گـوَشـکـَـنـد – ادَبــی هَـکـیـم
لَـهـتـے مَـردُم وَراک وَرَگءَاِت اَنـت بَـهـیـلـے راه ءَ گـوَزَگءَاَت بـلـئـے کـَس ءَ بَـهـیـل ءَ پـہ وَراک وَرَگ ءَ سَـلاه نـہ جَـت ، بَـهـیـل ءَ گـوَشـت مَـرچـاں شـمـارا چـون اِنـت کـہ شـمـا وَتـی مَـڑاهـداریءَ پَـهـک یـلـہ داتَـگ ؟ یَـک مَـردے گـوَشـت ، مـروچـی گـَپ مَـڑاهـداری ءِ نـہ اِنـت مَـروچـی مـئـے وَراک کـَـمّ اَنـت ءُ تـو زوُت پـہ زوُت دَپـاراں چـسـت کـن ئـے ءُ اِیـر بَـرئـے !!!.. بَـهـیـل ءَ گـوَشـت شـمـئـے هَـیـال چـی اِنـت مـن یَـک دَپـارے ءِ اِیـربَـرَگ ءَ ءُ رَنـد دو رُکـات نُـمـاز نَـپـل بُـوان آں ءُ رَنـدا دومـی دَپـار ءَ چـسـت بـہ کـن آں ؟!!!...


@Labzank
telegram.me/Labzank

شئیر ھما اِنت کہ ترا وتی ہمبراہی ءَ ببارت گوں .... ءُ اے شئیر ءِ تہا اے جوانی ہست کہ وتی وانوک ءَ چہ وتا گسر نہ کنت ........

... وتی چہ ہستی ءَ کہر اَت....
،..................... ...... پزیر جی ایم .....................،

چے گندئِے....
چیا ہست ئے...
چے پیمیں مانہ یے دارئے...
نزاناں من...
بلئے اے زندگی زیبائی ءِ سحر ءَ نہ اِنت کسی...
نہ مُرگاں واب جاہے ہست...
نہ درگاہے پکیران ءَ..
ءُ نیکہ شاعراں پہ وت زبانے ہست.....
منی ہمساہگ ءِ لوگ ءَ جنین چُکے کہ ہژدہ سال ساری ءَ ودی بوتہ...
من ءَ آ وہد ءَ چار سال اَت..
کلہے یاد بیت اِنت بس...
چراگ داں بامگواہ ءَ روک اَت
ءُ نازینکانی آواز اَت...
وَشی اَت..
جنکو ءِ کہ عمر ءِ دراجی ءِ دُعا اَت...
من ءَ یاد اِنت..
من ہر سُہب ءَ وتی ہمساہگ ءِ لوگ ءَ وتی سہب ءِ نگن وارتہ...
ہزار رند ءَ مکن مات ءَ کُتہ ہکّل من ءَ داتہ..
کسانی دابہ اِیں عمرے...
من چے زانتہ...
جنکوءِ مدام مات ءَ گُشان زُرتہ..
گُشان ءِ سربر ءَ گردو ءُ رِلّی یے..
جِنکو واب گیتکہ ءُ تلا داتہ..
ءُ بان ءِ کُنٹ ءِ بندوکیں گُشان ساد ءَ گوں ڈَک داتہ.
من ءَ پانگ کُتہ گُشتہ کہ چَنڈینے..
من چنڈینتہ داں واب کپتہ..
ما ہردوہیں رُدان بوتیں،
مزن بوتیں...
ہمے پیما شگوست عمرے
جتا بوتیں..
پدا ہمساہگ ءِ لوگ ءَ رَوگ آہگ منی کم بوت..
من ءَ پہ وانگ ءَ شہر ءَ پِت ءَ رَہ دات...
ءُ دراجیں مدتے ءَ رند شہر ءَ چہ واتر کت..
پہ لہتیں روچ ءِ واستہ من
گِس ءَ اتکاں...
سُبارگ کت...
دَراتکاں دیم پہ بازار ءَ..
اناگت چم منی دروازگ ءَ کپتاں وتی ہمساہگ ءِ لوگ ءِ...
یک پیرزالے ہمے دَروزگ ءِ دیما ملوری ءَ گوں اوشتاتہ..
من سر جہل کُت روان بوتاں ..
بلئے آوازے گوشان کپت..
ہمے لوگ ءِ تہا رُست ءُ مزن بوتئے..
نہ جَت چَکے..
نہ گپت ہالے..
جِنکو ءَ منی دنیا یلا داتہ..
ہما ساد ءَ گوں بان ءِ کُنٹ ءَ بندوک اِنت گُشان ءِ من تلا داتہ...
گُشان گوں ساد ءَ ڈَک داتہ..
تو چَنڈینتہ داں واب کپتہ گوں بچکنداں..
ہما ساد ئِے گوں جندئے گردن ءَ بست ئِے..
وتارا پاہو ءَ دْرتک ئِے ..
گوں اے گپ ءَ گُشئے یک سیاہی یے مان رِتک..
زمین جمب اِت..
اے نیلیں آزمان بے رنگ بوّان بوت..
منی چماں..
گُشئے اے تیوگیں بازار پُرسیگ اَت....
ہمک مردم وتی چہ ہستی ءَ کہر اَت...
وتی جند ءِ سرا بار اَت.....
پدا واتر وتی جند ءِگس ءَ اتکاں ءُ تچک بیتاں..
ہمے کہ چم بستاں من..
جنکو ءِ گُشئے کہ گریوگ ءِ آواز گوشاں کیت..
اے دل گوں وہم ءُ وسواساں سر ءُ لینڈ بوت..
من چینچو جیڑگ ءَ کپتاں..
سوب چے اِنت..
کہ زند ءِ ساہتاں گوں سنگتی گران اِنت..
چہ عمر ءَ باز پیسرتر..
چیا مردم..
وتی مرگ ءَ پہ ارمانے ماں امبازاں چِنئگ لوٹ اَنت...
شپ ءَ پت چہ ڈگارانی سرا وہدے ِ کہ واتر اَتک.
من دَرّاہینت...
چِدا لڈّیں رَویں شہر ءَ کراہ ءِ لوگے ءَ نندیں..

@Labzank
telegram.me/Labzank

رجـانـک : ادَبــی هَـکـیـم
وَهـدے کـہ یَـک کـَـسـانـیـں جَـمـبَـرے روژنـائـیـں روچ ءِ رُژن ءَ پـوش ایـت ءُ جـهـان دیـم ءَ تـهـار کـَـنـت گـڑا بـزاں کـہ تـئـی یَـک کـَـسـانـیـں رَدی یـے تـئـی دیـم ءِ رُژن ءَ پـوش ایـت ءُ چـہ مَـردُمـانـی دیـم ءَ گـار کـَـنـت.

@Labzank
telegram.me/Labzank

چہ 1998 ءِ پُتنکاں

پدا کدی تو منی چارگ ءَ دُبر کائے
تنیگہ ہپتگے پورا نہ اِنت کہ در کائے

مرو مرو منی دیدگ منا چہ دیر مرو
مرو مرو منی ھکّاں دل ءِ مہ زیر مرو

مرو مرو کہ ترا باندا روچ کار کپیت
مرو مرو کہ تئی تْرانگ ءَ ہزار کپیت

مرو مرو کہ پدا اے وڑیں دمان نئیت
مرو مرو کہ دگہ کسّ منارا مان نئیت

بہ جَلّ بہ جَل کہ ترا ٹیکی یے مں گون کناں
مرو مرو کہ دل ءُ دیدگاں مں ھون کناں

مرو مرو من پہ تو کودکی جوان کتہ
مرو مرو کہ تو گوں من دل ءِ زبان کتہ

مرو مرو مں جگر تْرکّ باں شپی پاساں
مرو مرو کہ دل ءَ را من پِر مُشاں آساں

مرو مرو منی نا سرپدیں مجید مرو
مرو مرو منی مھراں مکن شہید مرو

مجید هاجز


@Labzank
telegram.me/Labzank

،دستونک

زندگی چمّ ءِ اگاں وارءَ بئیت
مَرگ چہ بُروان ءِ کاٹار ءَ بئیت

ٹپّی ئیں پُلّے منی ارواہ ءِ اَرس
تئی بگندے جیگی ءِ کارءَ بئیت

زندگاں اومان کبرستانے ءِ
مُردگانی لَڑّ بازار ءَ بئیت

مُودی ٹالے ءِ ترا تاوان مبات
دُراھیں دنیا گوں بہ بیت ھارءَ بئیت

آجز ءُ لھتیں موالی نِشتگ انت
کس مبادہ جنگل ءَ دار ءَ بئیت

"مجید آجز "

@Labzank
telegram.me/Labzank

دُرّیـں گـُـپـتـار : جـبـران خـلـیـل جـبـران
رجـانـک : ادَبـی هَـکـیـم
مـئـے بـے وَسـی اِش اَنـت :
سـانـگ کـَـن ایـں ، دوسـت دارَگ نـہ زان ایـں
چُـک کـاریـں ، رودیـنَـگ نـہ زان ایـں
مـاڑی بَـنـد ایـں ، سَـبَـک نـہ زورایـں
نُـمـاز وان ایـں ، پَـهـریـزکـار نـہ بـیـں
کـار کـن ایـں ، بَـلَـد نـہ بـیـں
گـُـوَش ایـں ، بـاوَر نـہ کـن ایـں

@Labzank
telegram.me/Labzank

*جنید بلوچ*

تو کہ سر گِپت ءُ شُت ئے دیدگاں آس ءَ بَرکُت
گْورماں دریا منی دَروازگ ءِ چانٹ ءَ سَر کُت

موسم ءِ شیشگیں بالاد گُباراں پوش اِت
آزمان ءِ زدگیں جان شراباں تَر کُت

زندگی روچ ءِ وڑا وارت زِر ءِ پاگاساں
شپچراں شپ منی چَمًانی تہ ءَ نَنگر کُت

هستی ءِ راز چراگانی دل ءَ اَندیم اِنت
ما همے گُشت بَلے زاناں کَے ءَ باور کُت

روشنیں دْرچکے منی واب ءِ تہ ءَ وهدے رُست
من اوں پاد اَتکاں تهاری چہ دریگ ءَ دَر کُت

تو نہ لوٹ اِت کہ بہ بیت هاکے ءِ هاتر پولنگ
من وت ءَ زُرت ءُ شُتاں آس ءِ تہ ءَ آسر کُت

@Labzank
telegram.me/Labzank

شپ
بشیر بیدار
انگت شپ اِنت سیاہ ءُ تہار
انگت کجا اِنت بامسار
ساہیل سر ءَ ڈکّالیں دَور
انگت کج اِنت پُلّیں بہار
انگت تچیت ھونانی ھار
سر پہ سر اِنت جون ءِ پتار
مھرانی تْرمپاں تلوسیت
ہشکاوگیں زرد ءِ ڈگار

نشتگ داں سُہب بیگاہی ءَ
دلمانگیں کئی دْراہی ءَ
لوٹیت منی ریٹائیں دل
مچّ گُنش ءَ رنگ ءِ گْواہی ءَ

من شر زاناں سرپداں
چمّ داشتگنت جوریں بداں
مئے سرمگیں کوہ ءُ لداں
وشّیں تیاب نیلّیں زِراں

بے گَم نہاں بے گت نہاں
ہوشاں سر ءَ بے وت نہاں
زاناں وتی نیک ءُ بد ءَ
بے موہ ءُ تاگت نہاں

دیم ءَ بچار کہ چون بیت
دْروہیت ترا کئے گون بیت
کئے پہ گبرّے بیت بہا
تَنکاں تلام کئی جون بیت
چُنت سر کُشار جاھاں کپیت
چُنت پاہواں گُٹگیر بیت
کئی زند تہاریں کوٹیاں
پہ رُژن ءِ اُمّیت ءَ گْوزیت
@Labzank
telegram.me/Labzank

بس همے گنج اِنت کہ وتا زانئے
چنچو مکتب? کئے ءَ کئے ءَ وانئے

کئی کپوت اِنت داهم ءَ نالیت
کئی کبسّ اِنت هاترا دان ءِ

توکلی مست ءِ تْرانگ ءَ گیج ئے
تو چو بنگ ءِ مَلار آسان ئے

جنت ناپگ کہ زانتجاه شہمیت
ساه ندر اِنت سرا سگندان ءِ

وهد پِر کپتہ چہ وتا بِسمل
تو هما پیشگیں هِسابان ئے

منظور بِسمل

@Labzank
telegram.me/Labzank

گـوَشـکـَـنـد – ادبــی هَـکـیـم
جَـنـیـنـے گـوانـک جَـت ءُ چـہ یَـک نـیـکـمَـردے جُـسـت کـُرت ، واجَـہ ، مَـن اِے دُوا ءَ چـہ هـاوَنـد پـہ وَتـی لـوگ واجَـہ ءَ لـوٹ اِت کـن آں ؟!!!... :
( اللهم اجـمـعـنـي أنـا و زوجـي فـي الـجـنّـة مـن غـيـر حـور عـيـن ) اَے هـاوَنـد مـن ءَ ءُ مـنـی لـوگ واجَـہ ءَ بـے مَـزَن چَـمّـیـں هـوُرانـی هَـمـراهـی ءَ مـاں جَـنّـت ءِ گـُـلـبـاک ءَ یَـکـجـاه بـہ کـَـن .
نـیـکـمَـرد ءَ پَـسّـو دات ، زالِــم تـو وَتـی لـوگ واجَـہ ءَ چـہ اِے جـهـان ءِ وَشّـیـاں بـے بَـهـر کـُـرتـگ نـوں لـوٹ ئـے کـہ آئـی ءَ مـاں آ جـهـان ءَ هَـم بـے بَـهـر بـہ کـَـن ئـے .

@Labzank
telegram.me/Labzank

نوبت ءَ ہورکیں کاسگے گون اِنت
بیا کہ ھیرات بووگ ءَ آں من

زھم ہر شپ منا واب ءَ گِند اَنت
ہنچیں وہدے ءِ جنگجاہاں من

منیر مومن

@Labzank
telegram.me/Labzank

گـوَشـکـَـنـد – ادَبـی هَـکـیـم
دو چَـرسـی یَـکـجـاه ءَ نِـشـتَـگ ءُ چَـرس کـَـشـگءَاِت اَنـت یَـک چَـرسـی یـے وَتـی چَـرس ءَ یَـک جُـهـلانـکـیـں دوُتّـے جَـت ءُ چـہ دومـی چَـرسـی ءَ جُـسـت کـُـرت ، تـو روچ ءِ بـرَمـشـانـی سـرءَ بُـرزا شُـت کـن ئـے ؟!!!... دومـی چَـرسـیءَ هَـم وَتـی چـرس ءَ یَـک جُـهـلانـکـیـں دوُتّـے جَـت ءُ گـوَشـت ، هَـو شُـت کـنـاں بـلـئـے مـنءَ تُـرس ایـت !!!.. اولـی چَـرسـی ءَ جُـسـت کـُـرت ، تـرا چـہ چـی ءَ تُـرس ایـت ؟!!!. دومـی چَـرسـی ءَ آرام آرام ءَ وَتـی دَپ ءِ دوُت دَرکـَـنـاں کـُـرت اَنـت ءُ گـوَشـت مـن ءَ تُـرس ایـت کـہ اَنـاگـَـہ روچ ءَ روچـگِـر بـہ گِـرایـت ءُ مـن جَـهـل ءَ بـہ کـَـپـاں.

@Labzank
telegram.me/Labzank

زِنـدَگ ءَ مِـهـرءِ پُـلّ اَزکـارانـت ءُ مُـردَگ ءَ پـاتـیـاه ءِ ( فـاتـحـة ) وانَـگ ءِ بـلـئـے مـروچـیـگـیـں زَمـانـگ ءِ مـردُم مُـردَگ ءِ مـانـش (قـبـر) ءِ سَـرءَ مِـهـرءِ پُـلّ پـر ریـچ اَنـت ءُ پـہ زنـدَگ ءِ زِنـدگـی ءَ پـاتـیـاه بَـکـش اَنـت.
ادَبـی هـکـیـم

@Labzank
telegram.me/Labzank

گال
مجید عاجز
ارساں رودینتہ زبانے , دیدگاں گویاک پِر
سِتر پیوندیں کہیباں بْرہنگیں پوشاک پِر

مرگ سکراتیں ملاراں نُکّ جورینتہ منی
زند اوبالیں شرابی شیشگاں تریاک پِر

تُنّ ہیداں میچّلینتہ آس ہینّاریں زِرے
گُژنگی ءِ دامن ءَ کَے زانت چینچو چاک پِر

مُرگے ءِ باندا چِڑکّہ گْواتے ءِ گوشاں کپیت
زندگی دْرچکے ءُ اے دْرچک ءَ را انگہ تاک پِر

چیر ترّینتہ ہمینچو گَوریں بچکنداں منا
وامے ءِ ڈیساں چٹانکے پَنّ پِر , مزواک پِر

مارا عاجز تئی پلیتّیں سُجدگاں کاپِر کُتہ
نَستگیں پیشانی ءِ ایمان ءَ دنزے ھاک پِر

@Labzank
telegram.me/Labzank

چاربند
---------------

بے  کراریں دل ءَ من گوں دلبر ءِ یاتاں ساز کناں
منزل ءِ راہ ءَ دور سریں گوں دل ءِ گاماں گواز کناں

کئبہ تو ۓ کُران ءُ مسیت ءُ دین ءُ مزھب تو ۓ
بل تئی تاپیں گُشان ءِ ساھگ ءَ من نماز کناں


پرزاد دیرمانی
4/12/2016

@Labzank
telegram.me/Labzank

استاد اے آر داد
" ترا کہ یات کناں "
چنچو وش بیت
تئ ھیدانی بومن ءَ
منی ساہ ءُ نپس
دراہ لرزنت·
دل نہ کنت برواں
ڈنّاں درچکاں بچاراں
تو آواز ءِ تہ ءَ چونیں راھے چاران ئے
میتگ دراھیں چات ءَ اِنت
آسےنیست تئ دست ءَ داتیں
چماں بندکن
شہرءَ مُجے ءِ احوال اِنت

@Labzank
telegram.me/Labzank

گـوَشـکـَـنـد – ادَبــی هَـکـیـم
مَـرد ءُ جَـنـے نِـشـتَـگ اِت اَنـت مَـرد ءَ جَـنـیـن ءِ نـیـمَـگ ءَ چـاراِت ءُ گـوَشـت ، جَـنـیـن تـو نـوں چـو کـُـوَهـنـیـں Hilex مـاڈل 97 ءِ پَـیـم ءَ پـیـر بـوُتَـگ ئـے ، نـوں مـنـی دِل یَـک Luxes مـاڈل 2016 ءِ پَـیـمـیـں کـاڑے لـوٹ ایـت ، جَـنـیـن ءَ جُـسـت کـُـرت ، تـو گـڑا آئـی ءِ واگ ءَ داشـت کـُـت کـن ئـے ؟!!!... یـاں پـہ آئـیءِ واگـداریءَ یَـک واگـدارے دارئـے ؟!!!... گـُـوَش اَنـت مَـرد دِلـٹـوپ بـوُت ءُ مـاں نـادراهـجـاهـے اِش بُـرت اودا داکـتـر ءَ جُـسـت کـُـرت ، تـرا چـوں بـوُتَـگ !!!... مَـرد ءَ گـوَشـت مـن ءَ یَـک Hilex مـاڈل 97 مـوٹـلـے ٹـوکـَـر جَـتَـگ !!!...

@Labzank
telegram.me/Labzank

رسانک

8تاکشان 2016
بلوچی زُبان چورہ بوت
​کیچ​

بلوچی زُبانءِ نامداریں شاعر اُستادشوکت حیات ءَ کوڑوئیں امروز یل کُت وتی اَبدی جاہءَشُت دُعا اِنت کہ پاکیں ھاوند ھُدامرزیءَباگیں گُلباگءَجاہ بدنتءُآئی ءِ پُشپداں سبرءِ ھاٹیگ بدنت آمین بات...

@Labzank
telegram.me/Labzank

رجـانـک : ادَبـی هـکـیـم
هـاوَنـد ءَ جَـنـیـن ءِ هَـسـتـی ( وجـود ) ءَ بـرکـت داتـگ ، مـاں کـَـسـانـی آ پـہ وَتـی پـت ءُ مـات جَـنّـت ءِ دَروازَگـے پَـچ کـَـنـت ، مـاں وَرنـائـی آ وَتـی لـوگ واجَـہ ءِ دیـن ءَ هَـم کـَـیـل کـَـنـت ، مـاں پـیـری جَـنّـت آئـی ءِ پـادانـی چـیـرءَ بـیـت.
هَـم کـَـیـل = بَـرابَـر

@Labzank
telegram.me/Labzank

ترانــگاں دل گیمُّر ایت ھوشام بیت
من نہ زانت کہ مہر چو بـے تام بیت
چوں تی پرس ء بداراں من پہ ھال
مرتگیں بلکیں تی ھم نام بیت!!
نند ءُ نیاد ءِ ترانگاں دل گِمُّر ایت ھوشام بیت
من نہ زانت کہ مہر چو بے تام بیت
چوں تی پرس ءِ بداراں من پہ ھال
مُـرتگیں بلکیں تی ھـم نـام بـیت!!
نند ءُ نیاد مرچاں منی،ھچ دیر نہ انت
چہ تـئی کُلّءَ دگے چــار گــام بیت
گـوں دلءِ شور ءَ اگاں زھمے جناں
زندگاں دانکہ ھـمے چیــلام بیت
دریگتیں چہ یوسف ءَ جست اش کتیں
کئے پہ وشّ ءُ وشـــدلی لیلّام بیت؟؟
کَلــَّر ءِ نمب ءَ پہ نــنگار ءُ کِــشار
یا نصیب ! کہ اے کشار ھزّام بیت
چار دھی ماہ انت اگاں بے جمبریں
شپ بزاں گوں نندگاں گوربام بیت
الّم ءَ مُلّا ترا ھــــست آدتــے
کئے چو مپتءَ پہ گور ءُ بدنام بیت؟؟
جـــی آر مــُلّا
@Labzank
telegram.me/Labzank