جـــی بلــوچســتان
گـوں نرمـزاریں بیــلان

ھلـو ھـالـو کـن اِت
وابیـں دل ءَ آگـاہ

زھیـر کنـت مـن ءَ

بیـا کـہ !

جھـان ءِ سـوگات درد انت
ویـران بیـت زنــد
ھیـرات کـن ایـں سـر ءَ

کئے زانـت وشـیاں
مــن
بے تـو مبـاتـاں

ســوگنــد انـت مـن ءَ
کـہ نبـاں بے ھـال

ھـر وھـد ءَ بـہ بـات تئـی اُمیـت

نـدر بـاتـاں ءُ کـولیـگ
جـی ءُ جـان

مئے مھـر ءِ نمیـرانـی ءَ
زانـت ھـر کـس

کـہ مھـر ءِ کنـڈیـل روک انـت
وت واجھـی وت سـر نـہ ائیـت
پـہ جنـگ ءُ درد

اُو وھــد ءِ میـریں کمبــراں
بلـوچ ءِ روچ کیـت.
ھـارون اخـلاقـی#
*کــورُشــیں گــال*
لبـزانکـی مجلـس کلمتـی کـاروان.

دروت دوستاں

باز باز منتوار آں چہ پلیں ھمبلاں کہ دیوان ءَ بھر اش زرتگ ءُ بھر زیرگ ءَ اَنت. 🌹🌹

شما اے ھیال ءَ مہ کن اِت کہ شمئے کمُّکیں بھر زیرگ ءُ کسانیں نبشتانک بلوچی ءِ ھچ دردے ءَ دَوا نہ کن اَنت ءُ اے برتگیں کَنڈ ءِ دپ بندگ نہ بیت!!

وھدی بلوچاں گْوشتگ:

*ھُرّے ھُرّے کاسگی پُرّے*

شما اگاں ھپتگے توک ءَ سْیاھگ ءِ یک آسانیں رھبندے یاد بہ گر اِت من دلجم آں کہ شما شش ماہ ءِ توک ءَ بلوچی سْیاھگ ءِ نبیسگ ءَ الکاپ ءَ زان اِت ءُ یاد گر اِت.
پد ءَ ھم ھمے کہ شمئے دلگوش گوں وتی ماتی زبان ءَ اِنت ءُ شمارا گوں بلوچی ءَ مھر ھست ھمے ھم یک گنجے!

دگہ گپّے گوں بلوچی دوستواھاں:
دوستاں باز دوست ءُ برات ھست پہ وتی ماتیں زبان ءِ دوستی ءَ ھمینچُک ھُبّ ءُ واھگ اش ھست کہ ھرچے زیتّر سرجَمیں دریں زبانانی گال ءُ گپتارانی ھمدپیں بلوچی گالاں در بہ گیج اَنت ءُ بہ زان اَنت ءُ برے برے ھنچیں جست ءُ باوست بیت کہ بلکیں تنے وھدی پہ اے گالاں بلوچی ھمدپیں گال در نہ کپتگ ءُ زیرگ نہ بیتگ یا دیم ءِ مردم کہ چہ آئی ءَ جست کنگ بیت منی بدلیں نابزانتے کہ سرپد نہ اِنت!
من شرّ ھیال داشتگ چشیں وھداں ھما جست کنوک ءَ اگاں وتی جواب مہ رس ایت گُڑا الّم ءَ چہ بلوچی ءُ بلوچی ادب ءَ روگردان بیت ءُ دلپروش بیت ؛

بلے شرّ بہ زان اِت کہ چو نہ اِنت ءُ دلپروش بَیگ نہ لوٹ ایت پرچا کہ بلوچی زبان ءُ ادب میاریگ نہ اَنت ءُ میاریگ من ءُ تو ءُ بلوچی ءِ اے دگہ دوستواہ ایں کہ اے بارہ ءَ ما ھچ پیمیں جھد ءُ کوشستے نہ کتگ.
اگاں ھنی پارسی ءُ تازی ءُ اردو ءُ انگریزی ءَ جوانیں گال ءُ گپتار ھست ءُ,, ریاضی ءُ فیزیک ءُ شیمی ءُ ھندسہ ءُ علم نجوم ءُ انترنت ءُ کامپیوتر.....,, وانگ ءُ وانینگ بیت اے کار آ راجانی سدانی سال ءِ جھد ءُ کوشستانی بَرورد اِنت کہ مروچی پہ ٹھلے وان اَنت ءُ نبیس اَنت ءُ پَٹّ ءُ پول ءُ پوجیمکاری کن اَنت!!
ھنّی کہ مارا شمارا وانگجاہ ءُ وانینوک ءُ دگہ دربَرگ ءُ سوج دَیگ ءِ در ءُ چارہ نیست شما ھمے سیاھگ ءِ راست نبیسگ ءَ جھد بہ کن اِت ءُ ھما گال ءُ گپتاراں کہ آیانی ھمدپیں بلوچی ھست آیاں یاد بہ گر اِت بلے پہ آ گالاں کہ بلوچی ھمدپیں گال نیست شما وتی جھد ءَ بہ کن اِت ءُ اگاں یک ھمدپیں گالے شمئے ھوش ءَ آتک شما وتی گال ءَ دیوان ءَ ایر بہ کن اِت بلکیں یک روچے ھمے گال ءُ گپتار گچین کنگ بہ بنت ءُ بلوچی بزانت بلدانی بْراہ بہ بنت!
بلے اگاں شمارا وتی جست ءِ جواب نہ رس اِت گُڑا چہ بلوچی ءَ دلپروش مہ بَہ اِت کہ بلوچی ءَ کمّی نیست اگاں کمّی یے ھست گُڑا آ کمّی چمّا اِنت.

شالا سوبین ءُ سربلند بات اِت
*اسـتاد ولـی مھمـد ولـی*

وقتـی کہ شپ لنـج ءُ تھـار بیـت
دل پہ مـہ گنـج ءَ بے قـرار بیـت

دوست اگر نیم چمی من ءَ چار ایت
دل بلے زیـر ءُ جـان نثـار بیـت

دائـم پہ دوسـت ءِ خـاطـر ءَ عاشق
رنـج گنـد ایـت ء ُ بُـرد بـار بیـت

مئے کمان میٌان کہ گرھم دنت زلفان
بـاز ئے دل بنـدگ ءُ شـکار بیـت

وقتـے کہ راہ ءَ کـرام کنـت کبگـی
گـروھـگان قمـری شـرمسـار بیـت

کند ایت گوں سرخ ءُ رشتگـیں لنٹاں
غنچـہ خـون لاپ ءُ دلفـگار بیـت

داب کنـت مـہ گـونـگ شـپ پـاسـاں
مـاہ گـوش ئے آسمـان تھـار بیـت

چـم منـی بے وابیـں کـدی یـا رب
گـوں کجـیں بـروانـاں دچـار بیـت

بُـران چـو فـرھـاد ءُ غـم کـوھـاں
گـر مـن ءَ شـیریـن غمگـسـار بیـت

گل دو روچ ءَ کپ چـیر دنـت دیـم ءَ
بـزگـیں بلبـل خـوار ءُ زار بیـت

تبـد ءُ گـوریچـان غـم مـکن بلبـل
عـاقبـت یک روچـے بھــار بیـت

بیـا روانبـد گـل، گـل ءَ گنـد ایـت
گـریـوگ ء َ بلبـل بـے میـار بیـت
مـولـوی محمـدعبـداللہ روانبـد
*کــورُشــیں گــال*
لبــزانکـی مجلـس کلمـتی کـاروان.

جی آر ملا کتاب بژن

دل پُرشگیں تارے نہ انـت
دوستی دگہ جارے نہ انت
بِل چمّک ءُ بل پونزک ءٰ
بل گوچلی کارے نہ انـت
یل دئے مـدامـی منّگاں
آشک تئی وارے نہ انـت
سوچ ئے چیءٰ موجیں دلءٰ
دل سوچگی دارے نہ انت
ماں گردنءٰ کہ شیپ گپت
پنگے بزاں مارے نہ انـت
باراں اگاں من تئی گماں
تئی گم چوشیں بارے نہ انت
ابدال منءٰ لیک انت گنوک
پہوال گش انت سارے نہ انت
مُلّا تئی بانیں مسیت
چو کہ حرا گارے نہ انت

جـــی آر مُلّا


Besam:
@Labzank
telegram.me/Labzank

فایل صوتی از طرف بسام

تنگھی ......

اے تئی مَچکدگ

ھور ءُ گوات ءِ سرا

درتکگیں اَکسے ءِ دروشم ءَ

لڈّاِتگ چہ جلشکانی شھر ءَ وتی

چو کہ پیرزالےءِ کُنٹیں مئیمءِ وڑا

گوں وتی ھستیءَ ڈیک دنتءُ کپیت

تنگھی .....

مَن تئی ھستی آں

آسیں ورنائیءِ بار ماں کوپگاں

تو بگندے مہ زانئے منا

من کُروچانی تی ساھگءَ رُستگاں

من کہ ھمدا وتی زیبناکی چتگ

تَو ندیستگ منا

گڈا تُو

وھدے ھامین بوت

تئی اے مچّانی گرکاں کلونٹاں چہ گیش

بینگیں کسھانی وتی اوش من درتکگاں

تنگھی ......

اے وَ انّوگیں یک روچےاَت

من کہ گوستاں چدا

سادے پاداں اڑاِت

چو کہ کبگےءَ مارے پتاھان کنت

انچو تنیگّیں چَمّاں پتاتگ منا

پادءِ پادینکءَ بس کمّکیں مُکَ اِتگ

چُنت آدینکیں سوتانی زپتن بدن

من پہ سد مُشکلءَ

مار پیچیں بدن نز آرتگ وتی

دیدگاں چہ در اتکءُ دلانی تہ ءَ ایر کپاں

بوتگاں

انگریں تُنّ وھدے وتی نوبتءَ

نرمیں رکّانی نیامءَ منی بال اِتہ

کندگی بوتگاں

بس ھما انت پدا .......

ھَور سالےءَ مھتل بہ بیت

یا چراگے چہ بانگواہءَ پیسر مریت

کاروانے گسر بیت چہ کشکءَ وتی

یا اناگہ ءَ یک زیمرے

وابیں دمکانءَ پادین پادا بدنت

دُرس چار اَنت منی نیمگہ

من ........

من اے ھَستی

وتی داگءُ پولنگیں زیبائیءِ

مانشءَ کْبر باں

تنگھی .................

سک شر کُت گسر بوتگے

زندگی .......

شھدیں زیبائیءِ کندگے اوں نہ سگیّت ادا

تو نہ دیستگ منا

من تی سھتی آں

من کہ اے زیبناکی وتی

چو کلونٹءَ تی مچّانی چیرا چِتگ

دل گُشیت

تو پدا کمیّں واتّر کتیں

ءُ سرونءَ منی داگءُ پولنگیں زیبائیءِ

مانشءِ

یک کُروچےءِ گْونگے جتیں

یکدمے ........

من گوں دلءَ گوں رضاءَ وتی کنداکیں

ءُ پدا منءُ تو ............................

ءُ تی مچکدگ

ھَر سھیں وپت اِتیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مُنیر مومن

Besam:
@Labzank
telegram.me/Labzank

گُرکاں گلے کُت


گوھرام ءٰ گپّ جت گوں پتءٰ
پٰون ءِ سرءٰ
چہ مشکتءٰ
ابّا
سباھی تو وتءٰ
ھر پیم انت بہ رسیں گوادرءٰ
،،پنجاپءِ مہمان،، آتکگ انت
بُوٹاءُ دوسا ھر دوئیں
تئی گوشتنءُ سوجءِ پدءٰ
زی من زمین پیش داشتگ انت
" مہدیءِ بیٹ "
" گنجل زمین "
" گلگانی ڈن "
ھشتاد کروڑ من گوشتگ انت
بـے زات نہ منّ انت انچکءٰ
پہ شستءُ پنچءٰ رازی انت
پنجاہ کروڑ " کیش " دے انت
پانزدہ کروڑ چِکّ " اوپنیں "
ماھےءِ مُہلت لوٹگءٰ انت
تو پہ سلامت بیا بہ رس
کاراں ھُدا وت شرّ کنت
گر مئے زمین
مِلکءُ مٰٹیں
پت پیرکی
ایشاں نہ زرت انت بیرگءٰ
تاجر دگہ باز ترّگءٰ انت
زردار مگیمءُ مالدار
گوادر نی آ گوادر نہ انت
پنجاب توامیں جُمب اِتگ
چو گوادرءٰ
کہ سر پہ شیتان پر نہ بیت
اورماڑہ
پسنی
پیشّکان
داں جیونیءِ تیاب گورءٰ
دنیاءِ کارُونی جم انت
زرّ ھنچش انت
چو کہ مدگ
کُٹّءُ کواراں گیگ نیست
نہ گونیءُ نے گوالگاں
شنگ انت ھمک کرّءُ گورا
سبزیں ھزاری، پنچ سدی
گندگ نہ بیت سُہریں سدی
پہ اے نہادءُ کیمتءٰ
دستاں مئے چُکّ ایت ھر کسے
لاھورءِ سیٹ
کےبی کہرل
وت مئے زمیناں امب چنت
سیالکوٹ ءِ یک سوداگرے
اے ڈبلیو عرفان ڈار
ھم چنگرو انت زیرگءٰ
دگہ کمپنی یـے پٍنڈیءٍ
" ایس کے وڑائچ اینڈ سنز "
یکجاہءٰ ھپتاد نگد دنت
یکّےءُ کپّے کبز کنت
دشتءٰ بگر داں کے زِرءٰ
ھژدہ ھزار اِکڑّ ردءٰ
گِر پٹّ زرتگ زالم ءٰ
پنجاہ ھزار اکڑ دگہ
پکّار انت انگت ایشیءٰ
بل ایشیءٰ گر آئیءٰ
نی بیا ترا ھالے دیاں
ھالءٰ گوں تو ھیران بٰـے
مرچی ھدابکش ھاشمءٰ
تہنا ھرءِ بنجاہ وتی
ھپتاد لکّءٰ بہا کتگ!
ھیران انت زرّاں چوں بہ کنت؟
کِیرگیں ھرءٰ بند اِیت کجا؟ ؟


📝 عابد آسکانی


Besam:
@Labzank
telegram.me/Labzank

گـوَشـکـَـنـد -- ادبـی هـکـیـم
-----------------------------
وَرنـایـے پـہ سـانـگـبَـنـدی جَـنِـکّ ئِـے پـتءِ گـوَرا شُـت ءُ گـوَشـت ، واجَـہ مـنءَ تـئـی جَـنـیـن چُـکّ سَـکّ پَـسُـنـد اِنـت نـوں مـن لـوٹ آں تـئـی جَـنـیـن چُـکّءَ سـانـگ بـہ کـَـن آں ، جَـنـیـن چُـک ءِ پـت ءَ گـوَشـت شَـرّ اِنـت وَرنـا بـلـئے اوَل تـو مـنءَ بُـگـوَش تـئـی شَـرّی ءُ سِـلّـی چـی اَنـت ؟ وَرنـا ءَ گـوَشـت واجَـہ مَـنـی شَـرّی وَ سَـکّ بـازاَنـت ءُ مَـنـی سِـلّـی یَـکـّے ، مـنـی شَـرّی اِش اَنـت کـہ مـنـی گـوَرا مـال بـاز هَـسـت ، لـوگ ءُ مـوٹـل ءُ زمـیـن ءُ بـاگ ءُ دُکـّـان ءُ مَـنـی گـوَرا دگـہ بـاز چـیـزّ هَـسـت بـلـئـے مـنـی سِـلّـی اِش اِنـت کـہ مـن دروگ بـاز بَـنـد آں !!!...


Besam:
@Labzank
telegram.me/Labzank

مـن کلّو اومراں دروگانی
کانیگوں جتگ ماں چتکءٰ
دیموں شُشتگءُ دست ھشکءٰ
ھست ات منءٰ ڈگری ایں میشے
ھپت بر تولگاں توسینتگ
گُرکاں ماں بجاں چیلینتگ
روباہءٰ وتی بہر وارتگ
ھپتارءٰ وتی سیر گپتگ
زھروں ماں سرءٰ درشانتگ
میشوں کُشتگءُ دراج داتگ
کانٹے ماں کلیرءٰ درتکگ
گورتگ موسمی ایں ھوراں
ھوراں گورتگءُ کاہ رُستگ
کانٹءٰ چرتگءُ میش بوتگ
سیءُ سے پلاٹ ئے ارتگ
بید گوھتگءُ گُندیاں
بید رنگسرءُ چُنڈیاں
گٹّورے چشاں شیھ اوں دات
شیھ ءٰ سی منی ناہءِ دات
چُکّاں دانگے ناہ وارتگ
زالءٰ گڈگے ترینز داتگ
گڈگ رُستگ ءُ مٰچ بیتگ
ماہءِ چاردھاں بر بیتگ
نیم ئے وا کُلیاں وارتگ
نیمے رھگوزیاں بُرتگ
چِل ناہءِ دپوں وت دوتکگ
بید پورّوءُ پیشبنداں
بید پاچکءُ سُند پُشتاں
بید ھارگ ءُ کپّواں
بید ھینزک ءُ ھمبواں
بید بٰلُّک ءِ دزموشاں


📝 کلّو اومر

Besam:
@Labzank
telegram.me/Labzank

ﺁ کـس ﮐـﮧ ﻭﺗـﯽ ﺭﺍﺟـﺪَﭘﺘـﺮ ﺀُ وتـﯽ ﺩﻭﺩ ﺀُ ﺭﺑﯿــﺪگ ءَ بـہ شمـوش ایــﺖ ءُ چـہ ایشـاں پُشـت بـہ کنـت ﺁ ﺑَـﺪبھتیـں ﻣَـﺮﺩم ﺍَﻧـﺖ.

ﺑَـﺪبھـت تـریـں ﻣـﺮﺩﻡ ھﻤـﺎ ﺍنـﺖ ﮐـﮧ ﺁ ﭘـﮧ ﻭَﺗـﯽ شمـوشتگـیں یـا ﺑـﺎھینتگـیں ﺭﺍﺟـﺪَﭘـﺘَـﺮ ﺀُ ﺩﻭﺩ ﺀُ ﺭُﺑـﯿـﺪَﮒ ﺀِ شـوھـاز ﮐـﻨَـﮓ ﺀَ ﺟُـﻬــﺪ مکــﻦ انـت.

ﭼـﮧ ﺍﺷـﺎﮞ ﺑــﺪ بَھـت ﺗِــﺮ ﻫﻤـﺎ کـس ﺍنـﺖ ﮐـﮧ ﺁ ﻭَﺗـﯽ ﺭﺍﺟـﺪپتــﺮ ﺀُ وتـﯽ ﺩﻭﺩ ﺀُ ﺭُبیـدگ ﺀَ پـہ آشــگـور انـت.
.......ھـارون اخــلاقـی #
*کــورُشــیں گــال*
لبزانکی مجلس کلمتی کاروان.

Besam:
تـگرد گْوپـی : تگرد بزاں بلوچءِ لوگءِ چیر گیجءُ براه اِنـت - تگـردءَ ابیـد بلوچ راجءِ دودءُ ربیدگ نا سرجـم گِندگءَ کیت - تگرد جوڈ کنگ باز جنجالیں کارے - ایشـی جوڈ کنگ واستا پِیشّ بُرّگ لوٹیت - پیشّ بُرّگءَ پـد اے بُرّ اِتگیں پِیشّ پِڈ کنگ بنت وهـدے که پِیشّانـی پِـڈ کنگ سرجـم بیـت گُڑا نوں تگرد گوپگ بندات بیـت - تگرد چار وڈا جوڈ کنگ بیـت - سچکان ، اُستنکان ، گوانزگ گْواپءُ دو کرنیں چوٹ گواپ - اے دو کرنیں چوٹ گواپءِ تها که وهدے پَسءِ رِستگیں مُود که مان کشگّ بیـت گُڑا اے سک باز براه دارءُ جلواناک بیت -

@Labzank
telegram.me/Labzank

ھٰما مـن ءُ نِکـوچـیں چـمّ ارس بنـت
جہان ءِ سُوتک ءُ سوچـیں چم ارس بنـت

بگوش داں چینچوک ءٰ دل ءٰ بـدارں مـن
سیـد گُشـیت کـہ بال ءٰ کـم مہاراں مـن
شـپ انـت اے جاگاہ اں مـدام چاراں مـن
جہان درستـیں روچـیں چـّم ارس بنـت

سـرءٰ کُـتگ تـو پیـش ءٰ اِتّپاک تـاج
شکست وارت سکنـدر ءٰ نـہ بُـرت بـاج
بچـار آجـو انـت جہان ءِ درستــیں راج
گُلام بـسّ بلـوچـیں چـمّ ارس بنـت

آ راجـاں زُرتگ انـت زمیـن ءُ آزمـان
گـوں اِلـم ءُ دِیمروی وتئی کُت اش جہان
بـلوچ انگـت نـہ تپـاک انـت واجہـاں
پـہ لاپ ءٰ دِرّ ءُ دوچـیں چـمّ ارس بنـت

📝برجان بلوچ

Besam:
@Labzank
telegram.me/Labzank

مـن مِـراں روچـے موتک مکن ھجـبر
بـات سلامـت ، داں ابـد تـئی ســر

تـرا نـہ کنت باور مـن وراں سـوگنـد
جان مھـمد ءِ بازار ءِ مسـیت ءَ بَــر

گالـوار ، گوانـک ءُ نـاں چڑکایـے
گِس دپـی ہـر لـوگ ءِ جتگ ڈنـگر

رِپـک ءُ رھـبنـداں کئے کجـا رَد کپـت
ھـورک ءُ ھالیـگ اَنـت بسـتگـیں سَنگر

شعـر پِـر بنـدئے مـن بشیـر منّـاں
تـو اَتـا ءِ نـاں پازُل ءِ درور

✍بشیـر بیـدار

Besam:
@Labzank
telegram.me/Labzank

رِجـانـک : ادَبــی هَـکـیـم
اُسـتـاد ءَ اِسـپـیـتـیـں تَـهـتَـگ ءِ سَـرءَ سـیـاهـیـں ٹـکـّـے جَـت ءُ چـہ شـاگِـرداں جُـسـت کـُـرت ، شُـمـا چـے گِـنـدَگءَاِت ؟!!!... درُهـیـں شـاگِـرداں پَـسّـو دات ، اُسـتـاد مـا سـیـاهـیـں ٹـکـّـے گِـنـدَگءَایـں !!!... اُسـتـاد هَـیـراں بـوّت ءُ گـُـوَشـت ، شُـمـا اِے مَـزَنـیـں ءُ اِسـپـیـتـیـں ءُ چَـمَـکـدارایـں تَـهـتَـگ نـہ دیـسـت ، اِیـوَک ءَ شُـمـئـے چَـمّ گـوں اِے کـَـسـانـیـں ءُ سـیـاهـیـں ٹـکّ سَـکّ اَنـت ؟!!!.. اِشـی ءِ بـزانـت اِش اِنـت کـہ شَـرّیـں چـیـزانـی دَرمـیـان ءَ سِـلّـیـں چـیـزّ وَت وَت ءَ پـیـش داراَنـت.

Besam:
@Labzank
telegram.me/Labzank

(منی شپ تاک 28 )
{پارسائیں آنجگ}
آ سال ء- دریا پادآتگ ات ء، چئول چہ تیاب ء- برز ریک ء- سوار اتاں....یک آفت ء، توپان ء_ آتکگ ات کہ چودگہ تیابی بندنانی پئیم ء- پیشکان ء_ بندن ھم ھمے زری توپان ء_ زد ء- ات ء، پیشکان ء_ تیاب ء- برز ریک ء_ سر ء_ بستگیں لوگ ء، کمپان دراہ چہ آپ ء_ سرکپگ ء_ سبب ء- کپتگ اتاں ....
زر ء_ توپان ء- بازیں جون ء، پتار ء_ پیشکان ء_ تیاب ء_ ریک ء_ سر ء- لیپگ کرتگ ات کہ آ جونانی تہا یک ناشناسیں جنین آدمے ء_ لاش ھم گون ات.....ناشناسیں جنین ء_ لاش پہ ھرکس ء- نامحرم ات، پیشکان ء_ مردماں وھدے لاش چہ کفن کنگ ء- پد پہ مانش ء_ ایردئیگ ء- ساڑی کرت تہ پہ مانش ء_ ایرگیجگ ء- آئی ء- محرم نیست ات گڈا ملا جست کنگ بوت کہ نوں چوں بکن ایں ... ملا ء- ھمے پسہ دات کہ پہ اے جنین ء_ لاش ء_ ایرگیجگ ء- ھما مردم دیم ء- بئیت کہ آئی ء- کدی ردیں کار نہ کرتگ ء، پہ بے گیرتی آئی ء_ آنجگ نہ بتکگ ....بازیں مردمے ھمے وھد ء- ناشناسیں لاش ء_ گور ء- اوشتوک ات بلے گوں ملا ء_ ھمے گپ ء- دراہ گنگ ء، سیاہ بوت انت ء، پشت ء- کنزاتاں بلے ھمے وھد ء- یک اسپیت ریشیں پارسائیں کماشے دیم ء- کنزت ء، پہ پہر گوشتے کہ "من وتی زند ء- کدی ردیں کار نہ کرتگ ء، نہ پہ بے گیرتی منی آنجگ بتکگ..، اے لاش پہ من محرم انت ء، من اے لاش ء- وتی محرم سرپد باں ء، مانش ء- ایرگیج آں ".....
اے پارسائیں کماش پیشکان ء_ جہمنند حاجی عبدالجبار ات کہ آئی ء_ دؤر ء- آئی ء_ وڑیں پارسائیں کماش بازات بلے ھمے لاش ء_ وھد ء- بازیں مھلوک ء_ تہا یک پارسائیں مردمے درایگ حیران کنوکیں گپے ات ء، یک عجبیں ندارگے ات...
پارسائیں حاجی عبدالجبار مرچی اے دنیا ء- نہ انت بلے آئی ء- پہ وتی مجاں گپتگیں چاگرد ء- یک نیکیں کلوھے ایرکرت ء، شت....
{اسحاق رحیم 23 فروری 2014}

Besam:
@Labzank
telegram.me/Labzank

*دُوشی کُرتگوں- سید ھاشُمی*

دوشی کُرتگــــــوں اکرارے
زُرتــــــــگ کوپگاں یک بارے

مــــــــلگور چُکّ اِتگ اھَدانی
زانتگ بے دمیں سْیہ مـــارے

اندوھـــــــــاں مزار بیمّیناں
بستگ پــــــــــمّن ءَ اِنزارے

ٹَپّاں آزگــــــــــیں بے واری
دَرشُت زُومّ سریں کاٹــــارے

بشّی کـــــوکراں سر کَشتگ
پیداک انِت گمانی ھــــــارے

ھــــــــانل پہ ترا چمّان انِت
گْران ءُ مُشکلیں ھــر کارے

ھـــــونشنزیں دل ءِ ریشان ءَ
پـِر داشـــتگ پـــــدا اَنگارے

کپتاں تْرانگ ءَ دوســـت ئیگ ءَ
چِست بـــــوتگ دل ءَ پاھارے
سید ھاشمی

Besam:
@Labzank
telegram.me/Labzank

اے آس شورئیں طلب
(لہتے دانک پہ خالق ارمان ؔ ءِ دستونکاں)

____________اِسحاق خاموش ؔ
گوں لبزاں پیڑ اِتہ تمبُورگیں دِل
ابیتکیں زیمرے چنکاں رِچان اِنت

اے گپّ ءِ تہا ھچ شکّ ءُ گُمانے نیست کہ شاعری لبزانک ءِ یک زیبدار،دِلکشّ ءُ نازُرکیں تَہرے۔چہ شاعری ءِ وسیلگ ءَ درانگاز بوھوکیں مارِشت ءُ جْوزگ ءُ پِگر ءُ حیال ہمک عہد ءِ لبزانک ءِ ھاتر ءَ جیڑگانی نوکیں دراں پچ کننت۔بلوچی زُبان دُنیا ءِ اے دگِہ زُبانانی وڑا وتی شاھگانیں دامُن ءَ زیبداریں شاعری ءِ جْوانیں ربیدگے دار یت۔اے پنجاہ شست سال ءِ سفر ءِ تہا دستونک یا غزل ءَ وتی بُلند ءُ بالائیں جاہ ءُ مقامے درگیتکگ۔ملنگ شاہ ، سید ھاشمی ؔ، عطاشاد ؔ، مراد ساحر,گل محمد وفا ؔ، مُبارک قاضی ؔ، بشیر بیدار ؔءُ کریم دشتیءَ ؔبگر تاں مُنیرمومن ؔ ءِ عہد ءَ بیا دستونک ءَ ھمک عہد ءَ وتی رُوح ءُ ربیدگ ءَ برجاہ داران ءَ، درشانی ءِ نوک ءُ نوکتریں چراگ نوک کُتگ اَنت۔۔۔۔۔۔۔نوکیں تب ءُ چاڑ ودی کُتگ اَنت ۔من وتی اے نبشتانک ءِ تہا خالق ارمان ؔ ءِ شعرانی دپتر ’’کؤش ءِ گْریتگیں (زیمر‘‘ چاپ 2010کُلبر چاپ شِنگ ( ءُ ’’ کِسّہ رمیزاں گِپتگ اَنت‘‘ )چاپ 2015 بلوچ کلب بحرین)ءِ سرا لہتے کِشک رنداں.........۔من اے نبشتانک ءَ ، نگدی یا توسیپ ءُ سِپتی نبشتانکے ءِ جہت ءَ نویسگ ءَ نیاں ۔چیا کہ ما گِندیں کہ مئے استیں عہد ءَ شاعر یا نبشتہ کار ءِ کتاب ءِ سرا گیشتریں نبشتانک ، گیشیں ستا ءُ توسیپ ، جذباتی داد ءُ ستا شانیءَ چہ سرّیچ اَنت۔ما گِندیں کہ نوکباھندیں شاعرانی شعرانی کتابانی سرا ھما وڑا کہ نبشتہ کنگ ءِ یک روایت یے کہ مئے لبزانکی ھُلکہانی تہا بِنائ بُوتگ ، چرائی ءَ کُجام ہم یکّ نوک باھندیں شاعرے ءِ باندات ءِ شعری سفرءِ منزل ءَ پہ راستی زانگ ءِ بجاءَ ، شاعر ءِ جند ءِ بالادءُ اِزم ءِ سرا ردیں سان ءُ اَثرے دؤر دنت۔
اے نبشتانک خالق ارمان ؔ ءِ شعری کتابانی سرا جْْوزگی رنگ ءَ ستا ءُ توسیپ ءِ بجا ءَ آئی ءِ لبزانکی بُود ءُ بُودِشت ءِ سرالہتے کِشک اَنت کہ رندان اِش کناں باریں تہ کُجا سر بنت۔
دستونک یک انچیں شعری تَہرے کہ آئی ءِ پلہ مرزی ءُ بگیری ءَ ماں دُنیا ءِ بازیں لبزانکانی تہا نویسگ بُوتگ۔جاھے دستونک ءَ را شعری درشان ءُ درانگازگ ءِ وشتریں وسیلگ لیکگ بُوتگ ءُ جاھے ایشی ءِ جوڑم ، فارم ءُ ہئیت ءِ سرا بازیں جُستاں سر کشّ اِتگ ءُ بازیں جاھاں ایشرا درآمد لیکگ بُوتگ آ، دِگہ گپّے کہ مرچی دستونک ءَ ماں بلوچی لبزانک ءِ تہا اَنچو جاگہ کُتگ کہ آئی ءِ درآمدی ءِ گُمان نہ بیت۔
اَنچو کہ صباء دشتیاری ماں وتی کتاب ’’ گُلکار ءُ چکنکار ‘‘ءِ تہا نبشتہ کنت کہ ’’ماں بلوچی دستونک ءِ روایت ءِ باروا اے گپّ تچک کنَگ الّم اِنت کہ اے لچّہی تہر بلوچی ءِ وتی نہ اِنت بلکیں درآمدیں تہرے۔انچوش کہ اُردو ءَ اے ماں فارسی ءَ اَتکگ ھمے پیم ءَ ماں بلوچی ءَ یا وَ چہ فارسی ءَ اتکگ یا چہ اُردو ءَ۔ایشی ءِ مستریں توجیل ایش اِنت کہ بلوچی ءِ دستونک گُشیں لچّہ کاراں چہ ماتی زُبان ءَ پیسر یا اُردو ءَ وتی باھند ءُ دِل ءِ ارمان درشان کُرتگ اَنت بلئے انچُش کہ فارسی ءِ تہا اے گپّ ءِ باروا دِگہ دِگہ پِگر ءُ حیالات اَنت کہ دستونک ءِ بُنگیجی چہ کئے ءَ بُوتگ ، ھمے پیم ءَ ماں بلوچی ءَ ھم ایشی ءِ باروا مزنیں پِگرے گِندگ کئیت‘‘۔
یک نیمگے حالی ؔ دستونک ءِ(غزل (اَرزشت ءَ وَ منّیت بلئے دُومی نیمگ ءَ گُشیت کہ ’’ دستونک ءِ تہا اگاں کسے ءَ عشق نہ کُتگ ھم آ، عاشقی ءِ دعوایٰ ءَ کنت، دستونک ءِ سرحال ءُ بُنگپ محدود اَنت، ایشی ءِ تہا کُہنیں زمانگ ءِ گپّاں سر ءُ چیر کنگ بیت ءُ پدا ھمک رند ءَ ھمے گپّ جنَگ بنت۔دستونک ءِ تہا شراب، ساقی، صراحی ، جام ءُ پیالگ ءِ ھبر اَنچیں وڑے ءَ کنگ بنت کہ وانوک ھمے ھرابیانی نیمگ ءَ رؤت، دستونک ءِ تہا محبوب ءَ را مردین ءِ دْروشم ءَ پیشدارگ بیت کہ شرمی گپّ یے۔ دستونک ءِ زُبان چہ یک ھاسیں لکُڑے ءَ در نئیت‘‘
بلئے مرچی ما گِندیں کہ ر‘وچ پہ ر‘وچ دستونک گیش نویسگ ھم بُوھگ ءَ اِنت ءُ آئی ءِ تہا نوکی ءُ شیرکنی ھم ودّان اِنت۔ دستونک چہ عشق ءِ بُنگپ ءُ سرحال ءَ در اتکگ تاں دُنیا ءِ ھمک سرحال ءُ بُنگپ ءَ گون اِنت....آ,مہرانکی بہ بیت شر یا....راجمانی, چاگردی,روزندی,معاشی,نیکراھی یا تب زانتیءُکشت ءُ کشاری ءِ سرحال بہ بیت شر ۔دستونک ءِ ہر یکّ شعر ے یک سرجمیں اکائی یے ءِ درَجگ ءَ دارگ ءَ ابید وانوک ءَ یکّیں دستونک ءِ پنچ ءُ شش بند جتا جتاجیڑگ ءُ تانکہ جتا جتا ئیں حیالانی غُلام چوٹاں پِرّ ترّینان کنت ءُ دِگہ دِگہ زید ءُ ندارگاں بارت ءُ سر کنت۔رِد ءُ پیشرِد(ردیف ءُ قافیہ)ءِ جَوری غُلامی کہ شاعر ہمے اڑاند ءُ مانگیشّاں چہ وت ءَ ہزار بر رکّھینگ ءِ جُہد ءُ کوشست ءَ کنت۔ بلئے پدا ھمے لہتے لہتے جاگہ ءَ لاچار بیتءُ ھمے اڑاند ءُ مانگیشّ آئی ءِ اَبرمی، ساچِشتی جُنزءُ لسّہیں حیال ءِ دیما دِیوال مِکّ کننت۔ما اے ٹکّ ءِ نگدکارانی سرجمی ءَ پلہ مرز بُوت نہ کنیں چیا کہ چہ دستو

نک ءِ وسیلگءَ ملنگ شاہ ءَ چہ بگر تانکہ مُنیر مومن ؔ ءَ ھما گْران ، سنگین ءُ دلکشیں درشان گندگ بیت کہ مارا شاعری ءِ اے تہرءِ، سنگینی، مُہکمیں روایت ءُ شاھگانیں اِمکاناتی سرا ایمان آرگ ءَ لاچار کنت۔مئے کِرّا ما گِندیں کہ شاعرانی یک مزنیں کِساسے ننکہ ایوک ءَ دستونک ءَ نویسگ ءَ اِنت، بلکیں آھانی شعری اولی کتاب کہ چاپ بنت تہ گِندگ بیت کہ اے پِڑ ءَ نوک نوکیں تجربگ کنگ بُوھگ ءَ اِنت۔اے رِد ءَ بلوچی دستونک ءِ رُژنائیں عہد ءِ مُنیر مُومن، علی جان داد ؔ، میر عُمر میر ؔ،زبیرمُختار،منظوربسمل ؔ،ارشادپرواز,لیاقت امین, نثار یوسف ؔ، مجید عاجز ؔ، شرف شاد ؔ ، امیر دوست ؔ، تاج بلوچ ءُ قاسم فراز ؔ بہ بیت یا ورنا بالادیں عالم سیف ؔ،شئے سیدؔ، آہوگ گُل ؔ، شہزاد ؔنُور، امداد خان، ماجد شاد ؔوسیم وارث ؔ، عزّت ابدال ؔ،تاج بشیر ؔ، عزّت راہی ؔ، حفیظ رؤف ؔءُ احسان محمدی بہ بیت..........ءُ ھمک دستونک ءَ کہ وان ئے تہ مردُم ءَ ھمے سما بیت کہ مئے دستونک ءِ ھمک شاعر ءَ باقاعدہ ءَ چہ علمِ عروضِءِ دربرجاھے ءَ ونتگ ءُ دربُرتگ یا شعری درسگاھے ءَ وانینگ ءَ اِنت ھالانکہ اگاں گوں ھُورت نگاھی ءَ چارگ بہ بیت تہ مئے کِرّا لبزانک ھچ تک ءَ چُشیں جُنزے ودی نہ بُوتگ چو کہ دُنیا ءِ اے دِگہ لبزانک اَنت کہ آ، جُنزاں لبزانکی تَہرانی تہا بدلی آؤرتگ .....بلئے بلوچی لبزانک وت رود اِنت ءُ چو حُدا گِندیں زمین ءَ کِشارسبزینان اِنت۔
خالق ارمان ؔ چہ درکسانی ءَ گوں ما ھَوار ءُ یکجاہ بُوتگ، مئے ھَند ءُ دَمگ یکّ اِنت، مئے دود ءُ ربیدگ یکّ اَنت، مئے لبزانک یکّ اَنت، مئے غم ءُ وشّی یکّ اَنت ءُ مئے جیڑہ ءُ جنجال ھم یکّ اَنت۔بلئے ارمان ؔ ءِ حیال گرداب وتی وڑا چہر وارت۔اَرمان وتی وڑا جیڑایت ءُ وتی وڑا نبشتہ کنت۔اے وھدی منی منی دیماارمان ؔ ءِ دوئیں شعری کتاب اَنت۔’’ کؤش ءِ گْْریتگیں زیمر‘‘ ءُ ’’ کِسّہ رمیزاں گِپتگ اَنت‘‘......اَرمان ؔ ءِ اوّلی کتاب ’’ کؤشءِ گْْریتگیں زیمر‘‘ءِ پیشگال مجید عاجز ؔ ءُ رفیق نواب ءَ نبشتہ کُتگ اَنت۔عاجز ؔ گُشیت کہ’’ ارمان ؔ ءِ چہر ، شُبین، چیدگ، گالبند ءُ گالریچ دْْراہ زگریں بلوچی اَنت کہ کرناں چہ کارمرز بُوھان ءُ پیداک اَنت۔بلئے اَرمان ؔ ءَ اے نوکیں رنگ ءُ دابے ءُ گوناپے ءَ رَتکگ اَنت‘‘۔رفیق نواب گُشیت کہ اَرمان درآمدیں ریگزارے، درآمدیں دشتے ، درآمدیں تبگْْواتے، درآمدیں لُوڈیے بُجان اِنت، بدان اِنت، گاریں رند پدے جُنزان اِنت، سْْیاھیں ڈاکے تچیت تچیت ، آسر ءَ بندات بیت، دْْروھاپے دریا نہ بیت‘‘۔
’’ کِسّہ رمیزاں گِپتگ اَنت‘‘ ءِ تہا بسمل ؔ نبشتہ کنت کہ ’’ خالق ارمان ؔ ءِ مومیں دِل ءِ زگریں مارِشت کہ آئی ءِ ارواہ ءِ تہا بے زُبانیں دردے ءِ حسابے سر پوش اِنت،آیانی درشانءِ آشنائیں رنگ خالق ارمان ؔ ءِ شاعری ءَ زیبائی بکشان اِنت‘‘۔علی جان داد ؔ نبشتہ کنت کہ’’ارمان ؔ ءِ شاعر ءَ وتی عہد ءِ غُبارانی پُژدر ءِ سنج ءَ گوں وتی درشانداب رَتکہ ءُ قِصّہ کَنَگ ءَ اِنت‘‘۔
منظور بسمل ؔ، علی جان داد ؔ ءُ عاجز ؔ ءِ نبشتگیں دانک پہ ارمان ؔ ءِ شاعری ءِ اَرزشت ءُ بالاد ءَ بسّ اَنت ءُ ھمے دانک لس وانوک ءِ اُمّیت ءُ آسرا ءَ گیش کننت کہ ھمے اُمّیت چہ بلوچیءِ ھمک جتائیں درشانداب ءُ گالوار ءِ واھُندیں شاعرءَ داشت بُوت کنت۔ارمان ؔ ءِ وانگ ءَ گوں مردُم اے گُشت کنت کہ ارمان ؔ چہ وتی کلاسیکی عہدءِ شعری روایتاں نہ سِستگ ءُ مردُم اے ھم گت کشّ اِت کنت کہ ارمان بلوچی شاعری ءِ زمین ءَ باندا یک مزن ساھگیں دْرچکے کِشت کنت۔
روچ ءِ سرا بہ رؤت یا ماہ ءِ سرا بہ رؤت
اِمروز قبری مانشے مردُم کُجا بہ رؤت
٭
اے زِند جلّک ءِ تاب اِنت کہ جنتر ءِ چہر اِنت
من ءَ را اَچ وت ءَ سِستگ اے وھد ءِ گردِشت ءَ

دِل ءِ ڈگار کہ کسّ ءَ نہ چنڈ اِتگ تومے
کُجا بہ گْواراں وتی دِیدگانی گْوارِشت ءَ
عشق شاعرءِ نزّ ءَ یک انچیں شاھگان ءُ پاکیں جْْوزگے کہ شاعر گوں آئی ءَ وت ءَ اَنچو بندوک کنت ءُ وت ءَ عاشقانی ھما ٹکّ ءَ شُمار کنت اودا ، بالاد، ارواہ، زِند، مرگ ، زمین ءُ اے پْْراہ ءُ مزنیں گیدیءِ چیرءُ اندریں راز ءُ اسراراں وتی تہا پدّر بُوھگ ءَ گِندیت۔ما کہ ارمان ؔ ءِ شاعری ءِ تاک ءُ دروازگاں پچ کنان ءَ تہا روان بئیں تہ مئے دیما یک دِگہ جہانے زاھر بُوھان بیت۔ءُ ارمان ؔءِ وتی جندءَ زِند ءِ جیڑہ، چاگردی جنجال ءُ ڈکّھ ءُ وئیلاں چہ وتارا دُور ءُ گِستا کَنگ ءِ یک کوشستے گِندگ بیت۔
ہرکس اِدا چہ گیش نہ اِنت جِند ءِ حاجتاں
تئی مہر ءِ سُتکہ پاد کُجام ساھگ ءَ بہ رؤت
گوں روایتی کلاسیکی توار ءُ گالوار ءَ ارمان ؔ ءِ کِرّا مارا دِلپْروشی ءُ نااُمیتی ھم گِندگ کئیت۔چورئیں کُدوہ، آس شروکیں آدینک،آزمان نندیں زمانگ،اشکریں گُژن،تْْراولانی ھلوت،باطن ءِ تلکار پیچیں گْْواش،نیمونیں اوست،بینگیں نیمون،چاڑمینتگیں موسم،زنگ آماچیں ارس،جون کہچریں زیدءِ رنگیں چہر ، شُبین ءُ گالبند ارمان ؔ ءِ شاعری ءِ کلات ءِ دِیوالاں بُرز تِر کننت