دستونک ــــــــــــــــــــــــــــــ مبارک کازی

راه ءَ دوچار بیت کزا یکّے
راهگوزے یار بیت کزا یکّے

مدتے بیت من جِندءِ چمداراں
جنـد ءِ چَمـدار بیـت کزا یکّے

اے گنوکی کہ نام ئے شاهری انت
سـرپـد ءُ سار بیـت کزا یکّے

چـو وا هر کس وتی گماں گار اِنت
تئـی گماں گار بیـت کـزا یکّے

هال پُرسوک زاهـر ءَ باز انـت
کازی گمـوار بیـــــت کـزا یکّے

@Labzank
telegram.me/Labzank

اَرَب شہزانتءِ گُشیت :

'' من یحرجک بأخلاقہ''
رجانک: باز انچیں هستی هست اِنت کہ گوں وتی شرّیں کِردءَ ترا وتی دیوانگ جوڑ کن اَنت آیانی مِہر ماں دلءِ جُہلانکیاں اُوژناگ کنت ، ءُ آیانی هبر سرجمیں زندءَ شموشگ نہ بنت .

'' و من یجرحک بلسانہ ''

رجانک : انچیں بازیں مردم هست کہ گوں وتی بدیں کِردءَ دل ءَ ٹپّی کن انت ....

@Labzank
telegram.me/Labzank

دستــونک *اَتـا شــــاد* آس وتی گِس وتی، سنگ وتیءُ سَر وتی
زیمیں دلءَ کجا بَرآں، تیر وتی جگر وتی،

کینگءُ کَستءِ جمبراِنگ، نپت شلیتءُ ھار کنت
وائے گِدانءِ نشتگیں! گواتءَ کن ئے سِپر وتی

آھن پہ آس موم.بیت، بلے آپ نہ بیت دل تئی
او منی مھرءِ وشنیتک! بیا واھگاں بہ بَر وتی،

سیتّ پہ جنگ شَکّل اِنت، وت پہ وتءِ بدل نہ اِنت
رستمءِ سیالیءَ مَرو گُرزءَ مکن گُزر وتی

مولاءِ شھجوءَ بگند گیرآر، تلّءُ تازیاں
چاکرءِ ھاریں گُورمءَ مَلّ اتگ کھچر وتی

بیا پہ زمینءِ آکبت کوھیں سراں کناں کتار
دژمنءِ ھورءَ ماں سرءَ ھار کتگ ھُنر وتی

دل کـہ سُچیت اگاں اَتــا! شیرکنیں گال زھر بنت ما تئی ھیالءِ ساھگ اں مارا مہ لیک"دَر" وتی


@Labzank
telegram.me/Labzank

...............چاچ................
⏪چِـل مــَرداں درونءِ بانءَ
پــوشاک نہ دار اَنت جانءَ
پـاگ اِش بـَـستگ چــو سُلتانءَ (باکسءُ ڈیل)
⏪مـُرگے مـاں ھــسارءَ دَرنگ اِنت
پِسـتولءَ جَتگ پِرّیــنتگ
پـَنـج مــردءَ چِــتگ گِـرّینتگ (کُبل)
⏪بُرزءَ کــاءُ کادان اِنت جَھـلءَ آپءُ آپ دان اِنت (چِلــیم)
@Labzank
telegram.me/Labzank

آزمانک چےءَ گوش اَنت ؟
،،،،،،"، ,,,,,,,,,,,,,
آزمانک کسہ ءُ ھیالانی دروشمءِ نام اِنت آ نازرکیں ھیال گوں ندکارءِ زانت ءُ دید ءُ مارشت ءِ شاھیگانیءِ سرءَ اِنت کہ آ ندکار وتی کسہءَ چونیں رنگے بنگیچ کنت ءُ چونیں آسرے دنت ئے کسہءِ نازرکی چہ وشیں گال ءُ ندارگاں ءُ کسہ ساچ ءِ ھیالانی ردءُبند ءُ گوست ءُ وھد سرءَ اِنت ھیالءِ بندیک کجا روت ءُ آسر بیت بلوچی زبان باز وش ءُ شیرکنیں زبانے کہ ھر کسہءِ پشتءَ دگہ کسھے ساچگ بیت ءُ ھر یک ھیالے یک آزمانکے جوڑ بیت دل گنوگیں تلوسیت ند گوں موسمءِ پیمءَ ھمراہ بیت کپتگیں تنھائی سرءَ لِکّ کنت سمینءِ گوات کش اِیت ءُ وشیں گال ءُ ھیالاں کاراِیت ءُ یک مھربانیں بچکندے شات کنت ءُ یک آزمانکے جوڑ بیت ھمے نازرکیں ھیالانی نام ازمانک انت,,,,,,,,,,,,,,,,,,,,,,,,,,,,,,,,,,,,,,,,

@Labzank
telegram.me/Labzank

🍃🌸 پرنده هایی که روی شاخه نشستند، هرگزترس ازشکستن شاخه ندارند،
زیرااعتمادآنها به شاخه هانیست،بلکه به بالهایشان است🌸🍃

همیشه به خودت اعتماد داشته باش، خودت راباورکن🌸🍃

🌹🌹🌹🌹🌸🌸🌸🌸🌹🌹🌹🌹

🌸🍃 مُرگ وهدے کہ درچک لمبانی سرا نِند اَنت آهاں لَمب پُرشگ تُرس نیست اِنت،
آهانی بروسہ پہ لَمبانی سرا نہ اِنت ، بلکے وتی بانزلانی سر اِنت 🌸🍃

مُدام وتی سرا بروسہ بکن وتا باور بکن 🌸🍃


رجانک: کادربکش کلمتی

👇👇👇

@Labzank
telegram.me/Labzank

یک مردے ءَ ھترمال کت شھماتے ملا نصرالدین ءَ
گُڑا ملا ءَ شت قاضی یے کرّا شکایت کت
قاضی ءَ مردک لوٹائینت ءُ گُشت کہ تو ملا ءَ شھماتے جتگ نی آئی ءَ یک کلدارے بدئے
مردک ءَ گُشت کہ انّی ادا منا ھچ گون نیست رواں لوگ ءَ گڑا کلدارے کاراں،،، -
مردک شت پدا نہ یتک
ملا ءَ چار اِت مردک ءَ منا وَ رد دات
ملا وش کت شھماتے قاضی ءِ گوشانی بُن ءَ ءُ گوْشت: ھر وھدے کہ مردک کلدار ءَ کاریت گڑا تو ئِے بہ زیری😆😆😆😆😆😆😆

@Labzank
telegram.me/Labzank

ﻧﺎﮔﺖ، ﺀَ ﻣﮭﮑﺞ ﺀِ ﺩﻝ ﻣﻮﻡ ﺑﮧ ﺑﯿﺖ ، ﭼﻮﺵ ﻧﮧ ﺑﯿﺖ

ﭘُﻞ ﺗﺌﯽ ﺩﺍﻣﻦ ﺀَ ﻭﺕ ﮐﯿﺖ ﺀُ کپ ایت، ﭼﻮﺵ ﻧﮧ ﺑﯿﺖ

ﺗﻮ ﺑﮕﻮﺵ ﮬﺮچے ﻣﻦ ﮬﭻ ﻣﮧ ﮔُﺸﺎﮞ بیت ﻧﮧ ﮐﻨﺖ

ﺗﻮ ﺑﮧ ﮐﻦ ﮐﮭﺮ ، ﻣﻦ ﺀَ ﻣﮭﺮ ﺑﮧ ﺑﯿﺖ ، ﭼﻮﺵ ﻧﮧ ﺑﯿﺖ

ﻣﻦ ﺑﮧ ﻟﯿﮏ ﺁﮞ ، ﺗﺮﺍ ﻣﺎﮬﯿﮑﺎﻥ جھﺎﻥ ﺀَ ، ﺗﺎﻻﻥ

ﺩﺍﮞ ﻣﻨﯽ ﮐُﮉﮎ ﺀَ ﺑﺮﻣﺸﮯ ﻣﮧ ﺑﻠﯿﺖ ، ﭼﻮﺵ ﻧﮧ ﺑﯿﺖ

ﭼﺶ اتـا ﺑﯿﺖ ﮐﮧ ﺷﭗ ﺀِ ﺷﺎﺭ ﺑﮧ ﺑﯿﺖ ﻣﺎﮦ ﺀِ ﺳﺘﺮ

ﺭﻭﭺ ﭘﮧ ﺷﺎﺭﮮ ﺀَ ﺍﻧﺪﯾﻢ ﺑﮧ ﺑﯿﺖ ﭼﻮﺵ ﻧﮧ ﺑﯿﺖ
اتــا شـاد
🌴 کـــورُشـــیـں گـــال 🌴
لبزانکی مجلس کلمتی کاروان. 🌹

Ali Juma Zamurani:

واجہ آبد آسکانی
,,,,,,,,,,,,,,,,,
من واجہ آبد آسکانیءَ دیر اِنت زاناں ءُ واجہ آبد آسکانی یک شائرے یک زبان دوستے یک راج دوستے ءُ یک زبان زانتے ءُ یک راجدپتر زانتے ءُ یک نیکمرد ءُ آلمے ءُ واجہءَ ھرچ پڑءَ زانتکاری ھست اِنت آئی زند ءُ زانت ءُ وانگ ءُ زانگءِ باروءَ من وتی اولی رِد ءُ بند داتگیں وانگی پنچ گُلگِدار تہءَ نبشتہ کُتگ ءُ واجہ آسکانی سیدءِ رھبندءِ منَوک اِنت بلےآ گوش اِیت مئے درستیں ادیباں یک رھبندے سرءَ تپاک کنگی اِنت ءُ من بلوچ راجءِ بھریاں منی ادیب ءُ زانتکاریں براتاں سیدءِ رھبندءِ سرءَ تپاک کت منی نامءِ یکیں (ع)ءَ من بدل کناں یا بلوچی نامے پہ وتءَ گچین کناں بلے آ گوش اِیت اے رھبندءِ گیش ءُ گیوار ھما وھدءَ بیت کہ مئے راجی سیمسر بہ گیش اَنت یا ما درست وت تپاک بہ کنیں ءُ یک کارگس ءُ گلے بہ بیت کہ ھمے کاراں دیمءَ بہ بارت ءُ واجہ آبد آسکانی ءِ زانت ءُ پگر سک مزن ءُ جھلانک اِنت ءُ واجہ داکتر م. ی. درابلوچءَ سیدءِ رھبندءَ ارواہ ءُ ساہ مان کتگ ءُ واجہ آبدآسکانیءَ سیدءِ رھبند ساپ ءُ پلگار کتگءُ راجءِ دیمءَ آورتگ ءُ واجہ داکتر م ی درا بلوچ واجہ آبد آسکانیءِ زبان زانتیءِ منوگر بوتگ ءُ آئی ھمک گالءُ گالوار ءُ نبشتانکءِ باروءَ چہ واجہ آبد آسکانیءَ چہ جست کتگ واجہ آبد آسکانیءَ بلوچیزبانءِ ھمک تک ءُ پھناتاں دزرس ھست آ زبان زانتی بہ بیت رم نویسی بہ بیت لچہ گوشی بہ بیت تنز ءُ تیر بہ بیت نیک ترانی بہ بیت یا بلوچ راجءِ بزگی ءُ چمداری بہ بیت آ زانت کار اِنت ءُ منی ھیالءَ ھنوگیں وھدءِ مستریں بلوچی زبان زانت واجہ آبد آسکانی اِنت ءُ آ سکیں راج دوستیں انسانے ءُ آئی دلءِ دپءِ گپ یک اَنت ءُ یک بلاھیں ھستی ے بائید اِنت چہ آئی زانتءَ ما چیزے سرپد بہ بئیں آئیءَ بوانیں ءُ آئی بلوچ دوستیءَ سرپد بہ بئیں آئی ءِ زانتءَ چہ زانتے دربہ گیج اِیں ءُ زبان زانتی چہ آئی گال ءُ لچھاں چہ زاھر اِنت آ یک راج ءُ دوستءُ زبان زانتءُ نیکیں انسانے پاکیں ھاوند آرا مدام هست کنات اَلی جُمّا زامرانی
18/9/2016

@Labzank
telegram.me/Labzank

گوش اَنت شیخ ابوسعید ابوالخیر چیزے دَرهم زُرت دیم پہ حجّ ءَ کعبہ زیارتءَ ، گوں یک کاروانیءَ هَمسپر بیت هَیوانِیں سواری زیرگ توان نیست اَت ، پیادگءَ سَپر کُت راهءَ دگرانی چُلوپَگ کُتاں .
یک آپسریءَ داشتے شیخ دار چِنَگءَ دیر کِرّ ءَ شُت. دَرچکی چیرا ، مردے دِرتگ پوچّیں سک پریشان اَت دِیتی جُستءُ پُرس کُت . سرپد بیت چہ لوگ مردمانی شرمءَ کےبـیکار اِنت وردنءِ پا آهاں زُرت نہ کنت اداں نِشتگ کے هَپتگءِ بیت آ ءُ آهی لوگ مردم شُدیگ اَنت.
شیخءَ وتی دُراهیں دَرهم چِست کُت دات اَنت گُشتی برو .
بزّگیں مردءَ گُشت: من رازیگ نیاں تو پہ هجّءَ سرگپتگے اے تی راه هرچ انت مں چوں اِشاں بزیراں پہ وتی چُکّاں وراک بکناں.
شیخءَ گُشت: منی هجّ توے اگاں هپت رندا ترا چاگرد کناں توّاپ بکناں چا هپتاد رندا کعبہ زیارتءَ گهتر اِنت


م/ کشکول شیخ بہائی
رجانک کادربکش کلمتی

@Labzank
telegram.me/Labzank

😀*وش کند* 😀

شیطان ءِ سِنگ جَنگ ءِ وھد ءَ وڑ وڑیں کسّہ بنت- یکبرے پٹانے ھژم گپتگ اَت وتی ھر سِنگ ءَ گوں نعرہ تکبیر ءَ جنگ ءَ اَت- پٹان ءِ سنگ کہ کُٹّ اِت اَنت گڑا چہ جزبات ءَ دنتان ئِے نجینت اَنت ءُ پاد ءِ چمپل ئِے ھم شیطان ءَ را جت اَنت گرمی 53 ڈگری ات سمٹ چو تین ءَ تسپ اتگ ات- پٹان ءِ کہ پاد سُتک اَنت گڑا یک ءُ دو برا پاد ئِے چست ءُ ایر کت انت بلے چارت ئِے کہ نی نبی گڑا احرام ئِے بوتک ءُ زمین ءَ ایر ئِے کت ءُ وت سر ئِے اوشتات مردماں شور کت تو برھنگ ئے....... پٹان ءَ بزّگ بزّگ ءَ گوْشت,,, وللہ کیا کرئے گا یہ سب شیطان منحوس کا کام ہے،،
@Labzank
telegram.me/Labzank

آزگ اَنت پُکّی زَیمیگ نہ سگ انت پہنات
بات وشواب ماں آبریشماں پُلّیں سوگات

پہ لگت مالیءَ نازاکیں جگر جَہ ندر اِنت
پہ تئی دستاں دلءَ ھون تاجگ ءُ زگریں پالات

تئی زوراکیءِ زِر چنڈ ءُ رگامیں شرتگ
واھگ ءِ دلجمیں بوجیگ ءُ نزوریں آلات

تئی زھیراں اگاں چم کور نہ انت کور بہ بنت
سُتکگیں دل پہ تو نہ زریت اِنت بِہ سُچات

چو مہ گر دُرگلءِ نامءَ دپءِ پُرّءَ ھمبل
کہ نہ بیت اِنت منءَ ھچ رنگءَ گُلیں ھانل شات

اے مُرادے کہ بِگنداں گُلءِ گونابءَ سید
ساھوں ندر ءُ دلوں شنک ءُ سروں سد بر ھیرات
سید ھاشمی

دُرّیـں گـُپـتـار : ابـراهـیـم الـفـقـی
رجانک : ادبـی هـکـیـم
اَگـاں تـو لـوٹ ئـے وَشّـیـں زنـدے بـہ گـوازیـن ئـے گـڑا پـیـسَـرا وَت ءَ چـہ هَـمـا مَـردُمـاں بـہ چُـٹـیـں کـہ آ وَتـی بـے وَسـیءِ وَهـد ءَ تـرا شـوهـاز کـن اَنـت ءُ تـئـی بـے وَسـی ءِ وَهـد ءَ وَت ءَ چـیـر دَے اَنـت.
@Labzank
telegram.me/Labzank

نـبـشـتـانـکـار : مـصـطـفـی الـسـبـاعـی
رجـانـک : اَدبـی هَـکـیـم
-------------------------------------------
هَـکّ ءُ نـاهَـکّ اَڑاِت اَنـت ، نـاهَـکّ ءَ گـوَشـت مـنـی سَـر چـہ تـو بُـرزتِـراِنـت ، هَـکّ ءَ گـوَشـت مـن چـہ تـو مَـسـتِـراں ءُ مـنـی رَگ ءُ ریشّـگّ مـاں زُمـیـنّ ءِ تَـہ ءَ پَـهـن اَنـت ، نـاهَـکّ ءَ گـوَشـت مـن چـہ تـو زوراکـتـراں ، هَـکّ ءَ گـوَشـت مـنـی اُمـر چـہ تـئـی اُمـرءَ گِـیـشـتِـراِنـت ، نـاهَـکّ ءَ گـوَشـت درُهـیـں زوراک ءُ رَهـزَن مـنـی هَـمـراه اَنـت ، هَـکّ ءَ گـوَشـت هـاوَنـد ءَ مـاں درُهـیـں شـهـراں مَـکـّـار جواں کرتـگ آ وَتـی ءُ دگِـرءِ سـراں مَـکـر کـنَـگءَاَنـت ، نـاهَـکّ ءَ گـوَشـت مـن هَـنّـوُ تـرا کـُـشـت کـن آں ، هَـکّ ءَ گـوَشـت گـڑا مـنـی اوبـادَگ هَـرچ وَهـدے کـہ بـہ لـوٹ اَنـت تـرا کـُـش اَنـت.

@Labzank
telegram.me/Labzank

گـوَش کـَـنـد – ادبـی هـکـیـم
وَشّـرَنـگـیـں جَـنـکـے ءَ وَرنـایـے ءِ سـرءَ چـاڑ – اِشـک بـوُت جَـنِـکءَ هَـرچـا لـوٹ اِت کـہ وَرنـا آئـیءَ سـانـگ بـہ کـَـنـت بـلـئـے وَرنـا ءَ نـہ مَـنّ اِت آسَـرءَ جَـنِـکءَ جُـسـت کـُـرت تـو پَـرچـا مـن ءَ سـانـگ نـہ کـن ئـے ؟!!!... وَرنـا ءَ گـوَشـت مـن ءَ یَـک " عـیـبـے " هَـسـت تـو مـنـی آ " عـیـب " ءَ سَـگّ اِت نـہ کـن ئـے !!!... مَـن وَرَگ بُـوَرآں رَنـدا مـنـی لاپ گـَـژّایـت ءُ گـوات گِـرایـت جَـنِـکءَ گـوَشـت مـنـی پـُـونـز هَـراب اِنـت مـنءَ هِـچّ چـیـزّ ءِ بـُـو نـہ بـیـت آسَـرءَ وَرنـا ءَ مـنّ اِت ءُ جَـنِـکءِ سـانـگ کـُـرت مُـبـارَکـی ءِ سُـهـبءَ وَرنـا چـہ واب ءَ پـاداتـک آئـیءَ چـاراِت جَـنـکءَ لـوگءِ تـاگ پَـچ کـُـرتـگ ءُ تـاگءِ دَپءَ نـشـتَـگ وَرنـا دِلـپَـدَرد بـوُت ءُ گـوَشـت مـن پـیـسَـرا تـرا گـوَشـت کـہ تـو مـنـی بُـو ءَ سَـگّ اِت نـہ کـن ئـے !!!.. جَـنَـکءَ گـوَشـت مـن ءَ بُـو نـہ بـیَـگءَاِنـت بـلـئـے نـوں مـنـی چَـمّ سُـچَـگءَاَنـت.

@Labzank
telegram.me/Labzank

دُرّیـں گـُـپـتـار : پـیـٹـر التـنـبـرگ
رجـانـک : ادَبـی هَـکـیـم
وَهـدے کـہ تـو دیـسـت جَـن ءُ مَـردے وَشـهـال اَنـت گـڑا بـزاں کـہ مَـرد هَـمـا راهءَ روَگءَاِنـت کـہ آئـی ءِ جَـن بـہ لـوٹ ایـت ءُ جَـن هَـمـا راه ءَ رَوَگءَاِنـت کـہ آ وَت بـہ لـوٹ ایـت.

@Labzank
telegram.me/Labzank

بیا کپوت نندین ءُ ساچیں پہ وتا موسمے

تو ملوریں بیگہ ءِ دل من زھیریں مردمے

چہ ھما روچ ءَ کہ تو اتک ئے اد ءَ تہنائی انت

تو چہ ھما روچ ءَ کہ رپت ئے من نہ دیستگ مردمے

زندگی یک سبزکیں دمکے کہ ھر دم تاب وارت

تن آپ ءِ جنگل ءَ روت آس سر بیت جہندمے

واجہ منیر مومن


@Labzank
telegram.me/Labzank

کـُـجـام گـَـمـاں تـو بَـڈ کـُـرت کـن ئـے ؟!!.. آریـپّـیـں پـت ءُ مَـکـَهـیـں مـات ءِ گـَـمـاں !!.. مَـڑاداریـں بـرات ءُ گـرانّـازیـں گـُـهـارءِ گـَـمـاں !!.. سَـولـیـں بَـچّ ءُ نـازگـَـلـیـں دُتــگ ءِ گـَـمـاں !!.. زنـدمـان ءِ آیـوکـیـں روچـانـی تَـهـلـی ءُ تـرُپـشـی ءِ گـَـمـاں !!.. سُـتـکـَـگـیـں ڈیـہ ءُ پَـهـوالـیـں راج ءِ گـَـمـاں !!.. گـڑا گِـهـتِـراِنـت کـہ تـو درُهـیـں گـَـمـاں هـاوَنـد ءِ دَسـتءَ بـہ دَے ءُ وَتـی دیـمـا ءِ روچـاں بـچـار ءُ پـہ وَت یَـک وَشـهـالـیـں زنـدے جـواں بـہ کـن.
ادَبـی هَـکـیـم

@Labzank
telegram.me/Labzank

اِے لَـچّـہ ءَ بـاز وَهـد ءَ پـیـش مـن نـبـشـتَـگ بـلـئـے گـار بـوُتـگ.
لَـچّـہ : بـے وَپـا
شـائـر : ادبـی هَـکـیـم
تَـراوں مِـهــر دات ءُ پـہ تـو مـن جَـپـا کـُـت
تَـــراوں دِل دات ءُ پـہ تـــو مَــن وَپــا کـُــت
وَت ءَ بَــربـــاد ، تــئــی گـَـپ ءُ رَپ ءَ کـُــت
وَتی نـام اوں شَـمُـشت ، تئی اوں دپءَ کـُت
تَــراوں دوزداشـت ءُ مِـهـرانـی گـَپ ءَ کـُـت
گـَم اوں رُپـت اَنـت دل ءَ پـہ تـو سَــپـا کـُـت
تَــراوں پـہ چــاڑ ، کــاڑانـی ســرَپ ءَ کـُـت
تــئــی دیــدار ءِ واهَــگ نِــیــم شَـپ ءَ کـُـت
وَت ءَ اَنــگـــار ، تــرا کـَــٹ ءُ نَـــپ ءَ کـُـت
تَـــرا وَشّ ءُ وَت ءَ گـَـــرمـیـں تَـــپ ءَ کـُـت
وَت ءَ شَـپ کـُـت پـہ تــو او چـاردَهــی مـاه!
مَن ءَ چـہ وَپـتَـگــیـں واب ءَ تـو پـاد کـُـت !
مَـن اِت گـَـهـگــیــر ، هَـیـالانـی دْرَپ ءَ کـُـت
مَـنـی جـان اِت مَـکـُـنـٹـگ چـو کْـرَپ ءَ کـُـت
وَت اِت رَد دات ، هَـکـیـم اِت بـے وَپـــا کـُـت
شَـپ ءِ رازانـی هـال گـوں سَـرگـُـوَپ ءَ کـُـت
@Labzank
telegram.me/Labzank

🌐بلوچستانءِ مزنیں گوش‌بُرّ دَزگیر بوت

زی شنبهءِ سهبءَ (1 اکتبر2017) ایرانءِ انتظامی واکاں مردے که چه بلوچستانا بازیں پول و مالے دزّتگ اَت، مَں استان تهران، دماوندءِ شهرا، دزگیر کرت.، سردار حسین رحیمی سیستان‌وبلوچستانءِ انتظامی واکانی مسترا گوشت: استانءِ زرباری/جنوبی نیمگءِ میلیاردی گوش‌بُرّ شنبه (10 مهر95) شپءِ ساهت یک و نیما استان تهران و دماوندءِ شهرا دزگیر کنگ بوت.
تهرانی مردے په نام سیداحمد میرمحمدی چنت سالا مَں بلوچستانا ماشینءِ لین و دَینی کرتگ. آئی رند چه مردمانی اعتماد و بروسه‌ءِ دستا آرگا گوستگیں رمضانءِ‌ اول سرا بازیں مردمے ریپینت و چه اِیرانا تاتک.
بازینے چه مئے بلوچ راج گوں اِے هالءِ اشکنگا سک دلپدرد بوتنت. واجه و پیشنمازاں په اِے گوش‌بُرّءِ دزگیریا باز تاکید کرت. مولانا عیدالحمیدا ماں وتی جمعه (28 خرداد 95) ءِ گپاں مردم په صبر و اوپار وصیت کرتنت و چه قضائی و امنیتی کارمسترانی لوٹت که اِے مشکلا په دل رندگیری کننت.
رند چه شکایت و قضائی کارانی رندگیریا اِے مرد دزگیر کنگ بوت. مردم چه اِے مال‌دزّءِ‌ دزگیریا باز گَل بوتگنت و امیت کشّ اَنت که آیانی مال پدا په آیاں پچ‌ترینگ ببنت.