✳️گوشکند✳️



یکـ مـردکـے یکـ مُـرگــدارے یــے پَـچ کنـت اولـی روچءَ یکـ مُــرگـــےءِ ســرءَ بُــرّایـت ءُ اے دگــے مُــرگـاں گـوشیـت گنـدئــے بـانــدا مــن بیـاآں شمـا ھـرچ
مــرگـےءَ سَـے سَـے ھَیکــ نـہ داتگـ شمئــے اوں ســرءَ اے مُــرگــے وڑا سِنــداں،

اے دگـے روچءَ کـہ اَتکـ
دیسـت ئِـے دُرستیــں
مُــرگـاں سَـے سَــے ھَیکــداتگــ بــس یکــ
مُــرگــےءَ دو
ھَیکــ داتگــ،مــردکـءَ گـوشـت تـو بلـوٹ ئـے تئــی سـرءَ اوں بہ بُــرّاں؟؟؟

مُـرگــءَ گـوشت واجـہ اِنّـاں ھُــداءَ بچــار مـن کــروسـے

آں!🐓

@Labzank
telegram.me/Labzank

🌹🌹🌹🌹🌹🌹🌹🌹🌹🌹🌹

چـاردهءِ دَرپـشُـوکـیں مـاهءَ سَـد سـلام
دشــتـیـاریءِ سَــبـــــاء ءَ ســد ســــلام

تـو بـلـوچ راجــدپــتـرءَ هـسـتءِ مُــدام
تئـی شـهــیـدی نـامءِ راهءَ ســد ســــلام

تـو کَـلـم دسـتءَ کُـتـگ جُـہــدءِ پِـڑءَ
تـی نـمـیـرانـیـں سِــلاهءَ ســد ســلام

زنـدگ انـت کـازی سـبـاء کـبـر تـهـا
مـا کَـلـمـکـارانـی بـراهءَ سـد ســـــلام

مبارک کازی

@Labzank
telegram.me/Labzank

وتـی دَورءِ شهزانتیں '' سـقراط''
________________________________

'' شـهـیـد صـبا دشـتـاری'' اولی بهر (عابد آسکانی)


چه گندگیں سَسّایاں تی زردءَ زهین ایت
بیا پیالهے چه کیهویں گالانی زرءَ نوش
هچ باج نه بارت چمّنءَ گپتارءِ سکندر
من کورشاں گالانی نیاں پرشتگیں داریوش
کاینت په منی مجلسءُ دیواناں امیری
آریپیں شکر گال په شیموش په دلموش

مَرگ یک راستی یے، هر ساهدارےءَ روچے نه روچے مِر گیگ انت- اے جهان رمبینگیگ انت گواهے آ شاهے به بیت یا گداے، کودکے به بیت یا کماشے، درواهینے به بیت یا نادراهے، یک برے نه یک برے آئیءَ مَرگ تام چشگیگ انت- یک برے آئیءِ اے همراه آئیءَ نیمراهءَ دروه ایت یک رندے آئیءِ ارواهءِ مرگ چه کبّسءَ بال کنت-
اے مرگ ایوکءَ په مرچیگیں ساهداراں نه انت بلکیں اے چه هما روچءَ گوں ساهدارءَ گوں بیتگءُ هست انت که اے شاهگانیں دنیا جوڈ بیتگءُ ساهدار ودی بیتگ بزاں مرگءُ زند چه بُنےءُ سرے گوں یک دگرا همراهءُ همگرنچ انت-
گوش انت لکّانی سال پیسر انسانءِ اُمر مزن بیتگ کمءُ گیش انسان هزار سالءَ هستءُ زندگ بیتگ بلے مروچیگیں دورءِ انسانءِ سند سک کم انت زاناں باز زندگ به بیت سدءُ چیزے سالءَ بلے مرگءَ سد سالی انسان هم کُشتگءُ هزار سالی هم، آئیءِ گورا کس بکشگءُ در گوز کنگ نه بیتگءُ کسءَ وتا چه مرگءَ در برت نه کتگ-

دَور پرا قارونءَ نه اوشتاتگ
تهت پرا سد گنجیں سلیمانءَ

اے یک اجکهی گپّے که اے رازءَ کس زانت نه کنت که یک دراهءُ سلامتیں انسانے کدی، کجاءُ چتوریں جاورےءَ تها مِرایت بازیں انسانءُ ساهدار ے چا پیداگ بیگا پیسر مرایت بازینے اے واب پرا واب بیت بازینےءَ آس آپءُ شرتگءُ سیهگوات کُش ایت لهتے نپس دُزّیءُ شبرهیاں در کیت چیزے چه آزمانءَ کپیت ارواه ئے بال کنت لهتے مارءُ لولکانی وڈالیگ بیت لهتے شدتءُ پساتانی تها مرایت گواهے هرچ پیم به بیت بزاں هچ ساهدارے وتا چه مرگءِ ملندرهءُ زرمبشتاں رکینت نه کنت-
بلے.... نمیران انت هما انسان که په یک جوانیں مرادءُ واهگے وتی هیسی سراں کربان کن انت نمیران انت هما انسان که په لجّءُ میاراں وتی شکلیں ساهاں ندر کن انت په وتی زند، زبانءُ ماتیں گلزمینءَ شنک بنت مَرگ پر نیست هما کیهوءُ کنگریں سرمچاراں که په وتی مسکءُ مهلبیں هاکءِ پاسپانیءَ شهید کنگ بنت زندگ انت هما گهـ ءُ منگهیں سر که په راستیءِ بیرکءِ بلند دارگءَ چو نمیرانیں ءُ ابد مانیں ''سقراط''ءَ زهرءِ پیالهءَ په مَڑا تنگے گِراِنت-
اے پراهءُ شابیتگیں جهان چه چوشیں پاکمِراں(شهیداں) پُرّاِنت اے یک همے رنگیں کیهویءُچاڑے که ایشی واهند چه ملّیں مترسءِ باهندءُ بیهاراں یک تشے هم هجبر نه هَزایتءُ هر کیمتءَ راستیءِ رامٹوءَ بُرزءُ بلند دارایت

هما اِنت راستیءِ سرمچار، بیرکدار
چراگءَ شرتگءُ دنزءُ مُجءِ تهءَ بال اِیت

........دیما روان انت

@Labzank
telegram.me/Labzank

جـی آر مُـلّا:

نـزانت وهـدءُ نـزانت پاسءُ واز کنـت مُـلّا
ابـید چـه وازءَ دگـه کـار هـم باز کنـت مُـلّا

زرایت په هاکمی توش به بیت وزیرءُ گزیر
همے جهـانءَ بهشـتءَ شـوهاز کنـت مُلّا

بهشتءَ هورءُ تهورانت بهشتءَ گلمان انت
پـمـے امـیـتءَ بـهـشـتءِ نـمـاز کنـت مُـلّا

@Labzank
telegram.me/Labzank

بایزید بسطامی (رح)
جست کت ئـے:
اگا ھساب ءُ کتاب ءِ روچ ءَ ترا ھاوند ءَ جست کُت کـے چی آورتگ ،گڑا چی گوش ئـے؟
بایزید ءَ دراہـینت:
وھدے فقیرے گوں بامردیں درگوز کنوکی ءَ دیم پـہ دیم بیت ، آئی ءَ نـہ گشیـت تو چی آورتگ؟!
بلکیں گشیـت تو چی لوٹ ئـے؟
رجانک:وژدل بلوچ
@Labzank
telegram.me/Labzank

زی گپتگ منا سیاھیں تپ ءَ وپسگ ءَ پیسر
وارتگ من بروفین شپ ءَ وپسگ ءَ پیسر

ڈاکٹر اے تپ ءَ اَنچیں گشے زھری ے گون انت
مانریتکگ شکر چنکے دپ ءَ وپسگ ءَ پیسر

نی بنداں بشانگ من ھمے مچھر ءِ تُرس ءَ
شب بند کناں لوگ ءِ دپ ءَ وپسگ ءَ پیسر

ھر سھب ءَ من جان شوداں گوں آپ ءُ ڈیٹول ءَ

ھرشپ نی کناں لوگ ءَ سَپا وپسگ ءَ پیسر

چشمہ ے بکن چم ءَ بہ بند دیما دموکا
لالو تو وتی سیت ءُ نپ ءَ وپسگ ءَ پیسر

لالـو پیشوکانـی

@Labzank
telegram.me/Labzank

گـوَش کـَـنـد – ادَبـی هَـکـیـم
دو بَـلـوچ شَـتـرَنـج ءِ لَـیـبءَ کـنَـگءَاِت اَنـت یَـکـَـےءَ دومـیءِ اَپـس ءُ پـیـلّ جَـت ءُ دَور دات اَنـت رَنـدا کـنـدَگءَ لَـگّ اِت گـُـوَشـتـی نـوں تـو لَـیـب ءَ هـار داتـگ ، دومـی پـاداتـک ءُ شُـت اَدارے ءَ رَنـد آتـک کـَـنـدَگءَ لَـگّ اِت گـوَشـتـی راسـتـے کـہ تـو مَـنـی اَپـس ءُ پـیـلّ جَـت ءُ دَور دات اَنـت بـلـئـے مـن هَـم شُـت ءُ تـئـی رَمَـگ ءُ گـورُم زَهـر دات ءُ کـُـشـت اَنـت نـوں بـہ کـَـنـد بـاریـں مـن چـاراں تـرا.

@Labzank
telegram.me/Labzank

بُـزے ءُ مـیـشـے راه ءَ رَوَگءَاِت اَنـت ، جـوُ ءِ بَـنـد ءَ آتـک ءُ رَس اِت اَنـت ، مـیـشءَ اوَل چـہ جـوُ ءِ بَـنـد ءَ سِـٹ کـُـرت آئـیءِ دُمـبَـگ چـسـت بـوُت بُـز ءَ وَتـی گـُـٹ شـاکـاراِت ءُ گـوَشـت آهـاں مـن تـئـی دُمـبَـگءِ چـیـر دیـسـت بـلـئـے بُـز ءَ وَت ءَ نَـچـاراِت کـہ سَـجَـهـیـں روچ آئـیءِ وَتـی لِـٹـک لِـکّ اِنـت ءُ مـاں شـهـرءَ تـرّگءَاِنـت ءُ هَـرچـکـَـس آئـیءِ لـٹـکءِ چـیـرءَ گـنـدَگءَ اِنـت.
مـا اِنـسـان هَـم چـو هَـمـا بُـزءِ وَڑءَ یَـکـّـےءِ کـَـسـانـیـں اَیـبے ءَ دگِـرانءَ پـیـشـدارَگءَ هِـیـل کـُـرتَـگ ءُ وَتـی مَـسـتـریـں اَیـبـاں نـہ گِـنـدَگءَایـں.
ادَبـی هَـکـیـم
@Labzank
telegram.me/Labzank

دگِـر ءِ گـپ ءَ گـوش بـدار اَگـاں آئـیءِ گـَـپ شَـرّ اَت تـرا چـہ آئـیءِ شـرّیـں گـَـپ نَـپـے رَس ایـت اَگـاں آئـیءِ گـپ شَـرّ نـہ اَت گـڑا تـئـی وَتـی اَگـل یَـک شـرّتـریـں گـپـے جـوان کـَـنـت.
ادَبـی هَـکـیـم
@Labzank
telegram.me/Labzank

گـوَش کـَـنـد (17) ادَبـی هَـکـیـم
-----------------------------
مَـردے ءَ کـہ دو جَـنـیـن هَـسـت ، وَهـدے کـہ آئـیءَ آپ وَرَگـی بـہ بـیـت گـُـڑا آ وَتـی مَـسـتـریـں جَـنـیـن ءِ اِزّت ءَ کـَـنـت ءُ کـسـتـریـں جَـنـیـن ءَ جـار جَـنـت ءُ گـوَش ایـت پـادا مـن ءَ یَـک گـَـلاسے آپ بـہ دَے !!.. رَنـدا مَـسـتـریـں جَـنـیـن ءَ زَهـر کـَـیـت ءُ گـوَش ایـت مـن هَـم تـرا گـلاسے آپ دات کـُـرت بـلـئے چـوں کـن آں تـرا وَتـی کـَـسـتـریـں جَـنـیـنءِ گـامـانـی چـارَگ وَشّ بَـنـت!!.. رَنـدا کـہ کـَـسـتـریـں جَـنـیـن چـہ آپءِ کـارَگءَ کـَـیـت نـوں آئـیءَ زَهـر کـَـیـت ءُ گـوَش ایـت هـاں شُـمـا وَتـی رازانـی گـپ جَـت ءُ آسَـر کـُـرت اَنـت؟!!..
بـیـچـارَگـیـں مَـردیـن اِنـت کـہ هِـچّ ءِ هـال ءَ سَـرپَـد نـہ اِنـت.

@Labzank
telegram.me/Labzank

سـیدھاشمـی ءِ رھشـونـی ءَ لھتے گالانی بزانت:👇👇
زانت/ زانشت = عِلم /دانش knowledge, learning, science
زانوگر=دانشور، عالم learned,learned man,scholar,scientist
زانتکار= علیم /دانا
زانتءِ (زانشتی بھر) = علوم
چوکہ : راجداری زانش/ زبانزانتی/ استال زانتی / بدن زانتی... و
@ تنیگہ پہ درستیں زانشتی بھرءَ بلوچی بزانت ٹھینتگ نہ بیتگ، گڑا شرتر ھمیش انت اے بھر وتی ھما نامءَ زانگ بہ بنت
چوکہ : ڈاکٹری, chemic / physic و....
وانگءُ زانگ = تعلیم تعلم Education /آموزش و پرورش
دربر = آموزش
نودربر= نوآموز /دانش آموز/Student
دربرجاہ = آموزش گاہ مدرسہ school
مزن دربرجاہ= highschool /مدرسہ راھنمایی
شہ دربرجاہ= colege دبیرستان
زانشجاہ/زانشدر= univercity دانشگاه
نیکرھدر= مدرسہ دینی /دینی مکتب
دروَنت= lesson درس
دربرگ= teach آموختن آموزش
وانگی = کتاب درسی/text book
🌴 کـــــورُشــــیں گـــــال 🌴
لبـزانکـی مجلـس کلمتـی کـاروان.

" گوستگیں روچاں روبرکتی بلوچستان ء- میر مھمدی نامیں گجرے ء- بازیں بلوچے رد دات ء، چہ آھاں کساس 25 عرب کلدار پل ات ء، وت تتک ء، ترکی ء- شت۔۔۔۔۔۔۔میر محمدی ء_ دست ء- روکپتی بلوچستان ء_ بازیں زردار ء، ھزگاریں مردماں ابید بازیں گریب ء، بزگراں ھم رد وارتگ ء، وتی پس ء،گوک بھا کتگ انت ء، زر میر محمدی ء- داتگ انت کہ آئی ء- چہ مردماں 7 لک کلدار گپتگ ء، چہ ماھے ء- پد ایرانی پژو کمپنی ء_ گاڑی ء_ داتگ کہ آ گاڑی ء_ قیمت 9 لک کلدار بیتگ بزاں 40 روچ ء- دو لک کلدار نپ ئی داتگ ۔۔۔۔۔اے مرد ء- ھمے پیم بلوچ مژدہ وار کت انت گڈ سرا چہ بلوچستان 25 عرب کلدار ء_ ھساب ء- زرئے چہ مردماں پل ات ء، تتک شت۔۔۔۔۔استاد عابد آسکانی ء_ اے شئیر ھم یک انچیں بلوچے ء_ سرا انت کہ آئی ء- وتی ء_ زال ء_ سھر پروشت انت ء، زر ھمے مرد ء-دات انت کہ نپ بہ کنت بلے ککڈئے گوں سند ء- شت۔۔۔۔۔۔۔۔۔
استاد عابد آسکانی
-------------------------

🚙 کیشکور خودرو 🚙

دلمراد تُستگ دوشی ده رند ءَ
آپ اش پرّیتکگ جان ءِ بند بند ءَ
ساهتے هوش ءُ سهتے بے هوش ات
بلے زبان مرد ءِ گنگ ء ُ هاموش ات
جُست کن ئے دلجان ء َ ترا چون انت
اے چه نادرواهی یےکه ترا گون انت
دیدگاں پچ کنت مردماں چار ایت
گُڑا دوئیں دستاں وتی دل ءَ دار ایت
در نئیت دانکے ، ءُ زبان بند انت
چه گم ءُ اندوهاں گوش ئے ژند انت
دوشی گڑا دلجاں دکتر ءَ بُرت اش
بُرت ءُ واپینت ءُ بستری کُرت اش
سے ءُ چار دکتر آتک هما هِینّ ءَ
دلجان اش چارات شر گوں دوربین ءَ
دکتر ءَ گوشت که باز انت بیماری
داں که سے ماه ءَ بیت الاج جاری
دلجان ءَ کنڈ هست،ءُ پشار هست انت
بلے پشار بیمناک ءُ زبر دست انت
چه دل ءَُ"قلب" ءَ کار درهیں چوٹ انت
سر جگر ، گُٹّگ چارگ لوٹ انت
کار یله داتگ میده ءَ دیر انت
کُدرت ءِ رهبند درست سر ءُ چیر انت
هون هم لوٹ ایت یک سدے بوتل
هچ وڑ ءَ هون ءَ چه مه بیت مهتل
مستریں مشکل وَ زبان ئیگ انت
رندیدگیں کارنی جسم ءُ جان ئیگ انت
وهدے که انسان گنگ به بیت دیر ءَ
چرک جنت سر چه مازگ ءِ چیر ءَ
گوں مزن شور ءُ چار ءُ بیچار ءَ
داهل اش کرتگ دلجاں بے سار ءَ
دلمراد داهل بیت داں سے ماه ءَ
آئی ءِ گاریں هوش نیاتک راه ءَ
دکتراں گوشت که رکگ ئِےگران انت
اے دگه چیزے روچ ء ِ مهمان انت
مردماں دلجاں میتگ ءَ آورت
ملّایاں کنڈ کنڈ ءِ گڑا دم کرت
هال بلے دلجان ءِ هما یک ات
چارگ ءَ مهلوک درست سر ءُ چَک ات
ناگت ءَ مردے آتک ابدالیں
سر گنوکو ءُ جٹ ءُ پهوالیں
گوشت ئِے که نادراه ءَکناں، من دْراه
نام منی ، منی مات ءَ کُتگ " بادشاه"
درواه بیت دوروک شمامنءَچے دےات
کم چه کم ملیونے من ءَ به دے ات
مردماں باور وَ نه بوت اے گپ
دیرءَداں کرت اش وت ماں وت شپ شپ
آسر ءَ گپ اش من ات بادشاه ءِ
گپتگ بادشاه ءَ شُگر نی الله ءِ
گوں وت ءُ لٹ ءَ شُت په نادراه ءَ
نادراه تچک ات ماں وتی جاه ءَ
بادشاه پادوناں شت ءُ اوشتات
اوشتکا دلجان ءَ سلام ئِے دات
گوشت ئِےاودلجاں!کاشُک دزگیرانت!!
هرگور ء َ چاپ ءُ سُهبت ءُ سیر انت
چنت انت تئی ملیون،چنت پژو انت تئ
دولت نی هر چیز ءَ پد ءَ دنت تئ
داتگ یک پرمانے امام ء َ مئے
کپتگ اے زالم مرچی دام ءَ مئے
سیه کن ات دیم ءَ اےهرام وار ءَِ رستریں گرک ءُ هیکیں هون وار ءِ
سوار کن ات شیتان ءَ هرے سیاهیں
ترین ات شوم ءَ میتگاں درواهیں
یله دیگ نیست انت نی اے دیوس ءَ
من کناں ایدام کوم ءِ هون چوس ءَ
پل اتگ انت ایشی ءَ بلوچ میریں
سرمچار ، دنگین ءُ کلات گیریں
چو نه زانت تو که اےمنی برات انت؟
"آریائی" انت ، مئے وتی زات انت
دپتراں بوان ات شاهینشاهانی
کوروش کبیرء بیه انت مئیگءُ ایشانی
چه بُن ءَ اے هاک ءِ شریدار انت
زهم جن ءُ شیر بیمیں مڑا دار انت
دلجان ءَ اشکُت مستاگ بادشاه ءِ
نام ئِے په کوکار گپت " الله " ءِ
ناگمانی ءُ یک اناگاه ءَ
جاه ئِے جت اوشتات چه وتی جاه ءَ
سرّکو گپت ءُ لگ ات په ناچ ءَ
پرشتگ ات مهلوک نی تگ ءُ تاچ ءَ
دلجانءَگْوشت که مئے امام سبزبات!
ساه چُشیں شومانی شلا کبز بات
دیم ئِے وتی لوگی ءَ گڑا گور کُت
تنگهیں دانکے چه دپ ءَ ئِے در کُت
گوشت ئِے ترا سد رندءَ سلام گُلجاں!
تو من ءَ بکشا ات پد ءَ ایمّان
تهرانی هزگار ءَ من ءَ زهر دات
تو من ءَ مرگ ءِ کنڈگ ءَ چهر دات
چه گماں گرانیں بوتگاں شاداں
نی تی دُرّاں من جناں گلجاں!!

📝لچه کار: استاد عابد آسکانی

@Labzank
telegram.me/Labzank

سِیر اگاں وش اِنت بلے بے جنی گران اِنت
دانکہ ناکوگ ءِ دروگیـں دست مان اِنت

نیست ترا اِزت اگاں نہ بیت پیسہ
بزگیں مرد ءِ دُژمن اِنت دنیا
تِری ءُ زامات ءِ یکیـں داستان اِنت

بے مُشوک ءَ اِے بیت نہ کنت سھتے
تِری ءَ گَلینتگ شُومیں زاماتے
تَرمس ءُ کانچ ءُ کوپاں پُروشان اِنت

راشناں لوگ ءِ وام کناں کار اَنت
بیا بچار مرداں بزگ ءُ وار اَنت
زالمیں زال ءِ مُشت ءُ پنچان اِنت

لالو ءِ شَیراں اِشکناں کند آں
من مرادیگ آں لالو ءَ گند آں
پیشوکانیگ ئی مرچاں اِیران اِنت
@Labzank
telegram.me/Labzank

کِلپ ءُ کید تئی زلپے سمارگ ءَ نئیل اَنت
زھیر تئی بازیں غمانی لتارگ ءَ نئیل اَنت 💫

منارا درد اِنت ھمے گپ کہ دلبر ءَ َگوْشتگ
وتی پَساں تو نہ بندئے سبارگ ءَ نئیل اَنت 💫

لالو پیشوکانی
@Labzank
telegram.me/Labzank

.... . گیـــدی کسّـــــہ .....

است اَت بادشاہےءُ یــک وزیــرے، وزیـر بادشـاہءَ چـــہ زانتـــکارءُ دانـا تــر اَت......
اگـاں بـادشـاہءَ کـارے بِکپتیـــں گُـڑا چــہ وزیــرءَ جُــستءُ پـرس ئے کــرتگ اَت....یــک روچـــے وزیـــر نـادراہ بیـت...
بادشـاہءَ وزیـــرءِ الاجءَ وس کُـت بلـے وزیــر وش نـہ بیــتءُ یــک روچــے وزیــرءَ گــوں بـادشاہءَ گُــشت کــہ نــوں منــی مــرگ نـزیـک اِنت تـو چُــش بکــن ســـئـے ھَمسنگیـــنءُ یــک وڈیــں بُــت بـہ تــراشیــنءُ بیــار
بادشـاہءَ آئیءِ گَـــپ زُرتءُ ســئے بُــت تـراشائینتءُ آرت
وزیــرءَ وتــی بادشـاہءَ ســرءُ ســوج داتءُ دنــیاءِ یـــلہ داتءُ شُــت
بادشـاہءَ دراھیــں بـازارءَ جـار پِــرّینت کــہ بـاندا درستیں مــردم منــی مـاڑیءَ بیـا انت آ دگــہ روچءَ مہــلوک دراہ آتـکءُ مُـــچ بوت اَنت
بادشـاہءَ مچــّیءِ دیــمءَ ھمـــے ســئیں بُتـاناں ایــر کُـتءُ درّائینـت کــہ بُگـــش اِت کــہ ایشانی درگــری(فــرق)چــی اِنت؟
اے مُچــی تــہا ھــر یکیءَ وتــی وتــی ھیــال درشـان کــرت اَنت
بلے درستـانی گـپ رد بوت اَنت ھــمے مُچـی تہــا یــک شــوانگے ھــم ننــدوک اَت کــہ چــہ بـادشاہءَ وتــی ھیــالءِ درشـانیءِ مــوہءِ لـوٹ اِتءُ بُتـاناں چـاراتءُ گُــشت ئے کــہ بادشاہ.. اے بُـت کــہ دوئیــں گــوش ئے ٹُنـگ اَنت بــزاں اے ھَمـا انسـان اَنت کــہ گَـپءَ یــک گــوش ئےءَ گــوش دارانتءُ دومــیءَ چـہ درءِ کــن اَنت
ءُ دومــی بُــت کـــہ دپ ئے ٹُنــگ اِنت اے پِلیــنڑیــں انــسان اَنت
ءُ سیمــی بُـــت کــہ یـک گــوش ئے ٹنــگ اِنتءُ دومی بنــد اِنت اے ھَمـــا انــسان اِنت کــہ گَپــاں گــوش داراَنتءُ دلءَ جــاگہ اِش دینـت
بــادشـاہ چـــہ شــوانگءِ زانتکــاریءَ بـاز گـل بــوتءُ وتـی وزیـــر جـــوڑ کــُــت
@Labzank
telegram.me/Labzank

(حکمــــت)
عــزّت دارتـریـں مھــلوک ظاہــرءَ انســان اِنتءُ وارتـریــں ھــستی کُچــک اِنت(بــلے) دانا گُــش اَنت حــق شنــاسیــں کُــچک چــہ نـا شُکــریــں انــسانءَ گہــتر اِنت

سگی را لقمہ ای ہـرگـزفـراموش
نگردد گرزنی صـد نوبتش سنگ
(شیـخ سعدی)
بــزانت:اگــں تــو کُچــکءَ صــد رندءَ ڈوک بجـن ئے تــئ داتگیــں دپـارءَ نــہ شمــش اِیت..(انـگت دُمــبءَ تـــئ شُــکر گِــرگءِ حـاطـرءَ رِنگیــن ایت)
کـتـاب" دانکــانی گــنج
محّمد یــوسف انیــس

هَـرچـکـَـس ءَ کـہ اِے گـَـپ گـوَشـتَـگ آئـیءَ وَشّ گـوَشـتَـگ :
اَگـاں تـو زانـتـکـارے ءِ گـڑا گـوں نَـزانـتـکـاراں چـسـت ءُ اِیـر مـہ کـَـن آ وَتـی نَـزانـتـکـاریءَ کـار بَـنـداَنـت ءُ تـرا جَـن اَنـت.
ادَبـی هَـکـیـم

@Labzank
telegram.me/Labzank

اِے گـوَشـکـَـنـد نَـدر اِنـت پـہ اُسـتـاد تـارِک پـیـشـُـکـانـی ءِ نـامءَTariq Pishukani.
ادَبـی هَـکـیـم
پَـہ یَـک پـٹـانـے ءِ مِـرَگ چـار پـریـشـتَـگ چـہ آزمـان ایـر کـَـپ ایـت یَـک پـریـشـتَـگـے پَـٹـان ءِ سـاه ءَ کـَـشّ ایـت ءُ سَـے پـریـشـتَـگ پَـٹـاناں سَـرپَـد کـن اَنـت کـہ نـوں آ مُـرتَـگ.
@Labzank
telegram.me/Labzank

وتـی دَورءِ شـهـزانـتـیں '' سـقراط''
_____________________________________
'' شـهـیـد صـبـا دشـتـیـاری''
(دومی بهر عابدآسکانی)

منّءُ مه جمبار! بے شکءُ گمان که شهید صبا دشتیاری یک همے رنگیں گچینی انسانے ات که روچے که آئیءَ وتا پجّاه آورت، وتی راج پجاه آورت، وتی زبان، پوشاک، گلزمینءُ دودانی باروا زانتکار بیت گڑا آئیءِ سسّاءُ سسّاءِ چاگرد بدل بوت- ائیءِ راستیءُ گواچن دوستیں زردءَ آ بے وس کُت که همے دروگءُ ناراستیانی ژیمبءُ گریں شپءِ دلبندءَ یک چراگے روک بکنت، ءُ چو یونانءِ مزن نامیں ''سقراط''ءَ راستیءِ بیرکءَ بُرز به چامپ ایت، آئیءَ هنچوش کُتءُ آئیءَ سزا هم هما دیگ بوت- بله زوراکیں هاکمانی گشگءِ سرا دروگءِ پلّا مرزی ئے نه کت- آ چرے گپّءَ نه ترس ات که هاکمءِ ناپرمانی آئیءَ گرانءَ کپ ایت ، آئیءَ آسرءِ پرواه نه داشت زهرءِ پیاله ئے چو شهدءُ شکّلءَ ایر تنچ اتءُ راستیءِ چوڑےءِ ماں جهانءَ سر بلند کُت-

سدبرءَ زهراں وراں انگت زندگاں
تی زهیر وارتگ زندگیں مرکان کناں

@Labzank
telegram.me/Labzank

دیم ماھے وڑا زلپ تئ جمبراں
سر نہ شُودئے چیا ،مِید تئ ڈنگراں

دوست بنت تئ منا چمّے شِلیں مچاچ
ٹال ٹال اَنت گوشے سستگیں واھراں

پونزے پُلّک تئ چو گوشے چُّلے بلپ
گولیں دُر ءُ چُلمب سینکلی ٹاھراں

بِید کارت شارج ءُ کاڑا نہ بیت دوستی
مارا وامدار کُتگ میتگ ے دلبراں

بھا کتگ من موتور پہ تئ ھاترا
نیست اِنت اولاک من نشتگاں راھسراں

بِلّے دنیا منی شئیراں سرپد نہ بیت
من تئ لالو آں من تئ شائراں

" لالو پیشوکانی"
@Labzank
telegram.me/Labzank