نیم بندگ عابـد آسکانـی

دوشـی آتک جَـت ئے دروازگ
جَـت مـن ودّل ءَ انـدازگ
اے مـرد الّـم ءَ الّـو اِنـــــت
یـا نـہ کَسـتریں ولّـو اِنـــــت
لـازم چـہ دو بـرات ءَ یکّـــــے
نیـست ات منـی دل ءَ دگے شکّے
تـوک ءَ چـہ تـواروں پِـر کُـــــت
نـے کـہ جِنـد وتـی زاهـر کُـت
گْـوشتـوں تـو کـے ئے الّـو ئے؟
یـا نـہ لنـڈریں ولّـــــو ئے؟
گْـوشـت ئے نـہ منـاں ازرائیـل!
شور گِپـت نی منی موجیں ڈیل
پُشـت ءَ کِنـزاِتـاں مـــــن کمّـے
اوشـتـاتـاں پـــــد ءَ پـہ گْـومّـے
گْوشتوں گوں من ات کار هست انت؟
گْوشت ئے هو ترا وار هست انت؟
گْـوشـتوں چـہ کارے آهـر ؟
گْـوشـت ئے تـو وت ءَ کن زاهر!
مـن گْوشت نوک من ءَ چِلّ سال انت
گْـوشت ئے زنـد پـہ تو جنجال انـت
اللہ ءَ مـن ءَ پـــــرمـاتـگ
پـرمـان ئے مـن ءَ اے داتگ
دوستـیں بنـدهـے عابدجاں
دنیا ءَ کتگ سـکّ پریشاں
کار ءُ روزگار ئے نیست انـت
تاهیـر ءُ کـرارئے نیست انت
بنـدایـت شیر سبہ داں بیگہ
بـزکار ءِ ازاب انـت ارواه
پیـش چـہ الّو ءِ آروس ءَ
بیارئے جنّت الفردوس ءَ
نـی تو چے گْوش ئے چی انت شور؟
تہل بـوت دپ منـی چـو کـہ جـَور
زانتـوں کـہ منـی ساه ءَ گیپـت
گْوشتوں ملکمیت چو چوں بیت؟
انگت منـی دل ءَ ارمان هسـت
بازیں چست ءُ ایـر بنـد ءُ بست
سیـر اِنت انشپـی الدوسـت ءِ
بْـرات ءِ مستـریں ، ولـدوست ءِ
دوستـیں بچّ منـی میر عالـی
اوٹ ءَ پاد کیـت اے سالـــــی
مولجاں مشـکت ءَ انت ائید ءَ کیت
بیکہ آئی ءَ مـوتـوں نئیت
درزی ءَ منـی گُد گون انـت
کوش هم داتـگ ءُ نیمون انت
بازیں دگہ کلوکارے هست
ملک ءَ هم رواں واروں رست
چیزے ونـده ءُ واموں پر
مرگ ءَ رند مہ بیت مردم شر
وش وش هـم نیاں نادراهاں
رُکست مـن کناں همراهاں
دپتر شِنگ نـہ انت شیرانـی
کار هست باز دگہ هیرانـی
دیـوانے دگہ بیگیگ انـت
گُشتانکے مـن ءَ دیگیگ انت
لہتے سْیاهگ انت نا سرجـم
رد بنـد اش دیاناں کـم کـم
نـوکـیں لچّهے پِر بستگ
بنـدے ءُ دو بند پشکپتگ
دستونـک ءِ کـڑی یـے کم انت
الکاپ ئے کناں بـے گْوم انت
هست انت اے دل ءَ چنـدے راز
پمیشاں من پریشاناں باز
سْیہ مار دج ایت دلبنـد ءَ
روچـے مـن مـراں سـد رند ءَ
رهن انت گُلزمین ، رهن انت راج
رهن انـت سر منی تہت ءُ تاج
بندیگ انت زبان رسم ءُ دود
گلباگ ءَ کناں چوں من بود
پادوں تچک بنت کبر ءَ چوں
مات ءِ هکّ مـن ءَ وهـدے گوں
کمّے تو مـن ءَ مہلت دے
نیم بندگ مہ کن کاراں مے
گْوشت ئے اے یلـیں براهندگ!
سـرجم چو نـہ بنت نیم بندگ
زنـد ءَ کہ کڑی یـے کم بیت
مرگ ءَ رنـد جڑایت سرجم بیت


@Labzank
telegram.me/Labzank

زانــــــــــت، مــــــــــال ، نـــــنـــــگ
یک رندے زانت ، مالءُ ننگ دوچار کپ انت _ نندءُ نیاد گپءُ تران بوت وهـــــدے دیـــــوان سرجـــــم بوت زانـــــتءَ درّائینت: منءَ اگاں گنــــــــــدگ لوٹـــــے گـــــڑا کــــــــــتـــــابـــــاں به شوهاز، مــــــــــالءَ گــــُشت: مـــــنءَ بادشاهانی درگاهءَ شوهاز . بلے نـــــنـــــگ بے توارات
دوئـــــیں سنگتاں جُست گپت تی گندگءَ کجا بیاایں وتی ڈسءُ نشانءَ بگوش؟ نـــــنـــــگءَ پسو دات: مــــــــــن اگاں یـــــک رنــــــــــدے شُــــــــــت آں پـــــدءَ آتـــــک نه کـــــن آں
@Labzank
telegram.me/Labzank

بیا لانگه دمے گونڈیں، به جن چنگءُ سرے چنڈیں

به بر زردءِ گمے زنڈیں که عمرءَ اهتبارے نیست

چتور داراں دلءِ سرءَ که تردایت چو ترسیں هرءَ

ءُ اے شورینتگیں برّءَ ماں گومسءَ سرمهرے نیست

چه تی عشقءِ گماں زردانءُ بے ارامءُ بے ورداں

گوش اں گوں کئے دلءِ درداں جهانءَ راز دارے نیست

منیب اتکه په مهمانی ماں تئی کُلّءِ دپءَ جانی

دپ ئے دئے لنکهے زهریں اگه وشیں دپارے نیست
مولانا عبدالغنی منیب افشانی
@Labzank
telegram.me/Labzank

سردار گوں وتی چکّ ءَ زھر گپت ءُ گوّشتےاےچونیں باکس ے تو آورتگ یک ٹالے اوں روک نہ بیت
چکّ ءَ دراھینت تو چونیں گّپ کنگائے ابّا من یک یک ءَ دراھیں ٹال روک کتگ انت نوں زرتگ آورتگ
@Labzank
telegram.me/Labzank

گـوَشـکـَـنـد – ادَبـی هَـکـیـم
جَـنـیـنـےءَ گـوانـک جَـت ءُ چـہ نـیـکـمَـردے جُـسـت کـُـرت :
واجَـہ اِے پَـتـوا تـئـی گـوَرا هَـسـت کـہ مـاں تـلـپـزیـون ءِ تـہءَ اَگـاں نـیـکـمَـردے مَـردُمـانءَ آدیـنَـگءِ روچءِ نُـمـازءَ دیَـگءَ بـہ بـیـت ءُ مَـن مـاں وَتـی لـوگءَ آئـیءِ پُـشـتءَ آدِیـنَـگءِ نُـمـازءَ بـہ کـنـاں ؟!!!...نـیـکـمَـردءَ پَـسّـو دات هَـو مَـنـی گـوَرا دگـے یَـک پَـتـوایـے هَـم هَـسـت کـہ تـو اَگـاں وَتـی سـیـاهـیـں بُـرکـَـہءَ پـریـچ ءِ سَـرا دَور بـہ دئـےءِ ءُ پـریـچ ءِ چـاگِـردءَ چَـهـر بُـوَرئـے مـاں لـوگءِ تـہ ءَ تـئـی هَـجّ ءُ اُمـرَه هَـم بَـنـت !!!...


@Labzank
telegram.me/Labzank

رند چه نمازءَ ملاءَ دیم گوں نمازیاں کُت ءُ گوشت : مروچی شما راگوں مردے ءَ آشنا کناں کہ پیسرءَ دُز ءُ شراب وارے بوتگ ءُ ھر وڈیں نشہے کتگ . سِلیں کارے نیست انت کہ آئی ءَ نہ کتگ ۔ انوں ھداءَ  ھدایت کتگ ، آئی ءَ اے سجھیں بدیں پیئل یل داتگ انت ۔

رند ءَ مُلاءَ گوشت : پلانی بیا  نمازیاں بگوش تو چتور توبہ کت ؟

آ مرد چہ وتی جاہ ءَ چست بوت ءُ گوشتی : من اُمرے دزی کت ، گناہ کت ... واجہ ھداءَ منی آبرو نہ برت مناں بے ازت نکت ، اے وھدی کہ من توبہ کتگ اے ملاءَ پہ من آبرو ءُ گیرت نہ ھشتگ 


@Labzank
telegram.me/Labzank
رجانک :سئید رئیسی

(کاگدے چول جنت)

دُور گوات ءِ زِر ءَ کاگدے چول جنت

لبز گوْرماں پُرشنت

آپ بنت کِسّہ ءِ کَرپدانکیں زہیر

چم ارسانی بِرمشاں کجا اِشکننت

بس اے نیام ءَ ابیتکی ے شہمیت

ءُ زیمر پُرشنت

ساہتے اَچ منی پیژگہ ءِ باتن ءَ

چوکہ شہکوریں شاہاپ مَلّیت ءُ روت

وہد جَلّیت ءُ روت

زند بیگانگیں مردمے ءِ وڑا

بیگہاں کئیل کنت

کئیپ ءِ رنگاں گوْپیت ءُ وتا

دَرْپ ے ءَ مان کنت

کاگدے چول جنت ءُ نبشتہ بُجنت

لبز گوْرماں پُرشنت

کِسّہانی تہا کسّے جاگہ نہ کنت

دُور گوات ءِ زِر ءَ کاگدے چول جنت

(خالق ارمان)
شنگ: لبزانکی مجلس کلمتی کاروان

@Labzank
telegram.me/Labzank

اُستاد آبِد آسکانی


ما پرچا چو برباد ایں؟


مَنی بیلاں
مَنی بْراتاں
گُوھاراں
دُتکان ءُ مکّهیں ماتاں
شُما سسّا کُتَگ هِجبَر
شُما هِجبَر هَیال کُرتَگ

کِه ما پَرچا چو بَرباد اِیں؟
چی ءَ پَشتکَپتَگ اِیں پُشت ءَ ؟!
روین ءُ مِنزل ءَ نَه رَس اِیں
وَتی جِند ءِ گُلیں زِید ءَ
چَه کَرناں زور ءِ چَمدار اِیں؟!
جِهان ءِ زِندَگین ءُ آگَهیں راجاں
زُمین ءُ آزمان ءُ زِر وَتی کُرتگ
زُمین اِش پوّت ءَ
باگیں بَهشتے جوڑ کُتَگ مَرچی !

زر ءَ مانشانتَگ اِش لُنجیں
دِل ءَ ئِے دِرّان ءُ بُرّان اَنت
ماں آزمان اِش پَدَگ بَستَگ !
اِے هور ءُ گوات
اِے ماه ءُ روچ
اِے اِستار نیلّیں آزمان ءِ
پَه اِیشاں چُکی لیبُو اَنت
نی بیا کِه مَن تَرا بِہ گُوش آں !
اِے راز ءَ چیر ءُ پِهنامیں
بِه کَشّ گوشانی پُکّیاں

ءُ
گوشدار گوں دل ءِ گوشاں
ما زانت ءُ زانگ ءُ رُژن ءَ چِه ناسَرپَد !
هُنر مَئے مُلکی مُرگے نَه اِنت
اِے وانگجاه
اِے دانِشجاه
اِداره رُژن زانتانی
هُنر جاه سائینس ءُ کَمپیوٹَر
اِے اِنٹرنِیٹ جهانگِیریں
اِے مئیگی چیز نَه اَنت بِیه ءَ
گوں ما سیادی اِش نیست دوُر ءَ !

اِے گون اَنت آگهیں راجاں
کِه ما آیانی چَمدار اِیں

ءُ
مارا

رُژن ءُ زانت ءِ اِے وَڑیں چیزانی جاگاه ءَ
چِلِیم ءُ چَرس ءُ چَنڈوُ گوں !

جَگر شِنگین ءُ پُپ ساڑیں
شراب ءُ بَنگ ءُ تَریاک گوں !
تباهیّانی بُن ءُ بُنیاد
ءُ هِیروِن گوں !
نپَسگیرین ءُ بے پِیریں
پمیشکا ؟!

اَے مَنی هَمبَل
جِهان ءَ مارا رَمبینتَگ
گُشاد گامیں
پَه آیاں اِے جِهاں جنّت
ءُ پہ ما اِے جِهان جُهَندُم
گُڑا
کَلام ءَ دئے اِے تَریاک ءَ
بہ سوچ هپت آس ءَ اِے هِیروین ءَ
چِلیّم ءُ چرس ءُ چَنڈوُاں
بُکُورّا هَپت زر ءِ لُنج ءَ
شراب ءُ بَنگاں جھندم کَن
اَگاں لوٹ ئے کِه هَمگام بہ ئے
گوں دُنیا ءَ وَکاب بالیں
مُراد ءِ مِنزل ءَ سَر بہ ئے
مَه بے مُهتاج هِچ کسّی

گڑا
یَل دئے اِے کورکِشکان ءُ بہ گِر تو مادنیں راه ءَ

َمَنی بیلاں
مَنی براتاں
گوهاراں
دُتکان ءُ مکّهیں ماتاں
شُما سَسّا کُتَگ هِجبَر
شُما هِجبَر هَیال کُرتَگ
کِه ما پَرچا چو بَرباد اِیں؟
چی ءَ پَشتکپتگ اِیں پُشت ءَ
رَوین ءُ مِنزل ءَ نَه رَس اِیں
وَتی جَند ءِ گُلیں زِید ءَ
چَه کَرناں زور ءِ چَمدار اِیں؟

🌺 اُستاد آبِد آسکانی🌺

اے لچہ ءَ اَلّم ءَ وان اِت کہ وانگ ستاہ کرز ایت.

شنگ: لبزانکی مجلس کلمتی کاروان
سرچمگ: رژنائیں دیوان

@Labzank
telegram.me/Labzank

اناللہ و انالیہ راجعون

کندیل تمامیں شھرے مران انت یک یک ءَ
دل برّیں زھیر تاھیر گران انت یک یک ءَ
دلپـدردی...

بلــوچـی زبـان ءِ مـزن نامـیں لچھکار واجہ علی بخش دشتیاری ءِ آرپـیں پِــت بیـران بیتگ ءَ مـا سـک دلـپدردیں مئے دواہ انت گـوں پاکـیں ھاونـد ءَ کہ ھـدامـرزی ءَ ماں وتی رھمتانی ساھگ ءَ بہ کنت ءُ آئـی ءِ پُشپداں سبر ے ھاٹیـگ بدنت. انچش بات.
گمانی شریدار:

کـورُشـیں گـال ءِ دیـوان.
لبزانکی مجلس کلمتی کاروان.

بتل

وش نہ انت چک مات ءِ جن ءِ دیوان
دائما بـے هئور ءُ گِل ءُ چـڈّ انـت
☀️
کپـتگ چـہ نازاں نازانـی ملک ناز
گـوں سـریگاں لـوجـر گِپـت

☀️
شال مـاں شـار ءِ دامـن ءَ گْـوپـتگ
بـز رود گـوں رو د ءَ اوارینـتگ
☀️
دل ڈگارے کـہ سـورگاں گپـتگ
سـر کپـوت ءِ چـہ همـبلاں سسـتگ
☀️
هامدپـیں شـولاراں وت زاناں
پشـک وتـی ڈومبـی دوچـگراں داتـگ
☀️
مـن ءَ پـہ تپـاکـے بگنـدئے
گـوادر ءَ پـہ گُـدی سـوداے
☀️
شئے کهیـری ءِ دُرْشتگـیں دان اَنـت
مرچی منی گونچانـی تہـا هسـت انـت
☀️
میـرو اگـن میـرے پُسّـگـے بیتـیں
مـیرو وتـی مُلکـی کـرگـزاں گِپتـیں

شنگ: لبزانکی مجلس کلمتی کاروان

@Labzank
telegram.me/Labzank

هـدامـرزی ملا داد رهمان کلمتـی

زُلـپاں مـہ شنگـیں دلـبر دنـیا تہار بیـت
زالـم وت ءَ مـہ سینگار دل بـےکرار بیـت

گوں زیور ءُ اروساں کائے تو باگءِ سئیلءَ
ننـدئے مناں گـوں کندئے باگ مئے بہار بیت

من مستءُ مئے پرستاں تو مہربانیں ساکی
اے هُسـن ءَ اے جوانـی وهدے دچار بیت

نازرکُـیں دسـتاں دلبر بیا دئے مناں گَلاسے
اِشک ءِ شـراب ءَ نـوشیت دادو کُمار بیـت

شنگ : لبزانکی مجلس کلمتی کاروان

@Labzank
telegram.me/Labzank

گْوشاں وتی ربّ ءِ مہربان ءَ تئی شُگر ءُ منّـت
ستر گراں کم اِنت مئے گُمان ءَ تئی شُگر ءُ منّـت

آ گنج گْواروک ءِ مہر ءَ پتّر پچ اِنـت پـہ دْرستاں
زمین ءَ گِـر دانـکہ آزمان ءَ تئی شُگر ءُ منّـت

چتوریں آریپ ءُ چونـیں بوهیری یے گوں اوپار
کہ مان اِنت ایوب ءِ داستان ءَ تئی شُگر ءُ منّـت

پَہل کنوک دوست بنت ترا دومی سک دوست انت
هما گُش اَنـت هـرچ اِمتہان ءَ تئی شُگر ءُ منّـت

تئی زهری ءُ کہری ءَ پہ وشّی بدل کُت ءِ کنـت
نبشتہ اِنـت یا هُـدا کُـران ءَ تئی شُگر ءُ منّـت

اِے مُرگ ءُ ماهیگ ءُ مردماں هور گر اَنت پْریشتگ
کہ بائد اِنـت هرچ زندجان ءَ تئی شُگر ءُ منّـت

بہ بنت اگاں جُست کنگ، اِے کوه ءُ اِے دْرچک ءُ دریا
گُش اَنـت یا ربّ هما دمان ءَ تئی شُگر ءُ منّـت

بـہ بکش برجان ءَ گِپتگ چـو پـہ نـزانتکاری
وتـی هیال ءُ وتـی زبان ءَ تئی شُگر ءُ منّـت

✍ برجان بلوچ
شنگ: لبزانکی مجلس کلمتی کاروان

@Labzank
telegram.me/Labzank

گـوَشـکـَـنـد – ادَبـی هَـکـیـم
جَـنـیـنـےءَ وَهـم ءُ وَزواس ءِ نـادرواهـی گـپـتَـگ اَت آ هَـرچ جَـنـیـنـےءِ پَـشـک ءِ دوچـان ءَ چـاراِت ءُ گـوَشـت تـو وَتـی پَـشـک ءِ دوچ چـہ مَـنـی پَـشـک ءَ زُرتَـگ اَنـت ، اَگـاں جَـنـیـنـےءِ زَهـگ ءَ کـُـلاهـے سَـرءَاَت آئـیءَ گـوَشـت تـو مَـنـی زَهـگ ءِ کـُـلاهءَ دیـسـتَـگ ءُ رَنـدا پـہ وَتـی زَهـگ ءَ یَـک هَـنچـیـں کـُـلاهـے زُرتَـگ ، گـڑا یَـک روچـے دگـہ جَـنـیـنـےءَ گـوَشـت ، هـاوَنـد ءِ هَـزار بَـر شُـگـراِنـت کـہ تـئـی لـوگ واجَـہ مـئـے لـوگ واجَـهـانـی هَـمـدروشُـم نـہ اِنـت اَگـاں نـہ تـو گـوَشـتَـگ اَت کـہ شـمـا مـنـی لـوگ واجَـہءِ دروشـُـم چـاراِتَـگ ءُ پـہ وَت هَـنـچـیـں لـوگ واجَـہ سـانـگ کـُـرتَـگ!!!...
شنگ : لبزانکی مجلس کلمتی کاروان


@Labzank
telegram.me/Labzank

مجید عاجز

دستونک

انگرے چارگ ءَ منا بیتّہ
روچ ماندارگ ءَ منا بیتّہ

جیڑِتہ شنزگ ءَ ترا نوداں
جمبرے گْوارگ ءَ منا بیتّہ

تْراولیں کشک ماں اڑِت پاداں
ڈنگرے دارگ ءَ منا بیتّہ

مانشیں آزماں سر ءَ لُمب اِت
گُلزمیں نارگ ءَ منا بیتّہ

ماں پَتا جنگل ءَ زہیروکے
کسّے شیزارگ ءَ منا بیتّہ

چَکّویں ساھگے مَجلّان ءَ
چو کہ پجّارگ ءَ منا بیتّہ

کَوش عاجز گوں ارسی ئیں گزّاں
سُہبی ہیسکارگ ءَ منا بیتّہ

شنگ: لبزانکی مجلس کلمتی کاروان
@Labzank
telegram.me/Labzank

مجید عاجز ءِ ایرگوات ءَ

پیروڈی.....ناکو لَشکو

لنڈرے چارگ ءَ منا بیتہ
باز شاکارگ ءَ منا بیتہ

مانشیں کاپرے سرا لُمب اِت
زالکو نارگ ءَ منا بیتہ

نیپگانیں ھرانی بَنجاہ ءَ
کسّے ھوکارگ ءَ منا بیتہ

پاچنے پہ گتاچ ءِ نیمون ءَ
پورا لولارگ ءَ منا بیتہ

سہبی ، جان ءَ نہ وشیں مردکوے
سِیٹّ ءُ شیزارگ ءَ منا بیتہ

چَکّویں لشکوے مہ جَلّان ءَ
زاناں پجّارگ ءَ منا بیتہ

شنگ:لبزانکی مجلس کلمتی کاروان

@Labzank
telegram.me/Labzank

مـن آبِد آسکانی

من ءُ لالجان بندر اَبّاس ءَ پہ گاڑی یے اوشتاتگ ات ایں - مارا بندر اَبّاسءَ هما دیم زِر ءِ رو ایرشتی کندی ءَ گوں مردمے ءَ دو چار کپگیگ ات داں گزلے ءَ مزن راه ءِ سرا اوشتاتیں بلے گاڑی نہ رس اِت چوناها گاڑی سکّ باز ات بلے چو تیرءَ اتکگ ات انت ءُ چو هیژّگ ءَ شگْوستگ ات انت - بهـ نہ داشتگ ات اش - لالجان سک هیران ات کہ مروچی اے گاڑیاں چہ کلامے ءَ گپتگ ؟ یکشّ ءَ آ چمدءَ پہ دلءِ میلءَ آتکگءُ سوار بوتگ اے سر ءُ آ سرءِ مردماں چست کنگءَ انت ما اِش کہ دست دے ایں نہ اوشت انت چژ انت - ترا اِش دیستگ رُبیس انت باریں گُلنازی کن انت - بلے نی تو برو آ ساهگ ءَ بہ نند چہ بازیں اوشتگاں دمبرئے راه ءُ رندی مردمے نہ ئے - مارا بلّ '' ما هیلداریں بور ءِ اناوار ءِ تاچگءَ '' راه ءِ سرا من وت اوشتاں کہ چتو سبک تر ءُ چڑکہ تر آں - من آئی گشگ پدا ساهگ ءَ شُت ءُ نشتاں - دیر نہ گْوستگ ات گوں منی نندگ ءَ هیرّگ ءَ پی کپے آتک ءُ اوشتات - ما دِه دِه ءَ سوار بوتیں پُشت پُشت ءِ رِد هالیگ ات یک مردمے نندوک ات ءُ بس - ما سئیں همرد ءَ نشتیں دگہ یک مردمے ءِ جاگہ هست ات - لالجان ءَ گْوشت اے راه ءَ مزنیں بس نیست درست همے بسُک انت - اے ملک ءَ اگاں تو هرچ گاڑی یے ءَ سوار بہ بے گوں نندگ ءَ زرّاں چہ مساپرءَ لوٹ انت بلے آنگر چوش نہ انت اودءَ مزنیں بسانی ٹکس ءَ چو ریل گاڑی ءَ پیسرءَ گرانت ءُ دگہ گونڈیں گاڑیاں مساپر کہ وتی منزلءَ ایر کپ ایت گڑا کریہان دنت -
ما بندرابّاس رمبینتگ ات مئے گاڑی دیم پہ منزلءَ شیپ گران ات کہ شاگرد(کنڈیکٹر ) آتک ءَ مئے گورا اوشتات ءُ کریهـ ئے لوٹ ات انت - نہ بیت کہ من دستءَ کیسگءَ بہ براں لالجان پیش کپت زرئے دات انت - شاگردءَ زرّ پدءَ تْرپگءَ لالجانءِ کُٹّءَ دور دات انت ءُ گْوشت ئے: '' سے نپر زرّ بہ دے!''
من وتی دلءَ گوشت زاناں منءَ پجّاه ئے آورتگ یا گپّ رپ کنت - من دیست نہ! وتءُ لالجان سکّ بُرز شُت انت - دپءُ دهانزءَ لگّ ات - من گون ودّلیں هیلکیءَ شرپےءَ شہرت بوتاں، دلءَ گوشت جہندم انت چہ کُرّماں کریءَ هما دوئیں سد تمناں بہ دے ایں - شرتر انت- پرچے کہ من گپّءَ سرپد بوتگ اتاں اگاں چہ شاگردءَ دنیگا گپ نہ جتگ ات بلے لالجان بهـ بکّڑ ات کہ چمّا سے مردمءِ زر پرچا لوٹ ایت - من دست وتی کیسگءَ بُرت هدارکے لالجان ءَ منی پنجو چامپ ات گْوشت ئے ترا کار نیست ! مروچی من بزاناںءُ اے بامرد! پدءَ درّائینت ئے: '' تو زان ئے اے کے انت '' ؟ اے یک مزن نامیں ءُ آریپیں ندکارے - ایشیءِ شیرءُ کتاب جہانءِ چاریں کُنڈاں شنگءُ تالان انت ، هزارانی گاڑیانی واهند مُرادیگ انت کہ اے آیانی گاڑیاں سوار بہ بیت ، تو گوں وتی کپینکءُ کلنڈیں گاڑیءَ پُجّگ نہ بَـے- کجام مُلکءَ دنیگا دو مساپرءَ سے ٹکس اش گپتگ کہ ترا پہ زرّءَ هڑکہ انت؟ ''
'' اگاں اے نامدارءُ بوهیریں مردے وتی لوگءَ ، ایشیءِ آریپیءُ بوهیریءَ من گْراست ءُ وارت نہ کناں - اگاں هپتءُ هشت چوشیں نروٹّیں مردم منی گاڑیءَ بہ نند ایت گڑا منی چُکّاں کے لاپ دنت ؟ اے رِدءَ کہ شما نشتگ ات من چارچار مردم ننداریناں - نی تو بُگش چارمی مردمءَ من کجا بہ ننداریناں؟ '' شاگردءَ سوچاک سوچاکءَ جواب دات -
'' تئی لاپءَ هدا سیر بہ کنت پہ دوسد تومنءَ تئی لاپ سیر نہ بیت '' لالجانءَ گوں سُتکگیں دلے گْوشت - نی من زانت کہ گاڑی گوں مئے دست دیگءَ پرچے نہ اوشتاتگ انت دگہ بہمانگی ءُ بژّنی گپّے ایش انت کہ اے پُرّیگیں گاڑی مردم درست بِشکُرّاتگ ات انت، وتی گوش اش رُپتگ ات انت یکیءَ هم ایمان نہ کت تہ نہ کپت گیشّءُ گُداری ءُ سُہلءُ ترانی گپّے نہ جت ئے گْوش ئے درست پہ شاگردءِ گپّانی راستیءِ شاهدی دیگءَ یکءُ تماک ات انت - من وتی زندءَ چوشیں چوشیں اڑانی تہ ءَ دور نہ کتگ دگہ چیزے ٹہلءَ نہ کناں بلے همے '' اوپار ءِتُشک '' منی تہءَ بوتگ اے روچی نہ زاناں چتور منی شیتان سکّ هراب بوت گیشتر گوں شاگردءِ همے گپّ ءَ من لاپسوچ بوتاں کہ گْوشت ئے: '' گڑا منی چُکّاں کے لاپ دنت؟!!'' چمیشکا من دردءِ بدل مرگ کتءُ پسّو دات کہ:
'' اڑے ما سوتکگ تئی کٹوهریں گاڑی ، بدار ئے ایر گیج مارا سڑاِتگیں هشکو تو هدّءَ نہ ئے! ''
گوں منی اے گپّاں شاگردءَ باهند کُت هبرئے منی دپءَ چُپتءُ گوشت ئے :
'' سڑاِتگیں هشکو '' هنچین انت کہ تئیگءَ ! منءَ '' هشکو '' گوش ئے؟ ''
'' گْوات مہ کن! شر بچار، هُشکو توئے یا مناں ؟ اگاں تئی سر هوش هداءَ بُرتگ گڑا چہ وتی گاڑیءِ اے دو پوستیں مردماں جُست بکن! کہ '' هشکو '' کے انت؟ ترا سر کچ دے انت - بوهٹکیں کانزگ ! تو وَ کبرءَ هم پیم نہ بَـے ! من سرزمینءَ هم شرّیں جاگهے گراں - ءُ وهدے مِراں چہ چیر زمینءَ هم شاهگانیں جاگهے براں ''
من وتی دومی داگ ءُ نالیں تیرکو شاگردءِ دل ءَ پرداشت ءُ گوشت - گاڑیءِ مردم دمان پہ دمان منءَ دُز چار کنگءُ چارگءَ ات انت !

✍ ابِد آسکانی
شنگ لبزانکی مجلس کلمتی کاروان

@Labzank
telegram.me/Labzank

َاگاں تـرا یَـک کـَـسـے سَـکّ دوسـت اِنـت گـڑا آئـیءَ بـاپُـشـت ءَ نـیـکـیـں دُوا بـہ کـَـن چُـش کـہ آ سَـهـیـگ مـہ بـیـت اِے پَـیـم ءَ تـئـی دوسـتـی زیـبـدارتِـر ءُ پَـهـکـتِـر ءُ وَپـادارتِـراِنـت ءُ گـوں هـاوَنـد ءَ نَـزّیـکـتِـراِنـت.
----» نـیـکـیـں دُوا کـنَـگ ءِ وَهـد ءَ مـن ءَ بـے هَـیـال مـہ کـَـن اِت «----
ادَبـی هَـکـیـم

@Labzank
telegram.me/Labzank

ارسطو ءَ گشتگ کہ شبین، همرنگ کنگ یا پلانی پلانی وڑا انت هنر هر کسی گورا هست بلے مزنیں شاعر هما انت کہ همے دیستگیں چیز ءِ گشگ ءِ بدل ءَ آئی ءِ واستہ دگے لبزے بیاریت گڈا کمال ءُ سپتے گشگ بیت.
اے کلاتاں چرت نازین انت
پہ کے سوتانی مہرگاں پروش ئے
مردم گوشے شاعری ءَ همے هاترا وان انت کہ چہ اود ءَ آهاں زندمانی ءِ باره ءَ سرپدی برسیت، پمیشکہ اے رنگیں مردم شعر ءُ آئی ءِ شررنگی ءِ بدل ءَ وتی پگر ءُ لیکہ ءَ پٹًگ لوٹنت.
اے آر داد
@Labzank
telegram.me/Labzank

گـوَش کـَـنـد – ادَبـی هَـکـیـم
دُزّے اِش گِـپـت ءُ کـازیءِ گـوَرا بُـرت کـازیءَ گـوَشـت دُزّ تـرا شـرم نـہ کـنـت اِے چـارُمـی بَـراِنـت کـہ تـرا مَـنـی گـوَرا کـارَگءَاَنـت دُزّ ءَ گـوَشـت کـازی چـہ مـن تـرا گـیـشـتـر شـرم بـہ کـنـت مـن وَ ایـوَکءَ چـار بَـر اِدا آتـکـگ آں بـلـئـے تـو وَ هَـمُـکّ روچ هَـمِـدا نـشـتـگ ئـے !!!..

@Labzank
telegram.me/Labzank

گـوَشـکـَـنـد – ادَبـی هَـکـیـم
هَـکـیـمـے مـاں بـالـی پَـٹـے شُـت آئـیءَ چـاراِت مَـردے اوشـتـاتَـگ آئـی ءِ چُـمّ گـوں یَـک بـالـی گـُـرابـے سَـکّ اَنـت ءُ سـگـریـٹ ءَ دوُت پـہ دوُت کـَـشّـگءَاِنـت ، هَـکـیـم ءَ جُـسـت کـُـرت واجَـہ تـرا چُـنـت سـال اِنـت کـہ تـو سـگـریـٹ کـَـشّـگءَئـے ؟!!!... مَـرد ءَ هَـکـیـم ءِ نـیـمَـگءَ روک روک ءَ چـاراِت ءُ گـوَشـت سـی سـال اِنـت !!!.. هَـکـیـم ءَ گـوَشـت تـو اَگـاں سـگـریـٹ مـہ کـَـش اِتـیـں ءُ سـگـریـٹ ءِ زَرّ اِیـر بـہ کـُـرتـیـن اَنـت مَـروچـی تـو یَـک هَـنـچُـشـیـں بـالـی گـُـرابـے پـہ وَت زُرتَـگ اَت ، مَـرد ءَ پَـدا وَتـی سـگـریـٹ ءَ يَـک دراجـکـَـشّـیـں دوُتـے جَـت ءُ گـوَشـت واجَـہ اِے بـالـی گـُـراب مَـنـی وَتـیـگ اِنـت هَـکـیـم وَتـی جـاه ءَ هُـشـک بـوُت ءُ گـوَشـت گـڑا واجَـہ اِے سـگـریـٹ ءِ بُـنـڈ ءَ دَور مـہ دَے مَـن ےءِ کـشّ آں .


@Labzank
telegram.me/Labzank