دَســــــــــتونک




هست ءُ نیست ءِ جـــــنجال ءَ اُمـــــر آسرا بوتیں
ساه ءِ ساز پــــــــــشکپتیں زند بے وپا بوتیں




آزمان ءِ گیابان ءَ هُــــــــــشکیں درچک رنگانی
مَنت آس ءِ بے وانــــــــــکی آپ دِل دگا بوتیں




نیّتاں کَـــــوار ءَ کنت پــــــــــیرزال وابانی
شالا اُمــــــــــر تاوانیں درد هم دَوا بوتیں




چہ نگاهاں پِر گــــــــــوستگ اَهد ءِ دنز ءُ دوتّ ءِ مُـــــج
بے پناهیں کِــــــــــشکانی کِسمت ءَ هُدا بوتیں




شــــــــــر بچار منصور ءَ آهری نشانی اِنت
کَــــــــــیت تئ دِل ءَ روچے کسّے ایے وڑا بوتیں

✎✎ مَـــــنصُور آزاد ✎✎
@Labzank
telegram.me/Labzank

دُرّیں دانک

☀️- شرّیں مردمءِ یک شرّی ئے ایش اِنت کہ آ یات کنگ نہ لوٹ ایت آ وت یات بیت

☀️- وتی دژمنءَ هزار رندءَ موه بدے کہ آ تئی دوست بہ بیت بلے وتی دوستءَ یک رندے اُوں موه مدے کہ آ تئی دژمن به بیت

☀️- آ مردم تئی چمّاں چے تئی هاجتءَ مہ زانت ءُ سرپد مہ بیت چہ آئیءَ چیزے مہ لوٹ ءُ وتا هجالت مکن

☀️- اِلم ءُ زانتءِ سوبءَ تئی دوست زیات بنت ءُ مالءِ سوبءَ تئی دژمن

@Labzank
telegram.me/Labzank

گوشکند. 😜😄

مردے شت بئنک ( بانک) ءَ وتی زرّانیِ ایر کنگ ءِ وستا!

بَنک ءِ واکدار ءَ گوشت: اے وت ساچیں (نکلی) زرّ اَنت!؟

مرد ءَ درّائینت: ترا چه کار انت اے منی وتی اِکاونٹ( هساب) ءَ ایر بَنت.!!!
😀😂😂😂😃😂😃😄
@Labzank
telegram.me/Labzank

دُرّیں دانک

☀️ دو مردم بہتاور بنت یکے هما کہ آئیءَ وپاداریں دوست هست دومی هما کہ آئیءَ مات ءُ پتءِ نیکیں دوا گوناں

☀️ بـے شَک وتی هر چیزءَ وَتن ءِ واستءَ کُربان بکن بلے هچ چیزءِ واستا وتنءَ کُربان مکن

☀️ سبر ءُ اُپار ایمان ءِ بُن هشت اِنت

☀️ هما کہ گمءُ اندوه بہ دنت آئیءَ یلہ بدے ، آئیءَ کہ یلہ دے آئیءَ گمءُ اندوه مدے

@Labzank
telegram.me/Labzank

.......🌹🌹(قـــــــول)🌹🌹......

بـے جانیــں مـردیں جنیــنےءُ تمـاھداریں صــوفی دُزّے

اے بناموس جامہ کـردہ سپید
بہــر پـنـدارخلــق و نـامہ سیـاہ

بــزانت:تـو کـہ پہ وتـی عـزّتءُ نـامءَ گــُد اسپیــت کـتگ اَنت بــزاں کـہ تــئ اعمـال نامـہ سـیاہ اِنت

دســت کــــــوتاہ دار از دنـــیـاہ
آستیــن چـہ دراز و چــہ کــوتاہ

بــزانت:چــہ مـالءِ یکجـاہ کنـگءَ دستـاں گــونـڑ گِــر آستیــگءِ دراجیءُ گــونڑی فــرق نـہ کنــت

کتـاب: دانکانی گنــج
شنگ کار:لبزانکی مجلس کلمتی کاروان

@Labzank
telegram.me/Labzank

.....🌹🌹(حکمـــت)🌹🌹.....

درمـانءَ تـا پجـّاہ میـارئے پـہ شکّءِ ســرا ورگءُ نـہ دیستگیـں راہءَ بـے گلـگءَ روگ نـاراھی یےءُ عاقلانی مشورتءِ ھلاف اِنت
اما محمد غـزالی کـہ مـزنیں پیــرے ات جـست اِش کُـت کــہ تو عـلمءِ اے مـزن شـانیءُ چــوں رسـتگ ئے؟پسّــوے دات:چیــزے کــہ مـن نـزانت آئیءِ جُــست عیــب نــہ کُت

امـید عافـیت آنـگہ بود موافـق عقل
کہ نبض را بہ طبیعت شناس بنمائی

بـزانت:جان دراھیءِ امیـت دارگءَ ھمـا وھـدی عقـل مـنّ ایت کـہ درمـانءَ طبیـبےءَ پیـش بدارے

بپرس ھرچہ ندانی کہ ذل پرسیدن
دلـیل راہءِ تو باشـد بہ عـزّ دانـائـی

بــزانت:ھــرچے کــہ نــزانئے جُــست کـن کـہ جُــستءِ بـزّگـی تـرا دانائیءِ عـزّتءِ رھشـونیءَ کنــت جُــست کــنگ عیــب نـہ اِنت بلے نــزانگ عیــب اِنت

فارسی:شیـخ سعدی
بلوچی رجانک:محمّـد یوسـف انیـس
کـتاب:دانکانی گنــج
شنگ کار:لبـزانکی مجلـس کلمتی کاروان

@Labzank
telegram.me/Labzank

(ھـــرچے کشئــے ھمـائـیءَ رُنئـے)

سوداگـرےءَ وتـی کـاروباری سنـگتـےءِ کِـرّا پنــچ (۵)سیـــر سُھــر پـہ امـانت ایـر کُتءُ پــہ سـوداگریءِ ھـاترءَ دگـہ ھلـکےءَ شُــت چار پنچ ماہءَ رنـد وھدیـکہ واتـر بوتءُ وتـی سنگـتءَ چــہ ھمـے سُہــرانءَ لـوٹ اِت ے
گُــڑا سنـگتءَ درّائینت کـہ مـن تــئ سھــراناں تگـردءِ چیــرا ایـر کتگ اَت بلے مـن نــزانت کـہ شُومیـں مــُشکءِ وارت مـن تــئ دیـمءَ شـرمندگاں سوداگـر چـہ آئیءِ نیـتءَ سـرپد بـوتءُ ھامـوشیءَ گـوں دیـم پـہ وتی ھلـکءَ رھـادگ بیـت
چیـزے روچءَ رنـد سـوداگرءَ وتـی ھمـے سنـگتءَ ورگءِ دعوت داتءُ ھمـے وھـدءَ سـوداگرءَ آئیءِ زھـگ بُـرتءُ دگـہ جاگہہ یےءَ چیــر دات دعوتءَ چــہ رنـد ھمـا سنگـتءَ وھدیکہ وتـی زھـگ اوداں نـدیست آ باز پـریشان بیت
گــڑا سـوداگرءَ درّائینت کـہ زھـگءِ پٹءُ پول بـے سیــت اِنت پــرچہ کـہ مـن سھـتےءَ پیـش دیت کـہ تــئ زھـگءَ شاھیـن بـرگءَ اَت
مـردءَ درّائینت کـہ شاھیـں اے بلاھیـں زھـگءَ چـوں بارت آئیءِ سنـگتءَ پسّـہ گـردینت، ،انچــش کـہ شُمـے ملـکءِ مُــشک سھــراں ورنت گـوں اے پسّـوءَ مـرد آھبکہ بوتءُ چـہ سـوداگرءَ معافیءِ لـوٹ اِتءُ آئیءِ سھـر ءِ پدا آرت اَنتءُ وتی چُکءِ دستءِ گپـتءُ شـت

شنگ کار: لبزانکی مجلــس کلمـتی کـاروان
@Labzank
telegram.me/Labzank

*(لالچ بربادیءِ نشانی اِنت)*

سئـے سنگت سـفرءَ در آھتک آں سـفرءِ دورانءَ آیانءَ چـہ سھـرءُ زیوراں پُرّیـں پیـلکے دسـت کپـت آ سک بـاز گـل بـوت اَنت بلـے آ انچـو کـہ دیمءَ روان اِت اَنت لالـچءِآس آھانی سیـنگءَ روک بـوان بوت ءُ ھـر یکـےءَ ھمـے ھیـال کُـت کـہ مـن اے سھـراں چـہ دومیءَ چـوں زبھـر بکناں وھدے کـہ آ شھـرءِ نزیـکءَ سـر بوتاں گـڑا آیاں یـکےءَ پـہ نـانءِ گـرگءَ شھــرءَ دیــم دات اے دوئیناں وت ماں وتءَ سیمیءِ کُـشگءِ شـور کُـت تانکـہ چـہ سھـرءَ پُرّیـں پیلـک ھما دوئینانی میانجیءِ بھـر بہ بیت بلـے ھمـا سنگـت کـہ نـانءِ آرگءَ شُـتگ اَت آئیءَ نـانای تھـا زھـر مـان کُـت دانـکہ آ ناناں بـوارنتءُ بـہ مـراَنتءُ سھــر تھنـا ھمـائیءِ بـہ بنت
وھـدیکہ آ سنگتـانی گـورا اتکءُ رسـت گـڑا ھمـا دوئیـں سنـگت آئیءِ سـرا زھـر گپـت اَنتءُ درّائینت اِش کـہ تـو پـرچہ اینچو دیـر کُـتءَ آیـانءَ بہـانہ ئے در کاراَت دوئیناں آئیءِ سـرا اُرش کـتُ آ کـُـشت اشءُ پـدا بـے پـگریءَ گـوں نـانءِ ورگءَ لـگ ئیتاں سھـتے نـہ گـوست کـہ آ زمیـنءِ سـرا تچـک گپـتءَ مـرگءِ آماچ بـوت اَنتءَ سھـرءِ پیـلک آیانی نیامءَ کپـوک اَت راستے کـہ لالچ بـربادیءِ نـشانی اِنت

شنگ کار: لبـزانکی مجلـس کلمتی کاروان
@Labzank
telegram.me/Labzank

رجانک : ادبی هکیم

آ کـس کہ منی سر ءَ زھر ورگ ءَ اَنت من آیانی منتواراں ، پرچا کہ آ من ءَ زورمندی ءِ هاٹی دیَگ ءَ اَنت.
آ کـس کہ من ءَ دوست دارگ ءَ اَنت من آیانی منتواراں ، پرچا کہ آ منی دل ءَ مزن تِر کنگ ءَ اَنت.
آ کـس کہ من ءَ یلہ کنگ ءُ روگ ء َاَنت من آیانی منتواراں ، پرچا کہ آ من ءَ بلَد کنگ ءَ اَنت کہ هچّ چیز تاں اَبَد ابَدمان نہ اِنت.
آ کـس کہ منی هَمراهی ءَ کنَگ ءَ اَنت من آیانی منتواراں ، پرچا کہ آ من ءَ دوستی ءِ بزانت ءَ شرتر سرپد کنگ ءَ اَنت .
لبزانکی مجلس کلمتی کاروان
آزمانک ، نوشتانک ، لچّه ، وشکند ، دُرّیں دانک
https://telegram.me/Labzank

پَتّرے پُلّیں بیا پد ءَ گیگ ءُ گْور کنیں
دلجمیں گالاں پہ وتی راج ءَ سـر کنیں

چـہ وتی برات ءُ همدلیں بیلان ئے دلاں
بـے نپ ءُ سیتّیں کینگ ءُ کَستاں در کنیں

باج اگاں شومّیں دژمناں برتگ بـے گومی
سرجم ءَ نند ایں بے سریں کاراں شرّ کنیں

کیلّگاں کَچّیں گـوں مـزن آپـیں شهجواں
بیا پـد ءَ بـے سوبـیں ڈگاراں وشبر کنیں

اے سپہ داریں سیـنگ ءُ باسک ءُ پنجگاں
بیا پـد ءَ مـرچی زیـر سلاه ءُ اسپر کنیں

گوں وتـی دیـوان ءِ زبان زانتـیں واجهاں
بیا زهیـر گوشاں پازل ءِ گالاں گْوَر کنیں

@Labzank
telegram.me/Labzank

وشکند 😂
ملا لُٹّر میتگےءَ انار بھا کنگ ات. جنینےءَ لوٹ ات لھتے انار بہ زورایت. آیی ءَ انارانی کیمت جست کت. ملاءَ کیمت گوشت انت. جنین کیمت ءِ سرءَ جکءُ جیڑ ءَ لگ ات. ملا انارانی تاریپ دیگ ء لگ ات.
جنین ءَ گوشت :من ءَ زَرّ گون نیست ایں دگے رندءِ یھتے تئی زراں دیاں.
ملاءَ گوشت : ھچ مشکلے نہ انت تو کمے چہ اناراں بہ چش . اگہ وشے بوت اتنت زراں رندءَ بدے.
جنین ءَ گوشت من ءَ دوسال پیش ءَ روچگے پِر بوتگ ،مرچی داشتگ اون.
ملاءَ دارئینت: تو ھـُداےءِ وام دوسال رندءَ داتگ انت گڈا منی واماں کدی دئے؟ وام بـے وام 😄

@Labzank
telegram.me/Labzank

55420:
ناکو ھیبتان ءِ میتگ

بادشاہ ءَ مُلک چہ مُلکے مَردماں چہ زُلم ءُ زوراکی ءَ پَچ گِپت...
نوں اے کسہّ ءَ باز دِیریں نوں مُلک ءِ مَردماں بادشاہ ءِ زُلم ءُ زوراکی بے ھال کُتگ ءُ گلّ شاد اِتنت. مَرچی بادشاہ ءَ جــار پِرینتگ ءَ اَت کہ مَن اگاں شُمے ھَما مَردمانی گوْرا کہ مَنی بادشائی ءَ مَنّگ ءَ نہ اَنت ءُ وَتی ھُشکاوگیں زمین ءَ مَن ءَ دیگ ءُ نہ اَنت اگاںَ مَرچی جنگ ءَ منی مَردماں باج بُرت... گُڑا منی بزاں بادشاہ ءِ شاھائی دَربار ءَ داں سئے روچ ءَ دُرھیں میتگے مَردمانی گوشت ءُ ورگ ءُ چرگ منی سَر ءَ اِنت ءُ ناچ ءُ سَوبت بیت..ھَرچی وارت کن ئے بوارے اِت... مَھلوک چہ گَلّ ءَ بال اَت ھَر کسی دَپ ءَ بَس ھَمے یکیں گَپ اَت کہ سئے روچ ءَ بادشاہ مارا وشیں ورگ دَنت..ھَر ورنا ھَر کماش بس ھَمے گَپاں گوں گلّ اِتنت..
بَلے ناکو ھیبتان ءَ گُشت کہ مَن وَتی کاشوکیں ماھیگ ءُ اِسپتیں بٹّاں وراں...بادشاہ ءِ دَربارے ورگاں نہ وراں گوں.....
دُرھیں مھلوک شُت بادشاہ ءِ دَربار ءَ چرگ ءُ ریچوکائی بوت ناچ ءُ سَوبت بوت...
وَھدے کہ دُرھیں مھلوک پدا وَتی میتگ ءَ اَتکاں، نہ پَس ءُ گوک پَشت کَپتگ ءَ اَت نئے کہ کَسی ءِ بان ءُ پَلّ .. دلوتانی جون ھَر جاھ کَپتگاں اِتاں، بازیں مَردمانی دلوت گار اِتاں...بازیں گِدانے پُر بوتگ ءَ اَت ءُ بازین ئے اَنگت دوت دیگ ءَ اَت....وَ ءُ زار بوت....ناکو ھیبتان ءَ سُبارگ کُتگ ءَ اَت ءُ وَتی لوگ ءِ دیم ءَ وَتی پَساں چارینگ ءَ اَت ءُ بِچکندگ ءَ اَت کہ شُمے داوا ھَمیش اِنت ....

اِرپان مَھر

هَـکـیـمے وَتـی نُـمـاسَـگءَ گـوَشـت مـروچـی مـن تـرا اِنـسـانءِ دو چـیـزءِ بـارَوا سَـرپـدی دَیـاں مَـنـی گـپءَ شَـرّ گـوش بـدار نُـمـاسَـگءَ گـوَشت بُگـوَش واجَـہ مـن گـوش دارَگـاں .هَـکـیـمءَ گـوَشـت انـسـانءِ جـانءِ تَـهـا دو چـیـزّ هَـسـت اَنـت کـہ چـو دو گـُـرکءَ مُـدام وَت مـاں وَتءَ جَـنـگءَ اَنـت بـلے آسَــرءَ یَـکّے چـہ آ دوئـیـں گـُـرکـاں کـامـیـات بـیـت.چَـہ آ گـُـرکـاں یَـکّ گـُـرکے شَــرّی اِنـت ، مـهــرءُ دوسـتـی اِنـت ، تُـپـاکـی اِنــت ، سُـهـلءُ سَـلاه اِنـت ، راسـتـی اِنـت ، وَپـاداری اِنـت.دومـی گـُـرک شِــرّی اِنـت ، کـیـنَـگ اِنـت ، زَهــرءُ هَــسَــدّ اِنـت ، نـاتُـپـاکـی اِنـت ، دروگـبَـنـدی اِنـت ، بـے وَپــائـی اِنـت.نُـمـاسَـگءَ جُـسـت کـُـرت واجَـہ گـُـڑا آسَــرءَ کـُجـام گـُـرک کـامـیـات بـیـت؟هَـکـیـمءَ بـچـکـَـنـداِتءُ گـوَشـت هَـمـا گـُـرک کـامـیـات بـیـت کـہ اِنـسـان وَت آئـیءَ کـُـمَـکءُ مَـدَت بـہ کـنـت اگـاں انـسـان شَـرّیـں گـُـرکءَ بـہ سـاٹ ایـتءُ پَــزّور بـہ کـنـت شَـرّیـں گـُـرک زوراک بـیـتءُ شِـرّیـں گـُـرکءَ جَــت کـُـرت کـَـنـت اگـاں انـسـان شِـرّیـں گـرکءَ بـہ سـاٹایـتءُ پَـزّور بـہ کـنـت شِـرّیـں گـُـرک زوراک بـیـت ءُ شَــرّیــں گـُـرکءَ جَـنـتءُ پـروشیـت.

@Labzank
telegram.me/Labzank

اتا شاد
شپـے کہ بام مہ ساریت چشیں شپ ءَ را سوچ
پہ اُمرے ءَ کہ وداریت چشیں شپ ءَ را سوچ

تو روچ ءِ واجہ ئے، استال ءُ ماہ ءِ واہندئے
ترا کہ پجہ میاریت چشیں شپ ءَ را سوچ

بدنت داگ چُشـیں نیمـروچ ءَ آس بدئے
دل ءَ پہ آس بگواریت چشیں شپ ءَ را سوچ

کشـیت واہگاں پـہ روژنائی ءِ نام ءَ
دل ءِ چراگ ءَ تہاریت چشیں شپ ءَ را سوچ

ما کوہ ننـد بنـی آدماں پـہ آس ءِ اپوگ
تریشک پـہ ما شہاریت چشیں شپ ءَ را سوچ

ما روچ زدگ ءُ گـوربام، ما سمیـن ءُ سبا
نہ انگہ مارا کماریت چشیں شپ ءَ را سوچ

ما رژن ءِ بہت تہـاروکـی ءَ پـہ روک اَتـا
چو روچ ءِ راہ بداریت چشیں شپ ءَ را سوچ

@Labzank
telegram.me/Labzank

" آزمانکک "

﴿ نعیم پیرجان ﴾
"
ڈگار سُمب "

ماھانءَ چار چُک بوتگ ات ،بلے ھمک چُک دو ماہ ءَ گیش پشت نہ کپتگ انت ....!
مدتے ءَ پد ماھان پدا پہ امیت واری بوتگ ات، اے رندی دینبوگءَ شئور دات کہ چک ءَ ڈگار سُمب بہ کن ۔
نھ ماہ ءِ ھسابءُ روچ آں آ چِلگ بوتءُ بچکیں چُک یے آورت ئِے ءُ آئی ءِ گوش ئِے سُپت انت ءُ ھر دو گوش آں یک یک والی یے مان ئے کت انت ۔ بیست ءُ چار سال ءَ پد،آئیءَ را والی گوشان اتنتءُ آ مُرت.

@Labzank
telegram.me/Labzank

گنجیں گْوادر شُت

,,,,,,,,,,,سید ھاشمی"""""""""""

کپت جارے کہ جھدوں پہ سر شُت
کینگ ءِ کارچ کئی دل ءَ در شُت

بلکیں نیمّونوں ایر جیگ بہ کنت
دلجمیں کار ءُ کار دربر شُت

یک برے شت گوں دْروتاں ربّالو
پسّو ءِ ترس ءَ ساھوں سد بر شُت

بے سریں راج ءُ بے سریں سَودا
جھندم چہ بادگیر ءَ کاپر شُت

آتکگ باریگ لجّ بریں زرّ ءِ
دوستی ءُ مھر ءِ دَور آسر شُت

شال پیسر سگار ءِ ھرجان اَت
دَیناں بے سیتّ ءِ گنجیں گْوادر شُت

بانگ پہ بانگ اِنت ترا کہ سیر چینک ئے
راج ءِ جوھان ءُ پُلّیں آس بر شُت

پہ منی مرگ ءَ بمبمئیں کُلّاں
گل کتگ ، بے ریائیں گْوَھْبَر شُت

نال ءُ ماندار بلّاں میتّاپیں
او کپوت! زند ءِ کُل کپودر شُت

دیم ریزات مرگ ءُ میران ءِ
کہ چہ اندوھاں واھگ ءِ در شُت

پرچا ایرجیگ ءِ ھانل ءِ نام ءِ
زاناں زانت ءُ سما اِت بْرادر شُت

گُل ءِ گوناب ءِ ساھگ اِش دیستگ
چہ دلاں ماہ ءُ ماہ ءِ درور شُت

زندمانی نزوریں نیمّونے
گوں سری سوباں ساھوں سد بر شُت

راستی ءِ بام ءَ جَورکاں داتگ
مال شُت ، ملک ءُ مھتریں سر شُت

وشدلیں جارے کپتگ ، مُرت سید
موتک دستونکاں! راھدربر شُت

دُبی 9/جولائی /1968

@Labzank
telegram.me/Labzank

باسکبندی)عضوگیری اَنجمن فرھنگی(

تیاب ندانکی ، ربیدگی، ازمی ءُ چاگردی گل

بریس ءُ آئی ءِ کش ءُ گْور ءِ کوچک ءُ میتگاں ما اے مستاگی دیگ لوٹ اِیں کہ بریس ءِ ندانکی (اَدبی ) سنگتاں اِے شور کرتگ کہ ندانکی ، ربیدگی ، ازمی ءُ چاگردی کارانی دیمروی ءَ اَنجمنے جوڑ کنگ بیتءُ ما پہ اے اَنجمن ءِ جوڑ کنگ ءَ باسکبندی (عضوگیری) بنا اِنت اِے درگت ءَ شماجھل ءَ داتگیں واجہ ءُ دوستاں راھوت گیپت کن اِت ۔

اَنجمن ءِ پیشنھادی کار

۱۔ کار سیم ، بریس ءُ آئی ءِ کش ءُ گْورءِ کوچگ ءُ میتگ ءِ مردم ’ گل ‘ءِ باسک بوت کن اَنت ۔
۲۔گل وتی کار سیم ءِ تہ ءَ ندانکی، ربیدگی ، ازمی ءُ چاگردی کار کرت کنت۔
۳۔گل ھِچ رَنگیں سیاسی چِست ءُ ایرانی تہ ءَ گون نہ بیت ۔
۴۔گل گوں دولتی ءُ آ دگہ گل ءُ ادارھاں ھم ھمکاری کنت کہ آیانی کار گوں گل ءِ بُنکی مَن (مقصد) ءَ ھمدپ بہ بَہ اَنت ۔
۵۔ گل وتی کار سیم ءِ تہ ءَ ندانکی ، ربیدگی ، ازمی ءُ چاگردی کارانی تہ ءَ گون بیت ءُ ایشانی پلہ مرزی کنت ۔
۶۔گل ءِ درسیں کاراُستمانی وڑ ءُ پیم ءَ بَہ اَنت ءُ گل ءِ ھمک ادارھانی تہ ءَ شور یک مردمے یک گچیندانک ءِ رِد ءَ بَہ اَنت ءُ گیشتریں مردمانی شَور مَنگ بیت ۔

پہ گیشتر سرپدی ءَ جھل ءِ مردماں ھال بہ گر اِت ۔

۱۔ابوصالح (کالبر )
۲۔ منصور حیدر۔ عارف شهم ۔ حاتم بلوچ ۔ خالد بریسی ۔ عظیم عزت ۔ فضل پرواز ۔ نعیم پیرجان (بریس )
۳۔ عبدالحئی زاھد (پُشت )
۶۔ جنید بلوچ۔ منیر نور۔عظیم بلوچ (پسابندن )
۷۔ جعفرساچان (کلانی )
۸۔محمدبخش (جُر)
۹۔رحمان نثار (ھَن)

@Labzank
telegram.me/Labzank


ھچ وڈءَ گوں منءَ ائید نہ بیت
پرشتگاں سرجمءَ ائید نہ بیت
مات منی نالگ انت ھرشپءَ
گوں منءَ اے وڈءَ ائید نہ بیت
چورہ ئِے جیڑگیں گوں وتءَ
چوش منی کسمتءَ ائید نہ بیت
آچشے روک کتگ مے سرا
من گشاں اے ھدا ائید نہ بیت
میتگءَ بزگرئِے ھست منی
نشتگاں من پدءَ ائید نہ بیت
شھد کتگ من وتی زندگی
برادلے ماں گسءَ ائید نہ بیت
سوچ وتی شکلیں ساھتاں
نوں حمید گوں ترا ائید نہ بیت

@Labzank
telegram.me/Labzank

انسانیت سن و سال نمیشناسد!
انسانیت وقت و بی وقت نمیشناسد

انسانیت دارا و ندار نمیشناسد
انسانیت دڪتری و بی سواد نمیشناسد

انسانیت شعور میشناسد
درڪ میشناسد ، فرهنگ میشناسد..
-----------------
گوں سند ءُ سال ءَ کسے انسان نہ بیت !
وهد ءُ بے وهدی کسے ءَ انسان نہ کنت

گوں هزگاری ءُ نیزگاری ءَ کسے انسان نہ بیت ..
گوں وانندگی ءُ ناوانندگی ءَ کسے انسان نہ بیت
مردم گری ءِ پجّار شهور ، زانگ ءُ زانوگری اَنت .
رجانک / ص رئیسی.

عطا شاد یا منیر مومن؟
چندن ساچ
عطا شاد ءُ منیر مومن ءِ شاعری ءِ سرا جوانیں وڑے ءَ کار نہ بوتگ۔ نگد ءِ حساب ءَ عطا شاد ءُ منیر مومن چارگ ءُ تپاسگ نہ بوتگ اَنت۔ منی نزّاں گڑا اِے گپ بے معنا اِنت کہ منیر چہ عطا شاد ءَ مستریں شاعرے۔
دومی گپ، اِے گپ زاناں المی اِنت کہ یک شاعرے ءِ مزن کنئگ ءِ واستا دومی شاعر کسان کنئگ بہ بیت؟ من منیر ءِ شاعری ءِ سرا کسے ءِ جوانیں نگد نہ ونتگ۔ ناں کہ عطا شاد ءِ سرا جوانیں نگدے دیما اتکگ۔
منیر مومن ءِ کتاب ’’دریا چنکے ہوشام اِنت‘‘ ءِ پیش گال ءَ ناگمان نبشتہ کنت کہ منیر چہ عطا ءَ مستریں شاعرے۔ بَلے منیر چوں عطا شاد ءَ چہ مستریں شاعرے؟ بس اِے کہ ’’عطا شاد ءِ شاعری ترونگل ءِ وڑا گواریت ءُ منیر ءِ برف ءِ پژکانی وڑا نرم نرم ءَ رچیت‘‘ اِے وَ گپے نہ اِنت کہ ناگمان ءَ کتگ۔ البتہ اگاں ناگمان ءَ عطا ءُ منیر ءِ شاعری دیم پہ دیم بکتین ءُ اے گپ بہ جتیں گڑا انگت دردے پہ دو اَت۔ بَلے ہنچو پہ وت ءُ دیم آیگ ءُ گشئگ کہ عطا کسان اِنت منیر مزن اِنت، منی حیالاں لبزانکی دنیا ءِ نزورتریں نگد اِنت۔ پرچا کہ اِے گپ ءَ وَ ہر کس جنت کنت۔ اگاں چوشی ءَ بچارئے عطا شاد ءِ گورا ہم ہنچیں بازیں شعر ہست اَنت کہ برف ءِ پژکانی وڑا رچنت۔
من چو تئی عہد ءِ کلات ءَ پرشتگوں
سنگے بجن یا بیا من ءَ ہمباز کن
یا عطا ءِ اے شعر ءَ بہ گند
مناں توئے تئی زپتیں زہیراں
اِے گنجیں کوڑو ءَ یک محرمے بی
دومی مردم اِے آر داد اِنت کہ آ ہم وتی کتاب ’’نبشتگیں لبز‘‘ ءِ تہا منیر ءَ بلوچی ءِ مستریں دستونک گشیں شاعر سرپد بیت۔ بَلے منی جند اِے گپ ءَ گوں دانکہ ہما وہد ءَ تپاک نہ کنت کہ منیر ءُ عطا ءِ شاعری ءِ سرجمیں تک ءُ پھناتانی سرا چار ءُ تپاس کنئگ مہ بیت۔
بے شک منیر ہم مزنیں شاعرے بَلے منیر ءِ مزن کنئگءِ واستا المی نہ اِنت کہ ما عطا شاد ءَ کسان بہ کنیں۔
من دیستہ کہ ہنچیں شاعر عطا ءَ گشتگ آ منیر ءِ گورا نیست اَنت۔
من چو پُل ءَ ہتم ءِ چلگ ءَ پاہار کناں
چو سمین ءَ ماں لِواریں غماں اُفار کناں
تئی ملگ کہ سرپنت پُل ماں بہشتی کوشاں
تئی لڈگ کہ دل ءِ گواڑگ ءَ سر بار کناں
اِدا بگند
پہ تئی عشق ءِ داتگیں زیم ءِ آزگ ءَ
گوں وتی بدواہاں رواں دیوان کناں
یا اِدا
رولہی بیت کہ سرپنتیں تئی گُل رنگیں انارک
کجلیت شپ کہ تئی بیک شفاری باتاں
تاک بند گدار پسنی ءِ نہمی تاک ءَ مہپارہ بلوچ ءِ نبشتانک دیست ہم من ءَ بزگ بوت۔ مہپارہ ءَ ہم گڈسرا ناگمان ءِ گپ زرتگ اَنت ءُ گشتہ کہ منیر چہ عطا ءَ مستریں شاعرے۔ عطا شاد ءِ یک ءُ دو شاعر ئِے پہ دَور ہم داتہ۔
یک شاعرے دومی شاعر ءَ چہ چوں مستریں شاعرے بیت۔ اِے گپ ہما وہد ءَ دیما کئیت کہ دوئیں شاعرانی شاعری ءِ ہر تک ءُ پھنات چارگ بہ بیت۔ اگاں ناں چو باندا دگہ کسے ہم درکئیت ءُ گشیت۔ ’’منیر ءِ شاعری چو ہما نان ءِ وڑا اِنت کہ شوک پچگ بوتہ بَلے واد ئِے مان نیست بَلے عطا شاد ءِ شاعری ءِ واد برابر اِنت‘‘ اے گپ ہم سنگینیں نگد ءِ بُنکی لوٹاں سرجم نہ کنت پرچا کہ داں وہدے اے دوئینانی شاعری ءِ سرا جوانیں وڑے ءَ کار مہ بیت۔ منی حیالاں عطا شاد ءَ کسان کنئگ ءُ منیر ءَ مزن کنئگ مزنیں زوراکی یے ءُ اے دگہ زوراکی ءَ دگہ زوراکی یے کئیت ءُ ہلاس کنئگ ءِ جہد کنت۔
چناہا گاراں اے دنیا ءِ مُچیانی تہا
منارا گوں وتی چماں بچار تہنایاں
(منیر)
من گار اے بیگوازیں زند ءِ اندر ءَ
تو اچ وت ءَ ساری من ءَ شوہاز کن
(عطا)
منیر مستریں شاعر اِنت یا عطا؟
اِے جست ءِ پسہ مارا ہما روچ ءَ دز کپیت کہ ما اے دوئیں شاعرانی شعرانی ہر تک ءُ پھنات ءَ پہ نگدی دروشم ءَ بچاریں۔
اگاں ناں اِے مزنی ءُ کسانی ءِ سرٹیفکیٹ ءِ دئیگ گڑا پہ دائمی برجاہ بیت۔ ءُ من اے وڑیں بے لگامیں نگد ءَ پوچکے سرپد باں۔
@Labzank
telegram.me/Labzank


جی هما باری بلوچ شادان اتنت
اتّفاق و برات و همدیوان اتنت
کپتگ ات براتے من گرانین شدتے
قوم ء گرانین مشکلان دیمپان اتنت
کستر و همسایگ ء فکر ء گْوَر ات
غم تشے نیست ات گل و کندان اتنت
اولاک آیانی کمیت و مهری ات
کوهسار و کوچّگان تْرَدّان اتنت
ناگهان کپت انت من جنگ و جیڑ هے
صاحبی گپّان گون صلح و تْران اتنت
نان دے و لهڑ بخش اتنت وهدی بلوچ
هر روچ پلّین پتّرَے مهمان اتنت
سینگ و ونگ ات په وانانی سرا
برنج من دیزان و کباب سیهان اتنت
مجلس ات میری و گپ و کندگ ات
گون کمرزانی و شوق و شان اتنت
دایما رفت انت شکاری گردشان
کوچگان و من جڑ و کوهان اتنت
گر دچار کپت انت گرانڈ و پاچنان
گوشت من لوهیگ و جگر بریان اتنت
جی هما باری مے بست و کیلگان
ماش و سورو ارزنے جوهان اتنت
نایی ناهاریگ و شیر و روغن ات
کوپگان کلّیگ سواس پادان اتنت
کردگار بیارات هما روچان پدا
محمد نور ء وهدیگین ارمان اتنت

@Labzank
telegram.me/Labzank