چاچ

☀️ کیچاں کیچر و ماماءِ شِنک
بوجان ئے مِرایت
بندان ئے چَرایت
( کُوٹگ)

☀️ بانور چه کُلءَ در کپیت کُلیں جهان روژناه بیـت
(ماه)

☀️ کُٹیں بُزُک کُٹیں شِنک ، وپتگ کرودءِ ساهگءَ ، گپتگ دو پادیں تولگءَ ، هون ئے ماں تلارءَ رتکگ انت ، ماه ئیں جَنِکءَ رُپتگ انت ، پیریں پتءِ شام بیتگ انت ، مهمان ئے هُشکءَ نشتگ انت
( بینگ )

☀️ بُزرءَ کاهءُ کاه دان اِنت ، جهلءَ آپءُ آپ دان اِنت
( چلیم )
☀️ سُهر سُهر انت چو آسءَ ، هَرّگ هَرّگ انت چو داسءَ
( کُروس تاج )

@Labzank
telegram.me/Labzank

وشـکنـد !!

یک مردے شربت والاءِ گورءَ اوشتاتءُ گُشگءَ لگّ اِت - مـنءَ شرّیں شربت جوڑ کن بـدئے که مـنءَ گوں کسےءَ مِڑگـی اِنـت -
شربت والاءَ وڑ وڑیں شربت جوڈ کتءُ آئیءَ را وارینت - گُڈّیءَ شربت والاءَ آئیءَ را جست کُت تو زاناں گوں کئےءَ جنگ کن ئے ؟ اینچو شربت ورگءَ ئے...؟

آئیءَ پسو دات - مـن گوں تو جنگ کن آں چیا که مـنءَ زرّ گون نیست -😄😄

☀️☀️☀️

@Labzank
telegram.me/Labzank

گوهریں دانـک

☀️ زنـدگـی یک وش رنگءُ بـے نهادیں کتابـے بلے باز کم مردم ایشیءِ وانگءَ زانـت -

☀️ بُزدلءُ لگور باز رنـدءَ مِـر اِیت بلے بهادرءُ تمرد یک رنـدے -

☀️ وتـی کردءَ هنچو به کـن که دومـی مـردمءَ وشـیءُ نـپ به رس اِیـت -

☀️ اگاں یکےءِ هیال شر بنـت آ هچبر ابیتکءُ تهنا نه بیت -

☀️ اگاں تئـی تهءَ شرّیں کِرد هست ته آهاں ڈنّءَ در بکن - دانکه تی پجّار به بیت پرچا که پُلّ چه وتـی وشبوءَ زانگ بیـت -

🌸🌸🌸

@Labzank
telegram.me/Labzank

گیدی کسّھے

,,ولی م ولی,,
,, نیکی ءَ نیکی نیکی ءَ بدی ,,

یک روچے مردے پیادگ گیابانے ءَ رَوَگ ءَ اَت کہ دیتّ ئِے درچکے بُن گپتگ ءُ سُچَگ ءَ اِنت!
مرد وھدے کہ نزّیک شُت گند ایت کہ مارے ھمے آس ءِ توک ءَ اِنت ءُ چہ آس ءَ در آیگ راہ ئِے نیست ءُ چیزّے پشت نہ کپتگ کہ بہ سُچ ایت ، اے مرد ءَ بزّگ کَیت ءُ وتی دست لَٹ ءَ آس ءِ توک ءَ راہ دنت مار اِشتاپ اشتاپ ءَ وت ءَ مرد ءِ ھیزران ءَ پیچ ایت ءُ مرد مار ءَ گوں وتی دست لَٹّ ,,ھیزران ,,ءَ چہ آس ءَ کشّ ایت ءُ یک کِرّے وتی ھیزران ءَ سُرین ایت ءُ چنڈ ایت کہ مار ایر بہ کپ ایت ءُ بہ رَوت بلے مار ایر کپگ ءِ بدل ءَ دیم پہ مرد ءِ دست ءَ رھادگ گیپت ءُ پہ مرد ءِ نیش جَنَگ ءَ وتی سر ءَ چست کنت !
مرد پہ ھبکّھی گْوش ایت ھاں مزنیں مرد چے کنگ ءَ ئے من ترا چہ آس ءَ در کت ءُ نیکی یے کت! نیکی بدل ھمیش اِنت ؟
مار ءَ گْوشت ھَو زاناں تو نہ زان ئے کہ نیکی ءَ بدی !
مرد ءَ گْوشت چو نہ اِنت من اِشکتگ نیکی ءَ نیکی!
مار پہ نہ منّگ ءُ مرد پہ منّواری گُڈ سر ءَ شَور ھمے بیت کہ دگہ دوسے پھکدل ءَ جست بہ کن اَنت ، مار ءَ گْوشت پرواہ نیست بلے اِشتاپ کن کہ من وتی زھران ریچ آں ،
ھنچوش کہ مار ءَ وت ءَ مرد ءِ ھیزران ءَ پیتکگ اَت برزاد بیت اَنت ، یک ساپ ءُ سَلّھیں چمّگے دیت اِش کہ سارت ءُ روشنائیں آپے در آیگ ءَ اَت ؛
چَمّگ ءِ سر ءَ اوشتات اَنت مرد ءَ چہ چمّگ ءَ جست کت کہ چَمّگ نیکی ءَ نیکی نیکی ءَ بدی چَمّگ ءَ بے ھیش توت ءَ جْواب دات: نیکی ءَ بدی کے ءَ گْوشتگ کہ نیکی ءَ نیکی! مار ءَ سر ٹِنگر اینت ءُ پہ مرد ءِ جَنَگ ءَ آھیزگ بیت مرد ءَ گْوشت مار تو کمّے دل ءَ بہ دار ،
چَمّگ چتور نیکی ءَ بدی ؟
چمّگ ءَ گْوشت شما آ درچک ءِ پشت ءَ اَندیم بہ بَہ اِت ءُ بہ چار اِت ،
مار ءُ مرد نشت اَنت تاں یک رھگْوزے آتک گَرم ءَ سکّ تَورینتگ اَت ءُ تُنّ ءَ ھلاھوش کتگ اَت ھمے کہ مرد ءِ چمّ پہ چمّگ ءِ آپ ءَ کپت اَنت شگرے گپت ئِے ءُ چمّگ ءِ کِرّ ءَ نشت چہ سیر ءَ آپ وارت ئِے ءُ وتی آپداری ئِے پُرّ کت رند ءَ وتی دیم ئِے شُشت ءُ ھید ئِے ھوشینت اَنت رَوَگ وھد ءَ رھگْوزی مرد ءَ وت سْواساں مان دات ءُ پاد ئِے شُشت اَنت ءُ وتی دماگ ئِے سپا کُت اَنت ءُ گُلگلے جت ئِے ءُ چَمّگ ءِ سپائیں آپ ئِے سِلّ ءُ بے پلگار کُت ءُ پشت ئِے مان دات ءُ شُت!
چَمّگ ءَ مرد ءُ مار توار کت اَنت ءُ گْوشت ئِے شما وت دیت دگہ منی گْوشگ ءِ ھاجتے نیست مرد ءَ گْوشت ھَو ما اے رھگْوز ءِ نامردی دیت !
مار ءَ سر چست کت ءُ گْوشت ئِے واجہ منی وھد ءَ زوال مہ کن کہ من ءَ اِشتاپ اِنت!
مرد ءَ گْوشت تو کمّے اوپار بہ کن دگرے جست کن ایں مار ءَ گْوشت پَرواہ نیست بلے رند ءَ دگہ اینگُر ءُ آنگُر مہ کن ،
کمّے آ کشتر شت اَنت مزنیں کنرے گوں بَزیں ساھگے ، مرد ءَ گْوشت کُنر تو بلاھیں درچکے یے ءُ تئی ساھگ ءَ بازیں سُھل ءُ ترانی دیوان بیتگ مارا جستے ھست اُمیت اِنت کہ تو مئے جْواب ء َپہ الّمی دات کن ئے ؛
کُنر ءَ وتی سر چنڈ اینت ءُ گْوشت ئِے جست کن اِت ،
مرد ءَ گْوشت کُنر نیکی ءَ نیکی یا نیکی ءَ بدی ؟؟
کُنر ءَ ٹھکے جت ءُ درّائینت نیکی ءَ بدی کے ءَ گْوشتگ نیکی ءَ نیکی!!
مار چست بیت پہ مرد ءِ جَنَگ ءَ مرد ءَ گْوشت:
مار جان تو کمّے دل ءَ دار بِلّے کُنر وتی گپّ ءَ ھلاس کنت ،
کُنر ءَ گْوشت شما وت ءَ دیر بہ دار اِت ءُ بہ چار اِت.
مرد گوں مار ءَ دْرَچکے پشت ءَ چیر ٹَپّ اِت اَنت تاں باریں چے بیت ؟
شُپانکےگرم ءَ جتگ ، ھید ءَ میسّ اتگ ءُ چَہ شُد ءَ شپانک ءِ چمّ سْیہ تَرّ اِتگ اَنت ،
وھدے کہ شپانک ءِ چمّ پہ کنر ءَ ءُ کنر ءِ ساھگ ءَ کپت اَنت باز رازیگ بیت شپانک آتک کنر ءِ ساھگ ءَ نشت دم ئِے ساسارت ءُ کنر ءِ چیر ءَ بازیں کُنرے رتکگ اَت شپانک ءَ شر چت ءُ وارت ءُ پیلَکے شپانک ءَ گون اَت چہ کنر ءِ بَراں پُرّ ئِے کت ءُ کَمّے وَپت ءُ پد ءَ پاد آتک ءُ گوں وتی ٹالبُرّیں تَپر ءَ کُنر ءِ شاہ ئِے بُرّ اِت اَنت رَمگ ءِ دیم ءَ دات اَنت ،
اے نِدارہ مار ءَ ءُ مرد ءَ دیت اَنت کُنر ءِ گویاک بند بیت ءُ چہ شپانک ءِ بدیاں کنر ءَ ھچ گْوشت نہ کت،
مار پہ جزم پاد آتک ءُ گوں مرد ءَ گْوشت ئِے دگہ ھچ اِلّام میار پَدّر اِنت کہ من سوبین بیتگ آں مرد ءَ گوں لَپزوکیں گالوارے گْوشت ھَو تو سوبین بیت ئے بلے من ءَ یک دزبندی یے ھست ھمینچک اوپار بہ کن تاں من یکّے بہ گندان ءُ پہ وتی چورئیں چُکّاں کُلوھے دیم بہ دے آن ءُ وتی چُکّاں بہ گْوش آں کہ نیکی ءَ بدی تاں بہ زان اَنت ءُ منی پیم ءَ رد مہ کپ اَنت!
ھمے دمان ءَ روباھے مَلّان ءَ آتک ءُ رس اِت مار ءَ روباہ توار کُت ءُ گْوشت ئِے بیا اے مرد ءِ پیگاماں ببر ، روباہ نزّیک ءَ آتک ءُ دروت ءُ دْرھباتے ءَ رند جست ئِے کت گپّ بہ جن اِت مرد ءَ گْوشت واجہ روباہ من اے مار چہ آس ءَ در کتگ ءُ چہ سُچَگ ءَ نجات داتگ ھنّی مار منی سر ءَ بلاہ ھدا اِنت کہ من ءَ ڈنگ بہ جنت ءُ گْوش ایت نیکی ءَ بدی ،
م

ار ءَ گْوشت روباہ تو بہ گْوش نیکی ءَ نیکی ، نیکی ءَ بدی! روباہ ءَ گْوشت نیکی ءَ نیکی یا نیکی ءَ بدی بلے گپّ اش اِنت کہ من ءَ شمئے کسّہ ءِ سر ءَ شکّ ھست !
چتور مرد تو مار چہ آس ءَ کشّ اِت ءُ ترا ھچ نہ بیت ءُ مار ءَ ھم آس ءُ سوچک ءِ پد پر نیست ،
مرد ءَ گْوشت باور کن من چہ آس ءَ کشّ اتگ بلے روباہ ءَ نہ مَنّ اِت ءُ گْوشت ئِے من تاں گوں وتی دیدگاں مہ گند آں من چشیں شَر نہ جن آں ،
روباہ ءَ آسے روک کت ءُ گْوشت ئِے مار آس ءَ بہ رَوت ءُ تو گوں وتی دست لَٹّ ءَ مار ءَ چہ آس ءَ بہ کشّ ،
باریں تو چتور مار چہ آس ءَ در کتگ ؟
وھدے کہ مار شُت آس توک ءَ روباہ ءَ چپ ءُ چاگِرد ءَ آس مانداشت مرد ءَ وتی ھیزران تچک کت ءُ دلمانگ اَت کہ مار ءَ چہ آس ءَ بہ کشّ ایت کہ روباہ ءَ مرد مہ کن کت ءُ گْوشت ئِے بل کہ سُچ ایت سرجمیں روچے تئی سر ءَ ٹِلّہ اِنت پد ءَ چہ آس ءَ در ئِے کن ئے ؟
مرد من زان آں کہ نیکی ءَ بدی بلے من ءَ پتّو بزّگ آتک روباہ ءَ گْوشت ءُ پشت مان دات ءُ شُت کہ ھمے وھد ءَ شکاری مردے آتک ءُ چہ ھمے مرد ءَ جست ئِے کت کہ من ءَ روباھی پوستے گرز اِنت تو پہ اے گْور کِرّاں روباہ نہ دیتگ مرد ءَ گْوشت ھمے دمان اِنت کہ روباھے اے شیپ ءَ برزاد بیت شکاری دیم پہ روباہ ءَ شُت ءُ دیر نہ گْوست کہ شکاریگ ءَ گوں نیم جانیں روباہ ءَ واتر کت روباہ ءَ چمّ چست کت اَنت ءُ گْوشت ئِے:
گند ئے مار ءَ راست گْوشت نیکی ءَ بدی من ترا چہ مار ءَ در گیشّ اینت بلے تو من ءَ شکاریگ ءِ دست ءَ کوشارینت ،!!!

,, دُرگنج ,,
@Labzank
telegram.me/Labzank

وشکنـد

یک مردےءِ لوگ بُن گِپت - مرد جند لوگءِ کشءَ نشتگ ات - بازار مردم تچانءَ آتک انـت آسءِ توسگءَ لگّ اِت انت -
مردماں دیسـت که مرد وت هُشکءَ نشتگ - گڑا مردماں جُست کُت تئـی لوگ بُـن اِنت تو نشتگ ئے ؟
مـردءَ درّائینت : مـن هُشکءَ نه نشتگ آں بلکیں مـن هُـداءِ کِرّءَ دوا ( دعا) کنگءَ آں که هور به بیـت بلّے آس مِـراِیت 😄😄

☀️☀️☀️

@Labzank
telegram.me/Labzank

آسءُ هاکشانـی اِنت گریوگءُ زاری اِنـت چے نبشته کناں
هـر چهـار نـیـمـگا بزّگی واری اِنــت چے نبشته کناں

آزمـان ءَ سـر انـت آ دگـه راج گوں وانـگ ءُ زانـگ ءَ
پـه بلوچـاں مُـدام گـژن ءُ بیمـاری انـت چے نبشته کناں

انچـیں باریگـے اتکه منـی بُنـدر ءَ کـس کسئیگـی نه انت
هرکس بے هاجت انت هرکس بیزاری انت چے نبشته کناں

راجءِ ورناه که باندات ءِ اُوسـت انت وتی جندءِ سُدّءَ نه انت
کشّیت تریاک جان ءَ چـه بیـزاری اِنـت چے نبشته کناں

کازی بلّے تـو آڈالءُ ابدالےءِ پُـوچکـے بستـار تئی
سـر کتاباں بلے نام تئـی ساری انـت چے نبشته کناں

مُبـارک کازی

@Labzank
telegram.me/Labzank

سـید هاشمـی
بلوچـیءِ لسان الغیب
نبشته واجه صبا دشتیاری

لهتے روچ هبر اِنـت که سیـدءِ گالانـی دپتـر '' شکلیں شهجو'' ءَ من گالے شوهاز کنگءَ اِت آں گُڑا مے مزن شاهدربرجاهءِ یک ورنایـے که ایران شهرءِ مردم ات - منـی کارگسءَ اَتک - وانگی یے که منـی دسـتءَ دیست گُڑا پُرس اِت ئے که مـن چے کنگءَ آں - مـن گُشت که سیـدءِ یک گالے شوهازءَ آں - همینچکءَ همـے گال مـن شوهاز کُـت - ورناهءَ گُشت که په مـن بوان ئے گال ایش ات -

میار اَنت لنجیں زرانی مرادءِ مروارد...
چتور اوستءُ اُمیتانی پتّرءَ پیچاں

ورناهءَ گُشـت واجه ایشیءَ کمے گیشواری '' تشریح'' ءَ نه کن ئے - من کوشست کُـت گند آں ورناهءِ چمّانـی رُژن گیش بوان اِنـت - منءَ گُشت ئے واجه منّـت وار باں اگاں تیوگیں دستونکءَ په مـن بوانءُ تشریح ئے به کن ئے - مـن پدا کوشست کُت - ورناهءِ هُـب هنچو گیش بوت که دو سے دگه دستونک ئے وانگ پرماتءُ گیشواری پرمات ئے - دستونکءِ هزار دَروَریں گِسد گْواراں چه لاکوٹـے که پُر کُت گُڑا گُشت ئے واجه بلا شکءُ گمان سیـد هاشمـی بلوچـی زبانءِ '' لسان الغیب '' اِنـت -

اے یک دلپاکیں ورنایـےءِ که دلءِ راستـیں توار اَت -
☀️☀️☀️

☀️☀️☀️☀️☀️☀️☀️
@Labzank
telegram.me/Labzank

‌(هندوستانی بتل)

پہ پـوشاکءِ بدل کنگءَ زات بدل نہ بیـت

@Labzank
telegram.me/Labzank

منارا بڑ اِتگ دردانگیں جنّکی ءَ
بلاھیں پاچنے داتگ پہ یک شنِّکی ءَ

من نشتگاں کدی کائے ترا بچاراں من
تو لالو تُرسگ ئے پہ گَرّی ئیں کُچِّکی ءَ

@Labzank
telegram.me/Labzank

*دلگوش *

چیزیں سرپدی پہ دیوان ءِ سنگتاں

1 بالاچ گورگیج ءِ پت ءِ نام حسن گورگیج بوتگ
2 نقیبو بالاچ گورگیج ءَ کُشتگ
3 دادشاہ ءِ پت نام کمال بوتگ
4 دادشاہ مات ءِ نیمگ ءَ کُہداھی ءُ پت ءِ نیمگ ءَ مبارک ٹک ءَ چے بوتگ
5 دادشاہ 1970 1 اکتوبرءَ شہید کنگ بوتگ
6 میر چاکر خان رند1525 بیران بوتگ
7 گوک پروش ءِجنگ 30 جنوری ءَ بوتگ
9 شہید رحیم زردکوہی 26 دسمبر 1980 شہید کنگ بوتگ
10 مکران ءِ کہنیں نام ماگان بوتگ
11 شے مرید ءِ اصلی نام پیربخش بوتگ
12 حمل جیَہند ءِ بوجیگ ءِ نام شاگ بوتگ
13 میر کبر ءِ پت ءِنام رہَیس سلیمان بوتگ
14 عطاشاد ءِپت نام لعل خان بوتگ
15 چاکر کولواہی آدینگ گنگو ءَ کُشتگ
16 عطاشاد ءِ اصلی نام محمد اسحاق بوتگ
17 عطاشاد 1939 ءَ ودی بوتگ
18 سیمک ءُ نتھا نرمک ءِ مردُم بوتگ انت
19 درویش ءُ بیگم کیچ ءِ مردم بوتگ انت
@Labzank
telegram.me/Labzank

☄مَلّیں مَتُرس☄؛؛؛


بلوچ راج چہ دنیاءِدِلیرءُسانڈءُسرمچارتِریں راجاں یک راجے-آئی ءِسانڈیءُسرمچاریءِکسّہءُ
داستان،ماں دنیاءِراجدپتراں نکشءُنمیران اِنت زوراکیں راج اَنت ھزاررَندبلوچ راج چُکچین کتگ،لکّ برءَچوگبّیں گندیمءَبُش کُتگ،چوکڑبّ ئیگءَڈَل اِتگ بلےگارءُناموران اِش کُت نہ کتگ پدءَتُرکّ اِتگءُٹومب اِتگءُچورک ےءِ جتگ آئیءِ"مَلّیں مَتُرس"ھردورءُزمانگءَوتی بےوسیں راجءِپاسپان بوتگ انت پہ وتی لجّءُگیرتءُمیْاراَنت سراِش دوست نہ داشتگ،ھزارانی ھزارشیرزالیں ماتانی کُنگُریں بچّ پہ وتی راجءُگُلزمینءَندْربوتگ انت

***بلوچی زبانءِمزن نامیں لچّہ کارمُلاابابگرکلمتی؛؛

گچین:مُلاپازُل
@Labzank
telegram.me/Labzank

دُریں دانک

☀️ علم یک هنچیں پُلّے اگاں آ هـر چی پچ بیـت آ همینچو وشبو آتار کنـت -

☀️ مه چار که کئے اِنـت به چار که چه گُش ایـت

☀️ توبه کنگ ارزان انـت بلے بـدیءِ یله کنگ گران اِنـت

☀️ راستءُ تچکیں مردم وشءُ نه تُرسوک بنـت

☀️ گپءَ کیاس کنءُ به گُش

☀️ علم دلءَ هنچو زندگ کنـت چـو که هـور زمینءَ آباد کنـت

@Labzank
telegram.me/Labzank

وشکنـد

چُک : - امّاں مـنءَ تو وانگجاهءَ چـیءَ راه دئے ؟

مات : - منـی زهگ ترا انسانے جـوڑ بوگـی انـت -

چُک : - ( گوں بزّگیءَ) بله اُستاد مـنءَ هر روچ مُرگا جـوڑ کنـت😄😄😄
@Labzank
telegram.me/Labzank

بتل

☀️ پُـرشتگیں باسک نئیت دو بر بنـدءَ

☀️ په دپءِ وش آتکءَ جَـن کسـی یار نه بیـت

☀️ پادءِ پکیر لنگ نه انـت
مُلک هُـدا تنگ نه انـت

☀️ پیر مرداں مـن کپتگ آں جـوگـی
مـن دلبریں ورنایـے نه باں نوکـی

☀️ په مُورءَ شپءِ نمـب توپانے

☀️ په کوریں چمّءَ پِٹّے ارس باز انت

@Labzank
telegram.me/Labzank

پَسے کہ چُک میاریت چُشیں پَس ءَ را سُوچ
مہ وارت کایاں مہ چاریت چُشیں پَس ءَ را سُوچ

مُدام مَنجل ءُ تِیچاں اگاں گُلائیش اِنت
چو گُوک ءِ پیما بے بانریت چُشیں پَس ءَ را سُوچ

لالـو پیشوکانی

@Labzank
telegram.me/Labzank

اے وھدی بلوچی زبان کہ ماں تازی سیاھگ ءَ نبیسگ بیگ ءَ اِنت ایشی ءِ پشت کپتگیں نزوریانی گرگ ءَ کارے کنگ المی اِنت ۔

چوش کہ

شیر ۔ رستر
شیر ۔ پستان داریں ساھدارانی

دُور ۔ درد
دُور ۔ چیزے کہ نزیک مہ بیت ۔

نوشتہ ۔ چَوٹ ءِ تہ ءَ و ءِ توار ve گونگیں توار ۔

براھوی ءِ سئے ٹکی لام ۔

اے درگت ءَ ما وتی یونیکوڈ فونٹ ءِ تہ ءَ ۔ اے دگریاں ھوار کنگ لوٹ اِیں ، پہ چوشیں گالے ءَ وتی شور ءُ سوج ءَ بہ دئے اِت ۔

جھل ءَ لھتے دگریاں بہ چار اِت ۔

شیر ۔ رستر
شێر ۔

دُور ۔ درد
دۆر ۔چیزے کہ نزیک مہ بیت

براھوی لام : ڷ

و ۔ ve

نۏشتہ ۔ چۏٹ ۔

کازی ریهان

@Labzank
telegram.me/Labzank

ھروچ ترانگء_ نوک بیتگ
بنجاھا پسو گوک بیتگ
وشگوٹا منی بازارے
نازیتگ امل پہ رنگے
ھورا شزنتگ لحم لحمء-
کیٹگ بے حساب تالانء-
ھو ﮈے وشے تا پیشی دور
موسماں اتکا بشی ھور

@Labzank
telegram.me/Labzank

عکس از بسام بسمل

نَـدر پـہ اُسـتادکمـالان ءِ نـام ءَ

وش گُشّیں تُـوتـی لِسـانے جمـبراں بیـت

مَھـکانے شـِنگ ءُ تـالاں اَمبـراں بیـت

راجـی داسـتان ءَ کَنـیں بیـا نوک من تو

نیست دِگـہ بیت چـو کـمالان کمبراں بیت

مُشکـلیں مَـٹّ ءَ بِگِـند اِیت تئـی زمـانگ

نامے کْوھنیں مرچی نوکیں دپتراں بیت

پُلّیں نامے آزمـان ءَ گـولَگ ءَ دیسـت

چہ سـَراں چے بُـرز اَنچـو آ سَراں بیت

ھَلک ءِ کُوکُوھیں کـپوت مرچاں نہ نالاں

شوانَگے نشت ءَ ھم دِیر ءَ کہ زَراں بیت

نـود ساچانیں مَـروچ اِے مِھر ءِ دیـوان

ماھے مرچی دَرکپـان بیت مھـپراں بیت

تئـی سـَتا ءَ پـازُل ءُ مُـلاّ یے لـوٹ ایـت

راھے اَنچیں عـابـد ءَ گوں دَمـبراں بیت

ابـراھیـم عـابـد امـیری چھـبار
🌴 کــــورُشـــیں گــــال 🌴
لبـزانکـی مجلـس کلمتـی کـاروان.