زنـد گـوازینـتگ وتـی شانءِ ســـــرءَ
دور نـداتـگ مــن وتءَ نانءِ ســـــرءَ

چُـوں مـنءَ رکـین ئے هاراں چـه گمءِ
مــن زمـیــنءَ ءُ تــوئے بـانءِ ســـــرءَ

زیــت کـش ئےءُ زیــت ارمــانـی بـئـے
چـوں نـبـاں بـژنـی تـئی ارمان ســرءَ

مـن نـیاں بـے مــز که کـربان کـت انت
کُلّ متاه زنـدءِ پـه جـی جانءِ ســـــرءَ

شـاعـری شِـرکـے نه شاعر مُشـرک انـت
شـک مـه کنـت کـسّے مـئے ایمان ســرءَ

الّـمءَ جـاگـاه بـهـشـتءَ بـیـت مـنــی
سـاه اگـاں در بـئیـت تـی زانءِ ســـــرءَ

نـابــزانـتـے تـرا دور دنــت تـاهـر تـــــرا
ایــر کــپ چـه زانــت ءِ آزمـانءِ ســـــرءَ

تاج مهمد تاهر

@Labzank
telegram.me/Labzank

مـئـے راج چـہ وَتـیـگـاں هَـنـچُـش نـا اُمـیـت بـوُتـگ کـہ اَگـاں آئـیءِ نَـدکـارے چـہ وَتـی پـگـر ءُ زانـت یَـک شـرّیـں بُـنگـَپـے بـہ نـبـیـسّ ایـت کـَـسـےءَ بـاوَر نـہ کـنـت کـہ اِے بُـنـگـپ ءَ یَـک بَـلـوچـے نـبـشـتَـگ.
بُـنـگـَـپ = مـوضـوع
ادَبـی هَـکـیـم

@Labzank
telegram.me/Labzank

چـہ مردی ءَ جست کت ئـے:
ترا چُنت سـال اِنت؟
گوشتی: ھجدہ ، ھفدہ ، بلکیں شانزدہ ، بوت کنت پانزدہ!
داناگی ءَ گوشت:چـہ عمر ءَ پرچا دُزّگ ئـے؟
اِے وڑا کـے تو پُشت ،پشت ءَ روے، پدا مات لـاپ ءَ پچ ترّے‼
مولوی جلال الدین رومی
رجانک: وژدل بلوچ
@Labzank
telegram.me/Labzank

بیـا دمـانے به ننـد منـــــی دیـمءَ
مـن تئـی تو به گِنـد منـی دیـمءَ

اگـاں دورئے ماں تـرانـگاں دائـم
گوشئے نشتگ تئی جرند منی دیمءَ

آ، مریـد اَت که تـو پُل اِت هانـی
مه کن چالاکـی رِنـد منـی دیـمءَ

پَـر تـو لیـبے بلـه مـن نه سـگّاں
هجگیں پُلّاں مه سِند منی دیمءَ

مَـرگءِ بیـمّءَ مـنءَ مـدئے تـاهـر
چُکّـی لیـبوکے زِنــد منـی دیـمءَ

@Labzank
telegram.me/Labzank

برای آزادی ، لازم نیست

آسمان و زمین را بخرید!

فقط خودتان را نفروشید...!

پہ آجوئی ءَ لازم نہ اِنت
کہ
آزمان ءُ زمین ءَ بھا بہ زیر اِت

بس وت ءَ بھا مہ کن اِت...!

نلسون ماندلا
به نقل از بلوچ کندیل
@Labzank
telegram.me/Labzank

نمیرانیں اشرف سربازی:

من تو مباں
من هچ نباں
تو من مبئے
تو هچ نبئے
گهتر همیش انت که ببئیں،
تو من ءُ من تو،
هر دو یک

من اگر تو نشوم
من هیچ نیستم
تو اگر من نشوی
تو هیچ نمی شوی
بهتر همین است که بشویم
تو من و من تو،
هر دو یکی


@Labzank
telegram.me/Labzank

بُو اِنت بٹ ءُ ماھیگانی آ دمانے درکپیت
شام ءَ کاریت جانشوانی آ دمانے درکپیت

پِرکاں تمباک ءُ گڈاکو کاریت سرکیل ءُ نلاں
آس روکیں اشکرانی آ دمانے در کپیت

چونیں نازاکیں نشارے انگہ تریءَ زار کیت
گوپ ءُ ُ گاپیں سینڈالانی آ دمانے درکپیت

مردی نیلیت ترءُ تاب ءَ بیا وتی لوگ ءَ گشیت
جان ءَ شودیت تورمانی آ دمانے در کپیت
لوگ ء َروپیت آپ کاریت بندیت گیس ءُ پاچناں
رندا کپتگ ککڑانی آ دمانے در کپیت

سپتے مزواک جنت لنٹاں چمی پُراَنت کنجل ءَ
چِلاں کشیت ناخنانی آ دمانے درکپیت

چو وَ سالاں سال در نئیت کپت ءَ لوگے کُنڈی ءَ
لالو کیت اِنت پیشوکانی آ دمانے در کپیت

"لالو پیشوکانی"
@Labzank
telegram.me/Labzank

...........حکمــــت.........
انجیــلءِ تــہءَ نبشــتہ اِنت کــہ،،او آدمءِ اوبـادگ اگاں مـن تــرا ھــَزگار بکنـاں گــوں مالءُ دولـتءَ چـہ مـنءَ شمــوشکار بئےءُ اگاں نیــزگار اِت بکنـاں دل تنــگءُ پـریـشان بـئے گــڑا منــی یاتءِ شـیرکنـی کجـا ترا رسیــتءُ منــی بنــدگیءَ کــدی کــن ئے
گـہ انـدر نعمـتی مغـــرور و غافل
گـہ انـدر تنگدستی خـستہ وریش
(سعـــدی)
بــزانت:بـرے گـــوں نعمتــاں گــروناکءُ شمـوشکارےءُ بــرے چــہ تنگــدستیءَ وارءُ دلسیاہ ئے
کتاب:دانکانی گنــج
محمد یوسف انیــس
@Labzank
telegram.me/Labzank

وتـی دَورءِ شـهـزانـتـیں '' سـقراط''
_____________________________________
'' شـهـیـد صـبـا دشـتـیـاری''
(سومی بهر عابدآسکانی)

شهید صبا دشتیاری منءَ وتی بلوچیءِ استاد گوشتگءُ نبشتگ کتگ ، بله چه مرچیگءَ ابید که آ مئے دیوانءَ ساڈی نه انتءُ من اے چاریں نبشتگیں دانکاں شمے دیما گوشگءَ یاں - چدءُ پیسر من گوں کسءَ اے گپ نه جتگ که صبا دشتیاری منی شاگردانت - البت من چه اے گپءَ انکار هم نه کناں که آ منی شاگرد نه انت بلکیں من پرے گپءَ پهر بنداں که شهید صبا دشتیاری منی شاگرد انت ءُ بلوچـی زبانءُ ادبءِ پڑا آئیءِ آروک مناں-
دیرانت همے پهر من وتی یک آزات لچّهےءِ تهءَ هم جاگاه دتگ که منی لچهانی دپتر ترسیں ترانگ تها سقراطءُ بقراط سرگالءَ چاپ بیتگ که چـوش
(سقراطءُ بقراط)
منءَ بل
منءَ سوچ
منءَ سُتکگیں نانے بلکیں بها نیست
بـلـے
گوں اے گپءَ
بـه ئے تو اجکّه
منءَ لهتے شهزانتیں شاگرد هست انت
وتی دورءِ سقراطءُ بقراط انت بے شک
ارسطو
افلاطون
سرءَ اِش پهر بنداِیت
.........
من صبا دشتیاری اولی برا کراچیءَ دیست اگاں من بے ترانگ نیاں منی دلءَ اے ۱۹۸۰ءِ سال ات که من کراچـیءِ اردو شهدربرجاهءَ وانگءَ اتاں یک روچـے ما چیزے بی ایس اوءِ همبل شهدربرجاهءِ سبزه زار ءِ سرا نشتگ دیوان کتگ ات کے همے درگتا یک سبزه رنگیں ورنایے چا ڈنّءَ آتکءُ مے نزّیکءَ گوں همے شهدربرجاهءِ اسلامیات استادءَ ماں تازی زبانءَ گپءُ ترانءَ لگ ات-
اے ورناءَ شیروانی یے گورا اتءُ تنکیں پاجامه یے پادءَ ات ءُ یک پانے هم دپءَ اِت ئے یک نیمگے مئے وت ماں وتی گپءُ تران بر جاه ات دگه نیمگے من همے مردمانی گپاں هم گوش دارگءَ اتاں دلءُ دلگوشوں بهر کتگ ات پرچه کے آ چه مے دیوانءَ دو گام جاهءِ راه اوشتاتگءُ گپءَ ات انت من وتی دلءَ گوشت که اے سبزه رنگیں ورنا کے انت که گوں مے استادءَ گپءَ انت من اے رنگیں مردم پیسرا ادا نه دیستگ ات چه اردو تازی زبانءَ زانتکار ات برے برے انگریزی زبانءِ گالے گالے وتی گپانی تلءُ توکاں هم اوارئے کتگ ات هنچوش جاه آتک که وانندویں ورنایے شیروانیءُ پاجامهءَ بل آ وتی دپءِ پانءَ هم چو ما ادءِ بلوچاں گامیش جا کنگءَ نه ات بلکیں چو که هندوستانءِ مردماں گوں یک نازءُ دابے ورگءَ ات ئے چو که همایاں دپ ئے برزءُ جهل کتگ اتءُ گپ ئے جتگ ات من وتی دلءَ گُشت که الّمءَ اے در مُلکی مردمے -
همے درگتءَ آئیءَ مے نیمگءَ اشاره کُت گوں آئیءِ دست اشارهءَ مئے دیوانءِ یک ورناے واجه اقبال تبسم (اقبال ایڈوکیٹ) چه وتی جاگاهءَ چست بیتءُ همائیءِ نیمگءَ رهادگ گپت گڑا همراهیءَ شهدربرجاهءِ اے سرءُ آ سرءَ ترءُ ماں تر اش کت دیر نه گوست اقبال تبسم پدا مے دیوانءَ وتی پیسری جاهءَ آتکءُ نشت آ سبزه رنگیں ورنا وتیگی شتگ ات اقبالءَ دیم گوں من ترینت گُشت
'' واجه عـابـد! تو زانے اے سبزه رنگیں ورنا کے ات؟
من درّائینت: انّاں! من جاه نیاورت
اقبال تبسمءَ پسو داتءُ گُشت اے منی ناکو ات نامے '' غلام حسین'' انت ایشیءَ باز ونتگ بـلـے بـلـوچـی نه کنت گوں بلوچاں بازیں دوستی ئے نیست، نـه بلوچی پوشاک پر کنت نه بلوچیءَ گـپ جنت نـه گوں بلوچاں نـنـدءُ پادا کنـت نـنـدءُ نیاد گوں درامدان اِنـت -
من گوں اقبالءِ اے گپءَ اجکه بوتاں- منءَ اے باور بیگءَ نه ات که اے مرد اقبال ناکو انت پر چه که آئیءَ چه بلوچیءِ چالءُ گالاں هچ گون نیست ات من بژنیگءُ اپسوزی بوتاں دپءَ درشانوں نه کت دل گشتوں: بـلـوچ چتوریں بے بهتیں راجے داں زانتءُ زانش ئے نیست داں وارءُ بے وس انت داں بزگءُ بیچارگ انت داں پهوالءُ شپانک انت په ٹـهـلءُ شانے جار جـنتءُ گُش ایت که مـن بـلـوچـےاں ! بله همے بلوچ وهدے سیرءُ سرآگاه بیت بودءُ کمال رژنءُ زانتءِ واجه بیت سرے په آبدانی یے کپیت گڑا وتی بنءُ بندر ءُ بلوچـیءَ شمش ایت وتی بلوچ گشگءَ دور ساهت شهرتءُ شمسار بیت وتی راجءَ براتءِ بوءَ نه سگ ایت سُنٹ ئے گوں نودان بیت چه وتی زبان ، دودءُ ربیدگ ، ءُ گلیں گلزمینءَ پهریگءُ شزار بیـت وتـی همک چیزءَ ایر جنت - په درامدانی ساڑایگءَ دجءِ دپءَ روتءُ دپ ئے چنکـے آپ دنـت- اگاں چوشیں مردم زیت وتا مه مارایتءُ دست مه جنت کیت یک روچے که آ نه انگریگ بیت نه آنگریگ ، توکا ٹِلّو بیت-
من وتی دلءَ بش بش وارت که دریگتیں ! همـے ڈولیں وانندویں، چم پچیںءُ زانتکاریں بودیگیں مردم که هداءَ بودءُ برش داتگ انت- مالدارءُ مگیم انت-
دست اِش دپءَ رس ایت وتی وارءُ گاریں راجءِ نیمگا دلگوش به دے انـت وتی زبانءَ به ساٹ انتءُ به چیٹ انت وتـی هزار گنجیں دودءُ پوشاک ءَ به پهریزانت-
وتی بلوچی سرا پهر به بنداتت - وتـی هزار لکّیں ڈیهـ ءِ پانکءَ به جن انت وای همشامیں براتءَ په دستے به دار انا پر چے که هر کس کَؤرءَ روت وتی دیما شودایت - وهدیگیں زانتکاراں گُشتگ که اگاں تئی دست چرپ انت چه دگرءِ گیوار گڑا وتی دیوالءَ ئے مُـش..............دیما روان انت@Labzank
telegram.me/Labzank

دستونک احمدزهیر

پـدءَ من کجا چه بیاراں هما سبزگءُ کشاراں
که گلیں ڈگار سـوتـکگ بد ءُ انگریں لواراں

اگاں هور ستر بگوارایت ماں اے زیـدءُ ملگزاراں
په گدارے کس به گند اِیت هما گوستـگیں بـهـاراں

گل ءُ ایـمنءَ به ننداں چشیں پهـر هـچ نه بـنـداں
که درئیت دوستے پمّـن چـه اے دژمنیں دیـاراں

دلءَ هلّ کتـگ مروچـی که گهیں زهیراں زُرتـگ
کـدی بیت پـدءَ بـه گنداں هما سُهر بریں انـاراں

آ شپانـی پاسءِ درداں پـدءَ گونـجتگ مروچـی
گوں کَے زاں په زاں به ننداں دلءِکسهاں بـیـاراں

بگوش ساربان رس ایت چون گُلءِ آپسراں هزاری
گمءِ کاروان ویل انت ماں هشیں گـرءُ تـلاراں

نه پمّن هزاری بـورے نه که همـدلے تـپـاکـیں
کئی هاتـرا بـه نـنـداں وتـی همردیں کتاراں

مـنءَ گور جتگ زهیـراں دلوں آسءُ انگران انـت
پـه ترهینـگءَ گمانـی پـدءَ مهـگلءَ تـواراں

@Labzank
telegram.me/Labzank

 هر کلمه که از دهان بیرون می آید مرهمی است که به زخمی می رسد یا خنجری است   که دل را می شکافد و یا نسیمی است که دریای احساسات را به تلاطم در می آورد پس  پیش از سخن گفتن تامل کنیم.

⚜⚜⚜⚜⚜⚜⚜⚜⚜⚜⚜⚜⚜⚜⚜⚜⚜⚜⚜⚜⚜⚜
 ھرچ گپّے کہ چہ دپ ءَ در کَیت گْوش ئے درمانے کہ ٹَپّـے ءِ سر ءَ اِیر بیت!! یا چو کاٹارے کہ دل ءَ تَل کنت یا چو کَؤشے ءَ مارشتانی ساوڑ ءَ گْورم کنت..!!
گُڑا چہ گپ جَنگ ءَ پیسر بہ جیڑ اِیں..!!

ھَیدر رَھـچار
@Labzank
telegram.me/Labzank

منظور بسمل

(باجوئیں ہمراہ ءُ نادراہیں دوستانی نامءَ)



دریگتے شاعرے مبوتیناں

شوانَگے ببوتیناں

جنگلےءَ پَسے بچارینتیں

مُکّی یے، چاگَلے، نَلے بوتیں

دانَگے ناہ ماں چادرءِ لمب ءَ

بارگیں ٹال بُرّے گوں بوتیں

ڈَئیکّویے، چیتکے، چیٹّے، چیہالے

زندگی ءِ منی مَتاہ بوتیں

نیمگے، دوگے، کَٹے، پَنیرے

شیرءُ شیلانچے ءَ کُتیں گُزران

ارس، بچکند، درد، وشی، گم

یات، ترانگ، زہیر، مولم، چاڑ

یَک سرے ءُ ہزار سرشاہ اَنت

یکے آں من، ہزار سودا اَنت

چو کتابےءَ تاک تاک گشئے

ءُ ہمک تاک کسہ ءِ کِسّہ

کسّہانی ہزار چَہرءُ شُبین

کُہت، اَرمان، سوک، بَژن، سِکین

چارگءُ مارگ ءِ کِساسءَ دَر

زند اَزابیں ندارگانی سفر

کور دیدگ، مُجءُ گُباریں مَجگ

رَپتگیں ہوش، گاریں سارءُ سَما

دَز جَنَگ، اِلّءُ گِش، ”ہئو“، ”اِنّا“

بُرّءُ مان دئے اِدا، پُچین اودا

پَچّ ءُ پیوَند کن تَک ءُ راڑاں

گِیشّ ءُ مانگیِشّ، نَگد ءُ ایراداں

دِرّءُ دوچ، کَشّءُ چیل، سِندءُ وَر

دَست یَکّ اَنت، یَکّ سِنگءُ سَر

کئی تَکءَ مان دیئے، کَیا دارئے؟

چے گُشئے؟ چے کنئے؟ کَیا چارئے؟

آسدَست اَنت دُژمنءُ دوزواہ

ہُشکیں لُنٹاں کئیگاں تَرّ کنئے؟

لہڑیں اَرساں کئی کنئے چَنکاں؟

نااُمیتان ءَ اوست بَکشائے

چورہانی سرا سَمارئے دَست

بے وَساں واہگی تَسَلّایے

ناتَوانیں دِلاں دئیے اَرواہ

دریگتے شاعرے مبوتیناں

اینچو گَم اے سرءَ نہ دات جاگہ

ہرکُجا وشّی یے تہ من گوناں

ہرکسی گم منی سرءِ بار اِنت

ہوش گَشتہ گُلامی ءِ سوکءَ

آجوئی وابےءِ وَڑا گون اِنت

دوستانی گِلَگ سرءُ چمّاں

دُژمنانی شگان ہمراہ اَںت

دریگتے شوانَگے ببوتیناں

گَزّےءِ بُنڈےءَ تِکہ داتیں

گوں نَلےءَ وتا کُتیں مُلما

یا نہ بُرّیں کہوری ساہگےءَ

نیمروچے کَرار گپتیناں

سرگنوکاں گوں رَہ مگپتیناں

روچے جُنزَنت، روچے پِرگَردَنت

روچے بَجّنت، روچے آم کننت

سَر جَناں سَرجَنان، سَرگَردان

دور چہ منزل ءَ گِسَر بِیّان

اَنچیں چارراہے ءَ سَراں مرچی

بَس ہمینچو گُشاں کہ بیزاراں

چہ وتی ہستی ءَ پشوماناں

چو ہما اَہدی کِسّہ ءِ رنگ ءَ

ناں کہ ”گوں تو“ بیت، ناں کہ ”بے تو“ بیت

دریگتے شاعرے مبوتیناں

شوانگے ببوتیناں
🌴 کــــورُشـــیں گـــال 🌴
@Labzank
telegram.me/Labzank

اصغر علـی آزگ

هـرنپـس یـک نـوکـیں آهـے درکـپ ایـت
هـو! تئی درداں پـه جـاهـے درکـپ ایـت

تئـی دوارءَ یـا پـه مــرکءِ منــزلءَ
دلـجمـاں کـه اشـکءَ راهـے در کـپ ایـت

سـد پریشـتگ پاکـیءِ گواهـیءَ به دنـت
مُلّاءِ دیــــــدءَ گُنـاهــے در کـپ ایــت

تـو مُـراد بـات ئـے گـوں زردءِ واهـگـاں
زنــدءَ پـمّـن بـد وپـاهـے در کـپ ایـت

آذری دهـــــر انـت همـک دمـکءُ گـسءَ
بـے هـدائیں یـک هـدایـے در کـپ ایـت

منتـگاں مـن پـه مـسیـتءُ کـوه مُـراد
تئـی پتینـکاں روچـے نیکراهے درکپ ایـت

آزگـیءِ تئـی گماں کیـت انـت دلءَ
اے زبـان ءَ بـے بلاهـے در کـپ ایـــــت

@Labzank
telegram.me/Labzank

کنـدءُ مـنءَ کنـدین.!!

یـک ریلےءِ تهءَ دو جنین گـپءَ اِت اَنـت -

اسپیتیں جنین گوں سیاه ئیں جنینءَ : - اڑے من کِـریمءُ پـوڈر جَـن آں اسپیت آں تو چـے جـن ئے ؟
جنینءِ پسّوءَ ساریءَ یکےءَ چـه پُشتءَ پسّـو دات '' بُـوٹ پالش ''😄😄😄

@Labzank
telegram.me/Labzank

بتل

☀️ گوک اگاں گُژنگ به بیت وتـی پوسادءَ نوارت

☀️ برات گوں براتءَ نا تپاک بیـت
ساهـبی عقل ئے روتءُ گار بیـت
جاگـه سـوچُـوکیں لِـوار بیـت
دُژمنیں مـردانـی شکار بیـت

☀️ جمبـرءَ ایرانءَ گِلگ زُرتـگ
شومیں شمالءَ گوارگءَ نیشتگ

☀️ برات گوں براتءَ تپاک بیـت
دریاءِ شلینچگءَ واک بیـت

☀️ تـو میرئے وتـی کارءَ گُلام نه بئئ -

@Labzank
telegram.me/Labzank

بناکن انچیں آھے ناتوانیں دل جھان ءَ سوچ

کَپَسّ ءَ زلم ءَ سیاد ءِ گوں باگ ءُ بوستان ءَ سوچ

کئی بیم ءَ ترا اے زندگانی ءَ کتگ درگوز

چہ وت سرگوز اے بے رھمیں زمین ءُ آسمان ءَ سوچ

سدی گوست اَنت نشانے منزل ءِ ھم گندگ ءَ نئیت انت

چشیں گلگ ءَ چشیں راہ ءَ ءُ چشیں ساربان ءَ سوچ

پہ نان ءِ چُنڈے ءَ چورہ ءُ جنوزام لوگ سد گول اَنت

چشیں کوم ءِ لجوزیں امیر ءُ واجھان ءَ سوچ

ناں اِلم شوک ناں کوم ءِ دوستی ناں سـُدّ ءِ دنیا ءِ

چشیں بے جوھر ءُ جان دُزّ ءُ سُستیں نـوجوان ءَ سوچ

بہ کن پھریز چہ اے رِزک ءَ کہ بارت اِنت ننگ ءُ ناموس ءَ

بہ سِند پانـدا گلامی ءِ اے چرپـیں چُنڈے نان ءَ سوچ

اے ساھر گپ ءُ کسہ شـائری ءَ پہ دگہ باز اِنت

شپ ءُ روچ وش تبیں ماھگونگانی داستان ءَ سوچ
مراد ساحــــر
🌴 کــورُشـــــیں گــال 🌴
لبــزانکـی مجلـس کلمتــی کـاروان

ــــ ــــــــــــــــــــــ ـــــ

دُرّیـں دانـک

☀️ هـر کس ترا تئـی نـزوریاں شـون به دنـت بـزاں تئی مستـریں دوزواه اِنـت -

☀️ مَرگءَ مه تُرس پرچا که مَرگ زنـدگیءِ دومـی نام انـت -

☀️ چه تولگءِ سـد سالی زِنـدءَ ، شِیرءِ یک روچـی ئیں زِنـد شرترانـت -

☀️ تچکءُ مادنیں راهءِ سرءَ رؤکیں مردم پاد شیتان دلءِ سرءَ ایر بنـت -

⭐️ وتی زُبانءَ بدار ، پرچا که اے چه تیرءَ گیشتر ٹَپی کنـت -

⭐️ گوں نرمیءَ گپ به جن دانکه تئی گپ دگرانی دلانی تها جاگه به کن انـت -

⭐️ شرتریں دوسـت تئـی هما وانـگی انـت که ترا چه تهنائیءَ دیر دار ایـت -

@Labzank
telegram.me/Labzank

شاهـر: ناکو تیاب دپـی

واجـه ! بلوچـی چُش نه انـت
واجـه ! بلوچـی چُش نه انـت

سُندءَ گُش ئے تـو ٹهـوکـری
بسـکوٹ جاه ءَ بیـکـری

هیـک انـڈا انـت کِـرّءَ تئـی
لـٹّ ڈنـڈا انـت کِـرّءَ تئـی

دَمـکءَ گُـش ئے تو گَـلّـی
کِٹـّار تئـی کِـرّءَ چپـکلـی

پاگءَ را تـو پگـڑی گُش ئـے
چِلیّن ءَ را لگـڑی گُش ئـے

مِٹّـو تئـی کِرّ ءَ طوطا اِنـت
اوژناگ تیـرءُ غـوطه اِنـت

شپانـک چهـڑی ، شپ بنـد کڑی
هکّل تـڑی ، گڑیال گهـڑی

روباه تئی عقلءَ لـومڑی
شادو کتگ تـو بـولـڑی

موکو تئـی کِرّءَ مکڑی انـت
تهتگ گوں دارءَ لکڑی انـت

کَنڈءَ کـنگ گاڑینـگ انـت
بُرزءَ کنـگ چاڑینـگ انـت

چورُک تئی کِرّءَ چوزه اِنـت
کوٹگ گُڑا تربوزه انـــــت
ارمان مـنءَ یکیں هبـر
تو چه بلوچـیءَ گِسـر

واجه بلوچـی چوش نه انـت
چه اردوءَ کمـے درءَ
سیل کـن بلوچـی پتّرءَ

هـر چیـز جتائیں نامـےءَ
دیما کیت وشیں تامـےءَ

@Labzank
telegram.me/Labzank