ترانــگاں دل گیمُّر ایت ھوشام بیت
من نہ زانت کہ مہر چو بـے تام بیت
چوں تی پرس ء بداراں من پہ ھال
مرتگیں بلکیں تی ھم نام بیت!!
نند ءُ نیاد ءِ ترانگاں دل گِمُّر ایت ھوشام بیت
من نہ زانت کہ مہر چو بے تام بیت
چوں تی پرس ءِ بداراں من پہ ھال
مُـرتگیں بلکیں تی ھـم نـام بـیت!!
نند ءُ نیاد مرچاں منی،ھچ دیر نہ انت
چہ تـئی کُلّءَ دگے چــار گــام بیت
گـوں دلءِ شور ءَ اگاں زھمے جناں
زندگاں دانکہ ھـمے چیــلام بیت
دریگتیں چہ یوسف ءَ جست اش کتیں
کئے پہ وشّ ءُ وشـــدلی لیلّام بیت؟؟
کَلــَّر ءِ نمب ءَ پہ نــنگار ءُ کِــشار
یا نصیب ! کہ اے کشار ھزّام بیت
چار دھی ماہ انت اگاں بے جمبریں
شپ بزاں گوں نندگاں گوربام بیت
الّم ءَ مُلّا ترا ھــــست آدتــے
کئے چو مپتءَ پہ گور ءُ بدنام بیت؟؟
جـــی آر مــُلّا
@Labzank
telegram.me/Labzank

ﭼﺘﻮ ﻣﻦ ھﯿﺎﻝﺀِ ﮐﺘﺎﺏﺀَ ﺑﮧ ﭘﯿچاﮞ

ﭼﺘﻮ ﻣﻦ ھﯿﺎﻝﺀِ ﮐﺘﺎﺏﺀَ ﺑﮧ ﭘﯿچاﮞ
ﺩﻝﺀِ ﺯﻧﮓ ﺁﮞ ﺑﺎﺭﯾﮟ ﭼﮧ ﭘﯿﻢﺀَ ﺑﮧ ﺭﯾچاﮞ
ﺍﮮ ﺑﮋﻥ ﺍﻧﺖ ﺀُ ﺍﺭﻣﺎﻥ
ﺍﮮ ﺳﻮﺯ ﺍﻧﺖ ﺀُ ﺳﻮﺯﻣﺎﻥ
ﺍﮮ ﺩﺭﺩ ﺍﻧﺖ ﺀُ ﺍﻧﺪﻭﮦ
ﺍﺷﺎﮞ ﻧﯿﺴﺖ ﺩﺭﻣﺎﻥ
ﮐﺌﯽ ﮐﺎﮔﺪﯾﮟ ﻟﻨﭧ؟
ﺑﮧ ﻟﺮﺯ ﺍﻧﺖ ﭘﮧ ﻣﻦ
ﻣﻨﯽ ﻣﺮﮒﺀِ ﺑﮋﻥﺀَ ﭼﮧ ﻣﻮﺗﮑﮯ ﺑﯿﺎﺭ ﺍﻧﺖ
ﯾﺎ ﺩﺭﺩﮮ ﺑہ مار ﺍﻧﺖ
ﯾﺎ ﭘﮧ ﻣﻦ ﯾﮏ ﻧﯿﮑﯿﮟ ﺩواﮮ ﺑﮧ ﻟﻮﭦ ﺍﻧﺖ
ﮐﺌﯽ ﮐﺎﮔﺪﯾﮟ ﻟﻨﭧ؟
ﮐﺌﯽ ﻧﮕﺮھیں ﺩﺳﺖ؟
ﺑﮧ ﮐﺮﺯ ﺍﻧﺖ ﭘﮧ ﻣﻦ
ﮐﮧ ﺩﺍﺩﮮ ﺷﮩﺎﺭ ﺍﻧﺖ
ﯾﺎ ﺩﺭﺩﮮ ﺑﮧ ﻣﺎﺭ ﺍﻧﺖ
ﯾﺎ ﭘﮧ ﻣﻦ ﯾﮏ ﻧﯿﮑﯿﮟ ﺩواﮮ ﺑﮧ ﻟﻮﭦ ﺍﻧﺖ
ﮐﺌﯽ ﻧﮕﺮھیں ﺩﺳﺖ؟
کئےءَ ھست ﻣﻨﯽ ﮔﻢ؟
ﮐﺌﯽ ﮔﻮنڈﻟﯿﮟ ﭼﻢ؟
ﮐﮧ ﭘﮧ ﻣﻦ ﺍﺭﺱ ﮔﻮﺍﺭ ﺍﻧﺖ
ﻣﻨﯽ ﺭﺍﮦﺀَ ﭼﺎﺭ ﺍﻧﺖ
ﮐﮧ ﭼﮧ ﻭﺕ ﺷﺰﺍﺭ ﺍﻧﺖ
ﻣﻨﯽ ﺗﺎﺳﭙﯿﮟ ﺑﭻ
ﻣﻨﯽ ﺗﻨﮕﻮﺋﯿﮟ ﺑﺮﺍﺕ
ﻣﻨﯽ ﺳﯿﺎﺩ ﺀُ ﻭﺍﺭﺙ
ﻣﻨﯽ ﺩﻭﺳﺖ ﺀُ ﺩﻭﺯﻭﺍﮦ
ﮐﮧ ﭼﮧ ﻭﺕ ﺷﺰﺍﺭ ﺍﻧﺖ
ﭼﮧ ھیکانی ﺗُﺮﺱﺀَ
ﭼﮧ ﮔﺮﮐﺎﻧﯽ ﮔُﺮﺱﺀَ
ﻧﮧ ﯾﻨﺖ ﺟُﺴﺖ ﺀُ ﭘُﺮﺱﺀَ ﮐﮧ ﺑﺎﺭﯾﮟ ﮐﺠﺎ
ﺷﺖ!!!
ﺍﮮ ﮔﺎﺭﯾﮟ ﺭﻣﮓ مئے ﮐﮧ ﮔﺮﮐﺎﮞ ﭼﮧ ﭘﺮ
ﺍﻧﺖ
ﺍﮮ ﮐﻮﮦ ﺀُ ﺩﻣﮓ مئے ﻧﮧ ﮔﻨﺪ ﺍﻧﺖ
ﺷﭙﺎﻧﮏﺀَ
ﺑﮧ ﺑﻨﺪ ﺍﯾﺖ ﻻﻧﮏﺀَ
ﺑﮧ ﺟﻨﺖ ﮔُﺮکیاں ﮔﻮﮞ
ﺍﮮ ﮔُﺮﮐﺎﻧﯽ ﭘﺎﻧﮏﺀَ
ﻣﻦ ﻧﺎلاﮞ ﭼﻮ ﺑﻠﺒﻞ
ﭘﮧ ﻭشیں ﺑﮩﺎﺭﮮ
ﭘﮧ مسکیں ﮈﮔﺎﺭﮮ
ﭘﮧ ﺳﺒﺰیں ﮐﺸﺎﺭﮮ
ھﻤﮯ ﺩﺭﺩ ﺀُ ﺍﻧﺪﻭﮦ
ھﻤﮯ ﺑﮋﻥ ﺀُ ﺍﺭﻣﺎﻥ
ھﻤﮯ ﺳﻮﺯ ﺀُ ﺳﻮﺯﻣﺎﻥ
ﮐﮧ ﻧﺎﻝ ﺍﻧﺖ ﭼﻮ ﺑﻠﺒﻞ
ﻣﻨﯽ ﺑﺰگیں ﭼﻢ
ﮐﻦ ﺍﻧﺖ ﺍﺭﺱ ﮔُﻠﮕُﻞ
ﮐﺌﯽ ﺷﺎﺭءِ ﺩﺍﻣﻦ
ﮐﺌﯽ ﻣﯿﺴﻮءِ بُش
ﮐﺌﯽ ﭘﺎﮒءِ ﻟﻤﺐﺀَ
ﮐﺌﯽ ﺟﯿﮓءِ ﺩﻭﭼﺎﮞ
ﺍﮮ ﺍﺭﺳﺎﮞ ﺑﮧ ﺭﯾﭽﺎﮞ
ﺍﮮ ﺯھیرﺍﻧﯽ ﻣﻮﺭﺗﺎﮞ ﮐﺠﺎ ﻣﻦ ﺑﮧ گیچاﮞ؟

'' جی آر مُلا ''

@Labzank
telegram.me/Labzank

" لَچّہ‌‌"
""چیا کہ شپ زهیریگ اِنت""

دَراں ڑیه کُتگ تئ تماهاں منا
دِلی همبلاں چہ گِسر بِیتگاں
نُو مُوسم دلءَرا میاری کَن اَنت
کئی گِلہءَ زنگ ءُُ زاری کنئے
کہ یک ساهتےءَ نئیتیں کَرار
چئے پیمءَ بہ سہڑیناں زردءَ وتئ
منا راه ءُُرَنداں کُجا سَر کُتگ
من اَچ وت میاری، من اَچ وت گِسر
گوں دَهرءِ گُباراں هوار کپتگاں
نه گوشاں کپیت شانتلی کوکوئے
نہ چماں کپیت سبزیں ساوڑ منی
چونے تهنائی ئے
بار دَنت ساهگءَ
شپ مُدام نِندیت گوں من زهیریگ بئیت
واب چماں منی اِنسر اَنت دائمءَ
ترانگانی بهارءَ زهیرانی آهو چَر انت
بس من جیڑاں دلا شپ زهیرونک جنت

،،دلجــــــــــان لعل،،العین 25/8/2014

@Labzank
telegram.me/Labzank

گــون بیـت
کـــورُشــیں گـــال
زنـدمـان زنـدے بیا تئی نام ءَ گوں بیت
شکّل ءُ شھد ءِ وشی یے تام ءَ گون بیت

مـن تھـاری ءِ ھـچ وڑ ءَ اَمبراہ نبــاں!
رُژن! رژنا ءُ سُـھر دپیں بام ءَ گون بیت

پچ نلرز ایت دل شِل سریں تیری سُمبگ ءَ
ھمبلـوں گوں من کام ءُ ناکام ءَ گـون بیت

شپ جتیں بگّ ءِ پرشتگیں مھریگ چالک کُتگ
تپـتگـیں پادانـی ھمـک گام ءَ گـون بیـت

نی مئے ھلک ءَ ھـانلـے بـاجـائی نہ بیـت
شیھ سْـرپ ءَ مھر ءِ پنڈگ ءُ وام ءَ گون بیت

الّم ءَ روچے ھمبلاں نوک آپ سَنـگر انـت
لیجرے گژن ءِ درتگـیں دام ءَ گـون بیـت

گـت کـدی گپتـگ واجـہ ءَ میـراں پیـسر!
پاد شپاد گیگ ءُ برتکگیں شام ءَ گون بیت

گُـٹ شُتگ مُـلا پـلکـگاں ھـاکشـانـی مکن
قـاصـی اللہ ءَ پنــڈتے رام ءَ گــون بیــت
جـالبـاز: غـــلام حسـین شـوھـاز
🌴 کــورُشــیں گــال 🌴
لبـزانـکی مجلـس کلمتـی کاروان.

گـوَشـکـَـنـد – ادَبــی هَـکـیـم
جَـنـیـنـے لـوٹ اِت وَتـی مَـرد ءَ چَـکـّـاس بـہ کـَـنـت کِـہ آ مـن ءَ چـیـنـچـو دوسـت دارَگءَاِنـت یَـک روچـے جَـنـیـن ءَ سُـبـارِگ تَـیـار نـہ کـُـرت کـاگـَـدے ءِ سَـرءَ آ چـیـزّے نُـبـشـت ءُ تَـهـت ءِ سَـرءَ ایـرکـُـرت ءُ وَت تَـهـت ءِ چـیـرءَ ٹـپّ اِت رَنـد ءَ مَـرد آتـک ءُ کـاکـَـد ءِ چـاراِت آئـیءِ تـہ ءَ جَـنـیـن ءَ نـبـشـتَـگ اَت چِـد ءُ آدِیـم مَـن وَتـی زِنـد ءَ گـوں تـو بَـربـاد نـہ کـَـن آں مَـن وَتـی مـات ءِ لـوگ ءَ شُـت آں اودا مـنـی مـات مـن ءَ دگـے یَـک مَـردے دَنـت هَـبَـردار اَگـاں تـو مـنـی رَنـدءَ آتـک ئـے مَـرد ءَ هَـمـا دَمـان ءَ وَتـی گـوانـکـو کـَـشّ اِت ءُ یَـکـے ءِ گـوانـک جَـت ءُ گـوَشـت جَـنِـک تـرا وَشّـیـں هـالـے دَیـاں مَـنـی شـوُمـیـں جَـنـیـن ءَ مـنـی کـَـدر نـہ زانـت آ وَت مـنـی لـوگ ءَ رَمـبـیـنـت ءُ تَـتـک نـوں تـو سـیـر ءِ تَـیـاری ءَ بـہ کـن مـن پـیـداک آں شـمـئـے لـوگ ءَ گـوں تـئـی پـت تـئـی سـانـگـبَـنـدی ءِ بـارَوا گـَـپ کـن آں رَنـدءَ مَـردیـن ءَ کـاگـَـد ءِ سَـرءَ چـیـزے نـبـشـت ءُ مـوکـَـلّ اِت جَـنـیـن چـہ تَـهـت ءِ چـیـرءَ دَراتـک گـریـوَگ ءَ لَـگّ اِت رَنـدا کـہ کـاگـَـد ءِ وَنـت کـاگـَـد ءِ تـہ ءَ نـبـشـتَـگ اَت گـَـنـوک تـئـی پـاد مَـن دیـسـت اَنـت کـہ تـو تَـهـت ءِ چـیـرءَ ٹـپّ اِتَـگ ئـے مَـن هـوٹـل ءَ رَوَگءَآں سُـبـارَگ ءِ کـارَگءَ داں آ وَهـد ءَ تـو مَـہ مِـر رَنـدا جَـنـیـن ءَ وَتـی دَسـت ءِ لَـنـکـُـک چـاراِت اَنـت آئـیءَ چـہ زَهـر وَتـی دَسـت ءِ دو لَـنـکـُـک گـوں وَتـی دَنـتـانـاں گـَـڈاِتَـگ اِت اَنـت.

@Labzank
telegram.me/Labzank

شاهر : گلام مهمد کلمتی
دپگال: گلام مهمد کلمتی
باز وشیں شئرے گوش دارگ کرزیت

@Labzank
telegram.me/Labzank

بتـل!
امانت داں روچ کیـامـت ...

امـانـت بـزاں چـیزے کـہ پـہ پھـریـز ءُ ایـر کنـگ ء دیـگ بـہ بیـت. اے گـپ یـا بتـل مـدام مـاں کسـانـی ءَ گـوں وتـی ھمسـروکـاں کـارمـرز بـوھـگ انـت ءُ بیتـگ کـہ اے چـیز ءَ مـن تـرا دیـگاں گـوں وت ئِے بـہ دار نَبـا بـرزی بـہ کـش ئے چیـا کـہ امـانـت ءِ ورگ یـا بـرز ءَ کَشـگ ءُ نـہ دیـگ یـک مـزنیـں ایبے بلے کسے کـہ بـزانـت کـہ اے چـیز ءَ مـن تـرا دیـگاں امـانـت ءِ واسـتا کـہ پـدا پـہ مـن ءَ واپـس بـہ تـریـن ئے، مـردم امـانـت ءَ نـہ دار ایـت اگـاں نـاں بـائـد امـانـت ءَ انچـش کـہ سـاہ ءَ دوسـت تـر بـہ دار ایـت.
پولکار / ھـ.اخـلاقـی@
لبزانکی مجلـس کلمتی دیوان.

بلوچی ءِ گالوار (1)

( مولابخش رئیسی)

بلوچی زبان ، یک کوهن شاهیگانیں زبانے ، اے
هنچنائیں گپے نه انت . اے گپ ءّ بازیں زانتے گوشگ ءّ انت . اے گپ ءِ اے داب ءّ پدٌری بیت کنت که ما بیائیں به چاریں بلوچی زبان ءِ ودی بیگ ءِ جاه کجا انت ءُ گوں کجام زباناں سیادی کنت ؟ .
بلوچی زبان ءِ الٌمیں گوستانک ( تاریخ ) زانگ نه بیت ، بلے اے گوشگ رد نه بیت که ایران ءِ کوهنیں زباناں چے یکٌے ، پرچه که بلوچی زبان ایران ءِ هستیں زباناں ، چوشکه " کردی ، تالشی ، گیلکی ، لُری ءّ گوں سکٌ نزیک انت .
اگاں ایران ءِ کوهنیں زباناں چے یکٌے " کوهنیں پارسی " ( پارسی باستان ) ءّ به زانیں ، گُڑا اے پٌدریں گپے که هستیں بلوچی ءِ گال سدے هپتاد گوں کوهنیں پارسی ءّ سیادی کن انت . کوهنیں پارسی ءِ جند وّ پشت نه کپتگ ، بلے دگه دروشمے گوشت کنیں " کوهنیں پارسی ءّ وتی زندمان هستیں بلوچی ءِ دروشم ءّ داشتگ .

کوهنیں پارسی بلوچی رومن
_____________________________________________

پارسا پارس Parsa

براتی بارت ےْ Braati

نوا نوا_ نوک Nava

پُسا پُسٌگ Pussag

بستا بندگ _ بستن Basta

اسا برا سوار Asabara

آزاتا آزات Azata

اپاچ پچ _ پاچ Apach

تُهما تُهم Tauhma
______________________________________________

دگه پهناتے اے گوشگ رد نه بیت که بلوچی ءّ گوں " کوهنیں هندی " ءّ نزیکٌیں سیادی ے هست . په درور "

بلوچی هندی رومن
______________________________________________پت ، پِسٌ پتا peta
مات ، ماس ماتا mata
لّجٌ لجٌا lajja
تم کنگ تمنا Tamna
سُد سُد Sud
بُد بُد Bud
سنگت سنگت Sangat
مّرگ مرت Mert
سینگهار سنگهار Singhar
بیر بیر (دژمن) Beir
برسات برسات Barsaat
ساز ، سرُ ساز (زیمل ) Saaz
دریا دریا (کؤر ) Daryaa
سانجارو سانج Saanj
سُهب سُبهو Subhou
انت انت Ant
______________________________________________

چوشیں دگه بازیں درور هست انت که ماں اے هُردیں نبشتانک ءِ ته ءّ جاه دیگ نه بنت ، البت هندی ، هند ءُ اروپائی زبانانی ٹّکٌاں چے یکے . هندءِ کوهن تریں زبان سنسکریت هم گوں بلوچی زبان ءّ همگرنچ انت ، بلے اے بژنی گپے که سنسکریت ءّ هند ءِ الباریں مردم نه زان انت ءُ تهنا هندو مُلاٌیانی زبا ن انت ءُ چندے کتابانی دروشم ءّ پشت کپتگ .بلے اے ٹّکٌ ءِ زبانانی ریشگ (آهونڈ) گوں یکٌ ءّ دگر ءّ همریچ (هم عصر ) ءُ همگرنچ ان

1_ ما پرچه گوشیں بلوچی شاهیگان انت ؟
_________________________________

یک زبانے وهدے شاهیگان گوشگ بیت که آئی ءِ گپ جنوک باز به بنت ءُ آ زبان ءِ تک ءُ پهنات سکٌ مزن به بنت ، آ زبان ءِ وت بازیں گالوار به بنت .
بلوچی یکے چه همے زبانان انت ، که آئی ءِ گپ جنوکانی تک ءُ پهنات شاهیگان انت . دومی گپ ایش انت ، بلوچی زبان ءّ وت بازیں گالوار هست . بلوچانی سرزمین ءِ شاهیگانی سّوّب بیتگ که بلوچی چو آیانی سر زمین ءّ شاهیگان به بیت .
بلوچی ءِ هنچیں گالوار هست انت ، اے دگه بلوچ آ گالواراں بِه سرپد نه بنت . اے چوش نه انت آ گالوار چه بلوچی زبان ءّ گِستاهیں زبان انت ، چوشکه کبله زمین ءِ گالوارانت ، مّریانی گالوارانت ، بشکردیانی گالوار انت ، سیریک ءُ جاشکیانی گالوارانت .
ابید چه بلوچی ءِ جندءِ گالواراں ، بلوچانی ته ءّ هنچیں گالوار هست ان

ت ، تِچک ءّ وّ بلوچی ءِ گالوار گوشگ نه بنت ، بلے بلوچ راج ءِ زبان زانگ بنت ، درور"" جدگالی ، براهوئی ، سرائیکی زبان انت . اے زبان وّ بلوچی ءِ گالوار نه انت ، انچوش من گوشت " بلوچانی زبان انت . اے زبان چه بلوچی ءِ هستیں زبان ءّ چے گِستاهیں زبان انت ءُ بلوچی زبان ءِ گپ جنوک ، اے زباناں بِه سرپد نه بنت .
سرائیکی زبان ، هواردگے چه سندهی ، بلوچی ، پنجاپی زباناں که سند ءُ پنجاپ ءِ کوهنیں بلوچ همے زبان ءّ گپ جن انت ، چوشکه " زرداری ، لگاری ، رند ، لاشاری ، چانڈیو ، جتٌوئی ، کوسگ گوشگ کرزانت . البت سند ءِ رند ءِ لڈ بار کتگ ایں بلوچ ، بلوچی ءّ تران کن انت . درور" کراچی ءِ بلوچ ، ملٌیر ءِ بلوچ ، سند ءِ بلوچانے که چه رودرآتکی ءُ رو بر کتی بلوچستان ءّ شُتگ ءُ اودءّ جهمنند بیتگ انت . ا نچوش که هندوستان ءِ گجرات ، ممبئی ، پونا ءِ جهمنندیں بلوچ انت ، بلوچی زبان ءّ تران کن انت ، گڑا گوشگ رد نه بیت گجرات هند ءِ ، ممبئی ، پونا ، پنجاپ ، سند ، اوگانستان ، عمان ، تاجیکستان ترکمنستان ، یمن ، اپریکه ، هرمزگان ، هُراسان ءِ جمنندیں بلوچ انت . اے دلگوش کرزیں گپے که ترکمنستان ءُ هُراسان ءُ گرگان ، زاهدان ، زابل ءِ بلوچ رکشانی گالوار ءّ گپ ءُ تران کن انت ءُ اے بلوچی زبان ءِ تک ءُ پهنات ءِ شاهیگانی پیش دارایت .
انچوش که بلوچانی زندمان ءِ هّند ءُ جاه شاهیگان انت ، همے داب ءّ اے شاهیگانی زبان ءِ ته ءّ هم گندگ بیت ءُ همے سّوّب ءّ بازیں گالوارے جوڑ بیتگ . اے درائیں گالوار ءُ زبان بلوچ راج ءِ بے مٹیں مڈٌی انت . تهنا مکرا ن ءِ ته ءّ هنچیں گالوار هست انت که چه آ دگه گالواراں پهکا گستا انت ، چوشکه " کبلهی ، بشکردی ، مهتر آبادی ، پنوچی انت .
پنوچ ءِ گالوار یکے چه مکران زمین ءِ گالوارانت که وت گستاهیں تبے دارایت . وهدے که نیلٌگ ءِ کوه ءِ ترانگ ءّ کپیں گُڑا مارا " دادشاه " ءِ دابیں بامردے ( قهرمان ) گیر کیت . نیلٌگ یک وش آپ ءُ هوائیں هّندے که ایشی ءّ " پنوچ " ءِ تنک گوش انت ، پنوچ ءّ گواتے کشٌ ایت ، آئی ءّ پنوچی گالوارءّ " زن پراموش " گوش انت ; بزاں وهدے که اے گوات کشٌ ایت ، مردم وتی جناں شموش انت ءُ واب کپ انت .
پنوچ ءِ گالوار یکے چه بلوچستان ءِ وشٌیں گالواران انت ، پنوچ چه گوریچانی ( شمال ) نیمگ ءّ گو ں مسکوتان ءُ اسپکه ءّ ، روبرکت ءِ ( شرق ) نیمگ ءّ گوں " کوتیچ " ءّ ، زرباری پهنات ءّ ( جنوب ) گوں " میر کمبر ءِ هلک " بنت " ءّ گوں همگرنچ ءُ همبند انت . البت اے دلگوش کرزیں گپے که پنوچ ءِ گالوار تهنا پنوچ ءِ گالوار نه انت ، اے گالوار ءّ اسپکه ، لاشار ، مسکوتان ، بنت ، نسپران ، هیچٌان مهلوک هم تران کن انت ءُ دگه بازیں جاهاں اے گالوار کامرز بیت ، گوں کمیں دیگری ءّ ( فرق ) تران کنگ بیت ، بلے منی کڈٌن گیشتر گوں پنوچ ءِ جند ءِ کالوار ءّ انت .

۲ _ پنوچءِ گالوارءِ چیزے دلگوش کرزیں گپ
_______________________________________

تنگهیں وانوک ایشی ء ّ بزان انت که منی گیشتریں کوشست ماں اے نبشتانک ءّ همے بیتگ ، پنوچ ءِ گالوارءّ گوں مکران ءِ زرباری گالواراں چوشکه چهبار ءِ گالوار انت ، باهو کلات ، کسرکند ، سرباز ،گوادر ءِ گالواراں گوں دیم په دیم به کناں ، البت بلوچانی مستریں هلک کراچی ءِ گالوار هم گوں همے گالواراں نزیکی کنت .
پنوچ ءِ گالوار ءِ ته ءّ چیزے آب که که ماں آ دگه گالواراں کارمرز بنت ، ماں پنوچی گالوار ءّ کارمرز نه بنت . " درور

آ == اے آب ءِ جاه ءّ " ی" کارمرز بیت ____ یاپ

آس == یاچش ، ائید = یهید ، آریگ == یارونک

هامال == یامال ، آستوگ == یاستونک

ڈ == اے آب ءِ جاه ءّ " د " کارمرز بیت ___ دگار

ڈڈ ءُ جوڑ == دد ءُ جور ، هڈ == هد

ج == اے آ ب ءِ جاه ءّ " ز " کارمرز بیت ____ زن

جنین == زنین ، جّنّگ == زّنّگ ، جنمار == زنمار

انچوش لهتے جاهاں " س " جاه ءّ " ش " کامرز بیت

چوشکه نشتگ == نسته ، دلگوش کرزیں گپے ایش انت که دراهیں جاهاں " ش" جاه ءّ " س " کامرز نه نه بیت .
البت اے سکٌیں پدردیں گپے ، انگت بلوچی ءِ دلگاهی ( مرکزی ) گالوار گیشینگ نه بیتگ ، پمشکه کمٌے گران انت مردم به گوش ایت اے گالوار بلوچی ءِ دلگاهی( oficial ) گالوار انت , من پمشکه پنوچی گالوار گوں مکران ءِ زرباری چیزے گالواراں گوں دیم په دیم کتگ ، بلوچی ءِ گیشتریں ندگار همے گالوارءِ ته ءّ نبشتگ کن انت .

زرباری بلوچی پنوچی رومن
____________________________________________

آپ یاپ yaap

آس یاچش yaachesh

آروگ یارونک Yaarounk

گریوگ گریبگ Greybag

انچوشکا گره کنگ Grah Kanag

پر کنگ هُر کنگ Hur Kana

g

پیشانیگ پینچُک Pinchuk

زنوک لیمبُک Limbuk

شلوار ءِ پانچک دپاتک Dapaatk

موردانگ لنکتک Lankutk

جامگ شِنگ sheng

نود شنزگاں مرچی لس ایں
دارگ نہ بیت دل بے وس ایں

ساھیچو ء، ساچان ء، کوش
تئی ترانگاں گیجاں ترس ایں

کاڈ سیـلھاں در کپـتگاں
شادمانی ء، گل ھرکس ایں

گوں تو بہ باں گل زاں پہ زان
مارا چُشـیں کِسمت جس ایں

راھشون بہ بنت چو تو اسہاک
ما منـزل ء- مشکل رس ایں

اسہاک رهیم

@Labzank
telegram.me/Labzank

مُھرگ جیگ ءِ تئ درپشّاں
گوں تو سِلپی یے کشّاں
گْوشتگ آ بے وپا ءَ
پچ کن تو زاپیا ءَ

ترءَ پیس بک ءَ من چاراں
منی ارس سھتے نداراں
بے تو من سک ملوراں
دگہ پیکج ءِ من زوراں

زاناں دوچگ ءِ دوچ ءَ
واتساپ بند اِنت تئ روچ ءَ
دلبر سِیر ءِ گَل ءَ اِنت
نیٹ ورک نیست ھما اِنت

تئ تلگرام بند اِیں
ما گوں کے ءَ بے کند اِیں
میسنجراں من چاراں
کن ئے گپ گوں دزگھاراں

لعل جان پراز ءِ شَیراں
اِرسال کن ئے گوں مھراں
میسیج تئ وش تاماں
راہ دئے وتی سلاماں

@Labzank
telegram.me/Labzank

نـبـشـتـانـک : هـیـلا صـدیـقـی
رِجـانـک : ادَبـی هَـکـیـم
----------------------------
تـئـی لـوگ ءَ گـُـوات بُـرت !!!...
ءُ تـو دَنـیـگـا مـنی زُلـپـاں چـارَگءَئـےءُ پَـہ گـُـواتءَ پـریـشـان ئے
تَـریـاکءِ نِـشـہءَئے ، تـو چـہ کـُـجـام گـاڈےءِ دوسـتـان ئے؟!!!...
تـو مـاں کـُـجـام واب ئے؟!!!..
تـئـی چَـمّـان ےءِ واب سَـد کـُـٹـُـمءِ گـاریءِ سَـوَب اِنـت
دُزّانءِ رُزّوائـی ءِ آپ چـہ دَسـتءَ کـَـپـت
ءُ تـو دَنـیـگـا مَـنـی سَـریـگ پَـہ دو دَسـت داشـتَـگ!!!...
مـاں اِے کـوَهـنَگـیـں پَـردَگءِ پُـشـتءَ تـو واب ئے
ءُ مَـن گـوں وَتـی هَـمے زُلـپ کـہ مَـنـاه اِنـت
پَـدَگے پَـہ بُـرز ءِ رُژن ءَ گـُـوَپَـگءَ آں
داں کـہ روچ ءَ دَسـت بـہ جَـنـاں
..........
تـو مـاں واب ئے ءُ آپ چَـہ تـئـی سَـرءَ گـُوَزَگءَاِنـت
چـنـالءِ درَچـکءَ تـو هِـچـبَـر نـہ دیـسـتَـگ
مـاں هَـمُـکّ شَـپ چِـراگـجـاهءِ جـاه اِش کـَـلّ کـُـرتَـگ
پُـلَـنـگ اودا نَـہ اِت اَنـت کـہ زَمـانَـگءِ بـامَـردانـی سَـر اِش پـاهـو دات اَنـت
بـرِنـج ءِ هَـرچ یَـک دانَـگے کِـہ پـہ وَسـے مـئے پَـرزونـکءِ سَـرا آتـکـگ
مـاں چَـراگـجـاهـاں آسِـن ءُ هِـشـت ءِ دیـوال اِش بَـسـت اَنـت
........
تـو مـاں واب ئے ءُ آپ هـامـوُن ءَ تُـنّـگ کـُـرت
اِیـر ریـچـوک ءِ هـون بَـنـد بـوُت
هـوُر ءِ نَـمـبـیـں شَـپـانـی سـاه
مـاں هـاک ءِ چـیـرا بـار گِـپـت
......
تـئـی لـوگءَ گـُوات بُـرت
رُزّوائـی ءِ سَـوَب بـوُت ءُ کـَـهـر کـَـپـت
تـو مَـنـی شـپءِ تـهـاریءَ مـاں وَتـی چَـنـگـُـلاں بـدار
چـو مـہ بـات ڈکـّـالـیـں شَـپے مـئے جَـتَـگـیـں پَـرزونـکءِ سَـر
تـئـی هـالـیـکـّـیـں پَـنـجَـگءَ پَـچ بـہ کـَـنـت
چـو مـہ بـات درُهـا تـئـی شَـرّیءَ ءُ مـنـی مـوُداں بـہ گِـنـداَنـت
مَـن پَـردَگءِ تَـهـا آں
نَـہ کـہ وَتـی آجـوئـیـں دروشُـمءِ
مـن تـئـی بے هـوشـی ءِ دروشُـم آں ءُ تـئـی واب آں
مـاں اِے کـُـوَهـنَگـیـں پَـردَگءِ پُـشـتءَ تـو واب ئےءُ مَـن
گـوں وَتـی هَـمے زُلـپُـک کـہ مَـنـاه اِنـت
پَـدَگے پَـہ بُـرز ءِ رُژن ‏ءَ گـُـوَپَـگءَ آں
داں کـہ روچ ءَ دَسـت بـہ جَـنـاں


@Labzank
telegram.me/Labzank

گـَـیـب ےءِ کِـسّـهـے - ادَبـی هَـکـیـم
مـیـریـں بَـلـوچ هَـمُـک سـال یَـک گـوَرانـڈے ءُ یَـک مـن نـیـمَـگ پـہ زِهَـکءِ هـاکـُـم دِیـم داتَـگ بـلـئـے اِے بَـرءَ وَت گـوَرانـڈ ءُ نـیـمَـگـاں زوُرایـت هـاکـُـم ءِ لـوگ ءَ رَوت مـاں آ روچ هـاکـُـم ءِ گـوَرا بـاز دَریـں مـهـمـان کـایَـنـت ءُ هـاکـُـم پـہ وَتـی مـهـمـانـاں پَـس ءُ پَـس کـوش کـنـت مـیـریـں بـلـوچ ءَ مـاں بـانـے ایـوَک ءَ نِـنـدیـن اَنـت مـهـمـان وَراک وَراَنـت ءُ رَواَنـت هـاکـُـم مـیـریـں بـلـوچ ءَ شَـمـوش ایـت رَنـدا هـاکـُـم ءَ هـال دَے اَنـت کـہ مـیـریـں بـلـوچ ءَ وَراک نـہ رَس اِتَـگ گـُـڑا هـاکـُـم گـوَش ایـت اِے کـوهـی بـلـوچـے هَـمُـکّ چـیـزّ وارت اِشـی ءَ شـیـلّانـچـے آپ کـن اِت ءُ بـہ دَے اِت مـیـریـں بـلـوچ هـاکـُـم ءِ گـپ ءَ اِشـکـُـنـت پـاد کـَـیـت ءُ گـوَش ایـت واجَـہ تـرا مَـیـار پـر نـیـسـت مَـیـار مَـنـی وَتـی اَنـت مَـن اِے گـوَرانـڈ ءُ نـیـمَـگـاں گـوں وَتـی چُـکـّـاں جَـور بـہ کـُـرتـیـں گِـهـتِـراَت بـلـئـے هَـیـر نـوں وَ بـوُتَـگ مـیـریـں بـلـوچ زَهـر کـنـت ءُ رَوت دیـم ءِ سـال ڈکـّـال کـَـیـت مـیـریـں بـلـوچ چـہ وَتـی کـَـهـچَـرءَ بـار کـَـنـت ءُ دگـے کـَـهـچَـرے رَوت ءُ هـاکـُـم چـہ آ نـیـمَـگ ءَ واتَـرّ کـنـت دوئـیـں مـاں پَـروم ءِ کـوُچَـگ ءِ نـاپَـگ ءَ دُچـار کـَـپ اَنـت هـاکـُـم تُـنّـیـگ بـیـت جـار جَـنـت مـیـریـں بـلـوچ مـا تُـنّـگ ایـں تـرا آپ گـون نـیـسـت ؟ مـیـریـں بـلـوچ هَـمـا دَمـان پَـتّـر ءَ اِیـر کـنـت مَـردُمـاں هُـسـاب کـَـنـت هَـپـت کـَـس بَـنـت هَـپـت گـوَرانـڈ کـُـش ایـت مَـردُمـانـی دَسـتـاں گـوں نـیـمَـگ ءَ شـودایـت هـاکـُـم وَراک وارت ءُ سِـیـر کـنـت رَنـدا گـوَش ایـت مـیـریـں بـلـوچ تـو مَـردے ءِ کـہ تـو مـارا مـاں پَـروم ےءِ کـوُچَـگ ‏ءِ نـاپَـگ اِزّت ءُ شَـرَپ بَـکـشـات مـیـریـں بـلـوچ پَـسّـو دَنـت هَـو واجَـہ بـلـئـے آ کـہ نـامَـرداَنـت مـاں وَتـی لـوگ هَـم نـامَـرداَنـت مـاں وَتـی لـوگ هَـم کـَـس ءَ اِزّت ءُ شَـرَپ بَـکـشـات نـہ کـن اَنـت.

@Labzank
telegram.me/Labzank

بتــل!

جـن ءَ پہ جـن بہ جن
مـرد ءَ پہ دیـوان

جـن ءَ پـہ جـن جنـگ بـزاں وھـدے کـہ جنـین ءَ مـرد ءِ ھبـر نـہ زرت، مـدام ماں گُـر ءُ پاترپ ءَ لَـگ اِت یـا کـہ نـہ وشـیں کـار ے کت ئِے گـڑا جـن ءِ ایـر جیـگ کنـگ ءِ ھـاتـرا بـرو دگـہ جـنے بـہ گـر ءُ مـرد ءَ ھــم پـہ دیــوان ءَ پـہ ھـبر آ کـہ مـرد بـہ بنـت وت سـر پـد ءِ بـہ انـت کـہ اے بتـل ءِ مـراد چـی انـت.
پولکار/ ھـارون اخـلاقـی@
لبزانکی مجلس کلمتی کاروان.

بتـل !
بـچ ءِ گـم ءُ بـرات ءِ ھیـال ھـچ بنـدہ ئِے کسمت مبـات //

چُــک ءُ بــراتانـی گـم ھـر کـس ءَ چـہ ھسـتاں بے ھسـت ءِ کنـت چـک یـا ھمـا بَـچ ءُ بـرات ھـر کـس ءِ راسـتیں گـوپـگ انـت ایشـانـی بـربـادی ءِ گـم ءِ کسـہ ھـچ مسلمـان ءِ کسمـت ءَ مبـات انـت پـہ چے کـہ بـرات ءُ بـچ ءِ بـدل ءُ جـاگـہ ھـچ کـس ءَ نـاں گـپتگ ءُ نـاں گـپ ئِے ھــم کنـت انـت.
پولکار / ھـارون اخــلاقـی @
*کـــورُشـــیں گـــال*
لبـزانکـی مجلـس کلنتـی کـاروان.

بیچارگیں بَلّی

بیچارگیں بَلّی چِڑکّایے نہ کنت
پیشانی ءِ کِرچکاں نبشتہ
شادہ ءُ موتکانی
چنت باریں نہ کُٹّیں داستان
پَٹّیت اُرداں مانشیں
گْرنچیت ءُ بوجیت بے تواریں کِسّہاں
ہنچو گُشئے چیزّے شمشتہ
زندگی ءِ بے مرادیں بُکچہاں
گْوست ءِ پُتنکانی ندیدیں گْرنچے ءَ ماں گیشّتہ
...............

سَہکندنیں تہنائی ءِ اللہ ئیں شپ
روبرکتیں اُمر ءِ اے سکراتیں دمان
اُفّارگانی ہیسک ءُ ہمپانیں نپس
.............

بے ھاجتیں وھد ءِ رمیزاں چہ تہا کْواپگ کُتہ
زند ءِ گُباریں پَرتکاں چیر ترّ اِتہ
...........

دنیا سراروکیں نکانے سرتگیں
لیگار ءُ چیرکیں نوبتاں دَزگُلّتہ
ھمساھگی بانجیگے کورکیں
دائم ءَ ڈکّیت دل ءَ
چو تہلگیں گُردِرّ گُٹّ ءَ ایر نہ روت
.............

دست ءِ لکیرانی دل ءَ پُٹ رُستگنت
کرگوشکیں ارمان ئِے بھار ءَ چرتگنت
بیچارگیں بَلّی چِڑکّایے نہ کنت
.............
روچ نہ بنت پہ جیڑگاں
پہ جیڑگاں روچ نہ بنت
سَہکندنیں تہنائی ءِ اللہ ئیں شپ

مجید عاجز

@Labzank
telegram.me/Labzank

لجّ ءِ واهند ئے لیب نـہ انـت ننگانی برگ
لجبریں زند ءَ شرتر انت بـے موت ءَ مرگ

تـو وت ءَ پهریز چـہ بـداں نیکی یـے بکن
زندگ انـت آ نام کـہ بـہ بیت شرّی ءَ گِرگ

چنـدے سال ءَ دلسری یکجاه ءَ بـہ بنت
همدلیں دوست ءَ آئی ءِ مرگ انت پچگرگ

چلگ ءَ سارتیں ایر بہ دنت ٹنٹ ءِ ٹنٹریں
درتگـیں کُلّ ءِ دامن ءَ چوں بیـت اِنسرگ

لانک وتی بستگ کہ پہ من دنتاناں درش ئے
چو چتور بیت انت آ کتاب مہر ءِ دربرگ

چی دگہ لوٹ ئے تاں بـہ بکشایاں من ترا
تئی گماں کرتگ پاهو ءِ لوپ ءَ را سرگ

هیل کتگ سگگ تو گنی زند ءَ سرجمیں
چـہ گُل ءِ چمّاں شیپگـیں تیرانـی ورگ

گنی بریسی


@Labzank
telegram.me/Labzank

دومی بہر
کرن پندیں مُہِمّ
مجید عاجز

تو کہ رَپتئے تہ جیڑاں چیا اِشتگنت
زہریں ھیشرکی گرکے ءَ زپتیں زھیر
پہ کپوتی کدوہے ءَ نالَنت کہیر
شیرکنیں تولہ انگور جور اَنت پہ من
کُچّلیں ماتکینک گُشئے وھمی اَنت
ھَو اڑے راستی گو
اوئے سر بات منی
کہ شمشتوں بہ پرساں ترا
باریں سگریٹ کشّئے نہ کشّئے اگاں
نندوکائی کپئے واب
شپ تاں سباہ
یا کہ نندئے ءُ جیڑئے گُلاٹئے شراب
یا روئے ڈسکواں
گوں درامد زباں , روچ دزگُلّیں مَہ پیکراں ھاکشانی کنئے
گوں ھدامرزی ئیں واہشانی تب ءَ زندگانی کنئے
ہرچ سِلکاری یے گوں من بندوک بوتگ
یلہ داتگنت
یا ھما ویل گَردیں یلہ چَر ,
ھما دمک والیں موال
روچے ہنکینے باروٹی , ہلکے ودگ
بے نشان ءُ ڈسیں گْریشگانی چَوَک
اِشک دْروہیں لگور
باجوہیں سر مچار
چُنت ہمبراہ رَمبینتگنت سنگراں
تو کہ رپتئے پدا
چَک پُشتا نہ چَرّینت , پہ
مَرگ زندانی ئیں بیلیاں
زند ارمانی ئیں ماہواں
ارس گُٹگیر اِتنت موتک ہینّاریں ہیسکارے ءِ پاہواں
شورھانی تہا ما نپس کشّگ ءَ ئیں
بلئے زندگیں
ٹپّ ءُ ٹوریں دل ءِ آزگاناں وتی
چو کُچکے ءَ چَٹّیں مَلم وت کنیں
جتک چوپیں وتی میت ءَ وت جنازہ دئیں
بْرہنگیں زند ءِ ارواہ ءَ گور ءُ کپن وت کنیں
اُمر ءِ روبرکتیں ساھتانی تہاری ءِ وٹّ ءَ کسان ءُ مزن وت کنیں


@Labzank
telegram.me/Labzank