آریپی ءُ بوهیری

چے کہر نہ ساز اِیت تئی گوں کینگاں لاپ سیری
کستاں گوں بہ بات بیگْواه تئی واجہی ءُ میـری

آیـوکـیں همـا پـدریچ پدّر کنـت همـے گپّ ءَ
بْراه اِت کے ءَ بـدواهـی زیـب اِت کـے ءَ هک زیری

تـرا هچّ میار پـر نیست سْـرمـب چاری ءِ منّـوگـر
سک دیر اِنـت چہ تئی پـگر ءَ آریپـی ءُ بـوهـیـری

تـولگ تبـیں نامـرداں مـرچی پد ءَ هال شِنگ اِنت
سنگینءَ گوں سیکّ دات اِش کئی سینگءَ سـی تیـری

آزمـان ءَ پـدگ بسـتگ آ راجـاں نـزانـاں تـئـی
کُـٹّ اِیـت کـدی باریں وت بْرات ءَ گوں گُْٹ گیری

یـک گامـے نہ گامین ئے پہ دیمروئی اے رنـگ ءَ
چہبار شُتگ روت اِنـت گـوں گْـوادر ءَ پلّـیـری

سـی سالیگـی سنگت زات ءُ زُریات ءَ بکنت توّاب
باز بہـتر اِنـت اِے رنگـیں دوست ءَ چہ گُش اَنت دیری

تـو شیر مـن روباه چـون دیر گْوست بہ کنت پـدّر
باریں داں کُجا روت مئے روباهـی ءُ تئی شیـری

تـو ایمنـی ءَ گردئے گـوں دشـمنءَ دسـت پہ دسـت
اتکگ چے ءَ زار پہ تئی ورناهـی ءُ مئے پـیـری

شہزانتـیں سیـد رَبّ ءَ ٹیکـی کُت بلـوچ راج ءَ
بہ کن اِت کہ سیـد کرزیـت پہ واهـگـے رنـدگیـری

هـر یکے وتـی زِیـد ءَ ڈولـدار اِنت ءُ وشنود اِنت
چے لوٹ اَنـت بلـوچ ڈیهـ ءَ پنجـاپـی ءُ کِشـمیری

شاهـی ءُ گـداهـی دْرسـت تو دات کن ئے یا رَبّ
بـرجان ءِ نسیـب ءَ کـن دو سُجـده ءِ شبّـیری

📝برکت برجان بلوچ

@Labzank
telegram.me/Labzank

گوش دارگ کرزیت اکرم امیت وشیں توار اِنت
@Labzank
telegram.me/Labzank

......ایوکی...
...کتاب ء نام. کوہ چراگ انت..

آی ءَ دلجمیں ھمراہ گون نہ ات کہ آھانی سر ءَ بیسہ کت بہ کنت یا کہ زرد ءِ پاھاراں گوں آھاں درشان کت بہ کنت‌_چُشیں پَنداں کہ ترا شھمیں ھمراہ گون نہ بیت گڑااے وڑیں پَندانی گوازینتگ الّم ءَ گران بیـت_
بلے ای ءَ زوت ھیال دگہ نیمے ءَ ترّ اینت_کہ اے جھان ءِ نکشیں ھرشر ساز اِتگیں چیز ایوک اِنت_ ماہ اِنت کہ ایوک ءَ در کیت،روچ ھم ایوک اِنت منی مزنیں ھاوند ءِ جندھم ایوک اِنت_کس آئی مٹ ءُ ھم درور نہ اِنت _گوں اے جیڑگ ءَ آسک وش بوت
دانکہ آئی ءَ ھیال کت دیست ئے من ھم ایوک آں...

شوھاز کار
📚 عامر کلمتی🖊

@Labzank
telegram.me/Labzank

اکرم امیت گوش دارگ کرزیت
@Labzank
telegram.me/Labzank

اِے شـوُمّـیـں سـیـاسَـت مَـروچـاں چـو یَـک بـازاری جَـنـیـنـے بـوُتَـگ آئـیءِ هَـرچ نـوکـیـں سَـنـگـَـتـے کـہ دِیـمـا کـَـیـت آ گـوَش ایـت مَـنـی پـیـسَـریـگـیـں سَـنـگـَـت ءَ بـہ جَـن ءُ بـہ گـَـلّـیـن پَـرچـا کـہ مَـنـی اِے کـوَهـنـیـں سَـنـگـَـت نـوں نـہ وَت مَـنءَ مِـهـر دات کـَـنـت ءُ نـہ کـہ دِگِـرےءَ کِـلّ ایـت کـہ آ مـنءَ مِـهـر بـہ دَنـت.
ادبـی هَـکـیـم

@Labzank
telegram.me/Labzank

کـوَهـنـیـں زَمـانَـگءِ کِـسّـهـے : سِـیـاسَـت ءِ بـار گـران اِنـت.
گـوَش اَنـت یَـک مُـلـکـےءِ کـَـهُـدا مُـرت گِـچـیـن کـاریءَ رَنـد یَـک دِهـکـانـے اِش کـَـهُـدا کـُـرت بـیـچـارَگـیـں دِهـکـان پـہ کـَـهُـدائـی کـنَـگءَ رَزا نـہ اَت بـلـئـے اِزلـیـم ءَ آئـیءَ پـہ زور مُـلـکءِ کـَـهـدا کـُـرت دِهـکـانءِ جَـنـیـنءَ آئـیءَ نـوکـیـں گـُـد گـوَرءَ دات اَنـت ءُ یَـک مَـزَنـیـں پـاگـے آئـیءِ سَـرءَ دات ءُ دیـوانءَ دِیـم دات دِهـکـان ءَ پـیـسَـرا بَـرد ءُ کـوڈال جَـتَـگ اَت ءُ وَردِشـکـاراَت بـلـئـے کـَمّ کـَـمّ ءَ چـہ بـازیـں نِـنـدَگءُ وَپـسَـگءَ دِهـکـان پَـهـک نِـزور بـوُت یَـک روچـے لـوگءَ آتـک آئـیءَ وَتـی سَـرَگءِ پـاگ چـسـت کـُـرت ءُ گـوَشـت پُـهـو اِے شـوُمـیـں پـاگ چـوں گِـران اِنـت !!!.... جَـنـیـنءَ گـوَشـت تـرا هِـچّ مَـرگـے نـہ گِـرایـت آ وَهـد ءَ تـرا هَـرے ءِ بـار بَـڈءَاَت تـو وَشّ اَت ئـے نـوں کـہ تـو واجَـهـے بـوُتَـگ ئـے یَـک پـاگـے پـہ تـئـی سَـرَگءَ گـران بـوُتَـگ !!!...
ادَبـی هَـکـیـم

@Labzank
telegram.me/Labzank

پچ گپتگ

کے ءَ مرچاں مُریدانی سرءِ شیدائی پچ گپتگ
سرگ داتگ هُدا ءَ مارا مئے سسّائی پچ گپتگ

منی ماتیں وتن چو چاردهی ماه ءِ وڑ ءَ بیتگ
کُجام بدواهاں باریں تئی گُلیں زیبائی پچ گپتگ

کُجام راج ءَ اڑے پہ بْرهنگی کُت دیمروئی بژن اِنت
اِے کوریں زانگ ءَ زاناں کہ تئی دانائی پچ گپتگ

او تولگ میر روباه ءِ چہ بیمّءَ تو جگر تْرک ئے؟
بگُش تئی لبّ ءِ دئیناں چُنت گُلیں ورنائی پچ گپتگ

بدیں کِرد ءُ بدیں زرد ءَ گوں آرتگ رستری دیمے
چہ تئی شِکل ءَ هدا ءَ نور ءُ تئی زیبائی پچ گپتگ

اڑے بـرجان کئے زانت اِنت تو پرچے کشّ ئے سارتیں آه
گَماں راج ءِ دوئیں چمّانـی تئی بینائی پچ گپتگ

📝 برکت برجان بلوچ

@Labzank
telegram.me/Labzank

اے ساه ءِ ساز مہر ءِ گم اے زندگی منی نہ اِنت
تو دگر ءِ کِسّہ ءَ کن ئے منـی وتـی منـی نہ اِنت

سر اَتکگیں همک ، هما کہ بہـر بیـت جناوراں
هـزار هیپ تالہ ءَ همـا تئی منـی نہ اِنت

دِلوں زریـت پـہ جنّتـیں جہـان ءِ وشّـیاں بلـــــے
مـن چـون واب دیسـت باں کہ آگہی منی نہ اِنت

چـہ سیوی ءَ بگـر بـرو داں بـے مُرادیں گوادر ءَ
کُجا کُجا مـن گون نیـاں کئی کئی منـی نہ اِنت

همک گور ءَ کہ چمّ رؤت درامـدانـی ماڑی اَنـــــت
بچار کازی کِسمـت ءَ وتـن منـی منـی نہ اِنت

📝 مُبـارک کازی

@Labzank
telegram.me/Labzank

پکیر مهمد پکیر کلمتی ۱۹۱۱ءَ ، ڈِگ ملیرءَ پیداگ بیتگ آئیءَ وتی بنگیجی وانگ چہ وتی واجہـیں پِت مُلّا دوست مهمدءَ در بُرتگ کہ میتگ ءِ مکتب ءِ مُلّا ءُ مسیت ءِ پیش امام بیتگ -
پکیر کلمتیءَ ۱۸سال ءِ سندءَ لچّہ کاری بنگیج کرتگ - اے میراس آئیءَ چہ وتی پیریناں رس اِتگ - آئی جند گوشگ پدا ، آئی ءِ دستونکانی دپتر ، چہ هندوستان ءُ پاکستان ءِ سالءَ پیش '' گُلزار مکّران'' نامءَ چاپ بیتگ
ملا پکیرءَ بلوچی ءِ اهدی ، ءُ مروچیگـیں دورءِ دستونک ، دوئینانی تہ ءَ لچّہ کاری کتگ - آئی ءِ دستونک ساده - آسان، ءُ الباریں زبانءَ انت بلے چہ دردءُ سوزمانءَ سرّیچ انت - پکیر دومی کتاب پکیرءِ کچکول نامءَ سال۲۰۱۱ءَ چہ بہارگاه چاپ شنگ جاهءَ چاپ بیتگ

📝 عابـد آسکانی

@Labzank
telegram.me/Labzank

دوشـی تئی هیالانـی تـہ ءَ اِتاں چہ چمّـاں منـی پِٹّے ارس کپـت چہ همے پِٹّ ارس ءَ مـن جُست کُت چے ءَ کپتئے!
گْوشت ئے : آه تئی چمّانـی تہ ءَ دگے یکی هست نی منـی جاه نـہ اِنت .

@Labzank
telegram.me/Labzank

وهـدے کہ دل ءَ پر تو زهیـر کنت آزمـان ءَ یک اِستارے کـپ اِیـت اگاں آزمان بـے اِستار بیـت میار تئیگ اِنـت.

@Labzank
telegram.me/Labzank

نامانی کلمت چہ بوهیرءُ بہادرّیں کلمتیاں نام کپتگ ، یا کلمتی چہ هزار گنجیں کلمتءَ نام دار انت؟ اے چاریں کشکانی کشّگ ءِ نیمون ، دپترانی سرمچار ءُ سرمتابیں راج ، بلوچءِ مڑاه ءُ منگہانی مزار بیمیں ٹِکّ '' کلمتـی'' ءِ باروءَ ، دو گپ پہ ره رواجی ءُ مزرانکی جنگی انت ،
اے گپّءِ تہءَ هچ ڈولیں شَکءُ شَہبوے نیست کہ بلوچانـی اے متُرسءُ کنگریں ٹک پہ وتی گلزمینءُ راجی دودانـی ، رکّینگءُ پہریزگءَ ، همک شرتگءُ توپّان، هارءُ هیروپ، دنزءُ تامور، ءُ لوڈءُ لاٹورانی دیمءَ چو برزیں ماتبندءُ هساراں ، مجّتی مِکّ بوتگ اے گپّءِ شاهدیءُ گواهدیءَ جهانءِ نکشیں دپتر دے انت یا پیرءُ کومپالیں آزمانءِ دیر گندیں چمّ - یا گڑا کلمـتءِ مَستءُ دْریپوکیں ساوڑ کہ مرچی هم زِر ڈنگانـی بیڑءُ ارش ، ءُ شیریں همل کلمتـی ءِ زهر سجّءُ شَهم ءُ شروکانـی جوهرداریں '' جُلّی'' آئیءِ روهوانی تْرسیں '' سیاه '' ءِ تْردگءُ نچّگ ، ءُ گردءُ نبردانی داستان ئے دپءَ هار انت -
میر هملءَ ایوکءَ پہ وتی زباد بوئیں هاکءَ گوں زوراکیں پرتگیزاں جنگ نہ کت بلکیں گوں ایشیءَ هور همل کلمتـیءَ آ ما میاتکانی دیمءَ پہ گُرّ ءُ نہرّ ، هکّل ءُ نہیب گوشت کہ آئیءَ هچ ڈولیں تماهے چہ مرادانی منزلءِ رسگءَ داشت نہ کنت - آ پہ وتی شهدءُ شکلیں زبان ، بـے دروریں پوشاک ، ءُ هزار نازیں دودءُ ربیدگاں وتی ساه ءُ سرءَ هزار رندءَ ندرْ کنت - ایشانی سوداءَ پوّت مرگ لیک ایت نیٹ آئیءَ پہ ایشانی برجاه دارگءَ هنچوش کت - چہ آئیءِ زگرءُ ریٹویں هوناں مرچی هم بلوچ گلزمینءِ تیهُریں کوهءُ لنجیں زِر همک سُہب ءُ بیگہ سُہرءُ کرمز بنت-
کلمتـی چہ کلمتءَ بگر داں کلرشاکءَ ، چہ ملیرءَ بگر داں گڈّاپءَ ، چا کاٹورءَ بگر داں کونکرءَ جلگہیں کراچی، باهوءَ بگر داں دشتءَ ، شاهگانـیں بلوچستان ملکءُ در مُلک ، هر زیدءُ دمگےءَ شنگءُ تالان اِنت اے ٹِکّ سکیں جان سپاهءُ چپا کشّیں ٹکے - هر جاگاهےءَ کہ بندرئے بستگ آ چاگردئے سبزینتگءُ آباد کتگ پہ هزمتءُ دلهنگ دیگءَ جان ئے هجبر نہ دزاتگ - کشارکاری ، مالداری، باپار، ءُ هر جائزیں کارءُ روزگارےءَ تکش اِتگ - باگچہیں ملیرءِ هرچ دلکشیں نهالےءِ رستءُ ردومءِ تہءَ ایشیءِ جانءِ شیرگ ءُ هون اوار انت - کلمتـی چہ بندرءَ بلوچانـی دود پہازیں ٹکے بیتگ آئیءَ وتی لبزءُ دود یک پیمءَ برجاه داشتگ انت - کولءُ لبزءِ پابند بوتگ - چہ باهو دشتیاریءَ بگر داں باگچہیں سِندهـ ءَ کشتءُ کشارءِ کارءَ بلوچانـی سے ٹِکّ کلمتـی، جدگال، ءُ هوت چہ درستیں ٹکاں مرچـی هم دیمءَ تر انت -
📝 عابد آسکانـی

@Labzank
telegram.me/Labzank

دادشاه م ی دُرّا بلوچ

پـہ مـڑاه گْوازینت زنـدگـیں دورے دادشـاه
پـہ پـدی مـرداں گْورتگـیں هـورے دادشـاه

زلـم ءِ ربّـالاں آئـی ءِ نـام ءَ تـوراتـگ
تاجہـان هسـت انت پـہ بـداں جـورے دادشـاه

راجءِ شہمیر انت نام ئے چو شہدءَ شیر کن انـت
مـاں بلـوچ ڈیـهـ ءَ وژبـویں مـورے دادشـاه

روه ئے شادان انـت پـہ وتی مرگ ءَ منگہـیں
هکّ ءِ آزمـان ءَ مـرتگــیں پـورے دادشـاه

گـر پـہ البـارے مُلـبت ءَ چمّے شانـک بـہ دے ایں
پـہ همـک نسـل ءَ بُتـکـیں کـورے دادشـاه

لاگـر انـت راه ئے گهیـپاں شیـری تْـرنـد کـن ات
پـہ مـڑاه لوٹ ایـت چـہ شما گـورے دادشـاه

هـکّ ءِ پـریام ءَ گـوں نـد ءَ دُرّا کـرام کنـت
نسـل ءِ پیـژواک ءَ کـرتگـیں شـورے دادشـاه

@Labzank
telegram.me/Labzank

آزمانـک ....................دل مانگـیءِ یلـیں آس

اسـلم تگـرانـی

چـہ بازیں چم چاری ءُ اوشتـگ ءَ پـد آهاں مـن ءَ ترونـی سُتکگـیں نگنے دات - نگن من زُرت جہلاد اِتاں کہ چمّاں چست کناں درستـیں گْـونـڈوانـی چمّ منـی نگن ءَ سکّ انـت - منـی پُشت ءَ گون اِت انت - رَهے من رَهے گْونڈو مـن باج نـدات اَنـت -
دل مانگـی ءِ یلـیں آس ءَ آ همنچک سوتک انت کہ گپ نہ بیت ، بلے وهـدے کہ مـن سما کُت منـی دست ءِ نگن پاچِن ءَ چامپت -
مـن ءَ انچـیں کانٹے جت ئے کہ روچ ء مرچیگ ءَ مـن ءَ یاد آهگ ءِ هاٹیگ مان نیست ☀️


@Labzank
telegram.me/Labzank

/گـم پہ گِدارے نشتگاں بیا منی دلے بند\

پس اگاں واڑا بستگاں بیا وتی ھَر ءَ بند
سبزیں کڈب من کِشتگاں بیا وتی ھَر ءَ بند

مادگ ءَ پرچا تو یلہ دئے /اَلّے
کُرّگ ءَ گَلیناں پد ءَ کئے
لٹّے جنانی من گُڑا نئے

گونی یے سُورو دو ھزاریں / اَلّے
گَلّہ ءُ ماشاں کج ءَ بیاریں
نشتگیں جند ءَ چہ شِزاریں

سُوجاں نزیر اِیت منی زاریں
گوک ءُ پساں جنگل ءَ چاریں
ھوش تئ پرچیا گاریں

ھُشتر ءُ میشاں بکن لیلام / اَلّے
بلکیں تئ کُٹ اَنت منی وام
رند ءَ تُوری تو ببئے ھمشام

گپ ءُ ھبر بیت مسکر ءَ بیت / اَلّے
میگ ءُ تئ زاری چہ ھَر ءَ بیت
لالو ءِ کاھانی سر ءَ بیت

لالـو پیـشوکانی

@Labzank
telegram.me/Labzank

رجـانـک : ادَبـی هَـکـیـم
هَـمـے وَهـد ءَ کـہ زِنـدَگ اِت گـوں یَـکـدگِـرءَ گـپ رَپ بـہ کـَـن اِت مِـرَگءَ ءُ رَنـد زَهـیـروک ءِ جَـنَـگ کـسـےءِ دَرد ءَ نـہ وارت.
رَدیءِ پَـهـک کـنَـگءِ وَهـدءَ وَتـی بـراهُـنـدَگــیءَ پَـهـک مـہ کـن اِت.
اَگـاں بـراتءَ رَدی یـے کـُـرت تـو وَتـی بـراهُـنـدَگـی ءَ گـار کـنَـگ ءِ پـگـرءَ مـہ کـن وَتـی بـراهُـنـدَگـیءَ دارَگ ءِ پـگـرءَ بـہ کـن.
----») شَـرّیـں کـار بـہ کـن اِت ، هـاوَنـد ءَ شَـرّکـار دوسـت بَـنـت («----

@Labzank
telegram.me/Labzank

گـوَشـکـَـنـد – ادَبـی هَـکـیـم
مَـردے چـہ وَتـی مُـلـک ءَ لَـڈ ءُ بـار کـُـرت ءُ مـاں دگِـے مُـلـکـے شُـت ءُ جَـهـمـنِـنـد بـوُت یَـک روچـے آئـیءَ دیـسـت مَـهـلـوُک ءَ جَـنـازَگے‏ءَ وَتـی لَـنـکـُـکـانـی سَـرءَ چـسـت کـُـرتَـگ ءُ آئـیءَ کـبـرسـتـانءَ بَـرَگءَاَنـت مَـرد هَـبَـکـّـہ بـوُت ءُ سَـوَبءِ جُـسـت کـُـرت مَـهـلـوُکءَ گـوَشـت اِے واجَـہ مـئـے مُـلـکءِ زَهـگـانـی اُسـتـاد بـوُتـگ اِشـیءِ وَپـاداری کـَـنَـگءُ اِزّت بَـکـشَـگ مـئـے پَـرزاِنـت .
دگـے یَـک روچـے مَـردءَ دیـسـت مَـهـلـوُکءَ دگـے یَـک جَـنـازَگے وَتـی سَـرانـی بـانءَ کـُـرتَـگ ءُ آئـیءَ کـَـبـرسـتـانءَ بَـرَگءَاَنـت مَـرد پَـدا هَـبَـکـّـہ بـوُت ءُ جُـسـت کـُـرت مَـهـلـوُکءَ گـوَشـت اِے مَـرد مـئـے مُـلـکءِ هَـجّـامے بـوُتَـگ اِشـیءَ مـئـے مَـردُمـانـی سَـر تـراشـتَـگ اَنـت اِشـیءِ وَپـاداری کـنَـگءُ اِزّت بَـکـشَـگ مـئـے پَـرزاِنـت .
مَـردءَ گـریـوَگـے بُـنـاه کـُـرت مَـهـلـوُکءَ جُـسـت کـُـرت نـوں تـو پَـرچـا گـریـوَگءَئـے ؟!!!... مَـردءَ گـوَشـت شـمـارا کـَـلامـے بـہ جَـنـت آ مَـردُم وَ اُسـتـاد ءُ هَـجّـام اِت اَنـت کـہ شـمـا پـہ لَـنـکـُـک ءُ سَـرءِ بـانءَ چـسـت کـُـرت اَنـت ءُ کـَـبـرسـتـانءَ بُـرت اَنـت ، مـن یَـک سُـنّـت کـَـنوکـے آں گـڑا شـمـا مـنءَ چـیءِ سَـرءَ چـسـت کـن اِت ءُ کـَـبـرسـتـانءَ بَـراِت ?!!!....ههههههه😂😁😄

@Labzank
telegram.me/Labzank

" مئے لوگانی نگھپانی ءَ کَئے کنت "

ما چِداں لڈّ اِتیں دُور شتیں اگاں
مئے لوگانی نگهپانی ء َکئے کنت
کئے کنت دریگ ء ُتاکچهاں گوں گپ
کئے بہ گندیت واب اے پیژگاه ءَ
من ءَ چہ پد
کئے بہ بیت اگاں بہ جیڑیت گوں وت ء َبکنت اِنت جنگ
ماں چِداں چہ لڈّ اتیں دُور شتیں اگاں
مئے کتابانی َاُگده ءَ بزیریت کئے
کئے منی شئر، کسہ ء ُنبشتانکاں جم بکنت ء ُبہ نزاریت
من ءَ دل نہ بنت پُلّ پہ دروهگ ءَ
کتاب پہ سوچگ ءَ
اے پیژگاه ءُ در دریگ پہ اُیوکی
من ءَ دل نہ بنت اے یات ء ُگم، پُشت جَنگ، روگ
ما چِداں چہ لڈاتیں دُور شتیں اگاں
مئے لوگانی نگهپانی ءَ کئے کنت

" اُستاد اے آر داد "
ـــــــــــــــــــــــــــــــــ
@Labzank
telegram.me/Labzank

وازمندگاں عابـد آسکانـی

تو منـی ارواه ءُ ساه ئے مـن پـہ تو وازمندگاں
زنـدمان ءُ زنـد ءِ براه ئے من پـہ تو وازمندگاں

شپ نـہ کنزایـت سْیہ تہاریں ، آتکگ ءُ اردئے کتگ
تو منـی اوستانـی ماه ئے من پہ تو وازمندگاں

منـی هزار گنجـیں مُـراد ءُ واهگانـی منـزل ئے
آجـوی ءِ زنـد ءِ ڈاه ئے مـن پـہ تـو وازمندگاں

تـو منـی چمّانـی روک ئے بـے تو دنـیا ژیمبءَ گر
سْیہ شپـیں کُلّ ءِ سپـاه ئے مـن پـہ تـو وازمندگاں

سُہب ءُ بیگہ هَیر کشّاں ، مـن تئی داد بکشـیں درءَ
مـن گـدا تـو بادشاه ئے مـن پـہ تـو وازمندگاں

بیـد تئی مہر ءَ مـن ءَ گون نیست دگہ هچ مہشرءَ
منـی گُناه ءُ منـی سواب ئے مـن پـہ تـو وازمندگاں

بیکہ تئی همنْیادی ءَ ، دُرگل بہشت هـم جہندم انت
تـو منـی زِنـد متـاه ئے مـن پـہ تـو وازمندگاں

گـوں نگاهے ءَ بـدل کُت ، عابـد ءِ دنـیا ءُ دیـــــن
تـو همـا نیکـیں نگاه ئے ، مـن پـہ تـو وازمندگاں


@Labzank
telegram.me/Labzank