هَـکـیـمے وَتـی نُـمـاسَـگءَ گـوَشـت مـروچـی مـن تـرا اِنـسـانءِ دو چـیـزءِ بـارَوا سَـرپـدی دَیـاں مَـنـی گـپءَ شَـرّ گـوش بـدار نُـمـاسَـگءَ گـوَشت بُگـوَش واجَـہ مـن گـوش دارَگـاں .هَـکـیـمءَ گـوَشـت انـسـانءِ جـانءِ تَـهـا دو چـیـزّ هَـسـت اَنـت کـہ چـو دو گـُـرکءَ مُـدام وَت مـاں وَتءَ جَـنـگءَ اَنـت بـلے آسَــرءَ یَـکّے چـہ آ دوئـیـں گـُـرکـاں کـامـیـات بـیـت.چَـہ آ گـُـرکـاں یَـکّ گـُـرکے شَــرّی اِنـت ، مـهــرءُ دوسـتـی اِنـت ، تُـپـاکـی اِنــت ، سُـهـلءُ سَـلاه اِنـت ، راسـتـی اِنـت ، وَپـاداری اِنـت.دومـی گـُـرک شِــرّی اِنـت ، کـیـنَـگ اِنـت ، زَهــرءُ هَــسَــدّ اِنـت ، نـاتُـپـاکـی اِنـت ، دروگـبَـنـدی اِنـت ، بـے وَپــائـی اِنـت.نُـمـاسَـگءَ جُـسـت کـُـرت واجَـہ گـُـڑا آسَــرءَ کـُجـام گـُـرک کـامـیـات بـیـت؟هَـکـیـمءَ بـچـکـَـنـداِتءُ گـوَشـت هَـمـا گـُـرک کـامـیـات بـیـت کـہ اِنـسـان وَت آئـیءَ کـُـمَـکءُ مَـدَت بـہ کـنـت اگـاں انـسـان شَـرّیـں گـُـرکءَ بـہ سـاٹ ایـتءُ پَــزّور بـہ کـنـت شَـرّیـں گـُـرک زوراک بـیـتءُ شِـرّیـں گـُـرکءَ جَــت کـُـرت کـَـنـت اگـاں انـسـان شِـرّیـں گـرکءَ بـہ سـاٹایـتءُ پَـزّور بـہ کـنـت شِـرّیـں گـُـرک زوراک بـیـت ءُ شَــرّیــں گـُـرکءَ جَـنـتءُ پـروشیـت.

@Labzank
telegram.me/Labzank

اتا شاد
شپـے کہ بام مہ ساریت چشیں شپ ءَ را سوچ
پہ اُمرے ءَ کہ وداریت چشیں شپ ءَ را سوچ

تو روچ ءِ واجہ ئے، استال ءُ ماہ ءِ واہندئے
ترا کہ پجہ میاریت چشیں شپ ءَ را سوچ

بدنت داگ چُشـیں نیمـروچ ءَ آس بدئے
دل ءَ پہ آس بگواریت چشیں شپ ءَ را سوچ

کشـیت واہگاں پـہ روژنائی ءِ نام ءَ
دل ءِ چراگ ءَ تہاریت چشیں شپ ءَ را سوچ

ما کوہ ننـد بنـی آدماں پـہ آس ءِ اپوگ
تریشک پـہ ما شہاریت چشیں شپ ءَ را سوچ

ما روچ زدگ ءُ گـوربام، ما سمیـن ءُ سبا
نہ انگہ مارا کماریت چشیں شپ ءَ را سوچ

ما رژن ءِ بہت تہـاروکـی ءَ پـہ روک اَتـا
چو روچ ءِ راہ بداریت چشیں شپ ءَ را سوچ

@Labzank
telegram.me/Labzank

" آزمانکک "

﴿ نعیم پیرجان ﴾
"
ڈگار سُمب "

ماھانءَ چار چُک بوتگ ات ،بلے ھمک چُک دو ماہ ءَ گیش پشت نہ کپتگ انت ....!
مدتے ءَ پد ماھان پدا پہ امیت واری بوتگ ات، اے رندی دینبوگءَ شئور دات کہ چک ءَ ڈگار سُمب بہ کن ۔
نھ ماہ ءِ ھسابءُ روچ آں آ چِلگ بوتءُ بچکیں چُک یے آورت ئِے ءُ آئی ءِ گوش ئِے سُپت انت ءُ ھر دو گوش آں یک یک والی یے مان ئے کت انت ۔ بیست ءُ چار سال ءَ پد،آئیءَ را والی گوشان اتنتءُ آ مُرت.

@Labzank
telegram.me/Labzank

گنجیں گْوادر شُت

,,,,,,,,,,,سید ھاشمی"""""""""""

کپت جارے کہ جھدوں پہ سر شُت
کینگ ءِ کارچ کئی دل ءَ در شُت

بلکیں نیمّونوں ایر جیگ بہ کنت
دلجمیں کار ءُ کار دربر شُت

یک برے شت گوں دْروتاں ربّالو
پسّو ءِ ترس ءَ ساھوں سد بر شُت

بے سریں راج ءُ بے سریں سَودا
جھندم چہ بادگیر ءَ کاپر شُت

آتکگ باریگ لجّ بریں زرّ ءِ
دوستی ءُ مھر ءِ دَور آسر شُت

شال پیسر سگار ءِ ھرجان اَت
دَیناں بے سیتّ ءِ گنجیں گْوادر شُت

بانگ پہ بانگ اِنت ترا کہ سیر چینک ئے
راج ءِ جوھان ءُ پُلّیں آس بر شُت

پہ منی مرگ ءَ بمبمئیں کُلّاں
گل کتگ ، بے ریائیں گْوَھْبَر شُت

نال ءُ ماندار بلّاں میتّاپیں
او کپوت! زند ءِ کُل کپودر شُت

دیم ریزات مرگ ءُ میران ءِ
کہ چہ اندوھاں واھگ ءِ در شُت

پرچا ایرجیگ ءِ ھانل ءِ نام ءِ
زاناں زانت ءُ سما اِت بْرادر شُت

گُل ءِ گوناب ءِ ساھگ اِش دیستگ
چہ دلاں ماہ ءُ ماہ ءِ درور شُت

زندمانی نزوریں نیمّونے
گوں سری سوباں ساھوں سد بر شُت

راستی ءِ بام ءَ جَورکاں داتگ
مال شُت ، ملک ءُ مھتریں سر شُت

وشدلیں جارے کپتگ ، مُرت سید
موتک دستونکاں! راھدربر شُت

دُبی 9/جولائی /1968

@Labzank
telegram.me/Labzank

باسکبندی)عضوگیری اَنجمن فرھنگی(

تیاب ندانکی ، ربیدگی، ازمی ءُ چاگردی گل

بریس ءُ آئی ءِ کش ءُ گْور ءِ کوچک ءُ میتگاں ما اے مستاگی دیگ لوٹ اِیں کہ بریس ءِ ندانکی (اَدبی ) سنگتاں اِے شور کرتگ کہ ندانکی ، ربیدگی ، ازمی ءُ چاگردی کارانی دیمروی ءَ اَنجمنے جوڑ کنگ بیتءُ ما پہ اے اَنجمن ءِ جوڑ کنگ ءَ باسکبندی (عضوگیری) بنا اِنت اِے درگت ءَ شماجھل ءَ داتگیں واجہ ءُ دوستاں راھوت گیپت کن اِت ۔

اَنجمن ءِ پیشنھادی کار

۱۔ کار سیم ، بریس ءُ آئی ءِ کش ءُ گْورءِ کوچگ ءُ میتگ ءِ مردم ’ گل ‘ءِ باسک بوت کن اَنت ۔
۲۔گل وتی کار سیم ءِ تہ ءَ ندانکی، ربیدگی ، ازمی ءُ چاگردی کار کرت کنت۔
۳۔گل ھِچ رَنگیں سیاسی چِست ءُ ایرانی تہ ءَ گون نہ بیت ۔
۴۔گل گوں دولتی ءُ آ دگہ گل ءُ ادارھاں ھم ھمکاری کنت کہ آیانی کار گوں گل ءِ بُنکی مَن (مقصد) ءَ ھمدپ بہ بَہ اَنت ۔
۵۔ گل وتی کار سیم ءِ تہ ءَ ندانکی ، ربیدگی ، ازمی ءُ چاگردی کارانی تہ ءَ گون بیت ءُ ایشانی پلہ مرزی کنت ۔
۶۔گل ءِ درسیں کاراُستمانی وڑ ءُ پیم ءَ بَہ اَنت ءُ گل ءِ ھمک ادارھانی تہ ءَ شور یک مردمے یک گچیندانک ءِ رِد ءَ بَہ اَنت ءُ گیشتریں مردمانی شَور مَنگ بیت ۔

پہ گیشتر سرپدی ءَ جھل ءِ مردماں ھال بہ گر اِت ۔

۱۔ابوصالح (کالبر )
۲۔ منصور حیدر۔ عارف شهم ۔ حاتم بلوچ ۔ خالد بریسی ۔ عظیم عزت ۔ فضل پرواز ۔ نعیم پیرجان (بریس )
۳۔ عبدالحئی زاھد (پُشت )
۶۔ جنید بلوچ۔ منیر نور۔عظیم بلوچ (پسابندن )
۷۔ جعفرساچان (کلانی )
۸۔محمدبخش (جُر)
۹۔رحمان نثار (ھَن)

@Labzank
telegram.me/Labzank


ھچ وڈءَ گوں منءَ ائید نہ بیت
پرشتگاں سرجمءَ ائید نہ بیت
مات منی نالگ انت ھرشپءَ
گوں منءَ اے وڈءَ ائید نہ بیت
چورہ ئِے جیڑگیں گوں وتءَ
چوش منی کسمتءَ ائید نہ بیت
آچشے روک کتگ مے سرا
من گشاں اے ھدا ائید نہ بیت
میتگءَ بزگرئِے ھست منی
نشتگاں من پدءَ ائید نہ بیت
شھد کتگ من وتی زندگی
برادلے ماں گسءَ ائید نہ بیت
سوچ وتی شکلیں ساھتاں
نوں حمید گوں ترا ائید نہ بیت

@Labzank
telegram.me/Labzank

انسانیت سن و سال نمیشناسد!
انسانیت وقت و بی وقت نمیشناسد

انسانیت دارا و ندار نمیشناسد
انسانیت دڪتری و بی سواد نمیشناسد

انسانیت شعور میشناسد
درڪ میشناسد ، فرهنگ میشناسد..
-----------------
گوں سند ءُ سال ءَ کسے انسان نہ بیت !
وهد ءُ بے وهدی کسے ءَ انسان نہ کنت

گوں هزگاری ءُ نیزگاری ءَ کسے انسان نہ بیت ..
گوں وانندگی ءُ ناوانندگی ءَ کسے انسان نہ بیت
مردم گری ءِ پجّار شهور ، زانگ ءُ زانوگری اَنت .
رجانک / ص رئیسی.

عطا شاد یا منیر مومن؟
چندن ساچ
عطا شاد ءُ منیر مومن ءِ شاعری ءِ سرا جوانیں وڑے ءَ کار نہ بوتگ۔ نگد ءِ حساب ءَ عطا شاد ءُ منیر مومن چارگ ءُ تپاسگ نہ بوتگ اَنت۔ منی نزّاں گڑا اِے گپ بے معنا اِنت کہ منیر چہ عطا شاد ءَ مستریں شاعرے۔
دومی گپ، اِے گپ زاناں المی اِنت کہ یک شاعرے ءِ مزن کنئگ ءِ واستا دومی شاعر کسان کنئگ بہ بیت؟ من منیر ءِ شاعری ءِ سرا کسے ءِ جوانیں نگد نہ ونتگ۔ ناں کہ عطا شاد ءِ سرا جوانیں نگدے دیما اتکگ۔
منیر مومن ءِ کتاب ’’دریا چنکے ہوشام اِنت‘‘ ءِ پیش گال ءَ ناگمان نبشتہ کنت کہ منیر چہ عطا ءَ مستریں شاعرے۔ بَلے منیر چوں عطا شاد ءَ چہ مستریں شاعرے؟ بس اِے کہ ’’عطا شاد ءِ شاعری ترونگل ءِ وڑا گواریت ءُ منیر ءِ برف ءِ پژکانی وڑا نرم نرم ءَ رچیت‘‘ اِے وَ گپے نہ اِنت کہ ناگمان ءَ کتگ۔ البتہ اگاں ناگمان ءَ عطا ءُ منیر ءِ شاعری دیم پہ دیم بکتین ءُ اے گپ بہ جتیں گڑا انگت دردے پہ دو اَت۔ بَلے ہنچو پہ وت ءُ دیم آیگ ءُ گشئگ کہ عطا کسان اِنت منیر مزن اِنت، منی حیالاں لبزانکی دنیا ءِ نزورتریں نگد اِنت۔ پرچا کہ اِے گپ ءَ وَ ہر کس جنت کنت۔ اگاں چوشی ءَ بچارئے عطا شاد ءِ گورا ہم ہنچیں بازیں شعر ہست اَنت کہ برف ءِ پژکانی وڑا رچنت۔
من چو تئی عہد ءِ کلات ءَ پرشتگوں
سنگے بجن یا بیا من ءَ ہمباز کن
یا عطا ءِ اے شعر ءَ بہ گند
مناں توئے تئی زپتیں زہیراں
اِے گنجیں کوڑو ءَ یک محرمے بی
دومی مردم اِے آر داد اِنت کہ آ ہم وتی کتاب ’’نبشتگیں لبز‘‘ ءِ تہا منیر ءَ بلوچی ءِ مستریں دستونک گشیں شاعر سرپد بیت۔ بَلے منی جند اِے گپ ءَ گوں دانکہ ہما وہد ءَ تپاک نہ کنت کہ منیر ءُ عطا ءِ شاعری ءِ سرجمیں تک ءُ پھناتانی سرا چار ءُ تپاس کنئگ مہ بیت۔
بے شک منیر ہم مزنیں شاعرے بَلے منیر ءِ مزن کنئگءِ واستا المی نہ اِنت کہ ما عطا شاد ءَ کسان بہ کنیں۔
من دیستہ کہ ہنچیں شاعر عطا ءَ گشتگ آ منیر ءِ گورا نیست اَنت۔
من چو پُل ءَ ہتم ءِ چلگ ءَ پاہار کناں
چو سمین ءَ ماں لِواریں غماں اُفار کناں
تئی ملگ کہ سرپنت پُل ماں بہشتی کوشاں
تئی لڈگ کہ دل ءِ گواڑگ ءَ سر بار کناں
اِدا بگند
پہ تئی عشق ءِ داتگیں زیم ءِ آزگ ءَ
گوں وتی بدواہاں رواں دیوان کناں
یا اِدا
رولہی بیت کہ سرپنتیں تئی گُل رنگیں انارک
کجلیت شپ کہ تئی بیک شفاری باتاں
تاک بند گدار پسنی ءِ نہمی تاک ءَ مہپارہ بلوچ ءِ نبشتانک دیست ہم من ءَ بزگ بوت۔ مہپارہ ءَ ہم گڈسرا ناگمان ءِ گپ زرتگ اَنت ءُ گشتہ کہ منیر چہ عطا ءَ مستریں شاعرے۔ عطا شاد ءِ یک ءُ دو شاعر ئِے پہ دَور ہم داتہ۔
یک شاعرے دومی شاعر ءَ چہ چوں مستریں شاعرے بیت۔ اِے گپ ہما وہد ءَ دیما کئیت کہ دوئیں شاعرانی شاعری ءِ ہر تک ءُ پھنات چارگ بہ بیت۔ اگاں ناں چو باندا دگہ کسے ہم درکئیت ءُ گشیت۔ ’’منیر ءِ شاعری چو ہما نان ءِ وڑا اِنت کہ شوک پچگ بوتہ بَلے واد ئِے مان نیست بَلے عطا شاد ءِ شاعری ءِ واد برابر اِنت‘‘ اے گپ ہم سنگینیں نگد ءِ بُنکی لوٹاں سرجم نہ کنت پرچا کہ داں وہدے اے دوئینانی شاعری ءِ سرا جوانیں وڑے ءَ کار مہ بیت۔ منی حیالاں عطا شاد ءَ کسان کنئگ ءُ منیر ءَ مزن کنئگ مزنیں زوراکی یے ءُ اے دگہ زوراکی ءَ دگہ زوراکی یے کئیت ءُ ہلاس کنئگ ءِ جہد کنت۔
چناہا گاراں اے دنیا ءِ مُچیانی تہا
منارا گوں وتی چماں بچار تہنایاں
(منیر)
من گار اے بیگوازیں زند ءِ اندر ءَ
تو اچ وت ءَ ساری من ءَ شوہاز کن
(عطا)
منیر مستریں شاعر اِنت یا عطا؟
اِے جست ءِ پسہ مارا ہما روچ ءَ دز کپیت کہ ما اے دوئیں شاعرانی شعرانی ہر تک ءُ پھنات ءَ پہ نگدی دروشم ءَ بچاریں۔
اگاں ناں اِے مزنی ءُ کسانی ءِ سرٹیفکیٹ ءِ دئیگ گڑا پہ دائمی برجاہ بیت۔ ءُ من اے وڑیں بے لگامیں نگد ءَ پوچکے سرپد باں۔
@Labzank
telegram.me/Labzank


جی هما باری بلوچ شادان اتنت
اتّفاق و برات و همدیوان اتنت
کپتگ ات براتے من گرانین شدتے
قوم ء گرانین مشکلان دیمپان اتنت
کستر و همسایگ ء فکر ء گْوَر ات
غم تشے نیست ات گل و کندان اتنت
اولاک آیانی کمیت و مهری ات
کوهسار و کوچّگان تْرَدّان اتنت
ناگهان کپت انت من جنگ و جیڑ هے
صاحبی گپّان گون صلح و تْران اتنت
نان دے و لهڑ بخش اتنت وهدی بلوچ
هر روچ پلّین پتّرَے مهمان اتنت
سینگ و ونگ ات په وانانی سرا
برنج من دیزان و کباب سیهان اتنت
مجلس ات میری و گپ و کندگ ات
گون کمرزانی و شوق و شان اتنت
دایما رفت انت شکاری گردشان
کوچگان و من جڑ و کوهان اتنت
گر دچار کپت انت گرانڈ و پاچنان
گوشت من لوهیگ و جگر بریان اتنت
جی هما باری مے بست و کیلگان
ماش و سورو ارزنے جوهان اتنت
نایی ناهاریگ و شیر و روغن ات
کوپگان کلّیگ سواس پادان اتنت
کردگار بیارات هما روچان پدا
محمد نور ء وهدیگین ارمان اتنت

@Labzank
telegram.me/Labzank

🌹🌹🌹🌹🌹🌹🌹🌹🌹
بُراکانـی ائید
گوں نماز ءُ ابابتاں
زکر ءُ دوایاں
بُراک ءُ هیرات ءُ نیکیاں
شمارا گوں شمے لوگ مردماں مراد بات

@Labzank
telegram.me/Labzank

*مڑا داریں ھمــــــــــــبلاں*
*دوسـتناکیں بـیـل ءُ یلاں*
🌹🌹🌹🌹🌹
*اَئــــــــید مــــبــــــــــارک*
🌹🌹🌹🌹🌹
*مزنیں اَئید گـــوں وشّــــــــــــیاں پہ گَـــــل ءُ شادھــے پہ مـــراداں بـــــــات اِت*
*اَئید ءِ روچ ؛ گــوں نوکــــــیں زندے ءَ ، پہ سِــتک ءُ دلسپائی دریگے پہ وشّـــیانی زنـــــــدمان ءَ بنـگـیج ءُ ســـــــــــــــــــوبانی ســوب شمــئے دل ءِ بـھـر بات*


🌺🌺🌺🌺🌺🌺🌺🌺🌺


@Labzank
telegram.me/Labzank

تقبل منّا ومنکم صالح الاعمال
اُئید وشّیں روچ شُمارا درستیں بِرات ءُ واجھاں مُراد بات دُوا اِنت کہ مدام وشّ ءُ وشھال بات اِت اے پیمںں ھزار اَئید ُشمئے بَھت ءُ نصیب ءَ بہ بات .وتی ھکاں شَرّی سر ءَ پَھل ءُ درگوز کن اِت !!!!

شُمئے کستــر: م کلمتی
@Labzank
telegram.me/Labzank

🌺🌹🌺
*راج ءَ "ائید" سَد ھَزاراں مُبارَک*🌻
*راج ءِ گِھیں سَرمچاراں مُبارَک*🌹

*پُلّ اَنت ماں پُچّاں گوَش ئے راج ءِ پُسَّگ*🌹🌱💐🌱🌹
*یَلاں "ائید"ماں چوَتاریں شاراں مُبارَک* 💓
*بَلوچ ءِ نمیرانیں راج ءَ کِہ بَند اِنت*🌻
*دْرُھیناں "ائید" ماں دَواراں مُبارَک*🌺
*زُرمبِشتءِکاروانءُ کاروان ءِ زُرمبِشت*🌱
*گوَش اَنت " ائید " مَئے مات ءُ گُھاراں مُبارَک*
🌺💐🌺
*وتواجَھی بئیت پَدا"ائید" بیت مَئے*
*آ پُلّیں" ائید " مَئے مَزاراں مُبارَک*
💐🌹💐🌹💐
*مَئے کوھاں مُبارَک ، مُبارَک اَگاراں مُبارَک*🌱
*بَلوچ ءِ یَلیں شَھسَواراں مُبارَک* 🌹
*سَرکوَمسیں شیران ءُ مَلّیں مَتُرساں*🌻
*"ائید"مَئے دْرُھیں بیل ءُ یاراں مُبارَک* 🌱
*چُکّان ءُ براتان ءُ مِیریں کَماشاں* 💞
*"ائید" سَجَھیں نامداراں مُبارَک*💐🌴💐

*کَلاشاں مُبارَک کِہ کَلّاشِ نیَل اَنت* 🔫
*کَلاشانی گْرند ءُ تَواراں مُبارَک* 💨
🌹💐🎄💐🌹
*وَرنا کِہ زَھر چَہ بَروٹانِ چِکّ اَنت* 🌹
*" ائید" کُنگُرانی شِھاراں مُبارَک*
🌻🌺💓🌺🌻
*آجوئیءِ راہ کِہ راہ اِنت بَلوچ ءِ* 💓
*چَہ رَھدَربَراں شَھگِھاراں مُبارَک* 🎎
*گُلباگیں ڈیھَندءِ مِسکیں ڈَگاراں* 🍒
*"ائید" مَلّ پَد ءُ مَلگُزاراں مُبارَک*🌾
*ڈیھ ءِ زِر ءَ گوں شاگواگداراں*
*"ائید"ساوڈ ءِ زِرکِناراں مُبارَک*🌺💓🌺
*کَتاراں کِہ پُرّ اَنت چَہ بَد شوُلیں تیراں* 👆🏻
*"ائید"پیرُراکانی سَگاراں مُبارَک* 👌🏻
*"ائید"دیمءِسالءَگوں آزاتیءَ بیا*🌷
*کِہ بَئے آجوئیّ ءِ گِداراں مُبارَک* 💐👌🏻
*چَہ رَھدَبَراں راج ءِ دیمپان ءُ دوستاں* 💓
*"ائید"وتواکیّ ءِ زانتکاراں مُبارَک*
🌸🌴🌹🌴🌸
*براھیم ءِ راہ اِنت ءُ کُربانیءِایش* ☝🏻
*ھُدا ءِ گِدار ءِ مَیاراں مُبارَک* 🌹
*چَہ میریں کَماشاں کِہ راج ءَ پَھاز اَنت* 👌🏻
*"ائید"زُرمبش ءِ رازداراں مُبارَک* 💓🌴
*"ائید"سَرمچاران ءُ آیانی یاراں* 🌹👌🏻🌹
*گوں شَھمیری کِردارءُکاراں مُبارَک*
💐💞💐
*ھَما ھون کہ رِتک اَنت پَہ ڈیھ ءَ گُلین ء*َ ☝🏻
*"ائید"راجکِماریں نِگاراں مُبارَک* 🌻🌷
*ما نَدر اِیں پُماھونی تْرمپاں کِہ رِتک اَنت* 💗
*پَہ گِیمارءُ پُلّیں کِشاراں مُبارَک* 🌹💐
*رَھدَربَری ءَ ھَزار پَھر پَہ بَچّاں*✏🌺✒
*ھَزارانی"ائید"اِش چو باراں مُبارَک*💐🌹
*دْرُہ ءَ راج ءِ پُھروک ءُ بامَردیں اِستار*
*" ائید" اِش گُلیں شاھکاراں مُبارَک*
🎄🌻🌴🌻🎄
*دُرّا چَہ شَھمیرءِھوناں کِہ رِتک اَنت*💓👌🏻
*"ائید"باگءِ پُلّیں ھَناراں مُبارَک* 🌹🌴🌹
*نمیران ءُ 'آریپ ءُ* *بوھیریں پروپیسور*
*م.ی.دُرّا بَلوچ*

@Labzank
telegram.me/Labzank


منا چہ بے وسیں دل ءُ دلءَ چہ واراں من
ھدا اے داتگـیں زنـد ءَ ببـر کـہ گاراں مـن

کج انت مہر ءُ وپا ءِ اے اگـدہ دار کج انت
کـہ اُمـر گوسـتہ بلـے انـگہ راہچاراں مــــن

منـی گناہ ھمیـش کـہ ہچ گناہ اوں نیست
منـی میـار ھمیـش انت کہ بـے میاراں مـن

مـں مـرتگاں کـہ منـا وشـی ءِ گمءَ کُشتگ
پـہ چِلّـگیں ھتـم ءَ سہتـگـیں ڈگاراں مـن

سمین وھدے ءَ بالاں چہ کیت نیم شپاں
ھـدا ءِ ساھـگ ءَ چو تپـتگیں لواراں مـن

اتا پـہ جنّـتءَ چـے دیـن بیـت چـے دنیا
منـی سـواب گناہ انـت گناهگاراں مـــن

اَتا شاد

@Labzank
telegram.me/Labzank

🌸🌸🌸🌸🌸🌸🌸🌸🌸🌸🌸🌸

ازشیخ هادی نجم آبادی پرسیدند:

آیا در اسلام موسیقی حرام است؟

جواب داد:

آن موسیقی حرام است که
ازصدای کشیده شدن کفگیر
بر ته دیگ پلو همسایه غنی برخيزد
و
به گوش اطفال گرسنه
همسایه فقیر برسد...
🌸🌸🌸🌹🌹🌹🌸🌸🌸🌹🌹🌹🌸🌸

چہ شیخ ھادی نجم آبادی ءَ جُست اِش کُت:

آیا اسلام ءِ تہ ءَ ساز ءُ زیمل ناروا( حرام)اِنت؟

پَسّوئِے دات : ھما ساز ءُ زیمل حرام اِنت کہ چہ سیریں ءُ ھزگاریں ھمساھگ ءِ اِستان ءِ توار ءَ کہ منجل ءِ بَٹّانی تہ ءَ بہ لگّ اِیت چِست بہ بیت ءُ نیزگاریں ھمساھگ ءِ شُدیگیں چُکّانی گوشاں بکپ اِیت.
رجانک : جنید بلوچ
@Labzank
telegram.me/Labzank

(هما تپل ء ِنام ءَ کہ ائید ءِ روچ ءِ گوربام ء َپہ ستم پاکمـر ( شھیـد) کنگ بیت)

ءُ اچ اے شاهگانیں شهر ءَ کسانیں چکے پہ بے تواری بیگواه بوت.

پہ تاهیرے بہ وپس چهباری شش سالیں مردیں چک.
پہ تاهیرے بہ وپس ، دور اچ اے شاهگانیں دنیا ءِ جلوه هاں ءُ اچ سنگ دل ءُ کوریں ٹیکانی بیهار ءَ.

پہ تاهیرے بہ وپس منی بلوچ مرز ءُ بوم ءِ کسانیں چک،کہ ماں اے انسانیت زوالیں درگت ءَ ، ءُ ماں اے زلم جاه ءَ پہ تی شهدیں بچکنداں ء ُگونڈویی گوازیاں گیگ ء ُوارے نیست.

پہ تاهیرے بہ وپس کہ تئی بهر ء ُونڈ اچ اے دنیا ءِ دهشت گردیں ءُ نادانیں ءُ تهاریں لبزانک ءَ ، ابید اچ مرگ ء ُبیرانی ءَ دگہ چیزے نہ ٳنت.

ءُشش سالی گونڈو پہ تاهیرے بہ وپس . چو هما شپاں کہ مات ءَ پہ تو لیلوے گشت ءُ تو ماں آئی ءِ امباز ء ِتها پہ تاهیرے وتی مچاچ نز کت أنت ءُ شهد ءُ شیرکنیں وابانی دریا ءَ ایر کپت ے.

پہ تاهیرے بہ وپس. پہ هما گڈ سری واس ءِ ترانگ ءَ کہ تی مزاریں پت ءَ اچ تی انارکاں گپت ء ُبچکندے پہ تئی رکاں شنگ بوت ءُ اچ تی چماں گروکی ءَ شهم جت.

چینچک پہ بے برمشی اچ موٹل ءِ نرمیں نندجاه ءَ هوناں اوژناگ بیت ءُ پہ مدامی وابی ءَ سرگپت ے.

پہ تاهیرے بہ وپس کہ اے سرڈگار ءِ درستیں ماتانی لیلو ءِ توار یک روچے توپک ء ِبیهار پرّیں تیرانی جهزیر پہ تو بیت.

پہ تاهیرے بہ وپس ء ُبہ جزم کہ تی ٹپیگ ء ُلاگر ء ُزیبائیں جسم ءُ جان ءَ گوں وت یک دنیاے گپ ءُ هبر گون ء ُهمراه ٳنت ، ء ُاے یک پادتراپے پہ همایاں کہ گندگ ءَ أنت سنگ دلیں ٹیک چے پیم پہ وژدلی ماں اے شهر ءَ سیل ء ُسواد کنگ ء َأنت.

پہ تاهیرے بہ وپس چهباری شش سالی ایں مردیں چک

بلے من انگت ءَ هم اوستیگاں...
منی اوست ء ُواهگ ٳنت کہ دگہ کدی هم هچ گونڈیں چکے پہ ستم اچ وتی مات ءِ امباز ءَ جتا ءُ گستا مبیت، ء ُهچ توپکی تیرے هچ گونڈویی ءِ شیرکنیں واب ءَ ماں پت ءِ چمانی دیم ءَ گڈسری واب مکنت، زلم ء ُستم ءِ دنیا اچ مهر ءُ مهروانی ءَ سرریچ بہ بیت کہ انسانیت ءِ رولہ پدا پہ اشتاپی روچ ٹک ے بہ بیت.
کلمکار: محمدانور بلیدهی
۲۳ / ۶ / ۹۵
رجانک: محمدامیری ۱۴ سپتامبر 2016 .

؛؛؛؛دستونکّ؛؛؛؛؛
زِرد ءَ مہ جیڑ واھگ ءِ اُپّارگ ءَ شموش
بچکندگ ءِ گَلاں پہ گم ءِ گوْازگءَ شموش

یاتانی اھد واھگ ءِ چہرآپ ءِ ترانگ انت
مھکانی ءِ شپانی دل ءِ نارگ ءَ شموش

کئے بد وپا ءُ کئے پہ وپا ، دل درآمد انت
زند ءَ زرئے تہ زانگ ءُ پجّارگ ءَ شموش

درد ءَ مہ چار، جان ءُ دل ءِ دشمن ءَ بزاں
گِیر آرگ ءَ شموش، گم ءِ مارگ ءَ شموش

ویران بوت پْرشتگیں اھدانی بادگیر
مُرواردانی آرگ ءُ نزّارگ ءَ شموش

تاکہ بہ بیت کیامتی آشوب ءِ دیمپان
او زند ءِ درد! شائریں بیچارگ ءَ شموش

بے مانہی پُرشتگیں وابانی مانا اِنت
یاتانی کُلّ ءِ سارگ ءُ پلگارگ ءَ شموش

،،،،اَتاشات،،،،،
ستمبر1990ءشال

@Labzank
telegram.me/Labzank

*{نمیرانیں استاد عبداللہ روانبد }*
گَزل
ما بلوچیں، ما بلوچیں، ما بلوچ
ما بلوچستان ءِ نوکیں ماہ ءُ روچ

تاک تاک اَنت زند ءِ دپتَر تئی بلوچ
زیر تپاکی رِشتگ ءَ ھُورئے بدوچ

پرچیا از کاروان پَد منتگ ئے
زاھراَنت پیش کنزگءِ مادن چو روچ

ھمبلاں دوشی مزن بانگواہ کُتگ
منزلش گِپت اَنت ءُ آرام اَنت مروچ

روچ درآتکگ تو انگت ءَ وابینگ ئے
شنگ ءُ شانگ انت بار ءُ بـے پکرئے چہ کوچ

کامیابی کار ءُ کوشست ءِ بر اِنت
امب لوٹئے چون؟ کہ تو کِشتگ کروچ

گوھر اِت پَئے ماں زر ءِ لُنج ءَ بہ بُڈ
لعل لوٹ ئے سکّگیں کوھاں بِکوچ

وکت گوازین ئے پہ واب ءُ گِپلت ءَ
کیمتی چیزاں جنس ءَ مکن چو سُتک ءُ سوچ

روم ءُ شام ءِ هسرت ءَ چّی ءَ ورئے
روم ءُ شامی اڈ بکن از چانب ءُ نکوچ

لاگَری اُزری نہ اِنت پہ تازی ءَ
لاگری بہتر بِتچ بل اُزر ءِ پوچ

گوں بلوچی گیرت ءَ میان ءَ بِبند
میش ءِ چم جہلی مَکَن پادا چو کوچ

نی ترا زیب اِیت گْوشگ با پہر ءُ شان
دیم ءِ دیوان ءَ کہ ما ھستین بلوچ

ما بلوچیں، ما بلوچیں، ما بلوچ
ما بلوچستان ءِ نوکیں ماہ ءُ روچ
@Labzank
telegram.me/Labzank


درودان په ترا وانان سحرگاهان رسول الله (ص) کنان درشان بی چارین دل ءآهان رسول الله (ص)
درودءُسدسلام شات اِنت تئی روح ءَ سُبک بالین که دوست ئی مومنان توچه دل ءُجانان رسول الله (ص)
شموشان اَچ وتی جندءَ تئی گون ترانگان شهدین بزان آدرگت ءَ اَچ وت من بیگواهان رسول الله (ص)
هُداءِ رهمت ءِ جمبر تئی یارانی ساهیل اَنت نه وشّی ءِجلین بیر اَنت گون بدواهان رسول الله (ص)
گدائی تئی منا دوست اِنت دلءِمے واهگ ءُ اُوست اِنت گدائی شر تر اِنت تئی چه اُبر شاهان رسول الله (ص)
هدوناکین تئی یوسف په دیداری ترهینوکین تئی مهر اِنت گون مئی هونءُرگءُشاهان رسول الله (ص)

یوسف انیس کلمتی

@Labzank
telegram.me/Labzank

بـے ڪــار اِنــت ھما دل کہ آئی تہ درد مہ بیت
بـے ڪـار اِنت ھما راج کہ آئی تپاکی.مہ بیت
بـے ڪـار اِنت ھما چم کہ آئی تہ ھیا مہ بیت
بـے ڪـار اِنت ھما دوستی کہ آئی تہ ءَ وپا مہ بیت
بے ڪار اِنت ھما دل کہ آئی تہ ھب ءُ واھگ مہ بیت
بے کار اِنت ھما انسان.کہ آئی تہ انسانیت مہ بیت
بے کار اِنت ھما ڈگار کہ.آئی تہ کشار مہ بـیت
@Labzank
telegram.me/Labzank

بلوچی مئے وتی شھدیں زبان اِنت
-------——----------------------------

چونائی ءَ بلوچی شائری ءِ بندات 1950ءَ پیش بیتگ، بلے چِدو پیش دپتری ثبوت دست نہ کپیت، بلے بلوچ ءِ ھما اھدی شائر ھم روچء مرچی نمیران اَنت- آھانی دُرّیں بیان ماں بلوچی دیوان ءُ مراگشاں مروچی ھم پہ پھر ءُ شان گْوشگ بنت- ھمے دُرّیں گُپتار گال مئے بلوچ پھلواناں گوں ساز ءُ زیمل ءَ ماں آروسی دیوان ءُ بلوچی مراگشاں درشان کتگ اَنت- ھمے گوھر کیمتی ئیں گال سینگ بہ سینگ اتکگ ءُ مارا سر بیتگ اَنت- آ وھد ءَ نبشتہ کنوک نہ بیتگ، ھمے دُرّیں پھلواناں وتی کوھیں دلبنداں جاگہ داتگ ءُ نسل در نسل سر کتگ اَنت- بلوچ راجدپتر بہ بیت, مہر ءُ دوستی ءِ داستان بہ بنت یا جنگانی کِسہ ءُ بیان، کھت سالی، مزنیں ھار ءُ ایروپ، گرانیں لڈّ ءُ بوج یا چاگردی اڑ ءُ جنجال بلوچ شائراں ھمک جاورانی سرا وتی اِزمی کمال پیش داشتگ-
ھدامرزی پھلوان ملا کمالان گْوش اِیت کہ مناں یکرندے سردار میر مولداد ءَ لوٹائینتگ ءُ میر مولداد دشتیاری ءِ ھاکم بیتگ- گڑا مناں جست ئِے کتگ کہ توء کمالان ءَ گْوشتگ کہ:
سدنیں بکال چہ بلوچ ءِ ھدّ ءَ در اِنت/
کنّوانی وھد ءَ ملک میران پیسر اَت/
زھم جنیں بیبگر ءِ شکار شاہ ءِ دُکتر اَت/

سدّن مئے پیرُک اِنت، تو گْوش ئے کہ سدّن بکّال چہ بلوچی ءِ ھَدّ ءَ در اَت، منء کمالان ءَ گْوشت کہ واجہ اے شئر منی نہ اِنت- البت اے شئر من گُشتگ، گُڑا جست ئے کت کہ اے شئر کئیگ اِنت؟ من گْوشت ملا پازل ءِ--- گْوشت ئِے اگاں ملا پازل ءَ گْوشتگ گُڑا راستے--
بلوچ دودمان ءَ شائرانی بلاھیں بستارے بیتگ--
(میجر مجید)

@Labzank
telegram.me/Labzank