بتـل /
گـپ گَـپ ءَ چـہ در کیـت

گـپ گـوں یکے ءَ نـہ بیـت گـپ دیـوان ءَ بیـت دیـوان دو ـ سے ـچار ءُ پنـچ کـس مـردم ءَ گـوں بیـت ، یکے گـوں وت بـہ ننـد ایـت ءُ اگـاں ھبـر بـہ کنـت ھـر کـس کـہ چـہ در ءَ کیـت گـوش ایـت پـلانـی تـرا چـون اِنـت وتسـر ءَ نشـتگ ئے انچـش گنـوک ءُ ابـدالاں رٹـگ ءَ ئے! گـپ گـوں یـک دمیـگ ءَ تـامـدار انـت کـہ
گپے اے جنـت ءُ گپے آ جنـت گـڑا گـپ چـہ گـپ ءَ در کیـت ءُ بنگـیج بیـت ءُ دیـم روت.
پولکار/ ھـارون اخــلاقـی@
لبـزانکـی مجلـس کلمتـی کـاروان.

رستـریـں گُرکءُ بـے کَماشیـں میـتگ

رستـریں گُرکّے ہست اَت کہ آمیتگےءَ دُزّ کپتگ اَت برے آیءَ مُرگے گِپتءُ وارتءُ برے شِنکّءُ گٹّورے
میـتگءَ سریں کمـاشے مان نیـست اَت کہ مہلوکءَ مُچّ بِکنتءُ آیانءَ شورے بہ دنت
مہـلوک مُچ نبوتنت ہرچ کسءَ گُشت کہ پہ مُرگءُ شِنکّےءِ ھاترءَ ما گُرکےءِ دُمبءَ کپت نہ کنیـں وتی کارءُ روزگارءَ یلہ دات نہ کنیـں گُرک شیرک بوتءُ رندا آیءَ گُرانڈءُ پاچناں گپتءُ وارت اَنت
پدا مہلوک مُچّ نہ بوتنتءُ آیانءَ ہیچ نہ کُت
ہرچ کسءَ گُشت کہ پہ یَک پاچِنءُ گُرانڈےءِ ھاترءَ ما بلاھیـں جنگلءَ گرکءَ شوھاز کُت نہ کنیـںءُ وتی کارءُ باراں یلہ دات نہ کنـیں
گُرک گِیـشتر شیرک بوتءُ رندا آیءَ گونڈیـں چُکّانی گِرگءُ برگ بُنگـیج کُت پدا ھم مہـلوک مُچّ نبوتنتءُ آیانءَ ھیچّ نہ کُت
ہر کسءَ گُشت کہ پہ یَک گوانزگی چُکّےءَ ما وتءُ سیہ دِل کُت نہ کنـیںءُ گُرکءِ شوھازءَ در نہ کَپیـں
رندا گُرکءَ ورنا گِپتءَ وارت اَنت
پدا ھم مہلوک مُچّ نبوتنتءُ آیانءَ ہیچّ نہ کُت ہر کسءَ گُشت کہ پہ یکّ بچکّےءِ ھاترءَ ما کَماشیـں گُرکےءِ شوھازءَ در نہ کپیـںءُ ھدا بزانت کہ گُرکءَ وتءَ ماں کجام ھونڑءَ ٹپّینتگ ءُ چیــر داتگ
وھدے کہ گُرکءَ ورنا وارتءُ ھلّینت اَنت رندا آیءَ کماشانی گِرگءُ ورگ بُنگــیج کُت نوں کماش آتکءُ یکجاہءُ مُچّ بوتنتءُ درہاں شُور کُت کہ گُرکءَ بجننتءُ بہ کُشنت
بَلے ہرکسءَ وتءَ چارتءُ گُشت کہ من پیریں مردے اوں ءُ منی واک نہ کنت کہ گوں گُرکءَ بہ مڑوں
اے مئے ورنا آنی کاراَت بلے اپســوز کــہ ورنا گُرکءَ پیــسرءَ یکءُ یکءَ گِپتءُ وتی شامءُ لاپ کُتنت
کسّےءَ گـوں گَرکءَ جنگ کُت نہ کُت تاں کہ گُرکءَ تیــوگیں میـتگءِ مہـلوک یکءُ یکءَ وارت اَنت

منـی ھیالءَ اے کسّہ ہنچش اِنت کہ مئے
(رستریں زوراکءُ مئے ڈیھءِ بے کماشیں راج)
اگاں چُش نہ اِنت گُڑا بہ نبیـس اِتءُ مناں ھال بہ دیت
............ادبــی ھکــــیم ...........
اے آزمانک زورگ بوتءَ چہ بلوچی ماھتاکءَ

...............وشکــــند.............

یک مردے وتــی پــرپٹءِ گـواتاں کشّـگءَاَت یــک رھــگوزی ئے چــہ ھمداں گـوزگءَ اَت جُسـتءِ کُـت واجہ تـو وتــئ پـرپٹءِ گــواتاں وت کـشّگءَ یے پــرچا؟
مــردءَ پسـّــو دات کـہ منــئ پــرپٹءِ ٹَیــرانی گــوات کــوھن اَنت سـکّ دیــر انت اِش مـن ایشـاں کـشّ آں ءُ دگہ نــوکیــں گوات اِش مان کَـن آں
@Labzank
telegram.me/Labzank

.........بــے بہــایـں گــپ.........
⏪ھــَر کَـس کـہ زِیـات جُســتءُ پـول کـَنت آ زیـات دَر بـارت
⏪ھَمــا گـپّءَ کـہ وت سـرپَد بئے ھما گـپّءَ بِجــن
⏪زانتــکاریں مــردم ھمـا اِنت کــہ باز زانت بلــے جُســتءِ کـن ئے گُشــیت ..دَنیگا مــَن ھــیچ نـہ زان آں
⏪آزمـان آیــیءِ نـہ اِنت کـہ بـانزُل ئے پِـر بیــت بَلکیـں ھمــای ئیگ اِنت کـہ بال کَنـگءِ ھُنـرئے گوں ببیـت
⏪اگــاں دنیاءَ تـرا ھــچ مـہ بیـــت دُرسـت تــرا یَــلہ بـہ دیــاں بـَلے اگــاں تــئ کــرّءَ ھِمّــتءُ بـَـرداشت ھـَـست بِـزاں تــرا دُرسـت گــوں
@Labzank
telegram.me/Labzank

...................بَتـــل.................
⏪مـــور پـَـــہ چـَــرپیءَ رچ اِیــت
⏪دُژمــن اَگـاں مــورے بـِـزاں مــزارے
⏪چَــم نـہ گِنــداِیـت دِل نلــوٹ اِیت
⏪ھَمـا ھبــرءَ بـہ کـَـن کِــہ دپ ءِ دار اِیــت
@Labzank
telegram.me/Labzank

...............چاچ................
⏪چِـل مــَرداں درونءِ بانءَ
پــوشاک نہ دار اَنت جانءَ
پـاگ اِش بـَـستگ چــو سُلتانءَ (باکسءُ ڈیل)
⏪مـُرگے مـاں ھــسارءَ دَرنگ اِنت
پِسـتولءَ جَتگ پِرّیــنتگ
پـَنـج مــردءَ چِــتگ گِـرّینتگ (کُبل)
⏪بُرزءَ کــاءُ کادان اِنت جَھـلءَ آپءُ آپ دان اِنت (چِلــیم)
@Labzank
telegram.me/Labzank

♢دستــونـک♢

〇گُلام رسول دینار زئی‌〇

دریا مـنی مــھرءِ مہ ھوش توکـہ ھُش ئے من ھـم ھُــشاں ➣
چی تـرا مـارا بُگش تو کـہ گُـش ئے مــن ھـم گُشـاں ➣
چـی انت ترا تو وپـتگ ئے ھـاموش ئے انسرتگ ئے➣
گْورمـے بہ شاپ پـادءَ بہ جُـش، تو کـہ جُش ئے من ھم جُـشاں ➣
روچـاں گوز انت اے بیوسی اے وزوسءُ اے بےکـسی ➣
چـہ بےکسی دنتاں مہ دُرش توکـہ دُرش ئے من ھـم دُرشـاں ➣
وشــنیاتکی ءِ دھــرءَ بگـند پہ چــاکری اھدءَ بنند؟ ➣
تـاگـت بـہ کن ھنوں مہ پرش تو کـہ پرش ئے من ھـم پـرشاں ➣
تو زندگ ئے مـن زنـدگاں تو مُـرتگ ئے مـن مُرتگاں➣
کـندیـلاں روکـیں تو مــہ کُش، تو کہ کُش ئے من ھـم کُـشاں
@Labzank
telegram.me/Labzank

..........بـَـــــدیــں آدت.............
وھـدءُ زمـانـگاں یَــک ســوداگــرے ھــست اَت
آئیءَ وادءِ کـارءُ بـار کُت ھـَر روچ وتــئ ھــرءِ سَــرءَ وادئے لــڑاِتءُ کــورءَ ھـما دیــم دومــی میــتگءَ ھَمــے وادءِ بھــا کُـت اَنت
یَـک روچــے ھَــر چــہ وادءَ بار اَتءُ کــورءَ گــوزگ اَت کــور تچـگءَ اَت ھــرءِ پـاد لگُشتءُ آپءِ تـہءَ کَپـت
ســوداگرءَ گُشادیءَ ھــر پاد کُت بـلے بازیں واد آپ بوتءُ ھــرءِ بار سُبک بوت
ھـرءَ دیست کــہ نوں آئءِ بار کــم تـر اِت گُــڈا آئءَ آدت کُت ھــر روچ کــہ کــورءِ نــیامءَ ســر بوت ھنــچو جُـک اِتءُ واد آپءَ کپت انت ءُ بار سُبــک بـوت
سـوداگرءَ بـازیــں تـاوانءِ بوتءُ آ چـہ ھَــرءِ آدتاں بیــزار بوت
ســوداگرءَ جیــڑاِت کــہ چــوں ھــرءِ آدتءَ بـہ کشّـاں یـَـکروچے ســوداگرءَ وادءِ بــدلءَ پُکّــی بــزاں کپــاس ھــرءَ لــڑ اِتءُ دیــم پــہ دومی میــتگءَ رھــادگ بوت
ھَــر چــہ وتــی آدتاں مجــبوراَت پــدءَ کــہ کورء نیامءَِ سَــر بوت آپءِ تھــا جُـکّ اِت
آپءِ کپگءَ گــوں پُکــّیاں آپ زُرتءُ ھــرءِ بار ســکّ گــران بوت
وھـدیکہ کــہ ھَــر پاد اَتک سَــرپد بوت کــہ مَنــی بار گــران بــوتگ
ھـَــر پــہ نــادل سـَـری گــام جنــان بـوت ســوداگرءَ لـَٹّ شـاپ کنان کُتءُ میــتگءَ ســر کُت
ھـما روچءَ پَــد ھَــرءَ آپءِ تَھــا جُکّگ یــلہ دات

(اے کــسّـــہ چــہ ماھتــاک دَرونتءَ زورگ بوتءَ )
@Labzank
telegram.me/Labzank

جور جوابیں نسیر
ملـا نسیر ءَ مدام ھرے گون بوتگ ءُ کدی یک دھاتی شُتگ.. یک روچ ءِدھاتی ءَ مردی ءَ دیست ءُ گڑا پـہ تژن ئے گُشت: ملـا من ترا چـہ تئی ھر ءَ جاہ کاراں اگا دورا چـے ھم بگنداں.
ملـا: ھَو،پرواھے نیست پرچا کـے ھر ھرءَ پجّا کاراِیت
@Labzank
telegram.me/Labzank

...............وشکَنـــد..............
یَــک مُــلّاے وتــئ وازءِ تَــہ نِمــازءِ پَــرزاں گُشــگءَ اَت
کـِـہ پیــشانیءِ مــوداں تـاں زَنــوکءِ چیــرءَ اے گُــوشءَ تـاں دومــی گــوشءَ دیــمءِ شـــودَگ پَــرزاِنت
یَـک کُــوٹّے پـاد اَتکءُ گُشت ئے! مـُلّا گُــڑا مَنـئ پـِــیشانی چَــہ کُجـا شُــرو(بنگیــج) بیــت😃😃
@Labzank
telegram.me/Labzank

............دُرّیــں دانــک ...........

⏪شَرّیـــں دوسـتےءِ در گیــجگءَ پیـــسر وت یـَــک شَرّیــں دوستے بـہ بــو
⏪گُـــوستگــیں روچـانی بــاروءَ مَــہ جیـــڑ بَلکیــں آوکیـــں روچــاں پَــہ جـُـوانی گــوازینگءِ جُہــدءَ بِکــن
⏪مــاتءِ کــدرءَ بــہ کَن چــیءَ کــہ مــات ھـــداءِ داتگــیں ٹیــکی اِنــت
@Labzank
telegram.me/Labzank

..............مالـوم داری.........
⏪بَلوچـی زبـانءِ اوّلـی نـاول سـَـید ھـاشمیءَ 1976ءَ؛؛؛؛نـازُک؛؛؛؛؛نِبـشتہ کُتــگ
⏪بَلــوچی زبـانءِ اوّلـی گَــزل (دستــونک) سَیــد مَلــنگ شــاہءَ 1922ءَنِبــشتہ کُتــگ
⏪ بَلــوچستانءِ مَستــریں اکیــڈمی بَلــوچی اَکیــڈمی اِنت آئءِ بِنــدات 1961ءَ بــوتگ
⏪بَلــوچی اَکیــڈمیءِ اوّلی چیئرمـن مـَـہمد ســـردار گِشــکوریءُ وائــس چِیـئرمن میــر مٹّھاکان مَــری بــوتَگ
@Labzank
telegram.me/Labzank

مَــن کَــدی ســرداریءُ میـتّـاپءُ کیــلّگ بــورءُ لَشــکر لــوٹ اِتگ

مــَن کَــدی مُـــرواردءُ تَنـــگہ ھَــزینہ مـــالءُ گــوھــر لــوٹ اِتــگ

رُمــب اِتـگ پُــر کِیــنگءُ کَستــیں پمــن یَــک گُنــگدامیــں لَشکــرے

مَــن چــہ زوراکــاں اِے راجءِ زِھــتگیــں گالانی دَپتــر لــوٹ اِتـگ

.........سَـــید ھاشُمــی .......

@Labzank
telegram.me/Labzank

........روبـاءِ زیـارت...کِسّـــہ.........
روباہ ئے ءَ پـاگـے سَــرءَ بَســتءُ جُپتــے تــَزبیءِ دســتءَ کُـت داں کــہ نِکیــکءُ کُــروساں رَد بِــہ دیـاں
یَــک روچـے کــروسےءَ ُ روبـاہءَ را دیــست گُــڑا جُست ئے کُت کُجـام نیمــگءَ روگءَئے روباہ ءَ پسّـو دات مکّــہ روگءَ آں کِــہ تــوبہ بِہ کَنــاں چِدءُ گیــشتر گُناہ مــہ کَنــں آں ءُ بَـزّگیــں نِکیــنکءُ کــروساں مَــہ وراں کُـروسءَ گُشت مَـن گــوں تو کایاں گــوں ' کُــروس ہمــراہ اَت دوئیـں روان اِت اَنت راہءَ ایشــاں نِکینـکءَ دیــست کــہ کــُـروس روبـاہءِ رنــدءَ اِنـت گُــڑا جُسـت ئے کُـت زیـارتءِ گَپ کــہ اِشکُت ئے آ ھـَـم ھمــراہ بوت گــوں
دیمــترءَ ایشـاناں گُراگے ءَ دیــست آ کــہ ایشـاناں چــو تِپاکیءَ یکجـا گِنــداِیت آ ھَـم ھمــراہ بِیــت گــوں
روان روان اِیشاناں شَـپ گِیپت شَــپءَ اِیشـاں بـانڑمےءِ سَـرءَ داشتءُ گَـپّءُ تــرانءَ لــگّ اِت اَنت'
روبـاہءَ شُدءَ ھـوں گِپــتگ اَت گُــڑا گُشـت ئے شَــپءَ ھَمــداں گــوازین اِیــں سُہــبءَ مَہـلّہ روان بیــں '
روباہءَ شُد بـَـرداشت نَبــوت کُــروسءَ را تـوارئے جَـتءُ گُشت ئے تو زیـارت کَنــوکیں کــروس ئے نئے ھَمک سـاھت بانـگ دَئے ءُ مَــردماں چَـہ وشّیــں وابءَ پاد کَن ئے ھَمے گُپّاں گــوں کــروس ئے گِپــتءُ وارت رَنـد چَــہ کـَـروسءَ رو بـاہءَ گــوں نِکیــنکءَ گُشت تــو ھَـم چَــہ کــروسءَ کَمــتر نئے ھَیــکے کارئے نیارئے تِیــوگیــں بازارا سرءَ زور ئے تـئ دَوا ھَم کُشگ اِنت ھَمــے شَـرتءَ نِکینک ئےِ ھَم وارت
رَنـد چَـہ نِکینکءِ ورگءَ دیـم پَـہ گُـراگءِ نیمــگءَ شُتءُ گُشت ئے تَــو دُزّے ئے ھَــر چی تَـو بِہ گِنــدئے دُزّے ئے گُراگے گِپـتءُ دَپء َئے کُت گُــڑا گُـراگءَ گُــشت واجــہ روبـاہ مَنــی ھُـدا مُرزی ئیں مـاتءُ پِتــاں مَنءَ مُـدام گُــشت کِــہ تــو یَــک روچــے روبــاہ یےءِ دپــار بئے '
بَلــے گــوں مَنءَ اے ھَـم گُشــت اِش ھــر وھـدے کِــہ تَــرا روبـایے گِـپت
گُــڑا آیءَ بِـہ گُــش کِــہ پِیــش چَـہ ورگءَ بِسم اللہ الّم بِـہ کَنت نــوں اوّلءَ بِســم اللہ بــہ کـَن رنــدءَ مــنءَ بــہ وَر روباہءَ پسّــو دات ھنچـوش کَن آں '
وھــدے کِـہ روبـاہءَ دپ پَــچ کُــت پَــہ بِســم اللہءَ گُــراگ بُنءَ کَپــتءُ اِشــتاپیءَ پـاد اتکءُ بـال ئے کُـتءُ دیــوالءِ ســرءَ نِشــت کَلّـگءِ دُرستــں مَـردماناں روبـاہءِ ھـال ئے دات کَلّگءِ مَـردماں روبـاہ جُـتءُ کُــشت ......
@Labzank
telegram.me/Labzank

روباہ اش جُست کُت تئی شـاھد کے انت گـوشتـی منـی دُمـب انت //

اے بتـل ءِ پـژدر چُـش انت کہ بـزاں کـسے کـہ کـارے بـہ کنـت یـا کـہ نـہ کتگـی وھـدے کـہ ھبـر پـہ دیـر ءُ دراج ءَ رپـت ءُ رس ات گـڑا نـی مِـن مِنانـی بچـار اِت . راستـیں ھبـر ایـش انـت کـہ بے شـاھـد ءُ بے گـواھـی ءَ ناراستیــں یا ھمـا دروگـیں ھبـر شَـرّ نـہ انـت وھــدے کـہ روبـاہ ءِ شـاھـد آئـی ءِ دُمـب بـہ بیـت شمـا الـم بـہ زان اِت کـہ اے ھبـر راستیں ھبـرے نـہ انـت، دروگے .
یک ھبـرے دگـہ ایـش انـت کـہ انچشـیں زمـانـگے آتـکگ کـہ گـریـب ءُ بے وس ءِ ھبـر ءُ شـاھـدی ءَ ھـم کـس نـہ مـن ایـت. اللہ وت رھــم بـہ کنـت.
پولکار/ ھارون اخّلاقـی@
لبزانکـی مجلـس کلمتـی کـاروان.

................گوشکند.........
یک روچے شیک چلی ءِ ھر ءَ ردی کتگ اَت ءُ آ ھر ءَ جَنگ ءَ اَت، گـڑا مردی ءَ اھتراز کت کـے شیک اِے گنگدام ءَ پرچا جنگ ئے
شیک ءَ دراہینت:من ءَ پھل کن من نزانتگ تئی سیاد اِنت
@Labzank
telegram.me/Labzank

..............دُرّیــں دانک...........

بے کاراِنت ھما دوست کِـہ آئیءَ وپا نیـست

بـے کـاراِنت ھَما دولـت کِــہ ھـَـرام اِنـت

بـے کـاراِنت ھَما زِنـد کِـہ کَســی کـارءَ نئیت

دروگ سَـرجمیــں گُنـاھانی مـات اِنتءُ راسـت سَــرجمیــں ھَــرابیانی الاج اِنت
@Labzank
telegram.me/Labzank

..گرانیـں ساھتاں کماشاں پیـسر کن..
................کِسّـــــــہ ............
یَک ھنـدےءِ مَردم وَت مــاں وتءَ ناتپــاکءُ جـَنـگ کَنــوکیــں مَردم اِت اَنت
ناتپاکیءُ وت مـاں وتءَ دسـتءُ جیــگیءَ ابید اِیــشاں دگـہ ھـیچ چُشیــں سـُدءُ سـمایے نیــس اَت وتــی ورناھیءَ گُــروناک اِت اَنتءُ
پیـرءُ کمــاشیں مَـردم آیـاں پــہ چَلّیـں ناہ یے ءَ ھَـم ھــساب نہ کُت اَنت
ایشـانی ھَمـے نـادانیءُ نـا سَرپدیاں کَشــںءُ کِـرّءِ راجـاں اِیشــانی سَــرءَ اُرش کُـت وتئ جِندانـی رکّیـنگءَ دُرسـتاں وتـی پیــریں ھمـراہ یَل داتءُ تَـتک اَنت یَـک بوجیــگیےءَ سـوار بوت اَنتءُ دیــم پُـہ دِگــہ میــتگےءَ رھـادگ بـوت اَنت بَلـے یَـک مــردےءَ وَتــی پیــریں پِـت لَچـے ءِ تـہءَ کُـتءُ گــوں وت بُـرت گــوں
ھُـداءِ کـار زانـگ نـہ بنت وھــدے کــہ بــوجیـگ زِرءِ جُہـلانکیءَ رس اِت تـہءَ ھُـداءِ کُدرت چَـہ زِرءِ گبـوءَ مـَزنیــں پَنجـگے پَدّر بوتءُ چَـہ ایشـیءَ بوجیــگ ھــوں وت ســرءَ وت اوشتات ناھــداءَ مــَزنیــں ھیــلہءُ تــوجیلے کُت بَــلے بــوجیـگ چـَـہ وَتــی جاگہءَ ھِیــچ نـہ ٹـک اِت دُرست ھبـکہ ءُ ھیــران بــوت اَنت کِــہ اے چــونیـں اسـرارے اَت کِــہ بــوجیــگ نـَـہ ٹِـکّ اِیت ھَمــے ھیــرانیءُ پَـریشانیءَ وت ماں وتءَ جیــڑگءُ ســوڑگءَ لگّ ات اَنت کـہ نــی ما چِــے بِــہ کَنیــں
چــے بیت بــوجیــگ پـَـرچا نَـہ روتءُ اے چــونیــں دســتے؟
اے ڈولءَ مـارا شُدءُ تُنّـے کُش ایت
نـاھداءَ گُشـت مَنــی سَـر ھِیــچ پِــر نبیت کِــہ بوجیــگ پــرچا نـہ روت نــوں ما چِــے بِہ کن ایں؟
یَکـےءَ درّائینت کِـہ پیــشی ئیں مَـردماں گُشـتگ کِـہ گــرانیں گــرانیـں ساھتـاں کَمـاشاں پیــسر کــن اِت دریگتــں مـا وتــی پیــریں وَتـی ھَمــراہ بـہ کُتیـن اَنت
بَلــے پیــریں وا مـاءُ شُمـا زھـمانی دپءَ دات اَنتءُ تَتـک ایں نــوں ھمیــش اِنت ھـَـرچی کِــہ ھــداءَ آورتگ
ھَمیـشانی تـَـہ یَــک وَرنـاے دیـمءَ کِــنزاِت کِــہ بِــے تــواریءَ یَـک نیــمگےءَ نــشتگ اَت چَــہ وتـی جـاگہءَ پاد اَتکءُ آیـانی گــورءَ شُــتءُ درّائینت ئے اگـاں شُمـا دلءَ نـہ بـراِت مـنءَ وَتــی کمــاش گــون اِنت چــیءَ کــہ مَـنءَ وتــئ پِــت اُودءِ یَـل کَنــگءَ دل نــہ بــوتگءُ مَــن چِــیروکائی لـچےءِ تــہءَ کُـتگ شُــما اگـاں لــوٹ اِت مَـن انــوں وتــی پِـتءَ چَــہ لَــچءَ دَر کــن آں
دُرستـانی چَـم رژناہ بــوت اَنت
زوت کـَن وتــی پِــتءَ بیــار کِــہ چِــدءُ مَستــریں سَکّــی مئے ســرا نئیت بِــہ گِنــدئے مـارا چَــرے سَکّــیءَ بــہ رکّیــن اِیـتءُ مارا راہ یے پیــش بہ داریـت
ورناہءَ وتــی پِـت چَــہ لــچءَ کــشّ اِتءُ ڈنّءَ درکُت پـِـیسرءَ مَــردءَ یَـک بَــرے شَــرّیءِ سَــرا ھَــمے پَنـجگءِ نیمـگءَ چار اِتءَ پــدءَ وتــی دویــں لَنکـُک پنـجگءِ نیمــگءَ ٹـال کُت اَنت درسـت ھَیــرانیءَ پیــرمردءَ چـارگءَ اِت اَنت پیــرمردءِ دوئیں لنکُکـانی ٹـال کَنـگءَ ھُــداءِ کُدرتـاں ھَمــے پنجـگ گار بوت ءُ بــوجیــگ ھــوں سُــرگءَ لگّ اِت
وَرنا دُرس ھیــران بــوت اَنت اے سَـرپد بوت اَنت کِـہ کـارے کِــہ پیــرین کُت کَن اَنت ئے
کَستــریںءُ ورنایاں گـوں بــوت نَـہ کنت اے پـدءَ واتــر بــوت اَنت وتــئ شَــہرءَ پَشــت کَپتگیــں مَــردماناں رکّیــنت

@Labzank
telegram.me/Labzank

🌺غلام حسین شوهاز🌺..
🌹🌹لچہ(جَوک)🌹🌹
مُلک پَرنگانی اگاں وش ءُ زیبا انت
عرب اگاں سیر انت دولت ءُ مال ء'
دولت اش سربار انت ستر تیل ء'
مُلک ءِ یونان ءُ قبرص تُرکی.....
بل ئے واهند برق ءُ بُرجانی
مغرب ءُ تونس ءُ پرانس وش انت
چو جنتء'انت بل شام ءُ اسرائیل
مصر ءُ لبنان ءُ بےبها سوڈان
کہ مں درائیں هَند گولت ءُ رپتاں
تہ هچ نہ جت بے بوهیں دل ء' گواتے
نے منء' مان آتکاں جِنک هِند ءِ
نے کہ پلپینءُ چین ءُ هِلمند ء
نے دلء جوزیناں منی بنداں
لَندنءِ بازار ءُ ترانگ اسپین ءِ
تلوسا ں من پہ بلءُ مَچّات ء'
کہ منء' تمپ ءِ ترانگاں پُروشتگ
ءُ مند منی ساه ءِ کشئگء' گون اِ نت
کہ کِیچ منی تُنیگیں دل ءِ ارواه
بَندن منی زند ءِ بندری لوٹ انت
زامران منی ساہ ءُ مهکمیں دلواه
کہ پنجگور منی گنجءُ ترانگانی ماه🌹💝
@Labzank
telegram.me/Labzank