..............دُرّیــں دانک...........

بے کاراِنت ھما دوست کِـہ آئیءَ وپا نیـست

بـے کـاراِنت ھَما دولـت کِــہ ھـَـرام اِنـت

بـے کـاراِنت ھَما زِنـد کِـہ کَســی کـارءَ نئیت

دروگ سَـرجمیــں گُنـاھانی مـات اِنتءُ راسـت سَــرجمیــں ھَــرابیانی الاج اِنت
@Labzank
telegram.me/Labzank

..گرانیـں ساھتاں کماشاں پیـسر کن..
................کِسّـــــــہ ............
یَک ھنـدےءِ مَردم وَت مــاں وتءَ ناتپــاکءُ جـَنـگ کَنــوکیــں مَردم اِت اَنت
ناتپاکیءُ وت مـاں وتءَ دسـتءُ جیــگیءَ ابید اِیــشاں دگـہ ھـیچ چُشیــں سـُدءُ سـمایے نیــس اَت وتــی ورناھیءَ گُــروناک اِت اَنتءُ
پیـرءُ کمــاشیں مَـردم آیـاں پــہ چَلّیـں ناہ یے ءَ ھَـم ھــساب نہ کُت اَنت
ایشـانی ھَمـے نـادانیءُ نـا سَرپدیاں کَشــںءُ کِـرّءِ راجـاں اِیشــانی سَــرءَ اُرش کُـت وتئ جِندانـی رکّیـنگءَ دُرسـتاں وتـی پیــریں ھمـراہ یَل داتءُ تَـتک اَنت یَـک بوجیــگیےءَ سـوار بوت اَنتءُ دیــم پُـہ دِگــہ میــتگےءَ رھـادگ بـوت اَنت بَلـے یَـک مــردےءَ وَتــی پیــریں پِـت لَچـے ءِ تـہءَ کُـتءُ گــوں وت بُـرت گــوں
ھُـداءِ کـار زانـگ نـہ بنت وھــدے کــہ بــوجیـگ زِرءِ جُہـلانکیءَ رس اِت تـہءَ ھُـداءِ کُدرت چَـہ زِرءِ گبـوءَ مـَزنیــں پَنجـگے پَدّر بوتءُ چَـہ ایشـیءَ بوجیــگ ھــوں وت ســرءَ وت اوشتات ناھــداءَ مــَزنیــں ھیــلہءُ تــوجیلے کُت بَــلے بــوجیـگ چـَـہ وَتــی جاگہءَ ھِیــچ نـہ ٹـک اِت دُرست ھبـکہ ءُ ھیــران بــوت اَنت کِــہ اے چــونیـں اسـرارے اَت کِــہ بــوجیــگ نـَـہ ٹِـکّ اِیت ھَمــے ھیــرانیءُ پَـریشانیءَ وت ماں وتءَ جیــڑگءُ ســوڑگءَ لگّ ات اَنت کـہ نــی ما چِــے بِــہ کَنیــں
چــے بیت بــوجیــگ پـَـرچا نَـہ روتءُ اے چــونیــں دســتے؟
اے ڈولءَ مـارا شُدءُ تُنّـے کُش ایت
نـاھداءَ گُشـت مَنــی سَـر ھِیــچ پِــر نبیت کِــہ بوجیــگ پــرچا نـہ روت نــوں ما چِــے بِہ کن ایں؟
یَکـےءَ درّائینت کِـہ پیــشی ئیں مَـردماں گُشـتگ کِـہ گــرانیں گــرانیـں ساھتـاں کَمـاشاں پیــسر کــن اِت دریگتــں مـا وتــی پیــریں وَتـی ھَمــراہ بـہ کُتیـن اَنت
بَلــے پیــریں وا مـاءُ شُمـا زھـمانی دپءَ دات اَنتءُ تَتـک ایں نــوں ھمیــش اِنت ھـَـرچی کِــہ ھــداءَ آورتگ
ھَمیـشانی تـَـہ یَــک وَرنـاے دیـمءَ کِــنزاِت کِــہ بِــے تــواریءَ یَـک نیــمگےءَ نــشتگ اَت چَــہ وتـی جـاگہءَ پاد اَتکءُ آیـانی گــورءَ شُــتءُ درّائینت ئے اگـاں شُمـا دلءَ نـہ بـراِت مـنءَ وَتــی کمــاش گــون اِنت چــیءَ کــہ مَـنءَ وتــئ پِــت اُودءِ یَـل کَنــگءَ دل نــہ بــوتگءُ مَــن چِــیروکائی لـچےءِ تــہءَ کُـتگ شُــما اگـاں لــوٹ اِت مَـن انــوں وتــی پِـتءَ چَــہ لَــچءَ دَر کــن آں
دُرستـانی چَـم رژناہ بــوت اَنت
زوت کـَن وتــی پِــتءَ بیــار کِــہ چِــدءُ مَستــریں سَکّــی مئے ســرا نئیت بِــہ گِنــدئے مـارا چَــرے سَکّــیءَ بــہ رکّیــن اِیـتءُ مارا راہ یے پیــش بہ داریـت
ورناہءَ وتــی پِـت چَــہ لــچءَ کــشّ اِتءُ ڈنّءَ درکُت پـِـیسرءَ مَــردءَ یَـک بَــرے شَــرّیءِ سَــرا ھَــمے پَنـجگءِ نیمـگءَ چار اِتءَ پــدءَ وتــی دویــں لَنکـُک پنـجگءِ نیمــگءَ ٹـال کُت اَنت درسـت ھَیــرانیءَ پیــرمردءَ چـارگءَ اِت اَنت پیــرمردءِ دوئیں لنکُکـانی ٹـال کَنـگءَ ھُــداءِ کُدرتـاں ھَمــے پنجـگ گار بوت ءُ بــوجیــگ ھــوں سُــرگءَ لگّ اِت
وَرنا دُرس ھیــران بــوت اَنت اے سَـرپد بوت اَنت کِـہ کـارے کِــہ پیــرین کُت کَن اَنت ئے
کَستــریںءُ ورنایاں گـوں بــوت نَـہ کنت اے پـدءَ واتــر بــوت اَنت وتــئ شَــہرءَ پَشــت کَپتگیــں مَــردماناں رکّیــنت

@Labzank
telegram.me/Labzank

🌺غلام حسین شوهاز🌺..
🌹🌹لچہ(جَوک)🌹🌹
مُلک پَرنگانی اگاں وش ءُ زیبا انت
عرب اگاں سیر انت دولت ءُ مال ء'
دولت اش سربار انت ستر تیل ء'
مُلک ءِ یونان ءُ قبرص تُرکی.....
بل ئے واهند برق ءُ بُرجانی
مغرب ءُ تونس ءُ پرانس وش انت
چو جنتء'انت بل شام ءُ اسرائیل
مصر ءُ لبنان ءُ بےبها سوڈان
کہ مں درائیں هَند گولت ءُ رپتاں
تہ هچ نہ جت بے بوهیں دل ء' گواتے
نے منء' مان آتکاں جِنک هِند ءِ
نے کہ پلپینءُ چین ءُ هِلمند ء
نے دلء جوزیناں منی بنداں
لَندنءِ بازار ءُ ترانگ اسپین ءِ
تلوسا ں من پہ بلءُ مَچّات ء'
کہ منء' تمپ ءِ ترانگاں پُروشتگ
ءُ مند منی ساه ءِ کشئگء' گون اِ نت
کہ کِیچ منی تُنیگیں دل ءِ ارواه
بَندن منی زند ءِ بندری لوٹ انت
زامران منی ساہ ءُ مهکمیں دلواه
کہ پنجگور منی گنجءُ ترانگانی ماه🌹💝
@Labzank
telegram.me/Labzank

.........🌹بِـــے کـاراِنــت🌹.......

⏪بـے کاراِنت ھَـما دِل کــہ آئیءِ تَہـا َ درد مَــہ بِیـت

⏪بــے کار اِنت ھَـما راج کِـہ آئیءِ تـَہا تِپـاکی مَــہ بِیــت

⏪بـِـے کـاراِنت ھـَما چـَـم کِــہ آئیءِ تَہـا ھَـیا مَـہ بِیــت

⏪بِــے کـاراِنت ھَـما دوستــی کِــہ آئیءِ تَـہـا وَپـا مَہ بیت

⏪بـِـے کـاراِنت ھَمـا دِل کِــہ آئیءِ تَہـا ھُـبّءُ واھــگ مـَہ بِیـت

⏪بِــے کـاراِنت ھَمــا اِنســان کِـہ آئیءِ تَہـا انسـانیت مَـہ بِیت

⏪بِـے کـاراِنت ھَـما ڈگـار کِـہ آئیءِ کِشــار مَـہ بِیــت
@Labzank
telegram.me/Labzank

......🌹🌹کِــــــتاب.....🌹🌹

کتـاب انسـانءِ ھمـراہ اِنـت جـوانتریـں دوسـت اِنت کتـابءِ دوستــی ھَمـا انسـانءَ بیـت کـہ آ کتـابءِ ارزشـتءَ بـہ زانـت کتـابءِ سیــنگءَ اِلـمءِ ھَمـا ھَــزانگ کــنڑاَنت کہ کَـدی در گــور نـہ بیـت
اے ھَــزانگءَ ھَمـا انسـان پٹءُ پــول کَنـت کـہ آ اِلـمءِ راستــیں پـائدگءِ واســتہ تَکـانسر اِنت
آھانـی واســتہ کـتاب یَـک جــوانیــں اُسـتادے کـتاب وتـی وانوکاں زنـدگیءِ دُرستــں شَـرّیءُ ھَـرابیاں سـَرپد کنـت
کـتاب تِچکیـــں راہءِ روگءِ پَنـتءَ دنت
کتـاب انسـانءَ دلبڈی دنـتءُ ھَیـالءُ پِــگر کـنگءِ سکیــنءَ دَنـت
کتــاب یَـک انچیــں پُلّــے کـہ آئیءِ سَـرجمیــں بــو بـاگءَ شِنــگءُ تـالان اِنت اے بـوءَ دُرستــیں بـاگ سُمبــراِیـت
بَلکیــں کِــرّءُ کَــشءِ مَــردم ھَمــے بــوءِ شَیــدا بنـت
کتـاب وتـی وانوکــانی واستہ نوکیــں گَـپّءُ ھَبــر گیــدی کِسّـہءُ .آزمـانک. چاچءُ بَتــل گُشــتنءُ دُرّیــں دانـک شَــرّیـں ســرءُ ســوج کـاراِیـت
ھَمــے گُشــں اَنت کــہ کـتـاب انســانءِ ورنـائیءِ رھشــون دیـوک اِنتءُ پیــریءِ ھَمــراہ اِنت......
@Labzank
telegram.me/Labzank

.......🌹🌹بَتــــل🌹🌹......

⏪روچ پَــہ لَنکُکءَ چیــر نـہ بیــت روباہ پــہ دپءَ شیـــر نــہ بیــت


⏪ آ زَھــم کِـہ پُـرّ جـــوھر اِنت
دســتءِ نامرداں بَــد گـو ھراِنت

⏪ آ کِــہ ھَیــر کَنت ھَیــران بیــت
آ کِــہ داد دَنـت ویــران بیــت

⏪ داں زِنــدگ آں وس کَــن آں
مُـرت آں گُــڑا بَــس کَــن آں

@Labzank
telegram.me/Labzank

.......🌹🌹چــاچ🌹🌹.....

کُٹّیــں بُزوک کُٹّیــں شَنــِـک وَپــتگ کَــرودءِ سـاھگءَ گِپــتگ دو پادیــںءِ تــولگءَ ھـــونءِ مــاں تــلارءَ رِتکــگ اَنت مــاہ ئیــں جَـنِکءَ رُپتـگ اَنت پیـــریــں پِـتءِ شــام بــوتگ اَنت مِہــمان ئے ھُشــکءَ نشتــگ اَں

............(بِیــــــنگ).......
@Labzank
telegram.me/Labzank

......🌹🌹وشکــند🌹🌹....

ڈاکــٹر: واجـہ تــئ چـے درد کَنــت

نـادراہ: واجــہ مَنــئ لاپ درد کَنت

ڈاکــٹر: اے دَرمـانءَ بِــزیر دو چَمـچہ ســہبءَ دو نیــم روچءَ ءُ دو شَــپءَ بـور

نـادراہ: واجــہ مَنــی گــورءَ اِنــچو چَمــچہ نیــست تو مــہربانی کَــن مـنءَ دگــہ درمانے بـدئے😜😜
@Labzank
telegram.me/Labzank

🔵گوشکند😀


🔹چاکر ءَ وتی لوگ ءِ دروازگ بڈ ءَ اَت ءُ روگ ءَ اَت، شاهو ءَ جُست کُرت چاکر اے دروازگ ءَ کجا برئے؟
چاکر ءَ گوشت ایشی ءَ اُستا گور ءَ براں کُبلی شَر کنت، شاھو ءَ گوشت کمبھت دُزی ماں تئی لوگ ءَ مہ گوز ایت ؟!
چاکر ءَ گوشت شاھو تو ھم مرچاں گنوک ئے، دروازگ ءِ جند کہ من ءَ گون اِنت دُز چہ کجا لوگ ءِ تھا گوز ایت؟!😜😜

@Labzank
telegram.me/Labzank

دل چو آسءَ انت، جگر چاک بروسہ نہ کتگ.
من وتی جند ءِ سرا هاک بروسہ نہ کتگ.

انچو ایر جیگ کتگ بے اُمریں لاپءِ گمءَ.
آشکءَ اِشک نہ کنت واک بروسہ نہ کتگ.

من ہمے زانتگ کہ بس یک ءُ دو روچءِ گپ انت.
بیرگءَ بند بیت گویاک بروسہ نہ کتگ.

گوں تو اے مہر ءِ سپر شیرکنیں وابے بیتگ.
ہُشک بنت پُل مِر انت تاک بروسہ نہ کتگ.

کازی اے سِلّ ءُ بدیں نوبتءُ باریگ گوْزیت.
گوں ہمک گپءَ جن ءِ جاک بروسہ نہ کتگ.

مبارک کازی
@Labzank
telegram.me/Labzank

....🌹🌹دُرّیــں دانک🌹🌹....

⏪شِــرکءَ چَـہ رَنـد دُرسـاں چــہ مَستــریں گُنـاہ مـاتءُ پِــتءِ ھَبــرءِ پُـروشگ اِنت

⏪وتــی وشّــیءِ ھــاترءَ دومــیءِ وشّــیاں ھَـاکـاں گــوں ھــور مَــکن

⏪ آدیــنکءَ چارئے وتءَ گِنــدئے بَلـے کِتابءَ چارئے دُنیـاءَ گِنــدئے

⏪ آ راج کــہ وتــی مـاتی زبـانءِ اَرز
شــتءَ مـہ زانت، بِــزاں وتــئ اَرزِشــتءَ نَـہ زانت

⏪ آ مَـردم کِــہ تہــناہ ھَبــر کَنـتءُ اَمَـل نَــہ کَنــت آراجءِ مَستــریں بــداوہ اِنــت
@Labzank
telegram.me/Labzank

....🌹🌹سَیــدءُ بلــوچی🌹🌹...

یَــکرندے چــو بیــت کــہ سَیــد چَــہ کیــچءَ دَرکیــتءُ دیــم پَــہ جیــونیءَ روگءَ بیــت کِــہ مَگــربءِ وھــد بیــت،
سَــیدءَ دِگــہ ھَمــراھے گــون بیــت،
سَیــد پَــہ نِمــازءِ وانــگءَ بلــوچیءَ اکامَـت کنت، سَیــد کِــہ نمازءَ ھَـلاس کَنتءُ سلامءَ تــرّین اِیـت گُــڑا آیئءِ ھَمــراہ جُســت کَنــت کِــہ شَرّیــں واجـہ تَــو بلوچــیءَ اکـامت کُتءُ دُراھیــں نمـاز پــہ بَلــوچیءَ ونـت!
سَیــد پُــہ بِچکــندگے دَرّائین اِیـت کِـہ،،زانـاں واجھیــں ھُـدا بلــوچی نـزانت..

@Labzank
telegram.me/Labzank

🌹🌹سَیـد ھاشمیءِ گُشتن🌹🌹

⏮ لَھتـے مَنــاں گُـش اِیـت گنــوک
لَھــتے گُــش اِیت شیــپتال
مَنــی مــیار ھَمیــش اِنـت کِــہ مـن وتــی زبـانءَ گُـپ جَنــاں

⏮یَکّــے بـے تـاھیــر اِنـت کِــہ گَـپّے بـہ جَنت، بَلـے گُنـگ اِنـت
یَکّــے گَـپّ جَنــگ زانــت بَلــے تُــرسءَ گـاراِنـت
ھَــر دو بَـزّگ اَنـت ......یکــّےءَ آپ گــون نیــست دومــیءَ تــوشگ

⏮دَرمـانءِ کـہ گــوں دردءَ گُــلائیـش نَـہ بـوت درمـان ئے مَـہ گُــش دردے کِــہ درمـانءِ منّـت وار بــوت دردے نــہ اِنـت ....نــوں گَـپ گـــوں تــراِنـت
@Labzank
telegram.me/Labzank

🌙رَمــزان شـــریـپءِ مــاہ🌙
مسلمـــانـاں شیـــوّار بـہ بئــے اِت کـہ:
🌙رَمــــزان شـــریــپ ءِ مبــارکیـں مـاہ نـــزیک بیگ ءَ اِنــت
🌙بنــــدگـــیءُ اِبــادت ءِ مــاہ انت. 🌙کُــــران شــریــپ ءِ مــاہ انت. 🌙رَھمـــت ءُ بــرکــت ءِ مــاہ انت.

🌙تــوبــہ ءُ بَکــشـگ ءِ مــاہ انت.
🌙اِزّت ءُ کــامیــابــی ءِ مــاہ انت.
🌙پـاکــی ءُ پـارسـائــی ءِ مـاہ انت. 🌙دُعـا ءِ مُستجاب ءُ کبـولی ءِ مـاہ انت.
🌙نمــاز ءُ روچگ ءِِ مــاہ انت.
🌙ھمــدردی ءُ نیکـــی ءِ مــاہ انت. 🌙سَبـــر ءُ اوپــار ءِ مــاہ انت. 🌙زکــر ءُ نَپـلانــی مــاہ انت. 🌙چہ جھنـم ءِ آچـش ءَ رَکّگ ءِ مــاہ انت. منـی ھمبـل ءُ دوزواھاں اللّـہ ءِ بـارگـاہ ءَ دستـاں چِسـت کـن اِت دُعـا بہ لـوٹ اِت کـہ اللّـہ پـاک اِے مبـارکیـں مـاہ ءَ میگ ءُ شمئـے نسیـب ءَ بکنـت،
شمئـے نیکیـں دعـا آنی واز منــد آں.

.......🌹🌹بــَتـــــل🌹🌹.....

⏪ ھُـداءَ نــہ گِـــندے کُـدرتانی بِـہ گِــند

⏪ مـاہءَ ننـدئے مـاہ بئے دیــگءَ نندئے: سیــاہ بئے

⏪ ســـیاہ شــودگءَ شـار نـہ بیــت، مـار جوگــیءِ یار نـہ بیــت،نــاداں پــہ ســوجءَ سـار نــہ بــیت

⏪شیــرءِ پــوستءِ گــورءَ کنــگءَ شیـــر نبئے

@Labzank
telegram.me/Labzank

.........🌹🌹چَــاچ🌹🌹......

جُـکّ اِیــت چــو اُشتــرءَ اُشتــرے نــہ اِنــت، چَــرایـت چــو پـَـسءَ پَســے نــہ اِنــت بـَـال کَنــت چــو مُــرگءَ مُــرگے نــہ اِنت

(مَـــدگ)

@Labzank
telegram.me/Labzank

.......🌹🌹وشکــــند🌹🌹.....

گِــراک گــوں سبــزی والاءَ اگـاں تــئ سبــزی ھَــرابیــں بــوت اَنت مَــن گراستگیــں نارشتــاں واپــس کـاراں ......
سَبـزی والا شــرّ گُــڑا سَئے نـان بیــار گــوں😂😂

@Labzank
telegram.me/Labzank

....🌹🌹سَیــدءِ گُشتــن🌹🌹...

ھَــر یَــک ردءُ بَنـــدیں توارئے گــوشاں وشّ اِنــت
بَلــے ابیــد چَــہ راستیــں گپّءَ
@Labzank
telegram.me/Labzank

نمیرانیں مرادساحر

بنا کن انچیں آھے ناتوامیں دل جھان ءَ سوچ
کبسّ ءَ زُلم ءَ سیّاد ءِ گوں باگ ءُ بوستان ءَ سوچ

کئ بیمّ ءَ ترا اے زندگانی ء َ کتُگ درگور
چہ وت سرگوز اے بے رھمیں زمین ءُ آسمان ءَ سوچ

سدی گوست انت نشانے منزل ءِ ہم گندگ ءَ نئیت ِانت
چُشیں گَلگَ ء َ چشیں راہ ء َ ءُ چوشیں ساربان ء َ سوچ

پہ نان ءِ چُنڈے ءَ چور و جنوزام لوگ سد گول اَنت
چُشیں کوم ءِ لجوزیں، اے امیر ءُ واجھان ءَ سوچ

نہ ِالم ءِ شوک نہ کوم ءِ دوستی نہ سُدّ دنیا ءِ
چُشیں بے جوھر ءُ جان دُز ءُ سُستیں نوجوان ءَ سوچ

اے بدواہ ِانت تئ، دَنت ِانت ترا زیر دستی ءِ سوج ءَ
مگِر پنت ءَ ایشی ءِ، وش نیاتکیں دُربیان ءَ سوچ

بکن پھریز چہ اے رِزک ءَ کہ بارت ِانت ننگ ءُ ناموس ءَ
بہ سِند پاند ءَ گُلامی ءِ اے چَرپیں چُنڈیں نان ءَ سوچ

بہ بند لانک ءَ بکن ھمت زمانگ تیز رپتار ِانت
نہ انت اے وھد سٌستی ءِ َاے ناداں شَور ءُ تران ءَ سوچ

َاے ساحر گپّ ءُ کسّہ شائری ءَ پہ، دگہ باز ِانت
شپ ءُ روچ وش تبیں مھگونگانی داستان ءَ سوچ
@Labzank
telegram.me/Labzank

.....🌹🌹جُوانیــں دانک🌹🌹....

⏪ آ مــردم آلمــے بَلـــے چــو کِــہ چــہ ،،اَمــلءَ،،زِبہــــراِنـت آئیءِ درور چــو ھَمــا زَھــمءَ اِنـت کــہ آیئءِ کار گــرگءَ نــہ زانت

⏪ دانـا گَـپّ کنــگءَ پیــسر ھَــر وھــدءَ جیــڑاِیـتءُ گَـپّءَ جـَنـت نـاداں گَـپّءَ جَنـتءُ رنـدءَ پِگــر کَنــت

⏪ آ کِــہ پَــہ سِتــکءُ دِل کــوشست کَنــت آ ھَــر وھـدءَ ســوب مَنــد بیــت

⏪ چَــہ دُژمــنءَ ھَــر وھـدءَ بِــہ تُـرس، دوستءَ ھَمـا وھــدءَ بِـہ تُـرس کِــہ گِیــشءَ چَـــہ گیـــش تـئ سَـتاہءَ کَنـت
@Labzank
telegram.me/Labzank

یا اللہ بِـکن گـار

بلـوچ کومءِ گُـژنءُ واریءَ

شاھیــں پَـروردگار


کَـــشّ میــــریـں بلـوچءَ

چَـہ کَـستءُ کیـنگءِ جپیــں آسءَ

بیــار تِپـاکیءِ روچءَ


ھَـردلاں دوستــیءَ

پُـرءُ چکارک مہــرءُ وپاء سرریـچ

بــدے ھَمـــے ھـستیءَ


بـَلیــن اِلــمءِ چــراگءَ

گُلیــں ڈیـــھءَ بلــوچانی

سَبــز کَــن اِلــمءِ بـاگءَ
@Labzank
telegram.me/Labzank