سچل سرمستءِ گشتن

یک زانتکارےءَ نلءَ چه پُرس ات
تو سرداں پاداں بندیگ ئے
تئی پریاتءَ اش کناں ته منی هُب ودّیت
تو آه کش ئے ته مئے ساهاں پر چے آس جمبور یت
نلءَ گشت '' من وتی توارءَ اش کُت نکناں
تو هما هنر کارا پُرس که توارا سازیت
من شاهانی شاهی دیستگ
آ نیزگارانی سرا کهرءُ زلم کننت
زمانگءِ گردشءَ ما اے ام دیستگ که
بادشاه پکیر بیتگ انت ءُ پکیر بادشاه

رجانک : رهیم مهر بلوچ

@Labzank
telegram.me/Labzank

منـی دستءِ تاک..................مُهسن هالک

مناں چه در کسانیءَ وانگءُ زانگءِ هـبءُ واهـگ بیتگ ، مـن وهدے دهمی جماعتءِ چکاس که پاس کُت، په دیمءِ وانگءِ واستءَ کـراچیءَ روگءِ اراده کُت گڈا همـے وهداں جناح هسپتالءَ منـی پتءِ ٹرینگ ئے بوهگءَ ات پمشکه من گوں پت همراهیءَ کراچـیءَ شُتاں که من وتی انٹرءِ تعلیم ءَ کراچیءَ سرجم بکناں من مدام چه وتی سنگتاں همے اش کتگ ات که کراچی په وانوکاں شرّیں دربرجاهءِ ءُ نه وانوکاں دل مرادءِ هوٹلءِ پیما انت که مردمءِ دلءَ هر وڈیں سلّیں عادتانی آماچ کنت بزاں په ترءُ گردءَ شرّیں پارکءُ سیلءُ ندارگءِ واستا وڈ وڈیں جاگاه است انت -
من وهدے گوں پتءِ همراهیءَ کراچیءَ سربوتاں گڈا اے دگه روچءَ من سعیدآباد کالجءَ داخله زُرت من مدام سُهبءَ مهله وابءَ پاد اتکگاں نمازءَ چه رند پدا هوٹلءَ په ناشتهءَ شُتگاں کالج منی کمرهءَ نزدیک بیتگ پمشکه من وانگا پادانیءَ شُتگاں - داں وهـدے منـی کالج چکّاسءِ وهـد نزدیک بوت گڈا مـن هر سهبءَ که وانگءَ شُتاں یک کاپیءِ تاک ئے سرا چیزے نبشته کتءَ یاد کناں بوتاں پر چا که مناں وتی چکاس گوں شرّیں وڈئےءَ سوبین کنگی ات - یک روچ ئے من وتی دستءِ تاکءَ چارانءُ وتی سوالاں یاد کناں دیم په کالجءَ رؤگءَ اِتاں که اناگههءَ گواتءَ منـی دستءِ تاک چه منـی دستءَ چامپتءُ کشءِ کمرهءِ تها چگل دات - چوشکه من درامدے اتاں پمشکه من تاکءِ چست کنگءَ مڑاه کت ، ءُ دیم په کالجءَ رؤگءَ لگّ اتاں - اناگه مناں پُشتءَ یکئےءَ توار پر کُت ، من پُشتءَ چَک ترینت گنداں یک ماه دروشمـیں جنکے ئےءَ منـی سوالانـی تاک دستءَ ات ، په بچکنگے مـنءَ گُشگءَ لگّ ات -

'' من ناوانندئیں جنکے آں تئی کاگدءِ وانگءَ نزاناں ، بله من اوں چو تئی وڈا تئی وداریگ بوتگاں تو که هر سُهبءَ ادا گوستگے من چه دریگءَ ترا چاراِتگ - تئی دوستـی مناں سرءُ چمّ انت ، بلے وتی کاگدءَ بر گوں که کسے مگندیت ایں '' -

@Labzank
telegram.me/Labzank

مُزّ
شاه عبدالطیف بهٹائی
رجانک : مُلّا کلمتـی

روچ که دیگرءَ کِنزاں بیت
مُرگانـی رم انت آزمانءَ
بال انت په وتی شپد رنگاں
کاریگاں وتی کار پیتکگ
زُرتگ لهتےءَ جوانیں مُزّ
لهتےءَ تُشے دان زُرتگ
لهتے کُنٹگاں سر بار انت
هورک انت لهتےءِ هر دو دست
دیم په منزلءَ راه گپت انت


@Labzank
telegram.me/Labzank

بتل

☀️ لوگ پُشتءِ مُزاهتی مَچّءَ چـه لوگءِ دپ کُروچیں مَچّ شرترانـت

☀️ کار نه انت کُواروکیں کواٹانـی ، باراں جونگیں لیڑه زیر انـت

☀️ گوں ماهءَ نِنـدے ماه بئے ، منجل کشءَ نِنـدے سیاه بئے

☀️ مَچّ مَچّءَ گِندایت رنگ زیرایت

☀️ شپ هر چُنت به بیت تهار ، پیدا ورانت ماتءُ گُهار

@Labzank
telegram.me/Labzank

وشکند

یک رندے موالےءَ را پانسی (اعدام) ءِ سزا دیگ بیت - پانسی دیگءِ وهـدءَ جج گُش ایت '' تئی گُڈی واهگ چی انت بُگش پیلو کنگ بیت '' -
موالی گُش ایت '' من امب ورگ لوٹاں'' -
جج گُش ایت '' انوں امب کُج اِنت امب موسم نه انت ''
موالی پسّو دنت '' گُڑا ودار کن ات که امب موسم بئیت '' - 😄😄😄😁

@Labzank
telegram.me/Labzank

.........بــے بہــایـں گــپ.........
☀️ ھــَر کَـس کـہ زِیـات جُســتءُ پـول کـَنت آ زیـات دَر بـارت
☀️ ھَمــا گـپّءَ کـہ وت سـرپَد بئے ھما گـپّءَ بِجــن
☀️ زانتــکاریں مــردم ھمـا اِنت کــہ باز زانت بلــے جُســتءِ کـن ئے گُشــیت ..دَنیگا مــَن ھــیچ نـہ زان آں
☀️ آزمـان آیــیءِ نـہ اِنت کـہ بـانزُل ئے پِـر بیــت بَلکیـں ھمــای ئیگ اِنت کـہ بال کَنـگءِ ھُنـرئے گوں ببیـت
☀️ اگــاں دنیاءَ تـرا ھــچ مـہ بیـــت دُرسـت تــرا یَــلہ بـہ دیــاں بـَلے اگــاں تــئ کــرّءَ ھِمّــتءُ بـَـرداشت ھـَـست بِـزاں تــرا دُرسـت گــوں


پٹءُ پول : بسام کلمتـی

@Labzank
telegram.me/Labzank

گوشکندی ............ سید هاشمـی

مُپت ناهودگ چتور وشّ بیت مئے کِیرّ ینگ ترا
دیر نه اِنت یک ساهتےءِ گپّ انـت ریپینگ ترا

منجلی جوشاں جنئے لُنٹاں چیءَ سوچئے وتی
هچ نه براه ایت انچوکیں گپّےءَ چنڈینگ ترا

چو که دَکنی ایں کروسءَ چُرز تئی پاد اتکگ انت
چو کَےءَ کَشتگ ، کَےءَ چُشیں داتگ کینگ ترا

نی وتی ردیءَ یله دے شِهم بـے مردم به بـے
دمپءُ ساهتّءَ نه بیت انت گونمن گِرّینگ ترا

تاب دات انت لُنٹءُ لونسا لونس بوتئے ٹیٹلک
زهر مگر شر چیز چٹّیناں بیا بینگ ترا

ٹوپ ترا لگّات باریں ماں سر ءَ پنچاں جنئے
هکّ انت گُٹّءَ ننگرے بندگءُ بُڈّ ینگ تـرا

من چه تو پونزایاں نا سرپد انگت سرپد نه بئے
روج شپ بنت تو نه پهمئے بس انت پهمینگ ترا

تو دپء وت چو منءَ بگوشئے که '' سوچاں من ترا''
وهده انت واریناں سیرءَ کُنچت ءُ بینگ تـرا

شاه ترا کشّات پاک بارت انـت ترا او چار کتاب!
ما وت گاریں ، گار کنات انت تئی اے جُمبینگ ترا


@Labzank
telegram.me/Labzank

کاسُل ءِ سُوریں
زاناں مجبوریں
چماں چیں کوریں
زاناں مجبوریں

اُمبر زاناں تی هشتاد سال بیت
سانگے تو کن ئے تی چی هال بیت
لوگ ءَ کپتگ ئے لٹّے گوں ترا
بازار ءَ چیا تَّرے گوں ھَر ءَ
میتگ تی دوریں
زاناں مجبوریں

اُرد ءُ کسانیں وتی چکاں بچار
پیشانی ءِ تو وتی کرچکاں بچار
نوریءُ ماه گنج بلّی وانگ اَنت
نوکی کمو کمو زانگ اَنت
عبدالگپوریں
زاناں مجبوریں

رانی ءُ کیکاں وتی مپت ءَ نُکسان مکاں
دان ءُ روغن ءُ آرتاں وام مکاں
زاناں وش نیاں سیاد سیرءَ تی
سانگے گپ بی دیر دیرءَ تی
جند تی نزوریں
زاناں مجبوریں

دومی سیرا تو انچو اشتاپ مکاں
ریشّاں تو وتی چو انکاس مکاں
مپتا تو سر ءَ دردے دے چیا
په بچکندگے دل داتا کیا
لالو مُلوریں
زاناں مجبوریں

لالو پیشوکانی

@Labzank
telegram.me/Labzank

⛅جیمڑی جاہ اِنت کوشءُ نودانی 🌌

پژدری کــسہ " جیمڑی (جیونی) ءِ کوھن تریں نام اِنت. جی بزانت وشیں، مڑُ گْوش اَنت مولم ءُ گوان جیمڑیءِ آپ وَ ھوا کلیں تیاب دپانی وشتریں آپ ھوا اِنت راجدپتر ءِ رِدءَ بچار اِت جیمڑی ءِ آپ وَ ھوا ءِ سوب کجام ڈنّی ھاکم ڈنّی مھلوکے اے دمگاں اتکگ. گُڑا آھاں وتی ھنکین ءُ جاہ جیمڑی کتگ. پرتگیزی گش ئے یا انگریز، اشانی نشانی اَنگت جیمڑیءِ کوھے ءِ سرءَ ھست اَنت.
دومی ھبر جیمڑی روزرد ءِ تمامیں دنیاءِ تہءَ روزرد ءِ ندارگ جیمڑیءَ زاھر انت یک انگریزےءَ روزردءِ ندارگ ءِ بنگپ(سرھال) ءِ سرءَ یک مزنیں کتاب نبشتہ کتگ آ کتابءِ نام انت(Sunset,Jewani" اے کتاب ماں دنیا ئِے مزنیں کتاب جاہ لندن ءَ اَنگت ھست چرے ھبراں زاھر بیت کہ جیمڑی ءِ اَنچوش موسم ءُ مولم دومی روزرد سیمی کُدرتی بالی پٹ چارمی ھَور کدرتی.
جیمڑی جھان گول ءِ واستءَ یک جوانیں جاگہ یے سیل ءُ سواد ءَ جیمڑی ءَ وشتریں جاگہ نیست جیمڑیءِ بابتءَ ترکیءِ مزنیں کمکار سیدی ھسین رئیس ھم وتی کتاب ءِ توکءَ بازیں ستاہءُ تاریپ ءِ نبشتہ کُتگ. پمیشکا گُش انت جیمڑی جاہ اِنت کوشءُ نودانی راستیں ھبرے جیمڑیءِ کوش ءُ نود بے مٹءُ بے درور انت.

🌾اَبداللّٰہ مــیر✒
@Labzank
telegram.me/Labzank

تئی گم دل ءِ توار انت چہ دل ءَ جتا نہ بیت انت
منی وژدلی ہمیش انت کہ گوں ہر کس ءَ نہ بیت انت
پہ کس ءَ نہ بیت پادار اے بھارگہ دو روچی
منی گم تئی سرا انت تئی گم کیا نہ بیت انت
۔۔۔۔۔ سید ۔۔۔۔۔۔۔۔

@Labzank
telegram.me/Labzank

کَلم چِست بنت نہ ھیال چست بنت . پہ تئی جُستجُو ءَ سوال چِست بنت . بہ گپت سکّی ءِ روچے وھدے ترا . شپادیں گوں پاداں موال چِست بنت . راشد دیدار

@Labzank
telegram.me/Labzank

پُر مهریں سلام
مدام وشءُ وشهال باتے

🌐اهل‌سنتءِ زرنگیں ورنایءَ ماں ایرانءَ سال 95 کنکورا تجربی گروها اولی درجه وتیگ کرت

محمد احمدی، اهل‌سنتءِ زرنگیں ورنا که ماں خرسان رضویءَ تربت‌جامءَ نشتگ، توانتگی تجربی گروها سال 95 ءَ کنکورا اولی درجه وتیگی بکنت.
په سنی‌آنلاینَے هال‌رسانی سایتَے هالکاریا، محمد احمدی که پیسرا تهرانَے صنعتی شریفَے شهدربرجاها برقَے رشته‌یا درسی وانتگ، رندا چه وتی اِے رشته‌یَے یل دیگا، سال 95 ئَے کنکورا بهری زرتگ و تجربی گروها اولی رتبه‌اِی کٹّتگ.
محمد احمدیءَ گوں رسانکدراں گوشتگ: اِے وهدی که کنکورَے نتیجه اعلام بوتگ، من وانگا بوتگاں منی ماتا په من زنگ جتگ و منی اول بیگی منا سهیگ کرتگ.
اِے زرنگیں ورنایا گوشتگ: من هں باز زحمت کشّتگ، بلے اِے کٹّ پاکیں اللهَے منت منی سرا بوتگ.
محمد احمدی سال 1373 ئا چه ماتا بوتگ و تربیت جامَے نندوک اِنت.
💫اِیرانَے اهل‌سنتَے هال‌رسانی سایت سنی‌آنلاین، اِے مزنیں موفقیت و کٹّا په اِے ورنا و آئَے پت و مات و تمام اهل‌سنتا مبارکبات گوشیت و اِے ورنا و اهل‌سنتَے تمامیں دربروکانی موفقیت و سوبیں بیگا چه اللهَے بارگاها لوٹوک اِنت

محمد احمدی👆👆

تُرس

منی چمّانی دنیاءَ
نِدارگ سرجمیں روک اَنت
ہمک دیم چَکّءَ ترّیناں
گشئے کہ آس کپتءَ واہگانی جنّتیں باگءَ
کپان اَنت بمب ہمک گرندءَ
شلان انِت انگرءُ اِشکر چہ آزمانءَ
زمین یک دوزہی آسے
سُچان اَنت سرجمیں مردم
گوں تِپلءُ گوانزگی زہگاں
ءُ دلترک اَنت درہیں دلوَت
چیا چو گُنگاں من انگت
دمے جیڑان باں گوں وت
اے آسءُ انگرءُ اشکر
اے روکیں کوہسارءُ زِر
بگندئے کہ منارا گوں وتی زگریں دلءِ ھوناں کُشگ لوٹ اَنت
بگندئے من گوں دنیاءَ
دلءِ گپّاں گُشگ لوٹاں
بلئے انچو!
اناگہ مانشانیت باتِنءَ لُنجیں تہاری یے
ءُ لرزان بیت دلءِ توکءَ
اجب یک بے تواری یے

مہروان بلوچ

@Labzank
telegram.me/Labzank

____دل ء بہ جیڑ ___
پدا بہ جیڑ کمکے
تو چیزے گار کتگ وتی
من گشتگ ات ترا
مرو گوں اے ذمانگ ء'
شموشیت سنچ ء, ذانگ ء'
وتارا کشیت مشکلاں
ترا چگل دنت گپچلاں
ترا شموشیت ایوکا
منی وڈا نکنت کس
بہ کش ایت پادء_کنٹگاں تئی
مہ چاریت تراولاں وتی
دل ء' بہ جیڑ.........
______فدا فائز

@Labzank
telegram.me/Labzank

کِـبلہی ھمـساھگءِ نـِیَتّ
آزمانکک
ــــــــــــــــــــــــــــ
میرو اے میتگءَ پـہ وتـی کِـبلہی ھـمساھگءِ
اوستءَ نـشتگ اَت اے ھـما میتگ اَت اِدءَ ھمک وھد شمال ترْند ترْندءَ کشگءَ اَت چـہ شمالءِ ترْندی ءِ کشّگءِ سببءَ بازیں گریبیءَ چہ اے میتگءَ لڑیتگ اَت بـلے میرو گوں وتی کُلّءَ ھمے میتگءَ نشتگ اَت چیا کـہ شمالءِ دیم میروءِ کـِبلہی ھمساھگءِ بُرزیں ماڑیءَ داشتگ اَت اے میتگءِ مسترءُ بُرز تریں ماڑی اَت اے ماڑیءِ واجہ ھزگار ئے اَت بلے بے چُک ئے اَت پدءَ نِیتّی ھم سک بد اَت ماڑیءِ واجہءَ ھیال کُت کـہ اے میتگءَ دگہ یَکّ گریبءِ نِشت نہ کنت نی میرو چیا نِشتگ،،آئـیءَ زانت کہ میروءِ کُلّ منی بُرزیں ماڑیءَ چہ ترندیں شمالءَ رکینتگ اگاں گِندے من وتی اے بُرزیں ماڑیءَ ٹـِکٹر بِدیاں ءُ گوریچ ءِ نِیمگءَ دگہ یَکءِ چِست بِکن آں گُڑا میرو الّم چہ اے میتگءَ لڑیت ءُ رؤت وش نِیتّءَ گوں وتی وشیں نِیتّءَ وتی بُرزیں ماڑی ٹـِکٹر دات ءُ گوریچءِ نیمگءَ دگہ ماڑی ءِ چِست ئے کُت کہ بِلّ ئے میروءِ تـگرداں گوات بارت چیزے روچءِ واستءَ میروءَ چہ اے میتگءَ لڑ اِت انـچو کہ آئـیءِ دومی گوریچ ءِ نیمگءِ ماڑی تیار بوت میرو گوں وتی چاریں تگرداں پدءَ اتکءُ نِشت بلے وش نِیتّ گوں وتی کُتگیں کاراں سک میاریگ اَت.
باھڑ بھار

@Labzank
telegram.me/Labzank

اے کئے انت پہ من چو جــلاں بــــیتگ
نابزانت لاس ءُ تلمــــلاں بـــــــــــیتگ

پیش مــــــدار چماں ہون گوارینـــــــاں
زند منی ارســــــانی شَـــــــلاں بـیتگ

تو چے ڈول ســـــــینگارئے وتئ راج ءَ
واب تئ بوپ ءُ بــــــکمــلاں بـــــیتگ

من دل ءَ جــــزماں کئیت بہــــــار گائے
چـــاپ منی بـــاگ ءِ بلبـــــلاں بــیتگ

یک برے کــــائے ســد بر ہیــــرتاں
یات تئ گمــواریں دلاں بــــیتگ

بــرکت الی ســجــاد
@Labzank
telegram.me/Labzank