محمد احمدی👆👆

تُرس

منی چمّانی دنیاءَ
نِدارگ سرجمیں روک اَنت
ہمک دیم چَکّءَ ترّیناں
گشئے کہ آس کپتءَ واہگانی جنّتیں باگءَ
کپان اَنت بمب ہمک گرندءَ
شلان انِت انگرءُ اِشکر چہ آزمانءَ
زمین یک دوزہی آسے
سُچان اَنت سرجمیں مردم
گوں تِپلءُ گوانزگی زہگاں
ءُ دلترک اَنت درہیں دلوَت
چیا چو گُنگاں من انگت
دمے جیڑان باں گوں وت
اے آسءُ انگرءُ اشکر
اے روکیں کوہسارءُ زِر
بگندئے کہ منارا گوں وتی زگریں دلءِ ھوناں کُشگ لوٹ اَنت
بگندئے من گوں دنیاءَ
دلءِ گپّاں گُشگ لوٹاں
بلئے انچو!
اناگہ مانشانیت باتِنءَ لُنجیں تہاری یے
ءُ لرزان بیت دلءِ توکءَ
اجب یک بے تواری یے

مہروان بلوچ

@Labzank
telegram.me/Labzank

____دل ء بہ جیڑ ___
پدا بہ جیڑ کمکے
تو چیزے گار کتگ وتی
من گشتگ ات ترا
مرو گوں اے ذمانگ ء'
شموشیت سنچ ء, ذانگ ء'
وتارا کشیت مشکلاں
ترا چگل دنت گپچلاں
ترا شموشیت ایوکا
منی وڈا نکنت کس
بہ کش ایت پادء_کنٹگاں تئی
مہ چاریت تراولاں وتی
دل ء' بہ جیڑ.........
______فدا فائز

@Labzank
telegram.me/Labzank

کِـبلہی ھمـساھگءِ نـِیَتّ
آزمانکک
ــــــــــــــــــــــــــــ
میرو اے میتگءَ پـہ وتـی کِـبلہی ھـمساھگءِ
اوستءَ نـشتگ اَت اے ھـما میتگ اَت اِدءَ ھمک وھد شمال ترْند ترْندءَ کشگءَ اَت چـہ شمالءِ ترْندی ءِ کشّگءِ سببءَ بازیں گریبیءَ چہ اے میتگءَ لڑیتگ اَت بـلے میرو گوں وتی کُلّءَ ھمے میتگءَ نشتگ اَت چیا کـہ شمالءِ دیم میروءِ کـِبلہی ھمساھگءِ بُرزیں ماڑیءَ داشتگ اَت اے میتگءِ مسترءُ بُرز تریں ماڑی اَت اے ماڑیءِ واجہ ھزگار ئے اَت بلے بے چُک ئے اَت پدءَ نِیتّی ھم سک بد اَت ماڑیءِ واجہءَ ھیال کُت کـہ اے میتگءَ دگہ یَکّ گریبءِ نِشت نہ کنت نی میرو چیا نِشتگ،،آئـیءَ زانت کہ میروءِ کُلّ منی بُرزیں ماڑیءَ چہ ترندیں شمالءَ رکینتگ اگاں گِندے من وتی اے بُرزیں ماڑیءَ ٹـِکٹر بِدیاں ءُ گوریچ ءِ نِیمگءَ دگہ یَکءِ چِست بِکن آں گُڑا میرو الّم چہ اے میتگءَ لڑیت ءُ رؤت وش نِیتّءَ گوں وتی وشیں نِیتّءَ وتی بُرزیں ماڑی ٹـِکٹر دات ءُ گوریچءِ نیمگءَ دگہ ماڑی ءِ چِست ئے کُت کہ بِلّ ئے میروءِ تـگرداں گوات بارت چیزے روچءِ واستءَ میروءَ چہ اے میتگءَ لڑ اِت انـچو کہ آئـیءِ دومی گوریچ ءِ نیمگءِ ماڑی تیار بوت میرو گوں وتی چاریں تگرداں پدءَ اتکءُ نِشت بلے وش نِیتّ گوں وتی کُتگیں کاراں سک میاریگ اَت.
باھڑ بھار

@Labzank
telegram.me/Labzank

اے کئے انت پہ من چو جــلاں بــــیتگ
نابزانت لاس ءُ تلمــــلاں بـــــــــــیتگ

پیش مــــــدار چماں ہون گوارینـــــــاں
زند منی ارســــــانی شَـــــــلاں بـیتگ

تو چے ڈول ســـــــینگارئے وتئ راج ءَ
واب تئ بوپ ءُ بــــــکمــلاں بـــــیتگ

من دل ءَ جــــزماں کئیت بہــــــار گائے
چـــاپ منی بـــاگ ءِ بلبـــــلاں بــیتگ

یک برے کــــائے ســد بر ہیــــرتاں
یات تئ گمــواریں دلاں بــــیتگ

بــرکت الی ســجــاد
@Labzank
telegram.me/Labzank

ﮔﺎﺭ ﺑﯿﺖ ﺍﻧﺖ ﺗﺊ ﺯﺑﺎﻥ ﺗﻮ ﺍﮔﮧ ﮬﻮﺵ ﻧﮧ ﮐُﺖ
ﻣﮱ ﻭﮈﯾﮟ ﻣﺮﺩﻣﺎﻧﺊ ﮔﭗ ﺗﻮ ﺩﻟﮕﻮﺵ ﻧﮧ ﮐُت

ﺍﻟﻢ ﻣﮱ ﺯﺑﺎﻥ ﮔﺎﺭ ﺑﯿﺖ ﭼﯽ ءَ ﮐﮧ ﻣﺎ ﺩﻭ ﺩﺍﻧﮏ
ﻧﺒﯿﺸﺘﮧ ﮐﻦے ﺍﻧﺖ ﮔﮉﺍ ﺍﯾﺸﺊ ﺗﻮﮎ ءَ ﺿﺮﻭﺭ ﻧﮧ ﺿﺮﻭﺭ
ﺍﻧﮕلیﺵ ی ﺍﺭﺩﻭ ﺯﺑﺎﻥ ﻣﺎ'
ﮐﺎﺭﺍﻧﺖ ﺍے ﺯﺑﺎﻥ ﺯﺍنتکاری ﺀِ ﻧﮧ ﺍﻧﺖ ﺗﺊ ﺯﺑﺎﻥ ءِ ﮔﺎﺭ ﺑﯿگے مستریں سبب ھمشے انت

شعـــــیب شـــو ھــاز
@Labzank
telegram.me/Labzank

....... پـاکـیں قـــــرآن .........
موت ءُ کیـامـت مئے سِتک ءُ ایمان انت
مسـتریں دژمـن شـومـیں شیـتان انت

ما مسلـمان انـت اُمیـت انت مھبـوب ءِ
جنتـی ایـں کـہ رب ءِ اے شــان انـت

دل مہ بند ایت گوں اے کـوڑہ ءَ کسے
کہ ادا نشـتگ چـار روچ ءِ مھمـان انـت

پــچ بکــن زرد ءِ ھــر دوئیــں چمــاں
گلــزمیـن جھـل ءُ بـرز ءَ آسمـان انـت

گــار مکــن راہ ءَ تــو وتــی اھمــد
راہ ءِ پیــش داروک پـاکـیں قـرآن انـت
..... اھمـــد نســار شنـکانـی در ....
🌴 کــــورُشـــیں گــــال 🌴

اُپ،،،،،،،،،* چونیں جِنکے
ما دوئیناں وانگ جاهءَ چہ چهُٹی کتگ ءُ لوگءَ رؤگ ءَ اتیں.
منی همبراه گپءَ ات.
من گوشدارگ ءَ ات انَت. منءَ اینچو جنکیں سنگت است.
هر وڈیں جنکِے ببیت یکبرے منءَ بچاریت.پدا مات اِنت کہ بہ رؤت.
منی تہا انچیں کرامات است.
من هر آروسءَ رواں جنکے لازم سنگت کناں.
جنک منءَ پیسہ دیاں. پُچ دیاں. سینٹ. سینڈل دیاں. منی تیوگیں هرچ ءُ درچاں جنک کش انت...،
آ گپءَ ات من پہ گوشدارگ مجبور ات اَنت.
آئی ءَ گوں گپاں دراجیں پند گُشءِ مگرازءِ سرا چِت ءُ لُک کت.
لوگ نزیک بوت اَنت.
ژپگءَ گاڈی ے مئے کشءَ چہ گؤست ءُ دیمتری دمکءِ دپءَ اوشتات.
یک کسانیں جِنکے گاڈی ءَ ایر اتک کہ دیمے گوں گُشانءَ گپتگ ات.
منی همراه ءَ کہ دیست گنوک بوت.
پوکو چشیں شوکیں جِنک..کتاباں بدار یار من انوں رواں سنگتے کناں.مرچی من ترا وتی کراماتاں پیشداراں.
تو بچار بس...
من کتاب داشتاں آ شت.
آ کہ گاڈی ءِ نزیکءَ سر بوت. جنکءَ وتی بستگیں دیم ڈنءَ کُت ءُ گُشت.
آں لالا کریم جان تو منءَ چوں پجہ آورت.بیا ماتءَ بگر گوں ما هسپتالا چہ پیداکیں مات ءِ تبیت شر نبوتگ.
کریم جان گوں وتی مات ءُ گہارءَ لوگءَ شُت.
روچءِ مروچی آئیءِ کتاب منی لوگءَ ایر انت.من کتاباں چاراں کریم جانءِ عاشقیءِ ترانگءَ کپاں...☆

گل بلوچ

@Labzank
telegram.me/Labzank

سر جھلی ءُ چمجالی جھل گنداں مراد بات اَنت
سر برز ءُ بلند بات اَنت سر برز ءُ بلندانی

ورنایاں سید نازین کہ دیم ءِ گُلیں اُوست اَنت
پیچ پتر ءَ پُرس ئیگ ءَ ایر منتگ ءُ ژندانی

سید ھاشمی
@Labzank
telegram.me/Labzank

پیسرا مردم مردمی لوگءَ شُتگ گوشتگی نمازی ئے بیار
ءُ کبلہ کُجام نیم ایں
انی گوش انت چارجرءَ بیار وائی فائی کوڈ چی اِنت
اکبال هاشمی
@Labzank
telegram.me/Labzank

سـرباز داں سـرهـد ءُ سـراوان ءَ
پهــرگ ءُ پنّـوچ ءُ گِـهـ ءُ لاشــار
هنـگءُ بمپشت داں هدءِ مینابءَ
بنـتءُ بشـکرد ءُ زرگورءُ چابهـار
کُل بلـوچ یکّـیں لوگ پرزنـد اَنـت
گوں همـے یکّـیں جامگ ءُ شلّـوار
نئیکه ما ایرانـــــی بلـوچ تهـنا
بلکـیں داں هبّ ءُ سیـبی ءُ هُزّدار

روانبد
@Labzank
telegram.me/Labzank

مهـرانـی سارتـیں ساهـگ ءَ زنـد بزّگیں بیگار بیـت
مُـرواردیں ارساں مـه ریـچ زرد آزگـیں گمسار بیت

کمـے بجـل چـاراں تـرا سـاه ءُ دل ءِ بنـدوک منی
باریں کـدی گنـدگ تـئی کسـمت پـدا دیـدار بیـت

هـر چی گشـئے مـرچـی بگش هچّی میار پِـرنیست ترا
پـه گلّه ءُ تـژناں تـئی دل کـئے گشـیت آزار بیـــــت

کـولیـگ زهیـرانـی بـه باں کـه زنـدگـی ءِ همبـل انـت
دوستانـی بازیں تـرانگاں زاناں سـروں بیسـار بیـت

پـه چیـر دئیگ چیـر نـه بیـت دوستـیں دلانـی داستان
بِل کـه گُلام یک کِسّهـے نـوکـیں پـدا آشـکار بیـت

📝 جـی ایـم بلـوچ

@Labzank
telegram.me/Labzank

بــود هیـالانــی تـچــیـت ءُ تاگ کنــت
مـارا چـاگـرد ءِ گـمـاں آژنـاگ کنــت

نیستـی ءِ دوهمـی بزانت اِنـت بـےوسـی
هستـی انـت کـه مسـتیاں پیـداگ کنـت

ایــر بـنــت لـوٹ ءِ جـنــازه هـر گـور ءَ
دل تـمــردیں واهـگاں کـه واگ کنــت

زاناں دلـپـروشـی ءِ کـهــریں اِلّـت اِنـت
دل بـهـاری مـوسـمـاں جـو پاگ کنـت

شهـدیں بچکـنـدے دوا انـــــت ژنـــــدی ءِ
گلـگـدارے دیــدگاں بیــناگ کـــــنت

داد مـئے بـہـت ءِ شـپاد ءُ ســر دری
تـالـه ات سـوگات کـوش ءُ پـاگ کنـــــت

اے انیـس اے ســـــربتگ نازانتـــــی ءِ
زانـت ءِ کـشک ءَ مادنـیں کـد شـاگ کنـت

ایسُپ انیـس
@Labzank
telegram.me/Labzank

بلوچـی زبان '' آب '' سرجمءَ ایش انت : ا ب پ ت ٹ ج چ د ڈ ر ڑ ز ژ س ش ک گ ل م ن و هـ ء ی ے _ ءُ هر گالے تها که ث ح خ ذ ص ض ط ظ غ ق کاینت آ گال بلوچـی بیت نه کنت انوں اے زانگ لوٹ ایت که آ گالے ءَ که چه اے آباں یکے یا دو مان به بیت آ گال بلوچـی یـے نه بیتءُ چُشیں گال گیشتر عربـی بنت - البت دگه باز انچیں گال هست انت که گوں بلوچیءَ پهک هور ترّاتگ انت ءُ چو که بلوچـیءَ کار مرد بنت چُشیں گال ماں بلوچی لچّهاں گیشتر گندگ بنت که ندکار په ایشانی کار مردءَ لاچار انت - په اے رنگیں گالاں نوکیں راه ایش انت که ما ایشاں بلوچـی گالوارءَ نبشتگ بکنیں - انچوش که : '' اِقرار ، عهد ، عشق ، ضد ، رضا '' ءَ باید انت که ما '' اِکرار ، اَهد ، اِشک ، زِد ، رَزا '' نبشتگ بکنیں - دگه لهتیں گال انت که پارسیءَ گوں '' خ ، غ ، ف '' ءَ نبیسگ بنت ، بلے بلوچـیءَ په '' هـ ، گ ، پ '' بنت انچوش که پارسیءَ '' خشت ، مرغ ، گفتار '' بلوچـیء '' َ هِشت ، مُرگ ، گُپتار '' بنت -

سید هاشمـی
۲۶/ اکتوبر 1961
@Labzank
telegram.me/Labzank

🚬💊🚬💉💊💉

دست بنداں گوں پاکیں رحمانءَ
دپتراں چَـه شُـود مـئے گناهان ءَ
دئے مـنءَ توفیق فرض ءُ نفلانـی
تهجـد ءُ زکــر ءُ کُل نمازانــی
دل هُدوک انت مئے پیشی عهدانی
مجلساں پُلّـیں دوست ءُ براتانـی
آ هبـر زانتـیں پیـر کماشانـی
آ مـڑاهـدار ءُ مل بلوچـانـی
نوبتـے اتکگ حیف ءُ ارمانـی
کار دگـه کارے اے جـوانانـی
روچ ءُ شـپ آسانـی نگاهپانـی
ورد ءُ تام زُرت اش آس ءُ دوتانـی
کش انت تریاکءَ مست ءُ مدهوش اَں
وتـی راج ءَ اے پـرامـوش اَں
زال جتا چُکءَ گوں وارءُ شُد لاپ اِں
ورنا ءِ سـر ماں یـک کش ءَ ٹاپ اِں
کش اِیت چرسءَ نوں سرءِ گوات انت
دائم ءَ لوگ ءَ جنگ ءُ سلوات انت
پت گماں گپتگ ماں سرء تهت اِں
مات چه اندوهاں وارءُ بد بهت اِں
ورنا سُهبءَ داں سر شپءَ گار انت
گوں بـدءُ بـے راهیں سراں یار انت
بـے سما انت که جندے بیکار انـت
راج ئے چـه درداں مُلّـی بیمار اِں
لـوٹ آں رهم ءَ چـه قادر ءِ پاک ءَ
راج ءَ پهریـز چـه شُومّیں تریاکءَ

📝 قادربخش کلمتـی

@Labzank
telegram.me/Labzank

چیا ..................................مُلّا کلمتـی

نشتگ ئے تو بـے توار ءَ هُشک ءُ هیران ئے چیا
رَنگ بر گشتگ تِلاهیں چو تو ویران ئے چیا

میری ءَ را کِرد لوٹیت نئے که پِیری کار دنت
بزّگیں تو راج ءِ چَکّا زهراں درشان ئے چیا

شودگ ءَ آدینک ءِ هجبر دیم ءِ پولنگی نه رؤت
شود دیم ءَ میر مئے آدینک ءَ شودان ئے چیا

کار ءِ وهد ءَ کار نه بستگ نی نئیت کار ءَ اُڑے!
گار کتگ تو هوش هاکاں آساں پٹّان ئے چیا

اے تی کارانی مُزّ انت که ترا لوپے گور اِنت
وهدگوستگ چه تئی دستءَ ارس ریچان ئے چیا

چو که درچک ءَ ریدگینءَ لیٹ ئے گواتانی پدا
گراں بدار مُلّا وتا را تو چو ارزان ئے چیا

@Labzank
telegram.me/Labzank

وشـکنـد 🌹🌹

نادراه : داکٹر منـی لاپ درد کنـت -

ڈاکٹر : مـن تئی اِلاج ءَ کناں تـو گُـڑا رنـد ءَ منـی واستا چے کن ئے ؟

نادراه : ڈاکٹر مـن یک کبر جنے آں ، هر وهدیکه تئی ساه ءَ ملکموت کبز کنت گُڑا من تئی کبر ءَ مُپت ءَ جناں - 😁😁😄😜

@Labzank
telegram.me/Labzank