آسءُ هاکشانـی اِنت گریوگءُ زاری اِنـت چے نبشته کناں
هـر چهـار نـیـمـگا بزّگی واری اِنــت چے نبشته کناں

آزمـان ءَ سـر انـت آ دگـه راج گوں وانـگ ءُ زانـگ ءَ
پـه بلوچـاں مُـدام گـژن ءُ بیمـاری انـت چے نبشته کناں

انچـیں باریگـے اتکه منـی بُنـدر ءَ کـس کسئیگـی نه انت
هرکس بے هاجت انت هرکس بیزاری انت چے نبشته کناں

راجءِ ورناه که باندات ءِ اُوسـت انت وتی جندءِ سُدّءَ نه انت
کشّیت تریاک جان ءَ چـه بیـزاری اِنـت چے نبشته کناں

کازی بلّے تـو آڈالءُ ابدالےءِ پُـوچکـے بستـار تئی
سـر کتاباں بلے نام تئـی ساری انـت چے نبشته کناں

مُبـارک کازی

@Labzank
telegram.me/Labzank

سـید هاشمـی
بلوچـیءِ لسان الغیب
نبشته واجه صبا دشتیاری

لهتے روچ هبر اِنـت که سیـدءِ گالانـی دپتـر '' شکلیں شهجو'' ءَ من گالے شوهاز کنگءَ اِت آں گُڑا مے مزن شاهدربرجاهءِ یک ورنایـے که ایران شهرءِ مردم ات - منـی کارگسءَ اَتک - وانگی یے که منـی دسـتءَ دیست گُڑا پُرس اِت ئے که مـن چے کنگءَ آں - مـن گُشت که سیـدءِ یک گالے شوهازءَ آں - همینچکءَ همـے گال مـن شوهاز کُـت - ورناهءَ گُشت که په مـن بوان ئے گال ایش ات -

میار اَنت لنجیں زرانی مرادءِ مروارد...
چتور اوستءُ اُمیتانی پتّرءَ پیچاں

ورناهءَ گُشـت واجه ایشیءَ کمے گیشواری '' تشریح'' ءَ نه کن ئے - من کوشست کُـت گند آں ورناهءِ چمّانـی رُژن گیش بوان اِنـت - منءَ گُشت ئے واجه منّـت وار باں اگاں تیوگیں دستونکءَ په مـن بوانءُ تشریح ئے به کن ئے - مـن پدا کوشست کُت - ورناهءِ هُـب هنچو گیش بوت که دو سے دگه دستونک ئے وانگ پرماتءُ گیشواری پرمات ئے - دستونکءِ هزار دَروَریں گِسد گْواراں چه لاکوٹـے که پُر کُت گُڑا گُشت ئے واجه بلا شکءُ گمان سیـد هاشمـی بلوچـی زبانءِ '' لسان الغیب '' اِنـت -

اے یک دلپاکیں ورنایـےءِ که دلءِ راستـیں توار اَت -
☀️☀️☀️

☀️☀️☀️☀️☀️☀️☀️
@Labzank
telegram.me/Labzank

‌(هندوستانی بتل)

پہ پـوشاکءِ بدل کنگءَ زات بدل نہ بیـت

@Labzank
telegram.me/Labzank

منارا بڑ اِتگ دردانگیں جنّکی ءَ
بلاھیں پاچنے داتگ پہ یک شنِّکی ءَ

من نشتگاں کدی کائے ترا بچاراں من
تو لالو تُرسگ ئے پہ گَرّی ئیں کُچِّکی ءَ

@Labzank
telegram.me/Labzank

*دلگوش *

چیزیں سرپدی پہ دیوان ءِ سنگتاں

1 بالاچ گورگیج ءِ پت ءِ نام حسن گورگیج بوتگ
2 نقیبو بالاچ گورگیج ءَ کُشتگ
3 دادشاہ ءِ پت نام کمال بوتگ
4 دادشاہ مات ءِ نیمگ ءَ کُہداھی ءُ پت ءِ نیمگ ءَ مبارک ٹک ءَ چے بوتگ
5 دادشاہ 1970 1 اکتوبرءَ شہید کنگ بوتگ
6 میر چاکر خان رند1525 بیران بوتگ
7 گوک پروش ءِجنگ 30 جنوری ءَ بوتگ
9 شہید رحیم زردکوہی 26 دسمبر 1980 شہید کنگ بوتگ
10 مکران ءِ کہنیں نام ماگان بوتگ
11 شے مرید ءِ اصلی نام پیربخش بوتگ
12 حمل جیَہند ءِ بوجیگ ءِ نام شاگ بوتگ
13 میر کبر ءِ پت ءِنام رہَیس سلیمان بوتگ
14 عطاشاد ءِپت نام لعل خان بوتگ
15 چاکر کولواہی آدینگ گنگو ءَ کُشتگ
16 عطاشاد ءِ اصلی نام محمد اسحاق بوتگ
17 عطاشاد 1939 ءَ ودی بوتگ
18 سیمک ءُ نتھا نرمک ءِ مردُم بوتگ انت
19 درویش ءُ بیگم کیچ ءِ مردم بوتگ انت
@Labzank
telegram.me/Labzank

☄مَلّیں مَتُرس☄؛؛؛


بلوچ راج چہ دنیاءِدِلیرءُسانڈءُسرمچارتِریں راجاں یک راجے-آئی ءِسانڈیءُسرمچاریءِکسّہءُ
داستان،ماں دنیاءِراجدپتراں نکشءُنمیران اِنت زوراکیں راج اَنت ھزاررَندبلوچ راج چُکچین کتگ،لکّ برءَچوگبّیں گندیمءَبُش کُتگ،چوکڑبّ ئیگءَڈَل اِتگ بلےگارءُناموران اِش کُت نہ کتگ پدءَتُرکّ اِتگءُٹومب اِتگءُچورک ےءِ جتگ آئیءِ"مَلّیں مَتُرس"ھردورءُزمانگءَوتی بےوسیں راجءِپاسپان بوتگ انت پہ وتی لجّءُگیرتءُمیْاراَنت سراِش دوست نہ داشتگ،ھزارانی ھزارشیرزالیں ماتانی کُنگُریں بچّ پہ وتی راجءُگُلزمینءَندْربوتگ انت

***بلوچی زبانءِمزن نامیں لچّہ کارمُلاابابگرکلمتی؛؛

گچین:مُلاپازُل
@Labzank
telegram.me/Labzank

دُریں دانک

☀️ علم یک هنچیں پُلّے اگاں آ هـر چی پچ بیـت آ همینچو وشبو آتار کنـت -

☀️ مه چار که کئے اِنـت به چار که چه گُش ایـت

☀️ توبه کنگ ارزان انـت بلے بـدیءِ یله کنگ گران اِنـت

☀️ راستءُ تچکیں مردم وشءُ نه تُرسوک بنـت

☀️ گپءَ کیاس کنءُ به گُش

☀️ علم دلءَ هنچو زندگ کنـت چـو که هـور زمینءَ آباد کنـت

@Labzank
telegram.me/Labzank

وشکنـد

چُک : - امّاں مـنءَ تو وانگجاهءَ چـیءَ راه دئے ؟

مات : - منـی زهگ ترا انسانے جـوڑ بوگـی انـت -

چُک : - ( گوں بزّگیءَ) بله اُستاد مـنءَ هر روچ مُرگا جـوڑ کنـت😄😄😄
@Labzank
telegram.me/Labzank

بتل

☀️ پُـرشتگیں باسک نئیت دو بر بنـدءَ

☀️ په دپءِ وش آتکءَ جَـن کسـی یار نه بیـت

☀️ پادءِ پکیر لنگ نه انـت
مُلک هُـدا تنگ نه انـت

☀️ پیر مرداں مـن کپتگ آں جـوگـی
مـن دلبریں ورنایـے نه باں نوکـی

☀️ په مُورءَ شپءِ نمـب توپانے

☀️ په کوریں چمّءَ پِٹّے ارس باز انت

@Labzank
telegram.me/Labzank

پَسے کہ چُک میاریت چُشیں پَس ءَ را سُوچ
مہ وارت کایاں مہ چاریت چُشیں پَس ءَ را سُوچ

مُدام مَنجل ءُ تِیچاں اگاں گُلائیش اِنت
چو گُوک ءِ پیما بے بانریت چُشیں پَس ءَ را سُوچ

لالـو پیشوکانی

@Labzank
telegram.me/Labzank

اے وھدی بلوچی زبان کہ ماں تازی سیاھگ ءَ نبیسگ بیگ ءَ اِنت ایشی ءِ پشت کپتگیں نزوریانی گرگ ءَ کارے کنگ المی اِنت ۔

چوش کہ

شیر ۔ رستر
شیر ۔ پستان داریں ساھدارانی

دُور ۔ درد
دُور ۔ چیزے کہ نزیک مہ بیت ۔

نوشتہ ۔ چَوٹ ءِ تہ ءَ و ءِ توار ve گونگیں توار ۔

براھوی ءِ سئے ٹکی لام ۔

اے درگت ءَ ما وتی یونیکوڈ فونٹ ءِ تہ ءَ ۔ اے دگریاں ھوار کنگ لوٹ اِیں ، پہ چوشیں گالے ءَ وتی شور ءُ سوج ءَ بہ دئے اِت ۔

جھل ءَ لھتے دگریاں بہ چار اِت ۔

شیر ۔ رستر
شێر ۔

دُور ۔ درد
دۆر ۔چیزے کہ نزیک مہ بیت

براھوی لام : ڷ

و ۔ ve

نۏشتہ ۔ چۏٹ ۔

کازی ریهان

@Labzank
telegram.me/Labzank

ھروچ ترانگء_ نوک بیتگ
بنجاھا پسو گوک بیتگ
وشگوٹا منی بازارے
نازیتگ امل پہ رنگے
ھورا شزنتگ لحم لحمء-
کیٹگ بے حساب تالانء-
ھو ﮈے وشے تا پیشی دور
موسماں اتکا بشی ھور

@Labzank
telegram.me/Labzank

عکس از بسام بسمل

نَـدر پـہ اُسـتادکمـالان ءِ نـام ءَ

وش گُشّیں تُـوتـی لِسـانے جمـبراں بیـت

مَھـکانے شـِنگ ءُ تـالاں اَمبـراں بیـت

راجـی داسـتان ءَ کَنـیں بیـا نوک من تو

نیست دِگـہ بیت چـو کـمالان کمبراں بیت

مُشکـلیں مَـٹّ ءَ بِگِـند اِیت تئـی زمـانگ

نامے کْوھنیں مرچی نوکیں دپتراں بیت

پُلّیں نامے آزمـان ءَ گـولَگ ءَ دیسـت

چہ سـَراں چے بُـرز اَنچـو آ سَراں بیت

ھَلک ءِ کُوکُوھیں کـپوت مرچاں نہ نالاں

شوانَگے نشت ءَ ھم دِیر ءَ کہ زَراں بیت

نـود ساچانیں مَـروچ اِے مِھر ءِ دیـوان

ماھے مرچی دَرکپـان بیت مھـپراں بیت

تئـی سـَتا ءَ پـازُل ءُ مُـلاّ یے لـوٹ ایـت

راھے اَنچیں عـابـد ءَ گوں دَمـبراں بیت

ابـراھیـم عـابـد امـیری چھـبار
🌴 کــــورُشـــیں گــــال 🌴
لبـزانکـی مجلـس کلمتـی کـاروان.

یـک بادشاه یےءَ یـک روچـے وتـی دربارءَ یـک شاعـرے لوٹائینتءُ شعرے ونـت ئے - شاعـرءَ گُشـت بادشاه سلامـت تئی شعرءَ وزن نیست -
بادشاهءَ گُشت بروات ایشیءَ را جیلءَ(زندان) بنـد کن اِت وت وزن ئے کیـت -
شاعر دو سَے روچءَ بنـد بوت پـدءَ بادشاهءَ لوٹائینتءُ شعرے ونـت - شاعـر زُنڈکائی روگءَ لگّ اِت بادشاهءَ گُشت : هاں کجا روگـے؟

شاعرءَ پسّـو دات : پـدءَ جیلءَ (زندان)

@Labzank
telegram.me/Labzank

تـگرد گْوپـی : تگرد بزاں بلوچءِ لوگءِ چیر گیجءُ براه اِنـت - تگـردءَ ابیـد بلوچ راجءِ دودءُ ربیدگ نا سرجـم گِندگءَ کیت - تگرد جوڈ کنگ باز جنجالیں کارے - ایشـی جوڈ کنگ واستا پِیشّ بُرّگ لوٹیت - پیشّ بُرّگءَ پـد اے بُرّ اِتگیں پِیشّ پِڈ کنگ بنت وهـدے که پِیشّانـی پِـڈ کنگ سرجـم بیـت گُڑا نوں تگرد گوپگ بندات بیـت - تگرد چار وڈا جوڈ کنگ بیـت - سچکان ، اُستنکان ، گوانزگ گْواپءُ دو کرنیں چوٹ گواپ - اے دو کرنیں چوٹ گواپءِ تها که وهدے پَسءِ رِستگیں مُود که مان کشگّ بیـت گُڑا اے سک باز براه دارءُ جلواناک بیت -

@Labzank
telegram.me/Labzank

ترانگاں دوست ءِ کپاں دل شاد بیت
دل منی گیمرتگیں آباد بیت

اے جہان بازار ءُ گونڈیں میتگے
الم ءَ گوں من سمین ءِ نیاد بیت

کپتگیں وھدءِ سلام ءَ کے بروت
کے گریب ایں درتہ پچ ءِ سیاد بیت

زندگی اوستانی براھے پرُشتگیں
زندگی مرگ ءَ چہ پد آزاد بیت

نشتگ ءِ امبرے ءَ گوں ھالک گل ءَ
اھو من ءَ یاتیں ترا اوں یاد بیت
ھالک گلُ
@Labzank
telegram.me/Labzank

بتل

☀️ چـو که مـن میروءِ لُـڑءَ گنداں ، بالگتر بورانـی چراگ جاه اِنـت.

☀️ وپتگیں مـرد مِیش نَـر کار اِیـت.

☀️ کار نه انـت کْواروکیں کْوانٹانـی ، باراں جونگیں لیڑو زیر انت.

☀️ مـن دل وتـی په مِهلبیں نوداں وش کُتگ - نود بُرّ اَنـت ءُ جنـد منـی تاهاپءَ کپ اِیت .

☀️ شَپءَ گوش پِرءُ روچءَ زبان .

☀️ نانءِ دیگ سکّ اِنـت بلے سلاهءِ جنگ هک اِنـت .

☀️ نوک کِیسگءِ وامءَ مه زیر ، ماں دیر سریں کورءَ مدار .

@Labzank
telegram.me/Labzank

،، منیر مؤمنءِ نوکیں لچہ،،

*سریچک*
____________________
اگں سریچکاں ھَــبر بہ کُــتیں

مردم سک پاشک بوتگ اَت

منیءُ وتی گواچنءَ زانَگ لوٹ ئے

گُڑا سریچکے تیر بجن

ءُ پدا۔۔۔۔

ندارہ بکن کہ مہلوک

میّت ءَ کئی مانشءَ ایر دنت

۔۔۔۔

گندئے سریچک بہ لَڈّنت

مئے وڑیں بازینے دَراں ڈیہہ بیت۔

@Labzank
telegram.me/Labzank

گوشکند 😀😀

یک سردارے ءَ شرارتی ئیں پیشّی یے ھست اَت کہ سردار ءِ نپس پونز ءِ رسینتگ اَت
سردار ءَ وتی پیشّی زرت کہ دگہ جاگھے یلہ ئِے کن آں.
سردار کہ لوگ ءَ رس اِت دیست ئِے پیشّی چہ من ءَ پیسر آتکگ.
پدا پیشّی ئِے زرت ءُ دگہ نیمگے بُرت ئِے.
ءُ پدا َ لوگ ءَ فون ئِے جت کہ پیشّی آتکگ یا ناں? 😀
گوشت اِش کہ ھَو آتکگ.

گْوشت ئِے:
اے شومّ ءَ بہ گْوش بیا من ءَ بر
من راہ گار کتگ.

😀😀😀😂
@Labzank
telegram.me/Labzank