🌹 کنــدءُ مـَــن کَنــــدیــں🌹

( ٹــارچ ،بَتّـــی )

پَٹھـان،جَنـّت گُـلءَ وتـئ چیــزے جَــرءُ رزان مـاں ھَلـکـاں بہــا کُتـگ اَتءُ چیــزے پَشـت کَپــتگ اَت
تَہــار مگــربءِ وھــدءَ وتــی ھَــرءَ ٹِکّیــناںءُ سَــردیان واتــر دیــم پَــہ وتــی لــوگءَ پیــداک اَت
َہـور ھَــم بــوتگ اَت بَــلے جمبـــراں اَنگـتءَ آزمانءِ دیــمءَ را سیــاھیــں چـادرے پِـرداتگ اَت
وھــدءِ پٹھـان پـــر ھنــدگءِ کــورءِ نــزدیکءَ اتـک دیــست ئے داں کــورءَ بلاھیــں آپءِ آورتـگ
آیءَ تــوکل کُــت گــوں ھَــرءَ آپءَ مانـدات
وھـدءِ آپءِ میـانجیءَ شُـت دیــست ئے
داں آپ گیــشتر بـوان اِنت آپءَ ھَــرءَ را گــوں بارءَ چِــست کُـتءُ ماں جہــلانکیءَ بُــرتءُ دور دات
پَٹھـان پُـہ وتـی رکّیــنگءَ کــورءَ تـَہـا کَــہیرےءَ سَــر کَپـت
گُــڑا وھـدے جَمبــرءَ کــہ گِــروکءَ جُـت پَٹـھان چَـہ زھــرءُ گُــشگءَ لـگّ اِت
ھُـداءَ را پہ من بَــزّگ ھــوں نَـہ بیــت ھَــرے ئے گــوں بارءَ بُـــرت نــوں ٹارچ جَنــگءُ چـارگءَاِنت کِــہ پٹـھان باریــں کُجـا شُــت 😂😂
@Labzank
telegram.me/Labzank

❇️ پیریں بلوچ ءِ دُرّیں دانک پنت


علامه اقبال لاهوری رودراتک‌زمینءِ ٹوهیں زانتکار ءُ شاعر، وتی کلیات ءِتہا یک شعرے آرتگ که آئیءِ سرگال انت " بڈهے بلوچ کی نصیحت اپنی بیٹی کو" یک پیریں بلوچی ءِ پنت ءُ نسیهت پہ وتی چکّ ءَ .

اُمیت اِنت کہ مئے بلوچ گیشتر اے پنتانی نیمگءَ دلگوش بدار انت.

🔹اولی پنت
🔸وتی مُلکے کَدرءَ بزان
🔹دومی پنت
🔸هرکارتہا زرنگ ءُ چالاک ببو
🔹سومی پنت
🔸همّت ءُ گیرت والائیں مردمے ببو
🔹چارمی پنت
🔸هر وهدءَ زانتکاریءِ پدا ببو
🔹پنچمی پنت
🔸بزان که هر کوم ءُ راجے سرنوشت وتی جندے مردمانی دست انت.
🔹ششمی پنت
🔸اگاں تو اِزّت لوٹے گڑا سکّیانـی کشّگ ءَ تیار ببو
🔹هپتمی پنت
🔸هر ٹیم ءَ وتی بروسہ ءُ توکلّ ءَ الله ءَ سرا بکن.


@Labzank
telegram.me/Labzank

@ ھاشمی آمڑ@
نہاری
مروچی سہبءِ کِساس نزیک سہت یازده ءَ من میمن گوٹھ ءَ (بازار ءِ نامیں) پکوڑا روٹی ورگ اَتاں کہ منی سنگتءِ اتک ما دروت ءُ درھباتی کُت سنگتءَ من جُست کُت کہ ترا ھیر اِنت کہ اے وھدءَ اِدا نِشتگ پکوڑا ورگے من گوشت بیا بِنند پکوڑا بہِ ور ترا وتی گپاں جناں. سنگت نِشت من دگے پکوڑا روٹی لوٹائنت ورگا اَتیں سنگتءَ گوشت
وتی گپاں بجن. من گوشت کہ گپ چوشیں مزنے گپے نہ اِنت بلے ھیر گوں تو کنان اش. گپ چوش اِنت کہ سہبی من وتی لوگءَ واب اتاں کہ گونڈلے اتک منءَ پاد اش کُت کہ منی پت گوش ایت کہ منی تبیھَت وش نہ اِنت سواری نیست منءَ ملیرءَ اسپتالءَ سر کن, من اِشتاپ اشتاپءَ دیم شُشت گاڈی زُرت ءُ نادراھ سوار کُت گُشاد گُشادءَ پہ اسپتالءَ رھادگ بیتاں منی اِشتاپی گامگیجاں اوں من سہتے نیم زُرت ءُ اسپتال ءَ سر بیتاں اسپتالءَ مردک داکل کُت ءُ من درکپتاں پہ مُلکءَ بلے من دلءَ ھیال کُت کہ من رواں سنگتے گورا نہاری ئے گِراں کہ منی راہ سر اِنت ھمے نیمونءَ گوں سنگتءَ گِند ءُ نِندے اوں بیت. من شُتاں ھمے سنگت میتگءَ گاڈی داشت گونڈلے ءَ من جُست کُت کہ نومان ھمدیں برو بگوش کہ ترا مردمے لوٹ ایت گونڈلءَ گوشت کہ نومان گڈاپءَ شُتگ دگے گونڈلے اوشتاتگ ات کہ گوشتی مروچی یک شنبے اِنت نومانءِ چُٹی ایں نومان یک شنبے آں گڈاپءَ رَوت من نمبر گِپت داں کارا نہ اَت من دِلجم بیتاں کہ مردک گڈاپءَ شُتگ کہ گڈاپءَ موبائل کم کار کن انت.
ھیر من چہ اِدا درکپتاں دیمترے شُت وتی دگہ سنگتے جاڑوک بادینیءَ پیام کُت کہ کُجائے دمانءَ جواب دات کہ من چُک آورتگاں کالابورڈءَ .
من گوں اے سنگتءَ گیشتر ھِچ ھال اھوال نہ کُت بلے اے ھردُکیں سنگتانی یک گپے گوشے زاناں منی گوشاں بانگ دئیگ اَت کہ منی دگے سنگتے کہ در ملکان اِنت سال ءُ شش ماھانی سرا کئیت ھپتگے کپّے کہ وتی ناکو میتگءَ جل اِیت ھمے سنگتاں دپ ءُ دنتاناں کُتگ پرچا ناکو میتگءَ ھپتگ جل اِیت.
پیسبک ءُ واٹسپ گروپانی تہءَ ھمشانی ھمے ھال ءُ ھمے کِسہ. بلے ھمے مردک گڈاپءَ شُتگ ءُ دومی کہ کالابورڈءَ شُتگ ھردُکیں وتی ناکوانی میتگاں شُتگ اَنت. اے ھِساپءَ منی درملکی سنگتءَ کہ اے تژمان جن اَنت, گُڑا بِزان کہ ھما تِین ءُ تاپگءِ شگان اِنت. بلوچاں راست گوشتگ کہ
گوکءَ بُنی بنجاہءَ بچار ءُ مردءَ جَنّ ءِ مُلکءَ.
منی گپ کہ ھلاس بیت اَنت منی سنگتءَ گوشت کہ بِزاں تو نوکی نہاری کنگے من درائینت ھَو .
من زر کشت اَنت کہ پکوڑا والاہءَ دیاں پکوڑائیءَ گوشت کہ منی جِندءَ مہ جنائین من تئی زرّاں بزیراں واجکار منءَ پہ لٹ کُش اِیت.

دستونک مُنیر مومن

گیاباناں سر جناناں دل ءِ بـےکراری اِنت
هستی ءِ آس روک اِنت ءُ دمکاں تہاری اِنت

مـرچـی گشے جہان ءَ وتـی درد پِر نہ انت
هـر نیمگا کـہ چاراں تئـی راهچاری انت

رنگاں مجاں چادر ءَ بندیت ءُ ایر کنت
باریں اے گوات پـہ کئی مسکاں وداری انت

آ چَـمّ کدهـیں سـُرنت گُـڈا رنگ مٹ بنت
آ بـے مسالـیں دسـت ءِ همک ٹپ کاری انت

سـد رنـدا مـا مُنیـر دل ءِ کُل آس دات
انگـہ بلـے زهیـرانـی شہراں تہاری انت


@Labzank
telegram.me/Labzank

گـوَشـکـَـنـد – اَدَبــی هَـکـیـم
جَـن ءُ مَـردے بـے تـرِپّ ءُ تَـوار نِـشـتَـگ اِت اَنـت ، اَنـاگـَـہ جَـن ءَ آهـے کـَـش اِت ءُ گـوَشـت مَـردَک وَهـدے کـہ تـو چُـشـیـں نـیـزگـارے اَت ئـے گـڑا تـو پَـرچـا مَـن ءَ سـانـگ کـُـرت ؟!!!... مَـرد ءَ بـچـکـَـنـد اِت ءُ گـُـوَشـت مـن بـاز بَـرءَ تـرا گـوَشـت اَبـیـد چـہ تـو مَـن ءَ دگـے هِـچّ نـیـسـت آ وَهـد ءَ تـو کـَـنـداِت ءُ گـُـوَشـت مـن پَـہ تـو کـَـولـیـگ بـات آں کـہ تـو مـن ءَ اِیـنـچـو مِـهـر دیَـگءَئـے ؟!!!...

@Labzank
telegram.me/Labzank

دستونـک ............................. جـی آر مُلّا

درد تنگان ءُ رنج نوشاں مـن
بلـے دنیا گُشیت اَنوشاں مـن

شیشگاں بل ءُ کوهنیں مشکاں بیار
کُمب نوشان ءُ انگت هوشاں مَـن

نیّتوں پاک اِنـت چو کہ زگریں شیر
انگت بنّام کہ ،، چوش ءُ چوشاں مـن

هر کس سۂی اِنـت چہ کوهیں بالاد ءَ
رُتکگاں جنـد ءِ پُرشت ءُ پُرشاں مَـن

دژمن زوراک ءُ پر سلاه بندیں بنـدیں
بژن اِنـت بـے واک ءُ دست ءُ گوشاں من

نـدر باتاں پـہ تنگۂیں بـراتاں
بـرات ءِ کُوش ءَ چُتور شموشاں مـن

آجـوی آجـوی منـــــی ایـمان
هچ نـہ تُرساں چـہ کُشت ءُ کوشاں مـن

شِـرّ ءُ رُزوائے مـاں جہـان مُلّا
تئی کجام پـردگ ءَ بـہ پوشاں مـن


@Labzank
telegram.me/Labzank

گـوشکنـد 😄😜

نودبندگ تـریـاک ءِ مُھتـاد اَت، مـدام جنیـن ءَ نُرونـڈ اِت کـہ تـرا دگـہ کـار نیسـت انـت شـپ داں سھـب ءَ نشتـگ ئے مـاں منـکل ءُ بـاپـور ءِ سـر ءَ ... نـی نودبندگ ءَ چـار اِت اے وَ تـامـے نـہ انـت کـول ئِے کُـت کـہ دگبـرے مـن تـریـاک ءِ نشـہ ءَ نـہ کنـاں ... بیچـارگـیں جنـین گَـل اَت کـہ چُکّانی پِت تـرک اِنـت... ھپتگـے نـہ گـوسـتگ اَت نودبندگ ءَ زریـے ءِ مـاں دسـت ءَ اَت چـاریـں دُردانگ نشـتگ ھِـیرون کَشّـگ ءَ اِنـت بلـے بـزگیـں جنیـن ءَ نـہ زانـت کـہ نودبندگ ھِیـرون کشـگ ءَ انـت وھـدے کـہ جنـین ءِ چـم کپـت انـت پـہ نودبندگ ءَ کـہ زریـے دسـت ءَ انـت گـڑا گـوشتـی ھـاں دُردانگیں نودبندگ اے چـے بـلاھے کـہ مـروچـی بُنگـیج کُتـگ؟؟؟
نودبندگ ءَ پـہ ٹھلـے گـوشـت بـانـُک چـے کنـگ ءَ آں! ھـچ نـہ کنـگ آں تـریـاک ءَ تـرک کنـگ ءَ آں دگہ چے کنگ ءَ آں. 😄😜😄
رجـانک / ھـارون اخّلاقـی@


@Labzank
telegram.me/Labzank

گـوشکنـد 😂😄

مـلالُتـر اش جسـت کُـت کـہ تئـی گـوھـار ءَ سـور کتـگ؟

گـوشتـی جـی ھـو اے دومـی مـاہ انـت کہ سور ئِے کتـگ !

پدا ھم جست اِت کُت کہ شریں گوں کئے سوری کتـگ؟

ملالُتـر ءَ گوشـت درآمدے نہ انت مئے وتی زامات انت!! 😄😂😄

رجانک: ھارون اخلاقی#

دگنـیا ءِ روچ پنـچ انـت ءُ شـش
درست گـوز انت وش ءُ نہ وَش

ناں میـر مـان ایت ء ناں ھبـش
ھـر چ زندہ جان موت ءَ بہ چش.
*مـولـوی روانبـــد*
*کــورُشــیں گــال*
لبزانکی مجلس کلمتی کاروان.

@ ھاشمی آمڑ @
@سواب@
ماستر موسیٰ سَے روچ اِنت کہ منی بڈا کپتگ کہ بُریں کراچیءَ تبلیگیانی مُچّی اِنت سواب کَٹّ ایں من گوشت موسیٰ جان کراچی بلاھیں کراچی ئے من تَو گار بئیں
گوشی ناں ترا آھگی نہ اِنت کراچی دیر نہ اِنت منی سیاد چہ ایرانءَ گوادرا َ پنجگورا اتکگ انت تَو نیائے مَیا من رواں
من گوشت چے کنے رَوے من تو نماز وتی مسیتءَ وانگ ایں گُڑا اے سردیءَ اینچو دِیر پرچا بُریں گوشتی اجتما روگءَ کروڑانی اربانی ھِسابءَ سواب رس اِیت
من جُست کُت سواب چی ئے ؟
گوشتی ءُ بے اَگل سواب باگیں بہشتءِ زر currency اِنت.

دستونک
منظور بسمل

٭٭٭٭٭٭٭٭٭٭٭
نہ منّوکیں اے دل پہ شان مُرتگ
حدا برگَشتگیں شیطان مُرتگ

دگہ گیشیں تماھے پَش نہ کپتگ
ہمینچو لَٹّ وارتگ جان مُرتگ

دلءَ گْریتگ ،بلے کسّ ءَنہ گُشتہ
پمیشا ہون چمّاں مان مُرتگ

طبیبءِ چے گناہ کہ درنجگی اِنت
نہ وارتگ نادْرہءَ درمان مُرتگ

تْرپیت انگت کُتب چو روچ بسمل
سفرناسرجم اِنت ساربان مُرتگ
٭٭٭٭٭٭٭٭٭٭٭

@Labzank
telegram.me/Labzank

بتـل!

*گَـوْر کـَٹّ ایـت پـہ گُـرو ءَ*

گَوْر هِندواں گوش انت ءُ گُرو گَوْران ئے ملّایاں گوش انت ! انچوش کہ زان اِت گور پہ مال ءُ مڈّی ءِ چنگ ءُ ایر کنگ ء سوهوگر بوتگ انت ءُ وتی مال اش هم باز هرچ نہ کتگ ءُ وتی مال ءُ مڈّی اش هم کس ءَ نہ داتگ بزاں دسپچیں مردم نہ بوتگ انت البت وتی مال ءُ مڈی اش گرواں بزاں وتی ملّایاں داتگ پرچا کہ آیانی نیکراه ءِ مردم بوتگ انت ءُ آیانی سروک ءُ آیانی وتی وڑیں مردم بوتگ انت ...
کارمرز : اے بتل پہ موزّین ءُ بددهیں مردماں کارمرز بیت کہ وتی چیزّ ءَ سهل سهل ءَ کس ءَ را نہ دے انت . البت وتی وڑین ءُ وتی پیمیں مردماں مدت ءُ کمک کن انت .
پولکار : سدیک رئیسی.
🌴 کــورُشــیں گــال 🌴
لبـزانکـی مجلـس کلمتـی کـاروان.

بتــل!

*ھستی کنـت مستی نالت پہ تنگ دستی*

اے بتـل ءِ پـژدر چـش انـت کـہ ھـر کـسے ءَ مـال ءُ ھستـی یے بـہ بیـت انـت اے مـال ءِ دارگ ھـم مـزنیـں گپے ھـر کـس ءِ کـدرت نـہ انـت زر ءُ مـال ءِ دارگ اے ھسـتی مـردم ءَ چـہ وت بـے وت کنـت انت ء یکے شَـر کنـت ءُ یکے ءَ ھـم شِـرّ کنـت ءُ ھـر کـسـے ءَ کـہ ھستـی ءُ دئیـگ ءِ جـاگـہ یے بـہ بیـت اے ھستـی وت پـہ آ مـردم ءَ اِزّت ءُ شـرپ کـار ایـت بلے اگـاں مـہ بیـت اِت بے بـراہ اِت کنـت چـہ نـام ءُ تـوارے ءَ دور اِت دنـت ءُ بے نـام اِت کنـت.
پـولکار / ھارون اخـلاقـی@
🌴 کــورُشـیں گــال 🌴
لبــزانکی مجلـس کلمتـی کـاروان. 🌹

زندگیں پیر واجہ ابّا قاضی

ھر سنگ ءِ شم ءَ ھر رنگ ءِ تھا
تئی ماہیں دْروشم گِندگ بیت
اے مھر ءِ پِڑ اِنت اے جنگ ءِ تھا
کئے باریں مِریت کئے زندگ بیت

چمّ کور بہ بنت دل تنگ بہ بیت
تئی راہ ءِ سرا ھم نندگ بیت
آ پُلّ ءِ تھا تئی رنگ بہ بیت
آ پُلّ چے پئیم ءَ سِندگ بہ بیت

تو مھر جھان ءَ بھر کنئے
پہ روچ زبھراں رھم بکن
تو لُنجیں شپ ءِ مھکان منی
ھر شپ چو گروک ءَ شھم بکن

تو دین منی ایمان منی
یکرندے وتی کُلّ ءَ چہ درا
اے زند پہ تو قربان منی
مھرانی زِر اِنت بے گْواز تئی
چولانی گشئے باہوٹاں من
پہ من کہ بہ بنت امباز تئی
امروز ءَ دگہ چے لوٹاں من

@Labzank
telegram.me/Labzank

گـوَشـکـَـنـد – ادَبـی هَـکـیـم
بَـلـوچـے لَـنـدَن ءَ شُـت اودا آئـی ءَ اِنـگـریـزیـں سَـنـگـَـتـے هَـسـت اَت یَـک روچـے بـلـوچ ءُ اِنـگـریـز لَـنـدَن ءِ بـازار ءَ تَـرّگ ءَ شُـت اَنـت اودا بَـلـوچ ءَ کـُـچَـکـے دیـسـت آ کـُـچَـک مـاں لَـنـدَن ءِ لـوگـاں روچـتـاک بَـهـر کـنَـگءَاَت اِنـگـریـز ءَ گـُـوَشـت بَـلـوچ بـچـار مـئـے مُـلـک ءَ چـوں دیـمـرَوی کـُـرتَـگ نـوں مـئـے مُـلـک ءِ کـُـچَـک پـہ کـار ءُ بـار ءَ کـَـواس بـوُتَـگ اَنـت رَنـد ءَ بـلـوچ ءَ وَتـی سَـنـگـَـت مـاں بـلـوچـسـتـان ءَ داوَت دات آ مـاں تُـربَـت ءِ بـازار ءَ کـہ آتـک ءُ سَـر بـوُت اَنـت بـلـوچ ءَ وَتـی پـاد سَـکـّـی ءَ زُمـیـن ءَ جَـت چـہ کـُـوَهـنـیـں مـوٹـلـےءِ چـیـرءَ یَـک لاگـَریـں کـُـچَـکـے دَراتـک کـہ آئـی ءِ جـان چـہ ڈیـزّل ءُ گـریـسّ ءَ پُـرّاَت بـلـوچ ءَ گـوَشـت انـگـریـز بـچـار مـئـے مُـلـک ءَ چـوں دیـمـرَوی کـُـرتَـگ مـئـے مُـلـک ءِ کـچَـک مـیـکـانـیـک اَنـت آ مـوٹـل جـوان کـن اَنـت هـال بَـروک ءُ آروک گـُـوَشَـگءَاَنـت آ اِنـگـریـز دلـٹـوپ بـوُتَـگ ءُ مـاں تُـربَـت ءِ نـادراهـجـاه ءَ بـے هُـوش اِنـت هَـرچ وَهـدے کـہ آ پـہ هُـوش ءَ کـَـیـت گـُـوَش ایـت The Peapol In London Are Stupids لَنـدَن ءِ مَـردُم پُـوک اَنـت ءُ پَـدا آئـی ءِ هُـوش رَوت.
@Labzank
telegram.me/Labzank

گال
عطا شاد

بے کِمارئے تو تا کد , میر ءِ کلات ءِ ساھگ ءَ
زندگاں تاں مَرک من تئی دْراہ بات ءِ ساھگ ءَ

روچ پہ تو تورانک , تو بے روچ چو سیاہیں شپ ءَ
روک پہ من رُژن قہر ءِ سیاہ گْوات ءِ ساھگ ءَ

ماھکانی تہترین اِنت جنّت اِنت بے واھگی
دل چو بے تاھیر ! جی تئی , آسرات ءِ ساھگ ءَ

شھم ھون ءِ پہ من وشدیدیں چو کاڑ ءِ ہِنّی ءَ
سارت مھر ءِ پِڑ پہ دیدوکاں چو بْرات ءِ ساھگ ءَ

تو ھیال ءِ سارتیں ساھگ پہ روچ ءِ منّت ءَ
عاقبت ءِ آسراں من گنجیں یات ءِ ساھگ ءَ

ھَز کناں اَچ بومیاہاں من کہ بے منزل مباں
سر جناناں ماں جَلاں تئی شوندات ءِ ساھگ ءَ

دل پہ ھر ساھت شِزار اِنت اچ وتی جند ءِ جَل ءَ
سُہتگاں سد وار من او شات , شات ءِ ساھگ ءَ

@Labzank
telegram.me/Labzank

عطاشاد

اے چتوریں سرگنوکاں، پہ کےءَ ودار، بنداں
کسے دامنے نہ کرزیت، اے دلاں کوار، بنداں

کہ سرپ انت، امشپی تئی گلیں دیدءِ آسمی پل
چشیں دروگ روچ رحمی تئی دزگہار بنداں

منی عہدءِ چیردستی، تئی وہدءِ بادشاہی
تئی شپ تہار، آجو، منی بام سار بنداں

تو چو آزمانءِ درین ئے، من سمین اے زمینءِ
منءَ سانکلاں نہ داراں، ترا سہرءِ ہار، بنداں

منی راہءِ چیر گیج انت، منی واہگانی شہ جو
منءَ تبد چوں پتایاں منءَ چوں لوار بنداں

اے انار، انارکانی، چو بہشتءِ ماہکانی
"خمِ ابرو نگاریں، چو شب نگار بنداں"

ادءَ شاد کے پہ ہوش انت، ادءَ ہر کہ "وت شموش"انت
منی زندءِ رُنگ راہ ءَ چوں اے چم خمار بنداں

آس ءُ آپ ءِ تہا کہ دم کشّیت
یکّیں چمّ ءِ تہا دو چمّ کشّیت

مرچی دنیا کہ چرس ءِ موڑا اِنت
چہ تئی دیدگاں دو دم کشّیت

مرچی بلکیں ھدا ءِ دل وشّ اِنت
مرچی زربار ءِ کَوش ھم کشّیت

باج ھما بارت نوبتاں جنگ ءِ
زھم ءِ ہمبراہی ءَ قلم کشّیت

راہ ءِ نیّت ھدا بزانت چے اِنت
رَھگْوز ءِ نیمگ ءَ کدم کشّیت

عاجز ءَ بسّ ہمینچک ءَ ونتگ
عشق ءِ بیمّاری ءَ پہ دم کشّیت

@Labzank
telegram.me/Labzank

یک کْوہنیں پِربندے

سر مجن پہ رنگراھاں
دل مجن پہ ہمبراھاں
روچ کہ سر ءَ کشّیت
تو میا من وت کاھاں

دیدگانی سوداگر
پْرشتگیں دلے دزگر
من پہ ساھگے اوشتاں
تو پہ منزلے سر گِر

گُل گوں دامن ءِ تار ءَ
چپ ءُ راست کنت مارا
شائرے ءِ دست ءَ اِنت
تْرانگانی سی پارہ

عاجز ءِ بگر گپّ ءَ
گوں مجن دل ءِ ٹپّ ءَ
انّوں ھانی ءِ وھدیں
زیبلک شتہ چپّ ءَ
مجید عاجز

@Labzank
telegram.me/Labzank

ناکو لشکو
ندر پہ طارق پیشکانی ءَ

پیکپ ءِ مینی ءِ مہ جن گپّ ءَ
گْوادر ءَ چینی ءِ مہ جن گپّ ءَ

زی منا امریش پوری ءَ گُشتہ
ہچ مہ گُش ڈینی ءِ مہ جن گپّ ءَ

من وتی ریشّ داشتگ اَنت اللہ
گوں من بے دینی ءِ مہ جن گپ ءَ

مٹّ نہ بیت روسی مہ لِکاھانی
گوں من پِلپینی ءِ مہ جن گپّ ءَ

دْرپش اِتگ طارق ءِ سَرگ کوٹّیں
ماہ ءِ رنگینی ءِ مہ جن گپّ ءَ

@Labzank
telegram.me/Labzank