🎤📣📣ﺣﺮﻑ ﺩﺍﺭﻡ ﺍﺯ ﺑﻬﺮ ﺟﻮﺍﻧﺎﻥ ﻭﻃﻦ🇮🇷🇮🇷



ﺍﯼ ﺟﻮﺍﻧﺎﻥ ﺑﻠﻮﭺ ﺟﺎﻥ ﻣﻦ ﻭ ﺟﺎﻥ ﺷﻤﺎ"

ﮐﻬﻨﻪ ﺩﺭﺩﯼ ﺩﺍﺭﻡ ﻭ ﭼﺸﻤﻢ ﺑﻪ ﺩﺭﻣﺎﻥ ﺷﻤﺎ"

ﺍﯼ ﺟﻮﺍﻧﺎﻥ ﺑﻠﻮﭺ ﺍﺯ ﻫﻢ ﭼﺮﺍ ﭘﺎﺷﯿﺪﻩ ﺍﯾﺪ؟"

ﺑﯿﻦ ﻫﻢ ﺩﯾﻮﺍﺭ ﺩﻭﺭﯼ ﻭ ﺟﺪﺍﯾﯽ ﭼﯿﺪﻩ ﺍﯾﺪ؟"

ﺍﯼ ﺟﻮﺍﻧﺎﻥ ﺑﻠﻮﭺ ﺁﺧﺮ ﺟﺪﺍﯾﯽ ﺗﺎ ﺑﻪ ﮐﯽ؟"

ﺍﯾﻦ ﺯﻫﯽ ﻭ ﺁﻥ ﺯﻫﯽ ، ﺁﺧﺮ ﺧﺪﺍﯾﯽ ﺗﺎ ﺑﻪ ﮐﯽ؟"

ﺍﯼ ﺟﻮﺍﻧﺎﻥ ﺑﻠﻮﭺ ﮐﻮﻫﯽ ﻭ ﺭﻭﺩﯼ ﺗﺎ ﺑﻪ ﮐﯽ؟"

ﺩﺷﻤﻦ ﻫﻔﺖ ﺟﺪ ﭘﯿﺶ ﺍﺯ ﻣﻦ ﺗﻮ ﺑﻮﺩﯼ ، ﺑﻪ ﮐﯽ؟"

ﺍﯼ ﺟﻮﺍﻧﺎﻥ ﺑﻠﻮﭺ ﺳﺮ ﺣﺪ ﻭ ﻣﮑﺮﺍﻧﻬﺎ ﭼﻪ ﺍﻧﺪ؟"

ﮐﻮﻩ ﻭ ﺭﻭﺩ ﻭ ﺳﺮﺣﺪ ﻭ ﻣﮑﺮﺍﻥ ﻫﻤﻪ ﺑﺎﺯﯾﭽﻪ ﺍﻧﺪ؟"

ﻣﺎ ﺑﻠﻮﭼﯿﻢ ﯾﺎﺩﺗﺎﻥ ﺭﻓﺘﻪ ﻣﮕﺮ ﺍﯼ ﺩﻭﺳﺘﺎﻥ"

ﻫﺮ ﮐﺠﺎ ﺑﺎﺷﯿﻦ ﺍﯾﺮﺍﻥ ﭼﯿﻦ ﻭ ﯾﺎ ﻫﻨﺪﻭﺳﺘﺎﻥ"

ﺍﺷﮏ ﻫﺎ ﺩﺍﺭﻧﺪ ﺯﻣﺎ ﻧﺎﻡ ﻭ ﻧﺸﺎﻥ ﻭ ﺍﻓﺘﺨﺎﺭ"

ﻫﻢ ﺯﺑﺎﻥ ﻭ ﻏﯿﺮﺕ ﻭ ﻓﺮﻫﻨﮓ ﻭ ﺁﯾﯿﻦ ﻭ ﺗﺒﺎﺭ"

ﯾﺎﺩ ﮐﻦ ﺁﻥ ﺭﻭﺯﻫﺎﯼ ﺳﺮﻭﺭﯼ ﺭﺍ ﺍﯼ ﺑﻠﻮﭺ"

ﺍﺗﺤﺎﺩ ﻭ ﻫﻤﺪﻟﯽ ﻭ ﯾﺎﻭﺭﯼ ﺭﺍ ﺍﯼ ﺑﻠﻮﭺ"

ﯾﺎﺩ ﮐﻦ ﺭﻭﺯﯼ ﮐﻪ ﺑﻮﺩﯼ ﺩﺭ ﺭﮐﺎﺏ شاه ﺳﻮﺍﺭ"

ﺭﻭﺑﺮﻭﯼ ﺟﯿﺶ ﻋﻤﺮ ﺑﺎ ﺳﭙﺎﻫﯽ ﺑﯽ ﺷﻤﺎﺭ"

شاه ﺳﻮﺍﺭ ﺁﻥ ﻣﺮﺩ ﻣﯿﺪﺍﻥ ﺭﻓﺖ ﺳﻮﯼ ﺍﺷﻌﺮﯼ"

ﺁﻥ ﺻﺤﺎﺑﯽ ﺍﯼ ﮐﻪ ﺑﻮﺩ ﺍﺯ ﮔﻨﺞ ﺍﺣﻤﺪ ﮔﻮﻫﺮﯼ"

ﻻ ﺍﻟﻪ ﭼﻮﻥ ﮔﻔﺖ ﻗﻠﺐ ﺷﻬﺴﻮﺍﺭ ﺍﺯ ﺟﺎ ﺟﻬﯿﺪ"

ﺩﺳﺖ ﺩﺭ ﺩﺳﺘﺶ ﻧﻬﺎﺩ ﭼﻮﻧﮑﻪ ﺍﻻ ﺍﻟﻠﻪ ﺷﻨﯿﺪ"

ﺍﯼ ﺑﻠﻮﭼﺴﺘﺎﻧﯿﺎﻥ ﺍﯼ ﺍﺭﺗﺸﯽ ﻫﺎﯼ ﻋﻤﺮ"

ﺣﻖ ﭘﺬﯾﺮﻓﺘﯿﺪ ﺑﺎ ﺟﺎﻥ ، ﺑﯽ ﺳﻼﺡ ﻭ ﺑﯽ ﺳﭙﺮ"

ﺣﻖ ﭘﺬﯾﺮﯼ ﺩﺭ ﻣﯿﺎﻥ ﺍﯾﻤﺎﻥ ﻧﻬﺎﺩ"

ﺣﻖ ﭘﺬﯾﺮﯼ ﺭﻭﯼ ﻟﺸﮑﺮ ﺭﺍ ﺳﻮﯼ ﺍﯾﺮﺍﻥ ﻧﻬﺎﺩ"

ﺣﻖ ﭘﺬﯾﺮﯼ ﻭ ﺻﻔﺎ ﮔﺮ ﺩﺭ ﺷﻤﺎ ﺍﻧﺴﺎﻥ ﻧﺒﻮﺩ"

ﮔﻔﺘﻦ ﺍﯾﻦ ﺩﺭﺩﻫﺎ ﻫﻢ ﺑﻬﺮ ﻣﻦ ﺁﺳﺎﻥ ﻧﺒﻮﺩ"

ﯾﺎﺩ ﮐﻦ ﺭﺯﻣﯽ ﮐﻪ ﮐﺮﺩﯼ ﺩﺭ ﺭﮐﺎﺏ ﺍﺷﻌﺮﯼ"

ﻓﺘﺢ ﮐﺮﺩﯼ ﺷﻮﺵ ﺭﺍ ﺑﺎ ﻧﻌﺮﻩ ﻫﺎﯼ ﺣﯿﺪﺭﯼ"

ﯾﺎﺩ ﮐﻦ ﺩﻭﺭﺍﻥ ﺯﺭﯾﻦ ﻣﻌﺎﻭﯾﻪ ﺍﻣﯿﺮ"

ﭘﺎﺳﺪﺍﺭ ﻣﺮﺯﻫﺎﯼ ﺷﺎﻡ ﺑﻮﺩﯼ ﻫﻤﭽﻮ ﺷﯿﺮ"

ﺍﯼ ﺑﻠﻮﭺ ﺍﯼ ﻣﺮﺯﺑﺎﻥ ﻣﺮﺯﻫﺎﯼ ﻣﺴﻠﻤﯿﻦ"

ﭼﺸﻢ ﺑﮕﺸﺎ ﻣﺮﺯﻫﺎ ﺭﺍ ﻓﺘﺢ ﮐﺮﺩﻧﺪ مشرکین"

ﺍﻧﮕﻠﯿﺲ ﻭ ﺍﻣﺮﯾﮑﺎﻫﺎ ﯾﮑﻪ ﺗﺎﺯﯼ ﻣﯽ ﮐﻨﻨﺪ"

ﻣﺮﺯﺑﺎﻥ ﻫﺎ ﺑﺎ ﺯﻫﯽ ﻫﺎ ﺍﺳﻢ ﺑﺎﺯﯼ ﻣﯽ ﮐﻨﻨﺪ"

ﯾﺎﺩ ﺟﻨﮓ ﭘﺮﺗﻘﺎﻟﯽ ﻫﺎ ﻭ ﺣﻤﻞ ﻫﺎ بخير "

ﮐﯽ ﺗﻮﺍﻥ ﮔﻔﺖ ﺁﻥ ﺭﺷﺎﺩﺕ ﻫﺎﯼ ﺣﻤﻞ ﺭﺍ بشعر"

ﯾﺎﺩ ﺭﺯﻡ ﻭ ﺍﺗﺤﺎﺩ ﺩﺭﻩ ﺗﻔﺘﺎﻥ ﺑﺨﯿﺮ"

ﯾﺎﺩ ﺟﻨﮓ ﺑﺎ ﺍﻧﮕﻠﯿﺲ ﻫﺎ ﺩﺭ ﺑﻠﻮﭼﺴﺘﺎﻥ بخیر"

ﺍﯾﺴﺘﺎﺩﯼ ﺩﺭ ﺑﺮﺍﺑﺮ ﺑﺎ ﻣﻐﻮﻝ ﻫﺎ ﻫﻤﭽﻮ ﺷﯿﺮ"

ﺩﺍﺩﻩ ﺑﻮﺩﯼ ﺿﺮﺏ ﺷﺴﺘﯽ ﭘﯿﺶ ﺍﺯ ﺁﻥ ﺑﺮ ﺍﺭﺩﺷﯿﺮ"

ﺯﯾﺮ ﺑﺎﺭ ﻇﻠﻢ ﻫﺮﮔﺰ ﺧﻢ ﻧﺸﺪ ﺍﯾﻤﺎﻧﺘﺎﻥ"

ظلم ﺳﺘﯿﺰﯼ ﺷﻤﺎ ﺭﺍ ﺩﯾﺪﻩ ﺍﺳﺖ ﻧﻮﺷﯿﺮﻭﺍﻥ"

ﺍﯼ ﺑﻠﻮﭺ ﺁﮔﺎﻩ ﺷﻮ ﺳﯿﻠﯽ ﺯﺩﯼ ﺑﺮ ﺍﻧﮕﻠﯿﺲ"

ﻣﺘﺤﺪ ﮔﺸﺘﯽ ﺯﺩﯼ ﺳﻬﻢ ﺑﺪﯼ ﺑﺮ ﺍﻧﮕﻠﯿﺲ"

ﺁﻣﺪ ﺍﺳﺘﻌﻤﺎﺭ ﭘﯿﺮ ﻣﺎ ﺭﺍ ﺯ ﻫﻢ ﭘﺎﺷﺎﻧﺪ ﻭ ﺭﻓﺖ"

ﺩﺭ ﺑﻠﻮﭼﺴﺘﺎﻥ ﺣﺼﺎﺭﯼ ﺁﺗﺸﯿﻦ ﺭﻭﯾﺎﻧﺪ ﻭ ﺭﻓﺖ"

ﺷﺪ ﺑﻠﻮﭼﺴﺘﺎﻥ ﺳﻪ ﺗﮑﻪ ، ﺷﺪ ﺑﻠﻮﭺ ﺍﺯ ﻫﻢ ﺟﺪﺍ"

ﺍﯾﻦ ﭼﻪ ﺩﺭﺩﯼ ﺑﻮﺩ ﺗﺎ ﮐﯽ ﻣﻦ ﺑﻨﺎﻟﻢ ﺍﯼ ﺧﺪﺍ"

ﺍﯼ ﺟﻮﺍﻧﺎﻥ ﺑﻠﻮﭺ ﺍﺯ ﻫﻢ ﭼﺮﺍ ﺭﻧﺠﯿﺪﻩ ﺍﯾﺪ؟"

ﺍﺯ ﻭﺭﻭﺩ ﺩﺷﻤﻨﯽ ﻏﯿﺮ ﺍﺯ ﺗﺒﺎﻫﯽ ﺩﯾﺪﻩ ﺍﯾﺪ؟"

ﺍﯼ ﺑﻠﻮﭼﺴﺘﺎﻧﯿﺎﻥ ﺩﺭﺩ ﺍﺳﺖ ﺍﻣﺮﻭﺯ ﺍﺧﺘﻼﻑ"

ﻣﺎ ﺑﻠﻮﭼﺎﻥ ﺭﺍ تباه ﮐﺮﺩﺳﺖ ﺍﻣﺮﻭﺯ ﺍﺧﺘﻼﻑ"

ﺍﯼ ﻋﺠﺐ ﺍﺯ ﻣﺎ ﺑﻠﻮﭼﺎﻥ ﺑﯽ ﺷﻤﺎﺭ ﻭ ﺑﯽ ﮐﺴﯿﻢ"

ﺧﻮﺩ ﻫﻤﺎﻡ ﻫﺴﺘﯿﻢ ﻭ ﺩﺭ ﭼﻨﮕﺎن ﺯﺍﻍ ﻭ ﮐﺮﮐﺴﯿﻢ"

ﺩﺭ ﺑﻠﻮﭼﺴﺘﺎﻥ ﻭ ﭘﺎﮐﺴﺘﺎﻥ ﻫﺰﺍﺭﺍﻥ ﺩﺳﺘﻪ ﺍﯾﻢ"

ﺩﺭ ﺑﻼﯼ ﻧﯿﻢ ﺭﻭﺯ ﭼﺸﻢ ﺍﺯ ﺑﻠﻮﭼﺎﻥ ﺑﺴﺘﻪ ﺍﯾﻢ"

ﺍﯼ ﺑﻠﻮﭺ ﺁﮔﺎﻩ ﺷﻮ ﺭﻭﺯﯼ ﺗﻮ ﯾﮏ ﺗﻦ ﺑﻮﺩﻩ ﺍﯼ"

ﺧﺎﺭ ﺗﯿﺰﯼ ﺩﺭ ﻣﯿﺎﻥ ﭼﺸﻢ ﺩﺷﻤﻦ ﺑﻮﺩﻩ ﺍﯼ"

ﺍﯼ ﮐﻪ ﺩﺭ ﺍﯾﺮﺍﻧﯽ ﻭ ﺑﺴﺘﯽ ﺣﺼﺎﺭﯼ ﺩﻭﺭ ﺧﻮﺩ"

ﺍﺯ ﺑﻠﻮﭼﺎﻥ ﺩﮔﺮ ﺁﻣﺎﺭ ﺩﺍﺭﯼ ﺩﻭﺭ ﺧﻮﺩ؟"

ﻧﯿﺴﺘﯽ ﺗﻨﻬﺎ ، ﺗﻮ ﺧﻮﺩ ﺗﻨﻬﺎ ﭘﺴﻨﺪﯼ ﻧﺎﺯﻧﯿﻦ"

ﺍﺯ ﻏﺮﻭﺭ ﮐﺎﺫﺑﺖ ﺩﺭ ﻗﯿﺪ ﻭ ﺑﻨﺪﯼ ﻧﺎﺯﻧﯿﻦ"

ﺍﯼ ﮐﻪ ﺗﻨﻬﺎ ﺑﺤﺮ ﺧﻮﺩ ﺩﻡ ﺍﺯ ﺑﻠﻮﭼﯽ ﻣﯿﺰﻧﯽ"

ﻋﺬﺭ ﻣﯿﺨﻮﺍﻡ ﻭ ﻟﯿﮑﻦ ﺣﺮﻑ ﭘﻮﭼﯽ ﻣﯿﺰﻧﯽ"

ﺍﯾﻨﮑﻪ ﻣﻦ ﺍﯾﺮﺍﻧﻢ ﭘﺲ ﻣﻦ بلوچم ﻓﻘﻂ"

ﺍﻧﺪﮐﯽ ﺍﻧﺪﯾﺸﻪ ﮐﻦ ﻗﻮﻟﯽ ﺍﺳﺖ ﻣﻮﻫﻮﻡ ﻭ ﻏﻠﻂ"

ﺍﯾﻦ ﺑﻠﻮﭼﺴﺘﺎﻥ ﯾﮑﯽ ﺑﻮﺩ ﻭ ﺑﻠﻮﭼﺎﻥ ﻫﻢ ﯾﮑﯽ"

ﯾﺎﺩ ﮐﻦ ﺩﻭﺭﺍﻥ ﭘﯿﺶ ﺍﺯ ﻣﺮﺯﻫﺎ ﺭﺍ ﺍﻧﺪﮐﯽ"

ﺍﯾﻦ ﺑﻠﻮﭼﺴﺘﺎﻥ ﻫﻤﻪ ﺍﺯ ﺧﺎﮎ ﺗﻔﺘﺎﻥ ﺑﻮﺩﻩ ﺍﺳﺖ"

ﺍﻧﮕﻠﯿﺲ ﻟﻌﻨﺘﯽ ﺁﻥ ﺭﺍ ﺟﺪﺍ ﺑﻨﻤﻮﺩﻩ ﺍﺳﺖ"

ﺍﯼ ﺑﻠﻮﭼﺎﻥ ﮔﺮﯾﻪ ﻫﺎﯼ ﮐﻮﺩﮐﺎﻥ ﺭﺍ ﺩﯾﺪﻩ ﺍﻡ"

ﺁﻩ ﻭ ﺳﻮﺯ ﻣﺎﺩﺭﺍﻥ ﭘﯿﺮ ﻭ ﺭﻧﺠﯿﺪﻩ ﺍﻡ"

ﺍﯾﻦ ﻫﻤﻪ ﺩﺭﺩ ﻭ ﺗﺒﺎﻫﯽ ﺗﺎ ﺑﻪ ﮐﯽ ﺑﻬﺮ ﺑﻠﻮﭺ"

ﺁﺗﺶ ﻭ ﺟﻨﮓ ﻭ ﺳﯿﺎﻫﯽ ﺗﺎ ﺑﻪ ﮐﯽ ﺑﻬﺮ ﺑﻠﻮﭺ"



📝📚دکتر محمد انور بجارزهی 📚📝

مات.......
زرد ءِ اندر انت اماں
.مھر ءِ برور انت اماں
رند چہ ھُداءَ پد...
پاک پرور انت اماں
اچ وتا پراموشیِں
مارا تئ سر انت اماں.
گلزمین گیمرتگ....
آزمان بر انت اماں
کُلیں جھان بی بی.
رب ء ِ درور انت اماں....

مــبارک قــاضــی
@Labzank
telegram.me/Labzank

گروناک
یک جنگلے ءَ یک بُرز ءُ مزنیں درچکے است ات کہ آئی ءِ شاہ ءُ لمب دور دور ءَ تالان اتنت. ہمے درچک ءِ چیر ءَ لہتیں کاہُک رُستگ ات. وھدے گوات ءَ کش ات گڈا ایشانی سر جہل بوتنت. یک روچے مزنیں درچک ءَ پہ گروناکی گشت,, شمارا بچارئے انچکیں گواتے کشیت شما وتی سراں داشت نہ کنئے. مدام شمے سر جہل انت. بلے منا بچارے ہر وڑیں توپانے کیت منی سر مِک انت پرچا کہ منی تہا تاکت است ،،
مے واستا پریشان مہ بئے,،، کلاں جواب دات.
,, گوات مارا نہ پروشیت پرچا کہ ما وتارا آئی ءِ دیما جہل کنیں بلے ترا وتی مزنی ءُ زورمندی ءِ سرا گرور انت. آ روچ دور نہ انت کہ تی اے گروناکی جہل بیت ،،
ھمے گپ ءَ ءُ ھبر بوھگااتاں کہ جہلادی نیمگا چہ یک مزنیں ہیروپے ءَ سر کت. برزیں درچک ءَ وتی سر مِک کت ءُ توہانے گون ءَ دو پہ دوئی کت ءُ گڈ سرا ایشی ءِ شاہ پرشت انت ءُ بُنڈ بُن ءَ درتک ءُ زمین ءَ کاہکانی سرا کپت انت.. ،،
/@Labzank
telegram.me/Labzank

واھگءِ گاریں مُساپر تو شُت ئے واتر نہ کُت
پہ تئی دیدارءِ اوستءَ زندگی آسر نہ کُت
ھر دو ایں دیوانگیءِ شدّت آں بیت اِنت شھید
تو وتءَ ھانی نہ لیک اِت من وتءَ چاکر نہ کُت
من تئی واستءَ یلءَ دات مکتبءِ وانگ وتی
تو نزاناں پرچیا مُھبت منی باور نہ کُت
دوشی تو دیوانءِ توکءَ پہ شرابءِ پَیکیءَ
زار کُتءَ دیوان یلءَ دات دَر شُت ئے تو شر نہ کُت
سلطانءِ مرگءِ بدیں ھال شِنگ بیت تئی میتگءَ
سد ھزار اپسوس دلءِ بند تو مچاچءِ تر نہ کُت

✍ سلطان بلوچ
@Labzank
telegram.me/Labzank

🍀🍁 تامور نہ بنت 🍁🍀

شهــــــــــدے چہ : شکّلیں شهجــــــــــو
نمیرانیں سید ظهور شاه هاشمی

زرد بے کچّہ ءُ آریپیں اگاں دور نہ بنت

دل پہ دل پهکی گوں دل پهکیں دلاں هور نہ بنت


تو زمین زور ءُ زمین زور ءُ زمین زور زمین

کہ زمین زور ءُ زمیں زور ، زمین زور نہ بنت


تو کتگ شبرهے ربّال وتی بهبهیں دوست

پہ وتی کِچّہ ءَ کور ئے دگہ چم کور نہ بنت


تو اگاں بُندر ءُ سیادنامی ءُ بهشیز ءِ بُن ئے

لوڑی مانشانگ ءَ اے شکّلیں جو سور نہ بنت


میتگاں هیل اِتگیں شاری ءُ شبدستیں شلی

کُلّی گراناز گلیں، بهبهیں بانور نہ بنت


کینگاں پیتکگ ءُ کَستاں کَتب کجّ کتگ انت

بُنی بد زرد گوں آریپیں سراں هور نہ بنت


مور اِنت وشگپّی ءُ وشمنّی ءِ پیلمور مور اِنت
گواچنی منّ اتگیں پیل کُشیں پیلمور نہ بنت


مُولّیں شهزوری ءِ اوستار ءِ بہ رَنج اَنت کُمیت
زِکّیں زوراکی ءِ بور ، مُجّتی پزّور نہ بنت


بینّگ بد زردی ءِ پہ دود ءُ ربیدگ گپس انت

باج بوهیریں گِلگ گار نہ بنت گور نہ بنت


وش نیاتکانی ، سید گَهدپیں گپساراں مہ تُرس

پہ تئی بوهیری ءُ آریپی ءَ ٹاکور نہ بنت


داگ مُنّار ئے گُلیں دیدگاں چو بے دید ئے

کہ پہ چمکوری ءَ دلکور ءُ سما کور نہ بنت


مورت آتار اِتگیں هونکّیـــــں آدور بنداں

گت مَہ گر شل سریں شِنزّ، زیم سریں آلور نہ بنت


هانی ءُ چاکر ءُ آدینگ ءِ نامانی پد ءَ

گور ءُ دست بستن ءَ بِلّ هور ءُ کلات هور نہ بنت


گلبهار زند ءِ بدیں دود ءُ ربیداں پَلّ اِت

جِکّ نہ بنت گُل نہ بنت ساڑا نہ بنت پیگور نہ بنت


سید ! بد زردی ءِ بے بُندریں باوست بد انت
بیر ءُ بے کَچَّهیں بوهیری ءِ باجبور نہ بنت


کراچی ۲۱ اپریل ۱۹۷۴
""""""""""""""""""""""""""""""
@Labzank
telegram.me/Labzank

وشـــــکنـــــد

پٹهانءُ پنجاپی یـے کورءِ آپءَ گٹّ بوت اَنت ، پنجاپیءَ پٹهانءَ را جُست کُت '' تو اوژناگ زان ئے '' پٹهانءَ پسّو دات '' نزاناں '' - پنجاپیءَ گُشت ترا چے کُچک شرتِراَنت که اوژناگ زان اَنت گُڑا پٹهانءَ پنجاپیءَ را جُست کُت '' تو زاناں اوژناگ زان ئے '' پنجاپیءَ پسّو دات '' هـو '' - پٹهانءَ درّائینت '' گُڑا تئی ءُ کُچِکانی تـهءَ هِچ پَرک نیست '' - 😁😁😄😄😜😝

@Labzank
telegram.me/Labzank

💫ملاکمالانءِ شرپا چهبارءِ مراگشءِ هال

📝هالکار:
حاجی غلام حیدر قبا کزوری پهره

پشمبے ، 21 مرداد 1395 هـ ش ، همدپ گوں 11 اگست 2016 و 8 ذی القعده 1437 هـ ق ئا چهبار ادب دوستاں بلوچی زبانءِ وش لسانیں، نامداریں شائر و برزشکر الهان، کلاسیکی شئرانی بے تاجیں بادشاه، نازینک، دستونک و غزلءِ شاهکار، دشتیاری و چهبارءِ نندوکیں مزن ازمگر، نمیرانیں ملا کمالان هوتءِ شرپا یک مزنیں بین المللی دیوانے ماں چهبارءِ منطقه آزادءِ مستریں سالونءَ عبدالوهاب ایران نژادءِ سردبیریا چه اداره ارشاد اسلامی استان و شهرستان چهبار، سازمان منطقه آزاد چهبار، شهرداری بندرچهبار، شورای اسلامی چهبار، بلوچی لبزانکی گل چهبار، انجمن موسیقی ایران و چهبارءِ ادیب، کلمکار و زانتکارانی همکاری مالی و جانی مدتا صباح تں بیگاها په شان و شوکتے برجم دارگ بیت که چه فرانس، تهران، زاهدان و بلوچستان ءِ کنڈ کنڈا چوکه زابل، واش، سراوان ، سرباز، ایرانشهر، لاشار، نیکشهر و چهبارءِ ادیب و کلمکاراں بزاں هرطبقهءِ پگرءِ مردماں په گلے بهر زرت که اے شاهی سالونا په نندگا جاه نیست ات.
دیوانا سئے بهرکت کنے: 1. زانتکارانی گشتانک، 2. کلمکارانی گوهرکیمتی ایں نبشتانک، 3. زیملی دیوان.

گشتانک دیوکاں: واجه حسین مسگرانی، مدیرکل فرهنگ و ارشاد اسلامی استان سیستان و بلوچستان، حامد علی مبارکی رئیس هیئت مدیره سازمان منطقه آزاد چهبار، حجت الاسلام والمسلمین قاسمی‌زاده امام جمعه چهبار، بهرام جمالی مدیرانجمن موسیقی کشور، محمد رضا درویشی آهنگساز، پژوهشگر اقوام ، واجه محمود دولت کردستانی مدیرکل مرکز صداوسیمای سیستان و بلوچستان، سید محمود حسینی پیسری استاندار سیستان و بلوچستان، واجه علی محمد موهبتی، دکترآرمون راکیان بختیاری، محمدامین محمدی، رئیس اداره ارشاد اسلامی چهبار، و واجه نصیراحمد ملازهی معاون هنری اداره ارشاد اسلامی سیستان و بلوچستانا گشتانک و کیمتی سوج دات. اگه اے لوٹانی سرا عمل به بیت سرجمیں بلوچ راجا سک پائده رسیت.

دومی بهر زانتکاریں کلمکارانی نبشتانک ات انت که واجهاں ، دکتر عبدالغفور جهاندیده ، استاد دولتی بخشان ، استاد پیرمحمد ملازهی پولکار و تحلیل گر سیاسی، فرهنگی ، شبه قاره هند، واجه کریم باشنده ، واجه واحدبخش بادپا، دکترایرج افشارسیستانی ، استاد عبدالحمید ایران نژاد، حاجی غلام حیدر قبا کزوری، عبدالسلام بزرگزاده و علی رحماندوستا نبشتانک بزاں مقاله ونت.

سیمی بهر ساز و زیملی دیوان ات که استاد علی محمد بلوچا په سرود ساز جت ، گروه موسیقی ساحل مکران واجه اسحاق بلوچ مقدما صباه ووبیگاه دو برا وتی کرامات پیش داشت و هدامرزی کمالان ءِ یاد تازه کت، گروه موسیقی گورانکش gourankash واجه علی محمد بلوچ ، گروه موسیقی وژنام ، گروه موسیقی باهو کلات ، پنڈوک و گل محمد بلوچ و فرانس ءِ زیمل ساچیں مهمان واجه ژاندورینگا په سرود و آئی ءِ کسانیں چک ءِ هوریں ساز بزاں تمبورگ سد ستائے لائک ات.
اے درستیں واجهاں په هدامرزی ملاکمالان ءِ ترزا شئرجت و بهشت هنکین ءِ یاد تازه کت. اگه اے واجهاں کمکے حکومتی یا ان جی او انجمنی سرپرستی ، مالی مدت و زانتکاری دیگ به بیتیں گڑا هما ملائی دور پدا زندگ بیتگ ات و گیدی سوت بزاں کلاسیکی شئر په شرتریں وڑے رواج گپتگ و دیمروی کتگ ات.
زانتکاراں ماں وتی پرگنجیں گشتانکاں ، کلمکاراں ماں وتی گوهرکیمتی ایں نبشتانکاں ، زیمل کاراں ماں وتی شیرکنیں ساز و وشیں گپتاراں ، بلوچی زبان و دود وربیدگ ءِ زندگیں درورات انت. اگه کمی ئے پشتکپتگ ات گڑا بزرگواریں زانتکاریں واحدبخش بادپا، دکتر عبدالغفور جهاندیده، عبدالوهاب ایران نژاد ، علی بخش دشتیاری، کریم باشنده، حمیدالله سردارزهی ، فاروق هوت و عبدالسلام بزرگزاده ءِ گلگدارا کلیپ ءِ شکلا په شرتریں وڑے ، عام فهم و ساده ایں رنگا پوره کت.
زبان ءِ توکا زیمل ءِ بستار ، زیمل و شئرءِ اواریا شائری ترز و ادا ، شئرءِ کدر و کیمتا چنچو بالاد بارت، ملاکمالانءِ زند آدینک ، شئرءِ رنگا بلوچی زبان و اسلام ءِ هزمت ، بلوچ راجا ملاکمالان و دگه شائرانی جایگاه و آیانی کسمپرسی ، دود و ربیدگ ءِ رکینگا آیانی مالی ، جانی و زبانی مدت ، وتی پادانی سرا اوشتارینگ و کوپگ دیگ و دگه دگه بن گپانی سرا سرجم و کاملیں گپ جنگا زانتکاری دیگ بیت.
اے دیوانا اگه په کچّه چینی چماں بچارے چه هرنیمگا کامل ات. منی هیالا یک روچی سمینار چد و شرتر بیت نه کنت.
په مهمانانی سهولت بهتریں وراک ماں بهتریں هوٹلا، په راحت و آراما بهتریں وابجاه ءِ بند و بست کنگ بیتگ ات. ورنایاں په کندگیں دپ و گشاده ایں پیشانیگے وتی ژندیاں چیردیاں، لک پاد اوشتاتگ و په مردمانی هزمتا لانک بستگ ات که چه هر لحاظا بے مٹ بے درورات ءُ اے وژنامی ءِ پاگا ما په دبیرءِ دورگندی و چهبار ، ایرانشهر و نیکشهرءِ روشن پگریں ورنایانی سرا دئیں که په وتی وژنامی و مردمانی راحتا اے پیمیں مراگش ءِ برجم دارگا شپ و روچش نه زانتگ و وتی بے وابی ، ناراحتی، مالی و ج

انی هزمت اش هچ کمار نه کتگ. په اے بے ریا و روئیں هزمتا واجهانی وژنامی دین و دنیائے کامیابی، درستیں بلوچستان ءِ مردم و بلوچ راج ءِ دلی واهگ و مراد انت. مئے دعا انت که الله پاک آیانا په راجی کاراں گیشتر هاٹی بدیات و زندءِ هر پڑا سوبین بات انت و کامیابی آیانی پاداں بچکات. هنچوبات !
@Labzank
telegram.me/Labzank

(اے آر داد )
<آزمانک >
"منی گُنگی ءَ معنائے بدنت "

من نہ ھُنر زانتے اِتاں نہ ھبر زانتے ، منی تہ ءَ ھچ رنگیں بودشت نیست اَت _ من یک میرے ءِ دروازگ ءِ دپ ءَ سپاھیگ ءُ پانپاھے اِ تاں _ من پیداک بوتگ اِت ءُ ھَمدا اِتاں ، من ءَ کے ءَ اد ءَ آورتگ اَت ھچ نزاناں _ کسے اگاں بہ اتکین ءُ بہ گوشتیں کہ من توک ءَ پُتراں من داشت کُت نہ کُتگ اَت ، اے تپنگ ءُ تیر مُپتیں اِت انت زمانگ ءِ پیش دارگ ءَ کہ من ھم سپاھیگے آں ، اے ڈک ءِ پانپاھاں _ من روچ ءِ مرچی ھم نزاناں کئی چُکّاں _ من ھما انت چم پچ کرتگ اَنت ، ھمدا اوشتاتگاں _ من ءَ سیاد ءُ وارس اِے رنگیں ھچ مردم نیست _ من میر ھم نہ دیستگ کہ چونین ئے ، بس رؤک ءُ آؤک ھمے گوشنت ءُ پُتر انت کہ میر ءَ چارگ لوٹ انت _
من وتی ھیال ءَ ھمے دیستگ کہ پیرمردے اسپیتیں گُدئے گورا تسبی یے دست ءَ نشتگ ءُ مردمانی پسّو ءَ دنت _ یک ءُ دو رند ءَ منی ھم دل ءَ اتکگ. کہ توک ءَ بہ پُتران ءُ میر ءَ بہ گنداں ، ءُ ھمے جُست ءَ بہ کناں کہ منی کار چی اِنت ، من ءَ پرچی اِد ءَ دارگ بوتگ بلے یک ناگُمانیں ترسے ءَ نہ اِشتگ کہ پاداں دو بہ کناں _ من ھمدا وپتگ اِتگ ءُ ھمدا نشتگ اِتاں ، ھمدا اوشتاتگ اِتاں ، بازار ، مردم دراہ وت منی کِرّ ءَ اتک ءُ شُت اَنت _ من ءَ رزا نیست اَت دگہ نیمگے برواں ، من ءَ بس ھمے گُشگ بوتگ کہ ھمدا میھ بہ باں _
چنچو وھد گوزگ ءَ رند ھم من وتی رنگیں چوشیں مردمے نہ دیست _ یک روچے یکے ھمے ڈکّ ءِ دپ ءَ کہ من اوشتاتگ اِتاں ، اتک ءُ منی دست ئے گیپت انت ، جوڑی یے کُرت _ من مرد ءِ گندگ ءَ ھبکّہ بیتاں کہ اے وَ منی جند انت _ من مرد ءَ گُشت یا تو من ءَ دُزّ اِتگ یا من ترا ، آئی کند اِت ءُ جست کُرت ,, پرچہ زاناں،، _ من گُشت تو منی جند ئے من ءُ تو یکیں مردم ایں _ مرد ءَ گوْشے چرے گپّ ءَ گوں زھر کُت ءُ درّائینت ,, تو نزان ئے میر مناں ،، _ من جست کُت گڑا آمیر کہ توک ءَ نشتگ آکے اِنت ؟ تو دروگ بندگ ءَ ئے میر توک ءَ نشتگ _ اِشی ءَ نہ ریشّ پر اَت نہ اسپیتیں گُد گورا اَت _ نہ تسبی یے دست ءَ اَت _ آئی ءَ درّائینے ,, من ھَما اِنت ڈنّ ءَ بیتگاں اندر ءَ نہ شُتگاں ،، _ ھمے گپ ءَ گوں آئی ءَ ڈکّ پچ کُت توک ءَ پُترت _ من ءَ اوپار ءَ نہ اِشت دل ءَ گُشت من ھم اندر ءَ بروان ءُ بچاراں کسّہ چی انت _ من ڈکّ پچ کُت ءُ توک ءَ پُترتاں اود ءَ کس نیست اَت ، منی ھمرنگیں مردم ھم درا نہ اَت نہ دگہ لوگ ءُ بانے ھست ات _ من رواں کُت _ روان روان ءَ جنگلے درا بوت _ ھما اوّلی مردم کہ ڈکّ ءَ پُتر تگ اَت ھما درستاں چہ سر ءَ روگ ءَ اَت _ منی ھم رنگ ھم درا بوت کہ ھمایانی پُشت ءَ روان اَت _ من وتی تیر ءُ تپنگ چگل دات ءُ ھمے مردمانی پُشت ءَ روان بیتاں _ کجا روگ ءَ اِتاں ، زانگ ءَ نہ اِتاں ..

@Labzank
telegram.me/Labzank

"""صــــبــا دشــــتـیاری ءِ کــســانــیں پـجّــارے"""



چــونــاہ ءَ شھـمـیـریـں کــندیــل واجــہ صـــبا دشـــتیاری ھــما کــارست انت کہ ھــچ ســتا ءُ پجّــار ءِ مـُھــتاج نـہ انــت.
گــش انــت کہ انــسان ءِ پـجّار آئــی ءِ کـِرد اَنــت انــچوش واجہ صـبا دشــتیاری ءَ ھــم مــرچــی ھــرکــس چـہ آئــی ءِ کــردانــی پـد ءَ زانــت ءُ بـلـوچــی لبــزانــک ءِ تــہ ءَ واجــہ چہ بلــوچی ءِ لــبزانــک ءِ رژنــاہ تـریں کنــدیلاں یَـکّے زانــگ بیــت بلــے پدا ھـؤں واجــہ ءِ زنــد ءِ بــارہ ءَ چیــزے نــاں چیــزّی ءِ زانــگ تــاوان نــہ انــت
"""""""""""""""""""""""""""""""""""''''''''""""""""""""""""""""""""""""'"'"'"""""""""""""""""""""


واجہ صبا دشتیــاری ءِ پت ءُ پیــروکی ھنکیــن بیــلہ انت آئــی ءِ بُن پیروک ءَ چہ بیلہ ءَ خان نصیر نوری ءِ زمانگ ءَ لڈّ ءُ بار کــتگ ءُ مـاں دشتیاری ءَ جاہ منند بوتگ ءُ پدا کراچی ءَ اتکگ ءُ جاہ منند بوتگ انت واجہ صــبا دشتیاری ءِ نام چہ آئـی ءِ پیروک غلام حسین ءَ زورگ بوتگ ءُ واجہ ءِ نام غلام حسین ایرکنگ بوتگ آئی ءِ گلنام (صــبا) انت ءُ گوں دشتیاری ءِ سیادی ءِ سوب ءَ آئی ءِ پرشتگیں(مشھوریں) نام صــبا دشتــیاری انت آ 1953 ءَ ماں (ماریپور گریکس) کراچی ءَ ودی بوتگ .
واجہ صبــا دشتیاری ءَ وتی بُنکی وانگ چہ(عیسی جمال پرائمری اسکول لیاری) ءَ بندات کتگ ءُ میٹرک چہ (اوکھائی میمن سکینڈری اسکول کھارادر کراچی) ءَ در برتگ .
واجہ ءَ لبزانک ءِ ھب چہ کسانی ءَ بوتگ آ چہ علامہ اقبال ءِ شاعری ءَ اثرمند بوتگ ءُ یک ھسابی ءَ آئی ءَ وتی شاعری ءِ استاد لیک ایت .
واجہ شھمیر کندیل ءَ چہ کراچی ایم ایس کالج ءَ انٹرکامرس سرجم کتگ ءُ چہ کراچی یونیورسٹی ءَ بی اے گوں فلسفہ ءَ ءُ پدا چہ کراچی یونیورسٹی ءَ اول ءَ ام اے اسلامیات ءُ پدا ام اے فلسفہ ءِ ڈگری واجہ ءَ گپتگ ءُ چہ ( خانہ فرھنگ ایران) ءَ واجہ ءَ چارسال ءَ پارسی زبان در برتگ ءُ چہ (الجامعہ العلمیہ الاسلامیہ) ءَ دینی زانشتی دربرتگ اے زانتجاہ ءِ تہ ءَ واجہ ءَ قران ءِ مزنیں بھرے حفظ کتگ ءُ گڈ سر ءَ چہ ھمدا (لا جازہ لعالیہ) یَ ابید (دور ء حدیث) ءِ زانتی در برتگ.
واجہ صبا دشتـیــاری چہ 1974ءَ بگر داں 1980ءَ ماں کراچی ءَ اسکول ءِ استاد بوتگ ھمے نیام ءَ آئی ءِ نام پہphdءَ ماں کراچی یونیورسٹی ءَ رجسٹر بوتگ بلے آئی ءِ رھشون واجہ ڈاکٹر بشارت علی ءِ ناگتیں بیرانی ءِ سوب ءَ اے کار مھتل بوت 1980 ءَ واجہ ماں بلوچستان یونیورسٹی ءَ استاد بوتگ ھمے روچاں واجہ ءَ چہ علامہ اقبال یونیورسٹی اسلام آباد ءَ ایم فل ءَ داخلہ زرتگ بلے چہ پاکستان ءِ تعلیمی رھبنداں دلپروش بوتگ ءُ اے کاری ھم الگار کت.
واجہ صــبا دشتیــاری ءَ 1982ءَ بلوچی لبزانک ءِ پڑ ءَ گام ایر کتگ ءُ رندا اردو شاعری واجہ ءَ یلہ کتگ.
پہ بلوچی زبان ءِ دیمروئی ءَ آئی ءَ پہ ریڈیو پاکستان کویٹہ ءَ بلوچی مراگش ءِ ھاتر ءَ اسکرپٹی نبشــتہ کتگ ءُ رندترا واجہ عبداللہ جمالدینی ءُ عابد آسکانی ءِ رھشونی ءِ پدا سرجمی ءَ بلوچی لبزانک ءِ نیمگا دلگوشی گور کت.
واجہ صــبا دشتـیاری ءِ بلوچــی لـبزانک ءِ روحــانی رھــشون واجہ ءِ مات ءُ بلوچی زبان ءِ نامداریں لبزانت بانک بانل دشتــیــاری بــوتگ پــرچا کــہ آ ھمے لوگ ءَ رستگ ءُ مــزن بوتگ.
آئــی ءِ بلوچی ءِ اولی استاد پروفیسر عبــداللہ جمالدینی ءُ دومی عابد آسکانی انت.
واجہ صــبا دشتیــاری ءَ بلوچی لبزانک ءِ پڑ ءَ گیشتر آزمانک نبشتہ کتگ گوں آزمانک ءَ ھوار آئی ءَ شاعری ءِ تجربت ھم کتگ بلے آئی ءِ گیشتریں دلگوش بلوچی پٹ ءُ پول ءِ نیمگا بوتگ.
واجہ صبا دشتیاری ءِ مستریں کاراں یکے بلوچی پت ءُ پولی بنجاھی ءِ اڈ کنگ انت کہ اے ماں کراچی ءَ سید ھاشمی ریفرنس کتابجاہ ءِ نام ءَ قائم بوتگ ءُ اے بُنــجاہ ءِ مول ءُ مراد پہ بلوچی زبان ءَ میان استمانی پٹ ءُ پولی بنجاھی ءِ جوڑ کنگ ءِ ھمراھی ءَ بلوچی لبزانک ءِ دیمروی انت.

واجہ صبا دشتیاری ءَ بلوچی زبان ءُ لبزانک ءِ جھگیری ملکی مراگشانی ھمراھی ءَ دری ملکاں ھم کتگ آئی ءَ بلوچ ڈیھ ءِ لبزانکی نمایندگی ءِ ھاتر ءَ چین ءِ تر ءُ تاب ھم کتگ ھمے داب ءَ لبزانکی سرھالانی سرا ماں یوروپ خلیج ایران ءُ دگے بازیں ملکاں گشتانک داتگ واجہ ءَ بازیں کتابے نبشتہ کتگ کہ آھانــی لــڑ چــوش انــت:

1:گلکار ءُ چکنکار (شاعری ءُ ازم)

2:ھون ءُ ھوشام(آزمانک)

3;ترانگانی بنزہ(آزمانک)

4:آس ءُ آسیب(آزمانک)

5; بلوچی زبان ءِ آکبت(دو جلد ..زبان)

6: بے تواری ءِ دریا(شونگال ءُ کالم)

7:گنگدامیں سرزمین(ھائیکو لچہ)

8:ساچان ءُ سھاتو(پٹ ءُ پولی)

9; بلوچی زبان ءُ لبزانک (پٹ ءُ پولی)۳جلد

10:بلوچستان میں سرداری نظام(ردبند)

11:انگریں واھگ(نبشتانک)

12;نمدیانی دروت(کاگد)

13:مطالعہ فلسفہ(فلسفہ)

14: فلسفہ اسلام و یونان(فلسفہ)

15: سید ھاشمی شخصیت ءُ فن(پٹ ءُ پولی)


واجہ صبــا دشتیــاری لبزانک ءِ رِ

د ءَ گچین لبزانت ءِ درگت ءَ پاکستان سرکار ءَ (تغمہ امتیار) ءِ داد داتگ رندا آئی ءَ نواب اکبر بگٹی ءِ ناجاھیں کوش ءِ زھر ءَ پد گردینتگ آئی ءَ سے کتاباں (مست توکلی) صدراتی داد رستگ ءُ دو کتاباں صوبائی داد ھم رستگ واجہ سید ھاشمی اکیڈمی کراچی ءِ نایب کارمستر ھم بوتگ .
واجہ عزت اکیڈمی پنجگور ءِ ھم باسک ات.
واجہ صـــبا دشــتیــاری 1جــون 2011ء بیگاہ ءِ 5 بــج ءَ پــاکســتان ءِ نــاشــرکارانــی تیــرانــی آمــاچ بیــت ءُ بلوچ راج چہ آئــی ءِ لبزانکی ھزمتاں پہ مــدامــی زبـــھر کــنگ بوت

پـــولـکــار : ریــــاض حـــسن

شــنگ کــار: لبــزانکــی مجــلس کلــمتی کــاروان
telegram/labzank



@Labzank
telegram.me/Labzank

جست: شائری تہ ءَ تئی اُستاد کئے بوتگ؟

پسّو: من ءَ اُستاد نیست، منی استاد منی وتن اِنت، منی وتن ءِ ھاک اَنت، کلیر اَنت، دار اَنت پیشّ اَنت منی کاہ اَنت، من وتی شئرانی اسلاہ چہ کَسّے ءَ نہ کنائینتگ-- من گْوشاں بلوچی تہ ءَ اسلاہ ءِ زلورت نہ اِنت ھما چیز مارگ اِنت آئی ھاتر ءَ ترا ھچ چیز زلورت نہ بیت لکھنو ءِ شائر ءِ نیاں اردو ءِ ھیالاں ترّیناں منی زند وتی سر زمین ءِ سر ءَ گْوستگ، من ھمے پُلکانی تہ ءَ لیب کتگ، من ھمے کلیرانی چیر ءَ وپتگان ءُ من ھمے کُنرانی سر ءَ سر کپتگاں کُنر چِتگ وارتگ، اے چیزانی واست ءَ استاد ءِ زلورت نہ اِنت من ءَ دگے استاد نہ لوٹ اِیت-- من کُنری آں منی شائری کُنرے ھرکس لٹّ ءِ جنت بجنت اے چیز ءَ من دلپروش نیاں ---
(گلام ھسین شوھاز)
@Labzank
telegram.me/Labzank

وشـکـــــند

مردے ءَ رند چہ جنین ءِ سَونانی دیگ ءَ ا گوانکو سرءَ گوں آئی ءَ گپّ جت ءُ گوشت ئے : بانُک من رد کُتَگ  من ءَ پهل کن ءُ پدا وتی لوگ ءَ بیا !!
جن ء گوشت : تئی گورا گلاس هست اِنت ؟
لوگ واجہ ءَ گوشت : هو هست انت .
جن ءَ گوشت : انوں آئی ءَ ترند بجن زمین ءَ  .
مرد ءَ گلاس ترند زمین ءَ جت .
پد ءَ جن ءَ گوشت : انوں کہ تو گندگ ءَ ئے گلاس چوره چوره بوتگ ، گڑا تو ٹُکّراں مُچ کُتّ کن ئے ءُ گلاس ءَ پد ءَ اَڑ کُت کن ئے ! ؟ !؟
لوگ واجہ ءَ وتی لوگ بانُک ءَ را گوشت :
اناں گلاس نہ پرُشتگ ،!!
گلاس اشٹیلّے اَت .

ءُ جن ءَ پسّو دات : هاوند ترا چَک پروش کنات سیاه رو .. بیگاه  ءَ بیا منی رند ءَ
😂
رجانکار : سدیک رئیسی

کمالان ءِیات ءّبرجم داشتگیں مراگاه ءِسرا نگدے
مولابخش رئیسی ( کارگشاد بلوچی لبزانکی گل)
نگد ، بزاں یک ساچشتے ءِتهاریں جاهاں رژناه کنگءَ نَگد گوش انت . البت بیوک ءُنگد کنوک ءِنیام ءَ مُدام دژمنی بیتگ ءُهست . پرچه من اے مراگشءَ نَگد کنگ لوٹاں ؟ اے وت پگر کنگی گپے . من بلوچی لبزانکی گل ءِکارگشاداں ، بلے من ءَ دابیں کارگشادی کنگ ءَ نه اشتگ اش مراگاه ءِدراهیں کار واجه عبدالوهاب ایران نژاد کتگ انت ، دراهیں مردم آ واجه وت گچین کتگ انت . چار بیچاری دیوان ( علی بخش دشتیاری ، کریم باشنده ، دکتر عبدالغفور جهاندیده ) بیتگ انت ، اے سئیں مردمانی ته ءَ تهنا دکتر جهاندیده شر بیتگ ، آ دوئیں سنگت واجه ایران نژاد ءِسیاسی همپگر انت . جارچین واجه نادری شرانت ، پدا هم گوشگ لوٹاں اے مراگاه نزورات ، پدا واجه ایران نژاد ءِهمپگرات . محمد دین دشتی هم واجه ایران نژاد ءِهمپگریں مردمے .
۱_ مراگاه ءِناس ( عیب )
گجری زبان ءَ بتلے هست " همه چیز را همگان می دانند و همگان از مادر نه زائیده اند " مراگاه ءِتاک ردیاں چه پُرانت ، بائد سئے چار کساں چاراتیں ءُهیرتچاری کت ایں ، بلے کس نیست که تاک ءَ به پلگاریت . دگه مزنیں ناسے ایش انت که کمالان برات بنگ بروت بیتگ اتکگ آئی برات ءِیات ءَ دیوانے بر جم اِتگ ، بلے واجه کس ءَ کِمار نه کتگ پرچه که هان ءُسردارے نه انت پشت پشت ءَ نشتگ . کمالان ءِدوئیں مردیں چک دیوان ءِچلوپکار بیتگ انت ، کس ءَ موه نداتگ انت زانگ به بنت که کمالان ءِپشت پدانت ، پرچه که هان ءُسردار نه انت . کمالان ءِبرات زتک طارق هوت در ءِپانگ بیتگ چو منی داب ءَ.، مراگاه ءِتامر ءُ نگد ءِسیمسر ءَ چه هم ڈن انت ، تهنا چار کس کمالان ءِباندات ءَ گپ جَـت ، آ هم واجه ع_ ایران نژاد ءِهمپگراَنت . کمالان ءِیک تامرے الکاپی ءَ شنگ نه بیت که مردم بزان انت کمالان کئے انت . نبشتانکانی وا جُست ءَ مکن ات گیشتر یاد داشت ات انت نه نبشتانک ، بلوچی الکاپیں نبشتانکے هم هور نه ات . مارا شرّیں نبیسوک هست انت چوشکه جنید بلوچ ، کازی دادمحمد ریهان ، اسحاق رحیم ، اے مردم وا لوٹگ هم نه بیتگ ات انت . یا بگندےْالکاپیں ( استانداردیں) نبشتگ کار نه انت . بلوچی لبزانک چے داب ءَ آیوکیں پد ریچ ءَ سر به بیت وهدے ما نوکیں پد ریچ ءَ موه نه دئیں . دگه مزنیں ناسے ایش انت که رهت ءُریچ سک باز بیتگ ، تهنا 19 یا 20ملیون ورگانی زر بیتگ انت .
۲_ آیوکیں مهمان
مراگاه ءِآیوکیں مهمان شریں مهمان بیتگ انت ، بلے اے واجهاں کمالان ءِباندات ءَ هِچ نه گوشت . نه واجه درویشی ءَ ناں آ دگراں

@Labzank
telegram.me/Labzank

.......تپاکیءِ تـہءَ برکت اِنت....

یـک ازگـاریےءِ زھـگاں مـدام جنـگءُ مــِڑ کُــت
آ چــہ زھـگانی اے بـدیـں کـرتوتاں سـک سوکـیءُ بیــزاری اَت،یـک روچـے آئیءَ ھیــال کُـت کــہ پــرچے زھــگانءَ جوانیــں پنـتے مـہ دئیـں
آئیءَ تَنگــے دار آورتءُ وتی زھـگاناں توارءِ کُــتُ آیـاناں گُـــشت ے کـہ شُمـا اے داراں بپــروش اِت آیاں دارانـی پـروشگ بنـا کُت بلے آیـانی جُــھد بـے سیــت بـوت پـرچہ کـہ گـوں آیاں تَنـگءِ تــہءِ دار پــروشگ نـہ بـوت اَنت پیــر مردءَ ھــمے دارانءَ جتـا جتـا کُت آیاناں گـُشت ے کـہ نی شُـما یـک یَـکءَ اے داراں بپــروش اِت
آیـاں اے دار پـہ آسـانی پـروشت اَنت
پـتءَ درّائینت بگنـداِت اے دار کــہ یکـجاہ اِت اَنت پــروشگ اِش پـر شُما چــون گــران اَت
اگـاں شُمـا انچـو یکـجاہءُ تپـاک بہ بیت شُمـارا ھــم کــسے پــروشت نَـہ کنـت بلـے شُمــا وت مـاں وتءَ کـہ نـہ سـازئے گُــڑا شُمــے ھــیرءَ ھــدا وت بکنــت اِیـں
مـن گُــشاں کــہ دارانی یکوئیءَ چــہ درس بگــراِت پــرچیکہ یکوئیءِ تــہءَ بــرکت اِنت

شنگکار:لبزانکی مجلس کلمتی کاروان
@Labzank
telegram.me/Labzank

من لال محمد ھوت مُلا حاجی کمال ھان ھوت ءِ ھما لالو پنجگی آں سبحان اللہ آ ھم روچ اتاں کہ یک روچے واجہ کمال ھان ھوت ءَ من ءَ گْوشت چھبارے فرمانداری ءَ مراسمے ھست تو لال محمد بُرو وتا ساڑی کن پہ اے دیوان ءَ واجھان واجہ اسحاق مزار ءَ آ دیوان ءَ مئے لوڈ میک شر کُتگ اَنت - اسحاق مزار ءَ جُست گِریت کہ کجام دیوان ءَ کمال ھان ءِ شما پنجگی بیتگے یا ترا کلاسیک ازمی نکشے بیتگ وھدے نیکشہر ءَ واجہ ئے دیوان بیتگ من درملکاںَ بیتگاں واجہ اسحاق مزار آدیوان ءَ گون بیتگ واجہ کمال ھان ھوت ءِ پنجگی محمد بیتگ یا کہ اسحاق مزار ءَ واجہ کمال ھان ھوت ءِ گْور.ءَ ازمی بستارے بیتگ, ثابت ئی بکنت آ روچی فرمانداری ءِ برنامہ ءَ من گوں ھمراھاں اجرا کُتگ ھم نیکشہر ءُ یا دگہ جاھے واجہ اسحاق مزار ءَ ازمی کلاسیک نکشے بیتگ کہ من لالو پنجگی کلاسیک ازم ءَ اسحاق مزار ءِ پنجگی بہ باں واجھاں شما اسحاق ءَ جُست گرے کہ زھیریگے کہ کمال ھان ءَ جتگاں چُنت تَہر انت- اے مزنیں ظلمے کہ مردم سرپد نہ انت اسحاق مزار چے اجرا کنگ ءَ اِنت بلے ما کہ اے کارے تہ َءَ وتی اُمر پہ بہا داتگ ما زانیں کہ چے کنگ ءَ اِنت - ھچ سرپد نہ اِنت اے یک باز مزنیں گُناھے اے دیوان ءُ مراگاہ ءَ مئی ءُ واجہ کمال ھان ھوت ءِ و اے بلوچی کلاسیک ازم ھنر ءِ راجدپترا یک نارائیں کردے ثپت بیت کہ ناگھان مار اش ھم پہ پلمل ءُ ریپکاری ءَ ھوار جت- من اِد ءَ لال محمد ھوت ادارہ ئے ارشاد اسلامی ءِ منتاں گراں یک دیوانے مناظرہ ئے ھمےازم ءِ کْواسانی سرپرستی ءَ ایر بکن اَنت, داں زانگ بہ بیت ازم چی ءَ گْوشنت وھدے اسحاق مزار ءَ سُھب ءُ بیگاہ ءَ اے مراگاہ مئی موجودگی ءَ برنامہ اجرا کت منی اوپار نہ شُت من اسحاق ءَ گْوشت من لوٹاں کہ کمال ھان ما سی ءُ شش پُریں سالاں ھمراہ بیتگیں واجہ کمال ھان ھوت ءَ من اد ءَ بیتگاں بید من ءَ دگہ کسی نہ بُرتگ کمال ھان ءِ پنجگ داروک دنیا زانت من بیتگاں من ءَ بِلّ ایت من کمال ھان ھوت ءِ بابت ءَ وتی مارشتاں درانگازاں و وتی ازم ءَ اے دیوان ءَ دیما کاراں کہ اے دیوان ءِ ھک اد ءَ ھمے داب ءَ بیت- اسحاق مزار ءَ گوں من ءَ درائینت لالو تئی نام اسلن اے برنامہ ئے تَہ ءَ نہ اِنت - من گْوشت چتو تو من ءَ کول داتگ ات کہ اے برنامہ شمے گِنت و شمارہ ھَکّ مُز ھم رسیت من ترا گْوشت اگاں مئی ازمی ھک و مالی ھکانی ھیالداری کنگ مہ بیت من دیوان ءَ چِر ھم نہ جناں من پرچہ وتا سُبک بکناں واجھاں مرچی پُریں ھپتگے من پہ وتی ھک مُزے کہ من اش کول داتگ روان ءُ کایاں برنامہ ءِ دبیر,و شما ھمے بزانیت اے درائیں کساں کہ اے مراگش ءِ کار مستر مدیر,و اسحاق مزار ھچ کس ءَ من نیشتگ ھپتگے ءَ رند من ءَ اسحاق گْوشیت کہ لالو زر نیست اد ءَ یک جُستے ؟ واجھاں اے من ءَ ساری ءَ بُگشتیں کہ اے بلوچی دودانی لگتمالی کنگ نہ اِنت- انچُش واجہ کمال ھان ھوت ءَ ھر کجا دیوان کُتگ واجہ پیس نِھر نہ بیتگ سی شش سالاں من گوں واجہ کمال ھان ھوت ءَ بیتگاں من چُشیں رپک راہ نہ دیستگ کہ اے مراگش ءَ من دیستگ ءُ واجہ علی محمد سُرودی بلاھیں نامے ھم کمال ھان ءِ سُرودی بیتگ ھم مزنیں ازمگرے.... واجہ ءَ جُست گرے کہ ما گوں واجہ ھوت ءَ اے داب کاپیں ریپکاری وتی امرا گوں واجہ ءِ ھمراھی ءَ ھجبر ندیستگ کہ ایشانی گْور ءَ گندگ ءَ کاینت - واجھاں نہ من اش وتی ازمے درانگازی ءَ موہ داتگ نہ کہ منی ھَکّ مُز اِش من ءَ داتگ ءُ اجبیں ھیرانی یے گپے کہ دیوان ھم مئی ازمی پیر مُرشد ءِ نام ءَ گرگ بوت ءُ واجہ کمال ھان ھوت ءِ مرید ڈالچارکنگ بیت انت چہ ازمی درانگازی ءُ مالی ھک آں چے, ایشی ءَگْوشنت شوکاریں دُزی من جزماں ایشانی کار ھمیش انت نہ اشانی دل پہ لبزانک ءَ ھدوک اِنت نہ کہ پہ بلوچی ازمگرانی جھد شوھاز ءَ اے تلوسنت بس اِشانی ردیں کرد من ءَ یک پربندے یے تْرانگ ءَ بارت پرینیت.......
پہ نام ءُ نان دِلموش کنان
زریت پاسپان اَت تئی آ زبان

اَبکہہ مَہ بُو کہ اِے گار باں
نہ گندے راجدپتر ء َ اِشاں

لال محمد ھوت, حاجی
کمال ھان ھوت ءِ تمبیرگی ھما لالو پنجگی
@Labzank
telegram.me/Labzank

سیـد هاشمـی چتو ءُ چه پیم بلوچی زُبان نیمگءَ آتکگ ؟
سید وتی گُشتن : آ وهداں که من ریڈیو پاکستان کراچیءِ بلوچی بهرءَ کارءَ اتاں ، گوں دگه ندکاراں واجه هوت هم من په گُشتانکے '' گپّ ءُ ترانءِ سیاهگے '' یا '' لچّهے '' ءِ گوشگءَ لوٹ اِتگ ات - رهبند ءِ پدا اے رنگیں هر سیاهگے چه شنگروچءَ ده روچ پیسر رَسگ لوٹ ایت بله اے دهیں روچاں من هر روچ اے واجهءِ مهمان اتاں ءُ اگاں منی اے هر روچ ءِ روگءُ کَڈّن مه بیتیں انت نه سیاهگ پمّن سربیتگ ات ءُ نه سیاهگ واجه -
په ۲۰/ دسمبر۱۹۵۰ءِ لچّه گُشیءِ دیوانےءَ گوں دگه واجکاراں من واجه هوت هم لوٹ اتگ ات - دانکه ۱۸/ دسمبرءَ منی روءُ آ ءُ کڈّن انگت بـے بَر اِت اَنت بله دومی روچءَ سباهءِ بیلءَ نه زاناں چتور اے واجه منی دستءَ کپت ءُ ما بولٹن مارکیٹءِ یک کسانیں هوٹلےءَ په چاهواری شُتیں - هوتءَ وتی لچّه چه کیسگءَ کشّ ات ، چه دور منءَ پیش ئے داشت ءُ پدءَ ماں کیسگءَ جاگه ئے دات - وتی چاهءَ سُرکے گپتءُ گوشت ئے '' سید ! اِے لچّهءَ من ترا هما وهدی دیاں که تو وت هم لچّهے نبشتگ بکن ئے ءُ همے دیوانءَ بوان ئے '' من وتی دلءَ گُشت '' نی شر سیاهءَ وارت '' پرچا که من چه هوتءِ رِندی اڑاں شرّ زانتکار اِتاں - چوناهیگا من تاں وتی وسءَ زور جت بلے آ واجه تپرء یکڈکّ ات - چه منّگءَ ابید دگه راه نیست ات که باندا مجلسءِ روچ اَت -
چوناهیگءَ من په وتی جوازتءَ یک زمانگے اردو زبانءِ لهتیں لچّه گُشتگ ات ، بله بلوچی زبانءَ دو گالءِ پِر بندگ ماں وابءَ هم اومان نه بیتگ ات - پمیشکا من چه اے گپّءَ پهک نزانتکارءُ بـے سهیگ اِتاں که هوتے رِندی اَڑ منـی زندمانیءِ بهرے وتی دَیناں بارت -
روچءِ دراجی نه زاناں ماں چونیں بـے آسریں اَڑءُ منجاں گوست - روچ که جهل روان بوت منی مشکل گران تِر بیان بوت - روچ سِدءُ بند بوتءُ منی لوگ شَبَّند بوت - دانکه شپ ده بجءَ لهتیں بـے رِد ءُ بندیں گال هَمسنگ کتءُ ڈکّ دات اَنت که آیانی بنگیج اِیش انت :
ناگمانی چست بنت در کاینت اُپّارگ منی
من دپءَ دارں نه بیت دل لهڑ جنیں دارگ من

دومی روچءَ پگّاه وتءَ په واجه هوتءَ رسینت - په اے تُرسءَ بے ساه اِتاں که هوت دگه نادوستیءِ نیمّونے مه کنت ، بله ناں ، منی اِے په اشتاپی ڈَکّ داتگیں چاریں گالاں واجه هوت ءِ اَڑءُ گرانیں بار چه منی نزوریں کوپگاں دیر کُت - بلے آ وهدی من نه زانتگ ات که دگه گران تریں بار منی بهرءَ انت که اے ایانی بُنگیج انت -
واجه هوتءِ دومی اڑ گوں من ایش بوت که من هچ رنگءَ چه لچّه گُشیءَ دست مکشّاں - گُڈ سرا پمّنءَ انچوش زورئے آورت که من چه آئیءَ لاچار بوتءُ اے رهءَ ایر کپتاں - چِدءُ رَند هر ندکاری دیوانےءَ من چار گال گُشتگ ات - واجه هوتءَ چِستءَ درّائینتگ ات '' منی منّت وار ببـے که منی اڑاں ترا اِے جاگهءَ رسینتگ ! '' آئیءِ گپّ راست ات پرچا که اگاں آئیءِ آڑ مه بیتّین اَنت من داں روچ مَرچیگءَ بلکیں یک گالے هم نه گُشتگ ات '' واجه هوت! تهنا من ناں بلکیں بلوچی زبان هم تئی منّت وار اِنت که په آئیءِ گرانیں بارءَ اے نزوریں کوپگ هم کُمَکّے '' -
شنگ کار : لبزانکی مجلس کلمتی کاروان

@Labzank
telegram.me/Labzank

ماتـی منـی چمّانـی روک
ماتـی منـی راه شون دیوک

ماتـی مــن ءَ نازینـتگ تـو
ءُ گوانزگ ءَ چنـڈینتگ تـو

سـر تـو منـی کونـڈ ءَ کُتگ
دراجــیں شپــے آگـه کُتگ

هر روچ مـن ءَ نازینتگ تـو
لیلو جتگ سَهـڑینتگ تـو

ماتـی تـرا بیـهال نباں
داں زنـدگاں جنجال نباں

📝سراج هُسین

https://telegram.me/Labzank

لهتیں هلکانـی کوهنیں نام

☀️ پسنی ءِ نام گزآباد بیتگ

☀️ گوادر ءِ نام گواتءِ در بیتگ

☀️ کوئٹه ءِ نام شال بیتگ

☀️ مکران ءِ نام گِدروشیا بیتگ

☀️ کراچـی ءِ نام مائی کُلانچی بیتگ

☀️ زاهدان ءِ نام دُزّآپ بیتگ

☀️ نیکشهر ءِ نام گِهـ بیتگ

شنگ کار : لبزانکی مجلس کلمتی کاروان

@Labzank
telegram.me/Labzank

........🌹🌹پَنــت🌹🌹.......

بادشاھانی دوستـیءِ سـرءَ دلجـم مـہ بـئےءُ چُکّانی وشّیـں آوازءَ دلءَ مبــند کـہ آ پـہ ھیـالے بـدل بیـتءُ اِےپـہ وابے.
معشوق ھزار دوست را دل ندھی
ور میدھی آن دل بہ جدایی بنھی
بزانت: پہ ھزار دوستیں دلبر ءُ دردانگ ءَ دل ءَ مہ بند اگاں دل دات گرا آ دل (تو بزاں) جتائی ءِ (غمانی سگگ ءَ)داتگ

کتاب: دانکانی گنج
فارسی: شیخ سعدی
بلوچی رجانک: یوسف انیس

شنگ کار : لبزانکی مجلس کلمتی کاروان

@Labzank
telegram.me/Labzank

........🌹🌹حکمـــــت🌹🌹.......

سـئـے چیــز پادار نـہ بیـت بے تجـارتیـں مـال،بـے پـٹءُ پـولیـں علـم،بـے سیـاستیـں بـادشاہ

وقتی بہ لطف گوی ومدارا و مردمی
باشد کہ در کمند قبول آوری دلی

بزانت:یک وھدے پہ نرمی ، آرامی ءُ مردم گری بگش کہ بیت کنت یکے تئی ھبر ءَ بزیر ایت

وقتی بہ قھر گو کہ صد کوزہ نبات
گہ گہ چنان بکار نیاید کہ حنظلـی

ءُ دگہ وھدے پہ ترندی بگش کہ برے برے مصری شکر ءِ کونزگ ،گنج اندازہ ءَ ھم کار نہ دنت
(پہ جی ءُ جان کہ نہ بیت تچک مرگ ءُ درد ءِ بہ کن
کہ بد نہ انت بد ءَ بُلّ ءُ بد سُنائینگ)
مولانا افشانی

کتاب: دانکانی گنج
فارسی: مولانا افشانی
بلوچی رجانک: یوسف انیس

شنگ کار: لبزانکی مجلس کلمتی کاروان

@Labzank
telegram.me/Labzank