آس ءُ آپ ءِ تہا کہ دم کشّیت
یکّیں چمّ ءِ تہا دو چمّ کشّیت

مرچی دنیا کہ چرس ءِ موڑا اِنت
چہ تئی دیدگاں دو دم کشّیت

مرچی بلکیں ھدا ءِ دل وشّ اِنت
مرچی زربار ءِ کَوش ھم کشّیت

باج ھما بارت نوبتاں جنگ ءِ
زھم ءِ ہمبراہی ءَ قلم کشّیت

راہ ءِ نیّت ھدا بزانت چے اِنت
رَھگْوز ءِ نیمگ ءَ کدم کشّیت

عاجز ءَ بسّ ہمینچک ءَ ونتگ
عشق ءِ بیمّاری ءَ پہ دم کشّیت

@Labzank
telegram.me/Labzank

یک کْوہنیں پِربندے

سر مجن پہ رنگراھاں
دل مجن پہ ہمبراھاں
روچ کہ سر ءَ کشّیت
تو میا من وت کاھاں

دیدگانی سوداگر
پْرشتگیں دلے دزگر
من پہ ساھگے اوشتاں
تو پہ منزلے سر گِر

گُل گوں دامن ءِ تار ءَ
چپ ءُ راست کنت مارا
شائرے ءِ دست ءَ اِنت
تْرانگانی سی پارہ

عاجز ءِ بگر گپّ ءَ
گوں مجن دل ءِ ٹپّ ءَ
انّوں ھانی ءِ وھدیں
زیبلک شتہ چپّ ءَ
مجید عاجز

@Labzank
telegram.me/Labzank

ناکو لشکو
ندر پہ طارق پیشکانی ءَ

پیکپ ءِ مینی ءِ مہ جن گپّ ءَ
گْوادر ءَ چینی ءِ مہ جن گپّ ءَ

زی منا امریش پوری ءَ گُشتہ
ہچ مہ گُش ڈینی ءِ مہ جن گپّ ءَ

من وتی ریشّ داشتگ اَنت اللہ
گوں من بے دینی ءِ مہ جن گپ ءَ

مٹّ نہ بیت روسی مہ لِکاھانی
گوں من پِلپینی ءِ مہ جن گپّ ءَ

دْرپش اِتگ طارق ءِ سَرگ کوٹّیں
ماہ ءِ رنگینی ءِ مہ جن گپّ ءَ

@Labzank
telegram.me/Labzank

مـن ءَ مـات ءَ مـاں شـاگـیں گـوانـزگ ءَ چـش نـہ چَـڈینتـگ ءُ چـش لیـلـو لیـل نـہ کـتـگ کـہ مـن وتـی مـات ءُ ڈیـھـ ءِ بـددوا ءِ دیـم ءَ وتـی سـر ءَ جھـل بـہ کـن آں!

مـن چـشـیں مـاتے ءِ چـک نیـاں کـہ پھلـی بـہ لـوٹ آں ! مـن ءَ بـاھـو ءِ لـوپ منـزور انـت.

اگـاں بَـچ پـہ وتـی مـات ءَ انچـش گنـوک بـہ بـوتیـں، گـڑا رژنـا ءُ درپشـوکـیں بـام ءَ زیتـاں زیـت دراھـی داتـگ اَت کـہ مـروچـی مـا آئـی ءِ ودار ءَ ایـں...

ھارون اخـلاقـی#
*کــورُشــیں گــال*
لبـزانکـی مجلـس کلمتـی کـاروان.

مـن ءَ مـات ءَ مـاں شـاگـیں گـوانـزگ ءَ چـش نـہ چَـڈینتـگ ءُ چـش لیـلـو لیـل نـہ کـتـگ کـہ مـن وتـی مـات ءُ ڈیـھـ ءِ بـددوا ءِ دیـم ءَ وتـی سـر ءَ جھـل بـہ کـن آں!

مـن چـشـیں مـاتے ءِ چـک نیـاں کـہ پھلـی بـہ لـوٹ آں ! مـن ءَ پـاھـو ءِ لـوپ منـزور انـت.

اگـاں بَـچ پـہ وتـی مـات ءَ انچـش گنـوک بـہ بـوتیـں، گـڑا رژنـا ءُ درپشـوکـیں بـام ءَ زیتـاں زیـت دراھـی داتـگ اَت کـہ مـروچـی مـا آئـی ءِ ودار ءَ ایـں...

ھارون اخـلاقـی#
*کــورُشــیں گــال*
لبـزانکـی مجلـس کلمتـی کـاروان.

گـوشکنـد 😂😄

روباہ ءُ گُراگ ( کلاغ)

گُراگ درچک ءِ سر ءَ نشتگ ات ءُ پنیر ورگ ءَ ات.

روباہ ءَ گوشت وا وا چہ سرے ءُ چہ سُنٹے ءُ چہ دُمبے!

شریں پاد ءُ وشیں رنگے
بیا وشیں آوازے بہ وان!

گُراگ ءَ پنیر بانزلانی چیر ءَ کُت ءُ گوشتی:
برو گم بئے! 😄

آ وھدی کہ تو من ءَ رد دات ءُ منی پنیر ات بُرتگ ءُ من کلاس سَے بیتگاں بلے انی من لیسانس گپتگ.

روباہ ءَ گوشت گندگ ءَ آں کہ تئی پُٹ ھمے واست ءَ رتکگ انت!!

گُراگ ( کـلاغ) ءَ وتـی بانزل چِست کُت انت کہ وتی رتکگیں پُٹاں بہ چار ایت یبر ءَ پنیری کپت!

روباہ ءَ گوشت ھاں چتور ئے 😄 آ وھدی کہ من تئی پنیر بُرتگ رھدبرے بیتگاں بلے انی من مزنیں استاد دانشگاھے آں. 😂😄😄

رجانک / *کــورُشــیں گــال*
لبــزانکــی مجلـس کلمتـی کـاروان.

@ھاشمی آمڑ @
@بلوچ راجی چیدگ @
بلوچ رھدربر بلوچ ند کار بلوچ لچہ کار ءُ بلوچ گوشندہ بلوچستان ءُ بلوچ راجءِ راجی کُنگر ( ھیرو) ءُ چیدگ اَنت.
بلوچستان ءِ سیاسی جاور انچُش ناوش ءُ ناگیگ اَنت کہ بلوچ رھشون ءُ رھدربر سوشل میڈیا ءِ تہءَ وتءَ پیش داشت نہ کن اَنت بلے ندکار لچہ کار ءُ گوشندہ آنی اکس ءُ مووی سوشل میڈیا ءِ تہءَ ھر رو ترپل اَنت.
بلے انچُش اَنت کہ اے اکس ءُ مووی مھلوکءَ جیڑگءَ پرما اَنت کہ مئے راجی چیدگ وتی دوزواہ ءُ نوکیں پدریچءَ چے کلوہ دَیگ لوٹگ اِنت.
منی گوشگءِ مول ءُ متاہ مئے راجی چیدگانی ھما کِرد اِنت کہ سوشل میڈیا ءِ تہءَ پدر اِنت. بِزاں کہ ھما سِل کاری اِنت کہ مئے راجی چیدگ کنگءَ اَنت, بِزاں کہ ھر وھد انچیں اکس ءُ مووی شِنگ کن اَنت کہ شراب بیئر ءُ دگہ نشہ کنگ اَنت ءُ اِشانی گِندگءَ پد اِشانی دوزواہ جُست گِر اَنت کہ اے باز وشیں گُشندہ ئے سربازار چوش کنگ اِنت, اے بلوچیءِ ٹوھیں ندکار ئے اے گوں نشہءَ برباد اِنت, ءُ اے وا باز مزنیں لچہ کار ئے کہ چوش کنگ اِنت.
بِزاں کہ ھما مئے راجی چیدگ کہ وتی ازمءَ بلوچانی دِلءَ جاہ اِش کُتگ گوں وتی کِردءَ وتی دوزواہ ءُ لوٹوکانی دِلءَ دیر بیان اِنت.
ءُ دومی ھرابی اِش اِنت کہ نو دربریں گُشندہ ند کار ءُ لچہ کار ھمشانی رنگء وتءََ رجینگ انت ءُ ھمے نادراھیءِ آماچ بَیان اَنت.
منی واجہ ایں راجی چیدگاں گوں شما دست بنداں ارز کناں کہ وتی رَبّءَ بِچار ات وتی اے نشہ جتیں اکس ءُ مووی آں شنگ مہ کن ات.
شما راجی چیدگ اَت راج یا شمے رنگءَ وتءَ رجین اِیت یا چہ شما دلپروش ءُ بد دل بیت.
ھر دو دیمءَ راجی تاوان اِنت

دستونک

کِرام کنت نِزّے آ اَجب پیشداریت وتءَ
دل زَری سَد بَر تئی رَواج آتراپاں وڈے

پَمّن ءَ دردے سَنگَھِی پُرسُوزیں تَوار
شانک دانت شال ءَ ژند کَنت آچاپاں وڈے

دل کُجاء سَندانی سَری دَنزاں گوں نروت
آ گزال گردن چِست کنت آلاپاں وڈے

چمّگاں تَرکّی ترکُّلاں آپ کُرتگ لُڈاں
من دلے تِنگّاں تئی دَپی سبزاپاں وڈے

یک اَناگہ ءَ تو منی ھُوشءَ اتکگ ئے
یک دَمانے ءَ سَر جَتگ تُرندّاپاں وڈے

من کُتگ ادنان تئی دل ءِ میانءَ زندگی
بے بلا باتیں مِتکگیں جوراپاں وڈے

ادنان مکبول


@Labzank
telegram.me/Labzank

#سِـہرءِمہ_کن__مـہرءِبہ_دئے
#بزانت آکار کہ پہ مہرءُ دوستی کنگ بیت پہ زور بیت نکنت
#پژدر یک جنینیءَ وتی مرد نا دوست اَت-شُت مُلّائے گورا کہ سِہرءُ موٹ بہ کنت- مُلّا اے جنینءُ مردینءِ گیشتریں هبراں چہ پیسر سرپداَت- " مُلّا ءَ گُشت :تو چوش بکن یک کپوت ءِ درگیجءُآئیءِ دومبءِ دو سئے ٹال پُٹ بہ کوجءُ پہ من بیار تاں من تابیزءِ(تائید) نبشتہ بکناں-پیسرا من وت کپوت گپتگاں انی من پیر ءُ عاجزاں اے کار گوں من بوت نہ کنت-جنینءَ چہ مُلّایا جست گِپت کہ گُڈا باریں من چوں اے کارءَ کُت کناں؟؟ - مُلّایا گشت تو یک جاہے دان بہ ریچ کپوت کہ همودا دان وراگا کا ینت تو یک برے تاں مزنیں وهدیءَ آهاں هچ مگُش وهدے کہ تو دیست رامگ انت پہ گرگءَ هچ بال نہ کن انت هما وهدءَ کپوتءِ بِگر بانزُلءِ ٹالءِ بہ گوج ءِ-

جنین چہ مُلّاءِ گورءَ پاداتکءُ شُت- آئی ءَ مُلّائے گشتنءَ پد انچوش کت- یک روچءِ گوں کپوتے بانزُلے ٹالاں مُلّائے گورءَ اتک- مُلّایا چہ جنینءَ جست گپت کہ کپوت تو چوں رامگ کتءُ دستءَ آورت- جنینءَ وتی سرجمیں کسّہ مُلّائے گورءَ بیان کُرت-
مُلّا ءَ جنینءِ جوابءَ گُشت بچارکتو یک هیوانیں کپوتے چارءُ گُزار کُتءَ ءُ پہ مہـــــر وتی دستءَ آورت کُتگ
گُڑا تو دلجم بہ بئے پہ مهـــــرءُ دوستی تو وتی مردءَ دستءَ آورت کنءِ پمیشکہ منی سوج گوں تو ایش انت کہ تو مردءَ سہـــــر مکن بلکـیں مہـــــرئے بدئے

(نـــــبشــــتـہ کار) #الہی_هسرت_کلمتی

@Labzank
telegram.me/Labzank

جـــی بلــوچســتان
گـوں نرمـزاریں بیــلان

ھلـو ھـالـو کـن اِت
وابیـں دل ءَ آگـاہ

زھیـر کنـت مـن ءَ

بیـا کـہ !

جھـان ءِ سـوگات درد انت
ویـران بیـت زنــد
ھیـرات کـن ایـں سـر ءَ

کئے زانـت وشـیاں
مــن
بے تـو مبـاتـاں

ســوگنــد انـت مـن ءَ
کـہ نبـاں بے ھـال

ھـر وھـد ءَ بـہ بـات تئـی اُمیـت

نـدر بـاتـاں ءُ کـولیـگ
جـی ءُ جـان

مئے مھـر ءِ نمیـرانـی ءَ
زانـت ھـر کـس

کـہ مھـر ءِ کنـڈیـل روک انـت
وت واجھـی وت سـر نـہ ائیـت
پـہ جنـگ ءُ درد

اُو وھــد ءِ میـریں کمبــراں
بلـوچ ءِ روچ کیـت.
ھـارون اخـلاقـی#
*کــورُشــیں گــال*
لبـزانکـی مجلـس کلمتـی کـاروان.

دروت دوستاں

باز باز منتوار آں چہ پلیں ھمبلاں کہ دیوان ءَ بھر اش زرتگ ءُ بھر زیرگ ءَ اَنت. 🌹🌹

شما اے ھیال ءَ مہ کن اِت کہ شمئے کمُّکیں بھر زیرگ ءُ کسانیں نبشتانک بلوچی ءِ ھچ دردے ءَ دَوا نہ کن اَنت ءُ اے برتگیں کَنڈ ءِ دپ بندگ نہ بیت!!

وھدی بلوچاں گْوشتگ:

*ھُرّے ھُرّے کاسگی پُرّے*

شما اگاں ھپتگے توک ءَ سْیاھگ ءِ یک آسانیں رھبندے یاد بہ گر اِت من دلجم آں کہ شما شش ماہ ءِ توک ءَ بلوچی سْیاھگ ءِ نبیسگ ءَ الکاپ ءَ زان اِت ءُ یاد گر اِت.
پد ءَ ھم ھمے کہ شمئے دلگوش گوں وتی ماتی زبان ءَ اِنت ءُ شمارا گوں بلوچی ءَ مھر ھست ھمے ھم یک گنجے!

دگہ گپّے گوں بلوچی دوستواھاں:
دوستاں باز دوست ءُ برات ھست پہ وتی ماتیں زبان ءِ دوستی ءَ ھمینچُک ھُبّ ءُ واھگ اش ھست کہ ھرچے زیتّر سرجَمیں دریں زبانانی گال ءُ گپتارانی ھمدپیں بلوچی گالاں در بہ گیج اَنت ءُ بہ زان اَنت ءُ برے برے ھنچیں جست ءُ باوست بیت کہ بلکیں تنے وھدی پہ اے گالاں بلوچی ھمدپیں گال در نہ کپتگ ءُ زیرگ نہ بیتگ یا دیم ءِ مردم کہ چہ آئی ءَ جست کنگ بیت منی بدلیں نابزانتے کہ سرپد نہ اِنت!
من شرّ ھیال داشتگ چشیں وھداں ھما جست کنوک ءَ اگاں وتی جواب مہ رس ایت گُڑا الّم ءَ چہ بلوچی ءُ بلوچی ادب ءَ روگردان بیت ءُ دلپروش بیت ؛

بلے شرّ بہ زان اِت کہ چو نہ اِنت ءُ دلپروش بَیگ نہ لوٹ ایت پرچا کہ بلوچی زبان ءُ ادب میاریگ نہ اَنت ءُ میاریگ من ءُ تو ءُ بلوچی ءِ اے دگہ دوستواہ ایں کہ اے بارہ ءَ ما ھچ پیمیں جھد ءُ کوشستے نہ کتگ.
اگاں ھنی پارسی ءُ تازی ءُ اردو ءُ انگریزی ءَ جوانیں گال ءُ گپتار ھست ءُ,, ریاضی ءُ فیزیک ءُ شیمی ءُ ھندسہ ءُ علم نجوم ءُ انترنت ءُ کامپیوتر.....,, وانگ ءُ وانینگ بیت اے کار آ راجانی سدانی سال ءِ جھد ءُ کوشستانی بَرورد اِنت کہ مروچی پہ ٹھلے وان اَنت ءُ نبیس اَنت ءُ پَٹّ ءُ پول ءُ پوجیمکاری کن اَنت!!
ھنّی کہ مارا شمارا وانگجاہ ءُ وانینوک ءُ دگہ دربَرگ ءُ سوج دَیگ ءِ در ءُ چارہ نیست شما ھمے سیاھگ ءِ راست نبیسگ ءَ جھد بہ کن اِت ءُ ھما گال ءُ گپتاراں کہ آیانی ھمدپیں بلوچی ھست آیاں یاد بہ گر اِت بلے پہ آ گالاں کہ بلوچی ھمدپیں گال نیست شما وتی جھد ءَ بہ کن اِت ءُ اگاں یک ھمدپیں گالے شمئے ھوش ءَ آتک شما وتی گال ءَ دیوان ءَ ایر بہ کن اِت بلکیں یک روچے ھمے گال ءُ گپتار گچین کنگ بہ بنت ءُ بلوچی بزانت بلدانی بْراہ بہ بنت!
بلے اگاں شمارا وتی جست ءِ جواب نہ رس اِت گُڑا چہ بلوچی ءَ دلپروش مہ بَہ اِت کہ بلوچی ءَ کمّی نیست اگاں کمّی یے ھست گُڑا آ کمّی چمّا اِنت.

شالا سوبین ءُ سربلند بات اِت
*اسـتاد ولـی مھمـد ولـی*

وقتـی کہ شپ لنـج ءُ تھـار بیـت
دل پہ مـہ گنـج ءَ بے قـرار بیـت

دوست اگر نیم چمی من ءَ چار ایت
دل بلے زیـر ءُ جـان نثـار بیـت

دائـم پہ دوسـت ءِ خـاطـر ءَ عاشق
رنـج گنـد ایـت ء ُ بُـرد بـار بیـت

مئے کمان میٌان کہ گرھم دنت زلفان
بـاز ئے دل بنـدگ ءُ شـکار بیـت

وقتـے کہ راہ ءَ کـرام کنـت کبگـی
گـروھـگان قمـری شـرمسـار بیـت

کند ایت گوں سرخ ءُ رشتگـیں لنٹاں
غنچـہ خـون لاپ ءُ دلفـگار بیـت

داب کنـت مـہ گـونـگ شـپ پـاسـاں
مـاہ گـوش ئے آسمـان تھـار بیـت

چـم منـی بے وابیـں کـدی یـا رب
گـوں کجـیں بـروانـاں دچـار بیـت

بُـران چـو فـرھـاد ءُ غـم کـوھـاں
گـر مـن ءَ شـیریـن غمگـسـار بیـت

گل دو روچ ءَ کپ چـیر دنـت دیـم ءَ
بـزگـیں بلبـل خـوار ءُ زار بیـت

تبـد ءُ گـوریچـان غـم مـکن بلبـل
عـاقبـت یک روچـے بھــار بیـت

بیـا روانبـد گـل، گـل ءَ گنـد ایـت
گـریـوگ ء َ بلبـل بـے میـار بیـت
مـولـوی محمـدعبـداللہ روانبـد
*کــورُشــیں گــال*
لبــزانکـی مجلـس کلمـتی کـاروان.

جی آر ملا کتاب بژن

دل پُرشگیں تارے نہ انـت
دوستی دگہ جارے نہ انت
بِل چمّک ءُ بل پونزک ءٰ
بل گوچلی کارے نہ انـت
یل دئے مـدامـی منّگاں
آشک تئی وارے نہ انـت
سوچ ئے چیءٰ موجیں دلءٰ
دل سوچگی دارے نہ انت
ماں گردنءٰ کہ شیپ گپت
پنگے بزاں مارے نہ انـت
باراں اگاں من تئی گماں
تئی گم چوشیں بارے نہ انت
ابدال منءٰ لیک انت گنوک
پہوال گش انت سارے نہ انت
مُلّا تئی بانیں مسیت
چو کہ حرا گارے نہ انت

جـــی آر مُلّا


Besam:
@Labzank
telegram.me/Labzank

فایل صوتی از طرف بسام

تنگھی ......

اے تئی مَچکدگ

ھور ءُ گوات ءِ سرا

درتکگیں اَکسے ءِ دروشم ءَ

لڈّاِتگ چہ جلشکانی شھر ءَ وتی

چو کہ پیرزالےءِ کُنٹیں مئیمءِ وڑا

گوں وتی ھستیءَ ڈیک دنتءُ کپیت

تنگھی .....

مَن تئی ھستی آں

آسیں ورنائیءِ بار ماں کوپگاں

تو بگندے مہ زانئے منا

من کُروچانی تی ساھگءَ رُستگاں

من کہ ھمدا وتی زیبناکی چتگ

تَو ندیستگ منا

گڈا تُو

وھدے ھامین بوت

تئی اے مچّانی گرکاں کلونٹاں چہ گیش

بینگیں کسھانی وتی اوش من درتکگاں

تنگھی ......

اے وَ انّوگیں یک روچےاَت

من کہ گوستاں چدا

سادے پاداں اڑاِت

چو کہ کبگےءَ مارے پتاھان کنت

انچو تنیگّیں چَمّاں پتاتگ منا

پادءِ پادینکءَ بس کمّکیں مُکَ اِتگ

چُنت آدینکیں سوتانی زپتن بدن

من پہ سد مُشکلءَ

مار پیچیں بدن نز آرتگ وتی

دیدگاں چہ در اتکءُ دلانی تہ ءَ ایر کپاں

بوتگاں

انگریں تُنّ وھدے وتی نوبتءَ

نرمیں رکّانی نیامءَ منی بال اِتہ

کندگی بوتگاں

بس ھما انت پدا .......

ھَور سالےءَ مھتل بہ بیت

یا چراگے چہ بانگواہءَ پیسر مریت

کاروانے گسر بیت چہ کشکءَ وتی

یا اناگہ ءَ یک زیمرے

وابیں دمکانءَ پادین پادا بدنت

دُرس چار اَنت منی نیمگہ

من ........

من اے ھَستی

وتی داگءُ پولنگیں زیبائیءِ

مانشءَ کْبر باں

تنگھی .................

سک شر کُت گسر بوتگے

زندگی .......

شھدیں زیبائیءِ کندگے اوں نہ سگیّت ادا

تو نہ دیستگ منا

من تی سھتی آں

من کہ اے زیبناکی وتی

چو کلونٹءَ تی مچّانی چیرا چِتگ

دل گُشیت

تو پدا کمیّں واتّر کتیں

ءُ سرونءَ منی داگءُ پولنگیں زیبائیءِ

مانشءِ

یک کُروچےءِ گْونگے جتیں

یکدمے ........

من گوں دلءَ گوں رضاءَ وتی کنداکیں

ءُ پدا منءُ تو ............................

ءُ تی مچکدگ

ھَر سھیں وپت اِتیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مُنیر مومن

Besam:
@Labzank
telegram.me/Labzank

گُرکاں گلے کُت


گوھرام ءٰ گپّ جت گوں پتءٰ
پٰون ءِ سرءٰ
چہ مشکتءٰ
ابّا
سباھی تو وتءٰ
ھر پیم انت بہ رسیں گوادرءٰ
،،پنجاپءِ مہمان،، آتکگ انت
بُوٹاءُ دوسا ھر دوئیں
تئی گوشتنءُ سوجءِ پدءٰ
زی من زمین پیش داشتگ انت
" مہدیءِ بیٹ "
" گنجل زمین "
" گلگانی ڈن "
ھشتاد کروڑ من گوشتگ انت
بـے زات نہ منّ انت انچکءٰ
پہ شستءُ پنچءٰ رازی انت
پنجاہ کروڑ " کیش " دے انت
پانزدہ کروڑ چِکّ " اوپنیں "
ماھےءِ مُہلت لوٹگءٰ انت
تو پہ سلامت بیا بہ رس
کاراں ھُدا وت شرّ کنت
گر مئے زمین
مِلکءُ مٰٹیں
پت پیرکی
ایشاں نہ زرت انت بیرگءٰ
تاجر دگہ باز ترّگءٰ انت
زردار مگیمءُ مالدار
گوادر نی آ گوادر نہ انت
پنجاب توامیں جُمب اِتگ
چو گوادرءٰ
کہ سر پہ شیتان پر نہ بیت
اورماڑہ
پسنی
پیشّکان
داں جیونیءِ تیاب گورءٰ
دنیاءِ کارُونی جم انت
زرّ ھنچش انت
چو کہ مدگ
کُٹّءُ کواراں گیگ نیست
نہ گونیءُ نے گوالگاں
شنگ انت ھمک کرّءُ گورا
سبزیں ھزاری، پنچ سدی
گندگ نہ بیت سُہریں سدی
پہ اے نہادءُ کیمتءٰ
دستاں مئے چُکّ ایت ھر کسے
لاھورءِ سیٹ
کےبی کہرل
وت مئے زمیناں امب چنت
سیالکوٹ ءِ یک سوداگرے
اے ڈبلیو عرفان ڈار
ھم چنگرو انت زیرگءٰ
دگہ کمپنی یـے پٍنڈیءٍ
" ایس کے وڑائچ اینڈ سنز "
یکجاہءٰ ھپتاد نگد دنت
یکّےءُ کپّے کبز کنت
دشتءٰ بگر داں کے زِرءٰ
ھژدہ ھزار اِکڑّ ردءٰ
گِر پٹّ زرتگ زالم ءٰ
پنجاہ ھزار اکڑ دگہ
پکّار انت انگت ایشیءٰ
بل ایشیءٰ گر آئیءٰ
نی بیا ترا ھالے دیاں
ھالءٰ گوں تو ھیران بٰـے
مرچی ھدابکش ھاشمءٰ
تہنا ھرءِ بنجاہ وتی
ھپتاد لکّءٰ بہا کتگ!
ھیران انت زرّاں چوں بہ کنت؟
کِیرگیں ھرءٰ بند اِیت کجا؟ ؟


📝 عابد آسکانی


Besam:
@Labzank
telegram.me/Labzank