👆جواد دوشـی چابهار دُزدانی دستءَ دستءَ کُشگ بیتگ

ھکیم دشتی ءِ رند پداں

لَٹّے جتگ اَلی ءَ
بزاں لَگ اِتگ گُلی ءَ
بھرام ءِ مات لوٹ ایت
لال والا منگلّی ءَ

گُشتہ منا اَجُّک ءَ
بَڑّا بکن تو چُّک ءَ
آگاہ اِنت زیک ءُ دانی
تُرسینتگ زی نَبُّک ءَ

ھِنّیاں سِیرے مینیں
دستاں گُل ءِ رجینیں
کاسُل تو بَتّی ءَ زِیر
بُریں گنجُل ءَ رسینیں

ماھیگ نیست سُوریں
مرچاں پریج ءِ دؤریں
لالـو تو ماھوراں ریچ
دریا تِگِلم ءُ گوریں

لالو پیشوکانی

@Labzank
telegram.me/Labzank

بلوچـیءِ پارسـی ترزءَ گوش دارگ کرزایت👆👆

بلــوچی لچّھانی چیزے تھر ..👇

🎄دستونک...گزل

🌺جَوک...نزم...آزات

🍀پابند جْوک...دو دو کڑی

🌼پابند جْوک.... سَے ءُ سَے کڑی

🌸پاند جْوک...چار ءُ چار کڑی

🎄پابند جْوک...پنچ کڑی

🌸پابند جْوک...شش ءُ شش کڑی

🌹نازینک.. سالونک ءِ نازینگ

🌷پاکنازینک..ھُدا/دُرّیں مھتر ءِ نازینگ

🌾گیابان سوت..ڈیھی/گیدی

🌼سوت..نازینک ءِ بھرے پہ مردین گْوشاں

💐ھالو... کورگان وھد ءَ سالونک ءَ نازین انت ءُ ھالو گْوش انت

🌸لاڑو..لاڑو، زالبولی نازینک لاڑو

🍂موتک...مرتگیں مردُم ءِ واست ءَ موتک آرگ

🌲گلا... گیشتر پہ راجی مزن مرد/رھشوناں

🌳ساڑا..ساڑاھگ/توسیپ، سِپت ءِ بھرے

🍁ایرجن..ایرجَنَگ،کسے ءِ ھراب گْوشگ ماں لچّھکاری زُبان ءَ

🍃تکستّ لچّہ... کسے کہ ایر جت ماں لچّہ ءُ دو واری آئی ءَ گلا ئے، ھمیشی ءَ گْوش انت تکستّ لچّہ...

🎄تژنی لچّہ....

💐گیگان لچّہ...

🌻سانیٹ....

🌼ھائیکو...


🎋راج لچہ.. پہ راج پنت ءُ سوج

🎋جنگءُ مڑائی.. آشوبی، جنگانی کِسّہ

🌴ڈئیرو،لئیکو، ڈئیکو،.. لد ءُ بیدھانی تھر، پِلانی جنگلاں ڈئیکو جنت

💓زھیروک... ملک، دوستار ءِ ترانگ ءَ زھیروک جَنَگ

🏃 لیب لچّہ.. گْونڈوانی لیب ءِ لچّہ... انچیں گالانی کارمزری کہ آیاں بِزانت نیست بلے اڑل داتگ انت پہ گْونڈواں

🌻چار بند.. چار کڑی(رُباعی)

🌾زھگ لچہ... زھگانی پنت ءُ سوج ءِ واست ءَ

🌲مڑائی.. مڑادار، اے تھر ءَ لچّھکار گیشتر پہ وت کارمرز کنت پہ وتی شان ءُ مڑا ءَ.

🌹 سِپَت... کپتوکانی سر ماں ششگان ءَ سِپَت گْوشگ...


1:- *سِپَت*...
سِپَت بلوچ لبزانک ءِ یک جْوانیں تھرے ءُ اے بلوچ دودمان ءِ ھم یک جْوانیں ءُ کدیمی بھرے....
بلوچ دودمان ءَ وھدیکہ کپتوک پہ چُکّ ءَ کپتگ گُڑا آ دگہ زالبولاں پہ نوک ودی بوتگیں زھگ ءِ دُراہ ءُ سلامتی ءِ واست ءَ ماں شپ ءَ سِپَت جَتَگ.....
سِپت ءَ یکّ ءُ دو زالبول ھم گُٹّی ءَ جن انت ءُ پد ءَ آدگہ زالبول پسّہ دے اَنت........
کپتوکی سِپَت اے پیم بوتگ انت،


اولی گْوشوک👇
بی بی پاتُما واجہ ءِ جِنِک بیا ترا مِھمان کناں
پسّہ دیوک..جان ءُ سراں کُربان کناں

@Labzank
telegram.me/Labzank

@ رجانک @
منی زند، منی پَسنُد، منی جنجال ، منی ردی ،منی سَبک.
پہ منی بارہءَ گپ جنگ ءَ پیش وتی جنجالاں دلگوش کن.
منی زند تئی کِسہ ئے نہ اِنت کہ تَو گوں دگران درشان کن ئے.
رجانکّار اکبال ھاشمی

بتــلانـی پشــــدر

میــــروءَ گـــوں لـڑءَ گنـــــدیـں
بالگتر گـورانی چـراگ جـاہ انت

گُــش اَنت کـہ یـک دورےءَ بالگتــر سک بازسرسـبزءُ شـاداب بـوتگءُ ادءِ جاہ منند کشـتءُ کـشارءِ سـوبءَ وشءُ وشھـال بـوتگنت
ھمـا دورءَ میــرو نامیــں سکیــں بـے پـرواھیــں سـردارئے بوتگ آئیءَ وتـی ھمــے بـے پــروائیءِ سـوبءَ وتـی ڈیھءِ گہبــودءُ دیمــروئیءِ نیمـگا ھـچ دلگـوش گـور نـہ کتـگ
آئیءِ ھـمے بـے پـرواھیءِ بابـتءَ ھمـا دورءِ زانـوگرءُ کـواس یے مارتگ کـہ بالگــترءِ اے وشھالی شاھـد کہ تاں دیــرءَ ممانیـتءُ اے جوانیـں ڈیـھ زوت جنگلءُ گیابان یے بیت آئیءِ گپتـار،،میــروءَ گـوں لـڑءَ گندیـں بالگـتر گورانی چـراگ جاہ اِنت،،
چـہ ھدّءَ گیــش راست بوت آئیءِ ثبــوت ھمـے بتـل اِنت کـہ داں روچءِ مروچی لاپرواھیـں مـردمانی واستـہ کار مرز بوھگ اِنت
@Labzank
telegram.me/Labzank

😂😂وشکنـــــــد😂😂
یک بلوچے ءَ پھٹانے ءَ گُشت کہ تو نماز بوان من روچــے تراَ سد کلدار دیاں پھٹان ءَ داں ماھے ھمے وڑ کُت بزاں نمازءَ ماہ پیلو بوت پھٹان شُت بلوچ ءِ گور ءَ کہ منی زرّاں بدئے بلوچ ءَ گُشت تو نماز پہ وت ونتگ من پہ چے ءَ ترا زر بدیاں. پھٹان گُشت من ءَ وا پیسراَ تئی سرا شک بوتگ پمیشکا من بے دز نماز ءَ نماز ونتگ😀😀
@Labzank
telegram.me/Labzank

ما تـرا هانـی مدیسـتیں دْریگتیں
دل گـمءِ آسءَ مه کپتیں دْریگتـیں

دردءُ زهیراں یاتءُ گیراں چو مــنءَ
سیچنءِ پیمءَ مه سُپتـیں دریگتـیں

ما مه دات ایں پـه دپـی پچکندگـے
تو اوں مئےدل چو مه بُرتیں دریگتیں

مـردمءِ که رنجءُ زهیراں زندگ اِنـت
چِلّءُ چاردهءَ بـه مُـرتیں دریگتـیں

بیا بگنـد مرچـی سمیـن هم وشدل اَت
گم مه بیتیں، زهیر مه بیتیں دریگتیں

سمیـن کلمتـی

@Labzank
telegram.me/Labzank

بلـوچـی زبانءِ آسـر

بلوچـی زبانءِ آسـرءِ بابتءَ سیـد گُش اِیـت چـوشکه چـوشیں زبانـے که هزار سالانـی لگتمالـیءَ گارءُ بیگواه کرت نه کرت - مرچـی بلوچـی زبانءَ مزنیں منزلـے گواز کُتگ -
پمیشکا بلوچـی ادبءِ آسر الّمءَ چـو که ایدگه زنـدگیں زبانانـی ادب ئیگءَ گِهـ ءُ نگهـ اَنـت -
☀️☀️☀️

@Labzank
telegram.me/Labzank

لَچّه چی یـے؟

اے جستءِ یک تچکءُ هَملا سوهیں پسهےءِ شوهاز مردمءَ یک انچیں هنکینےءَ سر کنت ، شائر وتی هکیکتءُ راستیءَ شموشیت - اسلءَ نه بنی آدمءِ ارواهی زند اینچو سادگ انت ءُ نئیکه آئیءِ ازمـی درانگازی - جیڑگ انت که جست جوڑ بنت - جست رنگ زور انت ءُ ماناءِ ساهگءَ شوهاز انت -
مانا وتی هدّءُ چاگردءِ کِشکاں سپر کن انت
بس یک جنزے که ابدمان اِنت ، یک بدلی یـے که ساچان اِنت ، همے جنز ، همے سپر ، همے سرءُ پر لچّه اِنت -
اے سپر که هر جاگه اوشتات ............ لچّه وتی اُرداں پیچیت -

منیر مومن

@Labzank
telegram.me/Labzank

بیا بلوچـیءَ پاهازیں ، بلوچـیءَ هما اِزّتءَ دئیں که کرزیـت ئے - بلوچستانءَ اے وڑیں مـردم باز انـت که آهانـی علاقائی زبان دگر انـت ، بلئے آ بلوچ انـت - تو وتی علاقائی زبانءَ دوست بدار، آئیءِ دیما برگ جُهـدءَ به کن - بلئے وهـدے تو بلوچـے بئے گُڈا منـی تئی علاقائی زبانءَ چـه بلوچـی مستر بیـت ، پرچا کـه آ مارا چـه علاقهءَ کش ایت ءُ مُلکـی کنت ، راجـی کنتءُ بلوچ کنت -

ڈاکٹر هنیپ شریپ
@Labzank
telegram.me/Labzank

کج کجے بیت چو چاردهـی ماهءَ
دنت ترا درواهـی بیا منـی جاهءَ
دراج مکـن گامـگیجاں پمـا راهءَ
سَد شَپاں یک روچے کپ ئے چاهءَ
چوٹو ءُ ریش ماں دست ءِ بدواهءَ
تـو هـزار اپسـوز وَرئـے رنــدءَ
پُـرشتگـیں دسـت هچ نئیت بنـدءَ

مُلّا پازُل

@Labzank
telegram.me/Labzank

عطاشادءُ کریـم دشتـی ئے ادبـی بستار

گْوستگیں مردمانـی تها عطا شادءُ کریم دشتـی هما کس اَنـت که آهانـی هر نبشتانکےءَ وان ئے سما بیت که ایشاں چندیں هنچیں هم گپ جتگ که اگاں مروچیگیں نـدکاراں شریں رنگےءَ به ونتین اَنـت آهاں شعرءُ آدبءِ باروا سنگینیں زانتکاری یـے دست کپتگ اَت -

☀️☀️اُستاد اے آر داد☀️☀️

@Labzank
telegram.me/Labzank

دانک

☀️ وتی رنگءَ چو روچءِ رنگءَ بکن ترا ساهگ گندگءَ نئیت - (هیلن کیلر)

☀️ زنـد یک گوهر کیمتی یـے اگاں ایشیءَ به تراش ئے گُڑا کارءَ کئیت - ( جارج بر نارڈشا)

☀️ انسانءِ مستریں نزوری آئیءِ دْروگیں ستا انت

@Labzank
telegram.me/Labzank

احمـد نثار

دل گُشیـت دائـم ڈوبار وتیـگاں
په مـن کتگ انچیں کار وتیگاں

دگـه گـوں کسءَ نـه بیتـیں گِلّه
منـی آستونکءِ ته ءِ مار وتیگاں

بِلے چاراں دژمـن هـر روچ نـداره
دل گُشیـت آس مانـدار وتیـگاں

وشیاں دائـم تئی همـراه اِتاں
کجاں سکیاں بـرو بیار وتیـگاں

دگـر ءَ رنـد ءَ بُگـش تـو نثـار
یک بـرے ایباں بچـار وتیـگاں

@Labzank
telegram.me/Labzank

بتل

☀️ جت ءِ کَول مولد ءِ دوراھیاں مہ نِند

☀️ تاسءِ آپ ور سد سال وپا کـن

☀️ مار جوگیءِ یار نه بیت
سیاه پـه شُودگ شار نه بیت

☀️ چم نه گِنداِیت ، دل نلوٹ ایت

☀️ همراه همراهءِ بیرگیں چـمّ اِنـت

☀️ روگنءِ بازیءَ کس هرءِ لاپءَ چرپ نه کنت

☀️ دیوان په مرداں وش انتءُ بار په لیڑهاں

☀️ گپّءَ هُدائی بکن لَٹّءَ په براتءَ بور

@Labzank
telegram.me/Labzank

@ھاشمی آمڑ@
#سِندی ءِ سول#
لالو منی میتگی مردمے, ءُ لالو ءِ میتگ چہَ بازارءَ (مارکیٹ )کِساس یک کلومیٹرے دور اِنت.
لالو سہبءِ ششءَ چَہ وابءَ کئیت داں شپءِ ھپتءَ شانزدہ ترّاپ دنت بازارءَ.
لالوءَ ھر وھد تو گِندے موترےءَ سوار اِنت بازارءَ رَوگ ایں یا چہَ بازار ءَ میتگءَ پیداگ ایں,
پاداں بِہ نہ رَوت.
روڈ سرا اوشتاتگ موتراں دست دنت ءُ رَوت ءُ کئیت, چو نزانت کہ موتر پیسرا دو پُشتگ اِنت , چُک ءُ جنین گون اِنت یا کہ سامان ءُ بُچّے بلے لالو المءَ دست دنت.
یک روچے لالو روڈ سرا اوشتوک بیت پہ بازار رَوگءَ گُد والا پٹانے گوں موترا رَوک بیت ءُ لالو دست دنت, پٹان اوشت ایت کہ بلکیں گراکے جوڑائے گُد زیر اِیت, بلے پٹّان ءِ اوشتگ ءُ لالوءِ کُپ کنگ پٹانءِ گُدانی سرا نِندگ,
پٹان گوش اِیت کہ ایرا گُدانی سرا مہ نِند, من گوشتگ زاناں تَو گُد زیرے من داشتگ من ترا اینچو گُدءَ گوں زُرت نہ کن آں, بلے لالو ھما نا سرپدیں لالو, لالو گوش ایت کہ تَو کہ پہ منءَ داشتگ من ایر نہ کپ آں, منءَ بازارءَ رَسین.
اے ھمدا جر ءُ باسا بنت کہ یک سندی ئے گوں موترا کئیت دار ایت اِشاں جُست کنت کہ شُما چیءَ اڑتگ ات. لالو وتی گپاں جنت ایت. پٹان وتی درداں گوش ایت.
گُڑا سِندی گوش اِیت کہ من شمے سولءَ (پیسلہءَ ) کن آں شمارا کبول اِنت. پٹان ءُ لالو ھر دوئیں گوش انت کہ ھَو مارا کبول اِنت.
سِندی گوش اِیت ءُ پٹان اے مرد کماشے ءُ تو اوں بزّگے کہ گوشے سھتے بیت کہ اے گوں من اڑتگ.
تو گُداں ھمداں ایر کن ءُ
اے کماشءَ زیر بر بازارءَ سر کن بیا . من چہ تئی بزگیءَ تئی گورا دو جوڑا گُد نگدی زیراں.
پٹان ءُ لالو دوئیں گَل بنت کہ شریں سولے بیتگ.
پٹان گُداں ایر کنت ءُ لالوءَ رسین ایت بازارءَ کئیت چار ایت نہ سِندی ھمدیں ناں مبی گُد زاھر انت.
مروچی چار سال گوستگ پٹان سِندیءَ شوھاز اِنت بلے سِندی پٹانءَ دست نہ کپ ایت.
ءُ لالو گِند ایت کہ روڈ سرا اوشتاتگ بلے لالوءَ نہ چار ایت ءُ گوز ایت.
اکبال ھاشمی

آسءُ هاکشانـی اِنت گریوگءُ زاری اِنـت چے نبشته کناں
هـر چهـار نـیـمـگا بزّگی واری اِنــت چے نبشته کناں

آزمـان ءَ سـر انـت آ دگـه راج گوں وانـگ ءُ زانـگ ءَ
پـه بلوچـاں مُـدام گـژن ءُ بیمـاری انـت چے نبشته کناں

انچـیں باریگـے اتکه منـی بُنـدر ءَ کـس کسئیگـی نه انت
هرکس بے هاجت انت هرکس بیزاری انت چے نبشته کناں

راجءِ ورناه که باندات ءِ اُوسـت انت وتی جندءِ سُدّءَ نه انت
کشّیت تریاک جان ءَ چـه بیـزاری اِنـت چے نبشته کناں

کازی بلّے تـو آڈالءُ ابدالےءِ پُـوچکـے بستـار تئی
سـر کتاباں بلے نام تئـی ساری انـت چے نبشته کناں

مُبـارک قاضی
@Labzank
telegram.me/Labzank

دستونک .. خالق ارمان

شِیرَگیں ترانگے مَلارینتہ
وارتہ تریاک زہر مارینتہ

بِرانز مانپوش اِتگ گَیابانءَ
کُوچگاں آس ملگُزارینتہ

جندءِ وت واجہی ءُ سرداری
دستِ بدواہاں برات وارینتہ

گار ہرکس وتی پداں جند ءِ
شہر دنز ءُ مُجاں گُبارینتہ

ما پہ سمّو گنوگ،مَست ءُ مَلنگ
عشق ءِ ارواہ ءَ بَنگ چارینتہ

بیاکہ زیبائیں جَنگے ءَ مرچاں
دُراہیں بازار سرمَچارینتہ

وہد ءِ زانِشت پَہمِتہ ارمان
نِشتہ تگران ءَ ہَر نہ چارینتہ

@Labzank
telegram.me/Labzank