بیا کپوت نندین ءُ ساچیں پہ وتا موسمے

تو ملوریں بیگہ ءِ دل من زھیریں مردمے

چہ ھما روچ ءَ کہ تو اتک ئے اد ءَ تہنائی انت

تو چہ ھما روچ ءَ کہ رپت ئے من نہ دیستگ مردمے

زندگی یک سبزکیں دمکے کہ ھر دم تاب وارت

تن آپ ءِ جنگل ءَ روت آس سر بیت جہندمے

واجہ منیر مومن


@Labzank
telegram.me/Labzank

کـُـجـام گـَـمـاں تـو بَـڈ کـُـرت کـن ئـے ؟!!.. آریـپّـیـں پـت ءُ مَـکـَهـیـں مـات ءِ گـَـمـاں !!.. مَـڑاداریـں بـرات ءُ گـرانّـازیـں گـُـهـارءِ گـَـمـاں !!.. سَـولـیـں بَـچّ ءُ نـازگـَـلـیـں دُتــگ ءِ گـَـمـاں !!.. زنـدمـان ءِ آیـوکـیـں روچـانـی تَـهـلـی ءُ تـرُپـشـی ءِ گـَـمـاں !!.. سُـتـکـَـگـیـں ڈیـہ ءُ پَـهـوالـیـں راج ءِ گـَـمـاں !!.. گـڑا گِـهـتِـراِنـت کـہ تـو درُهـیـں گـَـمـاں هـاوَنـد ءِ دَسـتءَ بـہ دَے ءُ وَتـی دیـمـا ءِ روچـاں بـچـار ءُ پـہ وَت یَـک وَشـهـالـیـں زنـدے جـواں بـہ کـن.
ادَبـی هَـکـیـم

@Labzank
telegram.me/Labzank

اِے لَـچّـہ ءَ بـاز وَهـد ءَ پـیـش مـن نـبـشـتَـگ بـلـئـے گـار بـوُتـگ.
لَـچّـہ : بـے وَپـا
شـائـر : ادبـی هَـکـیـم
تَـراوں مِـهــر دات ءُ پـہ تـو مـن جَـپـا کـُـت
تَـــراوں دِل دات ءُ پـہ تـــو مَــن وَپــا کـُــت
وَت ءَ بَــربـــاد ، تــئــی گـَـپ ءُ رَپ ءَ کـُــت
وَتی نـام اوں شَـمُـشت ، تئی اوں دپءَ کـُت
تَــراوں دوزداشـت ءُ مِـهـرانـی گـَپ ءَ کـُـت
گـَم اوں رُپـت اَنـت دل ءَ پـہ تـو سَــپـا کـُـت
تَــراوں پـہ چــاڑ ، کــاڑانـی ســرَپ ءَ کـُـت
تــئــی دیــدار ءِ واهَــگ نِــیــم شَـپ ءَ کـُـت
وَت ءَ اَنــگـــار ، تــرا کـَــٹ ءُ نَـــپ ءَ کـُـت
تَـــرا وَشّ ءُ وَت ءَ گـَـــرمـیـں تَـــپ ءَ کـُـت
وَت ءَ شَـپ کـُـت پـہ تــو او چـاردَهــی مـاه!
مَن ءَ چـہ وَپـتَـگــیـں واب ءَ تـو پـاد کـُـت !
مَـن اِت گـَـهـگــیــر ، هَـیـالانـی دْرَپ ءَ کـُـت
مَـنـی جـان اِت مَـکـُـنـٹـگ چـو کْـرَپ ءَ کـُـت
وَت اِت رَد دات ، هَـکـیـم اِت بـے وَپـــا کـُـت
شَـپ ءِ رازانـی هـال گـوں سَـرگـُـوَپ ءَ کـُـت
@Labzank
telegram.me/Labzank

🌐بلوچستانءِ مزنیں گوش‌بُرّ دَزگیر بوت

زی شنبهءِ سهبءَ (1 اکتبر2017) ایرانءِ انتظامی واکاں مردے که چه بلوچستانا بازیں پول و مالے دزّتگ اَت، مَں استان تهران، دماوندءِ شهرا، دزگیر کرت.، سردار حسین رحیمی سیستان‌وبلوچستانءِ انتظامی واکانی مسترا گوشت: استانءِ زرباری/جنوبی نیمگءِ میلیاردی گوش‌بُرّ شنبه (10 مهر95) شپءِ ساهت یک و نیما استان تهران و دماوندءِ شهرا دزگیر کنگ بوت.
تهرانی مردے په نام سیداحمد میرمحمدی چنت سالا مَں بلوچستانا ماشینءِ لین و دَینی کرتگ. آئی رند چه مردمانی اعتماد و بروسه‌ءِ دستا آرگا گوستگیں رمضانءِ‌ اول سرا بازیں مردمے ریپینت و چه اِیرانا تاتک.
بازینے چه مئے بلوچ راج گوں اِے هالءِ اشکنگا سک دلپدرد بوتنت. واجه و پیشنمازاں په اِے گوش‌بُرّءِ دزگیریا باز تاکید کرت. مولانا عیدالحمیدا ماں وتی جمعه (28 خرداد 95) ءِ گپاں مردم په صبر و اوپار وصیت کرتنت و چه قضائی و امنیتی کارمسترانی لوٹت که اِے مشکلا په دل رندگیری کننت.
رند چه شکایت و قضائی کارانی رندگیریا اِے مرد دزگیر کنگ بوت. مردم چه اِے مال‌دزّءِ‌ دزگیریا باز گَل بوتگنت و امیت کشّ اَنت که آیانی مال پدا په آیاں پچ‌ترینگ ببنت.

ﺑﻠﻮﭼﯽ ﺯُﺑﺎﻥ ﺀِ ﺟﻨﺪ ﺀِ ﺑﺎﺭﮦ ﺀَ ﻣﺎﮞ ﺍﮮ ﻭﺍﻧﮕﯽ ﺀَ ﮔﭗ ﺟﻨﮓ ﻧﮧ ﺑﯿﺖ ﺀُ ﻧﺎ ﮐﮧ
ﺑﻠﻮﭺ ﺭﺍﺝ ﺀِ ﺑُﻨﺪﺭ ﺀِ ﺩﺭﮔﯿﺠﮓ ﺀِ ﺑﺎﺭﮦ ﺀَ ﭼﯿﺰّﮮ ﮔْﻮﺷﺖ ﮐﻦ ﺁﮞ ﺑﻠﮯ -:
ﭼَﮧ ﺭﻭﭼﮯ ﮐﮧ ﺑﻠﻮﭼﯽ ﺯُﺑﺎﻥ ﺀِ ﺑﺎﺭﮦ ﺀَ ﺳُﺮ ﺀُ ﭘُﺮ ﺑُﻨﮕﯿﺞ ﺑﻮﺗﮓ ﮬﺮ ﮐﺴﮯ ﺀَ
ﻣﻮﮦ ﺑﯿﺘﮓ ﺑﻠﻮﭺ ﺭﺍﺝ ﺀِ ﺑُﻨﺪﺭ ﺀِ ﭘﭧّ ﺀُ ﭘﻮﻝ ﺀُ ﺷﻮﮬﺎﺯ ﺀَ ﺯﻭﺭ ﺋِﮯ ﺟﺘﮓ ﺀُ ﮬﻤﮯ
ﺟﮭﺪ ﺋِﮯ ﮐُﺮﺗﮓ ﮐﮧ ﭼِﮧ ﺭﻧﮓ ﺀَ ﺑﻠﻮﭺ ﺭﺍﺝ ﺀَ ﮔﻮﮞ ﯾﮏ ﻣﺰﻧﯿﮟ ﺯﻧﺪﮔﯿﮟ ﺭﺍﺟﮯ ﺀَ
ﮬﻤﮕْﺮﻧﭻ ﺑﮑﻨﺖ ﮐﮧ ﭘﻤّﻨﯽ ﻧﺰّ ﺀَ ﺍﮮ ﺭﻧﮕﯿﮟ ﺳﺮ ﺟﻨﮓ ﭼﻮ ﮐﮧ " ﺳﺮ ﮐﻦ ﭘِﺮ
ﮐﻦ ﮬُﭗ ﮐﻦ ﮬﭻ " ﺀِ ﺑﺘﻞ ﺀَ ﺍِﻧﺖ.
ﺍﮮ ﺳﮑّﯿﮟ ﻣﺰﻧﯿﮟ ﮔﭙّﮯ ﮐﮧ ﻣﻦ ﮬﭻ ﺭﻧﮓ ﺀَ ﺟﺖ ﺋِﮯ ﻧﮧ ﮐﻦ ﺁﮞ. ﭘﺮﭼﺎ ﮐﮧ
ﯾﮏ ﺭﺍﺟﮯ ﯾﺎ ﺯﺑﺎﻧﮯ ﺀِ ﺑُﻨﺪﺭ ﺀِ ﺩﺭﮔﯿﺠﮓ ﺀَ ﮬﻤﺎ ﻣﺮﺩﻡ ﺩﯾﻢ ﺀَ ﺑﮧ ﮐﻨﺰ ﺍِﯾﺖ ﮐﮧ
ﺍﮮ ﺭﻧﮕﯿﮟ ﮐﺎﺭﺍﻧﯽ ﺑﺎﺭﮦ ﺀَ ﻭﻧﺘﮓ ﺀُ ﺩﺭ ﺋِﮯ ﺑُﺮﺗﮓ. ﺑﻠﮯ ﺍﯾﺮﺍﻥ ﺀِ ﺗﮧ ﺀَ
ﭘﺎﺭﺳﯽ ﺯﺑﺎﻥ ﺀِ ﮔﭗ ﺟﻨﻮﮎ ﺍﮔﺎﮞ ﭼﮧ ﮬﻤﺎﻟﯿﮧ ﺀِ ﺑُﺮﺯﺗﺮﯾﮟ ﭼُﺪَﮒ ﺍﯾﻮﺭﺳﭧ ﺀَ ﺍﯾﺮ
ﮐﭙﺘﮓ ﺍَﻧﺖ ﯾﺎ ﮐﮧ ﭼﮧ ﺍﮮ ﺳﺮﺯﻣﯿﻦ ﺀِ ﺟُﮭﻞ ﺗﺮﯾﮟ ﺩﺭﯾﺎ ﺀِ ﺑُﻦ ﺀَ ﭘﺎﺩﺁﺗﮑﮓ ﺍَﻧﺖ
ﮐﮧ ﺑﻠﻮﭼﯽ ﺯُﺑﺎﻥ ﺀُ ﺑﻠﻮﭺ ﺭﺍﺝ ﺍﯾﺸﺎﻧﯽ ﺑُﻨﯽ ﮬﻤﺮﺍﮦ ﺍِﻧﺖ . ﭘﺪ ﺀَ ﮬﻢ ﻣﻦ ﺯﺍﻧﺖ
ﻧﮧ ﮐﻦ ﺁﮞ ﺑﻠﮑﯿﮟ ﻣﻨﯽ ﮔﭗ ﺑﮯ ﺑُﻦ ﺀُ ﺭﺩ ﺍِﻧﺖ.
1954 ﺀَ ﯾﮏ ﺍﯾﺮﺍﻧﯽ ﻣﺎﮬﺘﺎﮐﮯ ﻣﻦ ﺀَ ﺩﺳﺖ ﮐﭙﺘﮓ ﺍَﺕ ﮐﮧ ﺁﺋﯽ ﺀِ ﺗﮧ ﺀَ
ﻧﺒﺸﺘﮓ ﺍَﺕ ﮐﮧ ﺍﯾﺮﺍﻥ ﺀِ ﺑﺎﺩﺷﺎﮦ ﮬُﺴﺮﻭ ﺀِ ﺑﺎﺩﺷﺎﮬﯽ ﺀِ ﺑﺮﺑﺎﺩﯼ ﺀَ ﺭﻧﺪ ﭼﮧ
ﺁﺋﯽ ﺀِ ﺟﻨﮏ ﺀَ ﺟُﺴﺖ ﮐﻨﮓ ﺑﻮﺕ ﮐﮧ ﺗﺌﯽ ﭘﺖ ﺀِ ﺑﺎﺩﺷﺎﮬﯽ ﺀِ ﺁﺳﺮ ﭘﺮﭼﺎ
ﭼﻮﺵ ﺑﻮﺕ . ﺍﯾﺸﯽ ﺀِ ﭘﺴّﻮ ﺀَ ﺍﯾﺮﺍﻧﯽ ﻣﺎﮬﺘﺎﮎ ﺀِ ﺗﮧ ﺀَ ﮬُﺴﺮﻭ ﺀِ ﺟﻨﮏ ﺀِ ﺟﻨﺪ
ﺀِ ﮔْﻮﺷﺘﮕﯿﮟ ﮔﺎﻝ ﻧﺒﺸﺘﮓ ﺍِﺕ ﺍَﻧﺖ. ﺁ ﮔﺎﻻﻧﯽ ﺟﻨﺪ ﺍﯾﺶ ﺍَﻧﺖ ﮐﮧ ﭼﮧ ﭘﺎﺭﺳﯽ
ﺯُﺑﺎﻧﯿﮟ ﺍﯾﺮﺍﻧﯽ ﺑﺎﺩﺷﺎﮦ ﺀِ ﺟﻨﮏّ ﺀِ ﺩﭖ ﺀَ ﺩﺭﺁﺗﮑﮓ ﺍِﺕ ﺍَﻧﺖ .
" ﺩﯾﻢ ﺀِ ﺧُﺴﺮﻭ ﺳﯿﺎﮦ ﺑﯿﺖ ﮐﮧ ﻧﺎﻣﮧ ﭘﯿﻐﻤﺒﺮ ﺩﺭﯾﺖ "
ﺩﻭﻣﯽ, ﺍﺑﯿﺪ ﺑﻠﻮﭼﺴﺘﺎﻥ ﺀَ ﮔْﻮﺵ ﺍَﻧﺖ ﮐﮧ ﺍﯾﺮﺍﻥ ﺀَ ﺩﮔﮧ ﯾﮏ ﺭﺍﺟﮯ ﮬﺴﺖ ﮐﮧ
ﻣﺎﻟﺪﺍﺭ ﺍِﻧﺖ , ﺑﺰﺍﮞ ﭘﺲ ﺀُ ﻣﯿﺶ ﺀُ ﮔﻮﮎ ﺩﺍﺭ ﺍَﻧﺖ ﮐﮧ ﮔﺮﻣﺎﮒ ﺀَ ﺳﺎﺭﺗﯿﮟ
ﺟﺎﮔﮭﺎﮞ ﺭﻭ ﺍَﻧﺖ ﺀُ ﺯﻣﺴﺘﺎﻥ ﺀَ ﮔﺮﻣﯿﮟ ﻣُﻠﮑﺎﮞ ﮐﺎ ﺍَﻧﺖ. ﺍﮮ ﺑﻠﻮﭺ ﺍَﻧﺖ ﺀُ
ﺑﻠﻮﭼﯽ ﺀَ ﮔﭗ ﺟﻦ ﺍَﻧﺖ , ﺑﻠﮯ ﻭﺕ ﺀَ " ﮐُﺮُﺵ " ﮔْﻮﺵ ﺍَﻧﺖ. ﺍﯾﺮﺍﻥ ﺀِ ﺍﮮ ﺑﮭﺮ
ﺀَ ﮬﺮ ﺟﺎﮔﮭﮯ ﮐﮧ ﺍﮮ ﺭﻭ ﺀُ ﺁ ﮐﻦ ﺍَﻧﺖ ﺩﮔﮧ ﺍﯾﺮﺍﻧﯽ ﺭﺍﺝ ﺍﯾﺸﺎﮞ ﭘﮧ ﺷﺮّﯼ
ﺯﺍﻥ ﺍَﻧﺖ . ﺍﮮ ﭘﮧ " ﺑﻠﻮﭺ " ﺀُ " ﮐُﺮُﺵ " ﮬﺮ ﺩﻭﺋﯿﮟ ﻧﺎﻣﺎﮞ ﺯﺍﻧﮓ ﺑﮧ ﺍَﻧﺖ .
ﺍﮮ ﮔﭗ ﺀَ ﺩﭘﺘﺮ ﺯﺍﻧﺖ ﭘﮧ ﺟْﻮﺍﻧﯽ ﺯﺍﻥ ﺍَﻧﺖ ﮐﮧ ﮐﻢّ ﺀُ ﮔﯿﺶ ﺩﻭ ﮬﺰﺍﺭ ﺀُ ﭘﻨﭻ
ﺳﺪ ﺳﺎﻝ ﺀَ ﭘﯿﺴﺮ ﺍﯾﺮﺍﻥ ﺀِ ﻣﺴﺘﺮﯾﻦ ﺀُ ﻧﺎﻣﺪﺍﺭﺗﺮﯾﮟ ﺑﺎﺩﺷﺎﮬﮯ "ﮐﻮﺭﻭﺵ "
ﺑﻮﺗﮓ ﮐﮧ ﭘﮧ " ﻣﺰﻥ ﮐﻮﺭﻭﺵ " ﺀِ ﻧﺎﻡ ﺀَ ﺯﺍﻧﮓ ﺑﯿﺖ. ﺯﺍﻧﺎﮞ ﺍﮮ ﮔﭗ ﺑﻮﺕ ﻧﮧ
ﮐﻨﺖ ﮐﮧ ﺍﮮ ﮬﮑﺎﻣﻨﺸﯽ ‏( ﮬﺨﺎﻣﻨﺸﯽ ‏) ﭘﺎﺭﺳﯽ ﺑﺎﺩﺷﺎﮦ ﺀِ ﻧﺎﻡ "ﮐﻮﺭﻭﺵ "
ﮔﻮﮞ ﻣﺮﭼﯿﮕﯿﮟ ﮬﻤﮯ ﺑﻠﻮﭼﺎﻧﯽ ﻧﺎﻡ ﺀَ ﮐﮧ "ﮐُﺮُﺵ " ﺍِﻧﺖ , ﮬﻤﮕْﺮﻧﭻ ﺍِﻧﺖ؟ ﺀُ
ﺯﺍﻧﺎﮞ ﭼﻮﺵ ﺑﻮﺕ ﻧﮧ ﮐﻨﺖ ﮐﮧ ﮬﻤﮯ "ﮐﻮﺭﻭﺵ " ﺀِ ﮔﺎﻝ ﭘْﺮﺷﺘﮓ ﺀُ "ﮐُﺮُﺵ "
ﺑﻮﺗﮓ ﺀُ ﭘﺪ ﺀَ ﻣﺌﮯ ﮐْﻮﮬﻨﯿﮟ ﻟﭽّﮧ ﮐﺎﺭﺍﮞ ﻣﺎﮞ ﺑﻠﻮﭼﯽ ﺩﭘﺘﺮﺍﮞ , ﭼﮧ ﺍﺳﻼﻡ ﺀِ
ﺩﻭﺳﺘﯽ ﺀَ ﺍﮮ ﮔﺎﻝ ﺗﺮّﯾﻨﺘﮓ ﺀُ "ﮐُﺮﯾﺶ " ‏( ﻗﺮﯾﺶ ‏) ﮐُﺮﺗﮓ؟
ﭼﻮﺷﯿﮟ ﮔْﺮﺍﻧﯿﻦ ﺀُ ﺍﮌ ﺍِﺗﮕﯿﮟ ﮔﭙﮯ ﺀِ ﺍﺩ ﺀَ ﺍﮮ ﺭﻧﮓ ﺀَ ﺟﻨﮓ ﻭَ ﺍﮌ ﺀِ ﻣﺴﺘﺮ
ﮐﻨﮓ ﺍِﻧﺖ ﺀُ ﺑﺲ. ﺑﻠﮯ ﻣﻦ ﺍﮮ ﺩﻭﺋﯿﮟ ﮔﭗ ﭘﮧ ﺑﮯ ﻭﺳﯽ ﺟﺖ ﺍَﻧﺖ ﺗﺎ ﮐﮧ
ﺭﺍﺟﮕﻮﻝ ﺀُ ﺯُﺑﺎﻧﭙﻮﻝ ﺍﮮ ﺩﯾﻢ ﺀَ ﮬﻢ ﯾﮏ ﮔْﻮﻧﮉﯾﮟ ﺟُﮭﺪﮮ ﺑﮑﻦ ﺍَﻧﺖ. ﮐَﮯ ﺯﺍﻧﺖ
ﺑﻠﮑﯿﮟ ﺍﮮ ﺳﺮﮔْﻮﺯ ﮐُﺮﺗﮓ ﺀُ ﮔُﮉّﺍِﺗﮕﯿﮟ ﺭﺍﮦ ﻣﺎﺭﺍ ﺯﻭﺕ ﺗﺮ ﭘﮧ ﻣُﺮﺍﺩﺍﻧﯽ ﻣﻨﺰﻝ
ﺀَ ﺳﺮ ﮐﻨﺖ.
ﺭﺍﺟﮕﻮﻟﯽ ﺀُ ﺯُﺑﺎﻧﭙﻮﻟﯽ ﺀَ ﻣﺎ ﭘﮧ ﮬﻤﺎ ﺯﺍﻧﺘﮑﺎﺭﺍﮞ ﯾﻠﮧ ﺩﮮ ﺍﯾﮟ ﺑﻠﮯ ﭼﮧ ﺍﯾﺸﯽ
ﺀَ ﻣﺴﺘﺮﯾﮟ ﮐﺎﺭ ﺯُﺑﺎﻥ ﺀِ ﺟﻨﺪ ﺀِ ﺯﻧﺪﮒ ﮐﻨﮓ ﺍِﻧﺖ ﮐﮧ ﺑﮯ ﺯُﺑﺎﻧﯽ ﺑﮯ ﮔْﻮﺍﮬﯽ
ﺀِ ﻧﺸﺎﻧﯽ ﺍِﻧﺖ ‏( ﺀُ ﺍﮮ ﮔﭗّ ﭼﮧ ﻣﺎ ﭼﯿﺮ ﻧﮧ ﺍِﻧﺖ ‏) ﭘﻤﯿﺸﮑﺎ ﻣﺎﺭﺍ ﻟﻮﭦ ﺍِﯾﺖ
ﮐﮧ ﺍﮮ ﺩﯾﻢ ﺀَ ﺩﻟﮕﻮﺵ ﺑﮑﻦ ﺍﯾﮟ. ﺍﮮ ﺯﺍﻧﺘﮕﯿﮟ ﮔﭙﮯ ﮐﮧ ﺩﺍﻧﮑﮧ ﯾﮏ ﺯُﺑﺎﻧﮯ ﺀِ
ﻧﺒﯿﺴّﮓ ﺀِ ﺭﮬﺒﻨﺪﺍﮞ ﻧﮧ ﮔﯿﺸّﯿﻦ ﺋﮯ ﺁ ﺯﻧﺪﻣﺎﻧﯽ ﺀِ ﮔْﺮﺍﻧﯿﮟ ﺑﺎﺭ ﺀَ ﺯُﺭﺕ ﻧﮧ
ﮐﻨﺖ ﺀُ ﮬﻤﮯ ﮔﭗ ﺍﮮ ﻭﺍﻧﮕﯽ ﺀِ ﻧﺒﯿﺴّﮓ ﺀِ ﺳﮑﯿﻦ ﺍِﻧﺖ.
ﭼﮧ ﺩﮦ ﺳﺎﻝ ﺀَ ﮔﯿﺶ ﺍِﻧﺖ ﮐﮧ ﻣﻦ ﮔﻮﮞ ﺑﻠﻮﭼﯽ ﺯُﺑﺎﻥ ﺀَ ﮔُﻼﺋﯿﺶ ﺁﮞ. ﺑﺎﺯﯾﮟ
ﺑﻠﻮﭼﯽ ﻟﭽّﮧ ﮐﺎﺭ ﺀُ ﻧﺪﮐﺎﺭﺍﮞ ﮔﻮﮞ ﮬﻢ ﻣﺠﻠﺲ ﺀُ ﺩﯾﻮﺍﻥ ﺑﻮﺗﮓ ﺁﮞ ﺀُ ﭼﮧ ﺍﮮ
ﮔﭗّ ﺀَ ﭘﮧ ﺟْﻮﺍﻧﯽ ﺯﺍﻧﺘﮑﺎﺭ ﺁﮞ ﮐﮧ ﺑﻠﻮﭼﯽ ﺯُﺑﺎﻥ ﺀَ ﺍﮮ ﺳﺎﻝ ﭼﺘﻮﺭ ﮔْﻮﺍﺯﯾﻨﺘﮓ
ﺍَﻧﺖ . ﺑﻠﻮﭼﯽ ﺀِ ﻧﻮﮐﯿﮟ ﻟﭽّﮧ ﮐﺎﺭﯼ ﮐﮧ ﺍﮮ ﺳﺎﻻﻧﯽ ﺑُﻨﮕﯿﺞ ﺀَ ﺑﮯ ﺭﮬﺒﻨﺪﯼ ﺀِ
ﮔْﻮﺭﮔِﻨﺪﺍﻥ ﺍَﺕ ﺍﻧّﻮﮞ ﭘﮧ ﺍﻧﭽﯿﮟ ﺟْﻮﺍﻧﯿﮟ ﺳﯿﻤﺴﺮﮮ ﺀَ ﺭﺳﮕﯽ ﺍِﻧﺖ ﮐﮧ ﺑﺎﺯ
ﺯﻭﺕ ﻭﺗﯽ ﺳﺮﺟﻤﯽ ﺀِ ﺟﺎﺭ ﺀِ ﭘﺮّﯾﻨﮓ ﺀَ ﺩﯾﻢ ﺀَ ﮐﻨﺰ ﺍِﺕ ﮐﻨﺖ. ﺑﻠﮯ ﯾﮏ ﻣﺰﻧﯿﮟ
ﮔﭙّﮯ ﮐﮧ ﺩﻧﯿﮕﺎ ﺍﯾﺸﯽ ﺀِ ﻧﯿﻤﮓ ﺀَ ﺩﻟﮕﻮﺵ ﮐﻨﮓ ﻧﮧ ﺑﻮﺗﮓ ﺑﻠﻮﭼﯽ " ﺭﻡ " ﺍِﻧﺖ
ﮐﮧ ﺍﺑﯿﺪ ﭼﮧ ﻭﺗﮕُﺶ ﺀِ ﺷﻨﮕﺠﺎﮬﺎﮞ ﭘﮧ ﺍﯾﺸﯽ ﺀِ ﺑﻮﺩﻧﺎﮐﯽ ﺀَ ﮬﭻ ﺭﻧﮕﯿﮟ
ﺟُﮭﺪﮮ ﮐﻨﮓ ﻧﮧ ﺑﻮﺗﮓ ﺍَﺕ. ﺍﻟﺒﺖ ﻟﮭﺘﯿﮟ ﻧﺪﮐﺎﺭﺍﮞ ﻭﺗﯽ ﻧﻤﺪﯼ ﻣﺎﮞ ﺑﻠﻮﭼﯽ
ﺯُﺑﺎﻥ ﺀَ ﻧﺒﺸﺘﮓ ﺍِﺕ ﺍَﻧﺖ .
ﺑﻠﻮﭼﯽ ﻧﺪﮐﺎﺭﺍﮞ ﺍﮮ ﺳﺎﻻﻧﯽ ﺩْﺭﺍﺟﯽ ﺀَ ﺩﻟﮕﻮﺵ ﻧﮧ ﮐُﺮﺗﮓ ﮐﮧ ﺁ ﻣﺎﮞ ﻭﺗﯽ
ﻟﭽّﮧ ﺀُ ﻧﻤﺪﯼ ﺀُ ﻧﺒﺸﺘﺎﻧﮑﺎﮞ ﺑﻠﻮﭺ ﺯُﺑﺎﻥ ﺀَ ﭼِﮧ ﺭﻧﮓ ﺀَ ﻧﺒﯿﺴّﮓ ﺀَ ﺍَﻧﺖ . ﮬﺮ ﮐﺲ
ﺀَ ﻭﺗﯽ ﺟﻨﺪ ﺀِ ﺩﻝ ﺀِ ﻣَﯿﻞ ﺀَ ﮬﺮ ﺭﻧﮕﮯ ﻟﻮﭦ ﺍِﺗﮓ ﻧﺒﺸﺘﮓ . ﭼﻮﻧﺎﮬﯿﮕﺎ ﭼﮧ
ﻧﻤﺪﯾﺎﻧﯽ ﻧﺒﯿﺴّﮓ ﺀَ ﺑﺎﺯ ﻧﺪﮐﺎﺭ ﺀَ ﭼﮧ ﺩﮔﺮﮮ ﺀَ ﻧﻮﮐﯿﮟ ﺳﻮﺝ ﮬﻢ ﮔﭙﺘﮓ ﯾﺎ ﭼﮧ
ﻭﺗﯽ ﺩﻟﺪﻭﺳﺘﯽ ﺀَ ﯾﮏ ﮔﺎﻟﮯ ﺀِ ﺭﮬﺒﻨﺪ ﺋِﮯ ﻭﺗﯽ ﮐُﺮﺗﮓ. ﭼﻤﯿﺸﮑﺎ ﺗﺎ ﺭﻭﭺ ﺀ
ﻣﺮﭼﯽ ﺑﻠﻮﭼﯽ ﺯُﺑﺎﻥ ﺀِ ﺳْﯿﺎﮬﮓ ﯾﮏ ﺭﺍﺳﺘﯿﮟ ﺭﮬﺒﻨﺪﮮ ﺀَ ﻧﮧ ﮐﭙﺘﮓ. ﺁﺳﺮ ﺍﯾﺶ
ﺍِﻧﺖ ﮐﮧ ﺑﻠﻮﭼﯽ ﮔﺎﻝ ﭘﮧ ﮈَﻭﻟﮯ ﺭﺩ ﻧﺒﯿﺴّﮓ ﺑﯿﮓ ﺀَ ﺍَﻧﺖ ﮐﮧ ﭘﮧ ﺑﻠﻮﭼﯽ ﺀَ
ﺩﯾﻤﺘﺮ ﺀَ ﺑﯿﺮﮔﯿﮟ ﺗﺎﻭﺍﻥ ﺑﮧ ﺍَﻧﺖ.
ﻣﻦ ﮬﺮ ﻭﮬﺪ ﺭﮬﭽﺎﺭ ﺑﻮﺗﮓ ﺁﮞ ﮐﮧ ﮐﺴﮯ ﺀَ ﺍﯾﺸﯽ ﺀِ ﺳﮑّﯿﮟ ﭘﮑﺎﺭﯼ ﺀِ ﺳﻤﺎ
ﺑﮧ ﮐﭗ ﺍِﯾﺖ. ﺑﻠﮯ ﭼﻮ ﮐﮧ ﺩﮔﮧ ﺍﻧﭽﯿﮟ ﻣُﺮﺍﺩﺍﮞ ﻣﻨﯽ ﺍﮮ ﺍُﻣﯿﺖ ﮬﻢ ﻧﮧ ﺳﺒﺰ
ﺍِﺕ.

ﮔﻮﮞ ﺍﮮ ﮔﭗ

ّ ﺀَ ﮐﮧ ﻣﺎﮞ ﻧﺎﺩْﺭﺍﮬﯽ ﺀِ ﮔْﻮﮔﻨﺪﺍﮞ , ﮬﺮ ﻭﮬﺪﮮ ﮐﮧ ﺩﺭﺩ ﺀُ
ﺩﻭﺭﺍﮞ ﭘﮧ ﺍﺩﺍﺭُﮐﮯ ﺗَﻢ ﮐُﺮﺗﮓ ﻣﻦ ﭘﮧ ﺑﻠﻮﭼﯽ ﺳْﯿﺎﮬﮓ ﺀِ ﺍﮮ ﮔْﺮﺍﻧﯿﮟ ﻣﺸﮑﻞ
ﺀِ ﺁﺳﺎﻥ ﮐﻨﮓ ﺀَ ﭘﮧ ﻭﺗﯽ ﻭﺱ ﺀَ ﭼﺎﺭﮔﺎﻝ ﺳْﯿﺎﮦ ﮐﻨﺎﻥ ﺑﻮﺗﮓ ﺁﮞ.
ﺍﮮ ﻭﺍﻧﮕﯽ ﮬﻤﮯ ﺑﮯ ﻭﺳﯿﮟ ﺟُﮭﺪﺍﻧﯽ ﺑَﺮ ﺍِﻧﺖ . ﺑﻠﮯ ﺍﮮ ﮔﭗ ﺯﺍﻧﮓ ﻟﻮﭦ
ﺍِﯾﺖ ﮐﮧ ﺍﮮ ﺑﻠﻮﭼﯽ ﺀِ ﺁ ﺳﺮﺟﻤﯿﮟ ﺭﮬﺒﻨﺪﺍﻧﯽ ﺑﺎﺭﮦ ﺀَ ﻧﮧ ﺍِﻧﺖ ﮐﮧ " ﺑُﻨﺮﮬﺒﻨﺪ "
ﺑﺰﺍﮞ ‏( ﮔﺮﺍﻣﺮ ‏) ﯾﺎ ‏( ﺻﺮﻑ ﻧﺤﻮ ‏) ﮔْﻮﺷﮓ ﺑﯿﺖ. ﭼﻮﺵ ﻣﻦ ﺯﺍﻥ ﺁﮞ ﮐﮧ
" ﺑُﻨﺮﮬﺒﻨﺪ " ﺳﮏ ﭘﮑﺎﺭ ﺍِﻧﺖ ﺑﻠﮯ ﺍﮮ ﻭﺍﻧﮕﯽ ﺀِ ﺗﮧ ﺀَ ﻣﻦ ﺑﻠﻮﭼﯽ ﺯُﺑﺎﻥ ﺀِ
ﺍﻧّﻮﮔﯿﮟ ﺳْﯿﺎﮬﮓ ﺀِ ﻧﺒﯿﺴّﮓ ﺀِ ﺭﺍﺳﺘﯿﮟ ﺭﮬﺒﻨﺪﺍﮞ ﮔﯿﺸّﯿﻦ ﺁﮞ ﮐﮧ ﺍﯾﺸﯽ ﺀِ
ﺳْﯿﺎﮬﮓ ﺀِ ﺟﻨﺪ ﺀِ ﻧﺒﯿﺴّﮓ ﺭﺩ ﻣﮧ ﺑﯿﺖ.
ﮬﻤﮯ ﺭﻧﮓ ﺀَ ﻟﮭﺘﯿﮟ ﻧﻮﮐﯿﮟ ﮔﺎﻝ ﮬﻢ ﭘﮧ ﺑﻠﻮﭼﯽ ﺯُﺑﺎﻥ ﺀِ ﻧﺒﯿﺴّﮓ ﺀِ ﺁﺳﺎﻧﯽ ﺀِ
ﮬﺎﺗﺮ ﺀَ ﺟﻮﮌ ﮐﻨﮓ ﺑﻮﺗﮓ ﺍَﻧﺖ ﮐﮧ ﺁﯾﺎﻧﯽ ﺭﺍﺳﺖ ﮐﺎﺭﻣﺮﺩ ﮐﻨﮓ ﮬﻢ ﺯﺍﻧﮓ ﻟﻮﭦ
ﺍِﯾﺖ .
ﺍﮮ ﻭﺍﻧﮕﯽ ﺀِ ﺗﮧ ﺀَ ﮬﺮ ﯾﮏ ﮔﺎﻟﮯ ﺀِ ﻧﺒﯿﺴّﮓ ﺀُ ﮐﺎﺭﻣﺮﺩ ﮐﻨﮓ ﺀِ ﺑﺎﺭﮦ ﺀَ ﺟﺘﺎ
ﺟﺘﺎ ﮔﭗ ﺟﻨﮓ ﺑﻮﺗﮓ ﺗﺎ ﮐﮧ ﻭﺍﻧﻮﮎ ﭘﮧ ﺟْﻮﺍﻧﯽ ﺳﺮﭘﺪ ﺑﮧ ﺑﯿﺖ. ﭘﺪ ﺀَ ﮬﻢ ﺍﮔﺎﮞ
ﺟﺎﮔﮭﮯ ﭼﮧ ﻣﻦ ﺭﺩﮮ ﺩﺭﺁﺗﮑﮓ ﯾﺎ ﭼﯿﺰﮮ ﮐﮧ ﻣﻦ ﭘﮧ ﻧﺰﺍﻧﺘﮑﺎﺭﯼ ﺳﺮﮔْﻮﺯ
ﮐُﺘﮓ ﺑﺎﯾﺪ ﺍِﻧﺖ ﮐﮧ ﺩﺭﮔْﻮﺯ ﮐﻨﮓ ﺑﮧ ﺑﯿﺖ .
ﺍﮮ ﺯﺍﻧﺘﮕﯿﮟ ﮔﭙّﮯ ﮐﮧ ﺍﮮ ﺑُﻨﮕﯿﺠﯽ ﺭﻧﺪ ﺍِﻧﺖ ﺀُ ﺳﺮﺟﻤﯿﮟ ﺑﻠﻮﭼﯽ ﮔﺎﻝ ﺍﯾﺸﯽ
ﺀِ ﺗﮧ ﺀَ ﻧﺒﺸﺘﮓ ﻧﮧ ﺍَﻧﺖ. ﭘﻤﯿﺸﮑﺎ ﮔﻮﮞ ﺑﻠﻮﭼﯽ ﺯُﺑﺎﻧﺰﺍﻧﺘﺎﮞ ﺩﺯﺑﻨﺪﯼ ﮐﻦ ﺁﮞ
ﮐﮧ ﮔﻮﮞ ﺍﯾﺮﺕ ﭼﺎﺭﯼ ﺀُ ﺩﻝ ﭘﮭﮑﯽ ﺍﮮ ﻭﺍﻧﮕﯽ ﺀَ ﺑْﻮﺍﻥ ﺍَﻧﺖ ﺀُ ﭼﮧ ﻭﺗﯽ ﺳﺮ
ﺀُ ﺳﻮﺟﺎﮞ ﻣﻦ ﺀَ ﻣﻨّﺖ ﻭﺍﺭ ﺑﮑﻦ ﺍَﻧﺖ ﺗﺎ ﮐﮧ ﺩﮔﮧ ﺭﻧﺪﮮ ﺷﺮﺗﺮﯾﮟ ﺭﻧﮕﮯ ﺀَ
ﭘﯿﺶ ﮐﻨﮓ ﺑﮧ ﺑﯿﺖ.

ﺳﯿﺪ ﮬﺎﺷﻤﯽ
18/2/1962 ﺑَﮭﺮِﻥ

@Labzank
telegram.me/Labzank

ﻭﻓﺎ ؔ ﮨﺮﮐﺲ ﮔُﺸﯿﺖ ﻣﺎ ﺑﺪ ﻭﻓﺎ ﺍﯾﮟ
‏( ﮔُﻞ ﻣﺤﻤﺪ ﻭﻓﺎؔ ﺀِ ﯾﺎﺕ ﺀَ ‏)
---------_ ﺍِﺳﺤﺎﻕ ﺧﺎﻣﻮﺵؔ
ﻟﺒﺰﺍﻧﮑﯽ ﺩُﻧﯿﺎ ﺀِ ﺗﮩﺎ ﺍٓﮬﮓ ﺀَ ﭼﮧ ﭘﯿﺴﺮ ﺍﻭﮞ ﻣﻨﯽ ﺩﻭﺳﺘﮕﯿﮟ ﺷﺎﻋﺮ ﮨﻤﺎ ﺍِﺗﻨﺖ ﮐﮧ
ﺍٓﮨﺎﻧﯽ ﺷﺎﻋﺮﯼ ﻭﺗﯽ ﺩَﻭﺭ ﺀِ ﺷﺮﻧﮕﯽ ﺀِ ﭼﯿﺪﮒ ﺍَﺕ ﺀُ ﺍٓﮨﺎﻧﯽ ﺷﻌﺮﮨﻤﮏ ﻣﺮﺩُﻡ ﺀِ ﺩﭖ ﺀَ
ﺍِﺗﻨﺖ۔ﺍٓ ﻭﮬﺪﯼ ﺍٓﺋﯽ ﺀِ ﺷﻌﺮﺍﻧﯽ ﺩﭘﺘﺮ ﭼﺎﭖ ﺀُ ﺷِﻨﮓ ﻧﮧ ﺑُﻮﺗﮓ ﺍَﺕ ﺑﻠﺌﮯ ﻣﺎﮨﺘﺎﮎ
ﺑﻠﻮﭼﯽ ﺀُ ﺩﮔﮧ ﺗﺎﮐﺒﻨﺪﺍﮞ ﺍٓﺋﯽ ﺀِ ﺷﻌﺮ ﭼﺎﭖ ﺀُ ﺷِﻨﮓ ﺑُﻮﺗﮓ ﺍﺗﻨﺖ۔ﻣﻦ ﺍٓﺋﯽ ﺀِ ﻟﭽّﮧ ﺀُ
ﺩﺳﺘﻮﻧﮏ ﮨﻤﺎ ﻭﮬﺪﯼ ﻭﻧﺘﮓ ﺍِﺗﻨﺖ۔ﺍﮮ ﮐِﺴﺎﺱ1989 ﺍَﺕ ﺑﺎﺭﯾﮟ ﻣﻦ ﮔُﻞ ﻣﺤﻤﺪ ﻭﻓﺎ ﺀِ
ﺷﺎﻋﺮﯼ ﺀَ ﺳﺮﭘﺪ ﺑُﻮﺗﮓ ﺍِﺗﺎﮞ ﯾﺎ ﻧﺎ ﺑﻠﺌﮯ ﻣﻦ ﮨﺮ ﻭﮬﺪ ﺀَ ﺍٓﺋﯽ ﺀِ ﺷﻌﺮﺍﻧﯽ ﺗﮩﺎ ﻭﺷّﯽ
ﯾﮯ ﻣﺎﺭ ﺍِﺕ۔ﻣﻦ ﮐﮧ ﮨﻤﺎ ﺩﺭﺑﺮﺟﺎﮦ ﺀَ ﻭﺍﻧﮓ ﺀَ ﺍِﺗﺎﮞ ﮬﭙﺘﮕﺎﻧﯽ ﺳﺮﺍ ﮐﮧ ’’ ﺑَﺰﻡِ ﺍﺩﺏ ‘‘ ﺀِ
ﻣﺮﺍﮔﺶ ﺑُﻮﺗﮓ ﺍِﺗﻨﺖ ﮔُﮍﺍ ﻭﻓﺎ ؔ ﺀِ ﺷﺎﻋﺮﯼ ﺍﻟّﻢﺀَ ﻭﺍﻧﮓ ﺑُﻮﺗﮓ ﺍِﺗﻨﺖ۔
ﮐﺴﺎﻧﯽ ﺀُ ﭘﺪﺍ ﮐُﻨﭩﯿﮟ ﮬﯿﺎﻝ ........ ﻭﻓﺎ ﺀِ ﺳﺮﭘﺪ ﺑﻮﮬﮓ ﮔْﺮﺍﻥ ﺍَﺕ ﺑﻠﺌﮯ ﮔﻮﮞ
ﻟﺒﺰﺍﻧﮏﺀَ ﮨﻤﮕْْﺮﻧﭽﯽ ﺭﻭﭺ ﭘﮧ ﺭﻭﭺ ﻭﺩّﺍﻥ ﺑُﻮﺕ۔ﮨﻤﮯ ﻭﮌﺍ ﺷﺎﻋﺮﯼ ﺀِ ﭘﮩﻤﮓ ﺑِﻨﺪﺍﺕ ﮐُﺖ۔
ﻣﻦ ﮐﮧ ﻧُﮩﻤﯽ ﺗﺒﮏ ﺀَ ﺳﺮ ﺑُﻮﺗﺎﮞ ﻣﻨﯽ ﻭﺵ ﺑﮭﺘﯽ ﮐﮧ ﻭﻓﺎ ؔ ﺩﺭﺑﺮﺟﺎﮦ ﺀَ ﻣﻨﯽ ﺍُﺳﺘﺎﺩ
ﺟﻮﮌ ﺑُﻮﺕ۔
ﯾﮑﺮﻭﭼﮯ ﻣﻨﯽ ﻧﺎﺯﺍﻧﺘﯽ ﮐﮧ ﻣﻦ ﭼﮧ ﻭﻓﺎ ﺀَ ﺍِﺑﻦ ِ ﺍﻧﺸﺎ ﺀِ ﺷﺎﻋﺮﯼ ﺀِ ﺑﺎﺭﻭﺍ ﭘُﺮﺱ ﺍِﺕ۔
ﺍﮮ ﮨﻤﮯ ﻭﮬﺪ ﺍَﺕ ﮐﮧ ﻭﻓﺎ ﺀِ ﮔﻨﻮﮐﯽ ﺀِ ﮬﺒﺮ ﻣﮭﺸﻮﺭ ﺍﺗﻨﺖ۔
ﯾﮑﺒﺮﮮ ﻣﻨﯽ ﺩﭖ ﺀُ ﺩﯾﻢ ﺋﮯِ ﭼﺎﺭ ﺍِﺗﻨﺖ ﭘﺪﺍ ﺩﺭّﺍﺋﯿﻨﺖ ﺋﮯِ۔
’’ ﺷُﻤﺎﺭﺍ ﺩﮔﮧ ﮐﺎﺭ ﻧﯿﺴﺖ ﮨﺮﺟﺎﮔﮧ ﮐﮧ ﺑﮭﻨﮕﯽ ﯾﮯ ﺍﺳﺖ ﺷُﻤﺎ ﮨﻤﯿﺸﺎﻧﯽ ﺟُﺴﺖ ﺀُ
ﭘﺪﺀَ ﺍِﺕ ........... ﺗﻮ ﻓﺎﺿُﻞ ﺀَ ﺑْْﻮﺍﻥ،ﺳﯿﺪ ؔ ﺀَ ﺑْْﻮﺍﻥ،ﺣﺎﻓﻆ ؔ ﺀِ ﺟُﺴﺖ ﺀَ ﺑﮑﻦ،ﺟﺎﻣﯽ ؔ
ﺀِ ﺟُﺴﺖ ﺀَ ﺑﮑﻦ ...........................ﻣﻦ ﮔﭩﺮ ﺭﻭﭘﻮﮐﺎﻧﯽ ﺑﺎﺭﻭﺍ ﭼﮯ
ﺯﺍﻧﺎﮞ .........
ﻣﻨﯽ ﺟُﺴﺖ ﺩﭖ ﺀَ ﺟَﻮﺭ ﺑُﻮﺕ۔
ﺑﻠﺌﮯ ﻣﻦ ﭼﺮﯾﺸﯽ ﺀَ ﭘﺪ ﺯﺍﻧﺖ ﮐﮧ ﻭﻓﺎ ﺀَ ﮔﻮﮞ ﻭﺗﯽ ﻟﺒﺰﺍﻧﮏ ﺀَ ﭼﻨﭽﻮ ﻣﮩﺮ ﺀُ
ﮨﻤﮕْْﺮﻧﭽﯽ ﺍَﺳﺖ۔
ﻣﺌﮯ ﺭﺍﺝ ﺀِ ﺑﺪﺑﮭﺘﯽ ﺍﯾﺶ ﺍِﻧﺖ ﮐﮧ ﺷﺎﻋﺮﮮ ﮐﮧ ﭼﺮﮮ ﮐﻮﮌﮦ ﺀَ ﺳﺮ ﮔﯿﭙﺖ ﺀُ ﺭﻭٔﺕ
ﭘﺪﺍ ﻭَ ﻣﺮﺩُﻡ ﯾﮑﭙﺎﺭﮔﯽ ﭼﺮﺍﺋﯽ ﺀَ ﺑﯿﮭﺎﻝ ﺑﻨﺖ۔ﻟﮩﺘﮯ ﻟﺒﺰﺍﻧﮑﯽ ﮔَﻞ ﺍٓﺋﯽ ﺀِ ﯾﺎﺕﺀَ
ﻣﺮﺍﮔﺸﮯ ﭨﮩﯿﻦ ﺍﻧﺖ ﺀُ ﭼﮧ ﮨﻤﮯ ﮈُﺑّﮧ ﺀَ ﺩﺯﮐﺶّ ﺑﻨﺖ۔
ﻭﻓﺎﺍﻭﮞ ﮨﻤﮯ ﺑﺪ ﺑﮭﺘﯽ ؔ ﺀِ ﻣُﺠﺎﻧﯽ ﺗﮩﺎ ﮔﺎﺭ ﺀُ ﺑﯿﮕْْﻮﺍﮦ ﺍِﻧﺖ۔ﺳﺎﻝ ﺀُ ﻣﺎﮦ ﻭﺗﯽ ﭘﻨﺪ ﺀَ
ﺑُﺮّﺍﻥ ﺍَﻧﺖ۔ﮔُﻞ ﻣﺤﻤﺪ ﻭﻓﺎ ؔ،ﻋﺒﺎﺱ ﻋﻠﯽ ﺯﯾﻤﯽ،ﭘﯿﺮﺑﺨﺶ ﭘﯿﺮﻝ ،ﺭﺯﺍﻕ ﺩِﯾﺪﮒ،ﭼﺮﺍﮒ
ﻻﺷﺎﺭﯼ ،ﮐﻔﺎﯾﺖ ﮐﺮﺍﺭ، ﺀُ ﺩﮔﮧ ﺑﺎﺯﯾﮟ ﻧﻤﯿﺮﺍﻧﯿﮟ ﺷﺎﻋﺮﺍﻧﯽ ﺳﺎﻟﺮﻭﭺ ﭘﮧ ﺑﮯ ﺗﻮﺍﺭﯼ
ﮔْﻮﺯﻧﺖ ۔ﺷﺎﻋﺮﯼ ﺀِ ﺳﺮﺍ ﭼﻤﺸﺎﻧﮏ ﺩَﯾﮓﺀُ ﺍٓﮨﺎﻧﯽ ﺑﺎﺭﻭﺍ ﻧﺒﺸﺘﮧ ﮐﻨﮓ ﺩُﻭﺭﯾﮟ ﮔﭙّﮯ۔ﻣﻦ
ﮨﻤﮯ ﺳﺮﭘﺪ ﺑﺎﮞ ﮐﮧ ﻧﻮﮐﯿﮟ ﺷﺎﻋﺮﯼ ﺀِ ﺗﮩﺎ ﻭﻓﺎ ﺀِ ﻣﺰﻧﯿﮟ ﺍﺭﺯﺷﺘﮯ ﮬﺎﺳﮑﻦ ﺩﺳﺘﻮﻧﮏ ﺀِ
ﺗﮩﺎ .................. ﻭﻓﺎ ﺀِ ﺷﺎﻋﺮﯼ ﺀَ ﺭﺍ ﺑﺎﺗﻨﯽ ﺭِﺩ ﺀَ ﭘﻮﻟﮓ ﺀُ ﭘﮩﻤﮓ ﺀِ ﺯﻟﻮﺭﺕ ﺍِﻧﺖ۔
ﻭﻓﺎ ﺀِ ﺷﺎﻋﺮﯼ ﺀِ ﻧﺎﺯُﺭﮐﯽ ﺀُ ﭘﯿﭻ ﺀُ ﺗﺎﺑﺎﻧﯽ ﺩﺭﺑﺮﮒ ﺀُ ﭘﺪّﺭ ﮐﻨﮓ ﺀِ ﺯﻟﻮﺭﺕ ﺍِﻧﺖ۔ﻣﻨﯽ
ﭘﯿﻤﯿﮟ ﮨﭻ ﻣﺰﺍﻧﺖ ﺀُ ﭼﮧ ﺷﺎﻋﺮﯼ ﺀَ ﻧﺎ ﭘﻮﮦ ﺀُ ﻧﺎﺳﺮﭘﺪﮮ ﻭﻓﺎ ؔ ﺀِ ﺷﺎﻋﺮﯼ ﺀِ ﺳﺮﺍ ﮐﮧ
ﻧﺪ ﺀَ ﭼِﺴﺖ ﮐﻨﺖ ﺗﮧ ﮨﺰﺍﺭ ﺭﻧﺪ ﺀَ ﭘِﮕﺮﻭﺳﻮﺳﺎﮞ ﮐﭙﯿﺖ۔ﭘﻤﺸﮑﺎ ﻣﻦ ﭼﮧ ﻭﻓﺎ ؔ ﺀِ ﺍﺭﻭﺍﮦﺀَ
ﭘﮩﻠﯽ ﻟﻮﭨﺎﮞ۔
ﺑﻨﺪﺍﺕ ﺀَ ﮔُﻞ ﻣﺤﻤﺪ ﻭﻓﺎ ﺀَ ﭼﮧ ﺷﺸﻤﯽ ﮐﻼﺱ ﺀَ ﮔﻮﮞ ﺳﺎﺯﺀُ ﺯﯾﻤﺮ ﺀَ ﮬُﺐّ ﺑُﻮﺗﮓ ﺀُ ﮐﺮّ
ﺀُ ﮔْﻮﺭ ﺀِ ﻣﺮﺍﮔﺸﺎﻧﯽ ﺗﮩﺎ ﺑﮩﺮﺋﮯِ ﺯُﺭﺗﮓ۔ﮨﻤﮯ ﮬُﺐّ ﺀُ ﻭﺍﮬﮓ ﺀَ ﯾﺎﺯﺩﮨﻤﯽ ﮐﻼﺱ ﺀَ ﻭﺍﻧﮓ
ﺀِ ﻭﮬﺪ ﺀَ ﻭﻓﺎ ﺀَ ﺷﺎﻋﺮﯼ ﺑِﻨﺪﺍﺕ ﮐُﺖ۔ﺑﻠﺌﮯ ﮔﯿﺸﺘﺮﯾﮟ ﺭﮬﺸﻮﻧﯽ ﺍٓﺋﯽ ﺀَ ﭼﮧ
ﺑﺸﯿﺮﺑﯿﺪﺍﺭ ﺀَ ﺯُﺭﺕ۔
ﮔُﻞ ﻣﺤﺪ ﻭﻓﺎ ﮐﻮﻧﺸﮑﻼﺕ ﺀِ ﻧﻨﺪﻭﮐﮯ ﺗُﻤﭗﺀِ ﺍﺕ۔ﻣﺎﺳﭩﺮﮮ ﺍﺕ۔ﻣﺮﺩُﻣﺎﻧﯽ ﮔُﺸﮓ ﺍَﺕ
ﮐﮧ ﻭﻓﺎ ﺀِ ﮔﯿﺸﺘﺮ ﻭﮬﺪ ﮔﻮﮞ ﮔﻨﻮﮐﯽﺀَ ﮔْْﻮﺳﺘﮓ ﺍﺕ۔ﺳﺎﻝﺀِ ﺩﻭﺍﺯﺩﮬﯿﮟ ﻣﺎﮬﺎﻧﯽ ﺗﮩﺎ ﯾﮏ
ﻣﺎﮬﮯ ﺳﺎﺭ ﺍﺕ ﮔُﮍﺍ ﯾﺎﺯﺩﮬﯿﮟ ﻣﺎﮬﺎﮞ ﮔﻨﻮﮎ ﺍﺕ۔ﻭﻓﺎ ﺀِ ﮔﻨﻮﮐﯽ ﺍﻭﮞ ﭼﮧ ﺍﯾﺪﮔﮧ ﮔﻨﻮﮐﺎﮞ
ﺟﺘﺎﮬﯿﮟ ﮔﻨﻮﮐﯽ ﯾﮯ ﺍﺕ۔ﻭﻓﺎ ﺀَ ﮔﻮﮞ ﮐﺲ ﺀَ ﮬﺒﺮ ﻧﮧ ﮐُﺖ۔۔ﮨﺮ ﻭﮬﺪ ﺀَ ﭼِﻞّ ﺀَ ﭼِﻞّ
ﺍﺕ .........ﺑﻠﺌﮯ ﺍﮔﺎﮞ ﮔﻮﮞ ﮐﺴﮯ ﺀَ ﮬﺒﺮﮮ ﮐُﺖ ﮔُﮍﺍ ﻓﻼﺳﻔﺮﺍﻧﯽ ﻭﮌﺍ ۔۔۔
ﺳﮕﺮﯾﭧ ﺀِ ﺑُﻨﮉ ،ﺗﻤﺒﺎﮎ ﺀُ ﭼﺮﺱ ﮔﻮﮞ ﻭﻓﺎ ﺀَ ﮨﻤﮕْْﺮﻧﭻ ﺍِﺗﻨﺖ .................. ﺀُ
ﮔﯿﺸﺘﺮﺷﺎﻋﺮﯼ ﺍﻭﮞ ﮨﻤﮯ ﻭﮬﺪﺀَ ﮐُﺘﮓ ﺍﺕ ﺋﮯِ۔
ﻭﻓﺎ ؔ ﺀِ ﺯِﻧﺪ ﺀِ ﺑﺎﺯﯾﮟ ﺭﻧﮓ ﺀُ ﺩﺍﺑﮯ ﮔﻮﮞ ﺍُﺭﺩﻭ ﺀِ ﺩﯾﻮﺍﻧﮕﯿﮟ ﺷﺎﻋﺮ ﻣﯿﺮﺍﺟﯽ ؔ ﺀَ ﮔﻮﮞ
ﮨﻤﺪﭖ ﺀُ ﮨﻤﺮﻧﮓ ﺍِﻧﺖ۔
ﮔﻮﮞ ﻣﯿﺮﺍﺟﯽ ﺀَ ﮬﻢ ﺑﺎﺯﯾﮟ ﻗِﺼّﮧ ﮬﻤﮕْْﺮﻧﭻ ﺍَﻧﺖ۔ﺍٓﺋﯽ ﺀِ ﻧﻨﺪ ﺀُ ﭘﺎﺩ ﺍٓ ﺀُ ﺭﻭٔ ﺀُ ﺍٓ ﺩْْﺭﺳﺖ
ﻋﺠﺐ ﺍِﺗﻨﺖ۔ﺩْْﺭﺍﺟﯿﮟ ﻣُﻮﺩ، ﻣﺰﻧﯿﮟ ﺑَﺮﻭٔﺕ، ﮔُﭧّ ﺀَ ﭘُﻠّﺎﻧﯽ ﺳﮍﺗﮕﯿﮟ ﮬﺎﺭ، ﺩِﺭﺗﮕﯿﮟ
ﺷﯿﺮﻭﺍﻧﯽ،ﺳﺌﮯ ﺳﺌﮯ ﭘﺘﻠﻮﻥ ﯾﮏّ ﭘﺠّﯿﮓ ﺀَ ﭘﺎﺩﺍ،ﮐِﯿﺴﮓ ﮐﮧ ﭼِﻞّ ﺀُ ﭘﻮﻟﻨﮓ ﺳﮓّ ﺍِﺕ ﻧﮧ
ﮐُﺖ ﺍَﻧﺖ، ﮔُﮍﺍ ﮐﯿﺴﮓ ﺋﮯِ ﭼﭙّﯿﮓ ﮐُﺖ ﺍَﻧﺖ، ﺷﯿﺮﻭﺍﻧﯽ ﺀِ ﺩﻭﺋﯿﮟ ﮐﯿﺴﮕﺎﮞ ﺑﺎﺭﯾﮟ ﭼﮯ
ﭼﮯ ﻣﺎﻥ ﻧﯿﺴﺖ ﺍَﺕ۔ﮐﺎﮔﺪﺍﻧﯽ ﺑُﮑﭽﮧ ﺋﮯِ ﻣُﺪﺍﻡ ﺑﮕﻞ ﺀِ ﭼﯿﺮﺍ ﺍَﺕ۔ﺭﺍﮦ ﺀَ ﮐﮧ ﺭﻭٔﮒ ﺀَ
ﺍَﺕ ﮬﭽﺒﺮ ﭼﮏّ ﺋﮯِ ﻧﯽ ﺟﺖ، ﺗﭽﮏ ﺀَ ﺗﭽﮏ ﺷُﺖ۔ﺍٓ ﭼﮧ ﻭﺗﯽ ﻣﯿﺘﮓ ، ﻭﺗﯽ ﺩَﻣَﮓ ﺉُ
ﭼﺎﮔﺮﺩ ﺀَ ﻣُﺪﺍﻡ ﺑﯿﺰﺍﺭِﯾﮓ ﺍَﺕ۔ 38 ﺳﺎﻝ ﺀِ ﻋُﻤﺮ ﺀَ ﺑﯿﺮﺍﻥ ﺑُﻮﺕ۔ﺀُﻭﻓﺎؔ ﺀِﻋُﻤﺮ ﮨﻢ ﭼﮧ ﭼِﻞؔ
ﺳﺎﻝ ﺀَ ﮔﯿﺶ ﻧﮧ ﺍَﺕ۔ ﮔُﺶ ﺍَﻧﺖ ﮐﮧ ﻣﯿﺮﺍﺟﯽ ﭼﮧ ﻓﺮﺍﻧﺲ ﺀِ ﺷﭗ ﮔَﺮﺩ ﺗﺒﯿﮟ ﺷﺎﻋﺮ
ﭼﺎﺭﻟﺲ ﺑﻮﺩﻟﺌﯿﺮ ﺀَ ﺑﺎﺯ ﻣﺘﺎﺛﺮ ﺍَﺕ۔ﺑﻮﺩﻟﺌﯿﺮ ﺀَ ﻭﺗﯽ ﻧﺰّﯾﮏ ﺗﺮﯾﮟ ﻣﺮﺩُﻡ ﻣُﺪﺍﻡ ﺯَﮬﺮ
ﺑﺮﺍﺋﯿﻨﺖ ﺍَﻧﺖ ﺀُ ﻣﯿﺮﺍﺟﯽ ﮨﻢ ﭼﺮﺍﺋﯽ ﺀَ ﺗُﺸﮯ ﮐﻢّ ﻧﮧ ﺍَﺕ۔ﻣﯿﺮﺍ ﺟﯽ ﺀَ ﻭﺕ ﺑﻮﺩﻟﺌﯿﺮ
ﺀِ ﺑﺎﺭﻭﺍ ﻧﺒﺸﺘﮧ ﮐُﺘﮓ ﮐﮧ ﺍٓ ﺩَﺭ ﺳَﻤﺎ ‏) ﻻﺷﻌﻮﺭ ‏) ﺷﺎﻋﺮ ﺑُﻮﺗﮓ۔ ﺍٓ ﻧﻮﮐﯿﮟ ﻣﺎﺭِﺷﺖ، ﻧﻮﮐﯿﮟ
ﮔﺎﻟﻮﺍﺭ ﺀُ ﻧﻮﮐﯿﮟ ﺭﮬﺒﻨﺪﺍﻧﯽ ﺷﺎﻋﺮ ﺍَﺕ ﺀُ ﻣﯿﺮﺍ ﺟﯽ ﺀِ ﻭﺗﯽ ﺳﺎﭼﺸﺘﯽ ﺗﺐ ﺀِ ﺗﮩﺎ ﮨﻢ
ﺍﮮ ﺩْْﺭﺳﺖ ﻣﺎﻥ ﺍِﺗﻨﺖ۔
ﺩﻭﻣﯽ ﻧﯿﻤﮓ ﺀَ ﮐﮧ ﻣﺎ ﮔُﻞ ﻣﺤﻤﺪ ﻭﻓﺎ ؔ ﺀَ ﮔِﻨﺪﯾﮟ ﮔُﺸﺌﮯ ﻭﻓﺎ ؔ ﭼﮧ ﻣﯿﺮﺍ ﺟﯽ ﺀَﻣﺘﺎﺛﺮ
ﺑُﻮﺗﮓ ﺍﺕ ...... ﺀُ ﺑﺎﺯ ﺟ

ﺎﮔﮧ ﮔﻨﻮﮐﯽ ﺀَ ﭼﮧ ﻣﯿﺮﺍ ﺟﯽ ؔ ﺀَ ﮨﻢ ﺩﺳﺘﮯ ﮔْْﻮﺯﯾﺖ۔ﺩﻭ ﺩﻭ
ﺳﺎﮬﺖ ﺀَ ﻧﻨﺪﮒ ﺀُ ﭨﯿﻮﺏ ﻟﯿﭧ ﺀِ ﺗﯿﺰﯾﮟ ﺭُﮊﻧﺎﺋﯽ ﭼﺎﺭﮒ ....ﮔﺮﻡ ﺀِ ﭨﺎﮎ ﺀَ ﻣﭽﮑﺪﮒ ﺀُ
ﺑﺎﺯﺍﺭﮞ ﺗﺮّﮒ .....ﺗﺎﮞ ﺳﺌﮯ ﺳﺌﮯ ﻣﺎﮦ ﺀَ ﮐُﻮﭨﯽ ﯾﮯ ﺀَ ﻭﺕ ﺑﻨﺪ ﮐﻨَﮓ .... ﻧﺎﮞ ﺟﺎﻥ ﺀِ
ﺷﻮﺩﮒ ﺀِ ﺳُﺪّﮪ ﺀُ ﺳﻤﺎ ﻧﺎﮞ ﻭﺭﮒ ﺀُ ﭼﺮﮒ ﺀِ ......
ﮔُﻞ ﻣﺤﻤﺪ ﻭﻓﺎ ؔ ﭼﻮ ﮐﮧ ﺑﺸﯿﺮ ﺑﯿﺪﺍﺭ ؔ ﺀِ ﺷﺎﮔﺮﺩ ﺑُﻮﺗﮓ ﺀُ ﮬﻤﺴﺎﮬﮓ ﮬﻢ .....ﭘﻤﺸﮑﺎ ﻭﻓﺎ ؔ
ﻭﺍﺟﮧ ﺑﯿﺪﺍﺭ ؔ ﺀَ ﭼﻮﺵ ﻭﺗﯽ ﭼُﮑّﺎﻧﯽ ﻭﮌﺍ ﺩﻭﺳﺖ ﺩﺍﺷﺘﮓ ﭘﻤﺸﮑﺎ ﺍٓﺋﯽ ﺀَ ﺑﯿﺪﺍﺭ ؔ ﻭﺗﯽ
ﭘِﺖ ﻟﯿﮏ ﺍِﺗﮓ ﺀُ ﺑﯿﺪﺍﺭ ؔ ﺀِ ﻟﻮﮔﺒﺎﻧُﮏ ﻭﺗﯽ ﻣﺎﺕ۔ﺑﯿﺪﺍﺭ ؔ ﮔُﺸﯿﺖ ﻣﻨﯽ ﭘﺴﯿﻞ ﺀِ ﺗﮩﺎ ﯾﮏ
ﮐُﻮﭨﯽ ﯾﮯ ﺑُﻮﺗﮓ ﺗﺎﮞ ﺩﻭ ﻣﺎ ﺀَ ﻭﺕ ﺀَ ﮨﻤﮯ ﮐُﻮﭨﯽ ﺀِ ﺗﮩﺎ ﺑﻨﺪﺋﮯِ ﮐُﺘﮓ ﺀُ ﺳْْﯿﮧ ﭼﺎﮦ ﺀَ
ﭼﮧ ﺍﺑﯿﺪ ﺩِﮔﮧ ﮨﭻّ ﺋﮯِ ﻧﮧ ﻟُﻮﭦ ﺍِﺗﮓ ﺑﻠﺌﮯ ﺑﺮﮮ ﺑﺮﮮ ﮐﮧ ﻣﻦ ﺷُﺘﮕﺎﮞ ﺟُﺴﺖ ﮐُﺘﮓ
ﮔُﮍﺍ ﺳْْﯿﮧ ﭼﺎﮦ ﺀِ ﮬَﻮﺍﺭﯼ ﺀَ ﭼﺮﺱ ﺋﮯِ ﺍﻟّﻢ ﻟﻮﭦ ﺍِﺗﮓ ﮔُﮍﺍ ﻣﻦ ﮔُﺸﺘﮓ ﺳْْﯿﮧ ﭼﺎﮦ
ﮨﻤﯿﻨﭽﻮ ﺑْْﻮﺭﺋﮯ ﺑْْﻮﺭ ﺑﻠﺌﮯ ﭼﺮﺱ ﻣﮧ ﻟﻮﭦ .... ﮔُﮍﺍ ﻣﻨﯽ ﻋﺰّﺕ ﺋﮯِ ﮐُﺘﮓ ﮨﭻّ ﺋﮯِ ﻧﮧ
ﮔُﺸﺘﮓ۔
ﯾﮏ ﺭﻧﺪﺋﮯ ﺩﺷﺖ ﺀَ ﺭﻭٔﮒ ﺀَ ﺑﯿﺖ ﮐﮧ ﮨﻤﻮﺩﺍ ﺍﺳﮑﻮﻟﮯ ﺀَ ﭨﯿﭽﺮ ﺑﯿﺖ ﻧﯿﻤﺮﺍﮦ ﺀَ ﻣﻮﭨﺮ
ﺳﺎﺋﯿﮑﻞ ﯾﮯ ﺣﺮﺍﺏ ﺑﯿﺖ ....ﺟﻨﺖ ﺋﮯِ ﮈِﯾﻞ ﺋﮯِ ﺳُﻮﭼﯿﺖ ﺋﮯِ۔
ﯾﮑﺮﻧﺪﮮ ﺑﺎﻟﯿﭽﮧ ﺀَ ؔ ﻣﺠﯿﺪﻋﺎﺟﺰ ؔ ﺀُ ﺍٓﺋﯽ ﺀِ ﺳﻨﮕﺘﺎﮞ ﻟﺒﺰﺍﻧﮑﯽ ﻣﺮﺍﮔﺎﮬﮯ ﭨﮩﯿﻨﺘﮓ ﺍَﺕ ﺀُ
ﻣﺎ ﭼﮧ ﺗُﺮﺑﺖ ﺀَ ﺑﻠﻮﭼﺴﺘﺎﻥ ﺍﮐﯿﮉﻣﯽ ﺑﺎﺳﮏ ﺀُ ﻟﺒﺰﺍﻧﮑﯽ ﺳﻨﮕﺖ ﻟﻮﭨﺎﺋﯿﻨﮓ ﺑُﻮﺗﮓ
ﺍﺗﻨﺖ۔ ﻣﻦ، ﻏﻨﯽ ﭘﺮﻭﺍﺯ ؔ، ﺣﯿﺎﺕ ﺷﻮﮐﺖ، ﻇﻔﺮ ﺩﻭﺳﺖ ؔ، ﻧﺼﯿﺮ ﺩﯾﺪﺍﺭ ؔ ، ﻋﻠﯽ
ﻋﺎﺩﻝ ؔ ﺀُ ﺩﮔﮧ ﺑﺎﺯﯾﮟ ﺷﺎﻋﺮﮮ ﮬَﻮﺍﺭ ﺍَﺕ ﺀُ ﭼﮧ ﻧﺎﺻﺮ ﺍٓﺑﺎﺩ ﻗﺎﺿﯽ ﺳﻌﯿﺪ ﺻﺪﻑ ،
ﺭﻓﯿﻖ ﻋﺎﺟﺰ ﺀُ ﭼﮧ ﻣﻨﺪ ﺀَ ﻣﻨﯽ ﮬﯿﺎﻝ ﺀَ ﻧﺜﺎﺭ ﯾﻮﺳﻒ، ﺻﺪﯾﻖ ﺻﻼﺡ ، ﺍﺳﺤﺎﻕ ﻋﺎﺟﺰ
ﺀُ ﺍﮮ ﺩﮔﮧ ﺳﻨﮕﺖ ﮨﻢ ﺍﺗﮑﮓ ﺍِﺗﺎﮞ۔ ﻣﺎ ﺑﯿﭩﮭﮑﮯ ﺀَ ﻧﺸﺘﮓ ﺍِﺗﯿﮟ ﺩِﯾﻮﺍﻥ ﺑﺰّ
ﺍَﺕ ..... ﻟﺒﺰﺍﻧﮑﯽ ﺗْْﺮﺍﻥ ﺀُ ﺑﺎﻭﺳﺘﮯ ﺑِﻨﺎ ﺑُﻮﺗﮓ ﺍَﺕ ﺀُ ﻭﻓﺎ ؔ ﮨﻢ ﺩِﯾﻮﺍﻥ ﺀَ ﺳﺎﮌﯼ ﺍَﺕ ...
ﺍﻧﺎﮔﮧ ﺀَ ﻭﻓﺎ ؔ ﺀَ ﻏﻨﯽ ﭘﺮﻭﺍﺯ ؔ ﺀِ ﮔﭗّ ﺀِ ﺗﮩﺎ ﺩَﻭﺭ ﮐُﺖ ﺀُ ﮔُﺸﺖ ۔ِ
’’ ﻭﺍﺟﮧ ﭘﺮﻭﺍﺯ ؔ ﺑﺎﺭﯾﮟ ﮬﺎﺋﯿﮑﻮ ﻗﻮﺍﻟﯽ ﺑﯿﺖ ﯾﺎ ﻧﺎ؟ ‘‘
ﺩﯾﻮﺍﻥ ﺀِ ﺗﮩﺎ ﺣﺎﻣﻮﺷﯽ ﯾﮯ ﺀَ ﻣﺎﻧﺸﺎﻧﺖ ﺀُ ﮐﺲّ ﺀَ ﮨﭻ ﻧﮧ ﮔُﺸﺖ۔
ﻟﮩﺘﮯ ﺀَ ﭼﯿﺮﻭﮐﺎﺋﯽ ﮐﻨﺪ ﺍِﺕ۔
ﭘﺮﻭﺍﺯ ؔ ﺀَ ﮔﻮﮞ ﻭﺗﯽ ﮐﺶ ﺀِ ﻧﺸﺘﮕﯿﮟ ﻣﺮﺩُﻡ ﺀَ ﻟﮩﻢ ﻟﮩﻢ ﺀَ ﺩﺭّﺍﺋﯿﻨﺖ ۔ ’’ ﻣﻨﯽ ﺣﯿﺎﻝ ﺀَ
ﻭﻓﺎ ﻣﺮﭼﺎﮞ ﺳﺮ ﺀَ ﺑﺮﺍﺑﺮ ﻧﮧ ﺍِﻧﺖ ‘‘
ﯾﮏ ﻭﮬﺪﮮ ﻭﻓﺎ ؔ ﺀَ ﻭﺗﯽ ﭨﮭﮑﺎﻧﮧ ﻣﺎﮞ ﺗُﻤﭗ ﺀَ ﺩﺍﮞ ﺩﻭ ﺩﻭ ﻣﺎﮦ ﺀَ ﻣﻘﺒُﻮﻝ ﻣُﺒﺎﺭﮎ ؔ ﺀِ
ﺍﺳﻨﻮﮐﺮ ﺀِ ﮐُﻮﭨﯽ ﺀَ ﮐُﺘﮓ ﺍَﺕ۔
ﺑﺮﮮ ﺑﺮﮮ ﮐﮧ ﻣﺎ ﺑﯿﮕﺎﮬﺎﮞ ﮔﻮﮞ ﮐﺪّﮬﺎﮞ ﻧِﺸﺖ ﺀُ ﺩِﯾﻮﺍﻥ ﮐُﺖ ﮔُﮍﺍ ﻭﻓﺎ ؔ ﺍﻟّﻢ ﺀَ ﮔﻮﮞ
ﻭﺕ ﺀَ ﮨﻢ ﺩِﯾﻮﺍﻥ ﮐُﺖ .... ﮨﻢ ﺩﯾﻮﺍﻥ ﭼﮯ ....ﮔﭗّ ﺋﮯِ ﻭَ ﻧﮧ ﺟﺖ ....ﺑﻠﺌﮯ ﺑﺮﮮ
ﺑﺮﮮ ﺍﮔﺎﮞ ﮔﭗّ ﺋﮯِ ﮐﮧ ﺟﺖ ﺋﮯِ ﮔُﮍﺍ ﻣﺎ ﺗﺎﮞ ﺳﺠّﮩﯿﮟ ﻣﺎﮦ ﺀَ ﻭﻓﺎ ﺀِ ﮔﭗّ ﺀِ ﺳﺮﺍ ﮐﻨﺪ
ﺍِﺕ۔
ﯾﮏ ﺭﻭ ﭼﮯ ﮐﮧ ﻣﺎ ﺑﯿﮕﺎ ﮦ ﺀَ ﻧﺸﺘﮓ ﺍِﺗﯿﮟ ﻭﻓﺎ ؔ ﺀَ ﭼﻮ ﺩﺍﺋﻤﯽ ﻭﮌﺍ ﺣﺎﻣﻮﺵ ﺍَﺕ ﺀُ ﻭﺗﯽ
ﭘﯿﮓ ﯾﮯ ﺩﯾﻤﺎ ﺍَﺕ .... ﮐﺪّﮬﺎﮞ ﻣﺌﮯ ﮬﻮﺵ ﺀُ ﺳﻤﺎ ﮐﮧ ﺷِﻨﮕﯿﻨﺖ ، ﮔﭗّ ﺀُ ﮔﺎﻟﻮﺍﺭ ﮐﮧ
ﺑُﺮﺯ ﺑُﻮﺕ ﺍَﻧﺖ ﺗﮧ ﻭﻓﺎ ﺀَ ﻭﺗﯽ ﭘﯿﮓ ﺯُﺭﺕ ﺀُ ﺷُﺖ ﺀُ ﯾﮏّ ﮐِﺮّﺍ ﻧِﺸﺖ .... ﺀُ ﮔﻮﮞ ﺩِﯾﻮﺍﻝ
ﺀَ ﺗِﮑﮧ ﺋﮯِ ﺩﺍﺕ ﺀُ ﻭﺗﯽ ﭘﯿﮓ ﺋﮯِ ﭼﭙّﯽ ﮐﺶّ ﺀَ ﺍﯾﺮ ﮐُﺖ ....ﻣُﻮﻟُﮏ ﭼﻮّﺍ ؔ ﻧﺎﻣﯿﮟ ﻣﺮﺩﮮ
ﺍﺳﺖ ﮐﮧ ﮨﺮ ﻭﮬﺪ ﺀَ ﮔﻮﮞ ﻭﻓﺎ ﺀَ ﮔﻮﻥ ﺑُﻮﺗﮓ ﻭﻓﺎ ﺀِ ﺳﺎﺭﯼ ﺀِ ﺯﻣﺎﻧﮓ ﺀَ ﯾﺎ ﮔﻨﻮﮐﯽ ﺀِ
..... ﺍٓ ، ﺍﺗﮏ ﺀُ ﻭﻓﺎ ؔ ﺀِ ﭼﭙّﯽ ﮐﺶ ‏( ﮬﻤﮯ ﮐﺶّ ﺀَ ﺟﮧ ﭘﯿﮓ ﺍﯾﺮ ﺍﺕ ‏) ﺍَﺕ ﺀُ ﻧِﺸﺖ ﺀُ
ﺩﻣﺎﻧﮯ ﺀَ ﭘﺪ ﭼﮧ ﻭﻓﺎ ؔ ﺀِ ﭘﯿﮓ ﺀَ ﮔُﭧّ ﯾﮯ ﺗِﻨﮓ ﺍِﺕ ﺋﮯِ .... ﻭﻓﺎ ﺀَ ﻭﺗﯽ ﭘﯿﮓ ﭼِﺴﺖ
ﮐُﺖ ﺀُ ﺩﻭﻣﯽ ﮐﺶ ﺀَ ﺍﯾﺮ ﮐُﺖ ....ﺩﻣﺎﻧﮯ ﺀَ ﭘﺪ ﻣﻮﻟُﮏ ﺀَ ﮔُﺸﺖ ’’ ﻭﻓﺎ ؔ ﺩﺍﻧﮕﮯ
ﺳﮕﺮﯾﭧ ﺩﺋﮯ ﮔﻮﮞ ....‘‘ ﻭﻓﺎ ؔ ﺀَ ﻣﺌﮯ ﻧﯿﻤﮓ ﺀَ ﭼﺎﺭ ﺍِﺕ ﺀُ ﮔﻮﮞ ﻣﻘﺒﻮﻝ ﺀَ ﮔُﺸﺖ ﺋﮯِ :
’’ ﻣﻘﺒﻮﻝ ‘‘!
ﻣﻘﺒﻮﻝ ﺀَ ﮔﻮﮞ ﻭﺗﯽ ﺭﻭﺍﯾﺘﯽ ﺍﻧﺪﺍﺯ ﺀَ ﮔُﺸﺖ : ’’ﺟﯽ ﺳﺮ ‘‘
ﻭﻓﺎ ؔ ﺀَ ﮔُﺸﺖ ’’: ﻣﻘﺒﻮﻝ ﺗﻮ ﺍﺩﺍ ﺑِﭽﺎﺭ ﺍﮮ ﻣُﻠﮏ ﺀِ ﺳﭙﺎﮬﯿﮓ ﻣﺮﺩُﻡ ﺀَ ﺳﻮﻟُﮏ ‏( ﮐﺴﺎﻧﯿﮟ
ﺩْْﺭﭼﮑﮯ ‏) ﭼﯿﺮ ﺀِ ﻧﻨﺪﮒ ﺀَ ﺍﻭﮞ ﻧﺌﯿﻞ ﺍَﻧﺖ ‘‘۔
ﺩِﮔﮧ ﺭﻧﺪﮮ ﻣﻦ ، ﻣﻘﺒﻮﻝ ﺀُ ﺭﻓﯿﻖ ﻭﺍﭘﮉﮦ ﺀِ ﮈﻥّ ﺀَ ﻧﺸﺘﮓ ﺍِﺗﯿﮟ ﮔﻮﮞ ﮐﺪّﮬﺎﮞ ﺩِﯾﻮﺍﻥ ﮐُﺘﮓ
ﺍَﺕ ....ﺑﻠﺌﮯ ﺭﻓﯿﻖ ﮨﺮﭺ ﮔﭗّ ﺀِ ﺳﺮﺍ ﻭﺗﯽ ﺟِﮑّﺎﮞ ﭘﯿﺸﺪﺍﺭﮒ ﺀَ ﺍﺕ ﺀُ ﮐﻨﺪﮒ ﺀَ ﺍﺕ۔
ﻭﻓﺎ ؔ ﺀَ ﺍَﭼُﺴﺖ ﺀَ ﺩﺭّﺍﺋﯿﻨﺖ : ’’ ﺭﻓﯿﻖ ! ﺗﻮ ﮬﺎﻟﮑﻮ ﺀَ ﺯﺍﻥ ﺋﮯ ‘‘
ﺭﻓﯿﻖ ﺀِ ﮔﻮﺷﺎﮞ ﮐﭙﺖ ﺍﻟﮑﺤﻮﻝ، ﮔُﺸﺖ ﺋﮯِ ’’ ﮬﻮٔ ﻭﺍﺟﮧ ﺍﻟﮑﺤﻮﻝ ﮬﻤﯿﺶ ﺍِﻧﺖ ﮐﮧ
ﺷﺮﺍﺏ ﺀِ ﺗﮩﺎ ﻣﺎﻥ ﺍِﻧﺖ ‘‘
ﻭﻓﺎ ؔ ﺀَ ﮔُﺸﺖ ’’:ﺍِﻧّﺎﮞ .... ﮬﺎﻟﮑﻮ .... ﮬﻤﯿﺶ ﺍِﻧﺖ ﮐﮧ ﮐﻮٔﺭ ﺀَ ﺭُﺩﯾﺖ .... ﺗﺌﯽ
ﺩﻧﺘﺎﻧﺎﻧﯽ ﻭﺍﺳﺘﮧ ﮬﻤﮯ ﺷﺮّ ﺍِﻧﺖ ، ﮬﻤﯿﺸﯽﺀَ ﻭﺗﯽ ﺩﻧﺘﺎﻧﺎﮞ ﻟﮕﺎﺵ .... ﺗﻮ ﺷﺮﺍﺏ ﻣﮧ
ﻭﺭ ‘‘
ﺑﯿﭽﺎﺭﮔﯿﮟ ﺭﻓﯿﻖ ﮬُﺸﮏ ﺀُ ﺣﯿﺮﺍﻥ ﺑُﻮﺕ ﺀُ ﻣﺎ ﮬﻢ ....
ﺩِﮔﮧ ﺭﻧﺪﮮ ﻣﺎ ﺷﭗ ﺀَ ﺩﯾﺮﺍﮞ ﺗﺎﮞ ﻣﻘﺒﻮﻝ ﺀِ ﺍﺳﻨﻮﮐﺮ ﺀِ ﺳﺮﺍ ﻧﺸﺘﯿﮟ ﺀُ ﮔﻮﮞ ﮔﻼﺳﺎﮞ
ﻣﺠﻠﺲ ﮐُﺖ ﺷﭗ ﮐﮧ ﺑﮯ ﻭﮬﺪ ﺑُﻮﺕ ﻣﻘﺒﻮﻝ ﺀُ ﻗﯿﻮﻡ ﻻﺗﺎ ﺀَ ﮔُﺸﺖ ﮐﮧ ﻭﻓﺎ ؔ ﻣﺎ ﺗﺮﺍ
ﺳﺮ ﮐﻨﯿﮟ ﮔُﺸﯿﺖ ﺍِﻧّﺎ ﻣﻦ ﻭﺕ ﺭﻭﺍﮞ .... ﺍٓﮬﺎﮞ ﮔُﺸﺖ ﮐﮧ ﺑﮯ ﻭﮬﺪ ﺍِﻧﺖ ﻣﺎ ﺗﺮﺍ ﺳﺮ
ﮐﻨﯿﮟ ....ﮔُﮍﺍ ﺭﺍﺿﯽ ﺑُﻮﺕ ، ﻭﺕ ﺀُ ﻣﻘﺒﻮﻝ ﺀُ ﻻﺗﺎﺷُﺖ ﺍَﻧﺖ۔
ﺳُﮩﺐ ﺀَ ﻣﻘﺒﻮﻝ ﻗِﺼّﮧ ﮐﻨﺖ ﻣﺎ ﮐﮧ ﻭﻓﺎ ؔ ﮐﻮﻧﺸﮑﻼﺕ ﺀَ ﮔﯿﭧ ﺀِ ﺩﭖ ﺀَ ﺳﺮ ﮐُﺘﮓ ،
ﻣﻮﭨﺮ ﺳﺎﺋﯿﮑﻞ ﺋﮯِ ﭼﻤّﺎ ﭘﭻ ﮔﭙﺘﮓ ﺀُ ﻭﺕ ﮔﻮﮞ ﺳﺎﺋﯿﮑﻞ ﺀَ ﮔﯿﭧ ﺀَ ﭘُﺘﺮﺗﮓ ﺀُ ﮔﯿﭧ ﺋﮯِ
ﭼﮧ ﺗﮩﺎ ﺑﻨﺪ ﮐُﺘﮓ ﺀُ ﭼﮧ ﺩﯾﻮﺍﻝ ﺀَ ﺳﺮﺋﮯِ ﮐﺶّ ﺍِﺗﮓ ﺀُ ﮔُﺸﺘﮓ ’’... ﻭﺵّ ﺍِﻧﺖ ﻧُﻮﮞ ﺷُﻤﺎ
ﺑُﺮﻭ ﺍِﺕ ‘‘
ﻣﺎ ﺑﺎﺯ ﭘﺮﯾﺎﺕ ﺀُ ﺯﺍﺭﯼ ﮐُﺘﮓ ﮐﮧ ﻭﻓﺎ ؔ ﻣﺎ ﭼﮧ ﮐﻮﻧﺸﮑﻼﺕ ﺀَ ﺗﺎﮞ ﺗُﻤﭗ ﺀَ ﺷﭗ ﺀِ ﺳﺌﮯ
ﺑﺞ ﺀَ ﮐُﺠﺎ ﺭﻭﺋﯿﮟ .... ﺑﻠﺌﮯ ﻣﺌﮯ ﮬﭻ ﺣﺒﺮﮮ ﮔﻮﺵ ﻧﮧ ﺩﺍﺷﺘﮓ ، ﻣﺎ ﭘﺪﺍ ﭘﺎﺩﺍﻧﯽ
ﺷﭗ ﺀِ ﺳﺌﮯ ﺑﺞ ﺀَ ﮐﻮﻧﺸﮑﻼﺕ ﺀَ ﺗﺎﮞ

ﺗُﻤﭗ ﺀَ ﺍﺗﮑﮕﯿﮟ۔
ﻭﻓﺎ ؔ ﺀِ ﭼُﺸﯿﮟ ﻗِﺼّﮧ ﺑﺎﺯ ﺍَﻧﺖ ﺍﮔﺎﮞ ﺯِﻧﺪ ﺀَ ﻣﻮﮦ ﺩﺍﺕ ﺗﮧ ﺍﻟّﻢ ﺀَ ﻧﺒﺸﺘﮧ ﺍِﺵ ﮐﻨﺎﮞ
ﺑﻠﺌﮯ ﯾﮏ ﮔُﮍّﯼ ﻗِﺼّﮧ ﯾﮯ ﺍﻟّﻢ ﮐﺎﺭﺍﮞ ﮐﮧ ﮬﻤﮯ ﺩِﯾﻮﺍﻥ ﻣﻨﯽ ﺀُ ﻭﻓﺎ ؔ ﺀِ ﮔُﮉّﯼ ﺩِﯾﻮﺍﻥ
ﺍَﺕ۔
ﯾﮏ ﺑﯿﮕﺎﮬﮯ ﻣﻦ ، ﻣﻘﺒﻮﻝ، ﺷﮑﯿﻞ ، ﺭﺷﯿﺪ ﺀُ ﺩﮔﮧ ﻟﮩﺘﮯ ﺳﻨﮕﺖ ﺭﺷﯿﺪ ﺀِ ﮨﻮﭨﻞ ﺀِ ﺩﭖ
ﺀَ ﻧﺸﺘﮓ ﺍِﺗﯿﮟ ﺀُ ﺑﯿﮕﺎﮦ ﺀِ ﺷﻮٔﺭ ﺀَ ﺟﻨﮕﺎ ﺍِﺗﯿﮟ ﮐﮧ ﻭﻓﺎ ؔ ﮔﻮﮞ ﻭﺗﯽ ﮬُﻨﮉﺍﺋﯿﮟ ﻣﻮﭨﺮ
ﺳﺎﺋﯿﮑﻞ ﺀَ ﮔْْﻮﺳﺖ ... ﭼﺎﺩﺭﮮ ﮔُﭧّ ﺀَ ﭘﺘﺎﺗﮓ ﺍِﺕ ﺋﮯ ﺀُ ﺍﯾﺮﺍﻧﯽ ﮔﯿﺲ ﺳﯿﻠﯿﻨﮉﺭ ﺋﮯِ
ﻣﻮﭨﺮ ﺳﺎﺋﯿﮑﻞ ﺀِ ﭘُﺸﺖ ﺀَ ﺑﺴﺘﮓ ﺍِﺕ ﺋﮯِ .... ﻣﺎﺭﺍ ﮐﮧ ﺩﯾﺴﺖ ﺋﮯِ ﺍﻭﺷﺘﺎﺕ۔
ﻣﺎ ﮔُﺸﺖ ﻭﻓﺎ ؔ ﺑْْﯿﺎ ﺑﮧ ﻧﻨﺪ ﺩﯾﻮﺍﻥ ﯾﮯ ﮐﻨﯿﮟ ، ﮔُﺸﺖ ﺋﮯِ ’’ ﮔُﮍﺍ ﺷُﻤﺎ ﺷﺮﺍﺏ ﻭﺍﺭﯾﻦ
ﺋﮯ ‘‘۔ ﻣﺎ ﮔُﺸﺖ ﺩْْﺭﺳﺖ ﺑﯿﺖ ﺗﻮ ﺑْْﯿﺎ ﺀُ ﺑﺲّ .... ﮔُﺸﺖ ﺋﮯِ ﺭﻭﺍﮞ ﮐﻮﻧﺸﮑﻼﺕ ﺀَ
ﮔﯿﺲ ﺀَ ﺭﺳﯿﻨﺎﮞ ﮐﺎﯾﺎﮞ ....ﻣﺎ ﮔُﺸﺖ ﻭﻓﺎ ؔ ﺗﻮ ﮐﮧ ﺭﻭﺋﮯ ﭘﺪﺍ ﻧﯿﺎ ﺋﮯ .... ﮔُﺸﺖ ﺋﮯِ
ﻣﻨﯽ ﭼﺎﺩﺭ ﺀَ ﺑﮧ ﺩﺍﺭ ﺍِﺕ۔
ﺷﮑﯿﻞ ﺀَ ﭼﺎﺩﺭ ﺯُﺭﺕ۔
ﻧﯿﻢ ﺳﺎﮬﺖ ﻧﮧ ﮔْْﻮﺳﺖ ﻭﻓﺎ ؔ ﺍﺗﮏ۔
ﺩِﯾﻮﺍﻥ ﺟﻢ ﺍِﺕ ....ﺍﮮ ﺭﻭﭺ ﺀَ ﻣﺎ ﺑﺎﺯ ﺟُﺴﺖ ﺀُ ﭘُﺮﺱ ﮐُﺖ، ﺩﯾﻮﺍﻥ ﮐﮧ ﮔﺮﻡ ﮔِﭙﺖ
ﺩﻟﻤﺮﺍﺩ ؔ ﮬﻤﺒﻞ ﺑْْﯿﺎ ﺀُ ﺑﮧ ﺭﺱ .... ﮬﻤﺒﻞ ؔ ﺀَ ﭼﮧ ﻭﻓﺎ ؔ ﺀَ ﺑﺎﺯﯾﮟ ﺍﻭﭦ ﭘﭩﺎﻧﮕﯿﮟ ﺟُﺴﺖ ﺀُ
ﭘُﺮﺱ ﮐُﺖ ...ﺑﻠﺌﮯ ﯾﮏ ﺟُﺴﺘﮯ ﺀَ ﻣﺎﺭﺍ ﮬﺠﮑّﮧ ﮐُﺖ ۔ ﺟُﺴﺖ ﺋﮯ ﮐُﺖ ﻭﻓﺎ ؔ !
ﻧﮑﻠﻨﺎ ﺧُﻠﺪ ﺳﮯ ﺍٓﺩﻡ ﮐﺎ ﺳُﻨﺘﮯ ﺍٓﺋﮯ ﺗﮭﮯ ﻟﯿﮑﻦ
ﺑُﮩﺖ ﺑﮯ ﺍٓﺑﺮﻭ ﮨﻮﮐﺮ ﺗِﺮﮮ ﮐُﻮﭼﮯ ﺳﮯ ﮨﻢ ﻧﮑﻠﮯ
ﺍﯾﺸﯽ ﺀِ ﻣﻌﻨﺎ ﭼﯽ ﺍِﻧﺖ۔
ﯾﮑﺒﺮﮮ ﻭﻓﺎ ؔ ﺀَ ﻧﺮﻡ ﻧﺮﻡ ﺀَ ﮔﭗّ ﺟﺖ ﮐﮧ ’’ ﺍٓﺩﻡ ﺟﻨّﺖ ﺀِ ﮐﻤﺎﻧﮉﺭﮮ ﺑُﻮﺗﮓ ﺀُ ﺍٓﺋﯽ ﺀِ
ﺑﺎﺯﯾﮟ ﺳﭙﺎﮬﯿﮓ ﺑُﻮﺗﮓ ﺍَﻧﺖ ﺀُ ﭘﺪﺍ ﭼﮧ ﺟﻨّﺖ ﺀَ ﺩﺭ ﮐﺸّﮓ ﺑُﻮﺗﮓ ﺀُ ﺷُﻤﺌﮯ ﭘﯿﻤﯿﮟ
ﻧﺎﻻﺋﻘﺎﮞ ﺭَﺩ ﺩﺍﺗﮓ ...... ‏( ﺣﺒﺮ ﮐﻨﺎﻥ ﺑُﻮﺕ ﺀُ ﻟﮩﺘﮯ ﺯﺍﮬﮯ ﮬﻢ ﮬﻤﺒﻞ ﺀَ ﺩﺍﺕ ‏) ﻭﻓﺎ ؔ ﺀِ
ﭨﻮﻥ ﮐﮧ ﺑُﺮﺯ ﺑﻮﮬﺎﻥ ﺑُﻮﺕ ﻣﻦ ﺀَ ﺷﮑﯿﻞ ﺀَ ﺍِﺷﺎﺭﮦ ﮐُﺖ ﻣﺎ ﭘﺎﺩ ﺍﺗﮑﯿﮟﺀُ ﺩﻭﻣﯽ ﮐُﻮﭨﯽ ﺀَ
ﺷُﺘﯿﮟ ﺑﻠﺌﮯ ﮬﻤﺒﻞ ﭘﺎﺩ ﻧﮧ ﯾﺘﮏ ....
ﺩﻣﺎﻧﮯ ﺀَ ﭘﺪ ﻣﺎﺭﺍ ﺭﺷﯿﺪ ﺀَ ﺗﻮﺍﺭ ﺟﺖ ﮐﮧ ﺑﯿﺎ ﺍِﺕ ﻭﻓﺎ ؔ ﺀَ ﮬﻤﺒﻞ ﮔﻮﮞ ﻟﭩّﺎﮞ ﻣﺎﻥ
ﺑﺴﺘﮓ۔
ﻣﺎ ﮐﮧ ﺷُﺘﯿﮟ ﭼﺎﺭﯾﮟ ﮬﻮٔ .... ﻭﻓﺎ ؔ ﺀَ ﻟﭧّ ﯾﮯ ﺩﺳﺖ ﺀَ ﺍِﻧﺖ ﺍﻭﺷﺘﺎﺗﮓ ﺀُ ......ﮬﻤﺒﻞ
ﻣُﺮﻏﺎ ﺍِﻧﺖ۔
ﮬﻤﮯ ﺩﻭٔﺭ ﺀُ ﺯﻣﺎﻧﮓ ﺀِ ﻭﻓﺎ ؔ ﺀِ ﻗِﺼّﮧ ﺑﺎﺯ ﺍَﻧﺖ .... ﺀُ ﺷﮩﯿﺪﯾﮟ ﻣﯿﺮ ﺟﺎﻥ ﻣﯿﺮﻝ ؔ ﻣُﺪﺍﻡ
ﮔﻮﮞ ﻭﻓﺎ ؔ ﺀَ ﮬﻤﺮﺍﮦ ﺑُﻮﺗﮓ .....ﺍٓﺋﯽ ﺀَ ﮔﻮﮞ ﻣﻦ ﯾﮏ ﺭﻧﺪﮮ ﻗِﺼّﮧ ﮐُﺖ ﮐﮧ ﭼﮧ ﺗﯿﺎﺏ
ﮔْْﻮﺭﺍ ﻣﺮﺩﮮ ﺍﺗﮑﮓ ﻭﻓﺎ ؔ ﺀَ .... ﻭﻓﺎ ﺀَ ﮔُﺸﺘﮓ ﺑُﺮﻭ ﻣﻦ ﭼﺎﺭﮒ ﻧﮧ ﻟُﻮﭨﺎﮞ ﺑﻠﺌﮯ ﮔﭙﺘﮓ ﺀُ
ﺩﺍﺷﺘﮓ ﺋﮯ ﮐﮧ ﻭﻓﺎ ﻣﻦ ﺗﺌﯽ ﭼﺎﺭﮒ ﺀَ ﺍﺗﮑﮕﺎﮞ .... ﻭﻓﺎ ﭘﺎﺩ ﺍﺗﮑﮓ ﺀُ ﮐُﻮﭨﯽ ﺀِ ﺗﺎﮐﭽﮧ
ﺩﺭﯾﮓ ﺀُ ﺩﺭﻭﺍﺯﮒ ﺋﮯ ِ ﺑﺴﺘﮓ ﺍَﻧﺖ ﺀُ ﻣﺮﺩﺋﮯِ ﮔﻮﮞ ﭼَﻮّﭨﺎﮞ ﻣﺎﻥ ﺑﺴﺘﮓ ﮐﮧ ﺩﺭﺍ ﺀُ ﺑُﺮﻭ
... ﻣﯿﺮﺟﺎﻥ ﮔُﺸﯿﺖ ﮐﮧ ﻣﻦ ﭘﮧ ﻋﺰﺍﺏ ﺀُ ﺭُﺯﻭﺍﺋﯽ ﻣﺮﺩ ﭼﮧ ﻭﻓﺎ ﺀِ ﺩﺳﺖ ﺀَ ﭘﭻ ﮔِﭙﺘﮓ۔
ﻭﻓﺎ ؔ ﺩِﯾﻮﺍﻧﮓ ﺍَﺕ ﺑﻠﺌﮯ ﮬﻤﮯ ﺯﻣﺎﻧﮓ ﺀِ ﻭﻓﺎ ؔ ﯾﺎﺗﮕﺎﺭﯾﮟ ﺩﺳﺘﻮﻧﮏ ﮬﻢ ﺑﺎﺯ ﺍَﻧﺖ ﮐﮧ
ﻧﺒﺸﺘﮧ ﺋﮯِ ﮐُﺘﮓ ﺍَﻧﺖ .... ﻣﺮﺩُﻡ ﺀَ ﯾﻘﯿﻦ ﻧﮧ ﮐﻨﺖ ﮐﮧ ﻭﻓﺎ ؔ ﺀَ ﺑﮯ ﺳﻤﺎﺋﯽ ﺀَ ﭼﻮﻥ
ﭼُﺸﯿﮟ ﺷﻌﺮ ﻧﺒﺸﺘﮧ ﮐُﺘﮓ۔
ﺑﻨﺖ ﺳﺮّﯾﭻ ﺍﮔﺎﮞ ﮐﯿﻒ ﭼﮧ ﺩِﯾﺪﮔﺎﮞ
ﻭﮬﺪ ﻭﮬﺪ ﺀِ ﺳﺮ ﺍ ﺗﮧ ﺍَﻣُّﻼﮞ ﺑﭽﺎﺭ
ﮔﻮﻧﺪﻻﻧﯽ ﺩﭖ ﺀَ ﮐﻮﮬﯿﮟ ﺑﻮﻻﻥ ﺑﻨﺖ
ﭘﺮﺷﺘﮕﯿﮟ ﻣﯿﺘﮓ ﺀِ ﻧﻘﺸﯿﮟ ﮐُﻠّﺎﮞ ﺑﭽﺎﺭ
ﮬُﻮﺭﺕ ﺀُ ﮬﺎﺭﺕ ﺍِﻧﺖ ﻭﻓﺎ ؔ ﭼﯿﻨﭽﻮ ﻣﺎﺭِﺷﺖ ﻣﻨﯽ
ﮐَﮩﺖ ﮈﻥّ ﺀُ ﺩَﺭﺍﮞ ﺑِﺮْْﮎ ﭼُﻠّﺎﮞ ﺑﭽﺎﺭ
ﮬﻤﯿﻨﭽُﮏ ﻣﺎﻧﮕﯿﺸّﮓ ﺀُ ﺍﻧﺪﺭﯼ ﭘﮕﺮ ﻣﯿﺮﺍﺟﯽ ؔ ﺀِ ﺷﺎﻋﺮﯼ ﺀِ ﺗﮩﺎ ﭼﯿﺮ ﺀُ ﺍﻧﺪﺭ ﺍِﻧﺖ ﺩﻭ
ﮬﻤﯿﻨﭽﻮ ﻭﻓﺎ ؔ ﺀِ ﺷﺎﻋﺮﯼ ﺀِ ﺗﮩﺎ ﺍَﺳﺖ۔
ﻣﯿﺮﺍﺟﯽ ﮔُﺸﯿﺖ
ﮨﺮ ﺟﮕﮧ ﺣُﺴﻦ ِ ﻓﺰﻭﮞ ﺍﭘﻨﯽ ﻣﮩﮏ ﺩﯾﺘﺎ ﮨﮯ
ﺑﺎﻋﺚِ ﺯﯾﻨﺖِ ﮔُﻞ ﺗﻮﻗﺪِ ﺷﻤﺸﺎﺩ ﻧﮩﯿﮟ
ﻭﻓﺎ ﮔُﺸﯿﺖ
ﺍﮮ ﻣﻨﯽ ﺑﯿﮕﮧ ﺀِ ﺷﺒﻨﺪﯾﮟ ﻏﻢ
ﻧﻮﺵ ﮐﻨﺖ ﻣﺎﺭ ﺳﺮﺍﮞ ﺯﮬﯿﺮﺍﻧﯽ
ﺩِﮔﮧ ﺟﺎﮬﮯ ﮔُﺸﯿﺖ
ﺷﯿﺸﮕﮯ ﻭﺍﺱ ﺍِﺗﮓ ﻣﻼﺭ ﻧﮧ ﮐﻨﺖ
ﻭﺷّﯿﺎﮞ ﺑِﻞّ ﮐﮧ ﻏﻢ ﮬَﻮﺍﺭ ﻧﮧ ﮐﻨﺖ
ﺭُﮊﻥ ﺑﻨﺪﺍﻥ ﺍِﻧﺖ ﻣﮩﻠﻘﺎﺀِ ﺷﭗ
ﮨﺮﮐﺴﯽ ﻭﺍﺳﺘﮧ ﺑﺎﻣﺴﺎﺭ ﻧﮧ ﮐﻨﺖ
ﻣﯿﺮﺍﺟﯽ ﮔُﺸﯿﺖ
ﻋﺸﺮﺕِ ﺣُﺴﻦِ ﻧﻈﺮ ﮨﮯ ﺑﺎﺯ ﮔَﺸﺖ
ﺍﻭﺭ ﺗﻔﮑّﺮ ﺍِﮎ ﻓﺮﯾﺐِ ﺭﺍﺋﯿﮕﺎﮞ
ﮐﯿﻮﮞ ﻧﮧ ﯾﮧ ﺗﺎﺭِ ﺭﮒِ ﺟﺎﮞ ﺗﻮﮌﺋﯿﮯ
ﺩﯾﮑﮭﺌﮯ ﭘِﮭﺮ ﮐﯿﻮﮞ ﻧﮧ ﻋﯿﺶ ﺀِ ﺟﺎﻭِﺩﺍﮞ
ﻭﻓﺎ ؔ ﺀَ ﺳﺌﯿﻞ ﮐﻦ
ﻣﺌﮯ ﺍٓﺗْﺮﺍﭖ ﺀَ ﻧﺌﯿﺖ ﺑْْﺮﻣﺶ ﺀُ ﺗﻮﺍﺭﮮ
ﭼﯿﺎ ﮐﮧ ﮐﭙّﯽ ﭼُﻨﮉﯼ ﺯِﻧﺪﻣﺎﻥ ﺍِﻧﺖ
ﮐﺞﺀِ ﻣﻮﻟﻢ ﭘﺪﺍ ﺑﯿﮕﺎﮦ ﺀِ ﺯَﺭﺩﯼ
ﺳﺮ ﺀَ ﺟﻤﺒُﻮﺭﯾﮟ ﮔﺮﻣﮯ ﺍﯾﺮ ﺭِﭼﺎﻥ ﺍِﻧﺖ
ﻭﻓﺎ ؔ ﺀِ ﺷﺎﻋﺮﯼ ﺀِ ﺳﺮﺍ ﺑﺎﺯ ﻧﺒﺸﺘﮧ ﺑُﻮﺕ ﮐﻨﺖ ﺀُ ﺍﮮ ﻣﻨﯽ ﻭﮌﯾﮟ ﻟﺒﺰﺍﻧﮑﯽ ﮬﭻ ﻣﮧ
ﺯﺍﻧﺘﮯ ﺀِ ﮐﺎﺭ ﻧﮧ ﺍِﻧﺖ .... ﻭﻓﺎ ؔ ﺀِ ﺷﻌﺮﯼ ﺷﮩﺎﺭ ﺳﮏّ ﺩْْﺭﺍﺝ ﺀُ ﺷﺎﮬﮕﺎﻥ ﺍِﻧﺖ۔
ﻭﻓﺎ ﻭﺗﯽ ﻋﮩﺪ ﺀِ ﺀُ ﺭﻧﺪ ﺀِ ﺩﺳﺘﻮﻧﮏ ﺀِ ﺷﺎﻋﺮﺍﮞ ﭼﮧ ﭘﻤﺸﮑﺎ ﺟﺘﺎ ﺍِﻧﺖ ﮐﮧ ﺳﺴﺎﺳﺎﭺ ﺀِ
ﮔﯿﭽﻨﯽ ﻧﮕﺎﮨﺎﮞ ﺍﮔﺎﮞ ﭼﺎﺭﮒ ﺑﮧ ﺑﯿﺖ ﺗﮧ ﻭﻓﺎ ﺀِ ﺷﻌﺮﯼ ﺑﺴﺘﺎﺭ ﻣﺰﻥ ﺍِﻧﺖ۔ﺩﺳﺘﻮﻧﮏﺀَ
ﺍﺑﯿﺪ ﻭﻓﺎ ﺀِ ﻧﺒﺸﺘﮧ ﮐُﺘﮕﯿﮟ ﻟﭽّﮧ ﺍﻭﮞ ﮨﻤﯿﻨﭽﻮ ﺍﺭﺯﺷﺖ ﺩﺍﺭﻧﺖ۔ﻭﻓﺎ ﺀِ ﯾﮏ ﻟﭽّﮧ ﯾﮯ۔
2000ﺀِﻧﺎﻡﺀَ
ﺷِﻨﮓ ﺍِﺕ ﺭﮨﺴﺮﺍﮞ ﮔﮯﻭﺍﺭﮮ
ﺩﺳﺘﻮﮞ ﺩﻟﺠﻤﯿﮟ ﺑﺎﺯﺍﺭﮮ
ﺷﺎﺭﺀِ ﭘﻠّﻮﺀَ ﺷﭗ ﺟﺖ ﻣﺎ
ﻣﻮﺳﻢ ﺍﻭﮞ ﻏﻤﺎﻧﯽ ﺑﺎﺭﮮ
ﻣﻠﮕﻮﺭﺍﮞ ﺯﮨﯿﺮﺀِ ﺍﻣﺒﺎﺯ
ﺗﮩﻨﺎ ﺑﮯ ﻧﻘﺎﺏ ﻣِﮩﺮﺀِ ﺳﺎﺯ
ﭼﻤّﺎﻧﯽ ﺷُﮩﺎﺯ ﺑﮭﻨﮕﺎﻧﯽ
ﮨﻤﮑﺪّﺀِ ﮔﺮﻭﮐﺎﮞ ﺷﯿﻤﺎﺯ
ﺍﻣﺮﻭﺯﺀِ ﻭﺗﯽ ﻣﺌﯿﻞ ﯾﮯ ﺑﺲ
ﻣﺌﮯ ﭘﯿﻤﺎ ﻧﺰﺍﻧﺖ ﺍِﻧﺖ ﮨﭻ ﮐﺲ
ﺑﯿﺎ ﺍِﺕ ﮨﻤﺒﻞﺀُ ﺑﯿﻠﯽ ﺍٓﮞ
ﭼﺎﺭﮮﮞ ﭼﮯ ﺷُﻤﺌﮯ ﻭﺍﮎﺀُ ﻭﺱ
ﺍﺗﮑﮓ ﺩﻟﺠﻤﯿﮟ ﺑﺎﺭﮮﮔﮯ
ﺍٓﺗﺎﺭ ﮨﺮ ﺩﻣﮓ ﭼﻮ ﺟﯿﮕﮯ
ﺑﺮﺍﮦ ﺍِﺕ ﭼﻨﺪﻧﯿﮟ ﺑﺎﻻﺩﺍﮞ
ﻗﺮﺑﺎﻥ ﺑﺎﺕ ﺩﮔﮧ ﺍٓﺳﯿﮕﮯ
ﻟﻮﭨﯿﺖ ﻣﺎﮬﻠﯿﮟ ﻣﮩﮕﻮﻧﮓ
ﭘﻦّﺀُ ﺍٓﻣﮍﺀُ ﭼﻢ ﺳﺮﻣﮓ
ﺩﺳﺖﺀِ ﭼﻮﮌﯼﺀُ ﯾﺎﮐﻮﺗﺎﮞ
ﺍٓﺭﺕﺀِ ﻧﺎﻥ ﭘﭻﺀُ ﭘﺮﺯﻭﻧﮓ
ﺍٓﺯﺍﺗﮯﮞ ﺩِﻝﺀِ ﻭﺕ ﺑﺮْﺍﺗﯽ
ﻣِﮩﺮﺀُ ﻣﻮﺳﻢﺀِ ﺍٓﺯﺍﺗﯽ
ﭨﺎﻟﮯ ﺗﺮﺍﻧﮓﺀِ ﺩﺭْﭼﮏﺀِ ﮐﭙﺖ
ﺟﺎﮦ ﺍﻭﮞ ﺭﻓﺘﮓ ﺍَﻧﺖ ﺳﻮﻏﺎﺗﯽ
ﺍﻭﺳﺖﺀِ ﻣﮩﻠﺒﯿﮟ ﻣﺎﮌﯼ ﺍٓﮞ
ﺍٓﺭﻭﺳﯽ ﺩُﻥﺀُ ﺳﺎﮌﯼ ﺍٓﮞ
ﮈﯾﮩﮧﺀِ ﻣﺎﮨﻞﺀُ ﻣﮩﺮﻧﮕﺎﮞ
ﺩُﺭّﺀُ ﮬﺘّﻞﺀُ ﺑﺎﮌﯼ ﺍٓﮞ
ﺍٓ ﮐﮧ ﻣﮩﻮﺵﺀِ ﺩﺭﮔﺎﮦ ﺍِﻧﺖ
ﺳُ

ﮩﺐﺀُ ﺩﯾﮕﺮﺀُ ﺑﯿﮕﺎﮦ ﺍِﻧﺖ
ﻣﺴﺘﯽ ﺩُﺭﺩﭘﯿﮟ ﮐﺎﮌﺍﮞ ﮔﻮﮞ
ﻧﺎﭺﺀُ ﺳُﮩﺒﺖﺀُ ﺳُﺮﻧﺎﮦ ﺍِﻧﺖ
ﻭﭘﺖﺀُ ﻭﺍﺏ ﺷﭗﺀُ ﺭﻭﭼﺎﻧﯽ
ﭘُﭻّﺀُ ﭘُﻠﮕﺪﯾﮟ ﺩﻭﭼﺎﻧﯽ
ﺭﻧﺠﯿﺖ ﮨﺮ ﺩﻣﺎﻥﺀُ ﮨﺮ ﭘﺎﺱ
ﺳﺎﭺ ﺍَﻧﺖ ﭼﻮ ﻟﻮﺍﺭ ﺳﻮﭼﺎﻧﯽ
٭٭٭
ﺑﭽﺎﺭﮐﮧ ﻭﻓﺎ ﺀَ ﻧﻮﮐﯿﮟ ﮐﺮﻥ ﺀِ ﻧﺪﺍﺭﮒ ﮐﺸّﯽ ﭼﻮﻥ ﮐُﺘﮓ؟ﻭﻓﺎ ﺀِ ﮔﻨﻮﮐﯽ ﺀَ ﺍٓﺋﯽ ﺀَ ﺍﮮ
ﻣﺎﺭﺷﺖ ﺩﺍﺗﮓ ﮐﮧ ﺍﮔﺎﮞ ﭼﺎﮔﺮﺩ ﺀَ ﭼﮧ ﻧﺰّﯾﮏ ﺀَ ﮔِﻨﺪﮒ ﺀُ ﭘﮩﻤﮓ ﻟﻮﭦ ﺋﮯ ﮔُﮍﺍ ﭼﺎﮔﺮﺩ ﺀِ
ﻭﮌﺍﮔﻨﻮﮎ ﺑﻮﮬﮕﯽ ﺍِﻧﺖ۔ ﻭﻓﺎ ﺀِ ﻧِﺰ ﺀَ ﺍﮔﺎﮞ ﭼﮧ ﺯِﻧﺪﺀَ ﺩﺭﺩ ﺀِ ﻣﯿﺮﺍﺙ ﭘُﻠﮓ ﺑﮧ ﺑﻨﺖ ﺗﮧ
ﻣﺮﺩُﻡ ﯾﮏ ﺳِﻨﮕﮯ ﺟﻮﮌ ﺑﯿﺖ۔ﻭﻓﺎ ﺀِ ﮐِﺮّﺍﮐُﭽّﻠﯿﮟ ﺯِﻧﺪ ﺑﻨﯿﺎﺩﻡ ﺀِ ﺯِﻧﺪ ﺀِ ﮨﻤﺎ ﺳﮩﺘﺎﮞ ﭼﮧ
ﮔﯿﺶ ﺍﺭﺯﺷﺖ ﺩﺍﺭﯾﺖ ﮐﮧ ﺍﻭﺩﺍ ﻣﺮﺩُﻡ ﺳِﻨﮕﮯ ﺟﻮﮌ ﺑﯿﺖ ﯾﺎ ﺑﮯ ﻣﻌﻨﺎﮬﯿﮟ ﻭﺍﺑﮯ ﺟﻮﮌ
ﺑﯿﺖ۔ﺩُﻧﯿﺎ ﺀِ ﺗﮩﺎ ﻏﻢ ﺀُ ﺍﻧﺪﻭﮨﺎﻧﯽ ﺩﯾﻤﭙﺎﻧﯿﮟ ﻣﺮﺩُﻡ ﺍٓﺋﯽ ﺀِ ﮬﯿﺎﻝ ﺀَ ﺑﻨﯿﺎﺩﻣﯽ ﺀِ ﻣﻌﺮﺍﺝ ﺀَ
ﺳﺮ ﺍَﻧﺖ۔
ﻣﺮﭼﯽ ﺑﻠﻮﭼﯽ ﺩﺳﺘﻮﻧﮏ ﺀِ ﺟُﻨﺰ ﺀَ ﻭﺕ ﺍٓﺋﯽ ﺀِ ﻣﻨﺰﻝ ﺀِ ﻧﺸﺎﻥ ﺀُ ﭼﯿﺪ ﺩﺭﮔﯿﺘﮑﮓ ﺍَﻧﺖﺀُ
ﻭﻓﺎ ؔ ﮨﻤﮯ ﭼﯿﺪ ﮒﺀُ ﻧﺸﺎﻧﺎﮞ ﭼﮧ ﺩﯾﻤﺘﺮ ﺍﻭﺷﺘﺎﺗﮓ۔
ِﺀﺩﺭﺯﻭﺭؔ ﺑﺮْْﻣﺶﺀُ ﺑﺮﺍﻧﺰﺍﮞﺪﺭْﭼﮑﺎﻧﯽ ﺳﺎﮬﮓﺀَ ﮔُﺸﺖ
ﺑﺎﻧﺪﺍ ﺩﻭ ﺑﺮ ﮬﻤﮯ ﻭﮨﺪ ﺑﯿﮕﺎﮦ ﻣﻨﺎ ﺭﺳﯿﻨﯿﺖ
٭ٌ
ﻭﺍﮬﮕﺎﮞ ﺍﻭﮞ ﺟﺎﺭ ﺯُﺭﺗﮓ ﮐُﺸﺖ ﺀ ُ ﮐﻮﺷﺎﻧﯽ ﺩﺭﺀَ
ﺳﮯﺍﮬﮕﮯ ﺳﮯﺍﮨﯽ ﺭﺟﺎﻥ ﺍِﻧﺖ ﮔﺮﻧﺪﺀُ ﺑﯿﺮﺀِ ﺳﺎﮬﮓﺀِ
*
ﮨﻮﺵﺀُ ﺍﯾﺮﻣﺎﺩ ﺍﮔﺎﮞ ﺳﺎﺭ ﮐﮧ ﻣﺴﺘﺎﮞ ﺑﺪﯾﺎﮞ
ﭘْﺮْﺷﺘﮕﯿﮟ ﺑﺎﻝﺀُ ﭘﺮﺍﮞ ﮔُﺶ ﮐﺌﯽ ﺩﺳﺘﺎﮞ ﺑﺪﯾﺎﮞ
ﺳﺠﺪﮬﮯ ﺑﻠﮑﻦﺀَ ﮐﻨﺖ ﺍٓ ﭘﮧ ﺑﮩﺸﺖﺀِ ﺍﯾﻤﺎﻥ
ﺗﺌﯽ ﮬﮯﺍﻻﻧﯽ ﺗﺐﺀَ ﺩﯾﻦ ﭘﺮﺳﺘﺎﮞ ﺑﺪﯾﺎﮞ
٭
ﻭﺗﯽ ﺍٓﺱﺀِ ﺗﻮﺳﮓﺀَ ﭼﺘﻮ ﺍﺭﺱ ﮔﻮْﺍﺭﯾﮟ ﻣﺎ
ﺗﻮﭘﺎﻥﺀَ ﺑﺮﺗﮕﯿﮟ ﭼﻮ ﺩﯾﻮﺍﻝﺀَ ﭘﺮْﺷﺘﮕﯿﮟ
٭
ﮔﻮﮞ ﭼﺮﮮ ﺩﺳﺘﻮﻧﮑﺎﻧﯽ ﻟﮩﺘﮯ ﺑﻨﺪﺍﮞ ﻣﺎ ﺍﭨﮑﻞ ﺟﺖ ﮐﻨﯿﮟ ﮐﮧ ﻭﻓﺎ ﺀِ ﺟﻨﺪ ﺀِ
ﺩﺭﺷﺎﻧﺪﺍﺏ ﭼﮧ ﺍﯾﺪﮔﮧ ﺷﺎﻋﺮﮞ ﭼﯿﻨﭽﻮ ﭘّﯿﮏ ﺀُ ﮔِﺴﺘﺎ ﺍِﻧﺖ۔ﺍٓﺋﯽ ﺀِ ﮐِﺮّﺍ ﺭَﺑﯿﺖ ﺍﻭﮞ ﺯﻧﺪﮒ
ﺍَﻧﺖ ﺀُ ﺍٓ ﻧﻮﮐﯿﮟ ﺯﻣﺎﻧﮓ ﺀِ ﻟﻮﭨﺎﮞ ﺍﻭﮞ ﻣﺎﺭﯾﺖ۔ﮨﻤﺎ ﻭﮬﺪ ﺀَ ﮐﮧ ﻭﻓﺎ ﺀَ ﺷﺎﻋﺮﯼ ﺑِﻨﺪﺍﺕ
ﮐُﺖ ﺗﮧ ﺑﻠﻮﭼﯽ ﻟﺒﺰﺍﻧﮏ ﺀِ ﺗﮩﺎ ﺩﺳﺘﻮﻧﮏ ﺀِ ﺷﺎﻋﺮﺍﻧﯽ ﮐﻤّﯽ ﻧﮧ ﺍَﺕ ۔ﻭﻓﺎ ﺀَ ﺍﻧﺪﺍﺯ ﺀُ
ﺑﯿﺎﻥ ﮨﻤﺎﮨﺎﻧﯽ ﺯُﺭﺕ ﺑﻠﺌﮯ ﭘﮧ ﻭﺕ ﺀَ ﺟﺘﺎﮬﯿﮟ ﮐِﺸﮑﮯ ﮔﭽﯿﻦ ﮐُﺖ ﮐﮧ ﮨﻤﯿﺸﯽ ﺀَ ﻭﻓﺎ
ﺀِ ﺩﺳﺘﻮﻧﮏ ﺀِ ﺩﺭﺷﺎﻧﺪﺍﺏ ﺟﺘﺎ ﺀُ ﯾﮑّﺮ ﮐُﺖ۔
ﻭﻓﺎ ﻣﺮﺩُﻣﺎﮞ ﮔﻨﻮﮎ ﺀُ ﺩﯾﻮﺍﻧﮓ ﻟﯿﮑﮫ ﺍﺗﮓ ﺍﺕ ﺑﻠﺌﮯ ﻭﻓﺎ ﺀِ ﺷﺎﻋﺮﯼ ﺀَ ﮐﮧ ﻣﺎ ﺳﺮﺟﻤﯽﺀَ
ﻭﺍﻧﯿﮟ ﺗﮧ ﻣﺎ ﻭﻓﺎ ﺀِ ﺷﺎﻋﺮﯼ ﺀِ ﺗﮩﺎ ﺑﮯ ﻣﻄﻠﺐ ﺀُ ﺑﮯ ﻣﻌﻨﺎﮬﯿﮟ ﮬﯿﺎﻝ ﺀُ ﮔﭗّ ﻧﮧ
ﮔِﻨﺪﯾﮟ ۔
ﭘﮧ ﺩَﻭﺭ ﺀَ ﺍﮮ ﺩﺳﺘﻮﻧﮑﺎﻧﯽ ﻟﮩﺘﮯ ﺷﻌﺮﺍﮞ ﺑﭽﺎﺭ ﺍِﺕ۔
ﭘُﺮْﻭﺷﻮﮐﯿﮟ ﺷﯿﺸﮕﮯﺀَ ﺭِﺗﮏﺀُ ﺭﯾﭻ ﺋﮯ
ﺭِﺩﺍ ﺯُﻟﻔﺎﻧﯽ ﺗﺎﺭﺍﮞ ﻣﺎﺭﺍ ﭘﯿﺘﮏ ﺍِﻧﺖ
ﻭﻓﺎ ؔ ﮬﺎﻻﮞ ﻧﮧ ﭘُﺮﺱ ﺍَﻧﺖ ﮐﺎﮌ ﻣﺮﭼﺎﮞ
ﮬﯿﺎﻝﺀِ ﺳﯿﻤﺴﺮﻭﮞ ﭘﮩﮑﺎ ﺍﺑﯿﺘﮏ ﺍِﻧﺖ
٭
ﺑﺮْﮬﻨﮕﯿﮟ ﺳﺮ ﮐﻮﮦ ﮐﺎﭘﮯﺀَ ﮐﭗ ﯾﺖ
ﺩﻭﭼﮓﺀَ ﺍِﻧﺖ ﺍٓ ﮐﮧ ﻣﺎﮦﺀِ ﭼﺎﺩﺭﺀَ
ﻟَﮉّ ﻣﺮﭼﯽ ﺩُﻭﺭ ﭘﻨﺪﯾﮟ ﺭﺍﮨﯽ ﯾﮯ
ﺍُﺭﺩﮔﺎﮞ ﺭﯾﭽﺎﮞ ﺑﻮ ﺭﺍﮦﺀِ ﭼﺎﺩﺭﺀَ
٭
ﻣﻨﺎﮞ ﮔﺪﺍﺋﮯ ﺀُ ﻧﯿﺰﮔﺎﺭ ﭘِﻨﮉﻭﮐﮯ
ﮔُﺬﺭ ﻣﺌﮯ ﺑﻮﺕ ﻧﮧ ﮐﻨﺖ ﺩَﺭﮔﮩﺎﻧﯽ ﺗﺌﯽ ﺷﺎﮬﯽ
ﭘﮧ ﮮﺍﺕ ﮔﺎﺭﮮ ﺑﮧ ﻣﺎﻥ ﺳﺮ ﮔﻨﻮﮐﯿﮟ ﺍَﻣﺮﯾﺶﺀَ
ﺗﻮ ﺷﺎﻧﺘﻠﮯ ﺍﻭﮞ ﺑﮧ ﻧﺎﻝ ﯾﺎ ﮐﭙﻮﺗﮑﮯ ﭼﺎﮬﯽ
ﺀُ ﭘﺪﺍ ﺍﮮ ﻟﭽّﮧ ﺀَ ﺑﭽﺎﺭ
ﺯِﻧﺪﻣﺎﻧﯽ
ﺍﻭ ﺯِﻧﺪﻣﺎﻧﯽ !
ﺍﻭ ﺯِﻧﺪﻣﺎﻧﯽ !
ﻣﻦ ﻭﺍﮬﮕﺎﻧﯽ ﮐﺘﺎﺏ ﭘﮩﮑﯿﮟ
ﺗﺌﯽ ﺩﺭﮔﮭﺎﻧﯽ ﺩﺭﺍﮞ ﮐﮧ ﭘﻮﻝ ﺍِﺕ
ﻏﻤﺎﻧﯽ ﺍٓﻣﺎﭼﯿﮟ ﺣﺮﻑ ﺣﺮﻑﺀَ
ﺍﮮ ﺯِﺭﺩﺀِ ﭼُﻨﮉ ﭼُﻨﮉ ﺀُ ﮐﭗّ ﮐﭗّﺀَ
ﺍﮮ ﺟﺎﻥﺀِ ﺑﻨﺪ ﺑﻨﺪ ﺀُ ﭨﭗّ ﭨﭗّﺀَ
ﺍﮮ ﺯِﻧﺪﺀِ ﺑﯿﮕﺎﺭﯾﮟ ﭼﭗّ ﭼﭗّﺀَ
ﺍﺑﯿﺘﮑﯿﮟ ﺭﺍﮨﺎﻧﯽ ﻟﭗّ ﻟﭗّﺀَ
ﻗﺮﺍﺭ ﻟﻮﭦ ﺍِﺕ
ﻭﺩﺍﺭ ﻟﻮﭦ ﺍِﺕ
ﺑﻠﺌﮯ ﺑُﮕُﺶ ﮐﮧ
ﺍﺑﯿﺪ ﺗﺌﯿﮓﺀَ
ﭘﮧ ﺗﮭﺮ ﺗﮭﺮﯾﮟ ﺣﺴﺎﺏﺀُ ﺩﺍﺩﺍﮞ
ﻣﺌﮯ ﮬﻤﺴﺮﯼ ﭼﮯ ؟
ﮐﮧ ﭘﮧ ﻣُﺮﺍﺩﯾﮕﯿﮟ ﻭﮨﺪﺀُ ﭘﺎﺳﺎﮞ
ﻗﺮﺍﺭ ﻟﻮﭨﯿﮟ ﻣﻼﺭ ﻭﺩّ ﺍَﻧﺖ
ﻭﺩﺍﺭ ﻟﻮﭨﯿﮟ ﺩﻭﺍﺭ ﻟَﮉّ ﺍَﻧﺖ
ﺍﻭ ﺯِﻧﺪﻣﺎﻧﯽ !
ﺍﮮ ﺷﭗ ﺍﺑﯿﺘﮑﯿﮟ
ﮔﻮﮞ ﺩﺭﺍﺟﯿﮟ ﭘﺎﺳﺎﮞ
ﺑﺮﮮ ﮔُﺒﺎﺭﺀُ ﺑﺮﮮ ﺗﮩﺎﺭ ﺍِﻧﺖ
ﭼﺘﻮ ﺟﻼﮞ ﺑﻨﺖ ؟
ﭘﻤﮯ ﺍُﻣﯿﺖﺀَ
ﮨﺰﺍﺭ ﺭﻧﺪﺀَ
ﻭﺕﺀَ ﻣﻦ ﺑُﻦ ﺩﺍﺕ
ﮐﮧ ﺭُﮊﻧﮯ ﻣﺎﻧﯿﺖﺀُ ﺗﻮ ﻭﺩﯼ ﺑﺌﮯ
ﺑﻠﺌﮯ ﻧﮧ ﺩﺭْﭘﺶ ﺍِﺕ
ﻃﻼﮬﯿﮟ ﻣﺎﮬﮯ
ﻧﺎﮞ ﺑﺎﻡ ﺳﻮﻏﺎﺗﯿﮟ ﺳﻤﺒﮭﺎﮞ ﺑﻮﺕ
ﺑﺲ ،
ﻭﺍﮬﮕﺎﻧﯽ ﮐﺘﺎﺏ ﺩْﺭﭘﺶ ﺍِﺕ
ﻣﺎﮞ ﺯِﺭﺩﺀِ ﺍٓﺩﯾﻨﮏﺀَ ﺩِﻟﺒﺮﯾﻦﺀَ
ﺗﺮﺍ ﺭﺍ ﮔِﻨﺪﺍﮞ ﮐﮧ
ﮬﺮ ﺩﻣﺎﮞ ﺗﻮ
ﺷﮭﺎﺭ ﺑﻨﺪﺋﮯ ﻣﺎﮞ ﺍٓﺯﻣﺎﻥﺀَ
ﮔُﺒﺎﺭ ﭼَﻨﮉﺋﮯ ﻣﺎﮞ ﺍﮮ ﺟﮩﺎﻥﺀَ
ﻣﯿﺎﺭ ﮔﻮْْﻧﺪﯾﻦ ﺋﮯ ﺍﺳﺘﻤﺎﻥﺀَ
ﭼﻮ ﺑﺮﺍﮦﺀَ ﺑﺎﻧﺪﺍﺗﯿﮟ ﺯِﻧﺪﮔﯽﺀِ
ﺍﻭ ﺯِﻧﺪﻣﺎﻧﯽ !
ﺍﻭ ﺯِﻧﺪﻣﺎﻧﯽ !
ﻧﻮﮞ ﮐﺴﮯ ﺍﮮ ﮔﺎﻻﻧﯽ ﻭﺍﻧﮓ ﺀَ ﭘﺪ ﮔُﺸﺖ ﮐﻨﺖ ﮐﮧ ﭘﮧ ﺑﮯ ﺳﻤﺎﺋﯽ ﮐﺌﮯ ﭼُﺸﯿﮟ
ﮔﭙّﺎﮞ ﮔُﺸﺖ ﮐﻨﺖ ﯾﺎ ﻟﺒﺰﺍﮞ ﮐﻤﺎﺕ ﮐﻨﺖ۔ﻋﺸﻖﺀُ ﻣﮩﺮ ﺀِ ﺳﺮﮬﺎﻝ ﺀَ ﻭﻓﺎ ﺀَ ﺩﺳﺘﻮﻧﮏ ﺀِ
ﺩﺭﺷﺎﻧﺪﺍﺏ ﻭﺗﯽ ﭘﺠﺎّﺭ ﺟﻮﮌ ﮐُﺘﮓ۔ﺍٓﺋﯽ ﺀَ ﭼﮧ ﺭَﺑﯿﺖ ﺀُ ﺩﻭﺩﺍﻧﯽ ﻣﻨﺰﻝ ﺀَ ﺩﯾﻤﺘﺮ ﺳﻔﺮ
ﮐُﺘﮓ۔ﻭﻓﺎ ﺀَ ﮔﻮﮞ ﻭﮬﺪ ﺀَ ﺳﻔﺮ ﮐُﺘﮓ ﺑﻠﺌﮯ ﺳُﺒﮑﯽ ﻧﮧ ﺯُﺭﺗﮓ۔
ﮬﻮﺍﺭﯾﮟ ﺭِﺩﺀَ ﮔﺎﮞ ﻣﺎ ﺑﭽﺎﺭﯾﮟ ﺗﮧ ﻭﻓﺎ ﭼﮧ ﻭﺍﺑﺎﻧﯽ ﺗﺎﺑﯿﺮﺍﮞ ﮔِﺴﺮ ﮐﭙﺘﮓ ﺑﻠﺌﮯ ﺍٓﺋﯽ ﺀَ
ﺩﺍﺋﻤﺎﺭﺍﺳﺘﯿﮟ ﻭﺍﺑﺎﻧﯽ ﺷﺎﻋﺮﯼ ﮐُﺘﮓ۔ﻭﻓﺎ ﺀِ ﺯِﻧﺪ ﺀَ ﮔﻮﮞ ﺍﯾﻮﮎ ﺀَ ﻧﺎﮞ ﮔﻮﮞ ﻭﻓﺎ ﺀَ ﺩﮔﺎ
ﮐُﺖ ،ﻭﻓﺎ ﺀِ ﺑﮯ ﻭﮬﺪﯾﮟ ﻣﺮﮒ ﺀَ ﺑﻠﻮﭼﯽ ﺷﺎﻋﺮﯼ ﺀَ ﮔﻮﮞ ﮨﻢ ﺩﮔﺎ ﮐُﺖ۔
ﻣﮧ ﺑﺎﺕ ﺍِﺕ ﺩِﻝ ﮐﮧ ﺟﻨﺠﺎﻻﮞ ﺷﻤُﻮﺷﯿﺖ
ﻭﺗﯽ ﺭﻧﺠﯿﻨﺘﮕﯿﮟ ﺳﺎﻻﮞ ﺷﻤُﻮﺷﯿﺖ
ﻭﻓﺎ ﮨﺮﮐﺲ ﮔُﺸﯿﺖ ﻣﺎ ﺑﺪ ﻭﻓﺎﺋﯿﮟ
ﺑِﺰﺍﮞ ﻣﺌﮯ ﮔُﺸﺘﮕﯿﮟ ﮔﺎﻻﮞ ﺷﻤُﻮﺷﯿﺖ

@Labzank
telegram.me/Labzank

🌹تژنءُ بچکند🌹

سِیٹءَ شاباش اِنت وام دنت مارا
سْروپ ءُ لیمبو ءُ جام دنت مارا
😀😀😀
چیچک ءُ واد ءُ روگِن ءُ باکس
ما بلوٹیں مُدام دنت مارا
😀😀😀
دیر اِنت تئ مُلک ءَ نِشتگیں واجہ
ہر وڈیں گْپ رام دنت مارا
😀😀😀
تئ نشاراِنت کہ مئےگُداں شودی
چُکاں واپینیت شام دنت مارا
😀😀😀
لالو آ پیسریگیں لالو نہ اِنت
راه ءَ گِندیت سلام دنت مارا

🌹 شاعر، لالو پیشکانی🌹

@Labzank
telegram.me/Labzank

بلوچستان ءِ لھتیں کاھانی نام
1اسپست
2ندگ
3گرامزگ
4بہار
5پترنک
6پیملوک
7کُلمیر
8بون
9دُرگ
10سِبر
11لِکرک
12ڈالکا
13تولھ ہنگور
14کچک پد
15برمشک
16کِک
17گوکی سِرک
18سَتکُل
19گورکاہ
20کاش
21نَل
22بومادران
23کلپورگ
24چرماہنگ
25مارموتک
26ہپوتک
27کرکاوگ
28تُرپشک
29گربُسک
30ہالکو
31لِمپُک
32شِمش
33کُلِّچک
34چرپگ
35ھنارُک
36گربُگنڈ
37سِمسوک
38کلپِر
39سِمسور
40رِگِت
41شِنز
42ترات
43ہوم

44گُراپاد

45ملّیرو

46بَڑاکو

47ھایشک

48سورَگ

49سُورچک

50کَلینگوش

51شَگوشگ

52شِیز

53مورپد

54بیر

55ریم

@Labzank
telegram.me/Labzank

دستونک .. خالق ارمان

شـِیرَگـیں ترانگے مَلارینتگ
وارتگ تـریاک زھـر مـارینتگ

بِرانز مانپـوش اِتگ گـَیابان ءَ
کـُوچـگاں آس ملگُزارینتـگ

جند ءِ وت واجہی ءُ سرداری
دستِ بدواھاں برات وارینتگ

گار ھـرکس وتی پداں جند ءِ
شھر دنـز ءُ مُجاں گُبارینتـگ

ما پہ سمّو گنوگ،مَست ءُ مَلنگ
اِشـک ءِ ارواہ ءَ بَنگ چارینتگ

بیاکہ زیبائیں جَنگے ءَ مرچـاں
دُراھـیں بازار سرمَچارینتـگ

وھـد ءِ زانِشت پَھـمِتگ ارمـان
نِشتہ تگران ءَ ھر نہ چارینتگ
🌴 کــــورُشـــیں گــــال 🌴

@Labzank
telegram.me/Labzank

"تَمردیں دادشاہ"
ھست اَت یک مردے کہ نام ئِے دادشاہ اَت
ماں وتی مُلکءَ شان ئِے برجاہ اَت
ھمدلیں برات ئِے چَندے ھمراہ اَت
نہ چہ کسءَ شکّءُ نہ چہ کسءَ ڈاہ اَت
نَے کسی دَینکار، نَے کہ بدواہ اَت
گیشتریں پِگرئِے زگر اَلّاہ اَت
شیرے اَت بے شَکّ دادشاہ جوانیں
آکل ءُ دانا ءُ مزن شانیں
میر اَلی ھان، شُت مَردءِ جاگاہءَ
پلملءُ نیمّون کہ وراں چاہءَ
من وراں چاہءَ ءُ رواں راہءَ
یک دَمے ساراں بیلء بیگاہءَ
کُرتگ اَت وشّاتک میر کلاتگیرءَ
آرتگ اِش ھُرماگ گوں بستگیں شیرءَ
اِزّت اِش بَکش اِت منگھیں میرءَ
نِشت اَلیھان نی مردءِ دیوانءَ
لَگّ ات اَنت سر چوٹ وت ماں وت ترانءَ
نوکراں نریان بُرت ماں بَنجاہءَ
دات اِش بُنبر ءُ لوسن ءُ کاہءَ
نِشت اَلیھان یک ساھتے شَرّیں
گوھراِش دَرشان کت اَنت درّیں
بوتگ اَنت ھمراہ میر مزن مرّیں
ھالگءُ انگورءُ سروپ انار وشّیں

ترونگلءُ سارتیں آپ دلکَشّیں
مَچّ مُزاتیگیں پہ رِدءُ کتار
مھترءَ دیست اَنت میزریں دسکار
رِد پہ رِد سَد گَنجیں شَگز امبار
مچکدگ نامانی گُلءُ گلزار
آ شریکانی واھیءُ کوکار
ھر گَورءَ مُرگانی رَمءُ کتار
چاراِت ئِے ھر ڈَولءَ کُت ئِے بیچار
منگھیں واجہ بوتگ اَت بے وار
چہ دپ ئِے دانکے دَر نہ کت البار
ماں دلءَ میرءَ کَشّ اتگ پاھار
نیلّگءَ لیڑیگ کُرتگ اَت سردار
گِنداِیت دادشاہءِ ملکءُ میراساں
میر کَپ اِیت کَستءُ کینگءُ آساں
بَژبَشاں گرانیں پگرءُ وَزواساں
پَندلے سازاِیت ماں شپی پاساں
چیزے روچ پِر گوست میر اَلیھانءَ
ھیلھے سازاِت مھتریں جوانءَ
میر پراموش اَت وارتگیں وانءَ
لگّ اِت پہ مندرءِ داسءِ سوھانءَ
کاسدے دیم دات میرءَ میدانءَ
کاگدے نَکش کت چہ گپّءُ ترانءَ
چو نبشت نمدی میر اَلیھانءَ

ھُکم منءَ گون اِنت چہ شاہ سُلتانءَ
لوٹ اں من مالیات چہ شمئے جانءَ
دَہ یکءُ چِلّ یک ھُرماگءُ دانءَ
چو جواب داتگ میریں دادشاہءَ
نَے ترا مَنّاں نَے کہ تئی شاہءَ
نیست دگہ بادشاہ بید چہ اَلّاہءَ
کَس نہ اِنت مئے میر، واجہءُ سردار
نَے دیاں بجّار، نَے بیاں بیگار
چہ پتءُ پیراں ما وتیں سردار
چوں بہ سَگّان ءُ من کناں اوپار
دل منی سِستگ چہ شَتءُ ننگار
گَلّہءُ ھُرماگاں، تو جَن ئے بُنبار؟؟
میر اَلی میریں، شَرّیءَ گوشدار!
انگتءَ کسّی من نیاں وام دار
کَس چُشیں گواھی یے نہ دنت سردار
ما ملام داتگ بوتگیں بیگار
ھال ھمے سر بوت میر اَلیھانءَ
پہ گَزَب چست بوت میر چہ دیوانءَ
یل بہ دنت دادشاہ گوشت ئِے ملکانءَ
گون نہ اِنت وھدے نُکسءُ تاوانءَ
پائدہ نیست اِنت ھچ چُشیں ترانءَ
زور چُشیں مان اِنت ماں کئی جانءَ
کہ مہ دنت مالیات شاہ سُلتانءَ

من گِراں مالیات تئی سرءِ بانءَ
شیر دلیں سردار رَد دات شیتانءَ
کُرتگ ئِے بے سیم شاہ ماں تھرانءَ
بیا دگہ شاھے چِست اِنت ایرانءَ
آ نہ مَنّ اِیت ھچ شاہءُ سُلتانءَ
نَے کہ سردارءَ نَے کہ ایرانءَ
بَے نہ کنت مالیات بِھ وتی جانءَ
بُرز وتی لیک اِیت اِزّتءُ شانءَ
چوش کہ من گِنداں ھُکمءُ پرمانءَ
راہ دنت مارا دُرستاں زندانءَ
ھکم دنت بادشاہ ھاسیں گروبانءَ
لشکرے جم جَن زیت چہ تھرانءَ
آس دئے دادشاہءِ ملکءُ لوگانءَ
جندءَئِے دَزگیر کن، ھور گوں براتانءَ
کَیدءُ بنداں گوں بیاراِش تھرانءَ
جَھ جَتگ شاھی جنگی پوجانءَ
جھل زمینءَ ءُ بُرز ماں آزمانءَ
لشکر سر بوتگ دِرکءُ میدانءَ
گرند کتگ ٹوپاں ھَوری گرندانءَ
میریں دادشاہءِ باگءُ بوستانءَ
لوگاں مانداراِت گوشتگ گروبانءَ
آس دئے اِت مَچّانءُ کِشارانءَ
نِیلّگءِ ھنکینءُ دوارانءَ
لچّھکار: میر اھمد دھانی
نبشتکار: اَلی اِبرَت
پَھل بہ کن اِت اے لچّہ مزنیں لچّھے من سرجمءَ نہ نبشتگ ایشیءِ گیشتریں بھر سَراتکگ

@Labzank
telegram.me/Labzank

اِشکے ٹَپ ْ

چُنت سال پیش گرماۓ روچے ءَ کسان سالیں بَچَکےءَ وتی گُد کشِت ْ انت ءُ کندانءَ کورے ءِ تھا کُپ کت ۔آئی ءِ مات چہ لوگءِ دریگ ءَ آئی ءَچارگ ات ءُ چہ چکءِ وشھالی ءَ گَلءَ بال ات .ھمیےدمانءَ مات ءَ آپ ءِ تھا گانڈوے دیست کہ چکّءِ نیمگ ءَ روگ انت .آئی ءَ کورءِ نیمگ ءَ دِرّک زُرت انت ءُ چُکّی توار جَت .چکّءَ چَک تَرّینت بلے ھمیے دمانءَ گانڈوءَ بچک ءِ پاد دپءَ گِپت اَنت تا آپءِ چیرایی ببارت ، مات ءَ وتی رسینت ءُ چکءِ باسک گِپت انتءُ نہ ھِشتی گانڈو آئی ءَ آپ ءِ چیرا ببارت۔بزگررے کورے نزیکی ءَ روگ ات ، مات ءِ جاکانی اِشکنگ ءَ آئی ءِ کُمّکءَ یھت ءُ گوں کوڈالءَ زربتے گانڈوءِ سرءَ جت ءُ بچکے چہ آئی ءِ دپءَ رَکّینت .
بچکءِ نادراھجاہءَ برت ، دو ماہ رند آئی ءِ ٹَپّ درمان بوت انت . آئی ءِ پادانی سرءَ گانڈوءِ نیشانےءِ پَد ءُ باسکانی سرءَ مات ءِ پِنچانےءِ پد منتگ ات انت .
ھالکارے پہ جست ءُ پرس یھتگ ات ، آئی ءَ بچکءَ چہ لوٹ اِت وتی ٹپاں پیش بداریت .بَچک ءَ شلوارءِ پادک برزءَ جَت انت ءُ پہ ملوریں دلےءَ ٹپےءِ پیش داشت انت ءُ آستیگےءِ لانچ ات انت ءُ پہ پھر ۓ گوشت : اے ٹپ من ءَ سَکّ دوست اَنت ، اے منی ماتءِ اِشکے ٹپّ انت .
پائولو کوئلیو
رجانک : سعيد رئيسي
🌴 کــــورُشـــیں گـــال 🌴
لبـزانکـی مجلـس کلمتی کاروان.

زَپتیں زهیر ــــــــــــــــــــــــــ گُلام هسین شوهاز

روچ گوں هزار رنگیں گماں کیگد منی بیگاه بیت
شپ گوں وتئی زپتیں زهیرءُ تْرانگاں بانگواه بیت

چوں چون گْوز اِیت باریں منی لُنجءُ تہاریں زندگی!
مُرتگ منی زند ءِ چراگ، باریں کدی روژناه بیت

جندوں وتی هیرات کُت من سر وتی کُربان کُت
من هچ نزانتگ کہ منی همبل ، منی بدواه بیت

کج واری ءِ تژن ءَ مجن مارا جہان ءِ دیم ءَ تو
یکّے گریب ءُ وار بیت یکّے اَمیر ءُ شاه بیت

شوهاز مبو تو دلپْروش دنیا ءِ دود اِنت دائمی
گوں بزگر ءُ گوں بـے دَراں مرچاں کے اِنت همراه بیت


@Labzank
telegram.me/Labzank

نـدرْ پہ گُلام هُسین شوهازءَ
ـــــــــــــــــــــــــــــــــــــــــــــ

داں جہان هست اِنـت تو نمیران ئے
وشّـیں مہـرانـی پُلّـیں ساچان ئے

تئـی جتائی ءَ هـر کس اِنـت بژنیـگ
تـو دلان ئے ءُ تـو نمیـران ئـے

📝 میر ناسر کلمتی

@Labzank
telegram.me/Labzank

داں جہان هست اِنت جالبار هست بات
مئے زهیـرانـی یات گار هست بات

موٹل ءُ ماشین ءُ تچـات اَنـت ریل
اُشتر ءِ سیلنگ ءُ مـہار هسـت بات

ریڈو ءُ ٹی وی ، وی سی آر بات انـــــت
ٹیلّـو ءُ ژانگانـی تـــــوار هسـت بات

گوات کن اَنـت کنڈیشن اجب مـــــرچاں
کـوچـگ ءُ زیـدانـی سہـار هســت بـات

دوســت بنـت ما را ٹـریکٹر ءُ ٹـرالـــــی
مئے کلانچ بات ءُ مئـے کـوار هسـت بات

دیـر جنـت مُـرگاناں تُپنگ وزمــــــــــیں
مئے بِٹ ءُ تلکانـــــی شکار هسـت بات

پیـملک سبـز سبـزیں رُد ات بیٹـاں
سُہرو ءُ پرماش ءُ گوهار هست بات

بُولـی ءُ در مُلکـــــی زبان وش انـــــت
مئے بـُن ءُ بیـهی گالـــــوار هسـت بـات

گُشـتگـیں شـوهاز ءِ همـک گال ءِ
کیـسٹ ءُ نژّوکـیں نـوار هسـت بـات

گلام هسین شوهاز


@Labzank
telegram.me/Labzank

گوش دارگ کرزیت