بتــل!

جـن ءَ پہ جـن بہ جن
مـرد ءَ پہ دیـوان

جـن ءَ پـہ جـن جنـگ بـزاں وھـدے کـہ جنـین ءَ مـرد ءِ ھبـر نـہ زرت، مـدام ماں گُـر ءُ پاترپ ءَ لَـگ اِت یـا کـہ نـہ وشـیں کـار ے کت ئِے گـڑا جـن ءِ ایـر جیـگ کنـگ ءِ ھـاتـرا بـرو دگـہ جـنے بـہ گـر ءُ مـرد ءَ ھــم پـہ دیــوان ءَ پـہ ھـبر آ کـہ مـرد بـہ بنـت وت سـر پـد ءِ بـہ انـت کـہ اے بتـل ءِ مـراد چـی انـت.
پولکار/ ھـارون اخـلاقـی@
لبزانکی مجلس کلمتی کاروان.

بتـل !
بـچ ءِ گـم ءُ بـرات ءِ ھیـال ھـچ بنـدہ ئِے کسمت مبـات //

چُــک ءُ بــراتانـی گـم ھـر کـس ءَ چـہ ھسـتاں بے ھسـت ءِ کنـت چـک یـا ھمـا بَـچ ءُ بـرات ھـر کـس ءِ راسـتیں گـوپـگ انـت ایشـانـی بـربـادی ءِ گـم ءِ کسـہ ھـچ مسلمـان ءِ کسمـت ءَ مبـات انـت پـہ چے کـہ بـرات ءُ بـچ ءِ بـدل ءُ جـاگـہ ھـچ کـس ءَ نـاں گـپتگ ءُ نـاں گـپ ئِے ھــم کنـت انـت.
پولکار / ھـارون اخــلاقـی @
*کـــورُشـــیں گـــال*
لبـزانکـی مجلـس کلنتـی کـاروان.

بیچارگیں بَلّی

بیچارگیں بَلّی چِڑکّایے نہ کنت
پیشانی ءِ کِرچکاں نبشتہ
شادہ ءُ موتکانی
چنت باریں نہ کُٹّیں داستان
پَٹّیت اُرداں مانشیں
گْرنچیت ءُ بوجیت بے تواریں کِسّہاں
ہنچو گُشئے چیزّے شمشتہ
زندگی ءِ بے مرادیں بُکچہاں
گْوست ءِ پُتنکانی ندیدیں گْرنچے ءَ ماں گیشّتہ
...............

سَہکندنیں تہنائی ءِ اللہ ئیں شپ
روبرکتیں اُمر ءِ اے سکراتیں دمان
اُفّارگانی ہیسک ءُ ہمپانیں نپس
.............

بے ھاجتیں وھد ءِ رمیزاں چہ تہا کْواپگ کُتہ
زند ءِ گُباریں پَرتکاں چیر ترّ اِتہ
...........

دنیا سراروکیں نکانے سرتگیں
لیگار ءُ چیرکیں نوبتاں دَزگُلّتہ
ھمساھگی بانجیگے کورکیں
دائم ءَ ڈکّیت دل ءَ
چو تہلگیں گُردِرّ گُٹّ ءَ ایر نہ روت
.............

دست ءِ لکیرانی دل ءَ پُٹ رُستگنت
کرگوشکیں ارمان ئِے بھار ءَ چرتگنت
بیچارگیں بَلّی چِڑکّایے نہ کنت
.............
روچ نہ بنت پہ جیڑگاں
پہ جیڑگاں روچ نہ بنت
سَہکندنیں تہنائی ءِ اللہ ئیں شپ

مجید عاجز

@Labzank
telegram.me/Labzank

لجّ ءِ واهند ئے لیب نـہ انـت ننگانی برگ
لجبریں زند ءَ شرتر انت بـے موت ءَ مرگ

تـو وت ءَ پهریز چـہ بـداں نیکی یـے بکن
زندگ انـت آ نام کـہ بـہ بیت شرّی ءَ گِرگ

چنـدے سال ءَ دلسری یکجاه ءَ بـہ بنت
همدلیں دوست ءَ آئی ءِ مرگ انت پچگرگ

چلگ ءَ سارتیں ایر بہ دنت ٹنٹ ءِ ٹنٹریں
درتگـیں کُلّ ءِ دامن ءَ چوں بیـت اِنسرگ

لانک وتی بستگ کہ پہ من دنتاناں درش ئے
چو چتور بیت انت آ کتاب مہر ءِ دربرگ

چی دگہ لوٹ ئے تاں بـہ بکشایاں من ترا
تئی گماں کرتگ پاهو ءِ لوپ ءَ را سرگ

هیل کتگ سگگ تو گنی زند ءَ سرجمیں
چـہ گُل ءِ چمّاں شیپگـیں تیرانـی ورگ

گنی بریسی


@Labzank
telegram.me/Labzank

دومی بہر
کرن پندیں مُہِمّ
مجید عاجز

تو کہ رَپتئے تہ جیڑاں چیا اِشتگنت
زہریں ھیشرکی گرکے ءَ زپتیں زھیر
پہ کپوتی کدوہے ءَ نالَنت کہیر
شیرکنیں تولہ انگور جور اَنت پہ من
کُچّلیں ماتکینک گُشئے وھمی اَنت
ھَو اڑے راستی گو
اوئے سر بات منی
کہ شمشتوں بہ پرساں ترا
باریں سگریٹ کشّئے نہ کشّئے اگاں
نندوکائی کپئے واب
شپ تاں سباہ
یا کہ نندئے ءُ جیڑئے گُلاٹئے شراب
یا روئے ڈسکواں
گوں درامد زباں , روچ دزگُلّیں مَہ پیکراں ھاکشانی کنئے
گوں ھدامرزی ئیں واہشانی تب ءَ زندگانی کنئے
ہرچ سِلکاری یے گوں من بندوک بوتگ
یلہ داتگنت
یا ھما ویل گَردیں یلہ چَر ,
ھما دمک والیں موال
روچے ہنکینے باروٹی , ہلکے ودگ
بے نشان ءُ ڈسیں گْریشگانی چَوَک
اِشک دْروہیں لگور
باجوہیں سر مچار
چُنت ہمبراہ رَمبینتگنت سنگراں
تو کہ رپتئے پدا
چَک پُشتا نہ چَرّینت , پہ
مَرگ زندانی ئیں بیلیاں
زند ارمانی ئیں ماہواں
ارس گُٹگیر اِتنت موتک ہینّاریں ہیسکارے ءِ پاہواں
شورھانی تہا ما نپس کشّگ ءَ ئیں
بلئے زندگیں
ٹپّ ءُ ٹوریں دل ءِ آزگاناں وتی
چو کُچکے ءَ چَٹّیں مَلم وت کنیں
جتک چوپیں وتی میت ءَ وت جنازہ دئیں
بْرہنگیں زند ءِ ارواہ ءَ گور ءُ کپن وت کنیں
اُمر ءِ روبرکتیں ساھتانی تہاری ءِ وٹّ ءَ کسان ءُ مزن وت کنیں


@Labzank
telegram.me/Labzank

رجـانـک : ادَبــی هَـکـیـم
وَهـدے کـہ روچ بـہ ڈبّ ایـت مـاه وَت ءَ پـیـش دارایـت ، وَهـدے کـہ شَـپ بـہ کـُـٹ ایـت نـوکـیـں سُـهـبـے دَم ایـت ، وَهـدے کـہ نـااُمـیـتـی آسَـر بـہ بـیـت اُمـیـت واتَـرّ کـنـت ، وَهـدے کـہ پـریـشـانـی گـُـمـسـار بـہ بـیـت وَشّـهـالـی وَت ءَ زاهِـر کـنـت ، وَهـدے کـہ مَـردُم گـار بـہ بَـنـت دگـے نـوکـیـں مَـردُم کـَـیـت ، بـلـئـے اِیـوَک ءَ تـو اَگـاں گـار بـہ بَـئـے درُهـیـں چـیـزّ چـہ تـئـی نـہ بَـیَـگ ءَ پَـشـت کـَـپ اَنـت ۔

@Labzank
telegram.me/Labzank

زار کُرتگ مرد ءِ زال ءَ مات ءِ گِس ءَ شُتگ
زاناں نئیت اِے سال ءَ مات ءِ گِس ءَ شُتگ

چُپتگ گوں مُشت ءُ لَٹّاں بے واداں گوشت تئ
نی نِند ءُ ور تو ڈال ءَ مات ءِ گِس ءَ شُتگ

وھدے شُتاں گوں سِیر ءَ ترماس تو پُروشتگ اَنت
تو پروشتگ اَنت پیالہ مات ءِ گِس ءَ شُتگ

نارُشت بنت سوچاک اِے زاری گپّے نئیں
تو رِتکگ اَنت مسالہ مات ءِ گِس ءَ شُتگ

من دیست کہ چُکی گون اِنت گرنچے سر ءَ اِتی
گام ءَ روان اَت بال ءَ مات ءِ گِس ءَ شُتگ

نی نِند لوگ ءَ تھنا درد ءِ گزل بجن
گوں اَبدُک ءُ جلال ءَ مات ءِ گِس ءَ شُتگ

چکانی جنگ ھستاں چکاں میار نیست
لٹّے جتگ جمال ءَ مات ءِ گِس ءَ شُتگ

چم سُھر داتگ تِری ءَ ھرچی کن ئے بکن
ماھیں پری ئیں لال ءَ مات ءِ گِس ءَ شُتگ

لالو تئ شَیر وش اَنت بے ھور ءُ جمبر ءَ
زی کش اِتگ شمال ءَ مات ءِ گِس ءَ شُتگ

لالــو پیشــوکانی
@Labzank
telegram.me/Labzank

📝ﺑﻠﻮﭼﯽ ﺯﺑﺎﻥ ﺀِ ﮔﻤﻨﺎﻣﯿﮟ ﺯﺍﻧﺘﮑﺎﺭ، داکتر مھمد یاکوب درازھی

ﺑﻠﻮﭼﯽ ﺯﺑﺎﻥ ءُ ﺍﺩﺏ ﺀِ ﻣﯿﺪان ءَ ﻣﺰﻧﯿﮟ ﺯﺍﻧﺘﮑﺎﺭﺍﮞ ﻭﺗﯽ ﺑﻮﺭ ﺗﺎﭼﯿﻨﺘﮓ ءُ ﭘﮧ ﻭﺗﯽ ﻣﺎﺗﯽ ﺯﺑﺎن ءَ ﭼﮧ ﮬﺮ ﭘﯿﻤﯿﮟ ﮬﺰمت ءَ ﺩﺳﺖ ﺍِﺵ نہ دﺍﺷﺘﮓ. ﯾﮑﮯ ﭼﮧ ﺍﮮ ﮈﻭﻟﯿﮟ ﺯﺍﻧﺘﮑﺎﺭﺍﮞ، داکتر مھمد یاکوب ﺩﺭّﺍﺯﮬﯽ ﺍِﻧﺖ ﮐﮧ ﭘﮧ ( ﻡ. ﯼ. ﺩﺭّﺍ ) ﺀِ ﻧﺎﻡ ءَ ﺯﺍﻧﮓ ﺑﯿﺖ ﺍِﻧﺖ.
داکتر ءَ ﻭﺗﯽ ﮔﺮﺍنبھاﺋﯿﮟ اُمر پہ ﺑﻠﻮﭼﯽ ﺯﺑﺎﻥ ﺀِ ﻭﺍﻧﯿﻨﮓ ءُ ﺷﻮﮬﺎﺯﮐﺎﺭﯼ ءَ ﮔْﻮﺍﺯﯾﻨﺖ.
ﻭﺍﺟﮧ ﻣﺎﮞ 1950 ﻡ. ﻣﺎﮞ ﺳﺮﺍﻭﺍﻥ ﺀِ ﺑﻢ ﭘﺸﺖ ءَ، ﭘﯿﺪﺍﮒ ﺑﻮﺕ ءُ ﺑﻨﮕﯿﺠﯽ ﻭﺍﻧﮓ، ﻣﺎﮞ ﺟﺎﻟﮏ، ( ﺳﺮﺍﻭﺍﻥ ) ﺩﺭﺑُﺮﺕ.
ﮬﻤﮯ ﭘﯿﻢ ءَ ﻭﺍجه‌ ءَ ﻣـﺎﮞ ﮐـﺎﻧـﺎﺩﺍ ﺀِ مزن شھدربرجاہ ءَ، ﭘـﺮُﭘـﯿـﺴَـﺮﮮ ﺑـﻮُﺗَـﮓ. ﻭﺍجه‌ ءَ ﺍﺑﯿﺪ ﭼﮧ ﺑﻠﻮچی ءَ، ﺩﮔﮧ ﭘﻨﭻ ﺯﺑﺎﻥ، ﺍﻧﮕﺮﯾﺰﯼ،پراﻧﺴﻮﯼ، ﺍﺭﺩﻭ، اَربی ءُ اِبری ﮬﻢ ﺯﺍﻧﺘﮓ.

ﻭﺍﺟﮧ ﺀِ وانگی

ﻭﺍﺟﮧ ﻣﺎﮞ ﺑﻠﻮﭼﯽ ﺀِ ﺭﻡ ءُ ﻟﭽﮧ‌ ءِ ﺍﺳﺘﺎﺩﮮ ﺑﻮﺗﮓ. ﭘﮧ ﺑﻠﻮﭼﯽ ءُ ﭘﺎﺭﺳﯽ ءُ ﺍﻧﮕﺮﯾﺰﯼ ءَ ﮔﯿﺶ ﭼﮧ 35 ﮐﺘﺎﺑﯽ نبشتگ.

ﻭﺍﺟﮧ ﺀِ ﻟھتے ﻭﺍﻧﮕﯿﺎﻧﯽ ﻧﺎﻡ:
1. ﺭﺍﺝ ﺑﺎﮬﻨﺪ، ﻭﺍﺟﮧ ﺀِ لچھانی ﺩﭘﺘﺮ ﺀِ ﻧﺎﻡ ﮐﮧ ﮔﯿﺶ ﭼﮧ 1000 ﺗﺎﮐﺪﯾﻢ ﺍِﻧﺖ .
2. ﺳﯿﻨﻮﮬﮧ ﺀِ ﺭﺟﺎﻧﮏ ﭘﮧ ﺑﻠﻮچی ءَ ﭼﮧ ﺍﻧﮕﺮﯾﺰی ءَ.
3. ﺁﻣﻮﺯﺵ ﺯﺑﺎﻥ ﺑﻠﻮﭼﯽ ﻣﺎﮞ 10 ﺟﻠﺪ ءَ.
4. بلوچستان ءِ راجدپتر، ﺗﺎﮐﺒﻨﺪ ﺭﻭﭺ ﺀِ ﺷﻨﮓ ﮐﻨﮓ.
ﻭﺍﺟﮧ‌ ءَ ﻣﺎﮞ ﮐﺎﻧﺎﺩﺍ ءَ ﯾﮏ ﺑﻠﻮﭼﯽ ﺗﺎﮐﺒﻨﺪﮮ ﭘﮧ اے نام ءَِ " ﺭﻭﭺ " ﭼﺎﭖ ءُ ﺷﻨﮓ ﮐﺖ.

بیران بیگ

ﻭﺍﺟﮧ ءَ 8 پرﻭﺭﯼ 2006 ﻡ . ﻣﺎﮞ ﮐﺎﻧﺎﺩﺍ ءَ ﺍﮮ ﮐﻮﮌھﯿﮟ ﺩﮔﻨﯿﺎﺋﮯ ﯾﻠﮧ ﺩﺍﺕ.
ﺍﻟﻠﮧ ﺀِ ﺭﮔﺎﻣﯿﮟ ﺭھﻤﺘﺎﮞ ﻭﺍﺟﮧ ﺀِ ﺳﺎﭼﺎﮞ ﺑﺎﺕ ﺍَﻧﺖ.

@Labzank
telegram.me/Labzank

😻 روباہ ءُ گُراگ 🐧

گُراگ درچک ءِ سر ءَ نشتگ ات ءُ پیتزا ورگ ءَ ات.
روباہ ءَ گوش وا وا چہ سر ءُ سُنٹ ءُ دُمبے
شریں پاد ءُ وشیں رنگے
بیا وشیں آوازے بہ کن
گُراگ ءَ پنیر بانزل ءِ چیر ءَ کُت ءُ گوشت:
برو گم بی
آ وھدی کہ تو من ءَ رد دات ءُ منی پنیر بُرت من کلاس سئے تاں انی من لیسانس گپتگ.
روباہ ءَ گوشت گنداں، گڑا تی پُٹ ھمے واستا رتکگ انت.
گُراگ ءَ بانزل چِست کُت کہ وتی رتکگیں پُٹاں بچار ایت پیتزا کپت!
روباہ ءَ گوشت آ وھدی کہ من تئی پنیر بُرتگ دانشجوے بیتگاں بلے مرچاں استاد دانشگاھیاں.
😅😅😅😅😅😅😅😅😅😅😅😅😅😜😜💲♓🅾🅰💤😜😜😜

نمراں گـوں واهگاں نمـریں
مـن گشے کُلمیراں سک مـریں

مـن وداریگاں بشّ ءُ هنگام ءِ
روچ پدا کاینت سبزءُ میزریں

نـہ هُشـان ڈکّال ءِ پیلُّـشاں
کُشت نہ کنت لوار منءَ انگریں

من تْرکیناں هور ءِ اول تْرمپاں
تاک ءُ پُلّ شاهڑاناں سبـز تریں

ساهگ ءُ برسات بنت منی سرءَ
کوکر ءُ اسـتین بـز ءُ جمبـریں

پیز پروشاں هلاهوش ءَ دل ءِ
کئیت بهارگاه ءُ هزّام وشـتریں

✍ پیز رهبر

@Labzank
telegram.me/Labzank

مــا کہ کپتــگ ءُ نــادراھـــــیں

درمان ءُ دواہ ماں کش ءَ یکجاھیں

اے چـونیں میتگے کہ ھیـرانیں

جاھے گریوگ ءُ جاگھے اھـلانیں

آســر کـہ بـر ءُ مـوش ءَ کـیـت

ننـگار داتگـیں دراجیں پل ءَ ایـں.
ھـارون اخـلاقـی @
لبــزانکـی مجلـس کلمتـی کاروان.

وهـد پـہ تیلانک گوزیت وهـد کاریں گوزگ
زِنـد پـہ تیلانک بروت سَک پریشان کنـت

هانی گُل


@Labzank
telegram.me/Labzank

باهو ءِ کپوت

او باهو ءِ شاهـی کپـوت
مئے دیـدگ ءُ چمانـی روک
روژن ءَ ات ئے چو مِسل نوک

کَوم ءِ وتـی شہجو ات ئے
زِنـد ءَ مُـدام آجـو ات ئے
وش کوکو ءُ الہان ات ئے
گوں همسراں شادان ات ئے
بـُرز مـاں وکہیـرانی سـر ءَ
آ شیکو اں شیکان ات ئے

اے زیـد ءُ سبـزیں کہچـراں
گـوں چَـم کُمـاریں دلـبراں

تئی گِنـد ءُ نند ءُ گوازی ات
هم گنگلاں دسـت بازی ات

او تنگوهیں شـاهـی کپوت
باریں چیـا گمـگین ئے تـو
بـے هَـد مُلـور ءُ بزّگ ئے
گیمرتگ ءُ دل گیر ئے سک

سار ءُ کـدی بـے سارئے تـو
درداں کئی بـے وارئے تـو
لُنجـیں شپاں بـے واب ئے تو
درنگ ءَ وتـی بـے تاب ئے تو

آ آهوگـیں چمّـاں تئـی
ارس رچنت چو گُل گُل ءَ
هر دم دل ءَ کش ئے تو آه
آرام نـہ بئـے تـو هِـچ وڑه
مـرچاں وتـی چاه ءِ سر ءَ

چـو تلوس ئے تـو بـے کرار
کش ئے زهیـر نالـیں تـوار

باریں بگْـوش شاهـی کپوت
چـی انـت تئی آ زِرد ءِ دروت
گـوں مـن بجن گپ ءَ وتـی
درشـان بکـن درداں دل ءِ
او باهـو ءِ شـاهـی کپوت
مئے دیـدگ ءُ چمّانـی روک

بـاریں چیـا گمـگین ئے تـو
بـاریں چیـا گمـگین ئے تـو

✍ رهیـم رهشـون


@Labzank
telegram.me/Labzank

🌹 کنــدءُ مـَــن کَنــــدیــں🌹

( ٹــارچ ،بَتّـــی )

پَٹھـان،جَنـّت گُـلءَ وتـئ چیــزے جَــرءُ رزان مـاں ھَلـکـاں بہــا کُتـگ اَتءُ چیــزے پَشـت کَپــتگ اَت
تَہــار مگــربءِ وھــدءَ وتــی ھَــرءَ ٹِکّیــناںءُ سَــردیان واتــر دیــم پَــہ وتــی لــوگءَ پیــداک اَت
َہـور ھَــم بــوتگ اَت بَــلے جمبـــراں اَنگـتءَ آزمانءِ دیــمءَ را سیــاھیــں چـادرے پِـرداتگ اَت
وھــدءِ پٹھـان پـــر ھنــدگءِ کــورءِ نــزدیکءَ اتـک دیــست ئے داں کــورءَ بلاھیــں آپءِ آورتـگ
آیءَ تــوکل کُــت گــوں ھَــرءَ آپءَ مانـدات
وھـدءِ آپءِ میـانجیءَ شُـت دیــست ئے
داں آپ گیــشتر بـوان اِنت آپءَ ھَــرءَ را گــوں بارءَ چِــست کُـتءُ ماں جہــلانکیءَ بُــرتءُ دور دات
پَٹھـان پُـہ وتـی رکّیــنگءَ کــورءَ تـَہـا کَــہیرےءَ سَــر کَپـت
گُــڑا وھـدے جَمبــرءَ کــہ گِــروکءَ جُـت پَٹـھان چَـہ زھــرءُ گُــشگءَ لـگّ اِت
ھُـداءَ را پہ من بَــزّگ ھــوں نَـہ بیــت ھَــرے ئے گــوں بارءَ بُـــرت نــوں ٹارچ جَنــگءُ چـارگءَاِنت کِــہ پٹـھان باریــں کُجـا شُــت 😂😂
@Labzank
telegram.me/Labzank

❇️ پیریں بلوچ ءِ دُرّیں دانک پنت


علامه اقبال لاهوری رودراتک‌زمینءِ ٹوهیں زانتکار ءُ شاعر، وتی کلیات ءِتہا یک شعرے آرتگ که آئیءِ سرگال انت " بڈهے بلوچ کی نصیحت اپنی بیٹی کو" یک پیریں بلوچی ءِ پنت ءُ نسیهت پہ وتی چکّ ءَ .

اُمیت اِنت کہ مئے بلوچ گیشتر اے پنتانی نیمگءَ دلگوش بدار انت.

🔹اولی پنت
🔸وتی مُلکے کَدرءَ بزان
🔹دومی پنت
🔸هرکارتہا زرنگ ءُ چالاک ببو
🔹سومی پنت
🔸همّت ءُ گیرت والائیں مردمے ببو
🔹چارمی پنت
🔸هر وهدءَ زانتکاریءِ پدا ببو
🔹پنچمی پنت
🔸بزان که هر کوم ءُ راجے سرنوشت وتی جندے مردمانی دست انت.
🔹ششمی پنت
🔸اگاں تو اِزّت لوٹے گڑا سکّیانـی کشّگ ءَ تیار ببو
🔹هپتمی پنت
🔸هر ٹیم ءَ وتی بروسہ ءُ توکلّ ءَ الله ءَ سرا بکن.


@Labzank
telegram.me/Labzank

@ ھاشمی آمڑ@
نہاری
مروچی سہبءِ کِساس نزیک سہت یازده ءَ من میمن گوٹھ ءَ (بازار ءِ نامیں) پکوڑا روٹی ورگ اَتاں کہ منی سنگتءِ اتک ما دروت ءُ درھباتی کُت سنگتءَ من جُست کُت کہ ترا ھیر اِنت کہ اے وھدءَ اِدا نِشتگ پکوڑا ورگے من گوشت بیا بِنند پکوڑا بہِ ور ترا وتی گپاں جناں. سنگت نِشت من دگے پکوڑا روٹی لوٹائنت ورگا اَتیں سنگتءَ گوشت
وتی گپاں بجن. من گوشت کہ گپ چوشیں مزنے گپے نہ اِنت بلے ھیر گوں تو کنان اش. گپ چوش اِنت کہ سہبی من وتی لوگءَ واب اتاں کہ گونڈلے اتک منءَ پاد اش کُت کہ منی پت گوش ایت کہ منی تبیھَت وش نہ اِنت سواری نیست منءَ ملیرءَ اسپتالءَ سر کن, من اِشتاپ اشتاپءَ دیم شُشت گاڈی زُرت ءُ نادراھ سوار کُت گُشاد گُشادءَ پہ اسپتالءَ رھادگ بیتاں منی اِشتاپی گامگیجاں اوں من سہتے نیم زُرت ءُ اسپتال ءَ سر بیتاں اسپتالءَ مردک داکل کُت ءُ من درکپتاں پہ مُلکءَ بلے من دلءَ ھیال کُت کہ من رواں سنگتے گورا نہاری ئے گِراں کہ منی راہ سر اِنت ھمے نیمونءَ گوں سنگتءَ گِند ءُ نِندے اوں بیت. من شُتاں ھمے سنگت میتگءَ گاڈی داشت گونڈلے ءَ من جُست کُت کہ نومان ھمدیں برو بگوش کہ ترا مردمے لوٹ ایت گونڈلءَ گوشت کہ نومان گڈاپءَ شُتگ دگے گونڈلے اوشتاتگ ات کہ گوشتی مروچی یک شنبے اِنت نومانءِ چُٹی ایں نومان یک شنبے آں گڈاپءَ رَوت من نمبر گِپت داں کارا نہ اَت من دِلجم بیتاں کہ مردک گڈاپءَ شُتگ کہ گڈاپءَ موبائل کم کار کن انت.
ھیر من چہ اِدا درکپتاں دیمترے شُت وتی دگہ سنگتے جاڑوک بادینیءَ پیام کُت کہ کُجائے دمانءَ جواب دات کہ من چُک آورتگاں کالابورڈءَ .
من گوں اے سنگتءَ گیشتر ھِچ ھال اھوال نہ کُت بلے اے ھردُکیں سنگتانی یک گپے گوشے زاناں منی گوشاں بانگ دئیگ اَت کہ منی دگے سنگتے کہ در ملکان اِنت سال ءُ شش ماھانی سرا کئیت ھپتگے کپّے کہ وتی ناکو میتگءَ جل اِیت ھمے سنگتاں دپ ءُ دنتاناں کُتگ پرچا ناکو میتگءَ ھپتگ جل اِیت.
پیسبک ءُ واٹسپ گروپانی تہءَ ھمشانی ھمے ھال ءُ ھمے کِسہ. بلے ھمے مردک گڈاپءَ شُتگ ءُ دومی کہ کالابورڈءَ شُتگ ھردُکیں وتی ناکوانی میتگاں شُتگ اَنت. اے ھِساپءَ منی درملکی سنگتءَ کہ اے تژمان جن اَنت, گُڑا بِزان کہ ھما تِین ءُ تاپگءِ شگان اِنت. بلوچاں راست گوشتگ کہ
گوکءَ بُنی بنجاہءَ بچار ءُ مردءَ جَنّ ءِ مُلکءَ.
منی گپ کہ ھلاس بیت اَنت منی سنگتءَ گوشت کہ بِزاں تو نوکی نہاری کنگے من درائینت ھَو .
من زر کشت اَنت کہ پکوڑا والاہءَ دیاں پکوڑائیءَ گوشت کہ منی جِندءَ مہ جنائین من تئی زرّاں بزیراں واجکار منءَ پہ لٹ کُش اِیت.

دستونک مُنیر مومن

گیاباناں سر جناناں دل ءِ بـےکراری اِنت
هستی ءِ آس روک اِنت ءُ دمکاں تہاری اِنت

مـرچـی گشے جہان ءَ وتـی درد پِر نہ انت
هـر نیمگا کـہ چاراں تئـی راهچاری انت

رنگاں مجاں چادر ءَ بندیت ءُ ایر کنت
باریں اے گوات پـہ کئی مسکاں وداری انت

آ چَـمّ کدهـیں سـُرنت گُـڈا رنگ مٹ بنت
آ بـے مسالـیں دسـت ءِ همک ٹپ کاری انت

سـد رنـدا مـا مُنیـر دل ءِ کُل آس دات
انگـہ بلـے زهیـرانـی شہراں تہاری انت


@Labzank
telegram.me/Labzank

گـوَشـکـَـنـد – اَدَبــی هَـکـیـم
جَـن ءُ مَـردے بـے تـرِپّ ءُ تَـوار نِـشـتَـگ اِت اَنـت ، اَنـاگـَـہ جَـن ءَ آهـے کـَـش اِت ءُ گـوَشـت مَـردَک وَهـدے کـہ تـو چُـشـیـں نـیـزگـارے اَت ئـے گـڑا تـو پَـرچـا مَـن ءَ سـانـگ کـُـرت ؟!!!... مَـرد ءَ بـچـکـَـنـد اِت ءُ گـُـوَشـت مـن بـاز بَـرءَ تـرا گـوَشـت اَبـیـد چـہ تـو مَـن ءَ دگـے هِـچّ نـیـسـت آ وَهـد ءَ تـو کـَـنـداِت ءُ گـُـوَشـت مـن پَـہ تـو کـَـولـیـگ بـات آں کـہ تـو مـن ءَ اِیـنـچـو مِـهـر دیَـگءَئـے ؟!!!...

@Labzank
telegram.me/Labzank

دستونـک ............................. جـی آر مُلّا

درد تنگان ءُ رنج نوشاں مـن
بلـے دنیا گُشیت اَنوشاں مـن

شیشگاں بل ءُ کوهنیں مشکاں بیار
کُمب نوشان ءُ انگت هوشاں مَـن

نیّتوں پاک اِنـت چو کہ زگریں شیر
انگت بنّام کہ ،، چوش ءُ چوشاں مـن

هر کس سۂی اِنـت چہ کوهیں بالاد ءَ
رُتکگاں جنـد ءِ پُرشت ءُ پُرشاں مَـن

دژمن زوراک ءُ پر سلاه بندیں بنـدیں
بژن اِنـت بـے واک ءُ دست ءُ گوشاں من

نـدر باتاں پـہ تنگۂیں بـراتاں
بـرات ءِ کُوش ءَ چُتور شموشاں مـن

آجـوی آجـوی منـــــی ایـمان
هچ نـہ تُرساں چـہ کُشت ءُ کوشاں مـن

شِـرّ ءُ رُزوائے مـاں جہـان مُلّا
تئی کجام پـردگ ءَ بـہ پوشاں مـن


@Labzank
telegram.me/Labzank

گـوشکنـد 😄😜

نودبندگ تـریـاک ءِ مُھتـاد اَت، مـدام جنیـن ءَ نُرونـڈ اِت کـہ تـرا دگـہ کـار نیسـت انـت شـپ داں سھـب ءَ نشتـگ ئے مـاں منـکل ءُ بـاپـور ءِ سـر ءَ ... نـی نودبندگ ءَ چـار اِت اے وَ تـامـے نـہ انـت کـول ئِے کُـت کـہ دگبـرے مـن تـریـاک ءِ نشـہ ءَ نـہ کنـاں ... بیچـارگـیں جنـین گَـل اَت کـہ چُکّانی پِت تـرک اِنـت... ھپتگـے نـہ گـوسـتگ اَت نودبندگ ءَ زریـے ءِ مـاں دسـت ءَ اَت چـاریـں دُردانگ نشـتگ ھِـیرون کَشّـگ ءَ اِنـت بلـے بـزگیـں جنیـن ءَ نـہ زانـت کـہ نودبندگ ھِیـرون کشـگ ءَ انـت وھـدے کـہ جنـین ءِ چـم کپـت انـت پـہ نودبندگ ءَ کـہ زریـے دسـت ءَ انـت گـڑا گـوشتـی ھـاں دُردانگیں نودبندگ اے چـے بـلاھے کـہ مـروچـی بُنگـیج کُتـگ؟؟؟
نودبندگ ءَ پـہ ٹھلـے گـوشـت بـانـُک چـے کنـگ ءَ آں! ھـچ نـہ کنـگ آں تـریـاک ءَ تـرک کنـگ ءَ آں دگہ چے کنگ ءَ آں. 😄😜😄
رجـانک / ھـارون اخّلاقـی@


@Labzank
telegram.me/Labzank