں شمے باز وھد نزیراں بلے اِداں یک دو گپ المّءَ گیشگیوار کنگی اِنت کہ سنگت ھاس من لائبریری ءِ سنگتاں گوشگ لوٹاں کہ استادءِ جھد ءُ ھزمتءَ یک پہناتیءَ مہ چار ات اے گوں استاد ءُ لائبریری ءَ نا اِنساپیءِ بیت. ءُ
منءَ اے گپ ھم بژن بیت کہ بازیں سنگتے گوش اِیت کہ استادءِ لبزانکی کار لائبریری ءِ کار وت بلاھیں کار اتاں استاد پرچا جزباتی بیت سیاست ءِ آس گواریں راہ شُت ءُ وتءَ شھید کنائنت.
من اِشیءِ جوابءَ اے گوشاں کہ سبا بلوچ بلوچی ءُ بلوچستان ءِ دیوانگ ءُ آشکے بیتگ دیوانگانی گورا زندگی ءِ کَچ کئیل دگہ بنت.
شھسائیں سیدءَ پہ ھمشاں گوشتگ کہ
سُچے شر بِسُچ پُر بہ بئے کہ سرسُچگ بے ننگی ئے.
مئے چاگردءَ کامیابی ھمشیءَ گوش انت کہ شریں لوگے بہ بیت چار شش چُک بہ بنت گاڑی ئے بہ بیت بینکءَ زر بہ بیت وشیں زندے بگوازین ایت ھما کامیاب اِنت.
استادءِ منزل ھمے کامیابی نہ بیتگ.
استادءِ منزل نمیرانی بیتگ ءُ نمیران آشک ءُ دیوانگ بنت
گوں شئرءَ وتی گپاں گونڈ گراں
واب گِنداں کہ باں اُبینگ
بس تئی ھیال ءُ تئی شُبینگ
منتوار
اکبال ھاشمی

🌺🌺🌺🌺
سه وشّیں کسّہ سه سِکنی

☘☘☘یک میتگی مردم ءَ ارادہ کُت کہ ھَور نماز بواناں دُراھیں مردم یک جاھے مُچ بیتاں تہنا یک گونڈوے پہ وت ءَ چترے کارایـت ءُ بس
👈اشی ءَ گُش انت ایمان...
☘☘☘☘☘☘☘☘☘☘☘☘

2⃣ یک سالی چُکّ ءَ بچار اِت
وھدے کہ شما آھی ءَ بُرزا روان دے اِت آ کَنداِیت پرچا کہ زانت شما آھی ءَ زمین ءَ کپگ ءَ نیل اِت ءُ گِراِت
👈اشی ءَ گُش انـت بروسہ...
☘☘☘☘☘☘☘☘☘☘☘

3⃣ هر شپ ما وتئی بِسترانی سرا پہ وپسگ ءَ رویں بلے نزانـیں کہ سُہب ءَ چہ واب ءَ پاد کایں یا انّاں بلے ھر شپ وتی گڑیال ءَ ٹیم سرا ایر کنیں کہ باندا سُہب مارا چہ واب ءَ پاد بہ کنت

👈 اشی ءَ گُش اُمیت...

✅پہ شما "ایمان ، بروسہ ءُ اُمیت چہ پاکیں ھاوند ءَ" واھگ داراں ...


Besam:
@Labzank
telegram.me/Labzank

#حسین_پناهی
رجانک ـ ریئسی
------------------------
من روچگ آں !!!
سجّهیں سال ءَ روچگ آں .
بلے دپ ءُ لاپ ءِ بدل ءَ منی سسا روچگ اِنت .
منی سسا ءَ اے هکّ نیست اِنت کہ مردمے ءِ بے ازّتے ءَ بہ کنت .
منی سسا ءَ اے هکّ نیست اِنت کہ مردمے ءَ زاه ءُ بد بہ گوش ایت .
منی سسا ءَ هکّ نیست اِنت مردمے ءِ مال ءُ مڈّی ءِ باره ءَ سسا بہ کنت .
منی سسا ءَ هکّ نیست اِنت یکّے ءِ زندگی ءَ تباه ءُ ویران بہ کنت .
منی سسا ءَ بائد نہ انت یکّے ءَ بهتام بہ جنت .
منی سسا ءَ بائد نہ انت یکّے ءِ سر ءَ زبردستی بہ کنت .
منی سسا ء بائد نہ انت یکّے ءِ دل ءَ بہ پروش ایت .
منی سسا ءَ بائد نہ انت دروگ بہ بُرّ ایت .
منی سسا ءَ بائد نہ انت چورواں چار ءُ وار مہ کنت .
منی سسا ءَ بائد نہ انت گوں مردماں زورانسری بہ کنت .
منی سسا ءِ بائد نہ انت وهدے کہ کم دستے ءَ گند ایت آئی ءِ نیمگ ءَ دلگوش مہ دار ایت ءُ آئی ءَ سرگوز بہ کنت .
منی سسا ...
جی هو من روچگ آں ،
بلے بس اچ ورد ءُ وراک ء روچگ نیاں ،
بلکیں پہ انسان بیگ ءَ روچگ آں ،
روچگ آں دانکہ گوں بهادری وتی زند ءَ بہ گوازین آں ،
روچگ بیاں داں مکیمی بہ بیاں .
جی هو من سجهیں سال ءَ روچگ آں .
سجهیں ساهتاں روچگ آں .
ءُ سجهیں دماناں روچگ آں .
رجانک : رئیسی
🌴 کــورُشــیں گــال 🌴

Besam:
Besam:
@Labzank
telegram.me/Labzank

بلوچی زبان:
"آه ه ه... صبا دشتیاری
جی تئی پِگرءِ بور تِلاه سنجیں.
مارا تئی اِشتاپی روْگ رنجیں.
تو بکش اِت انت راجءَ را هیال گنجیں.
تئی اکسءَ ما چمّانی تہا درنْجیں.
تو کُت انت رُژنا شپ تہار لُنجیں.
تو نمیرانءِ داں جہان مانیت.
گُلگُلیں ارساں دیدگاں شانیت.
تئی نُگرهیں دزنکشاں مدام وانیت.
جُهد تئی مان انت مْں همُک باری.
گوں ترا امروزءَ نہ کُت یاری.
تو "صبا" تالانِ چو بوهءُ آتاری.
مں همُک کرنءَ حُرف دشتیاری.
"شاهنور کلمتی"

Besam:
@Labzank
telegram.me/Labzank

بلوچی زبان:
شَـهـیـد سَـبـا دَشـتـیـاری ءِ نـام ءَ یَـک سَـرپَـچـیـں نَـمـدی یـے .
شَـهـیـد نَـمـیـران اَنـت ءُ مـن جَـزم آں کـہ تـو هَـم نَـمـیـران ئـے ، پـہ وَتـی مُـردَگـیـں راج ءِ زِنـدَگ کـنَـگ ءِ هـاتِـرءَ تـو وَتـی وَس کـُـرت ، تـو جُـهـد کـُـرت کـہ وَتـیِ مُـردَگـیـں راج ءَ پـدا زِنـدَگ بـہ کـن ئـے ، وَتـی راج ءِ زنـدَگـی ءِ هَـکّ ءَ چـہ زوراکـاں پَـچ بـہ گِـرئـے ، وَتـی راج ءِ بـانـدات ءَ یَـک اِزّت ءُ شـرَپ ءِ زِنـدمـانـے بـہ گِـنـد ئـے ، وَتـی راج ءِ زنـدمـان ءَ سِـیـر ءُ آبـات بـہ گِـنـدئـے ، زوراک ءَ تـئـی رَهـشـونـی دوسـت نـہ بـوُت آ تـئـی رَهـشـونـی ءَ پـہ وَت یَـک تُـرسـنـاکـیـں مَـرگـے گِـنـدَگءَاَت ، زوراک تـئـی رَهـشـونـی ءَ پـہ وَت یَـک واری یـے گِـنـدَگءَاَت ، پَـمـش ءَ زوراک ءَ تـرا رَهـشـونـی راه ءَ چـسـت کـُـرت تـاں کـہ مـئـے راج ءِ چَـمّ مُـدام بَـنـد بـہ بَـنـت آ مُـدام مـئـے راج ءِ سـرءَ زوراکـی بـہ کـَـنـت ءُ مُـدام چـہ مـئـے مُـلـک ءِ گـَـنـجـاں نَـپ ءُ سـوُت چـسـت بـہ کـَـنـت ، مـئـے راج ءِ زوراک ءُ سَـردار ءُ نَـوابـاں تـئـی رَهـشـونـی ءَ پـہ وَت یَـک دُژمِـنـی یـے زانـت ، مـئـے راج ءَ تـرا پـہ وَت یَـک رَکـّـیـنـوکـے ءِ چَـمّ ءَ نَـچـاراِت آئـی ءَ تـرا اَنـگِـرّ نـہ کـُـرت ءُ تـئـی بـالاد ءِ چـاگِـرد ءَ مُـچّ نـہ بـوُت تـاں زوراک تـرا جَـت کـُـرت مـہ کـَـنـت ، بـلـے تـو اِے گـَـپ ءَ بـزان آ کـَـس کـہ تـرا سَـرپَـد بـوُتـگ اَنـت آ تـئـی رَنـد پَـد گـپـتَـگ ءُ تـئـی راه ءَ رَوَگءَاَنـت ، تـئـی رَهـشـونـی ءِ گـال مـاں بـاز کـَـس ءِ دِلاں نَـکـش بـوُتـگ اَنـت آ کـہ تـئـی رَهـشـونـی ءَ سَـرپَـد بـوُتـگ اَنـت اِے گـپ ءَ زان اَنـت کـہ زوراک ءُ سَـردار ءُ نَـواب تـئـی رَهـشـونـی ءِ رَهـبَـنـد ءَ نـہ مَـنّ اَنـت ، آ اِے گـپ ءَ هَـم زان اَنـت کـہ زوراک یَـک روچـے آیـانـی جُـهـد ءِ دَپـتَـر ءَ بَـنـد کـَـنـگ ءِ جُـهـد ءَ کـَـنـت بـلـے آ اِے کـارءَ تـئـی ڈول ءَ یَـک راجـی پَـرز ءُ سُـنّـتـے زان اَنـت.
مَـن جَـزم آں کـہ تـئـی ءُ آدگـے شـهـیـد ءُ شَـهـمـیـرانـی هُـون یَـک روچـے سَـبـزیـں رَنـگ کـاراَنـت ءُ مـاتـیـں وَتَـن ءَ سَـبـز کـن اَنـت .
دُوا کـن آں کـہ جَـنّـت ءِ گـُـلـبـاگ تـئـی کِـزمَـت بـات.
ادَبــی هَـکـیـم
Besam:
@Labzank
telegram.me/Labzank

روچگِ مُزّچه حضرت ابوهریره –رضی الله عنه-روایت بوتگ، گوشیت: پیغمبر –صلی الله علیه وسلم- ئا گوشت: الله –عَزّوَجَلّ- ئا فرمائینت: بنی آدمِ هر عمل په آئیا اِنت، بغیر چه روچگ، بےشک روچگ په من اِنت ؤ آئیِ مُزّا من وت دیاں. روچگ اسپرے، وهدے که یکے چه شمئی روچگِ روچ رست، گڑا ]گوں وتی بانکا[ نزیکی مکنت، بدؤبیراه مگوشیت، اگه یکیا آئی زا/دشمان دات یا جیڑه ای کت، گڑا روچگدار بگوشیت: من روچگاں.سوگند اِنت آ ذاتے سرا که محمدِ جان آئی دستا اِنت، اللهِ گورا روچگدارِ دپِ بو، چه مشکِ بوا هں وش تر اِنت. روچگدارا دو گَلی/شادی هست که آ دو وهدا گل کنت: وهدے که دبوج کنت په دبوجا گل بیت ؤ وهدے وتی ربا گندیت، چه وتی روچگا گل بیت.وعن أَبي هريرة - رضي الله عنه - قال: قَالَ رسول الله- صَلَّى اللهُ عَلَيْهِ وَسَلَّمَ -: »قَالَ اللهُ - عز وجل -: كُلُّ عَمَلِ ابْنِ آدَمَ لَهُ إِلا الصِّيَام، فَإنَّهُ لِي وَأنَا أجْزِي بِهِ، وَالصِّيَامُ جُنَّةٌ، فَإذَا كَانَ يَومُ صَوْمِ أحَدِكُمْ فَلا يَرْفُثْ وَلا يَصْخَبْ فإنْ سَابَّهُ أحَدٌ أَوْ قَاتَلَهُ فَلْيَقُلْ: إنِّي صَائِمٌ. وَالذِي نَفْسُ مُحَمَّدٍ بِيَدِهِ لَخُلُوفُ فَمِ الصَّائِمِ أطْيَبُ عِنْدَ اللهِ مِنْ رِيحِ المِسْكِ. لِلصَّائِمِ فَرْحَتَانِ يَفْرَحُهُمَا: إِذَا أفْطَرَ فَرِحَ بفطره، وَإذَا لَقِيَ رَبَّهُ فَرِحَ بِصَوْمِهِ« . متفقٌ عَلَيْهِ، وهذا لفظ روايةِ البُخَارِي.شے:
Besam:
@Labzank
telegram.me/Labzank

قرآن مردما یا برز بارت ؤ یا زمین جنتچه حضرت عمربن –رضی الله عنه- ئا روایت بوتگ که پیغمبر –صلی الله علیه وسلم-ئا گوشت: بے شک الله تعالی گوں اے کتاب )قرآنا( یک قومیا برز بارت ؤ دگریا جهل جنت.گیشینگ: آ قومے که قرآنِ سرا ایمان یاریت ؤ قرآنِ حکمانی مطابقا زندگی گوازینیت، الله آیانا عزت دات ؤ برزش بارت، بلے آ که قرآنا نمنّننت ؤ قرآنا وتی پشتا دور دینت، الله آیانا زمینا ؤ وار کنت.وعن عمر بن الخطاب - رضي الله عنه - أنَّ النبي - صَلَّى اللهُ عَلَيْهِ وَسَلَّمَ - قَالَ: »إنَّ اللهَ يَرْفَعُ بِهَذَا الكِتَابِ أقْوَاماً وَيَضَعُ بِهِ آخرِينَ« . رواه مسلم

Besam:
@Labzank
telegram.me/Labzank

رجانک نور پلیزھی دو سنگت ھمراہ اَت دیم پہ جنگل ءُ ریگستان ءَ دو پہ دو ءَ روگ ءَ ات انت اشانی درمیان ءَ گَپ ءُ تران بوگ ءَ ات یَکے ءَ گْوشت گپ چوش انت ءُ دومی ءَ گْوشت اِِنا چوش نہ انت گَپ چوش انت ھمے گَپ گَپ ءَ یَک سنگتے ءَ دومی سنگت ءَ را یَک تُرندیں شَھماتے جَت اے سنگت دل سَک دلپدرد ءُ رنجور بوت بلے سنگت ءَ را ھچ نہ گْوشت ئِےلَنکُک ئِے زُرت ءُ ریک ءِ سَر ءَ نبشت ئِے کہ مرچی منی سکیں دوستیں سنگتے ءَ من ءَ یک شَھماتے جَتگ دگہ ھچ نہ گوشت ئِے ءُ پَد ءَ سپر اش دیم ءَ بُرت ءُ دیم ءَ اتک انت آپے ءِ سَر لوٹ اِت اش کہ ھَمدءَ جان بہ شود انت جان ءِ شودگ بندات اش کُت کہ سنگت لَگُشت ءُ آپ ءَ کَپت ءُ بُڈ اِت ھما سنگت کہ.پیسر ءَ شھمات ئِے جَتگ ات ھمائی ءَدست شھارت ءُ چہ آپ ءَ سنگت ئِے در کُت اے سنگت کہ چہ آپ ءَ درتک یَک سِنگے ءِ سَر نبشتہ ئِے کت کہ مرچی مَن آپ ءَ بُڈ اِتگ آں بلے منی سنگت ءَ من ءَ چہ آپ ءَ در کت منی ساھے رَکینت گُڑا آ سنگت ءَ جُست کت کہ پیسر ءَ کہ من ترا شھماتے جَت تو ریک ءِ سَر ءَ نبشتہ کُت نوں کہ من ترا چہ مَرّگ ءَ رکینت تو اے سِنگ ءِ سَر ءَ نبشتہ کت گُڑا شُما زان اِت کہ آئی ءِ سنگت ءَ چے گْوشت .. ؟گْوشت ئِے ھَرچ آ کار کہ دیم ئِے پہ ھَرابی ءَ انت گُڑا آئی ءَ ریک ءِ سَر ءَ نبشتہ بہ کن تاکہ چیزے روچ ءَ پَد اے نبشتانکاں گوات گار بہ کنت بلے شَریں کار ءُ کِرد گاری ءِ لائک نہ انت ھمے واستا گُڑا اشیءَ سِنگ ءِ سَر ءَ نبشتہ بہ کن تاکہ ھچبر گار مہ بیت

Besam:
@Labzank
telegram.me/Labzank

سیدگنج دومی چاپ ماں نہادی ءَ آتکگ ھر کس ءَ پکار انـت جہل داتگیں نمبرا گوں رھوت بہ کنت
نہاد. ۶۵۰۰۰ تمن

۰۹۱۵۱۹۵۲۳۵۰ توھیدی

لبزانکی مجلس کلمتی کاروان:
دبّوج ءِ وھد ءَ پہ درستاں دوآ کن اِت.

اَلّٰھُمَّ لَکَ صُمْتُ وَ بِکَ اٰمَنْتُ وَ عَلَیْکَ تَوَکَّلْتُ وَ عَلیٰ رِزْقِکَ اَفْطَرْتُ

اے اللہ مارا چہ مانش ءِ آزاب ءَ بہ رکّین ءُ مئے مانش ءَ جنّت ءِ باگے بہ کن،... آمین

اے اللہ مئے مات ءُ پت ءُ سیاد ءُ وارسانی گُناھاں پہل بہ کن، ھرچے بیران بوتگ انت آیاں ھم پہل بہ کن ءُ آیانی مکام ءُ ارزشاں بُرز ءُ بالا بہ کن ءُ ھرچے زندگ انت آیاں ھدایت ءِ تچکـیں راہ ءَ پیش دار ءُ آیانی گناھاں گوں نیکیاں بدل بہ کن.... آمین

اے اللہ کسے پریشان انت آیانی پریشانیاں دور بہ کن... آمین

اے اللہ کسے کہ نادراہ انت تو چہ وتی گنجـیں دَر ءَ آیاں سرجمـیں شفاء ءُ تندرستی بدئے... آمین

اے اللہ کَسے وَام دار اِنت چَہ وتی گَنجـیں دَر ءَ آیانی وَامانی ادا کنگ ءِ سَبَب ءُ وسیلہ یـے پیداک بہ کن... آمین

اے اللہ مارا مہشر ءِ میدان ءَ چہ رُزواہ بیگ ءَ بہ رکّین.... آمین

اے اللہ مارا ھرچ ھما کار ءِ کنگ ءِ توفیق بدئے کہ تو رازی بہ بئے ءُ مارا چہ ھرچ ھماکارءَ بہ رکّین کہ تئی نارازی ءِ سبب بہ بنت... آمین

اے اللہ مارا کسی مُہتاج مہ کن، اے اللہ ما وتی دستاں ھر وھدے پہ چیزے لوٹگ ءَ چست بہ کنیں اے اللہ یکّیں وتی دیم ءَ چست اش بہ کنائین، اے اللہ مئے دستاں وتی بَندھانی دیم ءَ چست بیگ ءَ بہ رکّین، اے اللہ مارا وتی دَر ءِ پکیر بہ کن بلے چہ بندھاں بـے نیاز بہ کن... آمین

اے اللہ ما چہ تئی گورا لوٹگ ھم نہ زانیں، اے اللہ تو مئے لوٹ ءُ ھاجتاں چہ مارا شَرتِر زانئے، اے اللہ تو بـے لوٹگ ءَ مئے دُراھـیں لوٹ ءُ ھاجتاں سرجم بہ کن.... آمین

Besam:
Besam:
@Labzank
telegram.me/Labzank

Hashomi:
مِسکءِسیاہی بیکّءِسیاہی یابہ بیت سیاہی شپءِ
تئی شپارءُشنگیں ملگور دنت پدءَگواہی شپءِ

نیلّیں آزمان،ماہءُاستار،کیچی گُلکار،مھگلءِشار!
کرنءَکلمانٹ نشتگ رھچار کَےبہ دنت درواہی شپءِ

شپ کہ چارپاس، پگرءُوسواس، ماں جبیّنءَ جہندم
کدمِرایت اےجھندمءِآس کد،روت نادراہی شپ ءِ

شپ تھارانت، بےمھارانت، چوکہ بیمناکیں تھار انت
اےگنوک انت لانک اِش بستگ بیتگ اَنت راہی شپءِ

زندءَ ارمان، دردءِدرمان سوچک کارانت سوزءُ سوزمان
ھچ نگنداں،گاراِنت ایمان،سوتکگ دوزاہی شپ ءِ

گژنءِابدال،زندءِجنجال،بےھسابی جنت چیھال
بشکنت بلکیں آگھین ئے، دیر روت وائی شپ ءِ

دل زرانت پہ ماھکان ءَ یا پہ شنگیں آپ روانءَ
بام دنت جورکان ءَ گران انت ھمرائی شپ ءِ

جی آر مُلّا



Besam:
Besam:
@Labzank
telegram.me/Labzank

وشیءِ رنگءُ داباں چہ سرگوستگاں
من کہ زندءِ عذاباں چہ سر گوستگاں

چے ثوابءُ گناہ شٙرءُ شِر نیک ءُ بد
من حسابءُ کتاباں چہ سر گوستگاں

دوستیءُ مہرءِ گپاں مہ پرس اِت منا
کسہءٙ من کتاباں چہ سر گوستگاں

ہر کٙہ بیزار مئے نا شریءٙ امر
گندگیءٙ حراباں چہ سر گوستگاں

انیل امر

@Labzank
telegram.me/Labzank

آ کہ سهتءِ پہ دل گوں مں دلگوش بیت.
چم گوں چمّءَ نہ ڑُکّیت مڑا پروش بیت.
تئی کہ ماهْکانیں سورت درا بیت دمے.
باز کپیت سُجدهءَ باز نیم سروش بیت.
دُراهیں آشِک کپوتاں چو پاسیگ بنت.
وهدے ورنائی تئی چو کڑب هوش بیت.
تو چو دورا روئے زوت بیهال بئے.
من نزانتگ منی تالہءَ چوش بیت.
بل میا مانشءَ نورءِ پُل ریچیءَ.
تئی ودارءَ مْں زاناں کپن پوش بیت.
"شاه نور کلمتی"

Besam:
@Labzank
telegram.me/Labzank