زِند چَہ کُجا پَہ ڈَنگ بِیت
پَھریز بَلوچ ءِ نَنگ بِیت
نَدکار کِہ بَند اَنت لَچَّھاں
گَپ چَہ شَراب ءُ بَنگ بیت

آ کِہ نَہ وارت بَنگ ءُ شَراب
نَدکار گوَش اَنت آرا ھَراب
تِنگے گِر اَنت ءُ مَست بَنت
ھاک ءَ کَن اَنت مَٹّ پہ تُراب

نَدکار ءُ شائر بَنگی اَنت
کار اِش درُھا بے ڈَنگی اَنت
جاوَر جَتَگ وَیران کُتَگ
میر ءُ کَماش ھَم زَنگی اَنت

جاھے کِہ بَنگ ءُ چَرس بیت
ھَرس ھَم بَدَل پَہ اَرس بیت
بیمِ نَہ بیت ءُ شیر دِلی
ترُسّ ءُ ڈَس ءِ نام تَرسّ بیت

لَھتے کہ وارت بے سار بیت
نوں ھوش ےءِکَیت ھَمواربیت
بَند اِیت ءُ جَنت آ شئر ءُ سَوت
زِند ءَ وتی بے زار بیت

نئے زِندَگ اِنت نئے مُرت کَنت
پَہ ما گُڈا چے کُرت کَنت
وت پہ مَھار ءُ گوَر گِر اِنت
چوں مارا زُرت ءُ بُرت کَنت

ھالیگ چَہ زانت ءَ کِہ تَھ اِنت
اِزلیم چَہ ترُسّ ءَ گیڈَہ اِنت
وَر ءُ مِر کہ وارت مئے وَشتَوار
دریپّ اِیتءُمَست چولیڈَہ اِنت

وَت ھَم نَہ زانت کہ چےگوَش اِیت
زانتے اَگاں کِہ ھست ھُش اِیت
چَمّ مُچّ ءُ وارت چَول ءُ چَپَل
جاکے ماں دیوان ءَ پرُش اِیت

اِے لَھتے مَرد ءِ کارپَد اَنت
گَپّ ءُ نُبِشتاک اِش رَد اَنت
زان اَنت وَت ءَ اُستاد بَلئے
کاراں کِہ چارئے بے جَد اَنت

بَنگی کَدیں پَہ سارِ بَنت
تَریاک ءُ چَرس اَنگارِ بَنت
تَچکیں سیاھَگ راستِ بیت
سَرپَد بَلوچ نَدکارِ بَنت

@Labzank
telegram.me/Labzank

سوت ................. نورمحمد نورل

گوزیت وهد هر کسی
پہ وشی یا بـے وسـی

نہ رهبر ءُ شگو شگے
نہ سیمسراں مگوشگے
چتور منزل ءَ رسـی

هما کہ نیّت ءَ بد انت
هما کہ کار ءُ پد رِد انت
بزاں کہ وت وتا گسّی

سرا چہ سر گوزگ بزانت
هما کہ سر دئیگ بزانت
مُراد ءِ منزل ءَ رسـی


نورل دل ءَ بجزم تو
بکن وتارا اِزم تـــــو
کہ چہ کتگ هما رسی


@Labzank
telegram.me/Labzank

اے آر داد آزمانکی کتاب دریا دیمءَ پیداک انت 🖕👆☝️

دربرجاهے ءِ مستر ءَ ماں هندوستان ءِ کلکتہ ءِ شهر ءَ اے نمدی پیسر چہ نودربران ئے چکاسانی بندات بیگ ءَ  پہ نودربرانی  پت ءُ ماتاں روان داتگ :
آزیزیں پت ءُ ماتاں
شمئے چکّانی چکّاس زیت زیت ءَ بندات بہ انت
من زان آں شما چینچُک ناتاهیر ات کہ شمئے چکّ ماں چکّاساں سوبیں بہ بہ انت .

- بلے شمارا زانگ لوٹ ایت ماں اے نودربرانی تہ ءَ یک ازمگرے هوار اِنت کہ آئی ءَ پہ هساب ءِ زانگ ءَ هاجت نیست انت .

- یک کارگیجے هوار اِنت کہ آئی ءَ پہ راج دپترءُ انگریزی زبان ءِ زانتکار  بیگ ءَ هاجت نیست انت .

- یک سازگرے هوار انت کہ آئی پانگ ءَ برزیں هسابرد ءَ ماں شیمی ءِ وانگی ءَ بستار نیست انت .
- یک لَیبی یے هوار انت کہ پہ آئی ءَ جون ءُ جگس ءِ تیاری ءَ چہ پیزیک ءِ وانگی ءَ گیشتر بستار هست انت .

- اگاں شمئے چکّاں برزیں هسابردے گپت باز جوان ایں بلے اگاں اے وڑ ءَ نہ بیت گڑا آیاں جهل مہ جن ات ءُ آئی ازّت ءَ مہ گر ات .

-  آیاں بہ گوش ات کہ آ پہ مستریں مکسدے ءَ ماں اے دگنیا ءَ آتکگ انت گڑا پرواه نیست انت آیاں چکّاسے هراب کتگ .

- آیاں بہ گوش ات کہ شمئے چُکّ هر هسابردے ماں چکاساں گر انت شمارا اوست بہ انت ءُ آیانی باره ءَ بدیں سسا مہ کن ات .

- مهروانی کن ات اے کاراں بہ کن ات دانکہ شمئے چُکّ گیدی ءَ بہ گِر انت .

 گوں یک چکّاسے آیانی واهگاں ، هاٹی ءُ مزن سمائیاں بیران مہ کن اِت .

- ءُ آسرال ءَ ، مهروانی کن ات کہ شمارا اے سسا مہ بیت تهنا درمانکار ءُ مَندس  دگنیا ءِ آسَراتیں مردم انت ءُ بس .
باز باز ازتمند بات ات
دربرجاه ءِ مستر

@Labzank
telegram.me/Labzank

واجہ اَلی ءِ گُشتن
دُرّیں دانک

☀️ سیرءُ ازگاریءَ چے انسان وتا بـے هیال کنت ءُ نیزگاریءَ چے مردم آئیءَ بیهال کن انت -

☀️ انسانءِ نادراه کنوکیں چیزاں چے یک چیزئے دوستانی جتائی انت -

☀️ اگاں نزوریں مردمےءَ هچ دات نہ کنے گڈا گوں آئیءَ پُر مِہریءَ پیش بیا -

☀️ آ کارئے کہ مردمانی دیما شرّ نہ انت - آئیءَ چیروکائی اُوں مکن-

☀️ تا وهدے لبز تئی دلءَ انت آ تئی گُلام اَنت بلے وهدے آ ڈنّءَ در کایاں تو آئیءِ گُلامے

@Labzank
telegram.me/Labzank

چَلّیں ناہ پِنڈگ نہ لوٹ اِیت

مُرتگیں پُلّ سِندگ نہ لوٹ اِیت

بِسکوٹ ءُ ٹُوس چاۓءِ سرءَ

جوریں دپءَگوں کندگ نہ لوٹ اِیت

شَکّءُآدینک ءَ- چے کن ئے قاضی

کوٹیں سر تئی رَندگ نہ لوٹ اِیت

مبارک قاضی

@Labzank
telegram.me/Labzank

رجـانـک : اَدَبـی هَـکـیـم
مـاں یَـک مُـلـکے اَبـیـد چـہ چَـگ ءُ ٹِـلّ ءِ لَـیـب ءُ گـوازی کـنَـگءَ دگـے کـارءِ کـنَـگ مَـهـن اَت آ مُـلـکءِ اِزلـیـم هَـمُـک روچ مـاں آ مُـلـکءِ کـوُچّـگءُ مَـیـدانـاں وَتـی وَهـدءَ گـوں چَـگ ءُ ٹـلّ ءِ لَـیـب ءُ گـوازیءَ گـوازیـنَـگءَاِت اَنـت پَـمـشـا کـہ مـاں آ مُـلـکءِ تـهـ ءَ مَـهـن کـنَـگءِ کـانـوُد یَـکـپـارُگـی ایـر کـَـنَـگ نـہ بـوُتـگ اَت آ کـانـوُد گـوں یَـک سـابـتـیـں مَـنـانِـکـے ءِ سَـرا کـَـمّ کـَـمّ ءَ ایـر کـنَـگ بـوُتـگ اَت ءُ کـَـسـے ءِ گـُـوَرا پـہ آ کـانـوُد ءِ نـہ مَـنّـگ ءَ ءُ گِـلَـگءُ شِـکـاهَـتءِ کـنَـگءَ هِـچّ مَـنـانِـکـے نـیـسـت اَت .
هَـمـے پَـیـم سـالانـی سـال گـوَسـت ءُ شُـت اَنـت یَـک روچـے مُـلـکءِ سَـردار ءُ نَـوابـاں هَـیـال کـُـرت کـہ مـاں اِے مُـلـکءَ چُـشـیـں کـانـوُدے ایـر کـَـنَـگ ءِ اَزکـار نـہ اِنـت کـہ هَـمُـک کـارءِ کـنَـگ مَـهـن بـہ بَـنـت گـُـڑا مُـلـکءِ سَـردار ءُ نَـوابـاں مُـلـکءِ جـارچـیـانءَ جـارءِ جَـنَـگءَ پَـرمـائـیـنـت اَنـت داں مُـلـکءِ اِزلـیـم ءَ هـال بـہ دے اَنـت کـہ مَـروچـیءَ آدِیـم هَـرچ کـارے کـہ اِزلـیـمءِ دِل بـہ لـوٹ ایـت آ هَـمـا کـارءَ بـہ کـَـن اَنـت جـارچـیـاں مـاں تـیـوَگـیـں مُـلـکءِ تـهـ ءَ جـار جَـت ءُ اِزلـیـم اِش سَـرپَـد کـُـرت اَنـت بـلـئـے اِزلـیـم جـارءِ اِشـکـُـنَـگءَ رَنـد یَـک ءُ یَـک بـوُت اَنـت ءُ پَـدا وَتـی چَـگءُ ٹـلّ اِش زُرت اَنـت ءُ پـہ چَـگ ءُ ٹـلّ ءِ لَـیـب ءُ گـوازیءِ کـنَـگءَ شُـت اَنـت جـارچـیـاں پَـدا آتـک ءُ جـار جَـت کـہ نـوں شُـمـا هَـمُـک کـارءِ کـنَـگءَ آجـو کـنَـگ بـوُتـگ اِت بـلـئـے آیـاں گـوَشـت مـا چَـگءُ ٹـلءِ لَـیـبءَ کـنَـگءَایـں جـارچـیـانءَ ازلـیـمءَ هَـمـا کـار یـات دات اَنـت کـہ آیـانءَ مَـهـن کـنَـگءِ کـانـوُدءَ پـیـش آ کـار کـُـرتَـگ اِت اَنـت بـلـئـے اِزلـیـمءَ جـارچـیـانـی گـَـپ گـوش نـہ داشـت اَنـت ءُ هَـمـا پَـیـمـا چَـگ ءُ ٹـلّ ءِ لَـیـب ءُ گـوازیءَ گـُـلائـیـش بـوُت اَنـت جـارچـیـانءَ چـاراِت کـہ آیـانـی جـارءِ جَـنَـگ بـے نَـپ بـوُت اَنـت رَنـدا آ سَـردار ءُ نـوابـانـی گـوَرا شُـت ءُ گـوَشـت اِزلـیـم شـمـئـے گـپءَ نـہ مَـنّـگءَاَنـت سـردار ءُ نَـواب زَهـر گـپـت اَنـت آیـانءَ گـوَشـت نـوں شُـمـا بـہ رَواِت جـار بـہ جَـن اِت مُـلـکءِ تَـهـ ءَ چَـگ ءُ ٹـلّ ءِ لَـیـب ءُ گـوازی کـنَـگ مَـهـن اِنـت جـارچـیـانءَ شُـت ءُ جـار جَـت سَـردار ءُ نَـوابـانءَ چَـگ ءُ ٹـلّ ءِ لَـیـب ءُ گـوازی کـنَـگ مَـهـن کـُـرتَـگ گـُـڑا مُـلـکءِ تـیـوَگـیـں اِزلـیـم سَـردار ءُ نَـوابـانـی سَـرءَ زَهـر گـپـت اَنـت آیـانءَ یَـکـپـارُگـی سَـردار ءُ نـوابـانـی سَـرءَ اُرُش کـُـرت ءُ مُـلـکءِ سَـردار ءُ نـواب اِش درُهـا کـُـشـت ءُ گـار کـُـرت اَنـت ءُ وَت پَـدا چُـگ ءُ ٹـلّ ءِ لَـیـب ءُ گـوازی کـنَـگءَ لَـگّ اِت اَنـت.
@Labzank
telegram.me/Labzank

مـا چَـہ هَـرے هَـم کـَـمـتِـر بـہ بـیـں !!!....
رجـانـک : ادَبـی هَـکـیـم
دِهـکـانےءَ پـیـریـں هَـرے هَـسـت اَت ، یَـکّ روچـے آئـیءِ هَـر مـاں کـُـورچـاتے کـپـت ، دِهـکـاں سَـکّ دلـپَـدَرد بـوُت ، آئـی ءَ هَـرءِ کـشّـگ ءِ بـاز جُـهـد کـُـرت بَـلـئے هَـر چَـہ کـُـورچـات ءَ کـَـشّـگ نَـہ بـوُت ، مـیـتَـگءِ اِزلـیـم پَـہ دِهـکـان ءِ مَـدَت ءَ آتـک اَنـت ، اِزلـیـم ءَ هَـم بـاز جُـهـد کـُـرت بـلـئے هَـر چَـہ کـُـورچـات ءَ کـَـشّـگ نَـہ بـوُت ، آسَـرءَ دِهـکـانءَ گوں اِزلـیـم شَـور کـُـرت کِـہ هَـرءَ مـاں کـُـورچـات ءِ تَـه ءَ بـار بـہ دے اَنـت ، اے ڈول ءَ هَـر آسـودَگـیـں مَـرگےءَ مِـرایـت ءُ آئـیءِ ڈڈر بـو هَـم نَـہ کـَـنـت ، گُـڑا اِزلـیـم ءَ کـُـورچـات ءِ بـار دَیَـگءَ بُـنـگـیـج کـُـرت ، هَـرچ هـاکـے کِـہ هَـرءِ سَـرءَ رِتـک اَنـت هَـرءَ آ هـاک چـه وَت چَـنـڈِت اِت اَنـتءُ پـادءِ چـیـرا رِتـک اَنـت ، اِزلـیـم ءَ کـُـورچـات بـاردَیـاں کـُـرت ءُ هَـر بُـرزءَ آیـاں بـوُت ، داں کِـہ کـُـورچـات ءِ دَپ ءَ آتـک ءُ رَس اِت رَنـدا هَـر وَت چَـہ کـُـورچاتءَ دَرآتک .
اِے نـبـشـتـانـک ءِ مُـول ءُ مُـراد اِش اِنـت کـہ اَڑ ءُ جَـنـجـال مـئـے سَـرءَ کـایَـنـت ءُ کـَـپ اَنـت بـلـئـے اَگـاں مـا جُـهـد مـہ کـَـن ایـں اَڑ ءُ جَـنـجـالاں یَـکّ ءُ یـکّ ءَ چـہ وَتـی سَـرءَ دوُر مـہ کـَـن ایـں آسَـرءَ مـا اَڑ ءُ جَـنـجـالانـی چـیـرءَ چـیـر تَـرّایـں ءُ رَنـدا دَرآتـک نـہ کـَـن ایـں.

@Labzank
telegram.me/Labzank

دُرّیں دانک

☀️ دنیاءِ مستریں گریبی بـے اَکلی اِنـت

☀️ دوستیءِ شرّ رنگیءُ زیبائی یک دومیءِ گپّاں سگگ انت ، بـے ایبیں دوست شوهاز مکن گُڈا ایوک بئے

☀️ وتی هیالانی پہریزءَ بکن پرچا کہ اے لبز بنت - وتی لبزانی پہریزءَ بکن پرچا کہ اے تی اعمال بنت - وتی اعمالانی پہریزءَ بکن کہ اے تی کِرد جوڈ بنت - وتی کِرد پہریزءَ بکن پرچا کہ اے تئی پجّار بنت

☀️ دراجیں مُدّتے دوستیءِ واستہ دو چیزانی سرا کار بند بو ، وتی دوستءَ گوں تُرندیءَ هبر مکن - وتی دوست نہ وشّیں گپّاں دلءَ میار


@Labzank
telegram.me/Labzank

ﭼﺘﻮ ﻣﻦ ھﯿﺎﻝﺀِ ﮐﺘﺎﺏﺀَ ﺑﮧ ﭘﯿچاﮞ

ﭼﺘﻮ ﻣﻦ ھﯿﺎﻝﺀِ ﮐﺘﺎﺏﺀَ ﺑﮧ ﭘﯿچاﮞ
ﺩﻝﺀِ ﺯﻧﮓ ﺁﮞ ﺑﺎﺭﯾﮟ ﭼﮧ ﭘﯿﻢﺀَ ﺑﮧ ﺭﯾچاﮞ
ﺍﮮ ﺑﮋﻥ ﺍﻧﺖ ﺀُ ﺍﺭﻣﺎﻥ
ﺍﮮ ﺳﻮﺯ ﺍﻧﺖ ﺀُ ﺳﻮﺯﻣﺎﻥ
ﺍﮮ ﺩﺭﺩ ﺍﻧﺖ ﺀُ ﺍﻧﺪﻭﮦ
ﺍﺷﺎﮞ ﻧﯿﺴﺖ ﺩﺭﻣﺎﻥ
ﮐﺌﯽ ﮐﺎﮔﺪﯾﮟ ﻟﻨﭧ؟
ﺑﮧ ﻟﺮﺯ ﺍﻧﺖ ﭘﮧ ﻣﻦ
ﻣﻨﯽ ﻣﺮﮒﺀِ ﺑﮋﻥﺀَ ﭼﮧ ﻣﻮﺗﮑﮯ ﺑﯿﺎﺭ ﺍﻧﺖ
ﯾﺎ ﺩﺭﺩﮮ ﺑہ مار ﺍﻧﺖ
ﯾﺎ ﭘﮧ ﻣﻦ ﯾﮏ ﻧﯿﮑﯿﮟ ﺩواﮮ ﺑﮧ ﻟﻮﭦ ﺍﻧﺖ
ﮐﺌﯽ ﮐﺎﮔﺪﯾﮟ ﻟﻨﭧ؟
ﮐﺌﯽ ﻧﮕﺮھیں ﺩﺳﺖ؟
ﺑﮧ ﮐﺮﺯ ﺍﻧﺖ ﭘﮧ ﻣﻦ
ﮐﮧ ﺩﺍﺩﮮ ﺷﮩﺎﺭ ﺍﻧﺖ
ﯾﺎ ﺩﺭﺩﮮ ﺑﮧ ﻣﺎﺭ ﺍﻧﺖ
ﯾﺎ ﭘﮧ ﻣﻦ ﯾﮏ ﻧﯿﮑﯿﮟ ﺩواﮮ ﺑﮧ ﻟﻮﭦ ﺍﻧﺖ
ﮐﺌﯽ ﻧﮕﺮھیں ﺩﺳﺖ؟
کئےءَ ھست ﻣﻨﯽ ﮔﻢ؟
ﮐﺌﯽ ﮔﻮنڈﻟﯿﮟ ﭼﻢ؟
ﮐﮧ ﭘﮧ ﻣﻦ ﺍﺭﺱ ﮔﻮﺍﺭ ﺍﻧﺖ
ﻣﻨﯽ ﺭﺍﮦﺀَ ﭼﺎﺭ ﺍﻧﺖ
ﮐﮧ ﭼﮧ ﻭﺕ ﺷﺰﺍﺭ ﺍﻧﺖ
ﻣﻨﯽ ﺗﺎﺳﭙﯿﮟ ﺑﭻ
ﻣﻨﯽ ﺗﻨﮕﻮﺋﯿﮟ ﺑﺮﺍﺕ
ﻣﻨﯽ ﺳﯿﺎﺩ ﺀُ ﻭﺍﺭﺙ
ﻣﻨﯽ ﺩﻭﺳﺖ ﺀُ ﺩﻭﺯﻭﺍﮦ
ﮐﮧ ﭼﮧ ﻭﺕ ﺷﺰﺍﺭ ﺍﻧﺖ
ﭼﮧ ھیکانی ﺗُﺮﺱﺀَ
ﭼﮧ ﮔﺮﮐﺎﻧﯽ ﮔُﺮﺱﺀَ
ﻧﮧ ﯾﻨﺖ ﺟُﺴﺖ ﺀُ ﭘُﺮﺱﺀَ ﮐﮧ ﺑﺎﺭﯾﮟ ﮐﺠﺎ
ﺷﺖ!!!
ﺍﮮ ﮔﺎﺭﯾﮟ ﺭﻣﮓ مئے ﮐﮧ ﮔﺮﮐﺎﮞ ﭼﮧ ﭘﺮ
ﺍﻧﺖ
ﺍﮮ ﮐﻮﮦ ﺀُ ﺩﻣﮓ مئے ﻧﮧ ﮔﻨﺪ ﺍﻧﺖ
ﺷﭙﺎﻧﮏﺀَ
ﺑﮧ ﺑﻨﺪ ﺍﯾﺖ ﻻﻧﮏﺀَ
ﺑﮧ ﺟﻨﺖ ﮔُﺮکیاں ﮔﻮﮞ
ﺍﮮ ﮔُﺮﮐﺎﻧﯽ ﭘﺎﻧﮏﺀَ
ﻣﻦ ﻧﺎلاﮞ ﭼﻮ ﺑﻠﺒﻞ
ﭘﮧ ﻭشیں ﺑﮩﺎﺭﮮ
ﭘﮧ مسکیں ﮈﮔﺎﺭﮮ
ﭘﮧ ﺳﺒﺰیں ﮐﺸﺎﺭﮮ
ھﻤﮯ ﺩﺭﺩ ﺀُ ﺍﻧﺪﻭﮦ
ھﻤﮯ ﺑﮋﻥ ﺀُ ﺍﺭﻣﺎﻥ
ھﻤﮯ ﺳﻮﺯ ﺀُ ﺳﻮﺯﻣﺎﻥ
ﮐﮧ ﻧﺎﻝ ﺍﻧﺖ ﭼﻮ ﺑﻠﺒﻞ
ﻣﻨﯽ ﺑﺰگیں ﭼﻢ
ﮐﻦ ﺍﻧﺖ ﺍﺭﺱ ﮔُﻠﮕُﻞ
ﮐﺌﯽ ﺷﺎﺭءِ ﺩﺍﻣﻦ
ﮐﺌﯽ ﻣﯿﺴﻮءِ بُش
ﮐﺌﯽ ﭘﺎﮒءِ ﻟﻤﺐﺀَ
ﮐﺌﯽ ﺟﯿﮓءِ ﺩﻭﭼﺎﮞ
ﺍﮮ ﺍﺭﺳﺎﮞ ﺑﮧ ﺭﯾﭽﺎﮞ
ﺍﮮ ﺯھیرﺍﻧﯽ ﻣﻮﺭﺗﺎﮞ ﮐﺠﺎ ﻣﻦ ﺑﮧ گیچاﮞ؟

'' جی آر مُلا ''

@Labzank
telegram.me/Labzank

🔻سئے کَس کہ اللہ آهان ءَ وَتی دُژمن زانت ءُ آهانی سرا  باز هِژم ءُ زهر گیپت.

۱_کَسّے کہ  کماشی ءُ پیری  درگت ءَ  بدکاری (زناکاری) بہ کنت.

۲_کَسّے کہ بے مالی ءُ بے نیستی درگت ءَ وَت ءَ بُرز بہ زانت ءُ (تکبر ) بہ کنت.

۳_مالدارے کہ زوراکی بہ کنت.

؛؛؛؛دستونک؛؛؛؛؛
تـو پـہ منی واہ ءِ پدءَ مــرواردیں ارسـاں مـہ گـوار

واھـگ منی جندءِ نـہ انت ھست انت تئی زردءِ کــرار

تلـکاریں ھونانی نشان ،ارسیگـیں کاڑانی گـوشان
ڈوبارانت بالادءَ منی لیٹ انت دل ءَ چـو سیـاہ مــار

مــاتی منی ســاہءِ بدل پنتے چـــہ آ مـاتاں بــہ زور

لجــّانی دیمپان اش کـت انت بچ تنگـویں شیـر ءُ مـزار

شِیرءَ من ءَ را پھل بکـن ، دستءَ سـرءَ ایر مـال منی

دیمءِ تھـاریءَ لپـاش ، مھــرءِ تشے پـر مـن ســـرار

ڈسّـاں من ءَ ننــگے بـہ دئے ، ھـالو ھـلو ســاڑا منءَ

کاربند بلوچی زھــرگ ءَ باھند کن گوں تیـرءُ ســـگار

ساہءَ منی دلجم بہ بی ، مرگ ءِ لیوارئِے کشت نہ کنت

من کـہ نہ باں بازین بنت ماں شـادھاں گـوں تو ھـوار

شھیـــــد واجــہ گلام مھمـد بلوچ

@Labzank
telegram.me/Labzank

دُرّیں دانک

☀️- زبان هما چیز انت کہ دژمنءَ دوست ءُ دوستءَ دژمن کنت

☀️- نیکیانی سرا مجاز بیگ نیکیاں زوال کنگ انت

☀️ اگاں ترا سِدک اِنت کہ تئی رِزک اللهءِ دست اِنت گڈا رِزکءَ مہ شوهاز کہ تئی رِزک همائی دست انت

☀️ دنیا همائیءَ چوره گشیت کہ آئیءَ ماتءُ پت نیست بلے من همائیءَ چوره گُشاں کہ آئیءِ گورا شرّیں دوست نیست

@Labzank
telegram.me/Labzank

لالـو سمبال

پُر اِنت زَھر ءَ بِلار پیداگ اِنت
بوشت پاداں بدار پیداگ اِنت

کُرّیں گوشانی ژُپّگ ءَ تئیگ ءَ
چماں شانک دئے بچار پیداگ اِنت

چُوپگ ءَ تئیگ ءَ ناکو ڈُمبان ءَ
زُرتگ گوازے پٹار پیداگ اِنت

زینب ءَ چُپتگ چنکے سُھریں مِرچ
شِیپگ ءَ گوں میـار پیداگ اِنت

پہ تئ مھمانی ءَ اوں ماگنج ءَ
گون اِنت دراجیں ھَیَار پیداگ اِنت

گنجل ءَ زُرتگ بیلڑے چرپیں
بیتگ ڈاج ءَ سوار پیداگ اِنت

چہ شَم گوستگ گوں ھَر ءَ انی
کنڑگ ءَ گنگُزار پیداگ اِنت

الوک ءَ انی جھ جتگ واب ءَ
کَشتگی مازدار پیداگ اِنت

لالو سمبال نی تو وتی جند ءَ
رُمب اِتگ دراھیں شھر پیداگ اِنت

اِیسا گُل
@Labzank
telegram.me/Labzank

گوش دارگ کرزیت باز وشیں سرپدیئے👆👆
@Labzank
telegram.me/Labzank

گزل ............ شہید میرجان میرل

کـرن گوْزوکـیں واتـر بنتـیں کئے گُشـتہ
روچ ءَ استال پدْر بنتـیں کئے گُشـتہ

مئے جُہدءِ تپاکیں همراهاں ساه بہر کتگ
روچـے کئیت اِنـت آدر بنتـیں کئے گُشـتہ

اے ڈولـیں بٹاکاں هچبر باور مـن نہ کناں
سِنگ ءُ سَر چوں همسر بنتـیں کئے گُشـتہ

چوں جناں دستاں وتـی هـر دو دیـدوکاں
گوں تو زهـر تئی دلـبر بنتـیں کئے گُشـتہ

پنـد ءِ راه ءَ منـزل مئے سـک دور بوتـگ
ماه ءِ سر ءَ میرجان سـر بنتـیں کئے گُشتہ


@Labzank
telegram.me/Labzank

گـوشـکنـد / جک 😄😜

سے جنین یک آروسے ءَ داوت بوت انت ۔۔
گڑا یک دگر ءَ جست اش کت کہ چونیں گُدْ گورا بہ کن ایں آروس روگ واستا
اولی: من تلارنگیں گُد گورا کن آں ھمے واستا کہ منی مرد سر ءِ مود بور انت، ھم سوٹ بہ بہ ایں
دومی: من سیاہ اسپیتں گُد گورا کن آں
ھمے واست ءَ کہ منی مرد مود جو ءُ گندمی انت، ماھم ھم سوٹ بہ بہ ایں
سومی, گڑا من ھچ نیایاں گوں اے وڑ ءَ کہ شما سوٹ کنگ ءَ اِت من باید جاندر بہ بہ آں تا وتی مرد ءَ ھم سوٹ بہ بہ آں
پرچا کہ منی مرد کوٹے
😂😂😂😂

@Labzank
telegram.me/Labzank

دُرّیں دانک

☀️ آ کہ ترا وشّیاں یات کیت بزاں تو پہ آئیءَ مہرے دارئے ءُ هر کس ترا سکّیاں یات کنت تو بزاں کہ آ پہ ترا مہرے داریت-

☀️ هچبر سوب مندیءَ دماگءَ ءُ بـے سوبیءَ دلءَ جاه مدے پرچا کہ سوب مندی دماگءَ تکبّرءُ بـے سوبی دلءَ نا اُمیتی پیداک کنت

☀️ دنیاءَ سوب مندی لوٹے وتی توار تہا نرمی بیار

☀️ مہرءِ چکّاس مہرءِ بـے شرپی انت

@Labzank
telegram.me/Labzank

دنیا کبـرستان ءِ تـر ءُ گـرد نہ بیـت
دوست ءُ درآمد کس کسّی همدرد نہ بیت

مرگ ءَ پـد بس نام کتاباں پشـت کپیـت
هاجـز مارا کٹ ءُ دگہ بـر ورد نہ بیـت

مجید هاجز

@Labzank
telegram.me/Labzank