دل ءُ چماناں چیر گیج آں من ءَ سوجے بہ دے اِت بیلاں
کہ دیوان پریانی منی ھانل کجــا نند اِیت

سید رنج آں کہ دل اندوہ ءُ رنجانی دوار جاہ اِنت
ھمک شپ یک گمے نوکیں منی کُل ءِ سر ءَ گرند اِیت

ھمک بیگاہ آ پمّن آ سیاہ ءُ تاموریں جُڑے بند اِیت
تھار ماھی دگہ سازے پہ بھت ءِ سیاھی ءَ گند اِیت.
........... سید ھاشمی ...........
🌴 کـــــورُشــــیں گــــال 🌴
لبــزانکـی مجلــس کلمتـــی کـاروان.

ما گوں دل ءِ جهلانکی ءَ کلمت کاروان ریمدان ءَ⚽️ توپی لیب ءِ سوبمندی ءُ شھنشاب ءُ بامردی ءَ ماں جام رمزان سنگان ءَ مراد بات گُـش این.
@Labzank
telegram.me/Labzank

سنگان✅
سنگتاں❌

زانِش ءِ واھُند مآنِش ءِ مُنجار نَہ بِیت
کَبری مُنجارے راجے ءِ سَردار نَہ بِیت
پاگِسی پُھکے کارواں سالار نَہ بِیت
لیکُٹے راجی ھُلکَھاں واگدار نَہ بِیت
میتَگ ءِ بانگوئیں کُروس تاجدار نَہ بِیت
ھَلک ءِ کُھدا ءُ شَھدَرءِ مَنّار نَہ بِیت
ھوش ءِ کوپچان ءَ واھَگ ءِ دِل وار نَہ بِیت
زانت ءِ بوکام ءَ چو بُز ءَ بوشار نَہ بِیت
مِسک اَگاں شینکان اِنت رَتلَ بو گار نَہ بِیت
آس ءِ ایرماد ءِ بو دُن ءُ آتار نَہ بِیت
زِرد ءِ شاگ اُمر ءَ ساوڈ ءَ آچار نَہ بِیت
شَرتَگی شَرتانی بَروک یَکدار نَہ بِیت
تاں اَبد ڈیھے ءِ کَماش ناھار نَہ بِیت
ھِین ےءِ کَیت،ھونان تُنّگ ءُ ھیِنار نَہ بِیت
بَستگیں راجے ءَ مُدام اوپار نَہ بِیت
پَھپَلاں بُنجاہ دائِم ءَ ھُزدار نَہ بِیت
کُھسراں گاروٹ زَھمجَنیں بُزدار نَہ بِیت
چَہ کُلیڈے ءَ چیر لُھیں سْیَھمار
نَہ بِیت
آ کِہ سَرےءِ دارے راجے ءِ سَردار نَہ بِیت
آ کِہ سَردارے اَلَّم ءَ سَرےءِ دار نَہ بِیت
دُژمِن ءِ دوست ءُ میتَگ ءِ گَدار نَہ بِیت
دیمے دِلدار ءُ دیمے ءَ دَلّار
نَہ بِیت
آ کِہ گَدارے بَکشَگ ءِ ھَگدار نَہ بِیت
آ کہ سَردارے بے وَت ءُ مُردار نَہ بِیت
پاگِسی "سُلّایے" جِھاں نَزّار نَہ بِیت
نِیک بِیت ،بیت روباہ ءِ وَڈ ءَ مَکّار نَہ بِیت
بے مَت ءُ زانت ءَ ھِمَّت ءُ بُستار نَہ بِیت
دَپتری نَکش ءُ واجَھی کِردار نَہ بِیت
بے سَر ءُ ھوش ءَ پُھتَھیں گُپتار نَہ بِیت
زانتکَواسی پَہ سَرّگ ءُ کوُکار نَہ بِیت
بے بَلوچی ءِ سْیاھَگ ءَ سِینگار نَہ بِیت
سِیرَگیں کَرپاسک ءَ کَلَم رَھوار نَہ بِیت
مادَنیں شَھراھے کَم ءُ کَموار نَہ بِیت
کَلکَشاندَگ ءَسْیَھشَپ ءَ کَس گار نَہ بِیت.
تاں کَسے جَوریں دُژمِنانی یار نَہ بِیت
وَتسَر ءَ دُژمِن ھَرچ گَپ ءَ زانتکار نَہ نِیت
گَر نَہ جَت ٹاھے دِل دِل ءَ آزار نَہ بِیت
شِرّ ءَ مَھشوُر ءُ چِیدَگ ءُ شَمسار نَہ بِیت
رُنگ ءُ کورکِشکے مَھکَج ءِ گِیوار نَہ بِیت
بے دِلی مِھرے گِندُک ءُ دیدار نَہ بِیت
راستی ءِ آبجَد سْیاھَگ ءِ چَمدار نَہ بِیت
چوٹی ءِ رُنگ ءَ راست تَباراں کار نَہ بِیت
گَرسَرے بے شون اِنت دَرے سَرکار نَہ بِیت
گَر دَرے سَرکار اِنت سَرے شونکار نَہ بِیت
بے گِھیں شون ءُ زانَگ ءَ نَد کار نَہ بِیت
آکِہ نَد کارے سیاھَگ ءَ رَد کار نَہ بِیت
آ کِہ بے نامے بُندَری نامدار نَہ بِیت
لَبُزَگ کارے واجَہ ءُ شَر کار نَہ بِیت
اَچھا ءِ بازار ءِ چَوَک اِلبار نَہ بِیت
ھِلھُبءِتْروسکی شَھجَدانک ءَ سوار نَہ بِیت
ڈیھے ءِ مَستِرگَوگْوَزیں کُمبارنَہ بِیت
زِندَگیں مَردے دُزّے ءِ دُمدارنَہ بِیت
سورَگ ءُ جُمپان کِیلَگی تومکار نَہ بِیت
جُپت ءُ دِھگان ءُ سُندکِش ءُ نَنگار نَہ بِیت
کَسّ وَتی لوگ ءِ سوچَگ ءَ وَھدارنَہ بِیت
زَرّ ھَرید ھِچ پیم ءَپُرءِ بُمبار نَہ بِیت
ھَستومان بُنجاھے ھَزار گْواجارنَہ بیِت
مَسترےءِ پَنچھاری ھَرءُ گاجار نَہ بِیت
زِندَگیں نَرشیرءِ کَماش ھَپتارنَہ بِیت
شیر شِکارانی بَندی ءُ ناچار نَہ بِیت
راجی بامَردے جَنگَل ءَ بےدارنَہ بِیت
گریشَگی ڈُنگانی وَڈ ءَ بےوار نَہ بِیت
کِردےءِ بِیت کارےءِ ایوَک ءَ گالوارنَہ بِیت
رَھَن گوں بَدواھاں مَردی ءِ شَلوارنَہ بِیت
چَہ وَتی زِندءَ وَت کَسے بےزار نَہ بِیت
دُژمِن ءِ واستِیگ ءُ وَتی نَھکارنَہ بِیت
بْراتی گَپّے ءَ دِلھُر ءُ آزار نَہ بِیت
پَہ وَت ءَ لَٹّ ءُ کُردُم ءُ بازار نَہ بِیت
اَو ھَکِیم نازانت پَہ گوَشَگ ھُژّار نَہ بِیت
رَھدَر اِنت اُمْر ءَ بے دَرءِ رَھدار نَہ بِیت
چون کَن آں راستی پَہ کُلَھ آپدار نَہ نِیت
سُھل ءُ دوستی پَہ گَگَل ءُ آزگوَارِ نَہ بیت
راجے ءِ دارَگ پَہ سْرپ ءُ کاٹار نَہ بِیت
مَستِرےءِ مَست ءُ بے وَت ءُ سْیَھکار نَہ بِیت
راجے کِہ ھور اِنت مُلکے ءَ چو وار نَہ بِیت
ھَکّ ءُ شَونڈ ءِ بارَہ ءَ ڈالچارنَہ بِیت
بے تُپاکی ءَ سَنَّتی بُستار
نَہ بِیت
ھَنچو کِہ آزمان بے شَپ ءَ اِستار نَہ بِیت
شَپ تَھارماھیں ھِچ وَڈ ءَ بامسار نَہ بِیت
راج ءِ بَندی ءِ آکِبَت گُمسار نَہ بِیت
نَنگَریں بامَردے دَت ءُ مَردوار نَہ بِیت
زَرزوال کِرداری رَھاں دَردوار نَہ بِیت
جانے ءِ جانپوش بوڈے ءَ اَنگار نَہ بِیت
ھون ھَلاھوشیں بوڈکَسی دوزدار نَہ بِیت
پَھلوانکارے جاڈو ءِ تالوار نَہ بِیت
ھیمِدے نودبَندگ سَھی ڈاٹار نَہ بِیت
تَنگَھ ءِ جاگاہ ءَ پُرءِ باپار نَہ بِیت
ماں ھَمُک دارءَ چَندَن ءِ آتار نَہ بِیت
کُرّی ءِ بَند ءَ زاپِران نِژوار نَہ بِیت
راستے گَر کاھے دَوَرےءِ پوُتار نَہ بِیت
وَھدے کِہ زِند ءَ زِندَگیناں وار نَہ بِیت
پَہ وَت اِش ھَیرینے تَب ءُ اوپار نَہ بِیت
مُرتَگیں مَردُم موسُماں چوُنزار نَہ بِیت
نودجَت اَنت گوریچءَ نِھِنگ نوں ھار نَہ بِیت
بے کَسیں ڈیھ ءِ کِیلَگاں تومکارنَہ بِیت
موسُماں کاہ ءُ لِمپُکے تیجار نَہ بِیت
بِیت شُدِیگ دِھگاں،آپ ءُ ُلاپ وازدارنَہ بِیت
بے جَدءُ شاھی زانَگ ءَ شَھکار نَہ بِیت
سَر اَگاں ساراِنت پوکی ءِ نِسپار نَہ بِیت
راجی بامَردے پَہ وَّت ءَ گَموا

ر نَہ بِیت
گاندی ءِ پیم ءَ وار نِیت ھَزگار نَہ بِیت
زانَگ ءِ پاس ءَ چو ھَرءَ بِیگار نَہ بِیت
کادوُ ءِ پیم ءَ پَہ ھَسَد اَلگار نَہ بِیت
آ کِہ پَہ راج ءَ زِندَگ اِنت مالدار نَہ بِیت
کوُڈوئیں چارسُھبی دَرءَ مالوار نَہ بِیت
لاپ ےءِ پُر دَرد ءُ دِل تَھ ءَ بیمار نَہ بِیت
نام ےءِ بِیت روژناچِلکِن ءُ لِیگار نَہ بِیت
راجپَھازوکے راجے ءِ دینکار نَہ بِیت
راج ءِ سَود ءَ ھِچ کَسے زَرّدار نَہ نِیت
بْراتی ءِ درَوَر نَنگ بَریں کَلدار نَہ بِیت
دِل کِہ بے روک اِنت ھیشتُم ءُ پاھار نَہ بیت
سَر کِہ شَیدا اِنت زانِش ءِ ھَمبار نَہ بِیت
گَر اَدَب گار اِنت پُھتئیں ھِچ کار نَہ بِیت
گیدی ءَ راج ءِ ھَستی ءِ پَجّار نَہ بِیت
بے تُپاکی ءَ سَنجی ءُ سِینگار نَہ بِیت
چَہ بَداں آجو گَوادَر ءِ بازار نَہ بِیت
چو اِمارات ءَ مَیزَراں چَھبار نَہ بِیت
کوٹ ءُ ماڈی ءُ سَلَّھ ءُ ڈولدار نَہ بِیت
بےگِھیں کِرد ءَ مَنگِھاں مالار نَہ بِیت
راجے ءِ نام ءَ تَنگَھیِ زِربار نَہ بِیت
تاں بَلوچ راستی ءَ مَہ زانت شِیباار نَہ بِیت
بے تُپاکی ءَ واجَہ ءُ اِلبار نَہ بِیت
ھوش ھُدا بُندے سْیَھ پَس ءُ سَھدار نَہ بِیت
گُژنَگیں گُرکانی رَم ءَ کَتّار نَہ بِیت
گَر کَسے ھَکّ ءَ پَد مَہ جَنت ھَکدار نَہ بِیت
چَمّ مَہ دار اِیت پَہ دُژمِناں چَمدار نَہ بِیت.
زِندَگیں راجے تاں اَبَد بَھروار نَہ بِیت
ھَکّ ےءِ بِیت مُلک ءَ دابَہ ءُ کَھوار نَہ بِیت
زِندَگینانی ھَکّ مُدام اِنکار نَہ بِیت
مُردَگاں زِند ءِ ھُرجُم ءُ پاھار نَہ بِیت
مُلکی ءِ واگدارے اَگاں زَھروار نَہ بِیت
ھَستی ءِ گَرک ءَ چو تُگ ءَ بَروار نَہ بِیت
راجے ءِ چَکّ ءَ چَہ ھَسَد ءَ سوار نَہ بِیت
پَہ کِریز ءَ ےءِ زَھرکِنیں سْیھمار نَہ بِیت
گَر بِہ مَنّ اِیت ےءِ ھَکّ ےءِ وَ اَلگار نَہ بِیت
نام ءُ نیم نام ےءِ"ڈاکوُ"ءُ "اِشرار" نَہ بِیت.؟؟!!.
🌴*🌻*🌴
اِے دُرّ ءُ گوھَریں گال چَہ بوھیر ءُ نمیرانیں شَھلَچّہَکار، آریپیں
پروپیسور.م.ی.دُرّا بَلوچءِ
شِنگ بوُتگیں وانَگی، جَدیں گوَربام ءَ دَرچِنَگ ءُ پَہ شَھد ءُ شَکَّلیں بَلوچی زُبان ءِ دوزواہ ءُ گُلیں وانوکاں شات اَنت.
ماتیں بَلوچی سَبز ءُ میزراں بات.ھَنچُش بات
شُمئے وشّی ءِ واھوک :
راجپَھاز بَلوچ
دَرگَت بِیستم ایرایاں
7015 بَلوچی
ھَمدَپ گوں
2015/10/8م
مَزنھور - کویت.
🌹💐🌹

ازیـــــز ارمان

ڈُکّال

دیما به نند تو جَنترءِ داناں به دروش مادر منی
روچ اِیر شُته ماں دیـگرءَ گپتگ شُدءَ برادر منی
دشتءِ کهیر چو سُتکگاں، کُنر گوں دازاں هُشک بیتگاں
ڈُکّالـے اتـکـگ امـبـری، هـُشـکءُ پـلار کهچر منی
چاتانی آپ هُشک بیتگاں مُرگ په وداراں مُرتگاں
هورے نه بـوتـگ بـنـدرءَ بـشـام رگام جـمبر منی
آ اُشترءُ مهری کُج انت ماهیگ آورت چه بندراں
همشامی شـــــپ سُـهب بـنـت درتگ بچار چادر منی
مئے سِستگاں پادءِ سواس پیش یے نگواهی کور دپی
په بے گـمیءَ نـشـتـگ ئے راج گِـهـیـں رهبـر منی
شـپ تئی هیالءِ ساهِگ گوستگ شُـدءُ بے وردنی
زِردءِ زهیراں که به بارت روکـیں دلءَ انگر منی
لـوگ جاهءُ پـــــٹءُ مئے دمگ بیتاں هرید ماں نیادیءَ
ارمان گُلیں ارساں مه گوار دستءَ شُتگ گوادر منی
@Labzank
telegram.me/Labzank

ازیـــــز ارمان

ڈُکّال

دیما به نند تو جَنترءِ داناں به دروش مادر منی

روچ اِیر شُته ماں دیـگرءَ گپتگ شُدءَ برادر منی

دشتءِ کهیر چو سُتکگاں، کُنر گوں دازاں هُشک بیتگاں

ڈُکّالـے اتـکـگ امـبـری، هـُشـکءُ پـلار کهچر منی

چاتانی آپ هُشک بیتگاں مُرگ په وداراں مُرتگاں

هورے نه بـوتـگ بـنـدرءَ بـشـام رگام جـمبر منی

آ اُشترءُ مهری کُج انت ماهیگ آورت چه بندراں

همشامی شـــــپ سُـهب بـنـت درتگ بچار چادر منی

مئے سِستگاں پادءِ سواس پیش یے نگواهی کور دپی

په بے گـمیءَ نـشـتـگ ئے راج گِـهـیـں رهبـر منی

شـپ تئی هیالءِ ساهِگ گوستگ شُـدءُ بے وردنی

زِردءِ زهیراں که به بارت روکـیں دلءَ انگر منی

لـوگ جاهءُ پـــــٹءُ مئے دمگ بیتاں هرید ماں نیادیءَ

ارمان گُلیں ارساں مه گوار دستءَ شُتگ گوادر منی
@Labzank
telegram.me/Labzank

.......... بلــــوچســـــتان ...........
....... کــورُشـــیں گــــال ........
مئے ســـاہ اِنــت بلــوچسـتان
مئے جــان انــت بلــوچسـتان
مئے زنــد ءِ ھمـــک درد ءِ
درمــــان انـــت بلـــوچسـتان

سـر سبـز چــو شــاداب اَنــت
دنیـــــا ءِ دگــہ کھچـــــــر
اپســـوز کـہ مـدام سُھــریــں
ھـــــونــان اِنــت بلــوچسـتان

پــرچـا مـن نـہ بــاں بنــدیــگ
پــرچـا مـن نـہ بــاں کـولیــگ
کــہ زِھــریـں تیـــرانـــی
دیـمپـــان اِنـت بلــــوچســتان

پــل کُــرتــگ ھـــزار رنــد ءَ
دنـــگـاں چــہ ھمـے زیــــداں
انـگـــت ھـــم دگـــہ ڈنـــــی
دســـتان اِنــت بلــــوچســـتان

مـیــراس نـہ انــت مـیـــــر ءُ
ســـردار ءُ نــوابــــانـــــی! !
جھــگــیر پـــہ وتـــــی
سـولیـں بچّـاں اِنـت بلـوچسـتان

دل بیــت اِنــت چـتــــور رازی
مُــــــلّا چـــہ تئـــی وازاں! !
وھـــــــدے کــــــہ منــــی
دیـن ءُ ایمــان اِنـت بلــوچســـتان.
🌴 کـــــورُشـــــیں گــــال 🌴
🌱 جـــــی آر مــــــلا 🌱
لبزانکی مجلس کلمتی کاروان.

🌸🌸🌸🌸🌸🌸🌸🌸🌸🌸🌸🌸 دز گٹـــــیں

🌸🌸🌸🌸🌸🌸🌸🌸🌸🌸

دَز گٹّـیں زِنـد نمازءِ وانَـگءَ گِـران انـــــت

بلئے نمازءِ وانَـگ دَز گٹّـیں زِنـدءَ اسان کـنت

@Labzank
telegram.me/Labzank

بـتـل
✅ سرءِ مودءُ دپءِ دنتاناں وپا نیست-
✅ دُنیا پـه اُمیت برجاه اِنـت
✅ مردم پَه گلءَ بال نه کنت چه گَـمءَ نـه مرایت .
✅ بـے هُنریں مرد بـے بانزُلیں مُرگ انت

@Labzank
telegram.me/Labzank

🌸🌸 دُریں دانـــــک🌸🌸

* زانتکار هما انت که دگرانی پنتاں گوش داراِیت
* مردمءِ لائقی چه ائیءِ زانتءَ پجّاه آرگ بیت چه ائیءِ رنگءُ دروشمءَ اِنّاں

* دنیاءِ چه درستاں ارزان تریں کار دگرءِ ڈوبارگ اِنت ، ءُ چه درستاں گرانتریں کار وتی جندءِ ردیاں زانگءُ ایانی هلاس کنگءِ جُهد کنگ اِنت
@Labzank
telegram.me/Labzank

وھدے پاول ولاسوف ءِ ماتءَ آ ءُ آئی ءِ سنگتاں جُست کُت کہ من اِش کُتگ کہ شما ھُداءِ منوگر نہ اِت ءُ ھُداءَ نہ من ات.
پاول ولاسوف ءَ جواب دات " ماتی ما ھما ھُداءِ گپءَ نہ ایں کہ تئی دلءَ نِشتگ کہ مزن دادین ءُ سازین اِنت مھریگ ءُ مھروان اِنت ءُ گوں وتی بندگاں مھر زرشان ایت "
ما ھما ھُداءِ گپءَ کنگ ایں کہ مُلا ءُ پادری آں مئے سرءَ مُشتگ کہ ھر وھد لٹ دست اِنت ءُ مھلوکءَ شورینگ اِنت ءُ ھر وھد ملام اِش کنت.
ماتی!! یک روچے ما وتی ھُداءَ چہ مُلا ءُ پادری آنی بندیگیءَ پچ گِر ایں. ءُ وتی دِلءَ جاہ دئیں ءُ پہ آئی ءَ نازینک جن ایں.
چہ میکسم گورکیءِ کتاب " ماتءَ " بھرے
رجانکّار اکبال ھاشمی

🌹🌹🌹🌹🌹🌹🌹🌹🌹🌹🌹🌹

رمـزان کاٹاریں جـــــدائیءَ چـه پَـد ائید وشءُ شادهانی روچ شماراءُ شمے لوگ مردماں مُـــــراد بات🌹🌹🌹
مے دوا انت شمے نمازءُ روچگ دگه ابابت ماں پاکیں هاوند درگاهءَ کبول باتاں (شالا انچوش بات)

@Labzank
telegram.me/Labzank

☀️
; تیس کلات;

جی او منی تیسءِ کلات
کرباں په تو مئے چکءُ برات
دوست ئے چو ساهءَ تو منءَ
اے زند په تو ندر بات
بیا من ترا جُستے کناں
چه دورءُ وهداں پیسری
آ دورءُ باریگ وژدلیں
آ روچ چو کوهءَ مِک اِت ئے
ترشتیں تلارءَ سَک اِتءِ
سدهاں سدیگ اِت گوستگ انت
شاهانی شاه اِت دیستگ انت
باریں کجا رپت انت آ روچ
شیرءُ مزار بیمیں بلوچ
☀️
دومی ترا جستءَ کناں
باریں ترا چون انت بگوش
پرچا تو پُرشتگ تُش تُش ئے
بُرزیں هساراِت لُمبتگ
کس تی گورءُ کرءَ نه ات
کسے دپی جُستے نه کنت
زاناں تی وهد کُٹ اِتگ
راجے که آ روچ مهتل ات
ساهءَ وتی کربان به کنت
په لجءُ ننگءِ هاترا
مرچی تئی پچاڑءَ نه انت
☀️
جـــــی او منی تـیـس کلات
تو بے وسءُ من بے وساں
تو که هیالانی پڑءَ
مـن گوں اُمـــــیتءُ واهگاں

شاهر: بابل همراز

@Labzank
telegram.me/Labzank

☀️
'' تیسءِ کلاتءِ پسو''

تیسءِ کلاتءَ کوهنگیں
چست کت وتی گردن دمـے
دست گَست اِتءُ هیرانی کُت
یک گرمیں گینی یـے کش اِتی
چُستءَ منی داتی جواب
پر چی منءَ تژن جن ئے
☀️
من لائیکءِ تژنءَ نیاں
تو چے گوش ئے من پُرشتگاں
اے باوری گپے نه انت
چست انت منی سر دائمءَ
دنیاهءِ راجانی تها
پُرشتگ منی راج منگهیں
یک یکءُ دانگ، دانگیں
راجءَ تپاکی یل کُتگ
وت براتءَ جنگءُ جیڑه انت
آماچ انت کستءُ کینگءِ
آ وهد که باریگ ات منی
کسءَ نزانت چی یے هسد
کینگ چے پیمیں رسترے
هر کُنڈءَ چـم شانک داتگ انت
مئے هندءُ ڈیههءِ سیمسراں
شیرءُ مزار اُشتاتگ انت
☀️
تو چے گوش ئے من پُر شتگاں
تو پُرشتگ ئے همبل منی
که چم تو وتی سک داتگ انت
اے کاسگءُ آ کاسگءَ
بلکیں دپارے سِرتگیں
گُژنءَ تی تیلانک بدات
ناگت همے گپءِ پدا
لگ ات منی دل لرزگءَ
کپتاں ما پیشی ترانگاں

شاهر: بابل همراز
@Labzank
telegram.me/Labzank

ایمّاندار ءُ راست گْوشیں لچّہ کار ۔۔۔۔۔۔۔ مُراد ساھِر
چَہ 1975 ءَ بگر داں جلکشان 1998 ءَ ما ءُ ساھِر ءَ یکّیں جُلگھیں شھر مائی کُلاچی (کراچی) ءَ زِند گْوازینتگ، بُنگیج ءَ بگر تانسر روچ پہ روچ نزّیک تر بیان بوتگیں برے لچّہ گْوشی دیوانے ءَ، برے رھگْوزی برے آ وت آتکگ برے من آئی ءِ چارگ ءَ شُتگاں کمّ ءُ گیش ماھے دو بر ءَ یا دو ماہ ءَ یکرندے الّم ءَ دُچار کپتگیں۔
1985 ءَ رَند ساھر ءَ سکّیں نگیگیں زندے گْوازینتگ لوگی مشکل ءُ جنجالاں سکّ اڑینت، جاوراں پریشان کُت چُکّ ءِ نادْراھی ءَ گیشتر گَم جَت ءُ گَھدِل کُت۔ آئی ءَ وانگ ءُ نبیسّگ وتی جاگہ ءَ ، ادب ءِ پڑ یک وڑے یلو داتگ اَت۔ راجدوست ءُ زُبان دوستاں ساھر ءِ سر ءَ کپتگیں مُشکل ءُ گْرانی مار اِت اَنت۔ پہ آئی ءِ دَردانی دَرمان کنگ ءَ ھمدَست ءُ تپاک بوت اَنت۔ ساھر ءَ دلبڈّی اِش دات تا کہ آ وت ءَ ایوک ءُ تھنا مہ مار اِیت۔ ”بلوچی لبزانک“ ءَ وتی سَلاھکاری دیوان ءِ کماش کُت۔ سید ھاشمی اکیڈمی ءِ شِنگ کُتگیں آئی ءِ لچّھانی دومی دَپتر ”چیھال“ ءَ چَہ سرکار ءِ نیمگ ءَ داد (انعام) رس اِت۔ مزن ھور (خلیج) ءِ زُبان دوستاں آ مزن ھور ءَ لوٹائینت ءُ آئی ءِ شرپ ءَ دیوان کُت۔ مراد ساھر راجی مِھر ءُ تسلّایاں نوکیں زندے بکشات آئی ءَ ملکمیت جواب کُت اگاں راج ءَ دلبڈّی مہ داتیں ساھر چیزے سال پیسر مُرتگ اَت۔
تاکشان 1993 ءَ مراد ساھر ءَ من ءَ ڈَکّ ءُ سَکّ کُت کہ من پہ ””بلوچی لبزانک“ ءَ ھَمُک ماہ چیزے ناں چیزے بہ نبیسّاں من گوں آئی ءَ لَبز ءُ کَبز کُت گُڑا ھمُک ماہ یا پہ ھمُک تاکبندے ءَ چار کِشک کشّ اِت ءُ دات کہ انگّت گِرّاں۔
بھاران 1994 ءَ رند ما گوں یکّ ءُ دِگر ءَ سکّ نزّیک بوتیں ھپتگے یک رندے دو رند ءَ لازُم گْوانکو ءِ سر ءَ گپّ جَت۔ گْوانکو ءِ تہءَ برے وھدے ”لچّہ گْوشی دیوان“ ھم رِد ءُ بند داتگ اَت۔ یک روچے من وتی یک دستونکے گْوشگ ءَ اِتاں آ ئِے گوشدارگ ءَ اَت۔ آسر ءَ گْوشت ئِے ایشی ءَ پہ ھمے ماہ ءِ ”بلوچی لبزانک“ ءَ راہ بدے۔
18 جلَکشان 1998 ءَ من مُلک ءَ سر گپتگ اِتاں بس ءِ ٹِکِٹ گپتگ اَت کہ ھمبلے ءَ یک نہ وشّیں ھالے من ءَ دات گْوشت ئِے کہ بلوچی ادب ءِ لچّہ کار چراگ لاشاری بیران بوتگ من ءَ گْوش ئے دردے ءَ پتات۔ آئی ءِ مرگ ءَ چیزے روچ گْوستگ اَت کہ من ءَ ھال رس اِت گوں دوریں دلے مُلک ءَ شُتاں۔
16 تومشان 1998 ءَ پد ءَ کراچی ءَ واتروں کُت۔ دل ءَ اَت کہ مرچی یا باندات چراگ ءِ پُرساں رواں چما دیم ءَ ساھر ءَ سرے جناں دگہ ھم ھمبلے گِندگیگ اِنت کہ منی آیگ ءِ ھال ءَ سھیگ نہ اِنت ھمے گرٹیانی تہ ءَ اِتاں کہ 19 تومشان ءِ روتاک ءَ من مُراد ساھر ءِ بییرانی ءِ شُومّیں ھال وَنت گْوش ئے دو جَمکیں تیرے منی دل ءُ سرجَگراں مان آتک۔ زانتکاریں بلوچاں گْوشتگ،
دِلسَریں کار ءُ دلجَمیں اولاک
پہ ھَوَس پیداگ نہ بنت ھر روچ
دِلسَریں کاڑانی بدل گار اَنت
دِلجَمیں اولاک پہ گَبَر باز اِنت
مروچی بے مراد ساھر ءَ گْوش ئے وش نہ اِنت بلوچ راج چَہ یک ایمّاندار ءُ راستگْوشیں انسانے ءَ پہ بُنُکّی زِبَھر بوت۔ بلوچی زُبان ءِ یک بے دروریں دَردوار ءُ گموارے ءَ مارا رَمبینت۔ کُلاچی ءِ ادبی دیوان بے آئی ءَ بے سپاہ اَنت۔ اے بے تاھیریں دلاں چتور بہ تْرھین ایں کہ پہ ساھر ءِ گُلیں نیاداں چو بَلّی کپوتاں نال اَنت۔
مئے مریاں گوں چھتھیں گیساں
مئے پُلاٹاں گوں کِرکیںگ گْورکاں
میش پَرا تْرادان ءَ زَر اَنت بوریں
زال پرا اپسی کَھن دلارامیں
بور گِرّ اَنت پہ کُلبری داناں
مارا ساھر ءَ یلو دات ءُ شُت نی مارا باید اِنت کہ ھمائی ءِ ایر کُتگیں چیدگانی پد ءَ وتی مُرادانی منزل ءَ شوھاز بہ کنیں وتی شھدیں زُبان ءَ بہ پھریزیں۔ پہ راج ءِ ھمدست ءُ تپاک کنگ ءَ بہ تکشیں وتی ماتی گُلزمین ءَ ماں بدیں جَورانی دست ءَ مدے ایں اگاں ما چوش کُت گُڑا بزاں ساھر زندگ ءُ نمیران اِنت اگاں نہ !
سِستَگیں ساہ پہ کڈّناں پَیوَست نہ بنت
آ گُلیں ڈَمبانی میار، نی پد ءَ ھست نہ بنت
عابِد آسکانی
”گُل سسّا“

@Labzank
telegram.me/Labzank

پس ءُ پکنک

زرتگاں چیز پکنکے پس تی کمی اِنت
پس تو ھمراہ نئے پس تی کمی اِنت

دادو بشام ءَ اِے اَئید ءَ گوشتگ رؤیِں
دان گل محمد ءَ لوگ ءَ آورتگ اَنت
سِیرک ءُ گرجہ ءُ پیماز پچ گیپتگ اَنت
چُّل ءِ آورتگاں واد ءُ مرچ و شکر
دُزاِتگ کُکّڑے پس تئ کمی اِنت

کوپ ءُ استان و جگ ششتگاں امجدءَ
دوست و سنگت درھیں گشتگاں امجدءَ
اِے وڑا پس نہ انت توکہ گوں ماں کتگ
پس تی قیمت چیا انچو برزا شتگ
سُدّھ زاناں نئے پس تی کمی اِنت

ماسی ماہ گنج ءِ منجل ما پچ گیپتگاں
دار درمحمد ءِ پروشتگاں واڑے ما
شیک آورتگاں چَر جتگ خالو ءَ
شعرے بستگ پدا بزگیں لالو ءَ
وشیں پکنک بلے پس تئ کمی اِنت

(لالوپیشوکانی)
@Labzank
telegram.me/Labzank

کَچـکـول ءُ اســاے زیــراں

دیــم پـہ جھــان ءَ

بـاور کـن

اِشـک ءِ سَپَـر گـران انـت

دل گنــوک ءُ ابـدال

ھشکـیں زھـیر

گـوں کُنٹـگیں دار ءَ

دستے شھــار

تـرانـگ ءُ زھیـراں

وت ءَ مــن داگ داتـگ

گمــانـی پُرشـتگیـں بـالاد ءَ

بسـتگ مـن وتـی کَـپُن

مھـر ءَ کجـا چے درگیجــاں

راسـت نـہ بنـت پـاد منــی

تئــی شـوھـاز ءَ

بے بـرمـش ءُ تـوار ءَ

وت ءَ درگیـجـاں.
ــ ھـــارون اخــلاقــی @
لبـزانکـی مجلـس کلمتـی کـاروان @

تـهـنـا مـکـن نـمـاز تـرا جنّـتءَ نه بـارت
ریـپیـنءُ مـکـن واز تـرا جنـّتءَ نه بـارت

همساهگے مریـتءُ تـرا ونـڈے بهـر بیـت
هیـله مـکـن تـو بـاز تـرا جنـّت نه بـارت

آ سـرپـدانـت آ زانـت جهـانـانـی مالک انت
لـوگءُ مسـیتءِ گـواز تـرا جنّـتءَ نه بارت

مـن کشـتگـوں هـرامءُ تـو کشـتگـئے هـلار
چـُش پندلاں مه ساز تـرا جنـّتءَ نه بـارت

بازارءِ مردماں گوں اجب گپءُ تران کنـت
لوگـبانـکءَ گـوں ناز تـرا جنـّتءَ نه بـارت

احمد رحیم امجد
@Labzank
telegram.me/Labzank