؛؛؛؛دستونک؛؛؛؛؛
تـو پـہ منی واہ ءِ پدءَ مــرواردیں ارسـاں مـہ گـوار

واھـگ منی جندءِ نـہ انت ھست انت تئی زردءِ کــرار

تلـکاریں ھونانی نشان ،ارسیگـیں کاڑانی گـوشان
ڈوبارانت بالادءَ منی لیٹ انت دل ءَ چـو سیـاہ مــار

مــاتی منی ســاہءِ بدل پنتے چـــہ آ مـاتاں بــہ زور

لجــّانی دیمپان اش کـت انت بچ تنگـویں شیـر ءُ مـزار

شِیرءَ من ءَ را پھل بکـن ، دستءَ سـرءَ ایر مـال منی

دیمءِ تھـاریءَ لپـاش ، مھــرءِ تشے پـر مـن ســـرار

ڈسّـاں من ءَ ننــگے بـہ دئے ، ھـالو ھـلو ســاڑا منءَ

کاربند بلوچی زھــرگ ءَ باھند کن گوں تیـرءُ ســـگار

ساہءَ منی دلجم بہ بی ، مرگ ءِ لیوارئِے کشت نہ کنت

من کـہ نہ باں بازین بنت ماں شـادھاں گـوں تو ھـوار

شھیـــــد واجــہ گلام مھمـد بلوچ

@Labzank
telegram.me/Labzank

دُرّیں دانک

☀️- زبان هما چیز انت کہ دژمنءَ دوست ءُ دوستءَ دژمن کنت

☀️- نیکیانی سرا مجاز بیگ نیکیاں زوال کنگ انت

☀️ اگاں ترا سِدک اِنت کہ تئی رِزک اللهءِ دست اِنت گڈا رِزکءَ مہ شوهاز کہ تئی رِزک همائی دست انت

☀️ دنیا همائیءَ چوره گشیت کہ آئیءَ ماتءُ پت نیست بلے من همائیءَ چوره گُشاں کہ آئیءِ گورا شرّیں دوست نیست

@Labzank
telegram.me/Labzank

لالـو سمبال

پُر اِنت زَھر ءَ بِلار پیداگ اِنت
بوشت پاداں بدار پیداگ اِنت

کُرّیں گوشانی ژُپّگ ءَ تئیگ ءَ
چماں شانک دئے بچار پیداگ اِنت

چُوپگ ءَ تئیگ ءَ ناکو ڈُمبان ءَ
زُرتگ گوازے پٹار پیداگ اِنت

زینب ءَ چُپتگ چنکے سُھریں مِرچ
شِیپگ ءَ گوں میـار پیداگ اِنت

پہ تئ مھمانی ءَ اوں ماگنج ءَ
گون اِنت دراجیں ھَیَار پیداگ اِنت

گنجل ءَ زُرتگ بیلڑے چرپیں
بیتگ ڈاج ءَ سوار پیداگ اِنت

چہ شَم گوستگ گوں ھَر ءَ انی
کنڑگ ءَ گنگُزار پیداگ اِنت

الوک ءَ انی جھ جتگ واب ءَ
کَشتگی مازدار پیداگ اِنت

لالو سمبال نی تو وتی جند ءَ
رُمب اِتگ دراھیں شھر پیداگ اِنت

اِیسا گُل
@Labzank
telegram.me/Labzank

گوش دارگ کرزیت باز وشیں سرپدیئے👆👆
@Labzank
telegram.me/Labzank

گزل ............ شہید میرجان میرل

کـرن گوْزوکـیں واتـر بنتـیں کئے گُشـتہ
روچ ءَ استال پدْر بنتـیں کئے گُشـتہ

مئے جُہدءِ تپاکیں همراهاں ساه بہر کتگ
روچـے کئیت اِنـت آدر بنتـیں کئے گُشـتہ

اے ڈولـیں بٹاکاں هچبر باور مـن نہ کناں
سِنگ ءُ سَر چوں همسر بنتـیں کئے گُشـتہ

چوں جناں دستاں وتـی هـر دو دیـدوکاں
گوں تو زهـر تئی دلـبر بنتـیں کئے گُشـتہ

پنـد ءِ راه ءَ منـزل مئے سـک دور بوتـگ
ماه ءِ سر ءَ میرجان سـر بنتـیں کئے گُشتہ


@Labzank
telegram.me/Labzank

گـوشـکنـد / جک 😄😜

سے جنین یک آروسے ءَ داوت بوت انت ۔۔
گڑا یک دگر ءَ جست اش کت کہ چونیں گُدْ گورا بہ کن ایں آروس روگ واستا
اولی: من تلارنگیں گُد گورا کن آں ھمے واستا کہ منی مرد سر ءِ مود بور انت، ھم سوٹ بہ بہ ایں
دومی: من سیاہ اسپیتں گُد گورا کن آں
ھمے واست ءَ کہ منی مرد مود جو ءُ گندمی انت، ماھم ھم سوٹ بہ بہ ایں
سومی, گڑا من ھچ نیایاں گوں اے وڑ ءَ کہ شما سوٹ کنگ ءَ اِت من باید جاندر بہ بہ آں تا وتی مرد ءَ ھم سوٹ بہ بہ آں
پرچا کہ منی مرد کوٹے
😂😂😂😂

@Labzank
telegram.me/Labzank

دُرّیں دانک

☀️ آ کہ ترا وشّیاں یات کیت بزاں تو پہ آئیءَ مہرے دارئے ءُ هر کس ترا سکّیاں یات کنت تو بزاں کہ آ پہ ترا مہرے داریت-

☀️ هچبر سوب مندیءَ دماگءَ ءُ بـے سوبیءَ دلءَ جاه مدے پرچا کہ سوب مندی دماگءَ تکبّرءُ بـے سوبی دلءَ نا اُمیتی پیداک کنت

☀️ دنیاءَ سوب مندی لوٹے وتی توار تہا نرمی بیار

☀️ مہرءِ چکّاس مہرءِ بـے شرپی انت

@Labzank
telegram.me/Labzank

دنیا کبـرستان ءِ تـر ءُ گـرد نہ بیـت
دوست ءُ درآمد کس کسّی همدرد نہ بیت

مرگ ءَ پـد بس نام کتاباں پشـت کپیـت
هاجـز مارا کٹ ءُ دگہ بـر ورد نہ بیـت

مجید هاجز

@Labzank
telegram.me/Labzank

*ٹیــــــلی ویـــژن*

انسـان اشـرف المخلوقات اِنت. آرا وھـدءَ باز علمءُ زانت داتگ آرا ھـمے جـوانیءِ سـببءَ پاکیــں پـرشتگاں اوں سجـدہ کـرتگ..
آئیءَ چــہ وتـی زانـتءُ مـارشتانی سـوبءَ دنیـاءِ مشکلءُ جنجالانی ھـر پیــمءَ مقابلہ کـرتگ ھـداءِ بکشاتگیـں زانتءِ بـرکتءَ آئیءَ پـہ وتـی آسودگیءِ ھـاترءَ وڑ وڑیـں اسباب جوڑ کـرتگ دانکہ آ وتی زندءَ یک جوانیـں دروشمے دات بکنت آئی جھدانی بروردءَ ماں دنیاءَ آشوبے آھتـگ ...بـزاں ٹیلی ویژن(🖥) جوڑ کنگ بوتگ چہ ایـشیءِ جوڑ کنـگءَ پـد مھـلونکانی تـہءَ زانتءِ ودّگءَ وت ردوم زرت پـرچہ کہ ٹیلی ویژنءِ تـہءَ ھـرچ پیمیـں معلوماتی پـروگـرام،خبرنامہ،ڈاکومنٹریءُ دگـہ وڑ وڑیـں مـراگش شنگ کنگ بنت کہ چہ اے مـراگشـانی سببءَ دگنیـا نـزّ آھتـگ دگنیاءِ کجـام کُنـڑےءَ اگاں واقعہ یے بیت ھما دمانءَ ٹیلی ویژنءَ اے ھال شنـگ بیت اے پیـمءَ دگنیا یک گلوبل ولیجے جوڑ بوتگ
ٹیلی ویژن تھنـا وھـد گوازینگءِ ازبابءِ نہ اِنت بلکـنءَ المءُ زانتءِ ودّینگءِ مزنیـں وسیلہ یے چُش بگش اے المءُ ادب،سائنس،سیاستءُ سیاحتءِ باروءَ ھم مھلونکاں معلوم دار کنت ..مروچاں لوگ لوگءَ ٹیلی ویژن است کہ اوداں ماں ملکی ھال،صنعتی دیمروی،میاں استمانی جاورءُ لیب گوازیءِ دگہ تہـر تہـریں مـراگش چم یے وت گنـداں ٹیلی ویژن وانگءُ زانگءِ ھم بنـزہ اِنتءُ ایشیءَ چـہ انسانءِ المءُ زانت سـک باز ودّ ایت اِنت .........
@Labzank
telegram.me/Labzank

...............(حکمــت)........

نگبھـت چـہ گـوستگینـانی کار گپـتءُ قصـہ ھاں پَـنت گِـر اَنت
پیــش چــہ ایــشیءَ کــہ رنـدیگ آیـانی کارپـداں پـہ مثـالءُ درور بــگش اَنت
دُزّ چـہ دُزّیءَ دستـاں گـونڑ نـہ گِـر اَنت (دُزّیءَ بنـد نـہ کـن اَنت) تا آھـانی دستـاں مـُبـرّاَنتءُ گونـڑ مـکن اَنت

نرود مرغ سـوی دانہ فـراز
چون دگرمرغ بیند اندر بند

بـزانت:مـرغ کـہ گنـد اِیت دگـہ مرغے گـوارچءَ بنـد اِنت دانءِ نیمـگءَ نـہ روت

پـندگیـر از مـصائبِ دگران
تا نگیرند دگران بہ تو پند

بـزانت:چـہ دگـرانی کار کپتـاں پنت بـگر تا دگہ چـہ تـئ کار کپتـاں عبـرت مگـر اَنت

فارسی:شیـخ سعـدی
بلوچی رجانک: محمّد یوسف انیــس
شنگ کار:لبزانکی مجلـس کلمتی کاروان

@Labzank
telegram.me/Labzank

زبان ءِ پرگیجوکیں نادراھی ماں بلوچستان ءَ

اے چُنتے سال اِنت کہ ماں بلوچستان ءَ یک روھی روانی نادراھی یے کپتگ کہ اے میرانٹ ءَ درواھیں کَلّگ ءُ دمگ پُچ اِتگ اَنت
کہ بلوچ انچوش دلپروش اَنت دو نپر کہ دیکّ دات اَبوتکی بہ گند ئے پارسی گپ کَنَگ ءَ اَنت یا کہ دیوان ءُ مراگاھے ءَ بلوچی گپ کُت نہ کَن اَنت
اے نادراھی ءِ اِسرال چوش اِنت کہ وتی بُندَری بیھی بُنُکی زبان ءَ گوں گپ کنگ ءَ پورہ شُھرت ءُ میاریگ اِنت انچوش اِنت کہ تو گوش ئے پَشَل اِنت کہ بلوچی ھم نہ زانت
ھیلَّت ءُ بلاہ اِنت کہ پارسی ھبر بہ کنت اگاں توریں زبانی ھم مہ تَرّ ایت بلے زور دُمب کَپ ایں
گندگ گوش ئے اے نادراھی ءَ پیسر ءَ جنِک پونا اِت اَنت گیشتر ھم ھما کہ باچکو وت ءَ باکلاس گوش اَنت دیر نہ بیت ھمے نادراھی ءَ بچَک ھم گِپت اَنت پیسر ءَ گیشتر مزنیں شھر ءُ مرکز اِت اَنت بس بلے انّوں درواھیں بلوچ اے درد ءَ پوناتَگ اَنت
انگت ڈَنّی بلوچ جی بات اَنت سد سر گھتر اَنت اے نادراھی ءَ بچّ اتگ اَنت
چہ پاکیں اللہ ءَ مئے لوٹ ءُ دزبندی ھمیش اِنت کہ اے نادراھی ءَ بہ بارت ءُ نادراھاں دراہ بہ کنات
اے گپ ءَ جَزم بہ زان اِت کہ پارسی گپ جَنَگ زانتکاری ءُ بلوچی ھبر کنَگ نازانتی ءُ ناوانندھی ءِ نشان نہ اِنت
بلکیں جَٹّی ءُ ناواننداھی ھمیش اِنت کہ وتی دود ءُ ربیدگ ءِ رَمبینَگ پِت
ءُ پیرُکی چیز ءِ نادلگوشی ءُ دگرانی چمداری ءُ رند کپگ اِنت


*رزا شیرانی*

رجانک : *ابدسمد بلوچ*
شنگ: رژنائیں دیوان@Labzank
telegram.me/Labzank

دَســــــــــتونک




هست ءُ نیست ءِ جـــــنجال ءَ اُمـــــر آسرا بوتیں
ساه ءِ ساز پــــــــــشکپتیں زند بے وپا بوتیں




آزمان ءِ گیابان ءَ هُــــــــــشکیں درچک رنگانی
مَنت آس ءِ بے وانــــــــــکی آپ دِل دگا بوتیں




نیّتاں کَـــــوار ءَ کنت پــــــــــیرزال وابانی
شالا اُمــــــــــر تاوانیں درد هم دَوا بوتیں




چہ نگاهاں پِر گــــــــــوستگ اَهد ءِ دنز ءُ دوتّ ءِ مُـــــج
بے پناهیں کِــــــــــشکانی کِسمت ءَ هُدا بوتیں




شــــــــــر بچار منصور ءَ آهری نشانی اِنت
کَــــــــــیت تئ دِل ءَ روچے کسّے ایے وڑا بوتیں

✎✎ مَـــــنصُور آزاد ✎✎
@Labzank
telegram.me/Labzank

دُرّیں دانک

☀️- شرّیں مردمءِ یک شرّی ئے ایش اِنت کہ آ یات کنگ نہ لوٹ ایت آ وت یات بیت

☀️- وتی دژمنءَ هزار رندءَ موه بدے کہ آ تئی دوست بہ بیت بلے وتی دوستءَ یک رندے اُوں موه مدے کہ آ تئی دژمن به بیت

☀️- آ مردم تئی چمّاں چے تئی هاجتءَ مہ زانت ءُ سرپد مہ بیت چہ آئیءَ چیزے مہ لوٹ ءُ وتا هجالت مکن

☀️- اِلم ءُ زانتءِ سوبءَ تئی دوست زیات بنت ءُ مالءِ سوبءَ تئی دژمن

@Labzank
telegram.me/Labzank

گوشکند. 😜😄

مردے شت بئنک ( بانک) ءَ وتی زرّانیِ ایر کنگ ءِ وستا!

بَنک ءِ واکدار ءَ گوشت: اے وت ساچیں (نکلی) زرّ اَنت!؟

مرد ءَ درّائینت: ترا چه کار انت اے منی وتی اِکاونٹ( هساب) ءَ ایر بَنت.!!!
😀😂😂😂😃😂😃😄
@Labzank
telegram.me/Labzank

دُرّیں دانک

☀️ دو مردم بہتاور بنت یکے هما کہ آئیءَ وپاداریں دوست هست دومی هما کہ آئیءَ مات ءُ پتءِ نیکیں دوا گوناں

☀️ بـے شَک وتی هر چیزءَ وَتن ءِ واستءَ کُربان بکن بلے هچ چیزءِ واستا وتنءَ کُربان مکن

☀️ سبر ءُ اُپار ایمان ءِ بُن هشت اِنت

☀️ هما کہ گمءُ اندوه بہ دنت آئیءَ یلہ بدے ، آئیءَ کہ یلہ دے آئیءَ گمءُ اندوه مدے

@Labzank
telegram.me/Labzank

.......🌹🌹(قـــــــول)🌹🌹......

بـے جانیــں مـردیں جنیــنےءُ تمـاھداریں صــوفی دُزّے

اے بناموس جامہ کـردہ سپید
بہــر پـنـدارخلــق و نـامہ سیـاہ

بــزانت:تـو کـہ پہ وتـی عـزّتءُ نـامءَ گــُد اسپیــت کـتگ اَنت بــزاں کـہ تــئ اعمـال نامـہ سـیاہ اِنت

دســت کــــــوتاہ دار از دنـــیـاہ
آستیــن چـہ دراز و چــہ کــوتاہ

بــزانت:چــہ مـالءِ یکجـاہ کنـگءَ دستـاں گــونـڑ گِــر آستیــگءِ دراجیءُ گــونڑی فــرق نـہ کنــت

کتـاب: دانکانی گنــج
شنگ کار:لبزانکی مجلس کلمتی کاروان

@Labzank
telegram.me/Labzank

.....🌹🌹(حکمـــت)🌹🌹.....

درمـانءَ تـا پجـّاہ میـارئے پـہ شکّءِ ســرا ورگءُ نـہ دیستگیـں راہءَ بـے گلـگءَ روگ نـاراھی یےءُ عاقلانی مشورتءِ ھلاف اِنت
اما محمد غـزالی کـہ مـزنیں پیــرے ات جـست اِش کُـت کــہ تو عـلمءِ اے مـزن شـانیءُ چــوں رسـتگ ئے؟پسّــوے دات:چیــزے کــہ مـن نـزانت آئیءِ جُــست عیــب نــہ کُت

امـید عافـیت آنـگہ بود موافـق عقل
کہ نبض را بہ طبیعت شناس بنمائی

بـزانت:جان دراھیءِ امیـت دارگءَ ھمـا وھـدی عقـل مـنّ ایت کـہ درمـانءَ طبیـبےءَ پیـش بدارے

بپرس ھرچہ ندانی کہ ذل پرسیدن
دلـیل راہءِ تو باشـد بہ عـزّ دانـائـی

بــزانت:ھــرچے کــہ نــزانئے جُــست کـن کـہ جُــستءِ بـزّگـی تـرا دانائیءِ عـزّتءِ رھشـونیءَ کنــت جُــست کــنگ عیــب نـہ اِنت بلے نــزانگ عیــب اِنت

فارسی:شیـخ سعدی
بلوچی رجانک:محمّـد یوسـف انیـس
کـتاب:دانکانی گنــج
شنگ کار:لبـزانکی مجلـس کلمتی کاروان

@Labzank
telegram.me/Labzank

(ھـــرچے کشئــے ھمـائـیءَ رُنئـے)

سوداگـرےءَ وتـی کـاروباری سنـگتـےءِ کِـرّا پنــچ (۵)سیـــر سُھــر پـہ امـانت ایـر کُتءُ پــہ سـوداگریءِ ھـاترءَ دگـہ ھلـکےءَ شُــت چار پنچ ماہءَ رنـد وھدیـکہ واتـر بوتءُ وتـی سنگـتءَ چــہ ھمـے سُہــرانءَ لـوٹ اِت ے
گُــڑا سنـگتءَ درّائینت کـہ مـن تــئ سھــراناں تگـردءِ چیــرا ایـر کتگ اَت بلے مـن نــزانت کـہ شُومیـں مــُشکءِ وارت مـن تــئ دیـمءَ شـرمندگاں سوداگـر چـہ آئیءِ نیـتءَ سـرپد بـوتءُ ھامـوشیءَ گـوں دیـم پـہ وتی ھلـکءَ رھـادگ بیـت
چیـزے روچءَ رنـد سـوداگرءَ وتـی ھمـے سنـگتءَ ورگءِ دعوت داتءُ ھمـے وھـدءَ سـوداگرءَ آئیءِ زھـگ بُـرتءُ دگـہ جاگہہ یےءَ چیــر دات دعوتءَ چــہ رنـد ھمـا سنگـتءَ وھدیکہ وتـی زھـگ اوداں نـدیست آ باز پـریشان بیت
گــڑا سـوداگرءَ درّائینت کـہ زھـگءِ پٹءُ پول بـے سیــت اِنت پــرچہ کـہ مـن سھـتےءَ پیـش دیت کـہ تــئ زھـگءَ شاھیـن بـرگءَ اَت
مـردءَ درّائینت کـہ شاھیـں اے بلاھیـں زھـگءَ چـوں بارت آئیءِ سنـگتءَ پسّـہ گـردینت، ،انچــش کـہ شُمـے ملـکءِ مُــشک سھــراں ورنت گـوں اے پسّـوءَ مـرد آھبکہ بوتءُ چـہ سـوداگرءَ معافیءِ لـوٹ اِتءُ آئیءِ سھـر ءِ پدا آرت اَنتءُ وتی چُکءِ دستءِ گپـتءُ شـت

شنگ کار: لبزانکی مجلــس کلمـتی کـاروان
@Labzank
telegram.me/Labzank

*(لالچ بربادیءِ نشانی اِنت)*

سئـے سنگت سـفرءَ در آھتک آں سـفرءِ دورانءَ آیانءَ چـہ سھـرءُ زیوراں پُرّیـں پیـلکے دسـت کپـت آ سک بـاز گـل بـوت اَنت بلـے آ انچـو کـہ دیمءَ روان اِت اَنت لالـچءِآس آھانی سیـنگءَ روک بـوان بوت ءُ ھـر یکـےءَ ھمـے ھیـال کُـت کـہ مـن اے سھـراں چـہ دومیءَ چـوں زبھـر بکناں وھدے کـہ آ شھـرءِ نزیـکءَ سـر بوتاں گـڑا آیاں یـکےءَ پـہ نـانءِ گـرگءَ شھــرءَ دیــم دات اے دوئیناں وت ماں وتءَ سیمیءِ کُـشگءِ شـور کُـت تانکـہ چـہ سھـرءَ پُرّیـں پیلـک ھما دوئینانی میانجیءِ بھـر بہ بیت بلـے ھمـا سنگـت کـہ نـانءِ آرگءَ شُـتگ اَت آئیءَ نـانای تھـا زھـر مـان کُـت دانـکہ آ ناناں بـوارنتءُ بـہ مـراَنتءُ سھــر تھنـا ھمـائیءِ بـہ بنت
وھـدیکہ آ سنگتـانی گـورا اتکءُ رسـت گـڑا ھمـا دوئیـں سنـگت آئیءِ سـرا زھـر گپـت اَنتءُ درّائینت اِش کـہ تـو پـرچہ اینچو دیـر کُـتءَ آیـانءَ بہـانہ ئے در کاراَت دوئیناں آئیءِ سـرا اُرش کـتُ آ کـُـشت اشءُ پـدا بـے پـگریءَ گـوں نـانءِ ورگءَ لـگ ئیتاں سھـتے نـہ گـوست کـہ آ زمیـنءِ سـرا تچـک گپـتءَ مـرگءِ آماچ بـوت اَنتءَ سھـرءِ پیـلک آیانی نیامءَ کپـوک اَت راستے کـہ لالچ بـربادیءِ نـشانی اِنت

شنگ کار: لبـزانکی مجلـس کلمتی کاروان
@Labzank
telegram.me/Labzank

رجانک : ادبی هکیم

آ کـس کہ منی سر ءَ زھر ورگ ءَ اَنت من آیانی منتواراں ، پرچا کہ آ من ءَ زورمندی ءِ هاٹی دیَگ ءَ اَنت.
آ کـس کہ من ءَ دوست دارگ ءَ اَنت من آیانی منتواراں ، پرچا کہ آ منی دل ءَ مزن تِر کنگ ءَ اَنت.
آ کـس کہ من ءَ یلہ کنگ ءُ روگ ء َاَنت من آیانی منتواراں ، پرچا کہ آ من ءَ بلَد کنگ ءَ اَنت کہ هچّ چیز تاں اَبَد ابَدمان نہ اِنت.
آ کـس کہ منی هَمراهی ءَ کنَگ ءَ اَنت من آیانی منتواراں ، پرچا کہ آ من ءَ دوستی ءِ بزانت ءَ شرتر سرپد کنگ ءَ اَنت .
لبزانکی مجلس کلمتی کاروان
آزمانک ، نوشتانک ، لچّه ، وشکند ، دُرّیں دانک
https://telegram.me/Labzank