ھچ وڈءَ گوں منءَ ائید نہ بیت
پرشتگاں سرجمءَ ائید نہ بیت
مات منی نالگ انت ھرشپءَ
گوں منءَ اے وڈءَ ائید نہ بیت
چورہ ئِے جیڑگیں گوں وتءَ
چوش منی کسمتءَ ائید نہ بیت
آچشے روک کتگ مے سرا
من گشاں اے ھدا ائید نہ بیت
میتگءَ بزگرئِے ھست منی
نشتگاں من پدءَ ائید نہ بیت
شھد کتگ من وتی زندگی
برادلے ماں گسءَ ائید نہ بیت
سوچ وتی شکلیں ساھتاں
نوں حمید گوں ترا ائید نہ بیت

@Labzank
telegram.me/Labzank

انسانیت سن و سال نمیشناسد!
انسانیت وقت و بی وقت نمیشناسد

انسانیت دارا و ندار نمیشناسد
انسانیت دڪتری و بی سواد نمیشناسد

انسانیت شعور میشناسد
درڪ میشناسد ، فرهنگ میشناسد..
-----------------
گوں سند ءُ سال ءَ کسے انسان نہ بیت !
وهد ءُ بے وهدی کسے ءَ انسان نہ کنت

گوں هزگاری ءُ نیزگاری ءَ کسے انسان نہ بیت ..
گوں وانندگی ءُ ناوانندگی ءَ کسے انسان نہ بیت
مردم گری ءِ پجّار شهور ، زانگ ءُ زانوگری اَنت .
رجانک / ص رئیسی.

عطا شاد یا منیر مومن؟
چندن ساچ
عطا شاد ءُ منیر مومن ءِ شاعری ءِ سرا جوانیں وڑے ءَ کار نہ بوتگ۔ نگد ءِ حساب ءَ عطا شاد ءُ منیر مومن چارگ ءُ تپاسگ نہ بوتگ اَنت۔ منی نزّاں گڑا اِے گپ بے معنا اِنت کہ منیر چہ عطا شاد ءَ مستریں شاعرے۔
دومی گپ، اِے گپ زاناں المی اِنت کہ یک شاعرے ءِ مزن کنئگ ءِ واستا دومی شاعر کسان کنئگ بہ بیت؟ من منیر ءِ شاعری ءِ سرا کسے ءِ جوانیں نگد نہ ونتگ۔ ناں کہ عطا شاد ءِ سرا جوانیں نگدے دیما اتکگ۔
منیر مومن ءِ کتاب ’’دریا چنکے ہوشام اِنت‘‘ ءِ پیش گال ءَ ناگمان نبشتہ کنت کہ منیر چہ عطا ءَ مستریں شاعرے۔ بَلے منیر چوں عطا شاد ءَ چہ مستریں شاعرے؟ بس اِے کہ ’’عطا شاد ءِ شاعری ترونگل ءِ وڑا گواریت ءُ منیر ءِ برف ءِ پژکانی وڑا نرم نرم ءَ رچیت‘‘ اِے وَ گپے نہ اِنت کہ ناگمان ءَ کتگ۔ البتہ اگاں ناگمان ءَ عطا ءُ منیر ءِ شاعری دیم پہ دیم بکتین ءُ اے گپ بہ جتیں گڑا انگت دردے پہ دو اَت۔ بَلے ہنچو پہ وت ءُ دیم آیگ ءُ گشئگ کہ عطا کسان اِنت منیر مزن اِنت، منی حیالاں لبزانکی دنیا ءِ نزورتریں نگد اِنت۔ پرچا کہ اِے گپ ءَ وَ ہر کس جنت کنت۔ اگاں چوشی ءَ بچارئے عطا شاد ءِ گورا ہم ہنچیں بازیں شعر ہست اَنت کہ برف ءِ پژکانی وڑا رچنت۔
من چو تئی عہد ءِ کلات ءَ پرشتگوں
سنگے بجن یا بیا من ءَ ہمباز کن
یا عطا ءِ اے شعر ءَ بہ گند
مناں توئے تئی زپتیں زہیراں
اِے گنجیں کوڑو ءَ یک محرمے بی
دومی مردم اِے آر داد اِنت کہ آ ہم وتی کتاب ’’نبشتگیں لبز‘‘ ءِ تہا منیر ءَ بلوچی ءِ مستریں دستونک گشیں شاعر سرپد بیت۔ بَلے منی جند اِے گپ ءَ گوں دانکہ ہما وہد ءَ تپاک نہ کنت کہ منیر ءُ عطا ءِ شاعری ءِ سرجمیں تک ءُ پھناتانی سرا چار ءُ تپاس کنئگ مہ بیت۔
بے شک منیر ہم مزنیں شاعرے بَلے منیر ءِ مزن کنئگءِ واستا المی نہ اِنت کہ ما عطا شاد ءَ کسان بہ کنیں۔
من دیستہ کہ ہنچیں شاعر عطا ءَ گشتگ آ منیر ءِ گورا نیست اَنت۔
من چو پُل ءَ ہتم ءِ چلگ ءَ پاہار کناں
چو سمین ءَ ماں لِواریں غماں اُفار کناں
تئی ملگ کہ سرپنت پُل ماں بہشتی کوشاں
تئی لڈگ کہ دل ءِ گواڑگ ءَ سر بار کناں
اِدا بگند
پہ تئی عشق ءِ داتگیں زیم ءِ آزگ ءَ
گوں وتی بدواہاں رواں دیوان کناں
یا اِدا
رولہی بیت کہ سرپنتیں تئی گُل رنگیں انارک
کجلیت شپ کہ تئی بیک شفاری باتاں
تاک بند گدار پسنی ءِ نہمی تاک ءَ مہپارہ بلوچ ءِ نبشتانک دیست ہم من ءَ بزگ بوت۔ مہپارہ ءَ ہم گڈسرا ناگمان ءِ گپ زرتگ اَنت ءُ گشتہ کہ منیر چہ عطا ءَ مستریں شاعرے۔ عطا شاد ءِ یک ءُ دو شاعر ئِے پہ دَور ہم داتہ۔
یک شاعرے دومی شاعر ءَ چہ چوں مستریں شاعرے بیت۔ اِے گپ ہما وہد ءَ دیما کئیت کہ دوئیں شاعرانی شاعری ءِ ہر تک ءُ پھنات چارگ بہ بیت۔ اگاں ناں چو باندا دگہ کسے ہم درکئیت ءُ گشیت۔ ’’منیر ءِ شاعری چو ہما نان ءِ وڑا اِنت کہ شوک پچگ بوتہ بَلے واد ئِے مان نیست بَلے عطا شاد ءِ شاعری ءِ واد برابر اِنت‘‘ اے گپ ہم سنگینیں نگد ءِ بُنکی لوٹاں سرجم نہ کنت پرچا کہ داں وہدے اے دوئینانی شاعری ءِ سرا جوانیں وڑے ءَ کار مہ بیت۔ منی حیالاں عطا شاد ءَ کسان کنئگ ءُ منیر ءَ مزن کنئگ مزنیں زوراکی یے ءُ اے دگہ زوراکی ءَ دگہ زوراکی یے کئیت ءُ ہلاس کنئگ ءِ جہد کنت۔
چناہا گاراں اے دنیا ءِ مُچیانی تہا
منارا گوں وتی چماں بچار تہنایاں
(منیر)
من گار اے بیگوازیں زند ءِ اندر ءَ
تو اچ وت ءَ ساری من ءَ شوہاز کن
(عطا)
منیر مستریں شاعر اِنت یا عطا؟
اِے جست ءِ پسہ مارا ہما روچ ءَ دز کپیت کہ ما اے دوئیں شاعرانی شعرانی ہر تک ءُ پھنات ءَ پہ نگدی دروشم ءَ بچاریں۔
اگاں ناں اِے مزنی ءُ کسانی ءِ سرٹیفکیٹ ءِ دئیگ گڑا پہ دائمی برجاہ بیت۔ ءُ من اے وڑیں بے لگامیں نگد ءَ پوچکے سرپد باں۔
@Labzank
telegram.me/Labzank


جی هما باری بلوچ شادان اتنت
اتّفاق و برات و همدیوان اتنت
کپتگ ات براتے من گرانین شدتے
قوم ء گرانین مشکلان دیمپان اتنت
کستر و همسایگ ء فکر ء گْوَر ات
غم تشے نیست ات گل و کندان اتنت
اولاک آیانی کمیت و مهری ات
کوهسار و کوچّگان تْرَدّان اتنت
ناگهان کپت انت من جنگ و جیڑ هے
صاحبی گپّان گون صلح و تْران اتنت
نان دے و لهڑ بخش اتنت وهدی بلوچ
هر روچ پلّین پتّرَے مهمان اتنت
سینگ و ونگ ات په وانانی سرا
برنج من دیزان و کباب سیهان اتنت
مجلس ات میری و گپ و کندگ ات
گون کمرزانی و شوق و شان اتنت
دایما رفت انت شکاری گردشان
کوچگان و من جڑ و کوهان اتنت
گر دچار کپت انت گرانڈ و پاچنان
گوشت من لوهیگ و جگر بریان اتنت
جی هما باری مے بست و کیلگان
ماش و سورو ارزنے جوهان اتنت
نایی ناهاریگ و شیر و روغن ات
کوپگان کلّیگ سواس پادان اتنت
کردگار بیارات هما روچان پدا
محمد نور ء وهدیگین ارمان اتنت

@Labzank
telegram.me/Labzank

🌹🌹🌹🌹🌹🌹🌹🌹🌹
بُراکانـی ائید
گوں نماز ءُ ابابتاں
زکر ءُ دوایاں
بُراک ءُ هیرات ءُ نیکیاں
شمارا گوں شمے لوگ مردماں مراد بات

@Labzank
telegram.me/Labzank

*مڑا داریں ھمــــــــــــبلاں*
*دوسـتناکیں بـیـل ءُ یلاں*
🌹🌹🌹🌹🌹
*اَئــــــــید مــــبــــــــــارک*
🌹🌹🌹🌹🌹
*مزنیں اَئید گـــوں وشّــــــــــــیاں پہ گَـــــل ءُ شادھــے پہ مـــراداں بـــــــات اِت*
*اَئید ءِ روچ ؛ گــوں نوکــــــیں زندے ءَ ، پہ سِــتک ءُ دلسپائی دریگے پہ وشّـــیانی زنـــــــدمان ءَ بنـگـیج ءُ ســـــــــــــــــــوبانی ســوب شمــئے دل ءِ بـھـر بات*


🌺🌺🌺🌺🌺🌺🌺🌺🌺


@Labzank
telegram.me/Labzank

تقبل منّا ومنکم صالح الاعمال
اُئید وشّیں روچ شُمارا درستیں بِرات ءُ واجھاں مُراد بات دُوا اِنت کہ مدام وشّ ءُ وشھال بات اِت اے پیمںں ھزار اَئید ُشمئے بَھت ءُ نصیب ءَ بہ بات .وتی ھکاں شَرّی سر ءَ پَھل ءُ درگوز کن اِت !!!!

شُمئے کستــر: م کلمتی
@Labzank
telegram.me/Labzank

🌺🌹🌺
*راج ءَ "ائید" سَد ھَزاراں مُبارَک*🌻
*راج ءِ گِھیں سَرمچاراں مُبارَک*🌹

*پُلّ اَنت ماں پُچّاں گوَش ئے راج ءِ پُسَّگ*🌹🌱💐🌱🌹
*یَلاں "ائید"ماں چوَتاریں شاراں مُبارَک* 💓
*بَلوچ ءِ نمیرانیں راج ءَ کِہ بَند اِنت*🌻
*دْرُھیناں "ائید" ماں دَواراں مُبارَک*🌺
*زُرمبِشتءِکاروانءُ کاروان ءِ زُرمبِشت*🌱
*گوَش اَنت " ائید " مَئے مات ءُ گُھاراں مُبارَک*
🌺💐🌺
*وتواجَھی بئیت پَدا"ائید" بیت مَئے*
*آ پُلّیں" ائید " مَئے مَزاراں مُبارَک*
💐🌹💐🌹💐
*مَئے کوھاں مُبارَک ، مُبارَک اَگاراں مُبارَک*🌱
*بَلوچ ءِ یَلیں شَھسَواراں مُبارَک* 🌹
*سَرکوَمسیں شیران ءُ مَلّیں مَتُرساں*🌻
*"ائید"مَئے دْرُھیں بیل ءُ یاراں مُبارَک* 🌱
*چُکّان ءُ براتان ءُ مِیریں کَماشاں* 💞
*"ائید" سَجَھیں نامداراں مُبارَک*💐🌴💐

*کَلاشاں مُبارَک کِہ کَلّاشِ نیَل اَنت* 🔫
*کَلاشانی گْرند ءُ تَواراں مُبارَک* 💨
🌹💐🎄💐🌹
*وَرنا کِہ زَھر چَہ بَروٹانِ چِکّ اَنت* 🌹
*" ائید" کُنگُرانی شِھاراں مُبارَک*
🌻🌺💓🌺🌻
*آجوئیءِ راہ کِہ راہ اِنت بَلوچ ءِ* 💓
*چَہ رَھدَربَراں شَھگِھاراں مُبارَک* 🎎
*گُلباگیں ڈیھَندءِ مِسکیں ڈَگاراں* 🍒
*"ائید" مَلّ پَد ءُ مَلگُزاراں مُبارَک*🌾
*ڈیھ ءِ زِر ءَ گوں شاگواگداراں*
*"ائید"ساوڈ ءِ زِرکِناراں مُبارَک*🌺💓🌺
*کَتاراں کِہ پُرّ اَنت چَہ بَد شوُلیں تیراں* 👆🏻
*"ائید"پیرُراکانی سَگاراں مُبارَک* 👌🏻
*"ائید"دیمءِسالءَگوں آزاتیءَ بیا*🌷
*کِہ بَئے آجوئیّ ءِ گِداراں مُبارَک* 💐👌🏻
*چَہ رَھدَبَراں راج ءِ دیمپان ءُ دوستاں* 💓
*"ائید"وتواکیّ ءِ زانتکاراں مُبارَک*
🌸🌴🌹🌴🌸
*براھیم ءِ راہ اِنت ءُ کُربانیءِایش* ☝🏻
*ھُدا ءِ گِدار ءِ مَیاراں مُبارَک* 🌹
*چَہ میریں کَماشاں کِہ راج ءَ پَھاز اَنت* 👌🏻
*"ائید"زُرمبش ءِ رازداراں مُبارَک* 💓🌴
*"ائید"سَرمچاران ءُ آیانی یاراں* 🌹👌🏻🌹
*گوں شَھمیری کِردارءُکاراں مُبارَک*
💐💞💐
*ھَما ھون کہ رِتک اَنت پَہ ڈیھ ءَ گُلین ء*َ ☝🏻
*"ائید"راجکِماریں نِگاراں مُبارَک* 🌻🌷
*ما نَدر اِیں پُماھونی تْرمپاں کِہ رِتک اَنت* 💗
*پَہ گِیمارءُ پُلّیں کِشاراں مُبارَک* 🌹💐
*رَھدَربَری ءَ ھَزار پَھر پَہ بَچّاں*✏🌺✒
*ھَزارانی"ائید"اِش چو باراں مُبارَک*💐🌹
*دْرُہ ءَ راج ءِ پُھروک ءُ بامَردیں اِستار*
*" ائید" اِش گُلیں شاھکاراں مُبارَک*
🎄🌻🌴🌻🎄
*دُرّا چَہ شَھمیرءِھوناں کِہ رِتک اَنت*💓👌🏻
*"ائید"باگءِ پُلّیں ھَناراں مُبارَک* 🌹🌴🌹
*نمیران ءُ 'آریپ ءُ* *بوھیریں پروپیسور*
*م.ی.دُرّا بَلوچ*

@Labzank
telegram.me/Labzank


منا چہ بے وسیں دل ءُ دلءَ چہ واراں من
ھدا اے داتگـیں زنـد ءَ ببـر کـہ گاراں مـن

کج انت مہر ءُ وپا ءِ اے اگـدہ دار کج انت
کـہ اُمـر گوسـتہ بلـے انـگہ راہچاراں مــــن

منـی گناہ ھمیـش کـہ ہچ گناہ اوں نیست
منـی میـار ھمیـش انت کہ بـے میاراں مـن

مـں مـرتگاں کـہ منـا وشـی ءِ گمءَ کُشتگ
پـہ چِلّـگیں ھتـم ءَ سہتـگـیں ڈگاراں مـن

سمین وھدے ءَ بالاں چہ کیت نیم شپاں
ھـدا ءِ ساھـگ ءَ چو تپـتگیں لواراں مـن

اتا پـہ جنّـتءَ چـے دیـن بیـت چـے دنیا
منـی سـواب گناہ انـت گناهگاراں مـــن

اَتا شاد

@Labzank
telegram.me/Labzank

🌸🌸🌸🌸🌸🌸🌸🌸🌸🌸🌸🌸

ازشیخ هادی نجم آبادی پرسیدند:

آیا در اسلام موسیقی حرام است؟

جواب داد:

آن موسیقی حرام است که
ازصدای کشیده شدن کفگیر
بر ته دیگ پلو همسایه غنی برخيزد
و
به گوش اطفال گرسنه
همسایه فقیر برسد...
🌸🌸🌸🌹🌹🌹🌸🌸🌸🌹🌹🌹🌸🌸

چہ شیخ ھادی نجم آبادی ءَ جُست اِش کُت:

آیا اسلام ءِ تہ ءَ ساز ءُ زیمل ناروا( حرام)اِنت؟

پَسّوئِے دات : ھما ساز ءُ زیمل حرام اِنت کہ چہ سیریں ءُ ھزگاریں ھمساھگ ءِ اِستان ءِ توار ءَ کہ منجل ءِ بَٹّانی تہ ءَ بہ لگّ اِیت چِست بہ بیت ءُ نیزگاریں ھمساھگ ءِ شُدیگیں چُکّانی گوشاں بکپ اِیت.
رجانک : جنید بلوچ
@Labzank
telegram.me/Labzank

(هما تپل ء ِنام ءَ کہ ائید ءِ روچ ءِ گوربام ء َپہ ستم پاکمـر ( شھیـد) کنگ بیت)

ءُ اچ اے شاهگانیں شهر ءَ کسانیں چکے پہ بے تواری بیگواه بوت.

پہ تاهیرے بہ وپس چهباری شش سالیں مردیں چک.
پہ تاهیرے بہ وپس ، دور اچ اے شاهگانیں دنیا ءِ جلوه هاں ءُ اچ سنگ دل ءُ کوریں ٹیکانی بیهار ءَ.

پہ تاهیرے بہ وپس منی بلوچ مرز ءُ بوم ءِ کسانیں چک،کہ ماں اے انسانیت زوالیں درگت ءَ ، ءُ ماں اے زلم جاه ءَ پہ تی شهدیں بچکنداں ء ُگونڈویی گوازیاں گیگ ء ُوارے نیست.

پہ تاهیرے بہ وپس کہ تئی بهر ء ُونڈ اچ اے دنیا ءِ دهشت گردیں ءُ نادانیں ءُ تهاریں لبزانک ءَ ، ابید اچ مرگ ء ُبیرانی ءَ دگہ چیزے نہ ٳنت.

ءُشش سالی گونڈو پہ تاهیرے بہ وپس . چو هما شپاں کہ مات ءَ پہ تو لیلوے گشت ءُ تو ماں آئی ءِ امباز ء ِتها پہ تاهیرے وتی مچاچ نز کت أنت ءُ شهد ءُ شیرکنیں وابانی دریا ءَ ایر کپت ے.

پہ تاهیرے بہ وپس. پہ هما گڈ سری واس ءِ ترانگ ءَ کہ تی مزاریں پت ءَ اچ تی انارکاں گپت ء ُبچکندے پہ تئی رکاں شنگ بوت ءُ اچ تی چماں گروکی ءَ شهم جت.

چینچک پہ بے برمشی اچ موٹل ءِ نرمیں نندجاه ءَ هوناں اوژناگ بیت ءُ پہ مدامی وابی ءَ سرگپت ے.

پہ تاهیرے بہ وپس کہ اے سرڈگار ءِ درستیں ماتانی لیلو ءِ توار یک روچے توپک ء ِبیهار پرّیں تیرانی جهزیر پہ تو بیت.

پہ تاهیرے بہ وپس ء ُبہ جزم کہ تی ٹپیگ ء ُلاگر ء ُزیبائیں جسم ءُ جان ءَ گوں وت یک دنیاے گپ ءُ هبر گون ء ُهمراه ٳنت ، ء ُاے یک پادتراپے پہ همایاں کہ گندگ ءَ أنت سنگ دلیں ٹیک چے پیم پہ وژدلی ماں اے شهر ءَ سیل ء ُسواد کنگ ء َأنت.

پہ تاهیرے بہ وپس چهباری شش سالی ایں مردیں چک

بلے من انگت ءَ هم اوستیگاں...
منی اوست ء ُواهگ ٳنت کہ دگہ کدی هم هچ گونڈیں چکے پہ ستم اچ وتی مات ءِ امباز ءَ جتا ءُ گستا مبیت، ء ُهچ توپکی تیرے هچ گونڈویی ءِ شیرکنیں واب ءَ ماں پت ءِ چمانی دیم ءَ گڈسری واب مکنت، زلم ء ُستم ءِ دنیا اچ مهر ءُ مهروانی ءَ سرریچ بہ بیت کہ انسانیت ءِ رولہ پدا پہ اشتاپی روچ ٹک ے بہ بیت.
کلمکار: محمدانور بلیدهی
۲۳ / ۶ / ۹۵
رجانک: محمدامیری ۱۴ سپتامبر 2016 .

؛؛؛؛دستونکّ؛؛؛؛؛
زِرد ءَ مہ جیڑ واھگ ءِ اُپّارگ ءَ شموش
بچکندگ ءِ گَلاں پہ گم ءِ گوْازگءَ شموش

یاتانی اھد واھگ ءِ چہرآپ ءِ ترانگ انت
مھکانی ءِ شپانی دل ءِ نارگ ءَ شموش

کئے بد وپا ءُ کئے پہ وپا ، دل درآمد انت
زند ءَ زرئے تہ زانگ ءُ پجّارگ ءَ شموش

درد ءَ مہ چار، جان ءُ دل ءِ دشمن ءَ بزاں
گِیر آرگ ءَ شموش، گم ءِ مارگ ءَ شموش

ویران بوت پْرشتگیں اھدانی بادگیر
مُرواردانی آرگ ءُ نزّارگ ءَ شموش

تاکہ بہ بیت کیامتی آشوب ءِ دیمپان
او زند ءِ درد! شائریں بیچارگ ءَ شموش

بے مانہی پُرشتگیں وابانی مانا اِنت
یاتانی کُلّ ءِ سارگ ءُ پلگارگ ءَ شموش

،،،،اَتاشات،،،،،
ستمبر1990ءشال

@Labzank
telegram.me/Labzank

*{نمیرانیں استاد عبداللہ روانبد }*
گَزل
ما بلوچیں، ما بلوچیں، ما بلوچ
ما بلوچستان ءِ نوکیں ماہ ءُ روچ

تاک تاک اَنت زند ءِ دپتَر تئی بلوچ
زیر تپاکی رِشتگ ءَ ھُورئے بدوچ

پرچیا از کاروان پَد منتگ ئے
زاھراَنت پیش کنزگءِ مادن چو روچ

ھمبلاں دوشی مزن بانگواہ کُتگ
منزلش گِپت اَنت ءُ آرام اَنت مروچ

روچ درآتکگ تو انگت ءَ وابینگ ئے
شنگ ءُ شانگ انت بار ءُ بـے پکرئے چہ کوچ

کامیابی کار ءُ کوشست ءِ بر اِنت
امب لوٹئے چون؟ کہ تو کِشتگ کروچ

گوھر اِت پَئے ماں زر ءِ لُنج ءَ بہ بُڈ
لعل لوٹ ئے سکّگیں کوھاں بِکوچ

وکت گوازین ئے پہ واب ءُ گِپلت ءَ
کیمتی چیزاں جنس ءَ مکن چو سُتک ءُ سوچ

روم ءُ شام ءِ هسرت ءَ چّی ءَ ورئے
روم ءُ شامی اڈ بکن از چانب ءُ نکوچ

لاگَری اُزری نہ اِنت پہ تازی ءَ
لاگری بہتر بِتچ بل اُزر ءِ پوچ

گوں بلوچی گیرت ءَ میان ءَ بِبند
میش ءِ چم جہلی مَکَن پادا چو کوچ

نی ترا زیب اِیت گْوشگ با پہر ءُ شان
دیم ءِ دیوان ءَ کہ ما ھستین بلوچ

ما بلوچیں، ما بلوچیں، ما بلوچ
ما بلوچستان ءِ نوکیں ماہ ءُ روچ
@Labzank
telegram.me/Labzank


درودان په ترا وانان سحرگاهان رسول الله (ص) کنان درشان بی چارین دل ءآهان رسول الله (ص)
درودءُسدسلام شات اِنت تئی روح ءَ سُبک بالین که دوست ئی مومنان توچه دل ءُجانان رسول الله (ص)
شموشان اَچ وتی جندءَ تئی گون ترانگان شهدین بزان آدرگت ءَ اَچ وت من بیگواهان رسول الله (ص)
هُداءِ رهمت ءِ جمبر تئی یارانی ساهیل اَنت نه وشّی ءِجلین بیر اَنت گون بدواهان رسول الله (ص)
گدائی تئی منا دوست اِنت دلءِمے واهگ ءُ اُوست اِنت گدائی شر تر اِنت تئی چه اُبر شاهان رسول الله (ص)
هدوناکین تئی یوسف په دیداری ترهینوکین تئی مهر اِنت گون مئی هونءُرگءُشاهان رسول الله (ص)

یوسف انیس کلمتی

@Labzank
telegram.me/Labzank

بـے ڪــار اِنــت ھما دل کہ آئی تہ درد مہ بیت
بـے ڪـار اِنت ھما راج کہ آئی تپاکی.مہ بیت
بـے ڪـار اِنت ھما چم کہ آئی تہ ھیا مہ بیت
بـے ڪـار اِنت ھما دوستی کہ آئی تہ ءَ وپا مہ بیت
بے ڪار اِنت ھما دل کہ آئی تہ ھب ءُ واھگ مہ بیت
بے کار اِنت ھما انسان.کہ آئی تہ انسانیت مہ بیت
بے کار اِنت ھما ڈگار کہ.آئی تہ کشار مہ بـیت
@Labzank
telegram.me/Labzank

بلوچی مئے وتی شھدیں زبان اِنت
-------——----------------------------

چونائی ءَ بلوچی شائری ءِ بندات 1950ءَ پیش بیتگ، بلے چِدو پیش دپتری ثبوت دست نہ کپیت، بلے بلوچ ءِ ھما اھدی شائر ھم روچء مرچی نمیران اَنت- آھانی دُرّیں بیان ماں بلوچی دیوان ءُ مراگشاں مروچی ھم پہ پھر ءُ شان گْوشگ بنت- ھمے دُرّیں گُپتار گال مئے بلوچ پھلواناں گوں ساز ءُ زیمل ءَ ماں آروسی دیوان ءُ بلوچی مراگشاں درشان کتگ اَنت- ھمے گوھر کیمتی ئیں گال سینگ بہ سینگ اتکگ ءُ مارا سر بیتگ اَنت- آ وھد ءَ نبشتہ کنوک نہ بیتگ، ھمے دُرّیں پھلواناں وتی کوھیں دلبنداں جاگہ داتگ ءُ نسل در نسل سر کتگ اَنت- بلوچ راجدپتر بہ بیت, مہر ءُ دوستی ءِ داستان بہ بنت یا جنگانی کِسہ ءُ بیان، کھت سالی، مزنیں ھار ءُ ایروپ، گرانیں لڈّ ءُ بوج یا چاگردی اڑ ءُ جنجال بلوچ شائراں ھمک جاورانی سرا وتی اِزمی کمال پیش داشتگ-
ھدامرزی پھلوان ملا کمالان گْوش اِیت کہ مناں یکرندے سردار میر مولداد ءَ لوٹائینتگ ءُ میر مولداد دشتیاری ءِ ھاکم بیتگ- گڑا مناں جست ئِے کتگ کہ توء کمالان ءَ گْوشتگ کہ:
سدنیں بکال چہ بلوچ ءِ ھدّ ءَ در اِنت/
کنّوانی وھد ءَ ملک میران پیسر اَت/
زھم جنیں بیبگر ءِ شکار شاہ ءِ دُکتر اَت/

سدّن مئے پیرُک اِنت، تو گْوش ئے کہ سدّن بکّال چہ بلوچی ءِ ھَدّ ءَ در اَت، منء کمالان ءَ گْوشت کہ واجہ اے شئر منی نہ اِنت- البت اے شئر من گُشتگ، گُڑا جست ئے کت کہ اے شئر کئیگ اِنت؟ من گْوشت ملا پازل ءِ--- گْوشت ئِے اگاں ملا پازل ءَ گْوشتگ گُڑا راستے--
بلوچ دودمان ءَ شائرانی بلاھیں بستارے بیتگ--
(میجر مجید)

@Labzank
telegram.me/Labzank

Ali Juma Zamurani:
(1)🌹زبان 🌹
______________________________
زبان راج ءُ ٹکانی پجار اِنت ءُ ھمک راج چہ وتی ماتی زبانءَ پجارگ ءُ زانگ بیت ءُ ھمک راجءِ زبانءِ وتی یک تب ءُ مئیلے ءُ ھمک راجءَ وتی زبانءِ رھبند وتی زبانءِ تب ءُ مئیل ءُ ھما گال ءُ گالوارانی رھبندءَ گیش ءُ گیوار کتگ اَنت ءُ جھانی مزن دپترءَ (اقوام متحدہ )درستیں زبابانی ھک منّگ بوتگ کہ ھمک راجءَ وتی زبانءَ گپ جنگ ءُ نبشتہ کنگءِ ھک ھست اِنت بلے اَپسوزی گپ اِش اِنت کہ ما وتی زبانءِ رھنبدءِ گیش ءُ گیوارءِ واستءَ ھچ نہ کُتگ نا کہ پیسری میرچاکرءُمیر گھرام لاشاری ءِ دورءَ زبانءِ ھزمت بوتگ ناکہ مٰئے راجءِ ادگہ ھاکمانی دورءَ ھم زبانءِ گیش ءُ گیوارءِ باروا گپ ءُ تراں بوتگ ءُ مئے ھاکم ءُ زانتکار ءُ آلم درست ناتپاکیانی ھرجان بوتگ اَنت ءُ وت مہ وتی کسد ءُ کینگانی تھءَ کپتگ اَنت کہ آیاں زبانءِ باروءَ ھچ کارے نہ کُتگ ءُ نا کہ راجدپترءَ چُشیں نشان ءُ چیدگے دست کپ اِیت کہ مئے راجی ھاکم ءُ کماشاں پہ زبان ءَ چیزے کتگ یا گوشتگ. اے یک گواچنی گپے... !!!!!!!!
1947 یا 1950ءِ دورءَ مئے زانتکاریں ادیب ءُ زبان دوستاں اے ھبر ماراِتگ کہ زبانِ راجانی پجار اِنت ءُ ما ھم یک راجے زانگ بئیں ءُ ما بلوچ اِیں ءُ مئے زبان بلوچی اِنت ءُ یک ڈیھے ھُدابند اِیں کہ درآمداں سے ٹکُرءَ ٹکُر ٹکُر کُتگ ءُ سے ڈیھانی تھءَ ھوار کنگ اے زوراکیں دژمن مئے زبانءِ گاری ءِ رندءَ اَنت.
ھمے ھاترءَ ادیب ءُ زانتکاراں ھمک وھدء.پہ َ زبانءِ راستیں رھبندءِ واستءَ جھد کُتگ بلے ناتپاکی سوبءَ سوبمند نہ بوتگ اَنت کہ پہ وت یک سیاھگے گچین بہ کن اَنت ءُ یک نبشتاری رھبندے سرءَ تپاک بہ کن اَنت. آھرءَسید ھاشمی ءَ بلوچی رھبند ٹھینتگ ءُ نبشتہ کُتگ بلے اُپسوزی گپ اِش اِنت کہ میر گل ھان نسیرءِ دورءَ شالءَ یک دیوانے پہ سیاھگءِ گیش ءُ گیوار واستَ لوٹائینگ بوتگ کہ 33 سی ءُ سے زباں زانتاں بھر زرتگ بلے آیاں ھرکسءَ دومی درآمدانی سیاھگ ءِ گپ کُتگ کہ پہ بلوچی زباں ءِ آباں زورگ بہ بنت بلے بلوچی سیاھگ ءُ راھبندءِ گیش ءُ گیواری گپ نہ بوتگ ءُ دلپدریں گپ اِش اِنت کہ سید ھاشمیءَ رھبند نبشتہ کُتگ ءُ بلوچی راستیں سیاھگ گیشینتگ بلے سید اِش آ دیوانءَ نہ لوٹائینگ پرچہ سید ھاشمی آ دیوانءَ لوٹائینگ نہ بوتگ وت یک جستے ؟
پہ زبانءِ واستءَ بازیں زانتکارءُ ادیب یکجاہ بوتگ اَنت رھبندءِ سرءَ گپ ءُ تران بوتگ بلے بلوچی آب ءُ گال ءُ گالوارانی سرءَ تپاک نہ بوتگ ءُ ھمے نیمون اِش دیمءَ آورتگ کہ رھبند نہ گیش اِتگ ءُ سیدءِ رھبندءَ بازیں تازی آب در کنگ بوتگ کہ مئے نیکراھی مردم نہ منّنت ءُ لھتیں ھند ءُ دمگاں اے آب گوشگ بنت..
مئے زانتکارانی پیسری گپءُ نیمون ھمیش بوتگ کہ رھبند نہ گیش اِتگ رھبند کہ سید ھاشمیءَ گیشینتگ نوں گش اَنت کہ اربی آب زورگ بہ بنت بلے ھمے اربی آب مئے گال ءُ گالوارانی تھءَ نیست اَنت ءُ ما اِش گوشت نہ کنیں ءُ ھنوں مارا کرنے بیت کہ ھمے آبانی سرءَ اَڈتگییں !!!!!!!!
بلے من گوشگ لوٹاں کہ زبانءُ رھبندءَ ھچ میار نیست ءُ زبانءِ سیاھگی رھبند سیدءَ گشینتگ ءُ راست ءُ تچکیں رھبند ھمیش اِنت اگاں بلوچ زبان دوست ءُ زبان زانت ءُ نبشتہ کار ءُ وانوک گوں بلوچی چمانءُ بچار اَنت بلوچی رھبند گیش اِتگ ءُ سک ڈولدار اِنت بلے مارا پیسرءَ بلوچ بوگ لوٹ اِیت. مارا راج دوست بوگ لوٹ اِیت, مارا زبان دوست بوگ لوت اِیت ءُ مارا تپاک بوگ لوٹ اِیت اے چیز کہ مئے تھءَ. بنت مئے درستیں آڈ گیش ءُ گیوار بنت. ءُ مرچگیں وھد ءِ لوٹ ھمیش اِنت کہ مئے راجءِ رھشون ءُ ادیب تپاک بہ بنت کہ راج وت تپاک بیت .دژمناں مئے زمین ءُ مڈی بُرتگ اَنت اگاں ما وتی زبانءُ دود ءُ ربیدگانی پھریز ءَ مہ کنیں اِے زوراکیں زورک مئے زبان ءُ دودءُ ربیدگاں گاری رندءَ اَنت !!!!! (2)دومی بنگپ
بلوچی آب ءُ نبشتانکی رھبند
---------------------*-----------------
بلوچی رھبندءِ سیاھگی لھتیں آب چہ اربی سیاھگءِ آباں زورگ بوتگ ءُ سیاھگ ھم اربی اِنت اے بلوچانی مھر اِنت گوں اربی سیاھگءَ َ کہ ما درست مسلمانیں.بلے لھتیں آب اَنت کہ اے آبانی گالوارمئے گُٹ گلوانی تھءَ نیست ءُ ما گوشت اِش نہ کنیں ءواجہ سیدھاشمیءَ اے آب ق ف ط ظ ح خ ص ض ث ذ ع غ پہ بلوچی رھبندءِ واست ءَ نہ زرتگ اَنت چیاکہ ما اِش گوشت نہ کنیں ءُ ُ اے.آب چہ ٹ ڈ ڑ ژ گ ں. ے پارسی ءُ اردوءسیاھگءِ اَنت کہ بلوچی رھبندءِ واستءَزورگ بوتگ اَنت ءُ پارسی گالانی سیادی گوں بلوچیءَ ھست انت ءُ ءَ ءِ ءُ پہ بلوچیءِ رھبندءِ واستءَ سیدءَ اَڈ کُتگ اَنت کہ مَنّگ بوتگ اَنت بلوچی رھبند سیدءَ گیش ءُ گیوار کُتگ ءُ ھچ اَڈے پش نہ کپتگ. وھدیکہ کسے اربی نبشتہ کنت یا پاکیں کلام پاکءَ وانیت ءُ تلاوت کنت یا نمازاں وانیت آ کلام پاکء ِ ِ گوشتگیں رھبندءُ کانودانی رھبندءَ بوانیت .بلوچی زبانءَ گوں اربی آباں یا زبانءَ ھچ جیڑھے نیست ءُ بلوچی زبان ءِ آبانی واستءَ ھما آب کہ بلوچ راجءِ گال ءُ گالواراں گوشگ

بنت سید ھاشمیءَ زرتگ

اَنت ءُ ھر زبانءِ وتی یک تب ءُ مئیلےھست ءُ بلوچیءِ آب ھمیش اَنت کہ سیدءَ گیش ءُ گیوار کُتگ اَنت. ءُ پہ نامانی واستءَ سیدءَ گوشتگ کم کمءَ بدل کنان اِش کن اِت اگاں ما ناماں بلوچی رھبندءَ نبشتہ کنیں ما گناہ گار نہ بئیں ءُ کرداں ھم اربی ھمے آب پہ وتی رھبندءِ واستءَ نہ زرتگ اَنت ءُ آھم وتی ناماں وتی رھبندءِ سرءَ نبشتہ کن اَنت.
ما ھمے گوشگ لوٹیں کہ ما مسلمانیں مارا گوں اربی زبانءَ ھچ جیڑھے نیست ءُ نا گوں ارباں دژمنی ے ءُ ارب مئے مسلمانیں برات اَنت ءُ آیاں ما سک دوست داریں چیاکہ پاکیں کلام پاک پہ اربی زبانءَ پاکیں ھاوتدءَ ایرگیج کُتگ ءُ مئے پاکیں مھترءُ ربال چہ ارب راجءَ اِنت.. مارا ارب دوست ءُ اسلام مئے دین اِنت ما بلوچ اِیں ءُ مئے وتی دودءُ ربیدگ اَنت مئے زبانءِ وتی رھبندے. ءُ ھرچ راجءَ ھک ھست کہ وتی زبانءَ نبشتہ بہ کنت ءُ گپ بہ جنت. مئے بلوچانی اسلام دوستی اِنت کہ ما اربی سیاھگءِ ھما آب زرتگ اَنت کہ ما اِش گوشت کنیں ءُ مئے گُٹ ءُ گلواں ھمے آیانی گالوار کیت,,
وھدیکہ نماز ءُ نیکراھی ءُ اربی زبانءَ کہ نبشتہ کن ئے یا وتی نمازاں وان اِت اربی رھبندءَ بوان اِش .اربی زبانءَ گوں بلوچیءَ چے کار
نماز ءُ کلام پاک بلوچیءِ تھءَ نہ اَنت آیانی وتی رھبندءُ کانودےءُُ اربی زبانءَ گوں بلوچی زبانءَ ھچ ھمگرنچی نیست ءُ ما مسلمانیں ھما وڑءَ کہ نیکراھی چی گوش اِیت ھما رھبندءَ نماز وانگ بنت ھما رھبندءَ پاکیں کلام پاک وانگ بیت ما مسلمانیں مارا وتی مسلمانی سرءَ پھرءُ شان اِنت کہ ما مسلمانیں ءُ مارا وتی زبانءُ بلوچیءِ سرءَ ھم پھر شان اِنتءُرھبند ھمیش اِنت کہ سید ھاشمیَءَ گیشینتگ ءُ بلوچیءِ دیمرویءَ اگاں کسے لوت اِیت رھبند ھمیش اِنت..
[ ادا من چیزے گیشنگ لوٹاں کہ مارا گوں اربی زبانءَ ھچ اڈ ءُ جنجالے نیست ءُناکہ گوں نیکراھیءَھست ءُ . ھنچش کہ من نبشتہ کتگ کہ ما مسلمانیں ءُ ما وتی مسلمانی ء ِ سرءَ پھرءُ شان کنیں ءُ وتی بلوچی سرءَ ھم ءُ دگہ منی واجھیں برات ءُ مڑاداریں کماشاں نبشتانکءَ جوانی سرءَ بوان اِت ءُ گپانی مجگءَ سرپد بہ بیت ما کدی وتی اَلم ءُ نیکراھیءُ نیکراھاں ھراب نہ گوشیں ءُ نہ کسے مئے نیکراھاں ھراب بہ گوش اِیت چیاکہ اَلم ءُ زانتکار ءُ نیکراہ مئے نیکراھی رھشون اَنت مئے بلوچی دود ءُ ربیدگ اِنت کہ آیانی ازت ءُ اھترامءَ بہ کنیں!!!!!!!

سیمی 3 بلوچی اَدبءِ لوٹ چی اِنت ؟
____________________________
ادبءِ مستریں لوٹ زبان دوستی اِنت ءُ زانت ءُ زانش ءُ جھدکاری ءُ یک رھبندے سرءَ تپاک کنگ اِنت وھدیکہ یک راجے وتی زبانءَ دوست داراِیت وتی دودءُ ربیدگءَ دوست داراِیت ءُ جھدءِ میدانءَ واھگءِ سرءَ وتی جھداں دیمءَ کاراِیت ءُ وتی زبانءِ پلگارگ ءُ ساپ ءُ سلہ کنگءِ جھدءَ کنت آ راج اَلمءَ وتی واھگانی منزلءَ سر بیت اگاں ما بلوچ راج وتی زبانءَ زندگ کنگ لوٹ اِیں گُڑا مارا بلوچ بوگ لوٹ اِیت وھدیکہ ما پہ بلوچی وڑ ءَ ءُ بلوچی زانتءَ وتی سیاھگءِ َبہ چاریں آ ڈولدار گندگءَ کئیت اگاں ما درآمد دوست ءُ ادگے زباناں دوست داریں گُڑا گپ ھما ناتپاکی سرءَ کئیت ءُ آپ ء سر ءُ کشگءِ رندگ بیت!!!!!!!
بازیں واجھیں براتانی گوشگ اِنت کہ علیءَ اگاں شمابلوچی رھبندءَ اَلی نبشتہ کن اِت سک بَڈّول بیت ءُ وش گندگءَ نئیت بلے من ھمے واجھیں براتاں گُشگ لوٹاں کہ شما وتی بلوچی چمان بزوراِت ءُ بلوچی رھبندءَ بچار اِت سک ڈولدار گندگءَ کئیت یا شما زانتءِ چماں بزوراِت ءُ بلوچی رھبندءُ گال ءُ گالوارانی مجگءَ سرپد ءُ زانت کار بہ اِت گڑا,اِے بلوچی رھبند سک زیبناک ءُ ڈولدار ءُ وش گندگ کئیت بلے بلوچ بوگ ءُ زبان دوست بوگ اَلمی اِنت ءُ دومی زبانءِ سرہد بوگءَ زبان زانتی اَلمی اِنت ءُ زبانءِ رھبندءِ گیش گیوار واست ءَ تپاکی زلورت اِنت ءُ اے کارانی واستءَ زبان زانتانی ِ (ماھر لسانیاتانی ) زلورت اِنت کہ آ سیدءِ رھبندءَ سرپد بہ بنت ءُ درست ھمے رھبندءِ سرءَ تپاک بہ کن اَنت ءُ وتی واھگ ءُ بلوچ ءُ بلوچی ءُ بلوچڈیھ دوستیءَ وتی ھون ءُ رگانی تھءَ ھوار بہ کن اَنت گُڑا مئے زبان دیمروی کُت کنت ءُ وتی واھگانی منزلءَ سر بیت منی ھیالءَ بلوچی ادب ءِ لوٹ ھمے چیزاَنت!!!!!!
منی مراد کسی دل آزاری نہ اِنت ءُ بلوچی زبان مئے شمئے درستانی زبان اِنت ءُ ھمےزبان مئے ءُ شمئے پچار اِنت. دوا اِنت کہ بلوچ ءُ بلوچی ءُ بلوچستان.سبز ءُ میزراں باتءُ چہ زوراکیں زورکاں آجو بات ءُ ما وتی واجہ وت باتیں. ھنچش بات،،،

من بلوچی نبشتہ کُت

زبانءِ ازمءِ زیبائیءِ

دھرءِ زالماںَ چَم سُھر کُت


🍁اَلی جُمّا زامرانی🍁

@Labzank
telegram.me/Labzank

دستونک

خالق ارمان


کوکوے زیمَر ءَ دیَگ لوٹاں
لبز پاہو گوْرا دیَگ لوٹاں

تو منی ترانگ ءَ کپئے نہ کپئے
دزگہارے سرا دیَگ لوٹاں

انچیں گپے کہ پیسرا سہی ئے
انچیں ہالے ترا دیَگ لوٹاں

درد پدّر بباں اپوگانی
مہنوے اوُمر ءَ دیَگ لوٹاں

انچیں نیمونے گونیں ارمان ءَ
چم ءُ دل اندرا دیَگ لوٹاں

..............................

@Labzank
telegram.me/Labzank

چراگ ءِ روکی سَماھیں مارا.
دل ءِ گنوکی سَماھیں مارا.

نزانتہ پیشءَ ما اِشکء ِآسر.
ھمیشیں نوکی سماھیں مارا.

بَرانیں رُنگراہءُ گاریں کِشکاں.
تئی سَروکی سماھیں مارا.

اےاَھد ءِ دولّاب بہشتیں زیداں.
چے پیمءَروپی سماھیں مارا.

ھلو پہ ھالو تلاراں تْرشتیں.
کَسے نہ موکی سماھیں مارا.

سمین ءَشیھءِ کنانیں ھمبل.
پہ تو ھُدوکی سماھیں مارا.

(سمین کلمتی)

@Labzank
telegram.me/Labzank

شیشگ ءِ دیوال

قیوم فنا سید

چیزے روچ پیسر زندگی ءَ گوں دپ کپتاں....نوک رستگیں کاڑے ءِ رنگ ءَ وتی درائیں زیبائی ءُ وش رنگی ءِ بھاراں سربار اَت...ھر دویں دست پہ منی گوْر امباز کنگ ءَ پچ ئی کتگ اَت...منی اندر ءِ بے مھاریں عشق ءِ لیڑہ گجّ ءُ لیتار بوت....من اوں وتی دست پچ کت انت , آئی ءِ گور امباز کنگ ءَ درک کت...چیزے گام تچگ ءَ رند بوستگ ءَ کپتاں...کپگ ءَ رند من دیست , منی ءُ آئی ءِ نیام ءَ شیشگ ءِ دیوالے ردان بوت , سر ئی آزمان ءَ رس اِت....سک برز , پراہ ءُ مزن , بہ گوْاز نہ بوت....آ ھما دست ءَ من اے دست ءَ پش کپتاں....یک عمرے ءَ ما یک
دگر ءَ بس چاران کت....دست جت نہ کت...سر سر باز جت , جھد کت بلے ھچ پہ ھچ....گڈ سرا من وتا ھمے امیت ءَ زرت دیوال ءَ جت کہ پروشان ئی ءُ زندگی ءِ دستاں گراں بوسہ دیاں.....گرمیں امبازاں زیراں , آئی ءَ وتی کناں....منیگ انت ءُ بس منیگ انت , ھمے گشان کناں , درائیں دنیا ءَ سرا زیراں....پدا بوستگ ءَ کپتاں...نہ سر پرشت نہ دست پادے در رپت نہ کہ دیما مکّیں شیشگ ءِ دیوال پرشت...بس شیشگ ءِ دیوال ءِآ دست ءَ منی زندگی پرشت , چنڈ چنڈ بوت....چہ ایشی ءَ گیش بدبہتی دگہ چے بوت کنت کہ وتی پرشتگیں زندگی ءِ ھمے چنڈ اوں من یکجاہ کت نہ کت انت....

@Labzank
telegram.me/Labzank